Një gjykatë tribunale në Bangladesh ka dënuar ish-kryeministren Sheikh Hasina me vdekje për shtypjen e protestave kundër qeverisë të vitit të kaluar, raporton BBC.
Hasina është dënuar në mungesë për krime të ndryshme kundër njerëzimit. Ajo jeton në syrgjynosje në Indi.
Ajo u dënua bashkë me ish-ministrin e Brendshëm dhe shefin e Policisë. Ata u shpallën fajtorë për lejimin e përdorimit të dhunës vdekjeprurëse ndaj protestuesteve dhe mosparandalimin e mizorive ndaj tyre.
Gjykata lexoi të gjitha akuzat para të pandehurve duke përshkruar shkallën e dhunës së aksionit të policisë. I pranishëm ishte vetëm ish-shefi i policisë, Abdullah al-Mamun.
Ish-udhëheqësja mohon të gjitha akuzat e sulmit ku sipas Kombeve të Bashkuara u vranë me qindra njerëz. Hasina ishte kryeministrja më jetëgjatë në pushtet e Bangladeshit. Ajo u kthye në një ikonë të demokracisë kur bashkoi forcat me parti të tjera politike kundër regjimit ushtarak të viteve 1980. Ajo e mori për herë të parë pushtetin në 1996.
Mandati i saj i dytë që nisi në 2009 ishte kontradiktor. Ai u njollos me akuzat e vrasjeve, zhdukjeve të detyruara dhe heshtjes së kundërshtarëve, një kthesë e dukshme për një lidere që dikur luftoi për demokracinë shumëpartiake.
Babai i saj, Sheikh Mujibur Rahman, udhëhoqi pavarësinë e vendit nga Pakistani në 1971 dhe u bë presidenti i parë. i ati i saj i vra me pjesën më të madhe të familjes në 1975. Vetëm Hasina dhe motra e saj, Sheikh Rehana, shpëtuan pasi ndodheshin jashtë vendit. Shkaku i protestave vdekjeprurëse të vitit të shkuar ishte zemërimi i të rinjve bangladeshas me mënyrën e shpërndarjes së punëve të qeverisë.
Që pas luftës për pavarësi nga Pakistani në 1971, Bangladeshi ka ruajtur gjithnjë 30% të të gjitha roleve të shërbimit civil për veteranët dhe në thelb, për pasardhësit e tyre.
Në 2024, mijëra punë të lakmueshme po ofroheshin bazuar në prejardhje dhe jo në meritë. Praktikisht, shpesh ata ishin mbështetës të Sheikh Hasina dhe partisë së saj, Awami League.
Për studentët dhe të sapodiplomuarit që vuanin nga shkalla e lartë e mospunësimit, sistemi i kuotave po shihej si shenjë kronizmi brenda qeverisë së Bangladeshit, sesa shpërblim për patriotizmin.
Pas ardhjes në pushtet të qeverisë së përkohshme, sistemi i kuotave është reduktuar ndjeshëm. Tani vetëm 5% e punëve në qeveri shkojnë për pasardhësit e veteranëve të luftës.
Lideri Muhammad Yunus ka stabilizuar disi ekonominë duke fuqizuar rezervat e huaja të vendit dhe duke siguruar hua të rëndësishme nga Fondi Monetar Ndërkombëtar.
Por Bangladeshi, një prej prodhuesve më të mëdhenj të veshjeve, ka nevojë për më shumë investime që të riparojë ekonominë e brishtë. Kjo nuk do të ndodhë për sa kohë vijojnë dhuna dhe destabiliteti politik.
Tag: sheikh
-
Dënohet me vdekje ish-kryeministrja në Bangladesh: Dhunoi protestuesit
-
“21 Janari” i Bangladeshit, dënohet me vdekje ish-kryeministrja për dhunën ndaj protestuesve
Një gjykatë tribunale në Bangladesh ka dënuar ish-kryeministren Sheikh Hasina me vdekje për shtypjen e protestave kundër qeverisë të vitit të kaluar, raporton BBC.
Hasina është dënuar në mungesë për krime të ndryshme kundër njerëzimit. Ajo jeton në syrgjynosje në Indi.
Ajo u dënua bashkë me ish-ministrin e Brendshëm dhe shefin e Policisë. Ata u shpallën fajtorë për lejimin e përdorimit të dhunës vdekjeprurëse ndaj protestuesteve dhe mosparandalimin e mizorive ndaj tyre.
Gjykata lexoi të gjitha akuzat para të pandehurve duke përshkruar shkallën e dhunës së aksionit të policisë. I pranishëm ishte vetëm ish-shefi i policisë, Abdullah al-Mamun.
Ish-udhëheqësja mohon të gjitha akuzat e sulmit ku sipas Kombeve të Bashkuara u vranë me qindra njerëz.Hasina ishte kryeministrja më jetëgjatë në pushtet e Bangladeshit. Ajo u kthye në një ikonë të demokracisë kur bashkoi forcat me parti të tjera politike kundër regjimit ushtarak të viteve 1980. Ajo e mori për herë të parë pushtetin në 1996.
Mandati i saj i dytë që nisi në 2009 ishte kontradiktor. Ai u njollos me akuzat e vrasjeve, zhdukjeve të detyruara dhe heshtjes së kundërshtarëve, një kthesë e dukshme për një lidere që dikur luftoi për demokracinë shumëpartiake.
Babai i saj, Sheikh Mujibur Rahman, udhëhoqi pavarësinë e vendit nga Pakistani në 1971 dhe u bë presidenti i parë. i ati i saj i vra me pjesën më të madhe të familjes në 1975. Vetëm Hasina dhe motra e saj, Sheikh Rehana, shpëtuan pasi ndodheshin jashtë vendit.
Hasina është një e mbijetuar e vërtetë politike që u ka rezistuar qindra arrestimeve në opozitë dhe disa tentativave për vrasje.
Ajo tha se vrasjet gjatë protestës së vjetshme ishin “tragjike”, por mohoi kategorikisht që të ketë udhëruar personalisht sulmin e forcave të sigurisë ndaj protestuesve në javët para se ajo të arratisej.Shkaku i protestave vdekjeprurëse të vitit të shkuar ishte zemërimi i të rinjve bangladeshas me mënyrën e shpërndarjes së punëve të qeverisë.
Që pas luftës për pavarësi nga Pakistani në 1971, Bangladeshi ka ruajtur gjithnjë 30% të të gjitha roleve të shërbimit civil për veteranët dhe në thelb, për pasardhësit e tyre.
Në 2024, mijëra punë të lakmueshme po ofroheshin bazuar në prejardhje dhe jo në meritë. Praktikisht, shpesh ata ishin mbështetës të Sheikh Hasina dhe partisë së saj, Awami League.
Për studentët dhe të sapodiplomuarit që vuanin nga shkalla e lartë e mospunësimit, sistemi i kuotave po shihej si shenjë kronizmi brenda qeverisë së Bangladeshit, sesa shpërblim për patriotizmin.
Pas ardhjes në pushtet të qeverisë së përkohshme, sistemi i kuotave është reduktuar ndjeshëm. Tani vetëm 5% e punëve në qeveri shkojnë për pasardhësit e veteranëve të luftës.
Lideri Muhammad Yunus ka stabilizuar disi ekonominë duke fuqizuar rezervat e huaja të vendit dhe duke siguruar hua të rëndësishme nga Fondi Monetar Ndërkombëtar.
Por Bangladeshi, një prej prodhuesve më të mëdhenj të veshjeve, ka nevojë për më shumë investime që të riparojë ekonominë e brishtë. Kjo nuk do të ndodhë për sa kohë vijojnë dhuna dhe destabiliteti politik. -
Presidenti palestinez Mahmoud Abbas shpall pasardhësin e mundshëm, në rast “vakance të postit”
Presidenti palestinez Mahmoud Abbas ka lëshuar një dekret që përshkruan një plan trashëgimie “në rast vakance të postit”, njoftoi sot agjencia zyrtare palestineze lajmeve WAFA.
Sipas masës së re, zëvendësi i tij, Hussein al-Sheikh, do të marrë përkohësisht drejtimin e Autoritetit Palestinez, bëri të ditur agjencia.
Dekreti parashikon që al-Sheikh, 64 vjeç, të udhëheqë Autoritetin Palestinez deri në 90 ditë, nëse Abbas nuk është më në gjendje të ushtrojë detyrat e tij.
Gjatë atij afati do të mbahet një palë zgjedhje presidenciale. E njëjta procedurë do të zbatohet edhe në rast dorëheqjeje, ndonëse një hap i tillë nuk pritet nga Abbas.
Al-Sheikh, një prej bashkëpunëtorëve më të afërt të presidentit, u emërua zëvendëspresident më herët gjatë këtij viti, pasi posti u krijua në prill.
Abbas, 89 vjeç, pasoi themeluesin e Organizatës për Çlirimin e Palestinës (OÇP), Yasser Arafat, duke fituar zgjedhjet presidenciale të vitit 2005, të fundit të mbajtura në territoret palestineze.
Ai dhe lëvizja e tij Fatah konsiderohen më të moderuar krahasuar me grupin islamist Hamas, i cili mori me forcë kontrollin e Rripit të Gazës në vitin 2007, duke përzënë Fatahun.
Autoriteti Palestinez, i udhëhequr nga Abbas, ushtron vetëqeverisje të kufizuar në disa zona të Bregut Perëndimor të pushtuar, por nuk ka kompetencë mbi vendimet ushtarake izraelite apo mbi zgjerimin e vendbanimeve hebraike, të cilat vazhdojnë nën qeverinë aktuale të Izraelit. -
Sisi për Trump: Vetëm ti mund ta ndalësh luftën në Gaza
Presidenti i SHBA-së, Donald Trump, dhe Presidenti egjiptian, Abdul Fattah al-Sisi, zhvilluan sot një takim zyrtar në kuadër të një samiti ndërkombëtar për paqen, që po mbahet në qytetin bregdetar egjiptian, Sharm el-Sheikh.
Qëllimi i këtij samiti është gjetja e një zgjidhjeje të qëndrueshme për konfliktin në Gaza, ndërsa takimi Trump-Sisi u cilësua si moment kyç për rifillimin e përpjekjeve diplomatike.
Gjatë deklaratës për mediat, presidenti Trump u shpreh se “faza e dytë e negociatave ka nisur”, duke theksuar se proceset janë të ndërlidhura dhe po zhvillohen paralelisht. Ai nënvizoi gjithashtu se “duhet bërë shumë pastrim në Gaza” për të ecur përpara drejt një marrëveshjeje të qëndrueshme.
Nga ana e tij, presidenti Sisi e quajti Sharm el-Sheikh “qytetin e paqes” dhe e cilësoi marrëveshjen për armëpushimin e përkohshëm si “një arritje të madhe”. Ai falënderoi Trump për rolin e tij në negociata dhe deklaroi se “vetëm ai mund ta ndalë luftën në Gaza”.
Sisi shtoi se Egjipti është i angazhuar për kthimin e trupave të pengjeve izraelite dhe ruajtjen e armëpushimit, duke theksuar rëndësinë e bashkëpunimit ndërkombëtar në këtë proces.
Samiti në Sharm el-Sheikh po vijon me pjesëmarrjen e përfaqësuesve të vendeve kyçe të rajonit dhe aktorëve ndërkombëtarë. -
Marrëveshja mes Izraelit dhe Hamasit, Macron konfirmon mbështetjen për një shtet të pavarur palestinez
Presidenti francez Emmanuel Macron ka konfirmuar mbështetjen e plotë të Francës për krijimin e një shteti të pavarur palestinez dhe ka theksuar rëndësinë e dialogut për të promovuar paqen në Lindjen e Mesme.
Sipas medias egjiptiane Youm7, Macron bëri këtë deklaratë pas mbërritjes së tij në Sharm El-Sheikh për të marrë pjesë në “Samitin e Paqes së Sharm El-Sheikh” të organizuar nga Egjipti.
Macron theksoi se “Franca synon të luajë një rol shumë të veçantë krahas Autoritetit Palestinez, i cili duhet të ketë vendin e tij të drejtë dhe të kryejë reformat e nevojshme”.
Ai shtoi se pjesëmarrja e presidentit palestinez Mahmoud Abbas në samit është “një sinjal shumë pozitiv… dhe një njohje e rolit të Autoritetit Palestinez si një institucion legjitim”.
Samiti, i titulluar “Samiti i Paqes së Sharm El-Sheikh”, pritet të drejtohet bashkërisht këtë pasdite nga Presidenti i SHBA-së Donald Trump dhe homologu i tij egjiptian Abdel Fattah El-Sisi, me praninë e liderëve nga më shumë se njëzet vende, sipas presidencës egjiptiane.
Ky samit vjen pas marrëveshjes së fundit të armëpushimit midis Izraelit dhe Hamasit, e ndërmjetësuar nga Trump, dhe synon të diskutojë planin e tij për paqen në Gazë, duke përfshirë rolin e ardhshëm të Autoritetit Palestinez.
Liderë të tjerë të pranishëm përfshijnë kryeministrin britanik Keir Starmer, shefin e OKB-së António Guterres, si dhe udhëheqës nga Italia, Spanja dhe Turqia.
Izraeli dhe Hamas nuk janë ftuar zyrtarisht, por diskutimet do të përqendrohen në stabilitetin rajonal. -
Donald Trump mbërrin në Egjipt për samitin historik, ja liderët botërorë që do të marrin pjesë
Presidenti i SHBA-së, Donald Trump, ka mbërritur në qytetin turistik egjiptian Sharm el-Sheikh, ku do të bashkë-kryesojë një ceremoni nënshkrimi që ka tërhequr një turmë homologësh të tij nga e gjithë bota.
Air Force One, avioni presidencial u shoqërua në zonë nga avionë luftarakë egjiptianë.
Autoritetet egjiptiane njoftuan udhëheqësit që do të marrin pjesë në samitin ndërkombëtar të organizuar në qytetin Sharm el-Sheikh të hënën pasdite.
Sipas agjencisë zyrtare të lajmeve egjiptiane, “Samiti i Paqes në Sharm el-Sheikh” përfshin pjesëmarrjen e krerëve të shteteve dhe monarkëve:
Presidenti egjiptian, Abdel Fattah al-Sisi,
Presidenti i Shteteve të Bashkuara, Donald Trump
Mbreti jordanez, Abdullah II
Emiri i Katarit Sheikh Tamim bin Hamad, Mbreti i Bahreinit
Mbreti Hamad bin Isa al-Khalifa
Presidenti palestinez, Mahmoud Abbas
Presidenti turk, Recep Tayyip Erdogan
Presidenti indonezian, Joko Widodo
Presidenti i Azerbajxhanit, Ilham Aliyev
Presidenti francez Emmanuel Macron dhe
Presidenti qipriot Nikos Christodoulides.
Siç raporton agjencia, në samit do të marrin pjesë edhe kryeministrat e vendeve, përfshirë:
Kancelari gjerman, Friedrich Merz
Kryeministri irakian, Mohammed Shia al-Sudani
Kryeministri i Mbretërisë së Bashkuar, Keir Starmer
Kryeministrja italiane, Giorgia Meloni
Kryeministri spanjoll, Pedro Sanchez
Kryeministri grek, Kyriakos Mitsotakis
Kryeministri armen, Nikol Pashinyan
Kryeministri hungarez, Viktor Orban
Kryeministri pakistanez, Shahbaz Sharif
Kryeministri kanadez, Mark Carney
Kryeministri norvegjez, Jonas Gahr Storr
Zëvendëspresidenti dhe kryeministri i Emirateve të Bashkuara Arabe Mohammed bin Rashid,
Kryeministri i Kuvajtit, Sheikh Ahmed Abdullah al-Shabab
Përveç kësaj, sipas agjencisë, në samit do të marrin pjesë edhe:
Ministri i Jashtëm i Omanit, Badr al-Busaidy
Sekretari i Përgjithshëm i OKB-së, Antonio Guterres
Sekretari i Përgjithshëm i Ligës Arabe, Ahmed Aboul Gheit
Presidenti i Këshillit Evropian, Antonio Costa
Zëvendësministri i Jashtëm Indian, Subrahmanyam Jaishankar
Ambasadori japonez në Kajro, Fumio IwaiTop Channel
-
Sharm El-Sheikh: Qyteti i qetë bregdetar i Egjiptit gati të transformohet në arenë diplomatike
Sharm El-Sheikh po përgatitet për një ngjarje të jashtëzakonshme në orët e fundit para se avioni i Presidentit të SHBA-së, Donald Trump, të ulet në aeroportin ndërkombëtar të qytetit.
Qyteti i qetë bregdetar, i mësuar me turistë dhe zhytës, tani po përjeton një gjendje të rrallë gatishmërie – dhe mund ta shihni në çdo detaj.
Do të presë udhëheqës botërorë për ceremoninë e nënshkrimit të hënën për të finalizuar një marrëveshje që synon t’i japë fund luftës në Gaza.
Autoritetet lokale po i spërkasin trotuaret me ujë, ndërsa skajet dhe muret janë lyer me bojë të re duke i dhënë një “shkëlqim të freskët”. Çdo pemë është shkurtuar, çdo tabelë është ripozicionuar.
Flamujt e vendeve pjesëmarrëse valëviten në sheshe dhe përreth sallës së konferencave. Detajet e vogla që mund të kalonin pa u vënë re në ditët normale tani janë nën mikroskopin e autoriteteve.
Zona përreth sallave të samitit është pjesërisht e mbyllur – ka një gjendje alarmi të shtuar sigurie në të gjitha hyrjet dhe daljet në Guvernatoratin e Sinait Jugor.
Sharm el-Sheikh tani është më shumë sesa një qytet i qetë egjiptian në Detin e Kuq, ai do të transformohet në një qendër vendimmarrjeje, një arenë të hapur diplomatike dhe një përfaqësim të gjallë të një bote që përpiqet të rivizatojë hartën politike të Lindjes së Mesme.
-
Samiti në Sharm el-Sheikh/ Trump fton Greqinë dhe Qipron në konferencën e Gazës
Greqia dhe Qiproja janë ndër vendet e ftuara nga Donald Trump në konferencën për Gazën që do të mbahet të hënën në Sharm el-Sheikh të Egjiptit.
Në ftesën zyrtare për samitin e liderëve mbi Gazën, SHBA-të ftuan, përveç Greqisë dhe Qipros, Azerbajxhanin, Armeninë, El Salvadorin, Kanadanë, Kuvajtin, Japoninë, Indinë, Spanjën, Bahreinin dhe Hungarinë.
Axios raporton se edhe Irani është ftuar, ndërsa thuhet se Izraeli dhe Hamasi nuk do të marrin pjesë.
Në vend të kësaj, në samit do të marrin pjesë Sekretari i Përgjithshëm i OKB-së, Antonio Guterres, Kryeministri britanik Keir Starmer dhe Presidenti francez Emmanuel Macron.
Ftesa zyrtare u është dërguar udhëheqësve për samitin e Egjiptit.
-
Aksident tragjik në Sharm el-Sheikh të Egjiptit, humbin jetën tre diplomatë nga Katari
Një aksident automobilistik i ndodhur mbrëmjen e së shtunës në Sharm el-Sheikh të Egjiptit ka rezultuar me vdekjen e tre diplomatëve nga Katari dhe plagosjen e dy të tjerëve.
Shkaqet e aksidentit nuk janë ende të njohura, ndërsa ngjarja po hetohet nga autoritetet egjiptiane.
Në këtë qytet pritet të zhvillohet të hënën një samit i nivelit të lartë, ku do të marrin pjesë liderë ndërkombëtarë për finalizimin e një marrëveshjeje që synon t’i japë fund luftës mes Izraelit dhe Hamasit në Rripin e Gazës.
BREAKING: A traffic accident about 50 km from Sharm el-Sheikh killed three members of Qatar’s delegation heading to Gaza peace talks and injured two others. The victims were reportedly Qatari diplomats.Egyptian authorities are investigating the accident. pic.twitter.com/c4bcop6PhD— Clash Report (@clashreport) October 11, 2025
-
Libri i poetit palestinez El-Kurd: Hero apo terrorist, perëndimi na mohon njerëzillëkun!
Shkrim i La Stampa
Mohammed El-Kurd është një nga zërat më të njohur të mendimit palestinez bashkëkohor, poet, gazetar dhe aktivist, i lindur në 1998 në Sheikh Jarrah, në Jeruzalemin Lindor, sot nën okupim izraelit.
Që nga fëmijëria, ai ka qenë dëshmitar i drejtpërdrejtë i shkatërrimit të shtëpisë së familjes së tij nga kolonët, një përvojë që e ka shënuar thellë dhe e ka kthyer në shkrim dhe aktivizëm.
Mohammed El-KurdPas studimeve në SHBA, rikthehet në Palestinë në vitin 2021, vitin kur protestat kundër dëbimeve në Sheikh Jarrah morën përmasa ndërkombëtare. Që atëherë, zëri i tij bëhet i njohur globalisht.
El-Kurd ka publikuar më parë një libër me poezi, “Rifqa”, ku kujtimet e fëmijëris, përfshirë figurën e gjyshes së tij, ndërthuren me përvojën politike. Kujtimet shndërrohen në një formë rezistence dhe kthehen nga dhimbje personale një memorie kolektive.
Së fundmi, me librin e tij të ri “Viktimat perfekte” (botuar në Itali nga Fandango), El-Kurd sfidon perceptimet dhe strukturat e imponuara mbi palestinezët.
Libri nis me pyetje të thjeshta, por thelbësore:
Pse palestinezët duhet të dëshmojnë njerëzillëkun e tyre për t’u dëgjuar? ose Kush vendos se cila dhimbje meriton empati?
Sipas tij, gjuha nuk është kurrë neutrale.
Termat që përdorin mediat perëndimore për të përshkruar dhunën izraelite dhe palestineze formojnë perceptimin publik.
“Një masakër në Gaza shpesh quhet ‘incident’, ndërsa vdekja e izraelitëve shfaqet si tragjedi e tmerrshme. Vdekja e palestinezëve sterilizohet nga fjalët”, shkruan El-Kurd.
Titulli i librit nënkupton se për të qenë të dëgjuar, palestinezët duhet të përputhen me standarde etnocentrike perëndimore. Çdo shkelje e këtyre pritshmërive i kthen ata shkelës të moralit, duke justifikuar okupimin dhe dhunën.
El-Kurd kritikon përdorimin e eufemizmave (fjalë që përdoren për të zbutur një realitet të dhimbshëm ose të papërshtatshëm) si “tension” apo “konflikt” për dhunën izraelite.
“Këto fjalë mbulojnë realitetin”, thotë ai.
“Viktima ideale është ajo që duket e pafuqishme, që të ngjall dhembshuri, por që kur kundërshton me të drejtë, të gjithë e dënojnë unanimisht” shton ai.
El-Kurd e përshkruan përvojën palestineze si të mbushur me rezistencë e të injoruar nga mediat dhe komuniteti ndërkombëtar.
Nga marshimet në Gaza në vitin 2018, tek protestat në Sheikh Jarrah dhe grevat e urisë të të burgosurve, zëri palestinez shpesh shfaqet vetëm kur përdor dhunë, duke lënë në hije vuajtjet e përditshme.
Autori fton lexuesit perëndimorë të rishikojnë perceptimet dhe paragjykimet e tyre: të kuptojnë pse disa zëra amplifikohen dhe bota hesht.
“Libri im nuk flet vetëm për Palestinën. Është një ftesë për të reflektuar mbi mediat, gjuhën dhe perceptimet që krijojmë për të tjerët“, përfundon El-Kurd.