Lajmidites.com

Tag: serinë

  • Avellino, klubi që ‘ha’ Papët, një ‘mallkim’ që vazhdon prej vitit 1958

    Avellino, klubi që ‘ha’ Papët, një ‘mallkim’ që vazhdon prej vitit 1958

    Një tjetër promovim, një tjetër ngjarje e rëndë në Vatikan. Klubi italian Avellino është rikthyer në qendër të vëmendjes jo vetëm për suksesin sportiv, por edhe për një koincidencë fatkeqe që e ndjek prej dekadash: çdo herë që Avellino ngjitet në një kategori më të lartë, Papa humb jetën ose largohet nga Selia e Shenjtë.

    Fundjavën e kaluar, pikërisht në të shtunën e Pashkës, Avellino i trajnerit Raffaele Biancolino festoi ngjitjen në Serinë B pas fitores 2-1 ndaj Sorrentos në fushë neutrale në Potenza. Vetëm dy ditë më pas, më 21 prill, erdhi lajmi i trishtë për ndërrimin e jetës së Papa Françeskut.

    Një histori që nis në vitin 1958

    E gjitha ka nisur më 9 tetor 1958, kur vdiq Papa Piu XII. Atë sezon, Avellino po luante në kategorinë e katërt dhe në fund të kampionatit siguroi ngjitjen në Serinë C. Në vijim, vdekja e Papa Gjonit XXIII në vitin 1963 përkoi sërish me një promovim të këtij klubi.

    Në vitin 1978, ndodh diçka e pazakontë: në të njëjtin vit ndërruan jetë dy Papë: Pali VI dhe Gjoni Pali I, ky i fundit vetëm 33 ditë pas zgjedhjes. Po atë vit, Avellino arriti për herë të parë në histori promovimin në Serie A.

    Në 2005, pas një papati të gjatë, Papa Gjon Pali II ndërroi jetë. Më 19 qershor të po atij viti, Avellino mundi Napolin 2-1 në finalen e play-off-it dhe u ngjit në Serinë B.

    Edhe dorëheqjet numërohen

    Në vitin 2013, për herë të parë në historinë moderne të Kishës Katolike, një Papë – Benedikti XVI – dha dorëheqje. Dhe, si për të mos prishur “traditën”, Avellino siguroi sërish promovimin në Serinë B.

    Këtë vit, në 2025, historia përsëritet. Të shtunën Avellino feston ngjitjen, dhe vetëm dy ditë më vonë, vjen lajmi për ndarjen nga jeta të Papa Françeskut.

    Rastësi… apo mallkim?

    Për skeptikët, këto janë thjesht koincidenca. Dhe faktet i mbështesin: në vitet 1995, 2003, 2007 dhe 2019, Avellino ka siguruar promovime pa asnjë ndryshim në Selinë e Shenjtë. Madje në 1949, në ngjitjen e parë historike në Serie B, Papa Piu XII ishte ende në detyrë.

    Por kjo lidhje e çuditshme mes suksesit sportiv të një klubi provincial dhe ngjarjeve më të rënda në Vatikan, ka kthyer Avellinon në një rast studimi për ata që besojnë në fat, mallkime apo shenja.

    Do të vazhdojë ky “mallkim-koincidencë”? Apo ndoshta ndalesa e radhës do të jetë edhe fundi i një legjende që zgjat prej më shumë se gjysmë shekulli?

    Në futboll ndodh që ndonjëherë të kesh nevojë për fat. Por për Avellinon, duket se çmimi i suksesit është pak më i rëndë se zakonisht.

  • Besëlidhja një fitore larg finaleve play off, Apolonia mund Teutën dhe barazon serinë

    Besëlidhja një fitore larg finaleve play off, Apolonia mund Teutën dhe barazon serinë

    Besëlidhja fitoi 92-74 ndaj Vllaznisë në gjysmëfinalen e dytë play off në basketboll për meshkuj, duke udhëhequr 2-0 serinë e takimeve. Tashmë lezhjanët janë një fitore larg finaleve, ku synojnë të mbrojnë titullin kampion.
    Në ndeshjen e luajtur në Shkodër, skuadra e Besëlidhjes bëri një paraqitje të mirë, duke u shkëputur 24-15 që në periodën e parë. Më pas, administrojnë me qetësi avantazhin deri në fund, duke e merituar fitoren.
    Vllaznia nuk pati asnjë shans të rivalizojë edhe pse Walton ishte shënuesi më i mirë me 23 pikë. Për lezhjanët u dalluan Bernard me 21 pikë dhe Hamati me 20 pikë e 16 rebound. Ndeshja e tretë do të luhet në kryeqytet.
    Në gjysmëfinalen tjetër, Apolonia mundi 83-71 Teutën në Fier dhe barazoi në 1-1 serinë e takimeve. Ndeshje ku vendasit e thelluan epërsinë gradualisht me kalimin e minutave, duke e merituar fitoren.
    Teuta nuk ishte në gjendje të rivalizonte, duke pranuar humbjen. Harris me 18 pikë, që e nisi ndeshjen nga stoli, u dallua për Apoloninë, ndërsa 29 pikët e Morton për durrsakët mbetën për statistikë.
    Gjysmëfinale-Meshkuj
    Nd.1, Teuta – Apolonia, 83-82
    Nd.1, Besëlidhja – Vllaznia, 78-65
    Nd.2, Apolonia – Teuta, 83-71 (1-1)
    Nd.2, Vllaznia – Besëlidhja, 74-92 (0-2)
    17/4, Teuta – Apolonia, 18:00
    18/4, Besëlidhja – Vllaznia, 18:00
    Play Out-Meshkuj
    12/4, Tirana – Elbasani, 140-58 (1-0)
    16/4, Elbasani – Tirana, 18:00

  • VIDEO/ Goli i fitores nis nga këmbët e tij, lojtari shqiptar jep asist në Serinë A

    VIDEO/ Goli i fitores nis nga këmbët e tij, lojtari shqiptar jep asist në Serinë A

    Komo ka marrë tre pikë të rëndësishme përballë Torinos. Vendasve u ka mjaftuar një gol për të siguruar fitoren. Ndeshja u vendos në minutën e 38, kur Duvikasi e dërgoi topin në rrjetë. Por goli i vetëm i takimit nisi nga këmbët e Mërgim Vojvodës.
    Mbrojtësi i krahut të djathtë ishte ai që dha krosimin në zonë, nga ku u shënua më pas goli. Kështu, Vojvoda regjistron një asisit përballë ish-skuadrës së tij dhe ndihmon Komon të marrë tre pikë të vyra për garën për mbijetesë në Serinë A./Sport Ekspres/

     

  • Një 19-vjeçar është shndërruar në yllin e ri të Juventusit, bardhezinjtë ngjiten në vendin e 3-të në Serinë A

    Një 19-vjeçar është shndërruar në yllin e ri të Juventusit, bardhezinjtë ngjiten në vendin e 3-të në Serinë A

    Igor Tudori ka arritur të kthejë Juventusin në rrugën e duhur. Bardhezinjtë kanë marrë një tjetër fitore në Serinë A. “Zonja e vjetër” ka mposhtur me rezultatin 2-1 Leçen dhe është ngjitur përkohësisht në vendin e 3-të në renditje.
    Kopmajnersi ndëshkoi kundërshtarërshtarët që në minutën e 2-të, ndërsa Jëlldizi dyfishoi shifrat në minutën e 34-t. Lojtari 19-vjear është shndërruar në yllin e skuadrës, pasi po gjen vazhdimisht rrugën e rrjetës dhe po ndihmon skuadrën të marrë pikët e nevojshme për të arritur objektivat r saj./Sport Ekspres/

  • Roma nuk njeh humbje me Ranierin në Serinë A, Juventusi humbi mundësinë për t’u ngjitur në zonën Champions

    Roma nuk njeh humbje me Ranierin në Serinë A, Juventusi humbi mundësinë për t’u ngjitur në zonën Champions

    Klaudio Ranieri është duke bërë një punë të shkëlqyer me Romën. Që nga momenti kur mori detyrën si trajneri i verdhekuqve, kryeqytetasit nuk njohin humbje në Serinë A. Roma nuk ka humbur as mbrëmjen e sotme përballë Juventusit, pavarësisht se këta të fundit po përpiqen të tregojnë veten që pas largimit të Tiago Motës.
    Në Olimpiko ndeshja ka përfunduar në baraspeshë 1-1. Lokateli zhbllokoi shifrat në minutën e 40, por në të 49-n ishte Shomurodovi ai që riktheu shifrat në baraspeshë. Juventusi humbi kështu mundësinë për t’ju bashkuar Atalantës në vendin e 3-të. Megjithatë gara për një vend në Ligën e Kampionëve mbetet ende e hapur për bardhezinjtë./Sport Ekspres/

  • Hyri nga stoli në vendin e Ramadanit, trajneri në Serinë A duartroket Medon Berishën: Kishim nevojë për cilësi dhe bëri ndeshje të mirë

    Hyri nga stoli në vendin e Ramadanit, trajneri në Serinë A duartroket Medon Berishën: Kishim nevojë për cilësi dhe bëri ndeshje të mirë

    Lecce ndodhet në një pozicion jo komod në Serinë A, ndërsa disa rezultate negative radhazi ka bërë që kjo skuadër të ndodhet në diskutim për rënie nga elita. Një protestë është bërë nga ana e tifozëve të Lecce që kërkojnë të zgjojnë lojtarët dhe të dalin sa më shpejt nga situata e vështirë.
    Sot Lecce barazoi 1-1 ndaj Venecias, me Ramadanin që e nisi titullar, por do të ulej në stol në minutën e 54, duke i lënë vendin e tij një tjetër lojtari të Shqipërisë, Medon Berishës. Pas takimit, trajneri Giampaiolo ka përgëzuar Berishën për mënyrën sesi u paraqit në pjesën e mbetur të ndeshjes.
    “Bëra katër ndërrime dhe jo pesë, pasi nuk doja që të prishja ekuilibrin që ishte ndërtuar në lojë. N’Dri hyri mirë, është lojtar i gjallë, brilant dhe i shpejtë. Berisha dhe Pierret gjithashtu hynë shumë mirë nga stoli, në ato momente kishim nevojë për më shumë cilësi dhe kur morën përsipër aksione, bën shumë mirë punën e tyre. Kemi krijuar disa raste dhe shifrat e mundësive tona para porte janë të mirë”, tha Giampiolo. /Elio Hajdari-Sport Ekspres/