Lajmidites.com

Tag: shërbimit

  • Parlamenti kroat votoi për rikthimin e shërbimit të detyrueshëm ushtarak

    Parlamenti kroat votoi për rikthimin e shërbimit të detyrueshëm ushtarak

    Rajoni E Diel, 26 Tetor 2025 12:54
    Parlamenti i Kroacisë ka miratuar ndryshimet në Ligjin për Mbrojtjen, me të cilat rikthehet trajnimi bazë ushtarak i detyrueshëm. Propozimi u miratua me 84 vota pro, 30 abstenime dhe 11 kundër.
    Programi i trajnimit do të zgjasë dy muaj, ndërsa thirrjet e para për të rinjtë pritet të dërgohen deri në fund të këtij viti. Grupet e para të rekrutëve do të nisin trajnimin në fillim të vitit të ardhshëm në kazermat ushtarake në Knin, Slunj dhe Pozhega.

    Në regjistrin ushtarak do të përfshihen të gjithë 18-vjeçarët, ndërsa në trajnim do të thirren në vitin kur mbushin 19 vjeç. Ligji parashikon shtyrje për studentët dhe sportistët, ndërsa trajnimin mund ta ndjekin edhe persona deri në moshën 30-vjeçare.

    Personave që, për arsye fetare ose morale, nuk duan të marrin pjesë në shërbimin ushtarak, u njihet e drejta e kundërshtimit të ndërgjegjes. Ata do të kryejnë shërbim civil për katër muaj, në mbrojtjen civile ose në komunitetet lokale.

    Pjesëmarrësit në trajnimin ushtarak do të marrin kompensim prej 1.100 eurosh në muaj, ndërsa koha e trajnimit do të llogaritet si stazh pune. Gratë nuk janë të detyruara, por mund të marrin pjesë vullnetarisht, çka konsiderohet edhe si një nga kushtet për pranim në shërbimin aktiv ushtarak.
    Për mosparaqitje në thirrje parashikohen gjobat nga 250 deri në 1.320 euro, dhe në raste të shmangies, policia mund të lëshojë urdhër detyrimi.
    Ligji gjithashtu parashikon përparësi në punësim në institucionet shtetërore për ata që kanë përfunduar trajnimin ushtarak ose kanë shërbyer në rezervën ushtarake.
    Gjatë debatit, deputetët e HDZ-së dhe të Lëvizjes Atdhetare theksuan se rikthimi i trajnimit ushtarak është i domosdoshëm për plotësimin e rezervës së Forcave të Armatosura, ndërsa opozita nga SDP dhe lëvizja “Možemo!” kritikoi trajtimin e pabarabartë të shërbimit civil dhe mungesën e një arsyetimi të qartë për nevojën e rikthimit të trajnimit.
    Parlamenti miratoi gjithashtu ndryshimet në Ligjin për shërbimin në Forcat e Armatosura, të cilat parashikojnë ndihmë për strehim për ushtarët nën 45 vjeç që nuk kanë zgjidhur çështjen e banimit në vendin e shërbimit, si dhe mundësinë e pranimit të ushtarëve me arsim bazë, me detyrimin për të përfunduar shkollën e mesme gjatë kontratës së parë të shërbimit.
    TRT Balkan

  • Kroacia rikthen ushtrinë e detyruar

    Kroacia rikthen ushtrinë e detyruar

    FOTO ILUSTRUESE

    KROACI-Parlamenti kroat ka miratuar rivendosjen e shërbimit të detyrueshëm ushtarak për të forcuar aftësitë mbrojtëse të Kroacisë mes kërcënimeve globale në rritje dhe luftës në Ukrainë.
    Për të miratuar masën, parlamentarët kroatë duhej të ndryshonin dy ligje atë të Mbrojtjes, dhe ligjin e Shërbimit në Forcat e Armatosura. Gjithsej 84 deputetë nga 151 anëtarë të parlamentit miratuan ndryshimet në ligjin për mbrojtjen, ndërsa 110 ndryshuan ligjin për shërbimin në forcat e armatosura.
    Mediat e huaja raportojnë se nga fillimi i vitit 2026, rreth 18,000 të rinj përjashtuar gratë do të thirren çdo vit nga mosha 18 vjeç për dy muaj stërvitje. Ata që do të kryejnë shërbimin ushtarak do të marrin 1,100 euro në muaj. Për ata që do të zgjedhin shërbimin social, shuma nuk është specifikuar. Ata që përfundojnë shërbimin ushtarak do të kenë avantazhin e aplikimit për punë në sektorin publik.

  • Ky shtet rikthen ushtrinë e detyruar

    Ky shtet rikthen ushtrinë e detyruar

    Bota E Premte, 24 Tetor 2025 19:04
    Parlamenti kroat ka miratuar rivendosjen e shërbimit të detyrueshëm ushtarak për të forcuar aftësitë mbrojtëse të Kroacisë mes kërcënimeve globale në rritje dhe luftës në Ukrainë. Zagrebi sipas agjencisë së lajmeve AFP , hoqi shërbimin e detyrueshëm ushtarak në vitin 2008, një vit para se të bashkohej me NATO-n.
    Për të miratuar masën, parlamentarët kroatë duhej të ndryshonin dy ligje atë të Mbrojtjes, dhe ligjin e Shërbimit në Forcat e Armatosura.
    Në Evropë, rekrutimi ushtarak ekziston në një numër të kufizuar vendesh, pasi shumë prej tyre e kanë hequr shërbimin e detyrueshëm ushtarak në dekadat e fundit, duke zgjedhur forcat e armatosura profesionale. Megjithatë, disa shtete ende e mbajnë rekrutimin e detyrueshëm, me procedura dhe kohëzgjatje të ndryshme.

  • Ministrja Koçiu me zjarrfikësit në Durrës: Do punojmë që sytë të drejtohen nga ju, jo vetëm në emergjencë

    Ministrja Koçiu me zjarrfikësit në Durrës: Do punojmë që sytë të drejtohen nga ju, jo vetëm në emergjencë

    Në takimin me punonjës të Shërbimit Zjarrfikës në Durrës, Ministrja e Punëve të Brendshme foli mbi forcimin e shërbimit, për garantimin e një reagimi më të shpejtë e më efektiv në çdo situatë emergjente. Në takim ishin edhe Kryetarja e Bashkisë Durrës, Prefekti dhe Drejtori i Përgjithshëm i Shërbimit Zjarrfikës.
    “Vera që lamë pas e tregoi sa e rëndësishme dhe e domosdoshme është që ne të kemi një shërbim ndërhyrjeje shpëtimi emergjencash që i përgjigjet sfidave. Tani kanë filluar, edhe për shkak të ndryshimeve klimatike, të jenë prezente dhe të paparashikueshme; jo pa qëllim janë emergjenca.Ato patjetër kërkojnë që të kemi ekipe që përgjigjen në kohë, me gatishmëri dhe profesionalizëm ndaj situatave të tilla”, u shpreh Albana Koçiu.
    Sipas saj eksperienca ka treguar edhe diçka tjetër të rëndësishme.
    “Ne kemi shërbimin zjarrfikës tashmë të decentralizuar, pra në nivel bashkie të organizuar. Kemi në Ministrinë e Punëve të Brendshme një Drejtori të Përgjithshme Rregullatore që kujdeset për standardin e këtij shërbimi. Por, ndërkohë, ajo që u evidentua është fakti që, kur vjen puna te zjarret masive që ndodhin në bashki të vogla si Bashkia e Finiqit apo e Leskovikut, është e pamundur që me kapacitetet e tyre të përballojnë një zjarr masiv”, tha Ministrja.
    Nevojë primare del riorganizimi i Shërbimit Zjarrfikës si dhe Emergjencave Civile.
    “Për të patur një mekanizëm koordinues me qëllim mirëadministrimin e fondeve, rialokimin ashtu siç duhet të mjeteve në dispozicion, për të hyrë në ato zona si bashkitë e vogla, për të shpëtuar jetë dhe për të mbrojtur mjedisin. Sigurisht që puna juaj është e fokusuar shumë edhe tek ato që quhen emergjenca urbane. Secili nga ju në përditshmëri ndihmoni në emergjencën urbane, në nevoja që mund të kenë familje të ndryshme, në përmbytje, jeni aty me eksperiencën, me ekspertizën dhe me profesionalizmin tuaj. Bëni një punë të jashtëzakonshme për këtë dhe për këtë shërbimi zjarrfikës në Bashki është për t’u lavdëruar, ka funksionuar jashtëzakonisht mirë. E rëndësishme është që të ngremë një mekanizëm të koordinuar mes bashkive në nivel rajonal për t’ju përshtatur këtyre emergjencave që vijojnë në ato bashki që nuk i kanë për hir të së vërtetës resurset e duhura”, theksoi ajo.
    Aspekti tjetër është trajnimi i vazhdueshëm sipas protokolleve dhe standardeve europiane. Për këtë do të ngrihet akademia e trajnimit për të gjithë emergjencat civile.
    “E gjitha me qëllim që ta modernizojmë trupën tuaj, një trupë jashtëzakonisht e rëndësishme në shpëtimin e jetëve të njerëzve”, nënvizoi Koçiu.
    Ajo foli edhepër nevojën e një reforme pagash në shërbimin zjarrfikës.
    “Ajo që dua t’i vë vetes si qëllim është që sytë të drejtohen nga ju jo vetëm kur ka një rast emergjence apo nevojë për profesionalizmin tuaj, por të drejtohen çdo ditë të vitit.Pikërisht për këtë arsye, qeveria shqiptare është angazhuar që ta bëjë këtë plan veprimi konkret dhe të zbatueshëm shumë shpejt”, tha Ministrja e Punëve të Brendshme.

  • Komisionerja Strakosha nën akuzë, Kalaja: Ajo harroi përgjegjësinë morale dhe nuk dha përgjigje për skandalin e patronazhimit

    Komisionerja Strakosha nën akuzë, Kalaja: Ajo harroi përgjegjësinë morale dhe nuk dha përgjigje për skandalin e patronazhimit

    E ftuar në emisionin e mëngjesit Kafe Shqeto në Syri TV, ka qenë avokatja Adriana Kalaja.

    Në bisedë me moderatorin Flavio Qarri, ajo ka komentuar deklaratat e një dite më parë të Komisioneres së Shërbimit Civil, Strakosha.

    Adriana Kalaja: Në fakt, në këndvështrimin tim, jo vetëm në aspektin moral që në ndërgjegjen e kësaj zonje duhet të prevalonte interesi publik. Dhe kjo, në çfarëdo lloj rrethane, duhej të jepte dorëheqjen nga një funksion kaq i rëndësishëm. Kjo gjë vlen edhe për ata që e riemëruan dhe ky është Edi Rama, se nuk ka njeri tjetër përveç atij. Dhe mbi të gjitha një person — po e marr pastaj në aspektin pak më të ngushtë — një person, një individ, një nënë, kur nuk mbikëqyr dot fëmijën e saj, nuk mund të mbikëqyrë gjithë shërbimin civil.

    Unë nuk them që ajo është fajtore. Nuk mban përgjegjësi për veprimet e të birit. Po them në aspektin moral. Është mungesë totale morale. Sepse të kesh fëmijën në kërkim për 2.4 miliardë euro, është një e treta e buxhetit të shtetit. Duhet të flasim me fakte dhe me prova dhe të japë ato përgjigje fyese, tallëse, të papërgjegjshme. Çfarë tha? Ja, unë po marr vetëm një moment, se pastaj do t’i rikthehemi prapë çështjes së Amant Josifit. Tha në një moment që patronazhistët janë një problem jashtëligjor dhe ne merremi vetëm me probleme ligjore.

    E para, një herë, nuk e di a ndjek lajmet kjo zonja, sepse patronazhimin e ka shpallur si kauzë të vetën vetë Edi Rama, në thirrje publike, në mënyrën se si funksionon procesi zgjedhor dhe në mënyrën se si nga maja e pushtetit, në formë kapilare deri tek pjesa fundore e administratës publike, është në shërbim, në formë patronazhimi të zgjedhjeve. Ndërkohë, ne këtë i kërkuam. Pra, kush është roli yt mbikëqyrës, nëpërmjet deputetëve tanë, në këtë skemë patronazhimi, për sa kohë që janë po këta njerëz të shërbimit civil që bëjnë edhe patronazhimin. E bëjnë mbi të gjitha me paratë publike, e bëjnë me strukturat publike dhe e bëjnë në orar të punës. Pra, kjo ishte thelbësore për ta parë.
    Ndërkohë edhe përgjigja për dorëheqjet në bashkitë më kryesore të vendit, ishte po kështu fyese dhe tallëse, sepse tha: “Dorëheqja është.” Po ne e pamë të gjithë që dorëheqjet filluan të nesërmen e deklaratës që bëri i madhërishmi i Surrelit.

    Kështu që ne nuk mund të bëjmë barazinë midis asaj që thotë ligji, sepse ne në ligj vërtet i kemi të shkruara mirë e bukur, por problemi është që ti, si kryetare, ose si komisionere e mbikëqyrjes së shërbimit civil, çfarë hapash ke evidentuar? Sepse nuk është puna jote vetëm problemi “u shkarkua dikush nga puna” dhe “si do ta zgjidhim”.
    E patë pastaj edhe në raport me atë çështjen tjetër në lidhje me KLP, KLGJ dhe ILD. Tha se ne vetëm i menaxhojmë. Jo, nuk është detyra e tyre t’i menaxhojnë. Është detyrë e tyre t’i kontrollojnë se si sillen ato në raport me shërbimin civil, sepse këtë detyrë ka. Nëse një komisioner thotë se kjo nuk është e imja, atëherë cila është detyra e një komisionereje të Shërbimit Civil?

  • Tragjedia në Maliq/ Shefi zjarrfikës: Fëmijët u gjetën jashtë, pistat tregojnë…

    Tragjedia në Maliq/ Shefi zjarrfikës: Fëmijët u gjetën jashtë, pistat tregojnë…

    Përgjegjësi i shërbimit zjarrfikës në Bashkinë e Maliqit, Sadik Halili tha se ka qenë policia ajo që ka lajmëruar shërbimin e MZSH e që më pas ka shkuar menjëherë një vendngjarje, aty ku një banesë u përfshi nga flakët. Sipas tij, 40 vjeçarja Merjeme Hazisllari dhe djali i saj 14 vjeçar të cilët ndërruan jetë, kanë pasur shumë pak djegie ndërkohë vajza 6 vjeçare ka më shumë.
    Përgjegjësi i zjarrfikëses nuk përjashton mundësinë që vdekja e nënës dhe djalit ka ardhur nga asfiksia. Më tej, ai shton se në vendngjarje janë gjetur prova materiale që tregojnë edhe shkakun e rënies së zjarrit në dhomën e ndenjes së familjes Hazisllari.
    “Djali ka qenë i pavetëdijshëm kurse vajza e vetëdijshme dhe tek dera e kuzhinës kemi gjetur të asfiksuar nënën e tyre e cila kishte ndëruar jetë. Njoftuam ambulancën, ju dhamë ndihmën e parë i dërguam në spitalin e Korçës. Për këtë ngjarje është ngritur grupi hetimor pjesë e të cilit jam edhe unë për të gjetur shkakun e zjarrit. Për momentin kemi dy versione: brenda në kuzhinë ka qenë soba me dru zjarri e ndezur ndërsa poshtë në dysheme kemi gjetur disa fije shkrepse të ndezura. Nuk mund të themi ende pistën përfundimtare”, tha Sadik Halili shefi i shërbimit zjarrfikës Maliq.
    Ngjarja tragjike ndodhi të dielën në qytetin e Maliqit. Zjarri që ka rënë në banesë u ka marrë jetën nënës dhe djalit, Merjeme Azisllari dhe djali i saj, Valter Azisllari, 14 vjeç. Në gjendje të rëndë ndodhet fëmija tjetër i familjes, 6 vjeç, i cili po trajtohet në Qendrën Spitalore Universitare “Nënë Tereza”. Fëmija u prit në urgjencën e Shërbimit të Djegie-Plastikës nga ekipi mjekësor, i cili ishte në komunikim të vazhdueshëm me mjekët, që e shoqëronin gjatë transportit nga Korça drejt Tiranës.

  • Pësoi djegie të rënda pas flakës në banesë, 6-vjeçarja nga Maliqi shtrohet në QSUT, ministrja e Shëndetësisë viziton të miturën

    Pësoi djegie të rënda pas flakës në banesë, 6-vjeçarja nga Maliqi shtrohet në QSUT, ministrja e Shëndetësisë viziton të miturën

    Në orët e mbrëmjes, në Qendrën Spitalore Universitare “Nënë Tereza” ka mbërritur për trajtim mjekësor 6-vjeçarja, N.A, e lënduar nga ngjarja e rëndë sot në Maliq, ku pasi djegies së banesës mbeti e lënduar, ndërsa nëna dhe vëllai i saj humbën jetën.

    Ministria e Shëndetësisë bën me dije se vogëlushja u prit në urgjencën e Shërbimit të Djegie-Plastikës nga ekipi mjekësor, i cili ishte në komunikim të vazhdueshëm me mjekët, që e shoqëronin gjatë transportit nga Korça drejt Tiranës.
    Pas vlerësimit të gjendjes shëndetësore, e mitura, aktualisht në gjendje kritike për jetën, u hospitalizua menjëherë në Shërbimin e Terapisë Intensive të Pediatrisë në QSUT, ku po trajtohet nga mjekët pediatër, reanimatorë dhe specialistët e djegie-plastikës, sipas të gjitha protokolleve mjekësore në fuqi.
    Njoftimi i plotë:
    Në orët e mbrëmjes, në Qendrën Spitalore Universitare “Nënë Tereza” ka mbërritur për trajtim mjekësor 6-vjeçarja, N.A, e lënduar nga ngjarja e rëndë sot në qarkun e Korçës.
    Pacientja u prit në urgjencën e Shërbimit të Djegie-Plastikës nga ekipi mjekësor, i cili ishte në komunikim të vazhdueshëm me mjekët, që e shoqëronin gjatë transportit nga Korça drejt Tiranës.
    Pas vlerësimit të gjendjes shëndetësore, e mitura, aktualisht në gjendje kritike për jetën, u hospitalizua menjëherë në Shërbimin e Terapisë Intensive të Pediatrisë në QSUT, ku po trajtohet nga mjekët pediatër, reanimatorë dhe specialistët e djegie-plastikës, sipas të gjitha protokolleve mjekësore në fuqi.
    Pak minuta, pas mbërritjes së 6 vjeçares, në QSUT ka mbërritur Ministrja e Shëndetësisë dhe Mirëqenies Sociale, Prof. Evis Sala, e shoqëruar nga drejtoresha e përgjithshme e QSUNT, Anxhela Paparizo dhe po ndjekin nga afër gjendjen e saj, në komunikim të vazhdueshëm me ekipin e përbashkët mjekësor të Shërbimit të Djegie-Plastikës dhe Shërbimit të Terapisë Intensive të Pediatrisë në QSUNT.
    MSHMS shpreh ngushëllimet për humbjen e pjesëtarëve të familjes dhe po qëndron në komunikim me QSUT, minutë pas minute për gjendjen shëndetësore të së miturës.

    Top Channel

  • Pësoi djegie nga zjarri që dogji banesën në Maliq, MSH: 6-vjeçarja është rëndë, po trajtohet në QSUT

    Pësoi djegie nga zjarri që dogji banesën në Maliq, MSH: 6-vjeçarja është rëndë, po trajtohet në QSUT

    Ministria e Shëndetësisë, ka reaguar në lidhje me gjendjen e 6- vjecares nga Korça, pasi shtëpia u përfshi nga zjarri.

    Në një reagim Ministria bënë me dije se e mitura, aktualisht është në gjendje kritike për jetën. Ndërkohë, në QSUT ka shkuar edhe Ministrja e Shëndetësisë dhe Mirëqenies Sociale, Evis Sala.

    Reagimi i Ministrisë së Shëndetësisë:

    Në orët e mbrëmjes, në Qendrën Spitalore Universitare “Nënë Tereza” ka mbërritur për trajtim mjekësor 6-vjeçarja, N.A, e lënduar nga ngjarja e rëndë sot në qarkun e Korçës.

    Pacientja u prit në urgjencën e Shërbimit të Djegie-Plastikës nga ekipi mjekësor, i cili ishte në komunikim të vazhdueshëm me mjekët, që e shoqëronin gjatë transportit nga Korça drejt Tiranës.

    Pas vlerësimit të gjendjes shëndetësore, e mitura, aktualisht në gjendje kritike për jetën, u hospitalizua menjëherë në Shërbimin e Terapisë Intensive të Pediatrisë në QSUT, ku po trajtohet nga mjekët pediatër, reanimatorë dhe specialistët e djegie-plastikës, sipas të gjitha protokolleve mjekësore në fuqi.

    Pak minuta, pas mbërritjes së 6 vjeçares, në QSUT ka mbërritur Ministrja e Shëndetësisë dhe Mirëqenies Sociale, Prof. Evis Sala, e shoqëruar nga drejtoresha e përgjithshme e QSUNT, Anxhela Paparizo dhe po ndjekin nga afër gjendjen e saj, në komunikim të vazhdueshëm me ekipin e përbashkët mjekësor të Shërbimit të Djegie-Plastikës dhe Shërbimit të Terapisë Intensive të Pediatrisë në QSUNT.

    MSHMS shpreh ngushëllimet për humbjen e pjesëtarëve të familjes dhe po qëndron në komunikim me QSUT, minutë pas minute për gjendjen shëndetësore të së miturës.

  • I mbjetoi flakëve në banesë, QSUT tregon se si është gjendja shëndetësore e 6-vjeçares

    I mbjetoi flakëve në banesë, QSUT tregon se si është gjendja shëndetësore e 6-vjeçares

    Në orët e mbrëmjes, në Qendrën Spitalore Universitare “Nënë Tereza” ka mbërritur për trajtim mjekësor 6-vjeçarja, N.A, e lënduar nga ngjarja e rëndë sot në qarkun e Korçës.
    Pacientja u prit në urgjencën e Shërbimit të Djegie-Plastikës nga ekipi mjekësor, i cili ishte në komunikim të vazhdueshëm me mjekët, që e shoqëronin gjatë transportit nga Korça drejt Tiranës.
    Pas vlerësimit të gjendjes shëndetësore, e mitura, aktualisht në gjendje kritike për jetën, u hospitalizua menjëherë në Shërbimin e Terapisë Intensive të Pediatrisë në QSUT, ku po trajtohet nga mjekët pediatër, reanimatorë dhe specialistët e djegie-plastikës, sipas të gjitha protokolleve mjekësore në fuqi.
    Pak minuta, pas mbërritjes së 6 vjeçares, në QSUT ka mbërritur Ministrja e Shëndetësisë dhe Mirëqenies Sociale, Prof. Evis Sala, e shoqëruar nga drejtoresha e përgjithshme e QSUNT, Anxhela Paparizo dhe po ndjekin nga afër gjendjen e saj, në komunikim të vazhdueshëm me ekipin e përbashkët mjekësor të Shërbimit të Djegie-Plastikës dhe Shërbimit të Terapisë Intensive të Pediatrisë në QSUNT.
    MSHMS shpreh ngushëllimet për humbjen e pjesëtarëve të familjes dhe po qëndron në komunikim me QSUT, minutë pas minute për gjendjen shëndetësore të së miturës

  • U konfliktua me disa persona në lokal dhe iu drejtoi armën e shërbimit, AMP nis hetimet ndaj efektivit (EMRI)

    U konfliktua me disa persona në lokal dhe iu drejtoi armën e shërbimit, AMP nis hetimet ndaj efektivit (EMRI)

    amp

    TIRANË- Agjencia e Mbikëqyrjes Policore (AMP) ka nisur hetimet për një punonjësine policisë, Eljo Hasa, në Komisariatin Nr.5, i dyshuar për kryerjen e veprave penale “Kanosja” dhe “Shpërdorim i detyrës”. Mbrëmjen e djeshme, punonjësi i policisë është konfliktuar fizikisht për motive të dobëta me disa personi brenda një lokali në Tiranë. Mirëpo, situata ka agravuar dhe efektivi, Eljo Hasa, ka kanosur me armën e shërbimit personat që po konfliktohej.
    Njoftimi:
    Agjencia e Mbikëqyrjes Policore (Rajoni Tiranë) ka referuar në Prokurorinë Pranë Gjykatës së Shkallës së Parë të Juridiksionit të Përgjithshëm Tiranë materialet proceduriale në ngarkim të punonjësit të policisë E. H., me detyrë Patrullë e Përgjithshmë në Komisariatin e Policisë Nr.5, i dyshuar për kryerjen e veprave penale “Kanosja” dhe “Shpërdorim i detyrës”.
    Nga veprimet e para hetimore rezultoi se punonjësi i policisë, mbrëmjen e djeshme është konfliktuar fizikisht për motive të dobëta me disa persona në ambientet e një lokali në Tiranë, ku më pas situata ka agravuar dhe punonjësi i policisë ka kanosur me armën e shërbimit personat që po konfliktohej.
    AMP ka nisur hetimin disiplinor administrativ ndaj punonjësit të policisë duke vijuar edhe hetimet për zbardhjen e plotë të ngjarjes.