Egnatia është kampione e Shqipërisë për sezonin 2024/2025 në Abissnet Superiore. Rrogozhinasit kanë mundur Vllazninë 4-0 në finalen e madhe të “Final Four”, e cila u luajt sonte në “Arenën Kombëtare”.
Finalja ka nisur direkt me gol, ku rrogozhinasit kanë kaluar në avantazh pas 6 minutash lojë. Pas një kundërsulmi të shpejtë, Bakayoko shmang mbukur mbrojtësin e Vllaznisë, Stojanovic dhe asiston për Regi Lushkjan, i cili e kishte shumë të lehtë të dërgonte topin në rrjetë. SHIKOGOLIN
Vetëm dy minuta më pas, Vllaznia i afrohet golit të barazimit, por goditja e dënimit e ekzekutuar nga Bekim Balaj ndalet nga traversa. Në minutat në vijim, shkodranët kërkuan me ngulm golin e barazimit por pjesa e parë mbyllet në avantazh 0-1 për Egnatian.
Pjesa e dytë po ashtu ka nisur me gol për rrogozhinasit, të cilët kanë dyfishuar shifrat sërish me Regi Lushkjan. Serxho Ujka pason bukur në krah për Fangaj, i cili asiston brenda zonës për Regi Lushkja, ky i fundit dërgon me kokë topin në rrjetën e shkodranëve, për herë të dytë. SHIKOGOLIN2
Në minutat e mbetura, Vllaznia tentoi të krijonte raste dhe të ngushtonte shifrat, por nuk pati ndonjë rrezik real për Egnatian. Ndërsa në minutën e 80-të, Egnatia do të vuloste fitoren duke shënuar edhe golin e tretë me Leo Melo, i futur në fushë si zëvendësues pak minuta më parë në vend të Regi Lushkja.
Bakayoko shërben për Zejnullai, i cili asiston për Leo Melo, braziliani nuk shënon dot në tentativën parë, por në të dytën dërgon topin në portën e mbrojtur nga Jukaj. SHIKOGOLIN3
Në minutat e fundit shtesë, Egnatia shënoi edhe golin e katërt me Serxho Ujka. Egnatia fiton titullin kampion për herë të dytë në historinë e saj, ndërsa Vllaznia duhet të presë ende…
Tag: shikogolin
-

Egnatia spektakël ndaj Vllaznisë, rrogozhinasit fitojnë titullin kampion (video)
-

Vllaznia eleminon Dinamon dhe siguron finalen e madhe për titullin kampion (video)
Në “Arenën Kombëtare” u luajt gjysmëfinalja e parë për “Final Four” mes Vllaznisë dhe Dinamos, ku shkodranët fituan 2-1 dhe sigurojnë biletën për finalen e madhe, aty ku do përballen me fituesin e gjysmëfinales tjetër Egnatia-Partizani.
Përsa i përket ndeshjes, në minutën e 28-të, pas goditjes së këndit nga Esat Mala, topi prek dorën e Peter Itodo Mandela, arbitri kryesor i takimit, Eldorjan Hamiti, nuk ka dyshime dhe vendos për penallti. SHIKOGOLIN1.
Bekim Balaj tregohet i saktë nga 11-metrat dhe kalon Vllazninë në avantazh. Ndërkohë që në minutën e 36-të përsëritet e njëjta skenë, Meksi prek me dorë brenda zonës topin dhe arbitri jep sërish penallti. Topin e merr Bekim Balaj, që shënoi golin e dytë personal dhe po të dytin për Vllazninë. SHIKOGOLIN2
Pjesa e parë e gjitha e dominuar nga Vllaznia, mbyllet 2-0. “Blutë” e nisën mjaft mirë pjesën e dytë, duke gjetur golin me Peter Itodo Mandela në minutën 50-të, pas asistit shumë të bukur të Lorenco Vila. SHIKOGOLIN
Rezultati nuk ndryshoi deri në fund. Vllaznia fiton 2-1 dhe shkon në finalen e madhe për titullin kampion të këtij sezoni. -

Guirassy hat-trick, Dortmund shënon golin e tretë! Edhe 15 minuta për të tentuar përmbysjen e madhe
15 Prill 2025
22:40
Telesport
Sot qenka nata e Serhou Guirassy, i cili sapo ka shënuar edhe golin e tretë ndaj Barcelonës, duke përfituar nga një gabim fatal i mbrojtes së katalanasve. SHIKOGOLIN
Dortmund e nisi shumë mirë takimin, duke gjetur golin e parë pas 10 minutash lojë, duke kaluar në avantazh me penalltinë e ekzektuar saktë nga Guirassy, e cila u fitua pas një ndërhyrje të gabuar të Gavi ndaj Couto. SHIKOPENALLTINE
Ishte sërish, Serhou Guirassy, i cili shënoi me kokë në fillim të pjesës së dytë, pas krosimit nga goditja e këndit dhe pasimit me kokë të Bensabaini. SHIKOGOLIN
Katalanasit reaguan shpejt duke ngushtuar shifrat me autogolin e Bensabaini, i cili dërgoi në portën e tij topin e futur në zonë nga Fermin Lopez. SHIKOGOLIN -

“Paqe” në derbin e kryeqytetit, Lazio dhe Roma mjaftohen me një pikë (video)
13 Prill 2025
22:46
Telesport
Lazio-Roma ishte kryendeshja e javës së 32-të në Serie A. Derbi i kryeqytetit gjithmonë duhet fituar dhe gjithmonë ka rivalitet të madh, aq më shumë që të dy ekipet po garojnë për të siguruar një biletë për në Kupat e Europës sezonin e ardhshëm.
Pjesa e parë u mbyll në barazim pa gola në “Olimpico”. Me fillimin e pjesës së dytë, bardhekaltrit gjejnë të parët golin. Pas një krosimi nga goditja e dënimit nga Luca Pellegrini, Alessio Romagnoli dërgon me kokë topin në rrjetë. SHIKOGOLIN
Verdhekuqtë barazojnë shifrat me Matias Soule në minutën e 67-të, argjentinasi shënon një supergol me një goditje të bukur nga distanca. SHIKOGOLIN
Rezultati përfundimtar 1-1. Lazio renditet në vendin e gjashtë me 56 pikë, Roma në vendin e shtatë me 54 pikë.





