Lajmidites.com

Tag: shkakton

  • Obeziteti tek fëmijët shkakton pubertet të hershëm, rrezik për sëmundje të rënda

    Obeziteti tek fëmijët shkakton pubertet të hershëm, rrezik për sëmundje të rënda

    Nëse fëmijët në moshën tre vjeçare kanë peshë të tepërt trupore, ka mundësi që në moshën nëntë vjeçare të hyjnë në pubertet.Sipas shkencëtarëve shkak i pubertetit të hershëm është hormone leptinë, i cili lirohet nga indi yndyror.

    Rezultatet e hulumtimit të bërë në Universitetin e Michiganit paraqesin edhe një dëshmi të re në një sërë dëshmish ekzistuese, të cilat sugjerojnë që obeziteti shkakton trend gjithnjë e më të hershëm të hyrjes së vajzave të vogla në pubertet.

    Hulumtimi mbështetet në përcjelljen nëntëvjeçare të kësaj moshe.Njëkohësisht paralajmërojnë që në fazën e më vonshme puberteti i hershëm, mund të kushtëzojë rrezik më të madh për shfaqjen e ndonjë karcinomi, posaçërisht të kancerit të gjirit.

  • Pse kafeja shkakton ankth tek disa njerëz

    Pse kafeja shkakton ankth tek disa njerëz

    Për shumë njerëz, kafeja është burim energjie, një pushim i këndshëm ose një mënyrë për të krijuar një lidhje shoqërore. Megjithatë, konsumi i saj mund të shkaktojë ankth dhe nervozizëm tek disa persona.
    Dhe sipas një studimi, njerëzit që janë më të prirur të ndiejnë shqetësime të tilla janë ata që nuk pinë rregullisht kafe.
    Kafeina dhe nervozizmi

    Kafeina mund të shkaktojë një rritje të perceptimit duke stimuluar trurin. Ky efekt e bën një person më të vetëdijshëm për gjërat që mund ta bezdisin, duke rritur kështu nervozizmin. Gjithashtu, kur dikush që është mësuar të konsumojë sasi të mëdha kafeine, përpiqet të heqë dorë ose të reduktojë sasinë e saj, mund të vihet re një rritje e nervozizmit.
    Kafeina dhe ankthi
    Ankthi është një ndjenjë shqetësimi. I njëjti proces kimik në tru që shkakton rritjen e vigjilencës mund të rrisë ankthin duke ju bërë më të vetëdijshëm për të gjitha rezultatet e mundshme negative në një situatë. Megjithatë ndikimi që kafeina ka tek ankthi dhe nervozizmi janë individuale. Njerëzit që nuk konsumojnë rregullisht kafeinë ose që përjetojnë shpesh momente ankthi dhe nervozizmi edhe nëse nuk pinë kafe, priren të kenë një përgjigje më të fortë ndaj efekteve të kafesë. Në këtë rast ekspertët rekomandojnë heqjen dorë gradualisht nga kafeina me hapa të ngadaltë por të qëndrueshëm. Në vend të kafesë ju mund të pini çajra të ndryshëm.

  • Video/ Shqipëria pa ide, një penallti shpëton kuqezinjtë në Gjibraltar

    Video/ Shqipëria pa ide, një penallti shpëton kuqezinjtë në Gjibraltar

    Shqipëria ka fituar në miqësoren e luajtur përballë Gjibraltarit me rezultatin 0-1, falë një penalltie të Jasir Asanit.

    Sfida e luajtur në “Europa Point Stadium” dhe e transmetuar drejtpërsëdrejti në DigitAlb, nis me një ritëm të ulët, teksa rastet ishin të pakta.
    Kuqezinjtë provuan disa herë me Asanin dhe Berishën nga distanca, por pa e tundur dot rrjetën.
    Gjithsesi, goli erdhi në minutën e 69’, falë një 11-metërshi që u fitua nga një prekje e topit me dorë në zonë dhe që u shndërrua në gol nga Jasir Asani.
    Skuadra e Sylvinhos u mundua të shënonte dhe golin e dytë, por pa mundur të depërtonin mbrojtjen vendase.
    Kështu Shqipëria shpëtoi nga një rezultat i turpshëm përballë një kundërshtari modest, ndërsa kuqezinjtë do të përgatiten për duelin e radhës me Letoninë në Tiranë, e vlefshme për Kualifikueset e Botërorit 2026, e cila gjithashtu do të transmetohet drejtpërsëdrejti në DigitAlb.
    REZULTATI:
    GJIBRALTAR 0-1 SHQIPËRI
    Asani (P) 69′
    KOMENTI LIVE:
    90+4′ Mbyllet sfida me fitoren 0-1 të Shqipërisë!
    90+3′ Asani shkakton një ndërhyrje të gabuar dhe ndëshkohet me karton të verdhë.
    90′ Akordohen 4 minuta shtesë.
    88′ Shpendi lëviz bukur në zonë dhe godet me të djathtën, por ndalet nga portieri kundërshtar.
    84′ Shpendi merr një top në zonë dhe tenton dy herë të godasë, por bllokohet nga mbrojtja vendase.
    80′ Zëvendësim te Gjibraltari. Largohet Pozo dhe në vendin e tij futet El Hmidi.
    76′ Zëvendësim te Gjibraltari. Largohet Valarino, në vendin e tij futet Mauro.
    75′ Çokaj shkakton një ndërhyrje të gabuar dhe ndëshkohet me karton të verdhë.
    71′ Zëvendësim te Shqipëria. Largohet Bajrami dhe në vendin e tij futet Çokaj.
    69′ GOOOL SHQIPËRIA 1-0/ Jasir Asani tregohet i saktë nga pika e bardhë e penalltisë. (VIDEO)
    68′ Penallti për Shqipërinë pas një prekje të topit me dorë në zonë nga Pozo.
    67′ Zëvendësim te Gjibraltari. Largohet Del Rio dhe në vendin e tij futet Gomez.
    63′ Jolley shkakton një ndërhyrje të gabuar dhe ndëshkohet me karton të verdhë.
    61′ Zëvendësim te Shqipëria. Largohet Dajsinani dhe në portë e zëvendëson Simoni.
    60′ Hoxha hyn në zonë dhe godet me të majtën, por topi shkon mbi kuadrat.
    57′ Bajrami hyn bukur në zonë dhe pason për Shpendin, i cili godet jashtë kuadratit.
    56′ Balliu hedh një krosim në zonë, por devijohet nga McClafferty, i cili rrezikon autogolin.
    52′ Hoxha pason për Asanin, i cili me portën e boshatishur e çon topin në rrjetë, por anësori ndaloi aksionin për një pozicion të parregullt.
    51′ Pajaziti godet nga distanca, por topi shkon jashtë kuadratit.
    48′ Maldini Kacurri shkakton një ndërhyrje të gabuar në hyrje të zonës dhe ndëshkohet me karton të verdhë.
    46′ Tre zëvendësime te Gjibraltari. Largohen Torrilla, Lopes dhe De Barr, në vendet e tyre futen Perera, Olivero dhe Borge.
    46′ Tre zëvendësime te Shqipëria. Largohen Daku, Hysaj dhe Broja, në vendet e tyre futen Shpendi, Balliu dhe Hoxha.
    46′ Nis pjesa e dytë!
    45+3′ Mbyllet pjesa e parë me rezultatin 0-0.
    45′ Akordohen 3 minuta shtesë.
    44′ Medon Berisha tenton sërish me një gjuajtje nga distanca, por këtë herë topi devijohet nga mbrojtësi dhe më pas nga traversa.
    34′ Medon Berisha tenton me një gjuajtje nga distanca, por topi devijohet në fund nga portieri Banda.
    31′ Nedim Bajrami hedh një kros në zonë, me topin që largohet nga mbrojtja kundërshtare.
    20′ Del Rio provon me një gjuajtje brenda zonës, por Dajsinani ishte i përgatitur duke e kontrolluar topin pa probleme.
    19′ Asani merr një top në krahë dhe tenton të surprizojë portierin, por topi shkon sërish jashtë.
    17′ Asani tenton me një gjuajtje nga distanca, por topi shkon jashtë kuadratit.
    16′ Valarino shkakton një ndërhyrje të gabuar ndaj Asanit dhe ndëshkohet me karton të verdhë.
    15′ Broja lëviz bukur drejt zonës, duke pasuar për Dakun, i cili nuk godet siç duhet.
    1′ Nis sfida në Europa Point Stadium!
    Formacionet Zyrtare:

    Top Channel

  • Një penallti shpëton kuqezinjtë/ Shqipëria fiton miqësoren me Gjibraltarin

    Një penallti shpëton kuqezinjtë/ Shqipëria fiton miqësoren me Gjibraltarin

    Shqipëria ka fituar në miqësoren e luajtur përballë Gjibraltarit me rezultatin 0-1, falë një penalltie të Jasir Asanit.
    Sfida e luajtur në “Europa Point Stadium” dhe e transmetuar drejtpërsëdrejti në DigitAlb, nis me një ritëm të ulët, teksa rastet ishin të pakta.
    Kuqezinjtë provuan disa herë me Asanin dhe Berishën nga distanca, por pa e tundur dot rrjetën.
    Gjithsesi, goli erdhi në minutën e 69’, falë një 11-metërshi që u fitua nga një prekje e topit me dorë në zonë dhe që u shndërrua në gol nga Jasir Asani.
    Skuadra e Sylvinhos u mundua të shënonte dhe golin e dytë, por pa mundur të depërtonin mbrojtjen vendase.
    Kështu Shqipëria shpëtoi nga një rezultat i turpshëm përballë një kundërshtari modest, ndërsa kuqezinjtë do të përgatiten për duelin e radhës me Letoninë në Tiranë, e vlefshme për Kualifikueset e Botërorit 2026, e cila gjithashtu do të transmetohet drejtpërsëdrejti në DigitAlb.
    REZULTATI
    GJIBRALTAR 0-1 SHQIPËRI
    Asani (P) 69′
    KOMENTI LIVE:
    90+4′ Mbyllet sfida me fitoren 0-1 të Shqipërisë!
    90+3′ Asani shkakton një ndërhyrje të gabuar dhe ndëshkohet me karton të verdhë.
    90′ Akordohen 4 minuta shtesë.
    88′ Shpendi lëviz bukur në zonë dhe godet me të djathtën, por ndalet nga portieri kundërshtar.
    84′ Shpendi merr një top në zonë dhe tenton dy herë të godasë, por bllokohet nga mbrojtja vendase.
    80′ Zëvendësim te Gjibraltari. Largohet Pozo dhe në vendin e tij futet El Hmidi.
    76′ Zëvendësim te Gjibraltari. Largohet Valarino, në vendin e tij futet Mauro.
    75′ Çokaj shkakton një ndërhyrje të gabuar dhe ndëshkohet me karton të verdhë.
    71′ Zëvendësim te Shqipëria. Largohet Bajrami dhe në vendin e tij futet Çokaj.
    69′ GOOOL SHQIPËRIA 1-0/ Jasir Asani tregohet i saktë nga pika e bardhë e penalltisë. (VIDEO)
    68′ Penallti për Shqipërinë pas një prekje të topit me dorë në zonë nga Pozo.
    67′ Zëvendësim te Gjibraltari. Largohet Del Rio dhe në vendin e tij futet Gomez.
    63′ Jolley shkakton një ndërhyrje të gabuar dhe ndëshkohet me karton të verdhë.
    61′ Zëvendësim te Shqipëria. Largohet Dajsinani dhe në portë e zëvendëson Simoni.
    60′ Hoxha hyn në zonë dhe godet me të majtën, por topi shkon mbi kuadrat.
    57′ Bajrami hyn bukur në zonë dhe pason për Shpendin, i cili godet jashtë kuadratit.
    56′ Balliu hedh një krosim në zonë, por devijohet nga McClafferty, i cili rrezikon autogolin.
    52′ Hoxha pason për Asanin, i cili me portën e boshatishur e çon topin në rrjetë, por anësori ndaloi aksionin për një pozicion të parregullt.
    51′ Pajaziti godet nga distanca, por topi shkon jashtë kuadratit.
    48′ Maldini Kacurri shkakton një ndërhyrje të gabuar në hyrje të zonës dhe ndëshkohet me karton të verdhë.
    46′ Tre zëvendësime te Gjibraltari. Largohen Torrilla, Lopes dhe De Barr, në vendet e tyre futen Perera, Olivero dhe Borge.
    46′ Tre zëvendësime te Shqipëria. Largohen Daku, Hysaj dhe Broja, në vendet e tyre futen Shpendi, Balliu dhe Hoxha.
    46′ Nis pjesa e dytë!
    45+3′ Mbyllet pjesa e parë me rezultatin 0-0.
    45′ Akordohen 3 minuta shtesë.
    44′ Medon Berisha tenton sërish me një gjuajtje nga distanca, por këtë herë topi devijohet nga mbrojtësi dhe më pas nga traversa.
    34′ Medon Berisha tenton me një gjuajtje nga distanca, por topi devijohet në fund nga portieri Banda.
    31′ Nedim Bajrami hedh një kros në zonë, me topin që largohet nga mbrojtja kundërshtare.
    20′ Del Rio provon me një gjuajtje brenda zonës, por Dajsinani ishte i përgatitur duke e kontrolluar topin pa probleme.
    19′ Asani merr një top në krahë dhe tenton të surprizojë portierin, por topi shkon sërish jashtë.
    17′ Asani tenton me një gjuajtje nga distanca, por topi shkon jashtë kuadratit.
    16′ Valarino shkakton një ndërhyrje të gabuar ndaj Asanit dhe ndëshkohet me karton të verdhë.
    15′ Broja lëviz bukur drejt zonës, duke pasuar për Dakun, i cili nuk godet siç duhet.
    1′ Nis sfida në Europa Point Stadium!
     

  • Moti i keq shkakton aksident në Elbasan-Tiranë, dy mjete përplasen në rrugë (Detaje)

    Moti i keq shkakton aksident në Elbasan-Tiranë, dy mjete përplasen në rrugë (Detaje)

    Sot.com.al është një media online, që ka për qëllim informimin e paanshëm duke vënë profesionalizmin në plan të parë. Ky portal informativ është një alternativë e re që rreket të krijojë nje hapësirë sa më të lirë për gazetarinë e vërtetë. Përvoja e gjatë dhe nevoja për të shkuar sa më pranë të vërtetës, janë vijat mbi të cilat do të shkruajë media jonë.

  • Zjarret në vend/ Ministri Hoxha: Dënoj me ashpërsinë më të madhe çdo akt që shkakton zjarrvënie, asnjë tolerancë

    Zjarret në vend/ Ministri Hoxha: Dënoj me ashpërsinë më të madhe çdo akt që shkakton zjarrvënie, asnjë tolerancë

    Ministri i Brendshëm, Ervin Hoxha dënon çdo akt që shkakton zjarrvënie dhe rrezikon jetën, shëndetin dhe pronën e qytetarëve. Ai shkruan për zero tolerancë, ku edhe ka një mesazh për banorët e prekur nga zjarret, që të binden dhe të braktisin banesat që rrezikohen nga flakët. ”Gjithashtu dua ti bëj thirrje çdo qytetari të tregojë përgjegjësi maksimale, të shmangë çdo veprim që mund të shkaktojë zjarr, dhe të njoftojë menjëherë autoritetet në rast se konstaton vatra zjarri”.
    Postimi i plotë

    Nisur nga situata e përkeqësuar me zjarret në orët e fundit, dënoj me ashpërsinë më të madhe çdo akt, qoftë i qëllimshëm apo nga pakujdesia, që shkakton zjarrvënie dhe rrezikon jetën, shëndetin dhe pronën e qytetarëve.
    Temperaturat e larta dhe kushtet atmosferike favorizojnë përhapjen e flakëve, duke shtuar rrezikun për pasoja të pariparueshme. Çdo person që, me veprime apo mosveprime, bëhet shkak për zjarrvënie, është drejtpërdrejt përgjegjës për një akt të rëndë që mund të kushtojë jetë njerëzish dhe të shkatërrojë pasuri publike e private të pariparueshme.
    Agjencitë ligjzbatuese duhet të reagojnë menjëherë, me vendosmëri dhe pa asnjë tolerancë, ndaj çdo autori të këtyre veprave penale. Hetimi dhe ndëshkimi i zjarrvënësve do të jetë prioritet absolut dhe askush nuk do ti shpëtojë drejtësisë. Gjithashtu dua ti bëj thirrje çdo qytetari të tregojë përgjegjësi maksimale, të shmangë çdo veprim që mund të shkaktojë zjarr, dhe të njoftojë menjëherë autoritetet në rast se konstaton vatra zjarri.
    Po ashtu, u kërkoj banorëve që në rast rreziku të dëgjojnë dhe të zbatojnë pa vonesë udhëzimet e autoriteteve, veçanërisht urdhrat për evakuim. Çdo minutë mund të bëjë diferencën mes shpëtimit dhe tragjedisë! Mbetemi të vendosur të mbrojmë jetën, pronën dhe mjedisin, duke përdorur çdo mjet ligjor për të goditur pa mëshirë këdo që i shkel dhe i rrezikon ato.

  • Thatësira europiane zbulon historinë

    Thatësira europiane zbulon historinë

    Vera jashtëzakonisht e nxehtë ka bërë kërdinë në shumë zona rreth Europës, me disa vende që vuajnë thatësirën më të keqe në dekada. Por ndërsa thatësira po shkakton vonesa në transportin detar dhe po shkakton mjaft probleme për fermerët, nivelet e ulëta të ujit kanë zbuluar gjithashtu disa pjesë të historisë që janë parë rrallë.

    Në provincën qendrore të Spanjës, Caceres, arkeologët u lumturuan kur uji në rezervuarin e Valdecanas u tërhoq, duke ekspozuar Dolmenin e Guadalperal-it.

    I quajtur Stonehenge Spanjoll, rrethi i dhjetëra gurëve megalitik besohet se daton që në vitin 5000 para Krishtit. Monumenti natyror u zbulua nga arkeologu gjerman Hugo Obermaier në vitin 1926, por zona u përmbyt në vitin 1963 nga një projekt zhvillimi rural gjatë epokës së diktaturës së Francisco Frankos. Që atëherë ky monument është bërë plotësisht i dukshëm vetëm katër herë.

    Në mënyrë të ngjashme në Gjermani, niveli i ujit në lumin Rinit ka rënë duke zbuluar gurë të zhytur në ujë me data të vjetra të gdhendur sipër. Por rishfaqja e të ashtuquajturve “gurët e urisë” nuk ka qenë e mirëpritur nga gjermanët, të cilët e shohin atë si një paralajmërim dhe kujtesë për vështirësitë me të cilat u përballën njerëzit gjatë thatësirave të mëparshme.

    Ushtria italiane në fillim të gushtit u thirr për të kryer një shpërthim të kontrolluar të një bombe të Luftës së Dytë Botërore të zbuluar në ujërat e ulëta pasi lumi Po. Vendi po përballet me thatësirën më të madhe në 70 vjet dhe në zonat përreth lumit Po është shpallur gjendjen e jashtëzakonshme.

    Liqeni më i madh i Italisë dhe destinacioni kryesor turistik, Garda ka vuajtur gjithashtu nga thatësira dhe së fundmi një plazh shkëmbor u shfaq në Sirmione. Shtrati i shkëmbinjve nuk ishte zbuluar prej shumë vitesh dhe turistët u panë duke shijuar plazhin e sapo zbuluar.

    Klan News

  • Do të habiteni kur të zbuloni se çfarë i shkakton kondicioneri lëkurës suaj!

    Do të habiteni kur të zbuloni se çfarë i shkakton kondicioneri lëkurës suaj!

    Qëndrimi i gjatë në një dhomë të kondicionuar mund t’i shkaktojë dëme lëkurës suaj. Kondicionerët punojnë duke larguar lagështinë nga ajri për të ftohur ambientin, por në këtë proces, ata largojnë edhe hidratimin e nevojshëm nga lëkura, duke e lënë atë të thatë, të dehidratuar dhe të prirur ndaj plakjes së parakohshme. Klima mund të thajë lëkurën dhe t’u shkaktojë kruajtje.
    Kondicionerët nuk largojnë vetëm nxehtësinë nga ajri, por edhe lagështinë. Mungesa e lagështisë ndikon drejtpërdrejt në lëkurë, duke shkaktuar tharje të tepruar. Shtresa më e jashtme e lëkurës, epidermisi, është e para që dëmtohet dhe kur nuk është mjaftueshëm e hidratuar, ndikon edhe në shtresat më të thella. Me kalimin e kohës, kjo shkakton kruarje, skuqje dhe irritim.

    Efekti i kondicionerit në lëkurë mund të bëjë që këto simptoma të jenë edhe më të dukshme, ndaj është e rëndësishme të mbani hidratimin dhe të përdorni produkte që riparojnë lagështinë dhe mbrojnë lëkurën.
    Përdorni një hidratues që mban lagështinë, pini shumë ujë për të hidratuar lëkurën nga brenda. mendoni të përdorni një lagështues ajri për të rikthyer lagështinë në ambient, veçanërisht në dhomat e kondicionuara. Kondicioneri ul temperaturën e ambientit në rreth 18-26°C dhe trupi juaj redukton djersitjen përveç në zona si sqetullat, pëllëmbët dhe shputat.

  • Ushqimet që përkeqësojnë dhimbjen e kokës

    Ushqimet që përkeqësojnë dhimbjen e kokës

    Hulumtimet kanë treguar se edhe ushqimet e zakonshme si djathi mund të shoqërohen me shkaktimin e dhimbjeve të forta të kokës tek disa njerëz.

    Arsyeja është përmbajtja e tyre e tiraminës, një kimikat që dyshohet se shkakton një lloj reaksioni alergjik në formën e dhimbjes së kokës kur hyn në trup.
    Shihni se cilat ushqime fajësohen për shkaktimin dhe përkeqësimin e dhimbjeve të kokës.

    Pijet e gazuara dietike : Aspartami që përmbahet në pijet e gazuara dietike është fajësuar për simptoma të tilla si marramendje, humbje të kujtesës dhe dhimbje koke të forta.
    Bananet dhe avokadot e pjekura: Ato mund të kenë shumë përfitime shëndetësore, por bananet dhe avokadot e pjekura përmbajnë sasi të larta të tiraminës, e cila mund të shkaktojë migrenë. Tiramina është një aminoacid që shumica e njerëzve e tretin pa problem. Megjithatë, trupi i dikujt që nuk e ka enzimën monoamino oksidazë (MAO) ose merr ilaçe kundër depresionit nuk mund ta zbërthejë atë.
    Bukë: Gluteni, i cili gjendet në drithëra, biskota dhe makarona, mund të shkaktojë probleme me tretjen dhe dhimbje koke tek ata që kanë ndjeshmëri ose intolerancë ndaj kësaj proteine.
    Akullore: Njerëzit që përjetojnë shpesh migrenë janë më të prirur ndaj “dhimbjes së kokës nga akullorja”, e cila është rezultat i gëlltitjes ose thithjes së një stimuli të ngrirë. Ndihet në pjesën e përparme të kokës ose në anët e kokës, por ka më shumë të ngjarë të ndodhë në të dyja anët e kokës. Ndodh kur një stimul i ftohtë prek qiellzën ose murin e pasmë të faringut dhe, si rezultat, rrjedhja e gjakut në arterien cerebrale anteriore rritet ndjeshëm. Gjaku i ftohtë shkakton zgjerim dhe tkurrje të shpejtë të enëve të gjakut dhe rrit presionin e ushtruar mbi indet e trurit. Ky proces aktivizon dhimbjen.
    Ushqime të kripura : Djathërat e pjekur, arrat, ullinjtë dhe turshitë janë të pasura me tiraminë.
    Çamçakëzi: Përtypja e çamçakëzit është përgjegjëse për dhimbjet e shpeshta të kokës dhe migrenën tek adoleshentët. Një eksperiment me 30 adoleshentë të moshës 16 vjeç, të cilët vuanin nga dhimbje koke kronike dhe migrenë, tregoi se kur ndaluan së konsumuari çamçakëz, përjetuan një përmirësim të ndjeshëm në frekuencën dhe intensitetin e dhimbjeve të kokës. Studiuesit theksojnë se përtypja e çamçakëzit shoqërohet me dhimbje koke dhe migrenë, për shkak të presionit të ushtruar mbi nyjet e kafkës.
    Djathi: Djathërat që piqen ngadalë, si Roquefort, Brie, Cheddar, mocarela, Parmixhano, etj. Ato përmbajnë sasi të larta të tiraminës, e cila shkakton dhimbje koke dhe migrenë.
    Vera e kuqe: Vera e kuqe, birra dhe pijet e tjera alkoolike janë gjithashtu të pasura me tiraminë.
    Kripa: Studiuesit amerikanë zbuluan se duke ulur konsumin e kripës nga 9g në ditë në 3g, dikush mund të zvogëlojë dhimbjet e kokës me 31%.
    Çokollata : Çokollata përmban disa substanca të dëmshme, të tilla si kafeina, tiramina dhe feniletilamina (një neurotransmetues me efekte stimuluese). Ky kombinim shkakton dhimbje koke tek disa njerëz.

  • “Alkooli shkakton kancer…”, mjekët kërkojnë vendosjen e etiketave paralajmëruese tek pijet

    “Alkooli shkakton kancer…”, mjekët kërkojnë vendosjen e etiketave paralajmëruese tek pijet

    Një grup mjekësh, organizata bamirëse dhe ekspertë publikë kërkojnë që produktet alkoolike birra, vera dhe pijet e forta të kenë etiketime të qarta dhe të guximshme që paralajmërojnë se alkooli shkakton kancer.
    Kjo kërkesë vjen si reagim ndaj mungesës së madhe të njohurive në Mbretërinë e Bashkuar, ku shumë njerëz nuk janë të vetëdijshëm që alkooli lidhet me shtatë lloje të ndryshme të kancerit dhe shkakton rreth 17 mijë raste të reja kanceri në vit.
    Dhjetëra organizata shëndetësore i kanë dërguar një letër liderit të opozitës, Keir Starmer, duke kërkuar një hap radikal për të detyruar prodhuesit të vendosin paralajmërimet në paketimet e produkteve të tyre. Fondacioni Botëror për Kërkimin e Kancerit (WCRF) ka koordinuar këtë nismë dhe thekson se etiketa duhet të jenë të qarta dhe të fuqishme, jo vetëm thënie të përgjithshme si “konsumoni me masë”.
    Kërkesa mbështetet edhe nga studime që tregojnë se alkooli rrit rrezikun për kancer të gjirit, zorrëve, stomakut, kokës dhe qafës, mëlçisë dhe gojës. Irlanda do të jetë vendi i parë, i cili që nga maji i ardhshëm do të detyrojë vendosjen e këtyre paralajmërimeve në pijet alkoolike, duke njoftuar konsumatorët për lidhjen midis alkoolit dhe kancerit si dhe për rreziqet për mëlçinë dhe fetusin.
    Profesori Sir Ian Gilmore, nga Aleanca për Shëndetin nga Alkooli, i bëri thirrje Mbretërisë së Bashkuar të ndjekë shembullin irlandez, duke vënë në dukje se etiketime të qarta janë një e drejtë themelore e konsumatorit dhe jo vetëm një masë shëndetësore. Ai kritikoi rregulloret e dobëta aktuale, që “mbajnë konsumatorët në errësirë”.
    Industria e pijeve alkoolike kundërshton këtë nismë, duke argumentuar se paralajmërimet e përgjithshme për kancerin nuk janë të përshtatshme dhe mund të shkaktojnë ankth të panevojshëm, duke dëmtuar besimin në këshillat shëndetësore dhe duke larguar ata që kanë më shumë nevojë për mbështetje. Ata theksojnë se shumica e produkteve tashmë përmbajnë këshilla për konsum të moderuar (jo më shumë se 14 njësi alkool në javë).
    Organizata Botërore e Shëndetësisë në Evropë mbështet fuqimisht vendosjen e paralajmërimeve të shëndetshme në pijet alkoolike, duke theksuar se etiketime të tilla janë themeli i së drejtës për shëndet dhe duhet të zbatohen pavarësisht presionit nga industria. Në SHBA, zyrtarë të lartë shëndetësorë kanë theksuar se alkooli shkakton rreth 100 mijë raste kanceri në vit dhe është shkaku i tretë më i zakonshëm i kancerit të parandalueshëm.
    Departamenti britanik i Shëndetësisë dhe Kujdesit Social pranon rrezikun e alkoolit për shëndetin dhe thekson se ka nevojë për veprime më të mëdha për parandalim dhe ndërhyrje të hershme, për të ndihmuar njerëzit të jetojnë jetë më të shëndetshme.