Lajmidites.com

Tag: sezon

  • U eliminuan prej tyre, Salah e pranon: PSG-ja është ekipi më i mirë në Europë, fitojnë Championsin

    U eliminuan prej tyre, Salah e pranon: PSG-ja është ekipi më i mirë në Europë, fitojnë Championsin

    Mohamed Salah sheh vetëm një skuadër favorite për të triumfuar në Champions këtë sezon. Sulmuesi i Liverpulit mendon se PSG është skuadra më e mirë në Europë, ndërsa francezët e mposhtën Liverpulin në rrugën drejt Mynihut.salahGjatë një interviste për “L’Equipe”, egjiptiani tha:
    “Duhet të jem shumë i sinqertë, PSG po luante një ndeshje shumë të mirë në ndeshjen e parë. Ne ishim shumë me fat që Alison pati ndeshjen e tij më të mirë në historinë e klubit. Ata ishin shumë të pafat. Pastaj ata erdhën në ‘Anfield’. Ne ishim shumë të pafat, sepse goditëm shtyllën dy ose tri herë. Ajo ndeshje ishte sinqerisht 50-50. Kush e meritonte më shumë? Askush nuk mund ta thotë. Ne luajtëm një pjesë të dytë shumë të mirë. Ata luajtën një ndeshje të parë shumë të mirë. Askush këtu nuk do të thoshte se e meritonte 100 për qind”.
    Salah, i cili ka shënuar 33 gola dhe ka dhënë 23 asiste në vetëm 49 ndeshje në të gjitha kompeticionet këtë sezon, zbuloi gjithashtu se u kishte thënë lojtarëve të PSG-së të shkonin dhe të fitonin Ligën e Kampioneve: Ishte dita e tyre dhe unë u shtrëngova duart dhe u thashë lojtarëve të tyre pas ndeshjes ‘urime, shkoni dhe fitoni’ dhe kaq ishte. Ne u përballëm me ekipin më të mirë në Europë në atë ndeshje”.

  • Kontrata që do t’i ofrohet në tavolinë kur të mbush 18-vjeç, klauzola e blerjes së Yamal do të jetë për shifrën e çmendur 

    Kontrata që do t’i ofrohet në tavolinë kur të mbush 18-vjeç, klauzola e blerjes së Yamal do të jetë për shifrën e çmendur 

    Më 23 prill 2023, Lamine Yamal bëri debutimin e tij për ekipin e parë të Barcelonës në moshën 15-vjeçare, pas së cilës i “vuri flakën” skenës së futbollit evropian. Këtë sezon ai e ka çuar formën e tij në një nivel edhe më të lartë dhe po luan vërtet në mënyrë fantastike për Barcelonën, por edhe për Kombëtaren Spanjolle.
    Në këtë sezon, Yamal luajti 50 ndeshje për Barcelonën në të gjitha garat, shënoi 15 gola dhe 24 asistime. Yamal do të nënshkruajë një kontratë të re në ditëlindjen e tij të 18-të (13 korrik) dhe do të zgjasë për pesë vjet, deri në verën e vitit 2030.
    Përveç kësaj, ai do të marrë një rritje të madhe te paga dhe klauzola e blerjes për shërbimet e tij do të arrijë në një miliardë euro të pabesueshme. /Elio Hajdari-Sport Ekspres/ 

  • Ky është pozicioni ku Real Madrid duhet të ndërhyjë me patjetër në merkaton e verës, pika më e dobët e këtij sezoni

    Ky është pozicioni ku Real Madrid duhet të ndërhyjë me patjetër në merkaton e verës, pika më e dobët e këtij sezoni

    Real Madrid po përgatitet për një merkato aktive këtë verë, duke parë problemet e shumta me të cilat është hasur gjatë këtij sezoni. Qendra e mbrojtjes është bërë thembra e Akilit për madrilenët, e prekur nga një sërë lëndimesh dhe pengesash fizike që e kanë lënë ekipin me burime shumë të kufizuara në këtë repart.
    Mungesa e zgjatur e Eder Militao-s, i cili nuk ka qenë në gjendje të luajë për shkak të një dëmtimi të rëndë, ka qenë një nga goditjet më të mëdha për Ancelotti-n. Po ashtu situata aspak e mirë me David Alaba, i cili ka qenë i dëmtuar vazhdimisht këtë sezon, por edhe atëherë kur ka lujatur, ka qenë nën pritshmëritë.
    Antonio Rüdiger, nga ana e tij, është dashur të dyfishojë përpjekjet për të mbajtur mbrojtjen të fortë, megjithëse performancat e tij nuk kanë qenë plotësisht të qëndrueshme. Gjermani ka alternuar midis performancave të forta dhe atyre më pak bindëse, gjë që ka rritur urgjencën për të pasur lojtarë më të besueshëm.
    Përgjegjësia ka rënë mbi Raal Asencio, i vetmi qendërmbrojtës që nuk ka pësuar lëndime dhe ka bërë paraqitje shumë të mira këtë sezon, por ende i mungon përvoja për t’u bërë lider në qendrën e mbrojtjes. Të vetëdijshëm se nuk mund të përballojnë një tjetër sezon me kaq shumë ulje-ngritje në mbrojtje, drejtuesit e Realit po ndjekin disa emra për të provuar transferimin e tyre në verë. Dy emrat më të përfolur deri tani janë William Saliba dhe Dean Hujisen.

  • Gjithçka për finalen e madhe të Champions-it; ja çfarë thonë statistikat përpara gjysmëfinaleve të kthimit

    Gjithçka për finalen e madhe të Champions-it; ja çfarë thonë statistikat përpara gjysmëfinaleve të kthimit

    INTER – BARCELONAKy do të jetë takimi i 18-të në një kompeticion të madh europian mes Interit dhe Barcelonës. Vetëm Bayern-Real Madrid (28), Juventus-Real Madrid (21) dhe Inter-Real Madrid (19) janë luajtur më shpesh në histori. Dy përballjet e fundit mes tyre kanë përfunduar 3-3, një në Champions, në tetor 2022, dhe tjetra në ndeshjen e parë të kësaj gjysmëfinaleje.
    Barcelona ka fituar vetëm një nga 6 ndeshjet si mysafire ndaj Interit në Champions League (3 barazime, 2 humbje), 2-1 në dhjetor 2019. Në përgjithësi, Barça ka fituar vetëm 5 nga 24 ndeshje si mysafire në Itali (21%), përqindja më e ulët e fitoreve të saj kundër një kombi jospanjoll në këtë kompeticion.
    Ndeshja e parë mes Interit dhe Barcelonës përfundoi 3-3. Vetëm tri gjysmëfinale të Champions League kanë përfunduar me 10 ose më shumë gola në total: Juventus-Monaco 6-4 (1997/98), Liverpool-Roma 7-6 (2017/18), dhe Real Madrid-Manchester City 6-5 (2021/22).
    Interi synon të arrijë në finalen e tretë të Champions League (pas 2010 dhe 2023), ndërsa për Barcelonën do të ishte finalja e gjashtë (1994, 2006, 2009, 2011, 2015), duke u barazuar me Bayernin, Milanin dhe Juventusin për më shumë finale në epokën moderne të Ligës së Kampionëve, pas vetëm Real Madridit (9).
    Barcelona ka shënuar 40 gola në këtë edicion të Champions-it, më shumë se çdo skuadër tjetër në një sezon që nga Bayerni më 2019/20 (43). Vetëm tri ekipe kanë shënuar më shumë se 40 gola në një sezon: Barça më 1999/2000 (45), Real Madridi më 2013/14 (41), dhe Liverpool më 2017/18 (41).
    Interi është i pamposhtur në 15 ndeshjet e fundit në shtëpi në Champions League (12 fitore, 3 barazime), seria më e gjatë e pamposhtshmërisë në shtëpi në garat europiane që nga ajo prej 27 ndeshjesh mes 1980 dhe 1987. Gjithashtu ka fituar 9 nga 11 gjysmëfinalet e fundit në shtëpi (1 barazim, 1 humbje).
    Raphinha ka kontribuar në 20 gola këtë sezon në Champions (12 gola, 8 asiste). Vetëm Cristiano Ronaldo më 2013/14 (17 gola, 4 asiste) ka pasur më shumë në këtë drejtim. I vetmi që ka dhënë më shumë asiste në një sezon është Luís Figo për Barcelonën më 1999/00 (9).
    Pasi kishte shënuar vetëm një gol në 39 ndeshje të para në Champions, Denzel Dumfries i Interit realizoi dopietë në ndeshjen e parë. Nëse ai ose Marcus Thuram shënojnë në kthim, do të jenë të parët që shënojnë në të dyja gjysmëfinalet për Interin që nga Giacinto Facchetti në sezonin 1966/67.
    Lamine Yamal ka shënuar 5 gola në këtë Champions. Vetëm Haaland (8 më 2019/20), Mbappé (6 më 2016/17) dhe Raúl (6 më 1995/96) kanë shënuar më shumë si “adoleshentë” në një sezon. 44 goditje, 19 në kuadrat dhe 78 driblime të tij janë rekord për një “adoleshent” që nga sezoni 2003/04, sipas Opta-s.
    Pedri ka realizuar 721 pasime në këtë edicion të Champions League, më shumë se çdo mesfushor spanjoll i Barcelonës që nga Busquets më 2018/19 (903). Ai ka dhënë edhe 18 pasime filtruese, që kanë prodhuar gjuajtje; më shumë se çdo lojtar tjetër që ndodhet ende në garë.

    PSG – ARSENALFitorja 1-0 e PSG-së në Londër ishte e para ndonjëherë ndaj Arsenalit në 6 takime (3 barazime, 2 humbje më parë). Të dyja përballjet e mëparshme në Paris kishin përfunduar 1-1 (mars 1994, shtator 2016).
    Pas një serie prej 13 ndeshjesh pa humbje në transfertë ndaj ekipeve franceze (8 fitore, 5 barazime), Arsenali i ka humbur dy të fundit në Francë: ndaj Rennes më 2019 dhe Lens më 2023.
    Vetëm dy ekipe kanë arritur në finalen e Champions League pasi kanë humbur ndeshjen e parë gjysmëfinale në shtëpi: Ajax kundër Panathinaikos më 1995/96 dhe Tottenham kundër Ajax më 2018/19.
    PSG dhe Arsenali synojnë të arrijnë finalen e dytë në historinë e tyre në Ligën e Kampionëve: PSG më 2019/20, Arsenali më 2005/06. PSG është eliminuar vetëm një herë, nëse e ka fituar ndeshjen e parë jashtë fushe (kundër Manchester United më 2018/19), ndërsa Arsenali nuk është kualifikuar kurrë, pasi ka e humbur në shtëpi ndeshjen e parë.
    PSG ka fituar 3 nga 4 ndeshjet e fundit në shtëpi, në Champions, duke shënuar 14 gola në këto 3 fitore. Megjithatë, ka humbur 2 herë në “Parc des Princes” këtë sezon (kundër Liverpool-it dhe Atlético). Vetëm më 2020/21 ka humbur 3 herë në shtëpi.
    Arsenali ka fituar të katërta ndeshjet e fundit në transfertë, në Champions: nuk ka pasur kurrë 5 fitore radhazi në garat europiane.
    PSG ka realizuar 150 pasime filtruese, që kalojnë mbrojtjet kundërshtare, këtë sezon në Champions, i dyti pas Bayernit (156). 25 nga këto pasime janë dhënë nga Ousmane Dembélé, më shumë se çdo lojtar tjetër.
    Goli vendimtar i Dembélé në ndeshjen e parë ishte i teti për të këtë sezon në Champions. Vetëm Ibrahimovic ka shënuar më shumë në një sezon për PSG (10 më 2013/14).
    Përveçse ka realizuar më shumë pasime nga të gjithë në ndeshjen e parë (50), Declan Rice ka bërë më shumë pasime që kalojnë vijën e fundit të mbrojtjes në zonën e sulmit (6). Ai është lojtari më i mirë i Arsenalit për pasime filtruese, që kanë çuar në gjuajtje (7) dhe në gola (3) këtë sezon.
    João Neves i PSG-së ka realizuar 51 ndërhyrje këtë sezon në Champions, më shumë se çdo mesfushor që nga Arturo Vidal më 2014/15 (52). Ai ka kryer gjithashtu 756 presione të larta ndaj kundërshtarëve, mbi 100 më shumë se çdo lojtar tjetër në turne.
     

  • Atletico Madrid mbyll sezonin para kohe, “Colchoneros” nuk shkojnë më shumë se barazimi pa gola ndaj Alaves

    Atletico Madrid mbyll sezonin para kohe, “Colchoneros” nuk shkojnë më shumë se barazimi pa gola ndaj Alaves

    3 Maj 2025

    16:17

    Telesport

    Ndeshja hapëse e ditës së sotme në La Liga ka qenë ajo mes Alaves dhe Atletico Madrid, e vlefshme për javën e 34-të në La Liga. Një ndeshje pa emocione, ku munguan rastet dhe golat, rezultati përfundimtar 0-0.
    Një pikë që i bën më shumë punë Alaves, e cila është në garë për të mos rënë nga La Liga, ndërsa Atletico Madrid duket e se e ka mbyllur para kohe këtë sezon dhe mjaftohet me vendin e tretë.
    Një sezon i dështuar për “Colchoneros”, të cilët nuk arritën asnjë nga objektivat e vendosur në fillim të sezonit.

  • As Lamal e as Dembele, ky është lojtari më i mirë sipas Abraham

    As Lamal e as Dembele, ky është lojtari më i mirë sipas Abraham

    Sulmuesi i Milan-it, Tammy Abraham, ka pohuar se ylli i Arsenalit, Bukayo Saka, është një sulmues më i mirë se Lamine Yamal dhe Ousmane Dembele për momentin.
    Gjatë një bisede me Baller League në TikTok, ish-lojtarit të Chelseat iu kërkua të rendiste tre nga sulmuesit më në formë në botë tani. Ai pretendoi se është një admirues i madh i Saka dhe e vendosi yllin e Arsenalit në vendin e parë, duke e renditur Yamalin në të dytin dhe Dembelen në të tretin.
    Saka, 23 vjeç, e ka konsoliduar veten si një nga sulmuesit më të mirë në botë gjatë tre sezoneve të fundit. Sulmuesi mëngjërash, i cili pësoi një dëmtim në kofshë më parë këtë sezon, ka regjistruar 11 gola dhe 14 asiste në 32 ndeshje gjithsej për Arsenal-in këtë sezon.

    Nga ana tjetër, Yamal aktualisht po shijon një sezon të shkëlqyer për Barcelona-n. 17-vjeçari ka shënuar 15 gola dhe ka dhënë 24 asiste në 49 ndeshje në të gjitha ndeshjet e luajtura këtë sezon, duke ndihmuar skuadrën katalanase të ngrejë trofeun e Kupës së Mbretit deri më tani.
    Ndërkohë, Dembele është shfaqur si një favorit për të fituar çmimin Ballon d’Or 2025 kohët e fundit. Francezi 27-vjeçar ka shënuar 33 gola dhe ka dhënë 12 asiste në 45 paraqitje në të gjitha kompeticionet për Paris Saint-Germain në sezonin aktual 2024-25.
    Të tre yjet e lartpërmendur mund të fitojnë ende Champions League këtë sezon. Saka dhe Dembele do të përballen në ndeshjen e dytë gjysmëfinale të Champions League mes PSG dhe Arsenal-it, të mërkurën (7 maj).

  • As Dembele dhe as Yamal, Abraham zgjedh lojtarin më të mirë të momentit

    As Dembele dhe as Yamal, Abraham zgjedh lojtarin më të mirë të momentit

    Sulmuesi i Milan-it, Tammy Abraham, ka pohuar se ylli i Arsenalit, Bukayo Saka, është një sulmues më i mirë se Lamine Yamal dhe Ousmane Dembele për momentin.
    Gjatë një bisede me Baller League në TikTok, ish-lojtarit të Chelseat iu kërkua të rendiste tre nga sulmuesit më në formë në botë tani. Ai pretendoi se është një admirues i madh i Saka dhe e vendosi yllin e Arsenalit në vendin e parë, duke e renditur Yamalin në të dytin dhe Dembelen në të tretin.
    Saka, 23 vjeç, e ka konsoliduar veten si një nga sulmuesit më të mirë në botë gjatë tre sezoneve të fundit. Sulmuesi mëngjërash, i cili pësoi një dëmtim në kofshë më parë këtë sezon, ka regjistruar 11 gola dhe 14 asiste në 32 ndeshje gjithsej për Arsenal-in këtë sezon.
    Nga ana tjetër, Yamal aktualisht po shijon një sezon të shkëlqyer për Barcelona-n. 17-vjeçari ka shënuar 15 gola dhe ka dhënë 24 asiste në 49 ndeshje në të gjitha ndeshjet e luajtura këtë sezon, duke ndihmuar skuadrën katalanase të ngrejë trofeun e Kupës së Mbretit deri më tani.
    Ndërkohë, Dembele është shfaqur si një favorit për të fituar çmimin Ballon d’Or 2025 kohët e fundit. Francezi 27-vjeçar ka shënuar 33 gola dhe ka dhënë 12 asiste në 45 paraqitje në të gjitha kompeticionet për Paris Saint-Germain në sezonin aktual 2024-25.
    Të tre yjet e lartpërmendur mund të fitojnë ende Champions League këtë sezon. Saka dhe Dembele do të përballen në ndeshjen e dytë gjysmëfinale të Champions League mes PSG dhe Arsenal-it, të mërkurën (7 maj).

  • “Nëse vjen një ofertë 100 mln euro…” Real Madrid gati të shesë yllin e sulmit

    “Nëse vjen një ofertë 100 mln euro…” Real Madrid gati të shesë yllin e sulmit

    29 Prill 2025

    18:03

    Telesport

    Largimi thuajse i kryer i trajnerit Carlo Ancelotti pritet të sjellë ndryshime të mëdha te Real Madrid. El Chiringuito raporton se një nga yjet që mund të largohet është Rodrygo.
    Gazetari Josep Pedrerol ka raportuar për situatën aktuale të sulmuesit brazilian. Sipas tij, ky i fundit meriton një kritikë serioze për paraqitjet e tij këtë sezon.
    Pedrerol shton se në Madrid janë të gatshëm ta shesin sulmuesin, nëse vjen një ofertë e përshtatshme. Këtë sezon braziliani ka shënuar 13 gola dhe ka dhënë 10 asiste, por nëse vjen një ofertë 100 mln euro, Los Blancos do ta shesin.

  • Pulisic drejt rinovimit, mungon vetëm firma. Milani ul ofertat për dy francezët

    Pulisic drejt rinovimit, mungon vetëm firma. Milani ul ofertat për dy francezët

    Në pritje për të kuptuar nëse edicioni i ardhshëm do ta gjejë Milanin në Ligën e Europës, dhe sidomos se cili do të jetë drejtori i ri sportiv (nëse do të mbërrijë një i tillë), klubi kuqezi ka nisur tashmë të planifikojë sezonin e ri. Prioriteti absolut i drejtuesve është rinovimi i kontratave të yjeve të skuadrës.
    Christian Pulisic është ndër të parët në listë dhe tratativa është pothuajse e mbyllur. Amerikani, një nga të paktat lajme pozitive të këtij sezoni për “Djallin”, me 16 gola të shënuar, është shumë pranë firmës. Flitet për një kontratë të re deri në vitin 2029. Paga e tij do të rritet nga 4 në 5 milionë euro në sezon.
    Situata është shumë më e ndërlikuar për Theo Hernandez, që ashtu si Mike Maignan ka kontratë në fuqi deri në vitin 2026. Francezi ka kaluar një sezon të vështirë, mes kartonëve të kuq dhe gabimeve të shumta, ndërsa në janar ishte shumë pranë largimit nga kuqezinjtë.
    Megjithatë, me ndryshimin e skemës, ai është dukur më në formë dhe në javët e fundit ka dërguar disa sinjale pozitive drejt klubit, edhe përmes rrjeteve sociale. Theo ndihet mirë në Milano dhe do të dëshironte të qëndronte, ndërkohë që klubi synon të shmangë çdo rrezik që francezi të largohet si lojtar i lirë.
    Sipas “Gazzetta dello Sport”, rinovimi është ende larg, pasi oferta e Milanit është më e ulët krahasuar me pagën aktuale të lojtarit, që është 4.5 milionë euro në sezon. Në pritje mbetet edhe Maignan, i cili duhet të vendosë nëse do të pranojë propozimin e ri të Milanit, një ofertë gjithashtu më e ulët se ajo fillestare.
    Arsyeja? Performancat e tij nuk kanë qenë gjithmonë bindëse këtë sezon. Propozimi aktual është 4.5 milionë euro në sezon, jo më 5 si më parë, ndaj portieri francez po e merr kohën e tij për të reflektuar. Vetëm pak ditë më pare ai deklaroi: “Të them të vërtetën, në këtë moment nuk dua të flas për kontratën. Dua të flas për futbollin dhe të gjej balancën e duhur. Milani, skuadra dhe të gjithë meritojnë më shumë. Situata ime personale nuk është gjëja më e rëndësishme për momentin”.
    Megjithatë, është e qartë: nëse nuk rinovon, Milani do ta nxjerrë në shitje ish-portierin e Lille për të mos e humbur me parametër zero.

  • “S’ka rëndësi sa gola na shënojnë”, Jamali thumbon kundërshtarin pas fitores: Reali nuk na mund dot këtë sezon

    “S’ka rëndësi sa gola na shënojnë”, Jamali thumbon kundërshtarin pas fitores: Reali nuk na mund dot këtë sezon

    Barcelona është fituese e Kupës së Mbretit. Katalanasit kanë mposhtur Realin e Madridit me shifrat 3-2 në kohën shtesë. Lamin Jamali ka deklaruar pas përfundimit të finales se nuk ka rëndësi se sa gola mund të shënojë Reali, ata përsëri nuk mund ta mposhtin dot Barçën në këtë sezon.
    “Nëse pësojmë një gol, nuk ka problem. Nëse pësojmë dy gola, nuk ka problem. Sepse këtë vit ata nuk na mundin dot. E kemi vërtetuar këtë. Rroftë Barça”, ka deklaruar Lamin Jamali./Sport Ekspres/