Lajmidites.com

Tag: shëndetësore

  • Vala e re e infeksioneve: 12 mijë raste në javë,autoritetet na informojne

    Vala e re e infeksioneve: 12 mijë raste në javë,autoritetet na informojne

    Autoritetet shëndetësore europiane paralajmërojnë për një valë të hershme të gripit këtë sezon,  me shqetësime të veçanta për përhapjen e virusit AH3N2,  i njohur si “gripi australian”. Italia ka ngritur alarmin për ndikimin e mundshëm në të gjithë kontinentin,  përfshirë edhe Shqipërinë.
    Në vendin tonë,  Instituti i Shëndetit Publik (ISHP) raporton një rritje të ndjeshme të infeksioneve respiratore,  me rreth 12 mijë raste në javë. Megjithatë,  deri më tani nuk janë izoluar raste të konfirmuara me grip.

    “Kemi 12 mijë raste në javë, por nuk kemi kapur grip”,  deklaroi specialisti i ISHP-së,  Artan Simaku. Ai theksoi se në qendrat shëndetësore ka fluks pacientësh me simptoma të ngjashme me gripin,  si temperaturë e lartë,  kollë,  bronkit dhe shpesh otit viral. Mungesa e testimit dhe hezitimi për të kërkuar ndihmë mjekësore mund të ndikojnë në mosreflektimin e rasteve reale në statistika.

    Simaku nënvizoi se në Europë po qarkullojnë viruset AH1N1 dhe AH3N2,  dhe se vaksina e gripit që ofrohet në Shqipëri përmban shtame të këtyre viruseve. Ai apeloi për vaksinim sa më herët,  për të shmangur komplikacionet e mundshme.

    Situata është veçanërisht e ndjeshme tek fëmijët nën 5 vjeç,  ku përveç gripit dhe virozave të zakonshme, v irusi respirator sinsicial po rëndon më tej gjendjen shëndetësore.

  • E rëndë në Itali, i riu shqiptar gjendet i vdekur në banesë nga i vëllai

    E rëndë në Itali, i riu shqiptar gjendet i vdekur në banesë nga i vëllai

    Një tragjedi e rëndë ka ndodhur të premten, më 24 tetor, në Masotti, Serravalle Pistoiese të Italisë ku një i ri shqiptar, Flavio Saraci, 19 vjeç, u gjet i pajetë në dhomën e tij nga vëllai më i vogël.
    Sipas dëshmive, i riu, i cili ishte atletik dhe aktiv në sporte, nuk kishte probleme shëndetësore të njohura. Vdekja e tij papritur duket se ka ardhur si pasojë e një sëmundjeje fatale, e cila është ende e paqartë për mjekët.
    Shërbimet e urgjencës mbërritën menjëherë dhe e transportuan Flavion në Spitalin San Jacopo, por pavarësisht përpjekjeve, mjekët konfirmuan vdekjen e tij.
    Autoritetet shëndetësore pritet të kryejnë autopsinë për të përcaktuar shkakun e saktë të vdekjes së Flavio Saracit.

  • DETAJE / Përkeqësohet gjendja shëndetësore e dy naftëtarëve grevistë në Fier

    DETAJE / Përkeqësohet gjendja shëndetësore e dy naftëtarëve grevistë në Fier

    Në ditën e 12- të të grevës së urisë, përkeqësohet gjendja shëndetësore e dy prej grevistëve, Dorjan Dylmishi dhe Dritan Rrapushi.

    Vetëm pak minuta më parë ekipi shëndetësor ka mbërritur me ambulancë në zyrat e Sindikatës ku kanë kryer kontrollet përkatëse, ndërsa një prej tyre, Dorjan Dylmishi është transportuar drejt Spitalit Rajonal Fier për ndihmë më të specializuar.

    Përkeqësohet gjendja shëndetësore e dy naftëtarëve

    Edhe pse shëndeti i grevistëve cenohet, ata shprehen të palëkundur në kauzën e tyre.

    Prej rreth dy javësh naftëtarët e Marinzës, të organizuar nga Sindikata e Sektorit Hidrokarbur janë futur në grevë urie dhe kërkesat e tyre kryesore janë për rritje pagash dhe përmirësim të kushteve të punës.

    Përkeqësohet gjendja shëndetësore e dy naftëtarëve

    Në një prononcim dy ditë më parë për “Puls” nga Bruna Çifligu, në A2 CNN, 10 naftëtarët në grevë urie thanë se pagat e tyre janë rritur vetëm 8 mijë lekë në 8 vite, çka është qesharake në raport me rrogat që marrin punonjësit kinez të Bankers Petroleum.

    Protestat e punonjësve të Bankers nisën fillimisht në fillim të shtatorit, por u ndërprenë pasi u mendua për një zgjidhje konsensuale midis palëve. Por mos arritja e një marrëveshje duket se i çoi naftëtarët drejt përshkallëzimit të rezistencës ndaj kërkesave të tyre dhe hyrjen në grevë urie, më 15 tetor.

  • Nga menuja me karkaleca e Dumanit, tek mungesa e kryeprokurorit në Kuvend, përgjigjet SPAK

    Nga menuja me karkaleca e Dumanit, tek mungesa e kryeprokurorit në Kuvend, përgjigjet SPAK

    FOTO ILUSTRUESE

    TIRANË- Lajmi për helmimin e Nuredin Dumanit, i penduari i drejtësisë, i cili përfundoi në spital në muajin shtator, bëri bujë në media. Fillimisht u raportua Dumani mund të ishte helmuar për shkak të karkalecave, ndërsa pas ekzaminimeve në QSUT, rezultoi se komplilacionet në gjendjen shëndetësore të Dumanit erdhën pas një krize epileptike. 
    SPAK, pyetur zyrtarisht nga mediat dhe në regjistrin e transparencës për muajin shtator, nuk ka dhënë detaje duke sqaruar se kjo çështje nuk është në kompetencë të saj. Për këtë, SPAK thotë se është Drejtoria e Burgjeve ajo mund të përgjigjet. 

    Pyetjet: Ju drejtohemi për të kërkuar informacion zyrtar lidhur me gjendjen shëndetësore të paraburgosurit N.D, I cili sipas burimeve ka shfaqur probleme shëndetësore gjatë qëndrimit në qeli. Në mënyrë të veçantë do të donim të sqaroheshin këto çështje: 1. Cila është gjendja aktuale shëndetësore e tij? Çfarë masash mjekësore janë marrë nga ana e stafit të institucionit? Si ështa e mundur që media raportojnë se Dumani ka konsumuar karkaleca deti në qeli. A kanë qenë pjesë e menusë apo i paraburgosuri ka mundësi për të porositur nga jashtë?
    SPAK: Kjo çështje nuk është në kompetencë të Strukturës së Posaçme kundër Korrupsionit dhe Krimit të Organizuar. Për këtë arsye, ju mund t’i drejtoheni Drejtorisë së Përgjithshme të Burgjeve dhe Drejtorisë për Mbrojtjen e Dëshmitarëve dhe Bashkëpunëtorëve të Drejtësisë për trajtimin e mëtejshëm të kërkesës suaj.

    Gjithashtu, mungesa e kryeprokurorit të SPAK, Altin Dumani në seancën konstituive të Kuvendit, nuk mund të mungonte në listën e pyetjeve. Mungesa e Dumanit në Kuvend, nxiti reagime dhe lajme të ndryshme aludonin mbi arsyet. Lidhur me këtë, SPAK ka sqaruar se kreu i Prokurorisë Altin Dumani, nuk mundi të ishte i pranishëm për shkak të një agjende të paracaktuar. 
    “Në përgjigje të kërkesës suaj, Drejtuesi i Prokurorisë së Posaçme, z.Altin Dumani, për shkak të një agjende të paracaktuar e pati të pamundur të ishte i pranishëm në seancës çelëse të legjislaturës së re parlamentare”-thuhet në përgjigjen e SPAK.

  • Prej 17 ditësh në reanimacion, si paraqitet gjëndja shëndetësore e Fatos Nanos?

    Prej 17 ditësh në reanimacion, si paraqitet gjëndja shëndetësore e Fatos Nanos?

    Prej 17 ditësh, ish-kryeministri socialist Fatos Nano ndodhet i shtruar në një spital privat në Tiranë në gjendje të rënduar shëndetësore, pas një arresti kardiorespirator. 
    Sipas informacioneve për Report TV këtë të premte, bëhet me dije se ish-kryeministri nuk ka asnjë përmirësim dhe as përkeqësim të gjendjes së tij. 
    Fatos Nano, 73 vjeç është themeluesi dhe kreu i parë i Partisë Socialiste të Shqipërisë.  
    Ai ishte njeriu që bëri të mundur transformimin e ish Partisë së punës që vinte nga trashëgimia komuniste, në një forcë që i rezistoi pluralizmit politik, si një aktore me peshë në skenën shqiptare. 
     

  • Shkurtime drastike në OBSH: 2,000 qendra shëndetësore pezulluan aktivitetet e tyre

    Shkurtime drastike në OBSH: 2,000 qendra shëndetësore pezulluan aktivitetet e tyre

    Organizata Botërore e Shëndetësisë tha sot se përballet me shkurtime drastike në buxhetin e saj humanitar emergjent këtë vit, me perspektivën për vitin 2026 “të zymtë”.

    Nën Presidentin Donald Trump, Shtetet e Bashkuara, tradicionalisht donatori kryesor në botë, e kanë ulur ndjeshëm ndihmën e tyre ndërkombëtare dhe donatorë të tjerë të mëdhenj janë përballur me buxhete “të shtrënguara”.
    Teresa Zakaria, drejtuese e reagimit humanitar dhe ndaj fatkeqësive të OBSH-së, tha se agjencia shëndetësore e OKB-së ka marrë 40% më pak fonde për nevojat emergjente humanitare në të gjithë botën këtë vit sesa në vitin 2024. “Është shumë e madhe”, u tha ajo gazetarëve gjatë një konference për shtyp.
    OBSH-ja ka identifikuar më shumë se 300 milionë njerëz që kanë nevojë për ndihmë humanitare dhe “i është dashur të bëjë zgjedhje shumë të vështira se kujt t’i japë përparësi dhe kujt jo”, shtoi ajo.
    Në këto kohë të vështira, OBSH-ja thotë se po përqendrohet te më në nevojë, në vendet më të goditura.
    Si pasojë e drejtpërdrejtë e këtyre shkurtimeve, më shumë se 5,600 qendra shëndetësore në të gjithë botën janë detyruar të zvogëlojnë shërbimet e tyre dhe më shumë se 2,000 janë detyruar të pezullojnë aktivitetet e tyre.
    “Kjo ka kufizuar drejtpërdrejt aksesin në shërbimet shëndetësore për 53 milionë njerëz” në të gjithë botën, sipas Zakarias. Dhe “perspektiva për vitin 2026 është me të vërtetë e zymtë”.
    Në vende të tilla si Republika Demokratike e Kongos, Sudani dhe Haiti, “ne tashmë po shohim një rritje të shkallës së vdekshmërisë së nënave dhe shkallës së kequshqyerjes, dhe situata nuk po ndalet së përkeqësuari”, shpjegoi zyrtari i OBSH-së.
    Drejtori i Përgjithshëm i OBSH-së, Tedros Adhanom Ghebreyesus, tha se ishte shumë i shqetësuar për pasojat në vendet më të varfra.
    Megjithatë, “shumë vende po e kuptojnë situatën dhe po deklarojnë se nevojitet një ndryshim në mentalitet”, duke mobilizuar burimet e tyre kombëtare për të financuar sistemet e tyre shëndetësore, “përfshirë nevojat emergjente shëndetësore”, megjithatë kreu i OBSH-së e vuri në dukje si një pasojë pozitive.

    Top Channel

  • OBSH: Kriza shëndetësore në Gazë do të zgjasë për gjenerata

  • Konferenca për ‘30 vite partneritet me Këshillin e Evropës’/ KQZ: Kodi Zgjedhor duhet të zgjidhë fushatën online dhe financimin e partive nga palët e treta

    Konferenca për ‘30 vite partneritet me Këshillin e Evropës’/ KQZ: Kodi Zgjedhor duhet të zgjidhë fushatën online dhe financimin e partive nga palët e treta

    Sot u zhvillua dita e dytë e Konferencës “30 vite partneritet dhe progres: Shqipëria, Këshilli i Evropës dhe Komisioni i Venecias” të organizuar nga Kuvendi, ku pjesë ishte dhe kreu i KQZ-së, Ilirjan Celibashi.

    Gjatë fjalës së tij, Celibashi ka kërkuar që reforma zgjedhore të adresojë disa çështje kyçe, si financimi i partive politike e deri te garantimi i mundësisë për të votuar në banesë për personat me probleme shëndetësore.
    Kreu i KQZ është ndalur edhe në mundësinë e votimit në banesë për personat të cilët e kanë të pamundur të jenë në qendrat e votimit.
    “Në kuadër të organizimit dhe funksionimit të partive politike dhe financimi të fushatave zgjedhore të partive politike ngelet që të shikojmë se çfarë do të duhet të bëjmë me financimin e palëve të treta që angazhohen dhe mbështesin subjekte të caktuara politike. Duhet rregulluar ky aspekt.
    Duhet të zgjidhim çështjen e votuesve që nuk mund ta ushtrojnë këtë të drejtë. Kanë të drejtën e votës por nuk mund të dalin nga banesa për arsye shëndetësore. Kjo është e papranueshme sidomos tani kur ne ia çojmë fletën e votimit edhe shqiptarëve në Australi, ndërsa ata që e kanë shtëpinë e tyre sipër ose në krah të qendrës së votimit nuk votojnë dot se nuk dalin nga banesat për shkaqe shëndetësore”, tha ai.

    Top Channel

  • Prej 13 ditësh në reanimacion, përkeqësohet gjendja shëndetësore e Fatos Nanos

    Prej 13 ditësh në reanimacion, përkeqësohet gjendja shëndetësore e Fatos Nanos

    Ish-kryeministri socialist Fatos Nano ndodhet i shtruar në një spital privat në Tiranë në gjendje të rënduar shëndetësore, pas një arresti kardiorespirator. Ai ndodhet prej 13 ditësh reanimacion, ndërsa dje pësoi dhe një arrest kardiak.
    Sipas burimeve nga spitali gjendja është përkeqësuar dhe ai nuk është më koshient.
    Prej kohësh, lideri historik i PS vuan nga një problem kronik respirator, që njihet edhe si SPOK.
    Fatos Nano, 73 vjeç është themeluesi dhe kreu i parë i Partisë Socialiste të Shqipërisë. Ai ishte njeriu që bëri të mundur transformimin e ish Partisë së punës që vinte nga trashëgimia komuniste, në një forcë që i rezistoi pluralizmit politik, si një aktore me peshë në skenën shqiptare.
     

  • Gjendja shëndetësore e Fatos Nanos përkeqësohet, mjekë nga jashtë mbërrijnë urgjentisht në Tiranë

    Gjendja shëndetësore e Fatos Nanos përkeqësohet, mjekë nga jashtë mbërrijnë urgjentisht në Tiranë

    Orë kritike për shëndetin e ish-presidentit Fatos Nanos, i cili po lufton për jetën pas 11 ditësh në reanimacion.
    Gazetarja ka mundur të mësojë nga mjekët e spitalit privat ku ai po mjekohet, se gjendja e tij mbetet kritike.
    Mjekët thonë se problem konsiderohet rizgjimi si organi me vulnerabël, si pasojë e hypoksisë së zgjatur në kohën e arrestit kardiorespirator.
    Ndërkohë në spitalit privat në Tiranë, ka mbërritur dhe një epik i specializuar mjekësorë të huaj, të cilët po monitorojnë gjendjen shëndetësore të liderit historik të PS.