Lajmidites.com

Tag: seriozisht

  • Ivanka Trump e merr seriozisht, ‘i futet me kokë’ historisë së Shqipërisë (Fotolajm)

    Ivanka Trump e merr seriozisht, ‘i futet me kokë’ historisë së Shqipërisë (Fotolajm)

    Ivanka trump dhe jared kushner, projekti ne ishullin e sazanit

    SHBA- Vajza e presidentit amerikan Donald Trump, Ivanka, duket se e ka marrë seriozisht njohjen e historisë së Shqipërisë, ku dhe do të investojë në disa projekte turistike së bashku me bashkëshortin e saj, Jared Kushner.
    Kushner dhe Trump do të investojnë në ishullin e Sazanit në Shqipëri, si dhe në zonën e Zvërnecit, ndërsa së fundi vajza e presidentit ka ndarë me ndjekësit disa kërkime që po bën lidhur me vendin tonë. Ajo ka postuar në llogarinë e saj në Instagram një foto që tregon tre libra, të cilat trajtojnë temën shqiptare.
    Librat që ajo është duke lexuar janë “Albania: From Anarchy to Balkan Identity” dhe “The Albanians: A Modern History” nga autorët Miranda Vickers dhe James Pettifer, si dhe “Gjenerali i ushtrisë së vdekur” nga Ismail Kadare. Këto tituj sugjerojnë një interes për historinë dhe kulturën shqiptare, duke përfshirë periudhat e ndryshme të zhvillimit dhe identitetit kombëtar.

    postimi i ivanka trump

    Poshtë imazhit të librave, Ivanka ka shkruar fjalën “Kërkim!”, duke tërhequr vëmendjen për studimet e saj mbi këtë vend të Ballkanit. Ky veprim tregon angazhimin e saj për të kuptuar më mirë Shqipërinë, si dhe mundësitë që kjo vend mund të ofrojë për investime dhe zhvillim.

    Vitet e fundit, Ivanka Trump është shfaqur disa herë ne bregdetin shqiptar, duke shfaqur interes për investimin në fushën e turizmit në vendin tonë. /ZËRI

  • Kastrioti e ka seriozisht, përmbys Besën në fund

    Kastrioti e ka seriozisht, përmbys Besën në fund

    Kastrioti- Besa 2-1 (Kasmollari 82′, 90+2′ / Çinuendu 53′)

    Ndeshja e shtyrë dje për shkak të motit me shi mes Kastriotit dhe Besës së Kavajës (java e 12) u zhvillua sot në stadiumin “Redi Maloku” të Fushë Krujës.

    Ky takim shihej ndoshta si mundësia e fundit e verdhezinjëve për të tentuar vendet e para por kur dukej se Besa po shkonte drejt tri pikëve të arta, ka ardhur përmbysja e madhe. Oresti Kasmollari shënon dy herë në minutat 82′ dhe 90+2’për të regjistruar fitoren e katërt radhazi të formacionit të Ramadan Ndreut.

    Për kavajasit goli u shënua në start të pjesës së dytë me Çinuendu por pa mundur të sherbejë për pikë. Nga ana e tyre, krutanët futen seriozisht te zona play off pasi kanë po aq pikë sa Apolonia e Burreli dhe një më pak se fqinjët e Ilirisë të cilat mbajnë vendet 4,5,6./Sportiim.al/

    Vazhdo leximin

  • Konferenca Vjetore e IAIS, Rama me batuta: Shpresoj që veshja ime të tregojë sa seriozisht e kam marrë këtë fjalim

    Konferenca Vjetore e IAIS, Rama me batuta: Shpresoj që veshja ime të tregojë sa seriozisht e kam marrë këtë fjalim

    Shqipëria mikpret një tjetër aktivitet prestigjioz ndërkombëtar, Konferencën Vjetore të IAIS (Organizata Botërore e Mbikëqyrësve të Sigurimeve), mbledhja më e madhe e mbikëqyrësve të sigurimeve, zhvillohet për herë të parë në rajonin e Ballkanit

    Kryeministri Edi Rame nisi fjalimin e tij me batuta, duke thënë ‘shpresoj që veshja ime ta tregojë sa seriozisht e kam marrë këtë fjalim’.
    “Shpresoj që veshja ime të tregojë sa seriozisht e kam marrë këtë fjalim. Në një botë që sa vjen është në rrezik e në një kohë ku e gjejmë veten të rrethuar nga më shumë rreziqe sesa kufij, ndryshimi i klimës, kërcënimet kibernetike, luhatja e tregjeve globale janë sfida që kërkojnë prej nesh zgjidhje inovatore.
    Dritarja për të për mbushur objektivat e klimës po mbyllet me shpejtësi. Po imponon një kosto të lartë të jetesës sot. Industria e sigurimeve është përballë një sfidë të jashtëzakonshme dhe zgjedhjeve shumë të vështirë për të kthyer rrezikun në rezistencë. Ndërhyrjet kibernetike ndërthuren me stabilitetin ekonomik”, u shpreh ai.

    Top Channel

  • “BE duhet ta trajtojë këtë problem seriozisht”/ Presidenti i Bullgarisë Radev, thirrje: Serbia mund të kërcënojë…

    “BE duhet ta trajtojë këtë problem seriozisht”/ Presidenti i Bullgarisë Radev, thirrje: Serbia mund të kërcënojë…

    Presidenti i Bullgarisë, Rumen Radev, i bëri thirrje Bashkimit Evropian që t’i marrë shumë seriozisht aktivitetet e Beogradit brenda të ashtuquajturës doktrinë e botës serbe, duke paralajmëruar se kjo mund të përbëjë një kërcënim serioz për stabilitetin e Ballkanit Perëndimor.
    “Ballkani Perëndimor është një pikë kritike e sigurisë që kërkon vëmendjen e plotë të Bashkimit Evropian”, tha Radev më 1 nëntor, duke iu përgjigjur pyetjes së një gazetari në lidhje me rreziqet që paraqet projekti “Bota Serbe” dhe se si kjo iniciativë nga Beogradi ndikon në sigurinë në rajon, raporton EUalive.
    “Unë besoj se është koha e duhur që të gjitha institucionet evropiane ta marrin këtë problem shumë më seriozisht. Është një çështje jashtëzakonisht e ndjeshme edhe për ne”, shtoi Radev.
    Raportuesi i Parlamentit Evropian për Serbinë, Tonino Picula, paralajmëroi për rrezikun e projektit “bota serbe”, i cili synon të rivendosë një pjesë të ish-Jugosllavisë me Serbinë në qendër, ndërkohë që rifiton kontrollin mbi Kosovën dhe rikthen në orbitën e Beogradit shtetet tani të pavarura si Mali i Zi, Maqedonia e Veriut, pjesë të Bosnjës dhe Hercegovinës dhe të tjera.
    “Bota serbe” vepron si një version në shkallë më të vogël i projektit “Serbia e Madhe” të Slobodan Millosheviqit, por edhe si një homolog i konceptit “bota ruse” të promovuar nga Vladimir Putin, i cili dikur tha se Rusia nuk ka kufij.
    Në fillim të qershorit 2024, Presidenti serb Aleksandar Vuçiç kryesoi të ashtuquajturin Asamble Gjithë-Serbe në Beograd, e cila mblodhi përfaqësues të serbëve nga e gjithë ish-Jugosllavia. Në atë takim strategjik, u miratua e ashtuquajtura Deklaratë Gjithë-Serbe, e cila paraqiti në letër një plan për zbatimin e konceptit të “botës serbe”.

  • “Ajo del me bllok në dorë, mos u habisni” Qefalia: Ogertës mos ja harroni çfarë ka bërë…

    “Ajo del me bllok në dorë, mos u habisni” Qefalia: Ogertës mos ja harroni çfarë ka bërë…

    Zyrtari i Partisë Socialiste, Xhemal Qefalia e cilëson kandidaturën e duhur atë të Ogerta Manastirliut për bashkinë e Tiranës, për të cilën tha se i merr seriozisht të gjitha detyrat ku është caktuar.
    I ftuar në emisionin Puls në A2 CNN, Qefalia renditi disa nga pozicionet ku kandidatja ka shërbyer gjatë viteve të karrierës së saj, duke specifikuar periudhën e vështirë gjatë pandemisë, kur ajo ishte ministre e Shëndetësisë.
    “Kjo puna e bllokut ha për të diskutuar. Kjo tregon vëmendje dhe përkujdesjen që kandidatja ka për bashkinë. Çdo detyrë e merr seriozisht ashtu sic ka konkretizuar të gjitha etapat që ajo ka kaluar.
    Zonja Manastirliu nuk është katapultuar apo hedhur enkas si një gjetje për Bashkinë, i ka kaluar të gjitha etapat. Ajo ka shërbyer në bashki, ka drejtuar spitalin, ka qenë ministre e Shëndetësisë. Ogerta i merr gjërat seriozisht.
    Unë mendoj që Ogerta është një qytetare e denjë për të përfaqësuar Tiranën. Ajo i di hallet e qytetit. Ajo është një ndër zonjat më të suksesshme të kabinetit Rama”, tha Qefalia.

  • Opozita nuk e ka marrë akoma seriozisht këtë betejë/ Situata politike, reagon analisti: Tirana drejt zgjedhjeve

    Opozita nuk e ka marrë akoma seriozisht këtë betejë/ Situata politike, reagon analisti: Tirana drejt zgjedhjeve

    Analisti Ben Andoni në një intervistë në Ora News u shpreh se opozita nuk i ka marrë akoma seriozisht zgjedhjet për kryetarin e ri të bashkisë së Tiranës pas shkarkimit të Erion Veliajt.
    Andoni: Në një moment që realisht pjesa opozitare e politikës por mbi të gjitha edhe e publikut opozitar i cili nuk është dakord më me politikat e Ramës por edhe politikat e njerëzve të tij sidomos në këtë rast me politikat e e Veliajt.
    Që tashmë ka tre akuza mbi kurrizin e vet por mbi të gjitha edhe gjatë funksionimit të tij ne pamë që shumë gjëra për qytetin tonë linin shumë për të dëshiruar.
    Në këtë sens po them që opozita do të fitojë kohë. Sepse opozita nuk e ka marrë akoma seriozisht këtë betejë, e cila është betejë e pjesshme.
    Ne po shikojmë që në këtë fitim kohe ata mundohen që këtë ‘patate të nxehtë’ po flas në një sens metaforik ta çojnë nga dora në dorë.
    Në këtë moment që po flasim, PD dhe opozita e bashkuar jo vetëm që duhej të kishin kandidatë por sot ata duhej të kishin strukturat kapilare në të gjithë qarkun e Tiranës.

  • Martin Leka: PS e ka marrë seriozisht fushatën në Tiranë, PD e papërgatitur dhe pa kandidat

    Martin Leka: PS e ka marrë seriozisht fushatën në Tiranë, PD e papërgatitur dhe pa kandidat

    Analisti Martin Leka ka komentuar situatën politike në Bashkinë e Tiranës pas shkarkimit të Erion Veliajt, duke analizuar përgatitjet e partive për zgjedhjet e ardhshme vendore. 
    Në një intervistë për emisionin “Newsline” në ABC News, Leka u shpreh se Partia Socialiste e ka marrë seriozisht fushatën në Tiranë, ndryshe nga Partia Demokratike, e cila sipas tij, është ende e papërgatitur dhe nuk ka shpallur ende një kandidat për garën në kryeqytet. 
    “PS e ka marrë shumë seriozisht fushatën, PD është ende në kuadrin e mospërgatitjes totale të saj për zgjedhjet. PD e di që nuk mund ta fitojë Bashkinë e Tiranës. Manastirliu është figurë e konsoloduar brenda PS dhe do i tejkalojë votat që ka marrë Veliaj. Patjetër, unë kështu mendoj”, theksoi ai. 

  • “Shkarkimi i Veliajt, i pritshëm”/ Analisti: PS e ka marrë seriozisht fushatën. PD e papërgatitur

    “Shkarkimi i Veliajt, i pritshëm”/ Analisti: PS e ka marrë seriozisht fushatën. PD e papërgatitur

    Analisti Martin Leka thotë se shkarkimi i Erion Veliaj nga posti i kryebashkiakut të Tiranës, ishte i pritshëm.
    Në një intervistë, Leka u shpreh se PS e ka marrë seriozisht fushatën, ndryshe nga PD.
    Sipas Lekës, PD nuk mund ta fitojë Bashkinë e Tiranës, pasi është e papërgaitur dhe ende nuk ka kandidat.
    “Pritej, tani kemi ndryshimin e statusit të Erion Veliaj, nga kryetar i bashkisë, në ish kryetar i bashkisë. Zoti Rama e kishte iniciuar propozimin e Këshillit Bashkiak. PS bëhet gati për fushatë elektorale, ashtu siç zoti Veliaj, do duhet të fokusohet te beteja që ka me drejtësinë. Betejën e ka me akuzat. Nuk kishte padyshim asnjë lloj surprize. Zoti Veliaj, në opinionin tim, duhet të kishte dhënë dorëheqjen shumë kohë më përpara. Veliaj është në pozitë ku ka rënë siguria e fundit, që ishte shkuarja në gjyq si kryetar i bashkisë.
    Ky është fakt dhe mendoj se kemi dy njerëz, Edi Ramën që është fokusuar te zgjedhjet, siç kemi Veliajn, i cili tashmë e ka lehtësuar veten nga fakti që mund të mbrohej si kryetar i bashkisë. PS e ka marrë shumë seriozisht fushatën, PD është ende në kuadrin e mospërgatitjes totale të saj për zgjedhjet. PD e di që nuk mund ta fitojë Bashkinë e Tiranës. Manastirliu është figurë e konsoloduar brenda PS dhe do i tejkalojë votat që ka marrë Veliaj. Patjetër, unë kështu mendoj”, theksoi ai.

  • Kina: Vendosja ushtarake amerikane pranë Venezuelës, minon seriozisht paqen

    Kina: Vendosja ushtarake amerikane pranë Venezuelës, minon seriozisht paqen

    Kina kritikoi sot vendosjen e ushtrisë amerikane në ujërat pranë Venezuelës, duke theksuar se kjo “minon seriozisht” paqen rajonale dhe paralajmëroi Washingtonin kundër çdo ndërhyrjeje në punët e brendshme të vendit latino-amerikan.

    “Veprimet e SHBA-së dëmtojnë seriozisht paqen dhe sigurinë e rajonit, shkelin seriozisht sigurinë, sovranitetin dhe të drejtat dhe interesat legjitime të vendeve të tjera, shkelin seriozisht të drejtën ndërkombëtare”, u tha gazetarëve në Pekin zëdhënësi i Ministrisë së Jashtme, Lin Jian.

    Washingtoni ka vendosur shkatërruesit e Marinës USS Gravely, USS Jason Dunham dhe USS Sampson, pranë bregdetit të Venezuelës në fund të gushtit.

    Në përgjigje, presidenti venezuelas Nicolas Maduro tha se ka mobilizuar 4.5 milionë forca të milicisë së vendit dhe ishte gati të zmbrapste çdo sulm. Të dielën, ministri venezuelas i Mbrojtjes, Vladimir Padrino Lopez tha se SHBA-ja ka kryer fluturime inteligjence në Karaibe dhe zonat afër vendit të tij.

    Sekretari amerikan i Mbrojtjes, Pete Hegseth tha se ushtria amerikane është gati për një operacion për ndryshimin e regjimit në Venezuelë.

    “Kina ka mbështetur gjithmonë forcimin e bashkëpunimit ndërkombëtar për të goditur krimet ndërkufitare”, tha zëdhënësi i Ministrisë së Jashtme në Pekin të hënën. Ai tha se SHBA-ja, nën “pretekstin e luftës kundër narkotikëve”, ka vendosur forca ushtarake pranë Venezuelës, ka fundosur anije dhe ka mbajtur anije peshkimi nga pala venezuelase, gjë që “shkaktoi tensione në situatën rajonale”.

    “Ne kundërshtojmë përdorimin e paligjshëm të forcës. Ne kundërshtojmë çdo forcë të huaj që ndërhyn në punët e brendshme të Venezuelës nën çfarëdo preteksti”, tha Lin.

    “Kina i bën thirrje SHBA-së të mos sabotojë sigurinë e lundrimit, lirinë dhe interesat e palës së Venezuelës sipas ligjit ndërkombëtar për të stabilizuar paqen dhe sigurinë”, shtoi ai.

    Tensionet rreth Venezuelës u rritën pasi presidenti i SHBA-së, Donald Trump nënshkroi më parë një urdhër ekzekutiv që udhëzonte ushtrinë të përdorej më gjerësisht dhe në mënyrë efektive për të luftuar kartelet e drogës të Amerikës Latine në terren./ AA.

  • NATO reagon ndaj aferës së spiunazhit të pilotit kroat të KFOR-it dhe shtetases serbe nga Kosova

    NATO reagon ndaj aferës së spiunazhit të pilotit kroat të KFOR-it dhe shtetases serbe nga Kosova

    NATO konfirmoi se “e merr shumë seriozisht” arrestimin e një oficeri kroat në Zagreb, i cili shërbeu në misionin e Aleancës në Kosovë (KFOR) dhe bashkëpunëtorit të tij, një shtetase serbe, të akuzuar për “spiunazh”.

    “Ne i marrim këto akuza shumë seriozisht. Siguria e personelit të KFOR-it dhe integriteti i informacionit të klasifikuar si të klasifikuar janë me përparësi më të lartë”, tha zyrtari i NATO-s në një përgjigje me shkrim dërguar agjencisë franceze “Fraance Press”.
    Gjykatësi hetues i Gjykatës së Qarkut në Split urdhëroi një muaj paraburgim për një pilot 54-vjeçar të Forcave Ajrore Kroate (HRZ) nga Spliti dhe partneren e tij (46), një shtetase serbe që jeton në Kosovë, nën dyshimin për spiunazh, njoftoi dje prokuroria.