Lajmidites.com

Tag: shëndetin

  • ‘Alarmi i kuq për ujërat në Shqipëri’, Tepelena: Qindra herë mbi normën e BE-së, situata është kërcënuese për shëndetin

    ‘Alarmi i kuq për ujërat në Shqipëri’, Tepelena: Qindra herë mbi normën e BE-së, situata është kërcënuese për shëndetin

    Nivelet e ndotjes në shumë burime ujore në Shqipëri, përfshirë liqenet, rezervuarët dhe lumenjtë, kanë arritur nivele kritike, duke qenë me dhjetëra e madje qindra herë mbi normat e lejuara të Bashkimit Evropian. Situata është përshkruar si “jo thjesht alarmante, por kërcënuese” për shëndetin publik, duke prekur jo vetëm ata që i përdorin këto ujëra për rekreacion, por të gjithë popullsinë përmes zinxhirit ushqimor.

    Ndotja, kryesisht me natyrë fekale dhe nga mbetjet urbane, ka kontaminuar rëndë ujërat që përdoren për qëllime të ndryshme. Një nga rastet më flagrante është ai i sportistëve që notuan në liqenin e Farkës, të pavetëdijshëm për rrezikun shëndetësor që u kanosej. Sipas ekspertëve që monitorojnë situatën, zona të tilla duhet të ishin rrethuar menjëherë me shirit sigurie për të ndaluar rreptësisht aksesin e publikut.

    I ftuar ditën e sotme në ‘Kafe Shqeto’, aktivisti Andi Tepelena shprehet se problemi shtrihet përtej notit dhe aktiviteteve rekreative. Këto burime ujore përdoren masivisht për vaditjen e tokave bujqësore, çka do të thotë se ndotësit dhe bakteret kalojnë direkt në produktet ushqimore dhe prej andej në organizmin e njeriut. Kjo e kthen çështjen në një problem të sigurisë ushqimore kombëtare, duke vënë në rrezik shëndetin e të gjithë qytetarëve.

    Në terren, neglizhenca është e dukshme edhe në detajet më elementare. Në zona turistike me fluks të lartë vizitorësh, siç është rezervuari i Bovillës, mungojnë edhe koshat e plehrave, duke bërë që mbeturinat të përfundojnë direkt në ujin e pijshëm. Vetëm pas alarmeve publike në mediat sociale, autoritetet kanë ndërhyrë në mënyrë sporadike.

    Deklarata e plotë:

    “Nga ana tekniko-bakterologjike nuk dua të flas, pasi këtë e lë në dorë të specialistëve, por nga kontaktet që kam pasur me komunitetet ku janë bërë monitorime të ujërave, mund të them me përgjegjësi se situata nuk është alarmante, por kërcënuese për shëndetin e njerëzve dhe të shqiptarëve në përgjithësi.

    Kemi të bëjmë me ujëra dhjetëra apo qindra herë mbi normat e pranueshme të BE-së, jo vetëm për ujëra rekreative, por edhe ato që përdoren për vaditje. Në disa zona, si Farka apo Prelazi, njerëzit lahen në ujëra të ndotura fekalisht, ku duhej të ishte ndaluar rreptësisht larja.

    Situata kërkon masa urgjente, deri edhe rrethim të liqeneve dhe rezervuarëve, si dhe krijimin e zonave mbrojtëse buferike, pasi pastrimi mund të kërkojë muaj apo vite.

    Raportet e BE-së e cilësojnë kapitullin e mjedisit si një nga më sfiduesit për Shqipërinë. Kjo nuk lidhet vetëm me demokracinë apo shtetin ligjor, por me shëndetin publik dhe sigurinë ushqimore: ujërat e ndotura përdoren për vaditje, dhe ndotja përfundon në produktet ushqimore.

    Janë konstatuar edhe mungesa elementare, si kosha plehrash pranë rezervuarëve apo zonave turistike, përfshirë edhe Bovillën. Vetëm pas reagimeve publike janë marrë masa minimale.
    Kjo tregon mungesë monitorimi dhe përgjegjësie nga institucionet që duhet të kujdesen për mjedisin dhe ujërat”.

  • Zbuloni 4 frutat që forcojnë zemrën, kockat dhe trurin

    Zbuloni 4 frutat që forcojnë zemrën, kockat dhe trurin

    Frutat e thata janë një burim i madh antioksidantësh që kontribuojnë në shëndetin tonë afatgjatë. Ju sugjerojmë 4 frutat e thata më të mira që sjellin përfitimet më të shumta për shëndetin.

    Arra

    Arrat janë të pasura me hekur, kalcium, magnez, vitaminë E, vitaminë B dhe elemente gjurmësh. Ato përmbajnë antioksidantë të fuqishëm që përfitojnë shëndetin e zemrës, trurit dhe zorrëve. Përveç kësaj, arrat përmbajnë melatonin, e cila ndihmon në luftimin e pagjumësisë, dhe antioksidantët e tyre forcojnë ekuilibrin e hormoneve.

    Lajthitë

    Lajthitë janë të pasura me proteina dhe ndihmojnë në uljen e kolesterolit të keq. Ato gjithashtu kanë një efekt pozitiv në shëndetin kardiovaskular, duke ulur kolesterolin LDL dhe duke forcuar shëndetin e përgjithshëm të trupit.

    Bajame

    Bajamet janë të shkëlqyera për shëndetin e kockave për shkak të përmbajtjes së tyre të lartë të fosforit dhe kalciumit, të cilat rrisin mineralizimin e kockave dhe i mbajnë ato të forta në afat të gjatë. Është gjithashtu një burim i shkëlqyer kalciumi për ata që janë intolerantë ndaj qumështit ose janë vegjetarianë.

    Kikirikë

    Kikirikët janë të pasur me vitaminë B6, e cila është thelbësore për rregullimin e nivelit të sheqerit në gjak dhe krijimin e hemoglobinës. Ato janë gjithashtu të pasura me vitaminë E dhe minerale të tilla si kaliumi, magnezi dhe fosfori, të cilat nxisin shëndetin e mirë kardiovaskular. Kikirikët kanë më pak kalori se çdo frut tjetër të thatë dhe përmbajnë antioksidantë që mbrojnë qelizat nga dëmtimi oksidativ.

  • Frutat e thata forcojnë zemrën, kockat dhe trurin

    Frutat e thata forcojnë zemrën, kockat dhe trurin

    Frutat e thata janë një burim i madh antioksidantësh që kontribuojnë në shëndetin tonë afatgjatë. Më poshtë do të gjeni 4 frutat e thata më të mira që sjellin përfitimet më të shumta për shëndetin.
    Arra
    Arrat janë të pasura me hekur, kalcium, magnez, vitaminë E, vitaminë B dhe elemente gjurmësh. Ato përmbajnë antioksidantë të fuqishëm që përfitojnë shëndetin e zemrës, trurit dhe zorrëve. Përveç kësaj, arrat përmbajnë melatonin, e cila ndihmon në luftimin e pagjumësisë, dhe antioksidantët e tyre forcojnë ekuilibrin e hormoneve.

    Lajthitë
    Lajthitë janë të pasura me proteina dhe ndihmojnë në uljen e kolesterolit të keq. Ato gjithashtu kanë një efekt pozitiv në shëndetin kardiovaskular, duke ulur kolesterolin LDL dhe duke forcuar shëndetin e përgjithshëm të trupit.
    Bajame
    Bajamet janë të shkëlqyera për shëndetin e kockave për shkak të përmbajtjes së tyre të lartë të fosforit dhe kalciumit, të cilat rrisin mineralizimin e kockave dhe i mbajnë ato të forta në afat të gjatë. Është gjithashtu një burim i shkëlqyer kalciumi për ata që janë intolerantë ndaj qumështit ose janë vegjetarianë.
    Kikirikë
    Kikirikët janë të pasur me vitaminë B6, e cila është thelbësore për rregullimin e nivelit të sheqerit në gjak dhe krijimin e hemoglobinës. Ato janë gjithashtu të pasura me vitaminë E dhe minerale të tilla si kaliumi, magnezi dhe fosfori, të cilat nxisin shëndetin e mirë kardiovaskular. Kikirikët kanë më pak kalori se çdo frut tjetër të thatë dhe përmbajnë antioksidantë që mbrojnë qelizat nga dëmtimi oksidativ.

  • OBSH: Të rinjtë shqiptarë përballen me sfida! Bullizmi online me pasoja në shëndetin mendor

    OBSH: Të rinjtë shqiptarë përballen me sfida! Bullizmi online me pasoja në shëndetin mendor

    Fëmijët dhe adoleshentët në Shqipëri përballen me një sërë sfidash që ndikojnë në shëndetin dhe mirëqenien e tyre.

    Të dhënat më të fundit të Organizatës Botërore të Shëndetësisë tregojnë se bullizmi online, dhuna dhe problemet e shëndetit mendor janë përhapur në mënyrë shqetësuese edhe në vendin tonë.
    Gati gjysma e vajzave adoleshente dhe 1/3 e djemve të moshës 11-15 vjeç kanë shfaqur ankesa që lidhen me shëndetin mendor. Sipas OBSH-së, 47% e vajzave dhe 31% e djemve të kësaj grupmoshe raportojnë të paktën një herë në javë shqetësime si dhimbje koke, nervozizëm apo ndjesi mërzitjeje.

    “12% e fëmijëve dhe adoleshentëve të grupmoshës 11-15 vjeç në Shqipëri kanë përjetuar të paktën një herë bullizëm online. Ky fenomen shqetësues, i përhapur me shpejtësi vitet e fundit, përfshin kërcënime dhe fyerje në internet, që sipas ekspertëve sjellin pasoja të drejtpërdrejta për shëndetin mendor dhe performancën në shkollë.”

    Raporti për Shqipërinë, i përgatitur në kuadër të Strategjisë së OBSH-së për Shëndetin dhe Mirëqenien e Fëmijëve dhe Adoleshentëve 2026-2030, evidenton se dhuna vijon të mbetet fenomen shqetësues.

    Gati gjysma e fëmijëve nuk ndihen të mbrojtur në shtëpitë e tyre. Sipas të dhënave nga OBSH, 48% e grupmoshës 1-14 vjeç kanë përjetuar forma dhune fizike apo psikologjike nga kujdestarët. Ky nivel i lartë i dhunës ndikon negativisht në zhvillimin emocional dhe social të fëmijëve.

    Sipas raportit, shqetësuese janë edhe veset si konsumimi i duhanit dhe alkoolit që në moshë të vogël. Rreth 18% e adoleshentëve 13-15 vjeç përdorin cigaret elektronike dhe VAPE, 15% pinë duhan, ndërsa 19% konsumojnë alkool.

    Këta tregues nënvizojnë nevojën për më shumë politika, forcim të edukimit prindëror, rritjen e sigurisë online, si dhe përforcimin e mbrojtjes ligjore ndaj fëmijëve dhe adoleshentëve.

  • VENDIMI/ Danimarka ndalon me ligj rrjetet sociale për fëmijët nën 15 vjeç

    VENDIMI/ Danimarka ndalon me ligj rrjetet sociale për fëmijët nën 15 vjeç

    Danimarka njoftoi sot një masë të re që synon të mbrojë shëndetin mendor të fëmijëve: të miturve nën 15 vjeç do t’u ndalohet qasja në platformat e rrjeteve sociale, ndërsa prindërit do të kenë mundësinë të lejojnë akses për fëmijët mbi 13 vjeç në platforma të caktuara, bënë të ditur zyrtarët e qeverisë.
    Qeveria argumenton se kufizimi i aksesit është i nevojshëm për të luftuar efektet negative të përdorimit të tepruar të rrjeteve sociale tek të vegjëlit, duke përmendur humbjen e kohës, ndikimin në mirëqenie dhe rreziqet për shëndetin mendor.
    Në një fjalim para parlamentit muajin e kaluar, kryeministrja Mette Frederiksen mbështeti vendosjen e kufizimeve, ndërsa Ministrja e Dixhitalizimit, Caroline Stagge Olsen, deklaroi:

    “Të ashtuquajturat rrjete sociale po lulëzojnë, duke u vjedhur kohën, fëmijërinë dhe mirëqenien fëmijëve tanë, dhe ne do ta ndalojmë këtë tani.”
    Sipas zyrtarëve, shumica e partive parlamentare kanë mbështetur masën, duke e konsideruar atë një hap përpara në mbrojtjen e të miturve nga përmbajtje dhe praktika që dëmtojnë zhvillimin e tyre.

  • Harrojini suplementet: Ushqime që kanë të gjithë magnezin që ju nevojitet

    Harrojini suplementet: Ushqime që kanë të gjithë magnezin që ju nevojitet

    Magnezi është i domosdoshëm për shëndetin, por është më mirë ta merrni përmes një diete të ekuilibruar, jo përmes suplementeve të shtrenjta.

    Magnezi është bërë një hit i vërtetë në rrjetet sociale, ku shumë e konsiderojnë atë një zgjidhje të mrekullueshme për pagjumësinë, stresin dhe ankthin, prandaj kërkesa për suplemente ushqimore me këtë mineral të rëndësishëm është rritur. Megjithatë, ekspertët theksojnë se është shumë më mirë (dhe më lirë) ta merrni me ushqim.

    I rëndësishëm për organizmin

    Ky mineral është thelbësor për shumë funksione në trup, duke përfshirë funksionimin e duhur të muskujve dhe nervave, shëndetin e zemrës dhe kockave, si dhe rregullimin e sheqerit në gjak. Pa magnez, trupi ynë nuk do të ishte në gjendje të merrte frymë, të mendonte ose të lëvizte normalisht, dhe është bërë shumë popullor sepse shumë pretendojnë se i ndihmon të bien në gjumë më lehtë.

    Nutricionistja Alma Bunić foli për Tportal rreth efekteve të tij në gjumë dhe në trup, e cila theksoi se ushqimi i pasur me magnez ofron të gjitha lëndët ushqyese të nevojshme për shëndetin, me një rrezik më të ulët të efekteve anësore.

    Ne ju sjellim një listë me pesë ushqime me të cilat do të jeni në gjendje të merrni sasi të konsiderueshme magnezi çdo ditë – dhe këtë përmes një pjate, jo një shisheje suplementesh.

    Fara kungulli

    Farat e kungullit janë një nga burimet më të mira të magnezit, me deri në 530 mg të këtij minerali të rëndësishëm për 100 gramë. Përveçse janë të pasura me magnez, farat e kungullit përmbajnë gjithashtu yndyrna të shëndetshme, fibra dhe proteina, duke i bërë ato jashtëzakonisht të dobishme për shëndetin e përgjithshëm dhe ekuilibrin e sheqerit në gjak. Konsumi i rregullt mund të shtojë ndjeshëm marrjen tuaj të përditshme të magnezit, së bashku me shumë përfitime të tjera shëndetësore.

    Arra

    Arrat si bajamet, arrat dhe lajthitë janë gjithashtu burime të shkëlqyera të magnezit. Për shembull, 100 gramë bajame përmbajnë rreth 270 mg magnez, ndërsa arrat dhe lajthitë gjithashtu ofrojnë sasi të konsiderueshme të këtij minerali. Përveç magnezit, arrat janë të pasura me yndyrna të shëndetshme, antioksidantë dhe vitamina që mbështesin shëndetin e zemrës, trurit dhe lëkurës, duke i bërë ato ushqimin e përsosur për ata që duan të rrisin marrjen e magnezit.

    Perime të gjelbra

    Perimet jeshile si palma zvicerane dhe spinaqi janë jashtëzakonisht të pasura me magnez. Për shembull, palma e gatuar mund të përmbajë rreth 80 mg magnez për 100 gramë, ndërsa spinaqi, përveçse është një burim i mirë i magnezit, përmban gjithashtu vitamina dhe minerale që mbështesin shëndetin e syve, kockave dhe sistemit imunitar. Këto perime mund të jenë një shtesë e shkëlqyer në pjata të ndryshme, siç janë sallatat, supat ose smoothiet, duke pasuruar kështu dietën me përbërës të dobishëm që ndihmojnë në ruajtjen e ekuilibrit të mineraleve në trup.

    Drithëra të plota

    Drithërat e plota, si tërshëra, thekra dhe hikërrori, janë gjithashtu burime të shkëlqyera të magnezit. Tërshëra, për shembull, përmban rreth 135 mg magnez për 100 gramë, ndërsa thekra dhe hikërrori ofrojnë sasi të ngjashme. Këto drithëra jo vetëm që kontribuojnë në marrjen e magnezit, por janë gjithashtu të pasura me fibra, të cilat përmirësojnë tretjen, mbajnë nivele të qëndrueshme të sheqerit në gjak dhe zvogëlojnë rrezikun e sëmundjeve kronike si diabeti dhe sëmundjet e zemrës.

    Çokollatë e zezë

    Çokollata e zezë, veçanërisht ajo me një përmbajtje kakaoje midis 70% dhe 85%, është gjithashtu një burim i shkëlqyer i magnezit, me rreth 230 mg për 100 gramë. Përveç magnezit, çokollata e zezë është e pasur me antioksidantë që mbështesin shëndetin e zemrës dhe enëve të gjakut, dhe gjithashtu mund të ketë një efekt pozitiv në humor. Megjithatë, është e rëndësishme ta konsumoni me moderim sepse, përveç magnezit, çokollata e zezë përmban edhe kalori që mund të grumbullohen shpejt.

  • Efektet negativë të fjetjes me flokë të lagur

    Efektet negativë të fjetjes me flokë të lagur

    Një studim i fundit nga dermatologët e njohur shpjegon rreziqet e shtrirjes me flokë të lagur. Dr. Michele Green, dermatologe kozmetike, thekson se:

    “Fjetja me flokë të lagur mund të çojë në dëmtime të konsiderueshme të flokëve dhe skalpit. Flokët e lagur janë më të ndjeshëm dhe më të prirur për t’u thyer. Gjithashtu, lagështira krijon kushte të favorshme për zhvillimin e myqeve dhe bakterieve, që mund të shkaktojnë irritim dhe probleme me skalpin.”

    Dr. Green rekomandon që të sigurohemi të thajmë flokët para gjumit, për të ruajtur shëndetin dhe pamjen e tyre. Kjo është veçanërisht e rëndësishme për ata që kanë flokë të thatë ose të dëmtuar, për të minimizuar rreziqet dhe për të përmirësuar cilësinë e flokëve.

    Kur flokët janë të lagur, ata bëhen më elastikë, por struktura e proteinave dobësohet, duke i bërë më të brishtë dhe më të ndjeshëm ndaj thyerjes. Ky rrezik shoqërohet me rritjen e majave të ndara dhe thyerjeve, që ndodhin më shpesh kur flokët janë të lagur gjatë natës.

    Sipas Dr. Anna Chacon, një dermatologe nga Miami, “Kur shkoni në shtrat me flokë të lagur, gjithashtu mund të kontribuoni në zhvillimin e infeksioneve mykotike në skalpin tuaj.” Ajo shpjegon se mjedisi i lagësht krijon një terren të përshtatshëm për rritjen e kërpudhave, të cilat mund të shkaktojnë probleme shëndetësore, përfshirë infeksione të skalpit dhe ndjeshmëri të lartë.

    Këto aspekte theksojnë rëndësinë e thajjes së flokëve para gjumit për të mbajtur jo vetëm shëndetin e flokëve, por edhe për të parandaluar ndërlikimet shëndetësore që mund të vijnë si pasojë e fjetjes me flokë të lagur.

    Përveç problemeve me flokët, kërkimet tregojnë se kërpudhat që rriten në lagështi mund të transferohen në jastëk, duke rritur rrezikun e infeksioneve të sistemit të frymëmarrjes. Një studim i vitit 2021, i publikuar në revistën “Journal of Dermatological Science”, ka zbuluar se ekspozimi ndaj lagështisë për një periudhë të gjatë mund të nxisë rritjen e kërpudhave, duke rritur ndjeshëm rrezikun për zhvillimin e sëmundjeve mykotike.

    Për të mbrojtur flokët dhe shëndetin e skalpit, dermatologët rekomandojnë të lani flokët disa orë para se të shkoni në shtrat, ose të përdorni tharës flokësh për t’i tharë plotësisht. Kjo strategji mund të ndihmojë në zvogëlimin e rreziqeve dhe përmirësimin e shëndetit të përgjithshëm të flokëve, duke siguruar një mjedis më të shëndetshëm për gjumin. Duke ndjekur këto këshilla, ju mund të ruani jo vetëm pamjen e flokëve, por edhe shëndetin tuaj të përgjithshëm.

  • OBSH: 546 mijë vdekje nga nxehtësia në vit

    OBSH: 546 mijë vdekje nga nxehtësia në vit

    Bota E Shtunë, 1 Nëntor 2025 21:42
    Ndryshimet klimatike po shkaktojnë gjithnjë e më shumë një kosto shkatërruese për shëndetin e njeriut. Raporti i fundit i publikuar nga OBSH, bën më dije se bota po ngrohet me ritme shumë të shpejta dhe reagimi ndaj këtij fenomeni ka dështuar.
    Raporti i vitit 2025 mbi Shëndetin dhe Ndryshimet Klimatike, i prodhuar në bashkëpunim me Organizatën Botërore të Shëndetësisë, zbulon se 12 nga 20 treguesit kryesorë që ndjekin kërcënimet shëndetësore kanë arritur nivele rekord, duke treguar se si mosveprimi ndaj klimës po kushton jetë, po i tendos sistemet shëndetësore dhe po dëmton ekonomitë.

    Shkalla e vdekshmërisë, e lidhur me nxehtësinë është rritur me 23% që nga vitet 1990, duke e çuar totalin e vdekjeve të lidhura me nxehtësinë në një mesatare prej 546 000 vdekjesh në vit.

    Në vitin që lamë pas, një individ ishte i ekspozuar me të paktën 16 deri në 20 ditë të nxehta të rrezikshme.

    Ekspozimi ndaj nxehtësisë shkaktoi humbjen e 640 miliardë orëve të mundshme të punës në vitin 2024, me humbje produktiviteti ekuivalente me 1.09 trilion dollarë amerikanë.
    Kostot e vdekjeve të lidhura me nxehtësinë tek të rriturit e moshuar arritën në 261 miliardë dollarë amerikanë.
    Sipas OBSH-së, nëse nuk merren masa,  Europa, pjesë e së cilës është edhe Shqipëria, do të përballet me ditë me të nxehta, duke ndikuar drejtpërsëdrejti në shëndetin e popullatës dhe ekonominë e vendit.
    Siç duket edhe ne hartë, shumica e vendeve të Europës janë me të kuqe, duke treguar se temperaturat janë në rritje.
    Nga viti në vit, Shqipëria po përjeton ditë me të nxehta të rritura me të paktën 2-3 gradë, duke shkaktuar edhe zjarre në pyje.
    Po ashtu, si pasoje e nxehtësisë, vendet e Europës po përjetojnë edhe net me të nxehta, duke sjellë reduktim të gjumit.

  • Kungulli i vjeshtës është një superushqim, ja pse…

    Kungulli i vjeshtës është një superushqim, ja pse…

    Çdo tetor, kungujt vendosen në qendër të vëmendjes duke marrë trajtën e fenerëve, kafeve dhe vitrinave. Por sapo hiqen zbukurimet e Hallouinit, i harrojmë.Një gabim për të të ardhur keq sepse kungujt dhe farat e tyre janë fabrika energjie që duhet të jenë gjithnjë në kuzhinë.
    Shëndet dhe shkëlqim
    Nën tulin në portokalli të ndezur, ka një sërë lëndësh ushqyese. Kungujt kanë karetoneide. Beta-karoteni kthehet në vitaminë A që ndihmon shikimin, lëkurën dhe sistemin imunitar. Dietat me përmbajtje të lartë karoteni ulin inflamacionin dhe sëmundjet kronike, nga zemra te disa lloje kanceri.Kungujt janë burim i mirë vitaminë C që fuqizon barrierën imunitare dhe prodhimin e kolagjenit për lëkurë të shëndetshme. Niveli i lartë i kaliumit ndihmon shëndetin e zemrës dhe ekuilibron kripën.Në 100 gramë kungull të gatuar ka 2 gramë fibër që stabilizon sheqerin në gjak, forcon shëndetin e zorrëve dhe të mban të ngopur.Ëmbëlsia e tij i jep shije dhe trajtë kremoze supave, gjellëve dhe lëngjeve pa nevojën e sheqernave të shtuar apo bulmetit.Kungujt më të mirë për t’u ngrënë nuk janë ata gjigantët, por varietet më të vogla që përmbajnë më shumë shije dhe lëndë ushqyese.
    Farat
    Nëse tuli është trupi i kungullit, farat janë zemra. Farat përmbajnë shumë zink, magnez dhe selen, elementë që forcojnë imunitetin, shëndetin e zorrëve dhe balancojnë hormonet. Zinku ndihmon në prodhimin e rruazave të bardha të gjakut, seleni lufton inflamacionin dhe ndihmon tiroiden kurse magnezi qetëson muskujt, ndikon në një gjumë më të mirë dhe rregullimin e zorrëve.Ka vetëm një rregull të artë: pak fara kungulli janë më mirë se asgjë. Mjafton të spërkasni disa në sallatën, supën apo t’i hidhni në një smoothie dhe do të merrni gjithçka ju nevojitet.

  • Jo vetëm për Hallouin! Kungulli i vjeshtës është një superushqim

    Jo vetëm për Hallouin! Kungulli i vjeshtës është një superushqim

    Çdo tetor, kungujt vendosen në qendër të vëmendjes duke marrë trajtën e fenerëve, kafeve dhe vitrinave.  Por sapo hiqen zbukurimet e Hallouinit, i harrojmë.

    Një gabim për të të ardhur keq sepse kungujt dhe farat e tyre janë fabrika energjie që duhet të jenë gjithnjë në kuzhinë.

    Shëndet dhe shkëlqim

    Nën tulin në portokalli të ndezur, ka një sërë lëndësh ushqyese. Kungujt kanë karetoneide. Beta-karoteni kthehet në vitaminë A që ndihmon shikimin, lëkurën dhe sistemin imunitar. Dietat me përmbajtje të lartë karoteni ulin inflamacionin dhe sëmundjet kronike, nga zemra te disa lloje kanceri.

    Kungujt janë burim i mirë vitaminë C që fuqizon barrierën imunitare dhe prodhimin e kolagjenit për lëkurë të shëndetshme. Niveli i lartë i kaliumit ndihmon shëndetin e zemrës dhe ekuilibron kripën.

    Në 100 gramë kungull të gatuar ka 2 gramë fibër që stabilizon sheqerin në gjak, forcon shëndetin e zorrëve dhe të mban të ngopur.

    Ëmbëlsia e tij i jep shije dhe trajtë kremoze supave, gjellëve dhe lëngjeve pa nevojën e sheqernave të shtuar apo bulmetit.

    Kungujt më të mirë për t’u ngrënë nuk janë ata gjigantët, por varietet më të vogla që përmbajnë më shumë shije dhe lëndë ushqyese.

    Farat

    Nëse tuli është trupi i kungullit, farat janë zemra. Farat përmbajnë shumë zink, magnez dhe selen, elementë që forcojnë imunitetin, shëndetin e zorrëve dhe balancojnë hormonet. Zinku ndihmon në prodhimin e rruazave të bardha të gjakut, seleni lufton inflamacionin dhe ndihmon tiroiden kurse magnezi qetëson muskujt, ndikon në një gjumë më të mirë dhe rregullimin e zorrëve.

    Ka vetëm një rregull të artë: pak fara kungulli janë më mirë se asgjë. Mjafton të spërkasni disa në sallatën, supën apo t’i hidhni në një smoothie dhe do të merrni gjithçka ju nevojitet.