Shqipëria ka hapur zyrtarisht në sezonin e festave të fundvitit. Qytetet në vend kanë ndezur pasditen e sotme dritat e dekorimeve dhe pemëve të Vitit të Ri.
Atmosfera magjike ka përfshirë të gjithë vendin nga Shkodra deri në Korçë, ku mijëra qytetarë kanë ndjekur në sheshe hapjen e festimeve.
Ja pamjet nga disa prej qyteteve në vend:
Korçë
Elbasan
Tiranë
Shkodër
Durrës
Devoll
Fier
Adriatik BALLA
Mediat italiane shkruajnë se Çesk Fabregas është i destinuar të bëhet pasardhësi ose i Hansi Flik te Barcelona, ose i Pep Guardiolës te Mançester Siti, dhe se ai ka pak gjasa të drejtojë një tjetër ekip në Serie A nëse ose kur vendos të largohet nga Komo. Ish-mesfushori i Arsenalit, Barcelonës dhe Çelsit ka bërë një fillim mbresëlënës në jetën si trajner, duke ndihmuar Komon të ngjitej nga Serie B në sezonin 2023-24, megjithëse teknikisht si ndihmës, për shkak se në atë kohë nuk kishte licencat e plota të UEFA-s.
Ai e udhëhoqi Komon drejt një vendi në top 10 në sezonin e tij të parë në Serie A dhe aktualisht po lufton seriozisht për një vend në Europë në sezonin 2025-26, duke qenë në vendin e pestë, katër pikë larg kreut të tabelës, tre pikë nga vendi i tretë dhe një pikë para Juventusit.
CV-ja e tij forcohet edhe më shumë nga eksperiencat si lojtar, duke pasur parasysh që pjesën më të madhe të karrierës e kaloi nën drejtimin e disa prej trajnerëve më të mirë të kësaj gjenerate, si Guardiola, Arsen Venger, Hoze Murinjo dhe Antonio Konte. Për 38-vjeçarin ka pasur tashmë qasje konkrete: Bajer Leverkusen bëri kërkime serioze kur kërkonte një zëvendësues për Ksabi Alonson gjatë verës, ndërsa edhe Inter ka qenë i interesuar ta emëronte spanjollin si pasardhës të Simone Inzagit.
Megjithatë, sipas “Corriere della Sera”, është gjithnjë e më e pamundur që Fabregas të drejtojë një tjetër skuadër në Serie A menjëherë pas përvojës së tij me Komon, pasi ai tashmë po përmendet për disa nga punët më të mëdha në botën e futbollit: ose te Barcelona, ose te Mançester Siti. Ndërkohë, ka zhvillime te Barcelona.
Portieri Mark-Andre ter Shtegen, është rikthyer në stërvitje pas operacionit në shpinë këtë verë. Së shpejti, gardiani gjerman do të jetë në gjendje të konkurrojë me Joan Garcian për vendin e titullarit, pasi iu mohua kjo mundësi gjatë fazës përgatitore. 33-vjeçari ka qenë i qartë se dëshiron të qëndrojë te Barcelona, pavarësisht se mendimi i përgjithshëm është se Garcia do të mbetet portieri i parë edhe pasi ter Shtegen të jetë rikuperuar plotësisht.
Me trajnerin e Gjermanisë, Julian Nagelsman, që ka deklaruar publikisht se ter Shtegen ka nevojë për minuta në fushë për Kupën e Botës, kjo e vendos portierin veteran në një situatë të ndërlikuar. Nëse Garcia mbetet vërtet zgjedhja e parë e Hansi Flik, atëherë ter Stegen mund të ketë nevojë të largohet për të siguruar minuta, me një huazim të mundshëm që po përflitet.
Një autor polak ka publikuar së fundmi një biografi të Robert Levandovskit. Në libër është zbuluar një histori e pazakontë, aq më tepër kur bëhet fjalë për një klub të madh si Barcelona. Në sezonin 2022/23, kur katalanasit kishin siguruar titullin kampion, drejtuesit e klubit i komunikuan sulmuesit polak një kërkesë befasuese.
Levandovskit iu kërkua të mos shënonte më gola. Arsyeja ishte klauzola në kontratën me Bajernin e Mynihut. Lojtari polak fillimisht u ndje i shokuar, por më tej vendosi të ndiqte udhëzimet e klubit. Levandovski e përfundoi sezonin me 23 gola, duke i kursyer Barcelonës 2.5 milionë euro./Sport Ekspres/
Berisha: Ftoj çdo qytetar të nisim sezonin e protestave të vazhdueshme dhe të shumëllojshme!
Kryetari i PD, Sali Berisha ka ftuar qytetarët t’i bashkohen Partisë Demokratike, në atë që e cilësoi si ‘sezonin e protestave të vazhdueshme dhe të shumëllojshme’, deri në realizimin e qëllimit, votën e lirë.
Gjatë konferencës për shtyp, Berisha u kërkoi shqiptarëve të analizojnë me gjakftohtësi të gjithë faktorët që degraduan procesin zgjedhor, në një farsë zgjedhore.
“Ftoj çdo shqiptar të analizojë me gjakftohtësi të gjithë faktorët që degraduan procesin zgjedhor në farsë zgjedhore.
Kjo, në interesin e tij më të mirë.
Në interesin e të vërtetave që ai duhet të besojë.
Dhe pastaj të marrë vendimet e duhura.
Vendimin që do dëshirojë.
Ne do respektojmë çdo vendim të çdo qytetari, por unë besoj se ata qindra mijëra qytetarë që votuan kundër qeverisë, kërkojnë t’u dilet zot votës së tyre.
Protesta sot para parlamentit fillon gjithashtu për të krijuar një tribunë parlamentaro-qytetare pasi narko-parlamenti ka mbyllur çdo mundësi, çdo hapësirë dhe ka shkelur çdo të drejtë kushtetuese për opozitën.
Protesta para kryeministrisë zhvillohet natyrisht me kërkesën e prerë, dorëheqje e Ramës dhe Lubi Ballukut.
Janë jo të paktë qytetarët që mendojnë se kjo protestë duhet të zhvillohej para ministrisë së ekonomisë dhe energjetikës.
Por jo, sepse nuk është autore kryesore Lubia, është masha e Edi Ramës në aferën e Tunelit të Llogarasë, në aferën e Portit të Durrësit, në aferën e Aeroportit të Vlorës.
Pra, e vërteta, ajo ishte thjesht një instrument, një person që Edi Rama e ka përdorur prej 25 vitesh për të gjitha vjedhjet e tij.
Ajo ka përgjegjësi ligjore më të madhe se Mali i Dajtit, por akoma më të madhe e ka Edi Rama dhe janë bashkëautore në krime të shëmtuara, në vjedhje të mëdha.
Ndaj dhe unë ftoj qytetarët e Tiranës dhe të gjithë qytetarët e tjerë që dëshirojnë të paraqiten në këtë protestë, të nisim sezonin e protestave të vazhdueshme, të shumëllojta, gjer sa të realizojmë qëllimin tonë, t’u japim mundësi shqiptarëve të votojnë si qytetarë të lirë”, u shpreh Berisha.
Kreu i PD-së Sali Berisha, pak para para nisjes së protestës iu ka bërë thirrje të gjithë qytetarëve që t’i bashkohen aksionit opozitar.
Berisha thekson se opozita ka nisur sezonin e protestave të vazhdueshme deri në realizimin e qëllimit të tyre për t’u dhënë mundësi të gjithë shqiptarëve të votojnë si qytetarë të lirë.
“Ftoj qytetarët e Tiranës dhe të gjithë qytetarët e tjerë të nisim sezonin e protestave të vazhdueshme, deri sa të realizojmë qëllimin tonë, t’u japim mundësi shqiptarëve të votojnë si qytetarë të lirë”, shkruan Berisha.
Kreu i PD-së Sali Berisha, dy orë para nisjes së protestës iu ka bërë thirrje të gjithë qytetarëve që t’i bashkohen aksionit opozitar.
Berisha thekson se opozita ka nisur sezonin e protestave të vazhdueshme deri në realizimin e qëllimit të tyre për t’u dhënë mundësi të gjithë shqiptarëve të votojnë si qytetarë të lirë.
“Ftoj qytetarët e Tiranës dhe të gjithë qytetarët e tjerë të nisim sezonin e protestave të vazhdueshme, deri sa të realizojmë qëllimin tonë, t’u japim mundësi shqiptarëve të votojnë si qytetarë të lirë”, shkruan Berisha.
Real Madridi vazhdon të jetë një biznes shumë i suksesshëm. Shifrat e fundit të shpallura janë thjesht të paprecedentë!
SPANJE – Real Madridi është gati të thyejë një rekord të ri global: siç shpjegon AS, klubi parashikon 1.248 miliardë euro të ardhura për sezonin 2025-2026, një shifër e paarritur më parë nga ndonjë entitet tjetër sportiv.
Kjo shumë tejkalon 1.185 miliardë euro të fituara sezonin e kaluar dhe 1.073 miliardë euro të parashikuara për sezonin 2023-2024, duke konfirmuar dominimin absolut ekonomik të klubit të udhëhequr nga Florentino Pérez.
Sekreti i këtij xhekpoti? Santiago Bernabéu i ri, i transformuar në një ‘lopë parash’ shumë funksionale. Funksionimi i stadiumit është tani burimi kryesor i të ardhurave, shumë përtej futbollit.
Midis Sky Bar panoramik, Tregut Bernabéu, ngjarjeve ndërkombëtare si ndeshja e NFL më 16 nëntor dhe parkut të ardhshëm të Krishtlindjeve, Real Madridi ka arritur ta shndërrojë stadiumin e tij në një qendër argëtimi të përhershme.
Një vizitë në Bernabeu sjell dyfishin e të ardhurave sesa në Prado
Një simbol i këtij suksesi, vizitat në stadiumin Bernabéu gjeneruan 52.6 milionë euro sezonin e kaluar – dyfishi i 27 milionë eurove të sjella nga Muzeu prestigjioz Prado, një pikë referimi e vërtetë kulturore spanjole. Kjo shifër ilustron atraktivitetin global të Real Madridit, stadiumi i të cilit tani rivalizon atraksionet më të mëdha turistike të vendit.
Në frontin sportiv, klubi vazhdon të gjenerojë të ardhura nga garat, veçanërisht Kupa e Botës për Klube, një pjesë e të cilave do të regjistrohet në vitin aktual financiar.
Edhe pse sezoni i kaluar u shënua nga një eliminim në çerekfinale të Ligës së Kampionëve, arritja në finalen e Kupës dhe të ardhurat nga marketingu – deri në 539 milionë euro krahasuar me 506 milionë euro vitin e kaluar – konsolidojnë shëndetin e tij të fortë financiar.
Ilir Daja u emërua trajner i Dinamos në sezonin e shkuar, duke marrë drejtimin e skuadrës në javën e katërt. Në debutim, Daja mori një barazim 2-2 ndaj Partizanit, ndërkohë që mbylli sezonin me Kupën e fituar ndërkohë që luftoi edhe për titullin kampion.
Këtë sezon, Dinamo po bën mirë pavarësisht se ka pasur oshilacione dhe duket se deri në fund të sezonit, e pret një rrugë e gjatë. Këtë sezon, Dinamo është duke bërë më mirë se Dinamo e sezonit të shkuar, të paktën nën drejtimin e Ilir Dajës. Në 10 ndeshjet e para të sezonit të shkuar, Dinamo mori 14 pikë. Në 3 sfidat e para, Dinamo kishte 6 pikë ndërsa pas javës së 13, Dinamo ishte në kuotën e 20 pikëve, nga të cilat 14 të marra nga Daja.
Këtë sezon, blutë po bëjnë më mirë pasi pas 10 ndeshjeve të para, ka arritur të grumbbullojë 18 pikë, plot 4 më shumë se sezonin e shkuar. Edhe nëse bëhet një krahasim mes dy skuadrave, pa marrë parasysh se kush ishte trajner, Dinamo e këtij sezoni është më produktive se Dinamoja e sezonit të shkuar.
Në 10 sfidat e para, “nëndetësja” kishte 16 pikë, kundrejt 18 pikëve që ka këtë sezon duke treguar se ecuria është më e mirë pavarësisht luhatjeve që ka pasur. Ndeshjen e radhës, Dinamo e luan ndaj Vllaznisë në Shkodër dhe natyrisht që një rezultat pozitiv, përveç se do të shtonte numrin e pikëve, do të ndryshonte edhe moralin në ecurinë e skuadrës drejt objektivit që ka përmendur shpesh herë këtë sezon.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb
5 Nëntor 2025
11:56
Alfred Lleshi
Paulo Dybala është ndalur sërish. Sulmuesi argjentinas ka pësuar një tjetër dëmtim muskulor dhe do të mungojë nga 3 deri në 6 javë, në varësi të reagimit të trupit dhe kujdesit të stafit mjekësor të Romës. Dëmtimet muskulore janë bërë një “konstante” në karrierën e tij vitet e fundit.
Vetëm këtë sezon, pas më pak se 3 muajsh kampionat, Dybala ka pasur tashmë dy ndalesa për probleme muskulore. Që kur u bashkua me Romën, ish-lojtari i Juventusit ka munguar në 39 ndeshje, më shumë se një sezon i plotë.
Në sezonin e parë humbi 15 ndeshje për shkak të 3 dëmtimeve të ndryshme; në sezonin 2023/24 mungoi 10 ndeshje për 4 dëmtime të tjera; ndërsa sezonin e kaluar sërish 15 mungesa për shkak të 4 dëmtimeve të ndryshme. Në këtë sezon ka humbur tashmë 4 ndeshje dhe ndodhet në dëmtimin e 13-të që kur veshi fanellën verdhekuqe.