Kryeministri Edi Rama deklaroi sot se pensioni mesatar në Shqipëri është 300 euro, ose e thënë ndryshe që çdo pensionist merr sot pagesë mujore 300 mijë lekë. Por propaganda me grafikë “3D” ka revoltuar të moshurit, të cilët deklarojnë se jo që nuk i marrin 300 euro, por përkundrazi situata e tyre është rënduar edhe më shumë. Shifrat e shpikura nga kryeministri janë hedhur poshtë edhe nga ekspertët, të cilët flasin për një tjetër panoramë dhe zhytje të pensionistëve në mjerim për shkak edhe të rritjes së çmimeve.
Gazetare Dafina Kola, Syri TV
Pasi u tha nga Kukësi qytetarëve që të mos shohin situatën e rrënuar ekonomike të tyre dhe vendit, por arritjet e tij ti shohin tek sondazhet e prodhuara nga mediat pranë tij, sot ka dal në fushatë me grafikë 3D, për të ilustruar sondazhet.
Sot nga Berati, kryeministri u shpreh e pensionistët marrin 300 euro pension në muaj, dhe në vitin 2030 pensioni minimal do të bëhet 200 euro dhe mesatari në 400 euro.
Por siç sondazhet, edhe grafikëve, me të cilat kryeministri deformon realitetin, përgjigjen ja japin vetë të moshuarit.
Të pyetur nëse realiteti është ky që tregon kryeministri, pensionistët shprehen të revoltuar për këtë manipulim, pasi pensionet e tyre janë shumë herë më të ulëta.
Unë marr 16 000 lekë.
Rama është i gjatë dhe rrenat i kap lart.
Ilaçet, të hash e të pish nuk del asgjë.
“Do ta marrim kur të shkojmë në Tufinë’ thonë pensionistët.
Por jo vetëm qytetarët edhe ekspertët e ekonomisë tregojnë një tjetër panoramë të situatës së pensioneve.
Një prej ekonomisteve më të mira në vend, Irena Beqiraj, gjithashu një prej ish-zyrtareve më të larta të qeverisë së Edi Ramës, bazuar në shifrat zyrtare jep një panoramë krejt ndryshe.
Sipas Beqirajt, jo vetëm që pensionet nuk janë në shifrat që flet kryeministri, por edhe rritja është disa herë më e vogël. Bazuar në shifrat zyrtare, pensioni mesatar në Shqipëri në vitin 2020 ishte 14,974 lekë dhe sot në vitin 2025 është 19 mijë lekë dhe jo 300 euro sa thotë kryeministri. Rritja e pensionit mesatar në 5 vite përllogaritet në 27.5%.
Por nëse këtë rritje do ta krahasojmë me vlerën direkte, krahasuar me rritjen e çmimeve, rezulton që pensionet jo që nuk janë rritur, por faktikja është se pensionet janë ulur.
Nga krahasimi i çmimeve rezilton se rritja e çmimeve të ushqimeve edhe pijeve joalkoolike në mars 2025, krahasuar me 2020 është plot 37.4%. Pra vetëm nga kjo përllogaritje e thjeshtë e bërë nga Beqiraj, rezulton se pensionet jo që nuk janë rritur por janë ulur me 7 përqin, e kjo e ndjerë direkt në xhepat e qytetarëve.
Nëse do të llogarisnim këtu edhe zhvlerësimin e euros, që ndikon direkt në remitancat që fëmijët dërgojnë tek prindërit e tyre, vetëm në 5 vitet e fundit situata ekonomike e pensionistëve është rënduar ndjeshëm.
