Lajmidites.com

Tag: sezon

  • Juventus i beson verbërisht dhe i rinovon kontratën mbrojtësit deri në vitin 2030

    Juventus i beson verbërisht dhe i rinovon kontratën mbrojtësit deri në vitin 2030

    24 Korrik 2025

    8:38

    Telesport

    Skuadra e Juventus njoftoi zyrtarisht zgjatjen e kontratës së Federico Gatti deri më 30 qershor 2030. Qendërmbrojtësi i bardhezinjve, nëpërmjet kanaleve zyrtare të klubit, shprehu kënaqësinë e tij për zgjatjen e kontratës.
    “Jam shumë i emocionuar. Rinovimi i kontratës sime në këtë klub, i cili është si një familje e dytë për mua, është i mrekullueshëm. Duhet të jetë një pikënisje”, tha Gatti.
    “Tani duhet të punojmë shumë, duhet të kthehemi te fitoret sa më shpejt të jetë e mundur. Viti i kaluar ishte një sezon i gjatë dhe i vështirë për mua, por në një nivel personal, ishte një sezon i shkëlqyer”, deklaroi mbrojtësi juventin.
    Në fund, Gatti deklaroi: “Dua të filloj përsëri në mënyrën time më të mirë dhe ta lë pas dëmtimin, në mënyrë që të mund të kthehem në 110% dhe të jap gjithçka për këto ngjyra“.

  • SYRI TV/ Gjirokastrës i mungon farmacia 24 orë, mungesa e saj problem në sezon

    SYRI TV/ Gjirokastrës i mungon farmacia 24 orë, mungesa e saj problem në sezon

    Gjirokastra, një nga qytetet turistike më të frekuentuara në këtë sezon veror vuan mungesën e një farmacie që të shërbej 24 orë.

    Banorët thonë se janë ankuar, por nuk kanë marrë asnjë zgjidhje. Edhe vet turistët që qëndrojnë me ditë në qytetin e gurtë shprehen se në rast urgjence gjatë orëve të natës nuk ka asnjë farmaci të hapur.

    Situata eshte problematike ne zonen muzeale, perfshire dhe pazarin që është një nga destinacionet me te vizituara te qytetit. Mungesa e nje sherbimi te tille shendetesor konsiderohet shqetesuese.

     

  • Al-Khelaifi: Ka qenë një sezon sfidues për PSG, por do të mbetet i gdhendur në historinë e futbollit

    Al-Khelaifi: Ka qenë një sezon sfidues për PSG, por do të mbetet i gdhendur në historinë e futbollit

    Finalja e Kupës së Botës për klube përfundoi me një shenjë zhgënjimi për PSG, pasi humbi ndaj Chelsea 0-3 në finale. Gjithsesi, te Paris Saint-Germain mund të jenë të kënaqur me sezonin e sapombyllur. Skuadra e Luis Enrique fitoi katër nga pesë trofetë në një sezon të vetëm (2024-25), duke përfshirë Ligue 1, Kupën e Francës, Superkupën dhe më e rëndësishmja Champions League.
    Në përfundim të kësaj periudhe të jashtëzakonshme dhe arritjeje historike në Evropë, presidenti Nasser Al-Khelaifi u dërgoi një mesazh tifozëve përmes kanaleve zyrtare të klubit: “Të dashur miq, ndërsa sezoni më i paharrueshëm po mbaron, dua t’i them të gjithë familjes Paris Saint-Germain: faleminderit”.
    “Është e lehtë të harrosh sa sfidues ka qenë ky sezon, në kaq shumë ndeshje dhe vende, në nivelet më të larta dhe me grupet dhe rrugët më të vështira. Por, falë shpirtit tonë kolektiv, duke luftuar çdo ditë për klubin dhe për njëri-tjetrin, ky sezon ka qenë më i madhi në historinë e PSG”, tha El-Khelaifi.
    “Fitimi i trofeut tonë të parë madhështor në Champions League, duke luajtur në një mënyrë që i magjepsi tifozët në të gjithë botën, do të mbetet përgjithmonë i gdhendur në historinë e futbollit. Aq më tepër kur marrim në konsideratë titujt tanë në Ligue 1 e kupë”, shtoi presidenti i PSG.
    Në fund, ai tha: “Në Amerikë ne donim të përfundonim si Kampionë Bote, pas një fushate tjetër të paharrueshme duke mposhtur disa nga klubet më të mëdha në botë. Por, pas një sezoni kaq të gjatë, ne mund të jemi vërtet krenarë për atë që lojtarët dhe stafi ynë kanë arritur si nënkampionë në skenën botërore”.

  • Finalja e humbur në Botërorin e Klubeve, Marquinhos: Nuk na e prish sezonin e shkëlqyer

    Finalja e humbur në Botërorin e Klubeve, Marquinhos: Nuk na e prish sezonin e shkëlqyer

    Duke folur për kanalet zyrtare të klubit pas humbjes në finalen e Kupës së Botës për klube, mbrojtësi dhe kapiteni i PSG, Marquinhos, foli jo vetëm për atë ndeshje por edhe për gjithë sezonin, që i kurorëzoi ata kampionë në Europë.

    “Është gjithmonë e vështirë të humbasësh një finale. Është e vetmja ndeshje që nuk mund ta përballosh ta humbasësh. Por, duke parë prapa, mendoj se patëm një turne të jashtëzakonshëm”, tha Marquinhos.
    Më tej, braziliani shtoi: “Luajtëm kundër ekipeve shumë të forta dhe i mundëm, arritëm në finale. Deri në këtë pikë, ishte e shkëlqyer, por nuk i shfrytëzuam mundësitë tona. Në finale ishim shumë poshtë nivelit tonë të zakonshëm, poshtë aftësive tona”.

    “Duhet ta analizojmë me kujdes këtë performancë dhe të shohim se çfarë mund të përmirësojmë për sezonin e ardhshëm. Gjithsesi, shijuam një sezon të jashtëzakonshëm, me triumfin tonë të parë në Champions League dhe trofe të tjerë në Francë”, tha Marquinhos.
    “Nuk ia dolëm në ndeshjen e fundit por kjo nuk i heq asgjë pjesës tjetër të sezonit. Faleminderit tifozëve që na mbështetën gjatë gjithë sezonit; janë më të mirët, në shtëpi dhe jashtë. I kemi parë tifozët tanë edhe në Amerikë, kudo”, tha Marquinhos.
    “Kjo është gjëja më e bukur që kemi përjetuar këtë sezon: gëzimi dhe dashuria e tifozëve. Kemi fituar shumë respekt dhe admirim, ka qenë fantastike. Do ta kujtoj këtë sezon për gjithë jetën time”, deklaroi kapiteni i PSG.

  • Marquinhos: Një finale e humbur nuk e prish gjithë sezonin e PSG, do ta kujtoj gjatë këtë vit

    Marquinhos: Një finale e humbur nuk e prish gjithë sezonin e PSG, do ta kujtoj gjatë këtë vit

    Duke folur për kanalet zyrtare të klubit pas humbjes në finalen e Kupës së Botës për klube, mbrojtësi dhe kapiteni i PSG, Marquinhos, foli jo vetëm për atë ndeshje por edhe për gjithë sezonin, që I kurorëzoi ata kampionë në Europë.
    “Është gjithmonë e vështirë të humbasësh një finale. Është e vetmja ndeshje që nuk mund ta përballosh ta humbasësh. Por, duke parë prapa, mendoj se patëm një turne të jashtëzakonshëm”, tha Marquinhos.
    Më tej, braziliani shtoi: “Luajtëm kundër ekipeve shumë të forta dhe i mundëm, arritëm në finale. Deri në këtë pikë, ishte e shkëlqyer, por nuk i shfrytëzuam mundësitë tona. Në finale ishim shumë poshtë nivelit tonë të zakonshëm, poshtë aftësive tona”.
    “Duhet ta analizojmë me kujdes këtë performancë dhe të shohim se çfarë mund të përmirësojmë për sezonin e ardhshëm. Gjithsesi, shijuam një sezon të jashtëzakonshëm, me triumfin tonë të parë në Champions League dhe trofe të tjerë në Francë”, tha Marquinhos.
    “Nuk ia dolëm në ndeshjen e fundit por kjo nuk i heq asgjë pjesës tjetër të sezonit. Faleminderit tifozëve që na mbështetën gjatë gjithë sezonit; janë më të mirët, në shtëpi dhe jashtë. I kemi parë tifozët tanë edhe në Amerikë, kudo”, tha Marquinhos.
    “Kjo është gjëja më e bukur që kemi përjetuar këtë sezon: gëzimi dhe dashuria e tifozëve. Kemi fituar shumë respekt dhe admirim, ka qenë fantastike. Do ta kujtoj këtë sezon për gjithë jetën time”, deklaroi kapiteni i PSG.

  • Ja 10 trajnerët më të paguar në Serie A për sezonin e ri, Tudor e Chivu jashtë “top-5”

    Ja 10 trajnerët më të paguar në Serie A për sezonin e ri, Tudor e Chivu jashtë “top-5”

    Në prag të sezonit të ri 2025-2026, janë bërë publike thuajse pagat e të gjithë trajnerëve të Serie A. “Sportmediaset” ka bërë një listim të tyre edhe pse mungojnë shifrat e Fabio Grosso (Sassuolo) dhe Davide Nicola (Cremonese).
    Në krye të listës, me 8 milionë euro në sezon, qëndron trajneri i Napoli, Antonio Conte. Pas tij, me nga 5 milionë euro në sezon ndodhen Massimiliano Allegri i Milan dhe Gian Piero Gasperini i Romës.
    Jashtë 5 më të mirëve Igor Tudor dhe Christian Chivu, që drejtojnë respektivisht Juventus dhe Inter. Trajneri me rrogën më të ulët është Eusebio di Francesco i Lecce me 500 mijë euro në sezon.
    “Top-10” trajnerët më të paguar në Serie A
    1.Antonio Conte (Napoli), 8 milionë euro
    2.Massimiliano Allegri (Milan), 5 milionë euro
    3.Gian Piero Gasperini (Roma), 5 milionë euro
    4.Stefano Pioli (Fiorentina), 3 milionë euro
    5.Vincenzo Italiano (Bologna), 3 milionë euro
    6.Igor Tudor (Juventus), 3 milionë euro
    7.Christian Chivu (Inter), 2.5 milionë euro
    8.Maurizio Sarri (Lazio), 2.5 milionë euro
    9.Ivan Juric (Atalanta), 2 milionë euro
    10.Patrick Vieira (Genoa), 1.4 milionë euro

  • Avancon prezantimi, Modriç te Milan më 14 korrik

    Avancon prezantimi, Modriç te Milan më 14 korrik

    Luka Modriç është një lojtar i ri i Milanit dhe ka nënshkruar tashmë një kontratë njëvjeçare me opsion për një sezon të dytë me vlerë 3.5 milionë euro për sezon shkruan Sportmediaset sot.

    Njoftimi zyrtar është ende në pritje, por përpara se të marrë disa javë pushim pas Kupës së Botës për Klube kundër Real Madridit, Luka Modriç pritet të jetë në Milano më 14 korrik për t’iu nënshtruar vizitave mjekësore rutinë.

    Në fillim të gushtit, kroati do të jetë në dispozicion të Alegrit për një debutim që mund të ndodhë në Kupën e Italisë kundër Barit më 17 gusht.

    Vazhdo leximin

  • Bylisi i paplotë në organikë, pret Brunon dhe Ibrahimin

    Bylisi i paplotë në organikë, pret Brunon dhe Ibrahimin

    Bylisi tashmë e ka rritur dozën, dy seanca në ditë dhe ushtrime me topin, por edhe ngarkesa fizike. Mallakastriotët duket se tashmë janë të fokusuar te faza përgatitore, ku duket se nga sot do të nisin edhe ushtrimet në palestrën e forcës.
    Në Ballsh ende nuk kanë mbërritur të gjithë lojtarët e huaj, sepse priten edhe nigeriani që luan në sulm, Mustafa Ibrahim apo dhe braziliani në qendër të mbrojtjes, Bruno. Të dy janë me kontratë, ndërsa klubi aktualisht po shqyrton ofertat për 3- 4 lojtarë titullarë, të cilët kërkohen nga klube brenda dhe jashtë vendit. Ajo që bie në sy është serioziteti dhe angazhimi nga hallkat në klub, ku siç dihet këtë sezon, Bylisi i ka nisur përgatitjet shumë herët, krahasuar me një sezon më parë. Javën që vjen, ballshiotët pritet që të vendosin edhe për fazën përgatitore.

    Gjithashtu, edhe për ndonjë ndeshje miqësore me ndonjë nga skuadrat e së Parës, që kanë nisur përgatitjet. Kampionati starton pas një muajve e gjysmë dhe ballshiotët janë në kohën e duhur. Madje, edhe grupin e kanë shumë më të konsoliduar dhe me një bërthamë që ka bërë mirë sezonin e shkuar. Mallakastriotët janë të vendosur që këtë sezon të jenë ndryshe, ndaj edhe do të angazhohen në merkato, për afrime cilësorë dhe lojtarë që do të bëjnë diferencën. Porta dhe sulmi janë repartet më nevralgjike, por përforcim do të kërkohet edhe në mbrojtje.
    Bylisi do të kërkojë që të shfrytëzojë edhe eksperiencën në elitë në krahasim me disa nga ekipet e tjera të elitës, por edhe bazën e lojtarëve që kanë vite në elitë. Natyrisht që nga merkato nuk përjashtohen edhe surprizat, pasi gjithmonë presidenca mallakastriote ka ditur të zgjedhë në treg, si duke afruar lojtarë me eksperiencë të huaj dhe vendas që kanë spikatur, por edhe të rinj të talentuar që kanë lënë gjurmë në elitë.

  • Finalja e Kupës së Botës mes dy skuadrave që triumfuan në Europë këtë sezon edhe Donald Trump në tribunë

    Finalja e Kupës së Botës mes dy skuadrave që triumfuan në Europë këtë sezon edhe Donald Trump në tribunë

    10 Korrik 2025

    13:10

    Telesport

    Stadiumi “MeLife” në Nju Jork do të presë finalen e shumëpritur të Kupës së Botës për Klube, e planifikuar për të dielën, më 13 korrik në orën 21:00.
    Trofeu do të diskutohet midis Chelsea, të udhëhequr nga italiani Enzo Maresca, dhe PSG-së së spanjollit Luis Enrique.
    Skuadra franceze, fituese e Champions League, shihet si favorite, teksa synon një tjetër triumf, këtë herë në Kupën e Botës.
    Këtë sezon ajo i ka fituar të gjitha trofetë e disponueshëm, si në vend ashtu edhe në Evropë. Ndërsa Chelsea triumfoi në Conference League.
    Ndaj, ndeshja është e garantuar se do të jetë spektakolare. I pranishëm në stadium do të jetë edhe Donald Trump, Presidenti i Shteteve të Bashkuara të Amerikës.
    Kreu i shtetit e ka deklaruar më herët se do të jetë në këtë finale.

  • Pedro: “Është lojtari më i kompletuar në botë në pozicionin e tij”

    Pedro: “Është lojtari më i kompletuar në botë në pozicionin e tij”

    7 Korrik 2025

    9:41

    Telesport

    Ish-ylli i Barcelona-s, Pedro, beson se shënimi i 30 golave ​​në një sezon është ajo që e vendos një lojtar në diskutim për pesë lojtarët më të mirë në botë.
    37-vjeçari shprehu mendimin se Lamine Yamal është sulmuesi i krahut më i kompletuar në botë për momentin.
    Siç theksohet nga SPORT, Pedro e lavdëroi talentin spanjoll në një intervistë, duke thënë:
    “Sulmuesi i krahut më i kompletuar në botë. Ai ka vizion dhe vendimmarrje të jashtëzakonshme kur bëhet fjalë për pasime, dhe përtej kësaj, ai ka gjithçka – aftësi 1 kundër 1, aftësinë për të luajtur nga brenda, ai mund të veprojë në të dyja krahët ose në mesfushë, dhe është i shkëlqyer edhe në asiste”.
    Ai shtoi:
    “Gjëja më e vështirë për një sulmues krahu të shkëlqyer është të shënojë gola siç bëjnë Lamine ose Salah. Unë luajta me Hazard dhe Henry, dhe ata kishin të njëjtën cilësi. Shënimi i 30 golave ​​në sezon është ajo që të vendos në diskutim për të qenë mes pesë lojtarëve më të mirë në botë”.