Lajmidites.com

Tag: shkaktojnë

  • Ndërhyrjet estetik mund të shkaktojnë bllokim të enëve të gjakut, verbëri…

    Ndërhyrjet estetik mund të shkaktojnë bllokim të enëve të gjakut, verbëri…

    Ndërhyrjet estetike dhe injeksionet në fytyrë janë kthyer në një trend masiv vitet e fundit, por bashkë me popullaritetin është rritur edhe rreziku.

    Ekspertët paralajmërojnë se këto procedura, që shpesh duken të thjeshta dhe të sigurta, mund të shkaktojnë komplikacione serioze, përfshirë bllokimin e arterieve që çon në deformime të fytyrës dhe madje verbëri. Ky paralajmërim vjen pas një studimi ndërkombëtar, ku përmes ekografisë u analizuan 100 raste komplikacionesh të shkaktuara nga këto injeksioni/ ndërhyrje estetike.

    Sipas studimit, klinikat duhet të kryejnë ekografi para çdo injeksioni në fytyrë, me qëllim identifikimin e enëve të gjakut dhe shmangien e dëmtimit të tyre. Udhëheqësja e kërkimit, Dr. Rosa Sigrist nga Universiteti i São Paulo-s në Brazil, tha se edhe pse të rralla, rastet e “okluzionit vaskular”, kur mbushësi injektohet në ose pranë arterieve  mund të rezultojnë fatale për indet e fytyrës.

    “Komplikacionet e tilla mund të shkaktojnë nekrozë, deformime të fytyrës, verbëri dhe në raste ekstreme goditje në tru”, deklaroi Dr. Sigrist. Ajo shtoi se zonat rreth hundës janë veçanërisht të rrezikshme, pasi enët e gjakut komunikojnë me struktura shumë delikate të kokës.

    Studimi u zhvillua midis majit 2022 dhe prillit 2025 në disa qendra ndërkombëtare radiologjie dhe dermatologjie në Brazil, Kolumbi, Kili, Holandë dhe SHBA. Rezultatet do të prezantohen këtë javë në takimin vjetor të Shoqatës Radiologjike të Amerikës së Veriut.

    Nga analiza me ekografi, studiuesit zbuluan se në gati gjysmën e rasteve kishte mungesë qarkullimi në enët e vogla të gjakut të fytyrës, ndërsa në një të tretën e rasteve nuk kishte qarkullim as në enë më të mëdha. Sipas Dr. Sigrist, përdorimi i ekografisë si gjatë planifikimit ashtu edhe gjatë trajtimit të komplikacioneve lejon injektimin e saktë të ilaçit për shpërbërjen e mbushësit, duke ulur nevojën për doza të mëdha.

    Edhe Shoqata Britanike e Kirurgëve Plastikë Estetikë (BAAPS) mbështet përdorimin e ekografisë, ndonëse thekson se ende nuk konsiderohet standard i detyrueshëm në klinikat estetike. Presidentja e shoqatës, Nora Nugent, tha se hartëzimi i enëve të gjakut para trajtimit rrit ndjeshëm sigurinë e pacientëve dhe se profesionistët e pakualifikuar përbëjnë rrezik të madh.

    Ndërkohë, qeveria britanike ka paralajmëruar masa të reja për rregullimin e procedurave estetike. Sipas propozimeve, procedurat me rrezik të lartë, përfshirë “Brazilian butt lift”, do të kryhen vetëm nga profesionistë të kualifikuar. Klinikat që ofrojnë mbushës dhe botoks do të kenë detyrimin të plotësojnë standarde të reja licencimi. Konsultimi publik për këto ndryshime pritet të hapet në fillim të vitit 2026, ndërsa vendimi final do t’i takojë Parlamentit britanik.

  • Ndërhyrjet estetike mund të shkaktojnë bllokim të enëve të gjakut, verbëri…

    Ndërhyrjet estetike mund të shkaktojnë bllokim të enëve të gjakut, verbëri…

    Ndërhyrjet estetike dhe injeksionet në fytyrë janë kthyer në një trend masiv vitet e fundit, por bashkë me popullaritetin është rritur edhe rreziku.

    Ekspertët paralajmërojnë se këto procedura, që shpesh duken të thjeshta dhe të sigurta, mund të shkaktojnë komplikacione serioze, përfshirë bllokimin e arterieve që çon në deformime të fytyrës dhe madje verbëri. Ky paralajmërim vjen pas një studimi ndërkombëtar, ku përmes ekografisë u analizuan 100 raste komplikacionesh të shkaktuara nga këto injeksioni/ ndërhyrje estetike.

    Sipas studimit, klinikat duhet të kryejnë ekografi para çdo injeksioni në fytyrë, me qëllim identifikimin e enëve të gjakut dhe shmangien e dëmtimit të tyre. Udhëheqësja e kërkimit, Dr. Rosa Sigrist nga Universiteti i São Paulo-s në Brazil, tha se edhe pse të rralla, rastet e “okluzionit vaskular”, kur mbushësi injektohet në ose pranë arterieve  mund të rezultojnë fatale për indet e fytyrës.

    “Komplikacionet e tilla mund të shkaktojnë nekrozë, deformime të fytyrës, verbëri dhe në raste ekstreme goditje në tru”, deklaroi Dr. Sigrist. Ajo shtoi se zonat rreth hundës janë veçanërisht të rrezikshme, pasi enët e gjakut komunikojnë me struktura shumë delikate të kokës.

    Studimi u zhvillua midis majit 2022 dhe prillit 2025 në disa qendra ndërkombëtare radiologjie dhe dermatologjie në Brazil, Kolumbi, Kili, Holandë dhe SHBA. Rezultatet do të prezantohen këtë javë në takimin vjetor të Shoqatës Radiologjike të Amerikës së Veriut.

    Nga analiza me ekografi, studiuesit zbuluan se në gati gjysmën e rasteve kishte mungesë qarkullimi në enët e vogla të gjakut të fytyrës, ndërsa në një të tretën e rasteve nuk kishte qarkullim as në enë më të mëdha. Sipas Dr. Sigrist, përdorimi i ekografisë si gjatë planifikimit ashtu edhe gjatë trajtimit të komplikacioneve lejon injektimin e saktë të ilaçit për shpërbërjen e mbushësit, duke ulur nevojën për doza të mëdha.

    Edhe Shoqata Britanike e Kirurgëve Plastikë Estetikë (BAAPS) mbështet përdorimin e ekografisë, ndonëse thekson se ende nuk konsiderohet standard i detyrueshëm në klinikat estetike. Presidentja e shoqatës, Nora Nugent, tha se hartëzimi i enëve të gjakut para trajtimit rrit ndjeshëm sigurinë e pacientëve dhe se profesionistët e pakualifikuar përbëjnë rrezik të madh.

    Ndërkohë, qeveria britanike ka paralajmëruar masa të reja për rregullimin e procedurave estetike. Sipas propozimeve, procedurat me rrezik të lartë, përfshirë “Brazilian butt lift”, do të kryhen vetëm nga profesionistë të kualifikuar. Klinikat që ofrojnë mbushës dhe botoks do të kenë detyrimin të plotësojnë standarde të reja licencimi. Konsultimi publik për këto ndryshime pritet të hapet në fillim të vitit 2026, ndërsa vendimi final do t’i takojë Parlamentit britanik.

  • A mund të shkaktojnë tumor vaksinat anti-covid? Mjeku: Jetojmë në ambient toksik, problemi i vërtetë janë…

    A mund të shkaktojnë tumor vaksinat anti-covid? Mjeku: Jetojmë në ambient toksik, problemi i vërtetë janë…

    Mjeku Adrian Jorgji, reagoi ndaj pretendimeve të qarkulluara se vaksinat anti-Covid mund të shkaktojnë tumore. Ai theksoi se një lidhje e tillë nuk është vërtetuar nga asnjë studim shkencor deri më sot.
    I ftuar në një emision televiziv ku u pyet nëse vaksinat mund të shkaktojnë tumore, Jorgji u përgjigj: “Nuk është e vërtetuar shkencërisht. Që të themi këtë duhet të ketë një studim të mirëfilltë. Na mungon pika e referimit me individët e vaksinuar. Mungojnë pikat e referimit me situatën e tyre para vaksinimit.”

    Sipas mjekut, që një vaksinë të akuzohet si shkaktar i tumoreve duhet të ekzistojnë prova të forta, të verifikueshme dhe të mbështetura në të dhëna afatgjata.

    “Që të arrijmë deri tek tumori flasim për një organizëm që kompromentohet në nivele madhore. Të bësh fajtor vaksinën duhet të ketë argumente shkencore,” tha ai.
    Në vend të kësaj, Jorgji theksoi se rreziku i vërtetë për shëndetin publik buron nga faktorët toksikë të mjedisit të përditshëm.
    “Ne jetojmë në ambient toksik, nga ajri, uji, pesticidet, hormonet, koncentratet. Për këto duhet të ngrihet alarmi i madh dhe këto mund të shkaktojnë këto tumoret,” u shpreh mjeku, duke nënvizuar se këta faktorë janë shumë më të njohur në literaturën mjekësore si shkaktarë potencialë të sëmundjeve kancerogjene.

  • Lidhja mes autizmit dhe vaksinave/ Agjencia qeveritare amerikane ndryshon qëndrimin

    Lidhja mes autizmit dhe vaksinave/ Agjencia qeveritare amerikane ndryshon qëndrimin

    Nga Melissa Rudy, FOX NEWS

    Qendra për Kontrollin dhe Parandalimin e Sëmundjeve (CDC) në SHBA e ka përditësuar faqen e tyre me një qëndrim të ri lidhur me mundësinë e lidhjes mes vaksinave dhe autizmit.

    Formulimi i ri në faqen e CDC-së thotë: “Pretendimi se ‘vaksinat nuk shkaktojnë autizëm’ nuk është një pretendim i bazuar në prova, sepse studimet nuk e kanë përjashtuar mundësinë që vaksinat e foshnjave të shkaktojnë autizëm. Studimet që mbështesin një lidhje janë injoruar nga autoritetet shëndetësore”.

    Agjencia thekson se deklarata “vaksinat nuk shkaktojnë autizëm” është “historikisht e shpërndarë” nga CDC dhe agjenci të tjera federale të shëndetit me qëllim që të parandalojnë hezitimin ndaj vaksinave.

    Më herët, faqja e CDC-së deklaronte: “Studimet kanë treguar se nuk ka lidhje mes marrjes së vaksinave dhe zhvillimit të çrregullimit të spektrit autik (ASD)”.

    Departamenti Amerikan i Shëndetësisë dhe Shërbimeve Njerëzore (HHS) ka nisur një “vlerësim gjithëpërfshirës” të shkaqeve të mundshme të autizmit, sipas asaj që ka bërë të ditur CDC.

    Këto përfshijnë hetime mbi “mekanizma biologjikë të besueshëm dhe lidhje të mundshme shkak-pasojë”.

    Titulli “Vaksinat nuk shkaktojnë autizëm” vazhdon të qëndrojë ende në faqe, por tani shoqërohet me një yllth (asterisk) që tregon se nuk është hequr për shkak të një marrëveshjeje të mëparshme — jo sepse provat e mbështesin.

    Organizata ‘Children’s Health Defense’ e ka përshëndetur faqen e përditësuar të CDC-së.

    “Më në fund, CDC po fillon të pranojë të vërtetën rreth kësaj gjendjeje që prek miliona njerëz, duke mohuar gënjeshtrën e gjatë dhe të guximshme se ‘vaksinat nuk shkaktojnë autizëm,’” tha Mary Holland, presidente e ‘Children’s Health Defense’ në New Jersey, për Fox News Digital.

    “Asnjë studim nuk ka provuar kurrë këtë pretendim të papërgjegjshëm; përkundrazi, shumë studime tregojnë se vaksinat janë shkaku i mundshëm kryesor i autizmit. Fatmirësisht, HHS tani ka nisur një vlerësim gjithëpërfshirës mbi shkaqet e autizmit, duke përfshirë hetime mbi mekanizmat biologjikë të besueshëm”.

    Organizata të tjera mjekësore janë shprehur kundër mundësisë që vaksinat të kontribuojnë në autizëm.

    “Studimet kanë treguar shumë herë se nuk ka asnjë lidhje të besueshme midis vaksinave që shpëtojnë jetë të fëmijëve dhe autizmit,” thuhet në faqen e internetit të ‘American Academy of Pediatrics’.

    “Shkencëtarët po mësojnë gjithmonë më shumë mbi shkaqet e mundshme të autizmit. Një gjë që e dimë me siguri është se vaksinat nuk janë një prej shkaqeve. Nuk ka një shkak të vetëm kryesor të autizmit”.

    Të dhënat më të fundit të CDC-së tregojnë se te fëmijët 8-vjeçarë (të lindur në 2014), rreth një në 31 (3.2%) janë identifikuar me çrregullim të spektrit autik. Në vitin 2000, rreth një në 150 (0.67%) fëmijë ishin diagnostikuar.

  • Lentet e kontaktit mund të shkaktojnë infeksione, ulcera, madje edhe verbëri

    Lentet e kontaktit mund të shkaktojnë infeksione, ulcera, madje edhe verbëri

    Me afrimin e Hallouinit, mijëra njerëz do të blejnë lente kontakti për zbukurim që të plotësojnë kostumin e tyre. Tërheqja është e kuptueshme, pasi ngjyrat dhe format e pafundme të tyre ju lejojnë të ndryshoni rrënjësisht pamjen, kush nuk është trembur nga sytë e bardhë dhe të verdhë të vajzës në filmin The Exorcist?

    Megjithatë, duhet të jemi të kujdesshëm. Këto lente mund të shkaktojnë dëme serioze, madje edhe verbëri, nëse nuk marrim masat e nevojshme paraprake.

    Kompikimet që lidhen me këto aksesorë variojnë nga simptoma të lehta si thatësia, kruajtja dhe irritimi, deri te probleme më serioze si infeksionet, shenjat në korné dhe humbja e shikimit. Pra, pse janë të rrezikshme? Dhe çfarë mund të bëjmë për të minimizuar rrezikun?

    Materialet kanë rëndësi

    Rreth Hallouinit, lentet e kontaktit për zbukurim gjenden kudo. Kjo e bën të lehtë për këdo t’i blejë pa menduar dy herë se nga vijnë. Megjithatë, për një optometër, pak gjëra janë më frikësuese se një pacient që ka vendosur të plotësojë kostumin e tij me lente kontakti zbukuruese.

    Cilësia e materialeve është një faktor veçanërisht i rëndësishëm. Studimet kanë zbuluar bojëra dhe substanca të paautorizuara si klori apo hekuri në lente kozmetike, të cilat mund të shkaktojnë irritim, djegie dhe madje të nxisin reaksione alergjike kur vijnë në kontakt me sytë.

    Për më tepër, shumë nga pigmentet e përdorura në këto lente rrisin ngjitjen mikrobiale, duke shtuar kështu rrezikun e infeksionit.

    Për të minimizuar këto rreziqe, kushdo që vendos të blejë lente të tilla duhet ta bëjë këtë vetëm në pika të njohura shitjeje dhe të ndjekë gjithmonë udhëzimet e optometrit.

    Duhet theksuar se lentet e kontaktit janë pajisje mjekësore të rregulluara, të cilat duhet të plotësojnë kritere të rrepta sigurie dhe cilësie në prodhim, tregtim dhe përdorim. Këto kritere përcaktohen nga institucione kombëtare, si AEMPS (Agjencia Spanjolle e Barnave dhe Pajisjeve Mjekësore).

    Lëndime, infeksione, ulcera

    Nëse lentet e kontaktit nuk përshtaten siç duhet me syrin e pacientit, ose nëse materialet nuk janë të përshtatshme, ato mund të shkaktojnë lëndime. Këto lëndime lehtësojnë hyrjen e baktereve, viruseve dhe kërpudhave, të cilat mund të shkaktojnë infeksione serioze dhe të dhimbshme të syrit si keratiti. Në raste shumë të rënda, një dëmtim i tillë mund të çojë në ulcerë të kornesë dhe humbje të shikimit.

    Për më tepër, shumica e njerëzve që blejnë lente kozmetike nuk i kanë përdorur më parë dhe ndoshta nuk do t’i përdorin më kurrë. Kjo shumëfishon mundësinë që ato të përdoren gabimisht.

    Një nga gabimet më të zakonshme është pastrimi ose ruajtja e lenteve në ujë, në vend që të përdoret një solucion i posaçëm. Uji mund të përmbajë mikroorganizma të rrezikshëm si acanthamoeba, që mund të shkaktojnë infeksione serioze kur vijnë në kontakt me sytë.

    Në mënyrë të ngjashme, kutia apo mbajtësja e lenteve nuk duhet pastruar me ujë, por gjithmonë me solucion të posaçëm për lente kontakti, për të garantuar mbrojtje më të madhe. Gjithashtu, lentet nuk duhet të ruhen për periudha të gjata në solucion mirëmbajtjeje, pasi kjo mund të çojë në zhvillim të mikrobeve.

    Nëse keni ndonjë dyshim, më mirë të mos konsultoheni me inteligjencën artificiale (IA). IA-ja mund të japë rekomandime të bazuara në të dhëna, por nuk mund të përshtatet me veçoritë individuale të çdo përdoruesi siç bën një profesionist i kujdesit të syve. Kjo sepse nuk mund të kryejë një ekzaminim fizik dhe as të interpretojë nuanca apo simptoma.

    Për më tepër, modelet e IA-së varen nga informacionet me të cilat janë trajnuar dhe nga përditësimet që marrin. Ato duhet të përdoren vetëm si mjete ndihmëse dhe kurrsesi si zëvendësim për një konsultë me një profesionist të kujdesit të syve. / The Conversation – Syri.net

  • I keni ditur? Këto janë ushqimet që shkaktojnë erën e keqe të gojës

    I keni ditur? Këto janë ushqimet që shkaktojnë erën e keqe të gojës

    Në të vërtetë, disa nga ushqimet më të mira mund të shkaktojnë erë të keqe të gojës.
    Ushqimet që Shkaktojnë Erën e Keqe të Gojës – Si ta Largoni atë

    Sigurisht që kjo nuk do të thotë se ju duhet të ndaloni së ngrëni këto prodhime të shëndetshme.

    Por thjesht të jeni të vetëdijshëm për këtë gjë, në mënyrë që të mund të merrni masat e duhura.
    Mishi
    Bakteret e duan proteinën që mishi përmban. Ndërkohë që ju konsumoni mish, përbërjet e amoniakut çlirohen duke shkaktuar erë të keqe.
    Peshku
    Peshku dhe varietetet e konservuara të tij përmbajnë shumë proteina, të cilat siç tashmë e dimë, mund të shkaktojnë një erë të pakëndëshme.
    Një tjetër faktor mund të jetë edhe përbërja e quajtur trimetilamina, e cila mund të qëndrojnë në gojë duke shkaktuar aromë të pakëndëshme.
    Bulmeti
    Bakteret që gjenden në gojën tuaj, ushqehen me aminoacidet që qumështi dhe djathi përmbajnë, duke shkaktuar erën e keqe të gojës.
    Kafeja
    Përmbajtja e lartë e acidit në kafe, shkakton shtimin e baktereve të këqija në gojë, përgjegjëse për aromën e pakëndëshme.
    Githashtu, pijet me kafeinë ju thajnë gojën dhe kur keni më pak pështymë, krijohet një ambient ideal, ku bakteret dhe kërpudhat me erë të keqe rriten.
    Agrumet
    Njësoj si me kafenë, nivelet e larta të acidit tek agrumet janë një terren shumimi për bakteret.
    Për më tepër, frutat përmbajnë sheqer, me të cilin bakteret e këqija ushqehen dhe shtohen.
    Si ta shmangni erën e keqe të gojës
    Nëse jeni duke përjetuar erë të keqe të gojës pasi keni ngrënë këto ushqime, mënyra më e mirë për ta luftuar është pastrimi i dhëmbëve.
    Pastroni dhëmbët me pe për të hequr mbeturinat e ushqimit dhe më pas lajini ato me pastë dhëmbësh.
    Gjithashtu, shpëlarja me solucion larës për gojën ose shpëlarja me ujë mund t’ju ndihmojnë përkohësisht.
    Përtypja e çamçakëzit pa sheqer, mund të stimulojë prodhimin e pështymës, e cila pastron grimcat e ushqimit.
    Ju mund të konsumoni edhe ushqime krokante (karota ose mollë), të cilat mund të gjenerojë më shumë pështymë.

  • Ushqimet që shkaktojnë erën e keqe të gojës!

    Ushqimet që shkaktojnë erën e keqe të gojës!

    Në të vërtetë, disa nga ushqimet më të mira mund të shkaktojnë erë të keqe të gojës.
    Ushqimet që Shkaktojnë Erën e Keqe të Gojës – Si ta Largoni atë
    Sigurisht që kjo nuk do të thotë se ju duhet të ndaloni së ngrëni këto prodhime të shëndetshme.

    Por thjesht të jeni të vetëdijshëm për këtë gjë, në mënyrë që të mund të merrni masat e duhura.
    Mishi
    Bakteret e duan proteinën që mishi përmban. Ndërkohë që ju konsumoni mish, përbërjet e amoniakut çlirohen duke shkaktuar erë të keqe.
    Peshku
    Peshku dhe varietetet e konservuara të tij përmbajnë shumë proteina, të cilat siç tashmë e dimë, mund të shkaktojnë një erë të pakëndëshme.
    Një tjetër faktor mund të jetë edhe përbërja e quajtur trimetilamina, e cila mund të qëndrojnë në gojë duke shkaktuar aromë të pakëndëshme.
    Bulmeti
    Bakteret që gjenden në gojën tuaj, ushqehen me aminoacidet që qumështi dhe djathi përmbajnë, duke shkaktuar erën e keqe të gojës.
    Kafeja
    Përmbajtja e lartë e acidit në kafe, shkakton shtimin e baktereve të këqija në gojë, përgjegjëse për aromën e pakëndëshme.
    Githashtu, pijet me kafeinë ju thajnë gojën dhe kur keni më pak pështymë, krijohet një ambient ideal, ku bakteret dhe kërpudhat me erë të keqe rriten.
    Agrumet
    Njësoj si me kafenë, nivelet e larta të acidit tek agrumet janë një terren shumimi për bakteret.
    Për më tepër, frutat përmbajnë sheqer, me të cilin bakteret e këqija ushqehen dhe shtohen.
    Si ta shmangni erën e keqe të gojës
    Nëse jeni duke përjetuar erë të keqe të gojës pasi keni ngrënë këto ushqime, mënyra më e mirë për ta luftuar është pastrimi i dhëmbëve.
    Pastroni dhëmbët me pe për të hequr mbeturinat e ushqimit dhe më pas lajini ato me pastë dhëmbësh.
    Gjithashtu, shpëlarja me solucion larës për gojën ose shpëlarja me ujë mund t’ju ndihmojnë përkohësisht.
    Përtypja e çamçakëzit pa sheqer, mund të stimulojë prodhimin e pështymës, e cila pastron grimcat e ushqimit.
    Ju mund të konsumoni edhe ushqime krokante (karota ose mollë), të cilat mund të gjenerojë më shumë pështymë.

  • Pijet shumë të ftohta mund të shkaktojnë atak kardiak

    Pijet shumë të ftohta mund të shkaktojnë atak kardiak

    Pijet me temperaturë shumë të ulët (si sodë, kafe e ftohtë, pije sportive apo energjike) mund të shkaktojnë një reagim të papritur në trup.

    • Mekanizmi: kur lëngu shumë i ftohtë kalon në fyt, stimulon nervin vagus, duke shkaktuar ngushtim të enëve të gjakut dhe ulje të menjëhershme të rrahjeve të zemrës. Te njerëzit e shëndetshëm kjo shpesh është e padëmshme, por te ata me probleme kardiake ose tension të lartë, mund të shkaktojë dhimbje gjoksi, mungesë oksigjeni në muskujt e zemrës apo edhe arrest kardiak.

    • Faktorë shtesë rreziku: Kur pijet e ftohta përmbajnë edhe sheqer të lartë ose kafeinë (si pijet energjike apo sodë), rreziku rritet. Kafeina stimulon zemrën ndërsa sheqeri ngre insulinën, duke e vënë sistemin kardiovaskular në “mbingarkesë”.

    • Këshilla nga studiuesit: Personat me sëmundje të zemrës, kolesterol të lartë ose histori familjare të problemeve kardiake duhet të shmangin pirjen e menjëhershme të pijeve akull të ftohta. Më mirë t’i lini të ngrohen pak ose t’i pini ngadalë. Ky ndryshim i vogël në zakone mund të parandalojë episode të rrezikshme.

  • Gjashtë mënyra për t’i parandaluar aknet në trup

    Gjashtë mënyra për t’i parandaluar aknet në trup

    Aknet janë një problem reale për çdo moshë dhe mund të shfaqen kudo ku keni pore. Në vende si fytyra, qafën, shpina dhe disa pjesë të trupit.
    Shpërthimet e akneve janë të zakonshme tek personat që kanë lëkurë të yndyrshme ose tek ata që marrin medikamente të caktuara apo produkte të cilat bllokojnë poret.Gjatë stinës së nxehtë një nga arsyet e shtimit të akneve në trup është edhe djersitja e tepërt.
    Vishni rrobat e duhura

    Ne çdo kohë, por sidomos gjatë vapës mundohuni të shmangni materialet e këqija gërvishtëse, ato që shkaktojnë kruarje ose janë shumë të shtrënguara dhe zgjidhni copa me fibra si pambuku.
    Kjo ndihmon që lëkura të jetë e butë dhe e ajrosur në çdo kohë dhe aknet e shkaktuara nga djersa, bakateret, yndyra dhe qelizat e vdekura të lëkurës do të zhduken.
    Lahuni shpesh
    Lënia e djersës në lëkurë pas një shëtitje, vrapit apo gjatë ditëve të nxehta, mundëson një mjedis miqësor për aknet që të zhvillohen në trupin tuaj.
    Kështu mundohuni që të bëni dush sa më parë kur ndiheni të djersitur dhe me yndyrë të tepërt mbi lëkurë.
    Trajtojeni lëkurën
    Lëkurat me ynydyrë dhe të prirura ndaj akneve kanë tendencë të krijojnë më shumë qliza të vdekura në sipërfaqen e tyre të cilat mund të bllokojnë poret dhe shkaktojnë puçrra nëse nuk pastrohen në kohë.
    Mjafton një trajtim me pas sheqer dhe vaj me të cilin mund të fërkoni fort lëkurën tuaj për të larguar edhe papastërtitë më të vogla.
    Me këtë pastrim të butë të trupit të paktën një ose dy herë në javë ndihmoni në parandalimin e akneve.
    Hidratohuni
    Lëkura e hidraton natyrisht veten e saj me sebum, pra yndyrë, por kur niveli i hidratimit në trupin tuaj është jashtë normales lëkura juaj mund të prodhojë yndyrë të tepërt për t’u vetë hidratuar.
    Kështu që hidratohuni çdo ditë duke konsumuar shumë ujë dhe duke përdorur kremra natyrale për trupin.
    Pastroni telefonin
    Telefoni juaj celular ka më shumë baktere nga sa mendoni.
    Edhe nëse nuk e mbani shumë afër fytyrës ju e prekni me dua të cilat më pas prekin fytyrën. Kështu përhapni në trup bakteret që shkaktojnë akne apo puçrra.
    Pastrojeni çdo ditë me një pastrues anti-bakterial të posaçëm.
    Ndërroni shpesh këllëfin e jastëkut
    Jastëku është një nga materialet që mbledh më shumë papastërti dhe ka shumë kontakt me fytyrën dhe pjesën e qafës.
    Gjatë natës aty mbesin qeliza te vdekura të lëkurës, yndyrë dhe djersë.
    Kjo bën që poret të bllokohen dhe të shkaktojnë akne në fytyrë dhe qafë.
    Mundohuni ta ndërroni sa më shpesh këtë mbulesë, të paktën dy herë në javë dhe zgjidhni gjithnjë materiale pambuku ose mëndafshi.

  • Zjarret masive në vend/ 46 të arrestuar që prej qershorit, 91 autorë nën hetim

    Zjarret masive në vend/ 46 të arrestuar që prej qershorit, 91 autorë nën hetim

    137 autorë të zjarrvënieve janë identifikuar prej qershorit deri më datë 14 gusht në vendin tonë.

    Ndërkohë, Forcat Kombëtare të Sigurisë, Forcat e Posaçme “Shqiponja”, Patrullat e Përgjithshme dhe Forcat Operacionale, në drejtimin e drejtuesve të qarqeve dhe të Drejtorisë së Përgjithshme të Policisë së Shtetit, vijojnë të jenë në terren, duke ndihmuar në evakuimin e banorëve dhe duke mbështetur Emergjencat Civile dhe zjarrfikësit, për shuarjen e flakëve.
    Strukturat operacionale të Policisë së Shtetit po kontrollojnë dhe monitorojnë zonat me dronë, për të identifikuar në kohë personat që shkaktojnë zjarr, duke djegur pronën private, banesa, pyje, kullota dhe, në shumë raste, duke rrezikuar seriozisht jetën e banorëve, punonjësve të Policisë, zjarrfikësve dhe Emergjencave Civile.
    Policia e Shtetit apelon për të gjithë banorët që të mos shkaktojnë zjarre. Blegtorët dhe fermerët janë përgjegjës për tokat dhe kullotat që kanë në pronësi apo në përdorim.
    Thirrje për të gjithë banorët: mos ndizni zjarr për djegien e mbetjeve të prodhimeve bujqësore apo për pastrimin e territorit, pa njoftuar dhe marrë masa me instancat përgjegjëse.
    Shkaktimi i zjarrit, me qëllim apo nga pakujdesia, është vepër penale dhe Policia e Shtetit po punon, në bashkëpunim me banorët, për identifikimin, kapjen dhe arrestimin e të gjithë atyre që shkaktojnë zjarre.

    Top Channel