Në një deklaratë të lëshuar të martën në mbrëmje, NATO ka konfirmuar se Sekretari i Përgjithshëm i NATO-s, Mark Rutte, do të udhëtojë për në Uashington.
Kjo për t’u takuar me presidentin amerikan, Donald Trump të martën, më 21 tetor dhe të mërkurën, më 22 tetor.
Aleanca e NATO-s nuk dha detaje të mëtejshme mbi arsyet e udhëtimit apo temat e mundshme të takimit
Shefi i MZSH Maliq, Sadik Halili, ka dhënë detaje të reja lidhur me zjarrin tragjik që u mori jetën dy personave në Maliq. Halili ka bërë me dije se zjarrfikësja është njoftuar me vonesë pasi fqinjët nuk e kanë kuptuar se ka rënë zjarr në banesë pasi dritaret e dyert kanë qenë të mbyllura.
Ai theksoi se distanca ka qene e vogël dhe se pasi janë njoftuar nga policia kanë shkuar në vendin e ngjarjes. Sipas tij kur kanë mbërritur i kanë gjetur të pajetë nënë e bir të cilët humbën jetën nga asfiksia.
Sipas tij deri më tani janë dy pista hetimi, një që shkak i zjarrit ka qenë ndezja e shkrepëseve ose soba e druve.
“I kemi gjetur pas shenja jete, djalin 14-vjeçar dhe zonjën e shtëpisë, te asfiksuar nga tymi. Djegiet u konstatuan te fëmija i dytë, kishte djegie në fytyre e në pjesë të ndryshme të trupit. Te dy fëmijët i kemi gjetur ne oborrin e banesës, nënën e tyre e kemi gjetur ne derën e kuzhinës të asfiksuar nga tymi. Nuk kishte djegie, vdekja erdhi nga asfiksia nga tymi.
Me marrjen e njoftimit ne kemi mbërritur për 2 minuta. Distanca ishte e shkurtër, duke parë djegiet kur kemi arritur ne nuk kishte zjarr kishte mbaruar. Ne kemi bërë evakuimin e fëmijës, të nënës së tyre dhe i përgatitem për spital”, tha ai në “Euronews Albania”.
Shefi i Sektorit të AMP-s Korçë Dejvi Ago ka dhënë dorëheqjen nga detyra, pasi është filmuar duke qëndruar pranë Guri Mazelliut, person me precedent penal të mëparshëm. Dosja.al, ka siguruar fletën e lirimit nga puna të Agos, ku thuhet se ai ka kërkuar vetë dorëheqjen.
Fletë-lirimi nga puna
Siç shihet dhe nga fotoja e mëposhtme e siguruar nga Dosja.al, Ago ndodhet në një bar-lokal me Guri Mazelliun, i njohur për autoritetet për shkak se është kapur disa herë duke bërë kontrabandë me bagëti të imta. Po ashtu Mazelliu është një nga personat e përfshirë në sherrin masiv të ndodhur disa javë më parë në Bilisht, ku dy persona kanë mbetur të plagosur rëndë.
Guri Mazelliu dhe Dejvi Ago
Mazelliu dyshohet se kishte mbështetje nga Ago si dhe nga Glodian Ahmetaj, në kohën kur ka qenë drejtor i AMP Vlorë. Në videon e mëposhtme, shihet Ago bashkë me Ahmetaj, të cilët ndodhen në banesën e Mazelliut duke kërcyer bashkë.
Ende nuk dihet nëse arsyeja e dorëheqjes së Agos nga detyra lidhet me faktin që ka favorizuar Mazelliun në kontrabandën e bagëtive të imta./Dosja.al
Houthët e Jemenit thanë të enjten se Shefi i Shtabit të tyre, Muhammad Abd Al-Karim al-Ghamari, një nga zyrtarët më të lartë ushtarakë të grupit të mbështetur nga Irani, u vra “ndërsa kryente detyrat e tij”.
Pa e fajësuar drejtpërdrejt Izraelin për vrasjen e tij, Houthët thanë se konflikti me Izraelin nuk kishte mbaruar.
Sipas tyre, Izraeli do të “marrë ndëshkimin e tij parandalues për krimet që ka kryer”.
Në gusht, Izraeli shënjestroi shefin e shtabit të grupit, ministrin e mbrojtjes dhe figura të tjera të larta në sulmet ajrore në Sanaa të Jemenit, në të cilat u vranë kryeministri i qeverisë së drejtuar nga Houthët e Jemenit dhe disa ministra të tjerë.
Izraeli kishte thënë atëherë se sulmi ajror kishte shënjestruar al-Ghamarin, ministrin e mbrojtjes dhe zyrtarë të tjerë të lartë dhe se po verifikonte informatat.
Nisin lëvizjet në policinë e qarkut Korçë.
Mësohet se lëvizja e parë është bërë nga Devolli, ku shefi i komisariatit të këtij rrethi është transferuar në detyrën e shefit të komisariatit të policisë Peqin.
Në vend të tij u caktua nënkomisar Bilbil Lita, i cili deri më sot mbante detyrën e shefit të komisariatit Peqin.
Transferimi i dy drejtuesve të komisariateve të policisë është zyrtarizuar mëngjesin e sotëm në DVP Korçë. Pritet të shihet nëse do të ketë lëvizje të tjera në juglindje.
Teksa minatorët në Spaç të Mirditës kërkojnë të drejtat e tyre për kushtet e punës dhe paga më të larta në sektorin minerar, nuk ka munguar as sjellja brutale e Policisë që ndiqte protestën e tyre.
Nga videot e siguruar nga Syri, shihet mjaft qartë Shefi i Komisaritit, Arben Marku duke kërkuar shoqërimin e minatorëve.
Madje në një moment, Marku tërheq zvarrë njërin nga minatorët protestues, gjë që has në rezistencën e fortë të këtij të fundit.
Rreth 70 minatorë kanë ndalur punën dhe kanë bllokuar hyrjen kryesore të objektit, në shenjë proteste ndaj kushteve të vështira të punës me të cilat përballen çdo ditë.
Ata kërkojnë që drejtuesit e firmës turke të ulen në bisedime dhe të plotësojnë kërkesat e tyre, pasi në të kundërt ata nuk rifillojnë punë.
Sipas minatorëve, protesta do të vazhdojë deri në plotësimin e kërkesave të tyre, të cilat përfshijnë përmirësimin e kushteve të sigurisë në minierë dhe rritjen e pagave mujore.
Teksa minatorët në Spaç të Mirditës kërkojnë të drejtat e tyre për kushtet e punës dhe paga më të larta në sektorin minerar, nuk ka munguar as sjellja brutale e Policisë që ndiqte protestën e tyre.
Nga videot e siguruar nga Syri, shihet mjaft qartë Shefi i Komisaritit, Arben Marku duke kërkuar shoqërimin e minatorëve.
Madje në një moment, Marku tërheq zvarrë njërin nga minatorët protestues, gjë që has në rezistencën e fortë të këtij të fundit.
Rreth 70 minatorë kanë ndalur punën dhe kanë bllokuar hyrjen kryesore të objektit, në shenjë proteste ndaj kushteve të vështira të punës me të cilat përballen çdo ditë.
Ata kërkojnë që drejtuesit e firmës turke të ulen në bisedime dhe të plotësojnë kërkesat e tyre, pasi në të kundërt ata nuk rifillojnë punë.
Sipas minatorëve, protesta do të vazhdojë deri në plotësimin e kërkesave të tyre, të cilat përfshijnë përmirësimin e kushteve të sigurisë në minierë dhe rritjen e pagave mujore.
Në një reagim në Facebook, Ilirjana Kucana ka komentuar ngjarjen e vrasjes së gjyqtarit, Astrit Kalaja duke theksuar se kjo nuk është thjesht një ngjarje tragjike, por pasqyrë e një sistemi që ka humbur shpirtin.
Sipas saj, vrasja është rezultat i atmosferës së krijuar nga mesazhet publike të Kryeministrit, të cilat kanë përçuar urrejtje, përçarje dhe dhunë.
“Kur shefi i qeverisë thotë ‘rrasjani në lule të ballit’ apo ‘hëngshi kokat e njëri-tjetrit’, populli e dëgjon. Ky model shoqëror që po ndërtohet është i arrogancës, i dhunës dhe i humbjes së çdo vlere njerëzore. Ne kemi humbur respektin për jetën, drejtësinë dhe shtetin,” shkruan Kucana, duke bërë një thirrje për reflektim mbi gjendjen e shoqërisë dhe institucionet e drejtësisë.
Postimi i plotë:
Pse u vra gjyqtari?
Sepse vetë Kryeministri ka bërë disa herë thirrje publike për urrejtje, përçarje dhe dhunë.
Sepse kur shefi i qeverisë thotë “rrasjani në lule të ballit” apo “hëngshi kokat e njëri-tjetrit”, populli e dëgjon.
Sepse modeli i shoqërisë që po ndërtohet është ai i arrogancës, i dhunës dhe i humbjes së çdo vlere njerëzore.
Sepse kemi humbur respektin për jetën, për drejtësinë dhe për shtetin.
Kjo nuk është më thjesht një ngjarje tragjike është pasqyra e një sistemi që ka humbur shpirtin.
Shefi i Seksionit për Hetimin e Krimeve në Përmet është pezulluar nga puna me urdhër të prokurorisë së Gjirokastrës.
Njoftimi
Agjencia e Mbikëqyrjes Policore (Rajoni Vlorë – Gjirokastër) ka ekzekutuar urdhërin e Prokurorisë Pranë Gjykatës së Shkallës së Parë të Juridiksionit të Përgjithshëm Gjiroksatër, e cila ka caktuar masën e sigurisë të karakterit ndalues “Pezullim i ushtrimit të një detyre a shërbimi publik” për punonjësin e policisë N/Komisar DH. Ç., me detyrë (në kohën e kryerjes së veprës penale) Shef Seksioni në Seksionin për Hetimin e Krimeve në Volum, në Komisariatin e Policisë Përmet. Ai dyshohet për kryerjen e veprës penale “Shpërdorim i detyrës”.
Ekzekutimi i urdhrit u bë në vijim të hetimeve të thelluara lidhur me procedimin penal të vitit 2025, ku gjatë marrjes së deklarimeve dhe veprimeve të tjera hetimore ka dyshime të arsyeshme për shkelje nga ana e oficerit të Policisë.
Vijon puna për zbardhjen e plotë të rrethanava dhe përfshirjen e mundshme të personave të tjerë në këtë veprimtari kriminale.
Abuzimi seksual i të miturës nga njerku polic dhe kolegu i tij, Artur Ago ka shkaktuar bujë në Komisariatin e Përmetit.
Për pasojë është pezulluar nga detyra shefi i krimeve, Dhurim Çenko, pasi ndaj tij ka nisur një hetim për shkelje të rëndë disiplonore për shkak se kishte pasur dijeni dhe nuk ka marrë masa.
Po ashtu ka nisur një hetim nga AMP pasi kanë qenë në dijeni edhe efektivë të tjerë. Vendimi për pezullimin e Çenkos është marrë më 19 shtator, një ditë pasi rasti i abuzimit u bë publik.
Ngjarja e rëndë u zbulua më 18 shtator, pasi në rrjete sociale nisën të qarkullonin mesazhe shantazhuese për abuzimin nga polici Ago.
Përveç njerkut polic, P.B, dhe shpalljes në kërkim të kolegut Ago, në pranga u vunë edhe dy të tjerë, Kristian Prifti, 46-vjeç dhe shoku i tij Isi Pasho, 27-vjeç pasi shantazhuan policin Ago, duke i kërkuar 12 mijë euro për të mos publikuar në një emision investigativ një video që ata pretendonin për marrëdhënien intime të tyre. Dy policët janë pezulluar nga detyra, ndërsa vajza e mitur qëndron nën kujdesin e familjes me asistencën e psikologëve.
Top Channel