“Tifozët janë në qendër të projektit tonë. T’i kemi pranë në një sezon kaq të vështirë tregon se janë të pakursyer. Në fakt dua të kujtoj se kemi fituar Superkupën, ndaj nuk do ta quaja një sezon krejtësisht negativ”, – tha Paolo Scaroni, presidenti i Milanit, nga skena e eventit “Il Foglio” në “San Siro”.
Si mund të forcohet projekti sportiv për sezonin e ardhshëm?Të jesh aktiv në merkato është një gjë, të kesh sukses është një tjetër. Disa nga blerjet kanë qenë të suksesshme, flas për lojtarë që janë bërë pjesë afatgjatë e Milanit dhe kanë pasur paraqitje të vlefshme. Të tjerat kanë qenë më pak të suksesshme, për shembull Morata, që për shumë arsye nuk rezultoi një operacion i mirë. Ndonjëherë krijohet një kimi, ndonjëherë jo, është një risk që nuk mund ta parashikosh. Ne kemi ndërmend ta vazhdojmë këtë politikë të re, duke u fokusuar sidomos te lojtarët e rinj. Do ta vazhdojmë këtë proces me ata që merren me këto gjëra: Furlani dhe Ibrahimovic. Sepse duam të kemi një sezon të madh, tjetrin në vazhdim.
Fjalë shprese për tifozët… A janë Leao, Reijnders dhe Pulisic emrat për të ardhmen?Ka edhe emra të tjerë. Sigurisht, Reijnders dhe Pulisic, për të cilët më kanë pyetur, kanë pasur një rendiment shumë të mirë këtë sezon. Pastaj, Leao i emocionon tifozët tanë. Herë pas here kemi nevojë për emocione të forta…, nga ky këndvështrim, Leao na i jep ato. E rëndësishme është skuadra si e tërë, nuk dua të harroj edhe të tjerët.
