Lajmidites.com

Tag: shamkhani

  • Flota detare e familjes Shamkhani në shënjestër, SHBA sanksione të reja ndaj Iranit

    Flota detare e familjes Shamkhani në shënjestër, SHBA sanksione të reja ndaj Iranit

    Qeveria amerikane njoftoi të mërkurën një raund të ri sanksionesh kundër Iranit, duke synuar më shumë se 50 individë dhe subjekte, si edhe mbi 50 anije që, sipas SHBA-së, i përkasin flotës tregtare të djalit të një zyrtari të Republikës Islamike.

    Departamenti i Thesarit të SHBA-së deklaroi në një njoftim për shtyp se këto janë sanksionet “më të mëdha” kundër Iranit “që nga viti 2018”. Objektivat e tyre janë, në veçanti, një flotë anijesh cisternash dhe anijesh kontejnerësh, të cilat, sipas Uashingtonit, kontrollohen nga Mohammad Hossein Shamkhani, djali i Ali Shamkhani, këshilltar i udhëheqësit suprem të Iranit, Ali Khamenei.
    “Perandoria detare e familjes Shamkhani tregon se si elitat e regjimit iranian po përdorin pozitat e tyre për të grumbulluar pasuri të mëdha dhe për të financuar sjelljen e rrezikshme të regjimit”, tha Sekretari i Shtetit të SHBA-së, Scott Bessant, sipas njoftimit për shtyp.
    “Më shumë se 115 sanksionet që po vendosen sot janë më të mëdhatë deri më sot, që kur administrata Trump nisi fushatën e presionit maksimal ndaj Iranit në shkurt,” shtoi ai.
    Mohammad Hossein Shamkhani operon si në Iran, ashtu edhe në Emiratet e Bashkuara Arabe, sipas një zyrtari të lartë të Thesarit të SHBA-së, i cili foli në një intervistë telefonike me gazetarët.
    Shumë nga individët dhe subjektet e sanksionuara ndodhen në Emiratet e Bashkuara Arabe.
    Rrjeti në fjalë “kontrollon një pjesë të madhe të eksporteve të naftës së Iranit” dhe siguron miliarda dollarë të ardhura çdo vit, kryesisht nga shitjet për blerësit kinezë, sipas Departamentit të Thesarit të SHBA-së, i cili thekson se rrjeti transporton gjithashtu naftë ruse, përveç asaj iraniane.
    Një zyrtar i Thesarit minimizoi rrezikun e “ndërprerjes së tregjeve globale të naftës” si pasojë e këtyre sanksioneve, duke theksuar se ato janë “të synuara”.
    Departamenti i Shtetit i SHBA-së njoftoi gjithashtu sanksione ndaj 20 subjekteve dhe 10 anijeve, që janë të përfshirë në transportin e naftës dhe produkteve petrokimike iraniane.
    Ky institucion i cilësoi sanksionet si një “veprim vendimtar për të minuar aftësinë e regjimit iranian për të financuar aktivitetet e tij destabilizuese, përfshirë programin bërthamor, mbështetjen për lëvizjet terroriste dhe shtypjen ndaj popullit të vet”.
    Në vitin 2020, gjatë mandatit të parë të Presidentit Trump, Ali Shamkhani – atëherë sekretar i përgjithshëm i Këshillit Suprem të Sigurisë Kombëtare të Iranit – u vu personalisht në shënjestër të sanksioneve amerikane, sipas Departamentit të Thesarit.
    Ali Shamkhani, i cili u plagos gjatë luftës 12-ditore midis Izraelit dhe Iranit në qershor, u shfaq me një shkop në funeralet e financuara nga shteti për rreth 60 oficerë të lartë ushtarakë dhe shkencëtarë bërthamorë iranianë, të vrarë në sulmet izraelite.
    Sanksionet e reja u shpallën rreth një muaj pas sulmeve ajrore të përbashkëta izraelite dhe amerikane.
    Në mbështetje të sulmeve izraelite, forcat amerikane bombarduan më 22 qershor uzinën nëntokësore të pasurimit të uraniumit në Fordow, në jug të Teheranit, si dhe dy objekte të tjera kyçe bërthamore në Isfahan dhe Natanz.

    Top Channel

  • Irani dhe Izraeli raportuan vdekjen e tij, zyrtari i lartë iranian shfaqet me bastun: U luta ndërsa isha në rrënoja

    Irani dhe Izraeli raportuan vdekjen e tij, zyrtari i lartë iranian shfaqet me bastun: U luta ndërsa isha në rrënoja

    Mediat shtetërore iraniane të shtunën transmetuan një intervistë në të cilën thuhej se ishte Ali Shamkhani – një ndihmës i ngushtë i udhëheqësit suprem të Iranit, i cili më parë ishte raportuar i vdekur si nga autoritetet izraelite ashtu edhe nga ato iraniane.

    Sipas CNN, misteri u rrit rreth fatit të Shamkhani-t në ditët pasi ai u raportua i vdekur pas sulmeve të Izraelit më 13 qershor në Iran.
    Të premten e kaluar, shumë media iraniane – përfshirë IRNA, Tasnim dhe Fars – pretenduan se Shamkhani nuk kishte vdekur, por përkundrazi ishte “plagosur rëndë dhe ishte shtruar në spital”.
    Më pas Shamkhani u shfaq në fotografi nga mbulimi i medias shtetërore iraniane të funeralit shtetëror të së shtunës për ata që u vranë gjatë konfliktit 12-ditor me Izraelin.

    Në të njëjtën ditë, agjencia shtetërore iraniane e lajmeve IRIB transmetoi atë që e quajti intervistën e parë televizive të Shamkhani-t me median shtetërore iraniane që nga sulmi.
    CNN thekson se nuk mund të verifikojë në mënyrë të pavarur identitetin e tij ose datën kur është regjistruar intervista.
    Siç theksojnë mediat, Shamkhani shfaqet duke mbajtur një bastun ecjeje dhe duke përdorur një aparat frymëmarrjeje.
    Ai i referohet një sulmi izraelit në shtëpinë e tij, duke thënë se ishte i bllokuar nga rrënojat për tri orë pas sulmit.
    “Bëra lutjen e mëngjesit ndërsa isha nën rrënoja”, citohet të ketë thënë ai.
    IRIB publikoi gjithashtu pamje të asaj që tha se ishte shtëpia e Shamkhanit, e shndërruar.
    “Në fillim mendova se ishte një tërmet. Por kur dëgjova zhurmën e automjeteve, kuptova se nuk ishte”, tha ai në intervistë, duke shtuar se pësoi lëndime të brendshme në sulm dhe se kafazi i tij i kraharorit ishte i thyer.
    “E di pse më shënjestruan, por nuk mund ta them”, ka shtuar ai.

    Top Channel

  • Me bastun, zyrtari i lartë iranian ‘ringjallet’ pas sulmit ajror izraelit, homazhe në funeralin e udhëheqësve të lartë ushtarakë

    Me bastun, zyrtari i lartë iranian ‘ringjallet’ pas sulmit ajror izraelit, homazhe në funeralin e udhëheqësve të lartë ushtarakë

    Lajmet shtetërore iraniane transmetuan të shtunën një intervistë me Ali Shamkhani-n — një ndihmës i ngushtë i udhëheqësit suprem të Iranit, i cili më parë ishte raportuar i vdekur si nga mediat izraelite ashtu edhe nga ato iraniane.

    Misteri u shtua rreth fatit të Shamkhanit në ditët pasi ai u raportua i vdekur pas sulmeve ajrore të Izraelit ndaj Iranit më 13 qershor.

    Të premten e kaluar, disa media iraniane – përfshirë IRNA, Tasnim dhe Fars – pretenduan se Shamkhani nuk kishte vdekur, por përkundrazi ishte “plagosur rëndë dhe ishte shtruar në spital” në sulm. Megjithatë, ato nuk publikuan foto të reja të tij.

    Pastaj Shamkhani u shfaq në fotografi nga nga media shtetërore gjatë funeralit shtetëror të së shtunës për udhëheqësit e lartë ushtarak të vrarë gjatë konfliktit 12-ditor me Izraelin.

     

    اولین تصویر از علی شمخانی در مراسم‌جنازه گردانی فرماندهان سپاه؛ شمخانی همراه با عصا در مراسم تشییع کشته‌شدگان حملات اسرائیل، در تهران دیده می‌شود اما حرکتی نمی‌کند. pic.twitter.com/W28vjnCRQW
    — Iran Briefing (@irbriefing) June 28, 2025

     

    Po atë ditë, agjencia shtetërore iraniane e lajmeve IRIB transmetoi atë që e cilësoi si intervista e parë televizive e Shamkhanit me median shtetërore iraniane që nga sulmi.

    CNN nuk mund të verifikojë në mënyrë të pavarur identitetin e tij ose datën e regjistrimit të intervistës.

    Shamkhani shfaqet duke mbajtur një bastun ecjeje dhe duke përdorur një aparat frymëmarrjeje. Ai i referohet një sulmi izraelit në shtëpinë e tij, duke thënë se mbeti i bllokuar nga rrënojat për tre orë pas sulmit.

    «E bëra lutjen e mëngjesit, ndërsa isha nën rrënoja», tha ai.

    IRIB publikoi gjithashtu pamje të asaj që tha se ishte shtëpia e Shamkhanit, e shkatërruar nga betoni dhe armaturat e thyera.

    «Në fillim mendova se ishte tërmet. Por kur dëgjova zhurmën e automjeteve, kuptova se nuk ishte», tha ai në intervistë, duke shtuar se pësoi lëndime të brendshme gjatë sulmit dhe se i ishte thyer kafazi i brinjëve.

    «E di pse më vunë në shënjestër, por nuk mund ta them me siguri», shtoi ai.

    CNN ka kontaktuar autoritetet izraelite për koment./ CNN.

  • “Loja nuk ka mbaruar, surprizat do të vazhdojnë”, mesazhi i Teheranit pas bombardimeve amerikane

    “Loja nuk ka mbaruar, surprizat do të vazhdojnë”, mesazhi i Teheranit pas bombardimeve amerikane

    Ali Shamkhani

    IRAN-Një këshilltar i udhëheqësit suprem të Iranit, Ajatollah Ali Khamenei, tha të dielën se vendi ende kishte rezervat e tij të uraniumit të pasuruar pavarësisht sulmeve nga Shtetet e Bashkuara në vendet kryesore bërthamore.
    “Edhe nëse objektet bërthamore shkatërrohen, loja nuk ka mbaruar, materialet e pasuruara, njohuritë vendase, vullneti politik mbeten”, tha Ali Shamkhani në një postim në X.
    Ai shtoi se “iniciativa politike dhe operacionale tani është me palën që luan me zgjuarsi, shmang sulmet e verbëra. Surprizat do të vazhdojnë!”
    Reagimi vjen disa orë pas përshkallëzimit të konfliktit Izrael-Iran, ku SHBA në orët e para të mëngjesit të së dielës (22 qershor 2025), lëshoi bombarduesit amerikanë B-2, dhe bomba shkatërruese, të cilat përdoren për herë të parë nga ana e SHBA-ve. SHBA deklaron se ka shkatërruar objektet kryesore bërthamore të Iranit, ndërkohë që Reuters raportoi se Irani pretendon se e ka zhvendosur uraniumin pak përpara sulmit./ZËRI

  • “Jam gati të sakrifikohem”/ “Ngjallet” bashkëpunëtori i ngushtë i Khameneit, para 1 jave u raportua i vdekur

    “Jam gati të sakrifikohem”/ “Ngjallet” bashkëpunëtori i ngushtë i Khameneit, para 1 jave u raportua i vdekur

    Ali Shamkhani

    IRAN- Media shtetërore iraniane pretendon se Ali Shamkhani, një këshilltar i lartë i udhëheqësit suprem të Iranit, Ali Khamenei, është gjallë dhe ndodhet në spital! Sipas burimit mediatik, Shamkhani pavarësisht se javën e kaluar u raportua se kishte mbetur i vrarë në sulmin e zhvilluar nga Izraeli. 
    Disa agjenci lajmesh publikuan një deklaratë që i atribuohej Shamkhanit. 
    “Jam gjallë dhe gati të sakrifikoj veten,”-pretendohet se ka thënë ai nga spitali, ndërsa shtojnë se aktualisht ai është ende në spital dhe se gjendja e tij është e qëndrueshme.
    Javën e kaluar, të njëjtat agjenci raportuan se ai u vra në valën e parë të sulmeve ajrore izraelite më 13 qershor. Por mesa duket ka qenë një lajm i rremë.
    Ali Shamkhani shërbeu si sekretar i Këshillit Suprem të Sigurisë Kombëtare të Iranit nga viti 2013 deri në vitin 2023. Ai është anëtar i Këshillit të Vlerësimit të Përshtatshmërisë së Iranit dhe këshilltar politik i Udhëheqësit Suprem të Iranit që nga viti 2023. Forcat Mbrojtëse të Izraelit (IDF) pretenduan se e kishin vrarë Shamkhanin me një sulm ajror më 13 qershor 2025, gjatë fillimit të luftës Iran-Izrael, por nga mediat vendase pretendohet e kundëta. Në vitin 2025, Shamkhani mori përsipër rolin e mbikqyrësit të negociatave me Shtetet e Bashkuara të Amerikës që synojnë arritjen e një marrëveshjeje për armët bërthamore./ZËRI

  • Këshilltari më i lartë i Iranit vdes në spital pas sulmit izraelit

    Këshilltari më i lartë i Iranit vdes në spital pas sulmit izraelit

    Ali Shamkhani

    IRAN- Ali Shamkhani, këshilltari më i lartë i Iranit për udhëheqësin e tij, Ajatollah Khamenei, ka vdekur në spital një ditë pasi Izraeli nisi sulmet ajrore në të gjithë vendin, raportojnë mediat iraniane. Shamkhani kishte shërbyer më parë si zyrtari më i lartë i sigurisë kombëtare të Iranit për një dekadë dhe kishte përfaqësuar Iranin në bisedimet e afrimit me Arabinë Saudite, të lehtësuara nga Kina.
    Kryeministri Benjamin Netanyahu thotë se Izraeli do të sulmojë “çdo vendndodhje dhe çdo objektiv” të Iranit, pasi Irani nisi një valë raketash në hakmarrje për sulmet izraelite të premten. Ushtria izraelite thotë se po vazhdon të godasë Iranin dhe ka goditur më shumë se 150 objektiva në 24 orët e fundit. Presidenti i Iranit, Masoud Pezeshkian, ka kërcënuar me një përgjigje “më të ashpër” nëse Izraeli vazhdon sulmet e tij.
    Mbretëria e Bashkuar po dërgon më shumë avionë luftarakë në Lindjen e Mesme “për mbështetje emergjente në të gjithë rajonin”, thotë Keir Starmer. Kjo ndihmë vjen pasi Irani paralajmëroi Mbretërinë e Bashkuar, SHBA-në dhe Francën se do të shënjestrojë bazat dhe anijet e tyre në rajon nëse ato ndihmojnë në ndalimin e sulmeve ndaj Izraelit. Në Izrael, zyrtarët thonë se tre persona janë vrarë dhe dhjetëra të tjerë janë plagosur, ndërsa televizioni shtetëror iranian raporton se 60 persona u vranë në një sulm në Teheran.

  • Sulmet izraelite/ Vritet ish-shefi i Sigurisë Kombëtare të Iranit, Ali Shamkhani

    Sulmet izraelite/ Vritet ish-shefi i Sigurisë Kombëtare të Iranit, Ali Shamkhani

    Ali Shamkhani, ish-shef i Sigurisë Kombëtare të Iranit dhe një nga figurat më të rëndësishme të regjimit iranian, është një ndër viktimat e sulmeve ajrore izraelite ndaj Iranit.
    Shamkhani ka qenë një nga bashkëpunëtorët më të ngushtë të udhëheqësit suprem, Ajatollah Ali Khamenei, dhe ka përfaqësuar Teheranin në negociatat që çuan në rivendosjen e marrëdhënieve diplomatike me Arabinë Saudite, një nga rivalët kryesorë rajonalë të Iranit.
    Ai shërbeu si zyrtari më i lartë i sigurisë kombëtare të vendit për një periudhë dhjetëvjeçare, që nga viti 2013. Më herët, ai kishte mbajtur funksione të rëndësishme brenda Korpusit të Gardës Revolucionare Islamike (IRGC) dhe në Ministrinë e Mbrojtjes. Në negociatat e ndërmjetësuara nga Kina me zyrtarët sauditë, Shamkhani përfaqësoi Iranin në arritjen e marrëveshjes për normalizimin e marrëdhënieve mes dy vendeve, por u zëvendësua papritur në mesin e vitit 2023.
    Në vitin 2001, Shamkhani kandidoi për postin e presidentit të Iranit, ndërsa vazhdoi të mbante pozita me peshë brenda IRGC-së dhe qeverisë. Ai qëndroi përherë pranë udhëheqjes politike të vendit, duke ofruar këshilla edhe në procesin e rifillimit të negociatave bërthamore me administratën e atëhershme amerikane të presidentit Donald Trump.
    Në prill, pak ditë përpara rifillimit të bisedimeve me SHBA-në, Shamkhani kishte paralajmëruar se Irani mund të dëbonte inspektorët bërthamorë të OKB-së dhe të ndërpriste bashkëpunimin me Agjencinë Ndërkombëtare të Energjisë Atomike (IAEA) nëse do të ndjente kërcënime ndaj sovranitetit të tij.
    Sulmet ajrore të Izraelit ndaj Iranit janë cilësuar si të paprecedenta dhe kanë pasur për objektiv programin bërthamor iranian dhe drejtuesit më të lartë ushtarakë të vendit. Kryeministri izraelit Benjamin Netanyahu ka deklaruar se ofensiva, e koduar me emrin “Luani në Ngritje”, do të zgjasë disa ditë dhe e ka cilësuar Iranin si “kërcënim për vetë mbijetesën e Izraelit”.
    Sipas ushtrisë izraelite, në operacion janë përfshirë rreth 200 avionë luftarakë. Në shenjë hakmarrjeje, Irani ka lëshuar mbi 100 dronë drejt territorit izraelit, sipas të njëjtave burime.
    Izraeli ka shpallur gjendje të jashtëzakonshme, duke paralajmëruar se vendi mund të përballet me kundërsulme “në të ardhmen e afërt”.
    Ndërkohë, Irani ka akuzuar Shtetet e Bashkuara se mbështesin sulmet izraelite një akuzë që Uashingtoni e ka mohuar fuqimisht. Ish-presidenti Donald Trump deklaroi se ishte i informuar paraprakisht për sulmet, por theksoi se SHBA-të nuk kanë pasur asnjë rol në to.