Gafa e rëndë diplomatike e kryeministrit Rama, i cili u tall ditën e djeshme me presidentin e SHBA-ve Donald Trump, gjatë bisedës me presidentin francez Macron dhe atë të Azerbajxhanit, Aliev, teksa i thotë, “nuk na ke uruar për paqen që kemi arritur mes nesh”, duke ironizuar kështu lapsuset e Trump në konferencat për shtyp ka çuar në ekstazë edhe organin zyrtar të propagandës së Putinit, Russia Today. Media ruse ka publikuar në rrjetin X talljen e Ramës me përshkrimin përkatës të bisedës. “Kryeministri shqiptar bën shaka për pretendimin e Trump se ai i dha fund luftës midis ‘Azerbajxhanit dhe Shqipërisë’ ‘Duhet të na kërkoni falje,’ i thotë Rama Macronit ‘Sepse nuk na përgëzuat për marrëveshjen e paqes që Presidenti Trump bëri midis Shqipërisë dhe Azerbajxhanit’”, thuhej në postimin e Russia Today.
Gjithashtu, edhe media ukrainase “RBC Ukraine”, i ka kushtuar një artikull, talljes së Ramës me ngatërresën e Trump. “Kryeministri shqiptar bën shaka për Trumpin para Macronit dhe Aliyevit”. “Kryeministri i Shqipërisë Edi Rama, gjatë samitit të Komunitetit Politik Evropian në Kopenhagen, bëri shaka para udhëheqësit francez dhe Presidentit të Azerbajxhanit në lidhje me pretendimin e Presidentit të SHBA-së Donald Trump se i ka dhënë fund një lufte që nuk ka ndodhur kurrë. Në shtator, Donald Trump gabimisht pretendoi se kishte arritur të zgjidhte një konflikt midis Azerbajxhanit dhe Shqipërisë, ndërkohë që në fakt iu referua konfliktit armeno-azerbajxhanas.
Duke qëndruar pranë Presidentit francez Emmanuel Macron dhe Presidentit të Azerbajxhanit Ilham Aliyev, kryeministri shqiptar Edi Rama kërkoi me shaka nga Macron një kërkim falje që nuk i përgëzoi udhëheqësit për zgjidhjen e konfliktit “midis Shqipërisë dhe Azerbajxhanit”, shkruan media ukrainase. Edhe “Politico” i kushtoi një artikull videos virale të Ramës me Macronin dhe presidentin azer: “Trumpi tallet nga udhëheqësit evropianë për ngatërresën Armeni-Shqipëri”, thuhej në titullin e “Politico”-s.
Çfarë do ndodhë me Ramën?
Edi Rama, me budallallëkun dhe arrogancën e tij, po konkurron vetë Ilir Metën, i cili dikur krahasonte veprimet e tij me ato të Vojo Kushit përballë fuqive të mëdha, dhe përfundoi në burgun 313. Ndërkohë, kryeministri shqiptar ngjason me Vasil Lacin që përballet me një perandori botërore, duke derdhur plumba mbi partnerin strategjik më të fuqishëm dhe duke e vendosur veten në një pozicion të paqartë dhe të rrezikshëm. Për të shmangur “ciklonin amerikan”, Rama u përpoq dje të justifikonte veten pasi situata mori këto përmasa ndërkombëtare. “Është vërtet e jashtëzakonshme mënyra se si funksionon sot media, dhe se si e ashtuquajtura “viralitet” mund ta shtrembërojë kaq lehtë realitetin.
Një fjali e thënë me humor, në shpirtin e miqësisë, papritur kthehet në një titull botëror të një samiti me dhjetëra kombe, ndërkohë që gjithë pjesa tjetër, ajo që ka rëndësi në të vërtetë, bëhet e parëndësishme. Por po, ishte kënaqësi sot të isha me mikun tim të vjetër Ilham Aliyev dhe, në praninë e mikut tonë të dashur të përbashkët Emmanuel Macron, të përmendja një lapsus të Presidentit Trump që edhe Shqipëria paskësh arritur të bënte paqe me Azerbajxhanin, ndërsa Emmanuel vetë kishte punuar pareshtur, për një kohë të gjatë, për të sjellë paqe mes Azerbajxhanit dhe Armenisë. Një shaka e lehtë, një moment miqësor. Sigurisht, s’ka problem nëse përhapet, por ta shtrembërosh në helm politik është thjesht e padrejtë. Prandaj, ta vëmë të vërtetën në vend: E vërteta është se Presidenti Trump është treguar një lider që riktheu fjalën ‘paqe’ në fjalorin e Perëndimit pas shumë vitesh. Dhe po, në një kohë jashtëzakonisht të shkurtër, ai ka arritur paqe aty ku të tjerët u përpoqën, por dështuan, dhe ai vazhdon ta ndjekë atë me ngulm”, tha Rama.
Tag: shaka
-
Mediat ruse në ekstazë nga aleanca surprizë e Edi Ramës, ja çfarë shkruajnë për talljen me presidentin amerikan
-
Lideri global panikoset pas talljes idiote me presidentin amerikan Trump
Më në fund lideri global pasi mori përsipër të tallej me Presidentin amerikan, Donald Trump para Macron dhe Aliyev, vendosi të bëjë një autokritikë me partishmëri të lartë, ku lëpinte gjithçka nga idiotësia që prodhoi në takimin e Kopenhagenit. Kryeministri shqiptar është munduar që të bëjë gjithmonë lajm nëpër takime ndërkombëtare, ku një pjesë të rëndësishme e zë estetika, duke filluar nga atletet e bardha, kollaret plot ngjyra apo veshja ekstravagante kanë zënë hapësirat mediatike proqeveritare. I prirur për të shpikur veteveten dhe për të kërkuar me ccdo kusht protagonizmin, ka qenë shpeshherë objekt tallje për udhëheqësit europianë, të cilët e shikojnë më shumë si një gaztor oborri sesa një burrë shteti me personalitet. Rasti i Trump dhe fyerja e përmasave të frikshme që i ka bërë figurës më të fuqishme të shtetit më potent të botës, duket se është një lojë e rrezikshme për vetë Edi Ramën, por dhe me pasoja për reklamën e keqe që i bën vendit të tij në sytë e aleatit tonë më të madh.
Shumëkush mund të mendojë se ishte një lajthitje normale e kryeministrit shqiptar, i cili me maninë e protagonizmit është mësuar të bëjë ekzibicion në samitet europiane, por rasti konkret tregon se nuk kishim të bënim me një batutë të momentit. Gjuha e trupit, gjestikulacionet dhe intonacioni demonstronin një mllef të dukshëm ndaj Trump e cila e përzierë me ekstazën e mbylljes së qeverisë në SHBA, me kontributin e Soros dhe demokratëve, duket se i kishin dhënë një lloj adrenaline që prodhoi një mga incidentet më të rënda të 100 viteve të fundit nga një udhëheqës shteti. Në situatën e krijuar dhe duke parë peshën e rëndë mediatike dhe politike, Edi Rama kërkoi të rikuperonte gjithçka nëpërmjet një reagimi të turpshëm, ku u mundua ta përcjellë aksionin e tij antitrump në një shaka midis miqsh. Më në fund Edi Rama i mbushi poturet me frikën e fajit që bëri duke reaguar si një humbës frikacak dhe pa karakter.
Ja reagimi i Edi Ramës:
“Është vërtet e jashtëzakonshme mënyra se si funksionon sot media dhe se si e ashtuquajtura “viralitet” mund të shtrembërojë kaq lehtë realitetin. Një fjali e thënë me humor, në frymën e miqësisë, papritmas kthehet në titull botëror të një samiti me dhjetëra shtete, ndërsa pjesa tjetër – thelbi i vërtetë – bëhet i parëndësishëm.
Por po, ishte kënaqësi sot të isha me mikun tim të vjetër Ilham Aliyev dhe, në praninë e mikut tonë të përbashkët Emmanuel Macron, të bëja një referencë për një gafë të Presidentit Trump, duke thënë me shaka se edhe Shqipëria kishte arritur të bënte paqe me Azerbajxhanin, ndërkohë që Emmanuel kishte punuar pa lodhje e për një kohë të gjatë për të sjellë paqen mes Azerbajxhanit dhe Armenisë.
Një shaka e lehtë, një moment miqësor. Sigurisht, nuk ka problem nëse kjo përhapet, por ta shndërrosh në helm politik është thjesht e padrejtë. Prandaj le ta sqarojmë qartë:
E vërteta është që Presidenti Trump është treguar si një lider që riktheu fjalën ‘paqe’ në fjalorin e Perëndimit pas shumë vitesh. Dhe po, në një kohë jashtëzakonisht të shkurtër, ai arriti paqe aty ku të tjerët kishin provuar por kishin dështuar, dhe vijon ta ndjekë atë me ngulm.
Ajo shkëmbesë nuk ishte gjë tjetër veçse një moment humori mes njerëzish, të cilët në fakt janë ndër admiruesit më të mëdhenj të Presidentit Trump.
-
Oficerë që kënaqen me dhunën ndaj emigrantëve/ Xhirimet sekrete provojnë mizogjininë dhe racizmin e Policisë Britanike: Bënin ‘shaka’ për përdhunimin…
Oficerët në detyrë të Policisë Britanike kërkuan që emigrantët të qëlloheshin, u kënaqën me përdorimin e forcës dhe i shpërfillën pretendimet për përdhunim në pamjet e kapura nga një gazetar i fshehtë. Provat e mizogjinisë dhe racizmit sfidojnë premtimin e Metropolitane për të trajtuar atë që e quan “sjellje toksike” pas vrasjes së Sarah Everard nga një oficere policie në detyrë.
Xhirimet sekrete tregojnë oficerët që bëjnë komente seksuale me kolegët dhe ndajnë pikëpamje raciste rreth emigrantëve dhe myslimanëve. Këto prova zbulojnë se, larg nga dëbimi nga Metropolitana, qëndrimet raciste dhe mizogjine janë shtyrë në fshehtësi.
Pasi BBC dërgoi një listë të detajuar të akuzave në Metropolitane, ajo pezulloi tetë oficerë dhe një anëtar të stafit dhe largoi dy oficerë të tjerë nga detyrat në vijën e parë. Komisioneri Sir Mark Rowley tha se sjellja e përshkruar nga Panorama ishte “e turpshme, plotësisht e papranueshme dhe në kundërshtim me vlerat dhe standardet” e forcës.
Gazetari i fshehtë i BBC Panorama, Rory Bibb, kaloi shtatë muaj deri në janar të këtij viti si oficer i caktuar paraburgimi (DDO) në suitën e paraburgimit të stacionit të policisë Charing Cross në Londrën qendrore. Është një rol civil që përfshin bashkëpunim të ngushtë me rreshterët dhe policët, por jo pjesëmarrje në arrestime.
Stacioni kishte qenë në qendër të një hetimi nga organi mbikëqyrës i policisë, Zyra e Pavarur për Sjelljen e Policisë (IOPC) , për ngacmim dhe diskriminim gati katër vjet më parë.
Ai zbuloi se disa oficerë kishin diskutuar për goditjen e të dashurave të tyre, kishin ndarë komente fyese dhe diskriminuese dhe kishin bërë shaka për përdhunimin në biseda private në grup.
Jashtë detyrës, polici Phil Neilson i quajti emigrantët “llum”
Stacioni kishte qenë në qendër të një hetimi nga mbikëqyrësi i policisë, Zyra e Pavarur për Sjelljen e Policisë (IOPC), për ngacmimin dhe diskriminimin gati katër vjet më parë. Ai zbuloi se disa oficerë kishin diskutuar për goditjen e të dashurave të tyre, kishin ndarë komente fyese dhe diskriminuese dhe kishin bërë shaka për përdhunimin në biseda private në grup.
Denoncuesit i thanë Panorama se oficerët me qëndrime raciste dhe mizogjine ende punonin në stacion pavarësisht premtimit të Met për të çrrënjosur “oficerët mashtrues” dhe “dështimet kulturore”.
-
VIDEO/ Trump ‘bën shaka’ për manipulimin e zgjedhjeve me presidentin turk
Presidenti Trump bëri shaka për zgjedhjet e manipuluara në fillim të konferencës së tij për shtyp me presidentin turk, Tayyip Erdoğan, i cili është në pushtet në Turqi për më shumë se dy dekada.
“Është kënaqësi të jem me presidentin Erdoğan të Turqisë, dhe kemi qenë miq prej kohësh, në fakt, edhe për katër vitet kur unë isha në mërgim padrejtësisht, për zgjedhje të manipuluara,” tha Trump të enjten. “Ai i njeh më mirë se kushdo zgjedhjet e manipuluara, por kur unë isha në mërgim, ishim ende miq.”
Erdoğan u bë për herë të parë kryeministër i Turqisë në vitin 2003. Së fundmi, Erdoğan arrestoi liderin e njohur të opozitës dhe rivalin politik Ekrem Imamoglu, me pretendimin se ai kishte pranuar ryshfete dhe kishte manipuluar tenderë.
Duke marrë parasysh historinë e Erdoğan-it, është jashtëzakonisht e mundshme që Imamoglu të jetë arrestuar sepse përfaqëson një kërcënim serioz për pushtetin e tij, edhe përballë shtypjes së hapur dhe manipulimit të zgjedhjeve.
-
Turqia arreston një komedian dhe një reper për një shaka të vlerësuar si fyese ndaj Islamit
Turqia i ka arrestuar të martën mbrëma një komedian dhe një reper, pasi prokurorët thanë se emisioni i tyre online përmbante një shaka që i referohej një hadithi ose mësimi të Profetit Muhamed, e cila, sipas tyre, mund të nxisë urrejtje fetare.
Një gjykatë në Stamboll urdhëroi paraburgim për YouTuber-in Bogac Soydemir, moderator i programit “Soguk Savas”, dhe të ftuarin e tij, reperin Enes Akgunduz, pasi autoritetet thanë se emisioni përmbante një shaka për hadithin “vera është nëna e gjithë të këqijave”.
Prokurorët argumentuan se kjo shaka rrezikon të nxisë armiqësi mbi baza fetare.
Akgunduz dhe Soydemir kërkuan falje pas emisionit dhe mohuan fajësinë kur u paraqitën në gjykatë të martën.
Soydemir tha se qëllimi i tij nuk ishte të nxisë urrejtje, duke shtuar se e hoqi videon sapo u njoftua për çështjen dhe kërkoi falje në rrjetet e tij sociale. Ai tha se shakaja ishte një koment i një shikuesi që ai lexoi drejtpërdrejt, të cilin gabimisht e mori si lojë fjalësh.
Akgunduz gjithashtu e mohoi se bëri fyerje të qëllimshme dhe tha se biseda e tyre ishte keqinterpretuar.
Ai shtoi se shakaja ishte koment i lexuar nga një shikues, që ai e mori si lojë të thjeshtë fjalësh, dhe e pranoi se duhej të kishte menduar më me kujdes.
Arrestimi i tyre pason burgosjen e katër karikaturistëve nga revista satirike javore “Leman”, për një karikaturë të thuhej se paraqiste profetët Muhamed dhe Moisi, të cilën Presidenti Tayyip Erdogan e përshkroi si “provokim të ndyrë”.
-
VIDEO/ Macron bllokohet në trafik, më parë duhet të kalonte autokolona e Trump
Bota E Martë, 23 Shtator 2025 20:10
Presidenti francez Emmanuel Macron u befasua kur një oficer policie i qytetit të Nju Jorkut e ndaloi të kalonte rrugën për shkak të autokolonës së presidentit të SHBA-së Donald Trump. Por ndryshe nga shumica e atyre që u përballën me shqetësime, Macron më pas i telefonoi personalisht Trump nga trotuari për të bërë shaka në lidhje me gjendjen e tij të vështirë. ”Nëse nuk e shihni, më lejoni të kaloj. Unë negocioj me ju”, tha me shaka Macron, një referencë e lehtë për negociatat në të cilat ai dhe udhëheqës të tjerë do të përfshihen këtë javë gjatë Asamblesë së Përgjithshme vjetore të Kombeve të Bashkuara në New York. -
“E ka vrarë sozia ime”/ Shakatë që bënte me miqtë e tij vrasësi i Charlie Kirk ndërsa FBI përpiqej ta gjente
Zbulohen mesazhet drithëruese të ekzekutorit të Charlie Kirk, 22-vjeçari bënte shaka me miqtë ndërkohë që FBI përpiqej ta gjente.
I riu që dyshohet se vrau aktivistin konservator Charlie Kirk bëri shaka se “sozia” e tij e kishte shkrepur armën, ndërsa diskutonte aktin e rëndë në një bisedë private në rrjetin social Discord vetëm disa orë pas ngjarjes.
Tyler Robinson, 22 vjeç, ishte duke u tallur me kërkimin për personin e armatosur dhe hetimin e FBI- së, ndërsa bënte shaka për marrjen e parave si shpërblim përpara se t’i dorëzohej policisë, sipas mesazheve të siguruara nga The New York Times.
Robinson është arrestuar dhe është identifikuar si i dyshuari kryesor në vrasjen e Kirk.
Ai nuk tregoi shenja pendimi në bisedat e Discord të zbuluara nga një ish-shok klase i shkollës së mesme.
Në fakt, Robinson dukej se kënaqej nga vëmendja, duke shkëmbyer ‘meme’ me të njohurit e tij, ndërsa autoritetet përpiqeshin të gjenin personin përgjegjës.
‘Tyler vrau Charlie-n!!!!’ shkroi një përdorues në një grup bisedash të enjten pasdite, duke e etiketuar me shaka Robinson. Robinson iu kundërpërgjigj pothuajse menjëherë: “Sozia ime po përpiqet të më fusë në telashe”, shkroi ai.
Këto komunikime u zhvilluan vetëm disa orë pasi FBI-ja kishte publikuar pamje nga kamerat e sigurisë që tregonin një të ri me syze dielli dhe një kapelë, duke ecur nëpër shkallët e Universitetit të Luginës së Utah, ku Kirk kishte mbajtur një fjalim.
Në atë pikë, i dyshuari ishte ende i paidentifikuar publikisht, por privatisht, Robinson tashmë po luante me të vërtetën. Mesazhet, të verifikuara nga NYT, përshkruajnë një të ri plotësisht në dijeni të hetimit dhe duke e tallur atë.
Kur një përdorues tjetër bëri shaka rreth dorëzimit të Robinson për shpërblimin prej 100,000 dollarësh nga FBI-ja, ai u përgjigj me ironi: “Vetëm nëse marr një pjesë të pagesës”.
Biseda në Discord, e përbërë nga rreth 20 përdorues që njiheshin me njëri-tjetrin nga shkolla e mesme ose nga komunitetet online, u shndërrua në një dritare drithëruese në mentalitetin e të dyshuarit pas të shtënave.
Ndërsa homazhet publike për Kirkun po përmbytnin median konservatore dhe Presidenti Trump po lëshonte shpallje kombëtare në nder të tij, i akuzuari për vrasje ishte pas një ekrani, duke bërë shaka për gjithçka, nga politikat e shtetit të kuq deri te vdekjet e rreme.
“Unë në fakt jam Charlie Kirk”, shkroi Robinson në një moment. ‘Doja të largohesha nga politika, kështu që falsifikova vdekjen time, tani mund të jetoj jetën e ëndrrave të mia në Kansas.’
Kirk, 31 vjeç, bashkëthemelues i Turning Point USA, u qëllua për vdekje të mërkurën gjatë një eventi ku po diskutonte me të rinj, i cili kishte tërhequr si mbështetës ashtu edhe protestues.
Autoritetet thonë se personi i armatosur u ngjit në çatinë e një ndërtese disa qindra metra larg vendit të ngjarjes dhe qëlloi një të shtënë të vetme, fatale, përpara se të largohej nga kampusi.
Policia thotë se Robinson më vonë nënkuptoi ose rrëfeu krimin dhe në fund u dorëzua në jugperëndim të Utah, më shumë se tre orë larg me makinë nga vendi i ngjarjes.
Familja e tij i kërkoi atij të dorëzohej pasi mësoi për përfshirjen e tij. Prokurorët vendas pritet të ngrenë akuza zyrtare të martën, duke përfshirë vrasje të rëndë dhe përdorim të armës së zjarrit në kryerjen e një krimi. -
Zbulohen mesazhet drithëruese të ekzekutorit të Charlie Kirk, 22-vjeçari bënte shaka me miqtë ndërkohë që FBI përpiqej ta gjente
I riu që dyshohet se vrau aktivistin konservator Charlie Kirk bëri shaka se “sozia” e tij e kishte shkrepur armën, ndërsa diskutonte aktin e rëndë në një bisedë private në rrjetin social Discord vetëm disa orë pas ngjarjes.
Tyler Robinson, 22 vjeç, ishte duke u tallur me kërkimin për personin e armatosur dhe hetimin e FBI- së, ndërsa bënte shaka për marrjen e parave si shpërblim përpara se t’i dorëzohej policisë, sipas mesazheve të siguruara nga The New York Times.Robinson është arrestuar dhe është identifikuar si i dyshuari kryesor në vrasjen e Kirk.
Ai nuk tregoi shenja pendimi në bisedat e Discord të zbuluara nga një ish-shok klase i shkollës së mesme.
Në fakt, Robinson dukej se kënaqej nga vëmendja, duke shkëmbyer ‘meme’ me të njohurit e tij, ndërsa autoritetet përpiqeshin të gjenin personin përgjegjës.
‘Tyler vrau Charlie-n!!!!’ shkroi një përdorues në një grup bisedash të enjten pasdite, duke e etiketuar me shaka Robinson. Robinson iu kundërpërgjigj pothuajse menjëherë: “Sozia ime po përpiqet të më fusë në telashe”, shkroi ai.
Këto komunikime u zhvilluan vetëm disa orë pasi FBI-ja kishte publikuar pamje nga kamerat e sigurisë që tregonin një të ri me syze dielli dhe një kapelë, duke ecur nëpër shkallët e Universitetit të Luginës së Utah, ku Kirk kishte mbajtur një fjalim.
Në atë pikë, i dyshuari ishte ende i paidentifikuar publikisht, por privatisht, Robinson tashmë po luante me të vërtetën. Mesazhet, të verifikuara nga NYT, përshkruajnë një të ri plotësisht në dijeni të hetimit dhe duke e tallur atë.
Kur një përdorues tjetër bëri shaka rreth dorëzimit të Robinson për shpërblimin prej 100,000 dollarësh nga FBI-ja, ai u përgjigj me ironi: “Vetëm nëse marr një pjesë të pagesës”.
Biseda në Discord, e përbërë nga rreth 20 përdorues që njiheshin me njëri-tjetrin nga shkolla e mesme ose nga komunitetet online, u shndërrua në një dritare drithëruese në mentalitetin e të dyshuarit pas të shtënave.
Ndërsa homazhet publike për Kirkun po përmbytnin median konservatore dhe Presidenti Trump po lëshonte shpallje kombëtare në nder të tij, i akuzuari për vrasje ishte pas një ekrani, duke bërë shaka për gjithçka, nga politikat e shtetit të kuq deri te vdekjet e rreme.
“Unë në fakt jam Charlie Kirk”, shkroi Robinson në një moment. ‘Doja të largohesha nga politika, kështu që falsifikova vdekjen time, tani mund të jetoj jetën e ëndrrave të mia në Kansas.’
Kirk, 31 vjeç, bashkëthemelues i Turning Point USA, u qëllua për vdekje të mërkurën gjatë një eventi ku po diskutonte me të rinj, i cili kishte tërhequr si mbështetës ashtu edhe protestues.
Autoritetet thonë se personi i armatosur u ngjit në çatinë e një ndërtese disa qindra metra larg vendit të ngjarjes dhe qëlloi një të shtënë të vetme, fatale, përpara se të largohej nga kampusi.
Policia thotë se Robinson më vonë nënkuptoi ose rrëfeu krimin dhe në fund u dorëzua në jugperëndim të Utah, më shumë se tre orë larg me makinë nga vendi i ngjarjes.
Familja e tij i kërkoi atij të dorëzohej pasi mësoi për përfshirjen e tij. Prokurorët vendas pritet të ngrenë akuza zyrtare të martën, duke përfshirë vrasje të rëndë dhe përdorim të armës së zjarrit në kryerjen e një krimi. -
Katy Perry bën shaka për Dua Lipën gjatë koncertit në Filadelfia
Këngëtarja me famë botërore, Katy Perry, ka bërë një koment me humor gjatë një prej koncerteve të saj në kuadër të turneut “Lifetimes Tour” në Filadelfia më 9 gusht 2025, duke përmendur këngëtaren shqiptare me famë botërore, Dua Lipa.
Gjatë performancës, Perry iu drejtua audiencës, veçanërisht fansave më të rinj, me fjalët:“Ata që janë 8 vjeç e më poshtë… unë nuk jam Dua Lipa. Unë jam tezja e Dua Lipës, Katy Perry.”
Ky koment me humor vetë-ironizues u bë për të theksuar ndryshimin mes saj dhe Dua Lipës, duke treguar me ngrohtësi dallimet në moshë dhe stil mes dy artistëve.
Katy Perry e përdori këtë shaka për t’u lidhur më mirë me fansat, duke kujtuar se që nga turneu i saj i fundit ajo tashmë është bërë nënë. Baza e adhuruesve të saj kryesisht përbëhet nga adoleshentë, të njëjtën grupmoshë që dy dekada më parë ndiqnin koncertet e saj.
Kjo ndërveprim me audiencën tregon aftësinë e Perry për të ruajtur humorin dhe lidhjen me fansat edhe pas shumë viteve në industrinë muzikore./KultPlus.com
-
Arush pelushi e bërë nga lëkurë njerëzore? Panik mes banorëve, shakaja që çoi në arrestimin e një personi në Kaliforni
Një arush pelushi i bërë nga lëkurë artificiale njeriu shkaktoi panik në Kaliforni, duke i bërë banorët të kishin frikë se një vrasës serial ishte në arrati. Në realitet, arushi pelushi është një vepër arti në stilin e “Heshtjes së Qengjave”, që takohet me “Masakrën e Sharrës Variçore të Teksasit”.
Autoritetet kaliforniane nuk u argëtuan nga një vepër arti, që u quajt një “arush pelushi makabër” i përdorur në një “shaka”.
Një arush pelushi i bërë nga lëkurë artificiale njerëzore u zbulua të dielën në Victorville (130 km në verilindje të Los Angeles) dhe komuniteti vendas ishte i shqetësuar se pas këtij zbulimi të zymtë fshihej një vrasës serial.
Sipas New York Post, lodra groteske ishte vendosur ulur në një trotuar jashtë një stacioni benzine dhe zbulimi i saj e shtyu një dëshmitar të telefononte policinë për të raportuar se “një arush pelushi i bërë nga ajo që dukej si mish njeriu ishte lënë përpara biznesit”.
Pasoi një hetim policor – dhe madje edhe një ekzaminim i sendit nga një mjek ligjor.
Të hënën, zyra e sherifit vendosi që krijimi i llahtarshëm nuk ishte bërë nga asnjë pjesë e trupit të njeriut. Ata e quajtën lodrën një “shaka”.
Një deklaratë nga zyra e Sherifit të Qarkut San Bernardino nuk përmendi një motiv të mundshëm dhe tha se “hetimi se kush e la arushin prej pelushi në biznes po vazhdon”.
Kthesa e fundit në këtë hetim është se një artist nga Karolina e Jugut, i quajtur Robert Kelly ka marrë meritat për krijimin e objektit.
Puna e Kelly-t, e cila specializohet në krijime horror për ekspozita dhe filma, është në dispozicion për shitje online në Etsy.
Ai konfirmoi se ia kishte shitur arushin prej pelushi një blerësi në Victorville dhe identifikoi veprën e tij të artit.
“Puna jonë është mjaft lehtë e dallueshme dhe njerëzit po dërgonin artikuj (për stacionin e benzinës) majtas e djathtas. Shikova dhe me siguri ishte ariu që dërgova javën e kaluar”, tha Kelly për revistën People.
Në një mesazh të postuar më vonë në Facebook, artisti shpjegoi se nuk ishte informuar për qëllimet e blerësit.
“Jo, nuk kisha asnjë dijeni për qëllimet (e blerësit) dhe as nuk isha i përfshirë në ndonjë shaka në anën tjetër të kombit nga ana ime”, shkroi ai.
Sidoqoftë, Zyra e Sherifit të Qarkut San Bernardino nuk e gjeti shumë qesharake.
Ata lëshuan një deklaratë ku shkruhej: “Incidente të tilla si ky marrin burime të vlefshme emergjente dhe e vënë publikun në rrezik, duke vonuar ndoshta kohën e reagimit ndaj thirrjeve legjitime për shërbim.” / Euronews.