Lajmidites.com

Tag: serinë

  • Ndjehen lëkundje tërmeti në zonën e stadiumit, panik para supersfidës mes pretendentëve në Serinë A

    Ndjehen lëkundje tërmeti në zonën e stadiumit, panik para supersfidës mes pretendentëve në Serinë A

    Momente paniku para fillimit të ndeshjes mes Napolit dhe Atalantës në Serinë A. Një tërmet i cili ka rënë në Italinë e Jugut, është ndjerë shumë edhe në qytetin e Napolit, ku sot në darkë luhet suspersfida mes ekipeve.
    Mediat italiane bëjnë të ditur se dy dridhjet e tokës, të regjistruara pak sekonda nga njëra-tjetra, kanë krijuar panik në disa pjesë të Italisë Qendrore dhe të Jugut dhe raportohet se në Napoli, kanë qenë të shumtë banorët që kanë dalë në rrugë.

    Shumë sinjalizime në fakt kanë ardhur nga persona në zonën pranë stadiumit, ku gjithsesi pritet të zhvillohet normalisht ndeshja.

  • Uzuni drejt Serisë A, sulmuesi i Kombëtares bëhet gati t’i japë lamtumirën SHBA-së

    Uzuni drejt Serisë A, sulmuesi i Kombëtares bëhet gati t’i japë lamtumirën SHBA-së

    Myrto Uzuni shumë shpejt mund të bëjë një hap shumë të rëndësishëm në karrierën e tij dhe të përfundojë në Serinë A. Sulmuesi i Kombëtares shqiptare, edhe pse ka pak muaj që i është bashkuar klubit të Austin në MLS, po mendon kthimin në Europë.
    Sipas mediave italiane, futbollisti shqiptar ka gjetur një klub të interesuar të sigurojë firmën e tij. Bëhet fjalë për Kaljarin në Serinë A, një klub i cili është në kërkim të një përforcimi në repartin e sulmit për pjesën e dytë të sezonit ku ka si objektiv mbijetesën.
    Ideja është që ai të huazohet për pjesën e dytë të sezonit e më pas të diskutohet transferimi përfundimtar i Uzunit nga Austin. Në favor të kësaj marrëveshje është fakti që MLS është pushim deri në muajin mars dhe klubi amerikan mund të lejojë që lojtari të vazhdojë të luajë rregullisht gjatë këtyre muajve.

  • Union Berlin ndal serinë e fitoreve të Bajern Mynih, Kejn shpëton kampionët në sekondën e fundit nga humbja

    Union Berlin ndal serinë e fitoreve të Bajern Mynih, Kejn shpëton kampionët në sekondën e fundit nga humbja

    Union Berlin ka ndalur Bajernin e Mynihut të thellonte serinë e fitoreve, pasi kishte arritur në 16-të të tilla në të gjitha kompeticionet.
    Kryeqytetasit kanë arritur të barazojnë 2-2 përballë kampionëve në fuqi, një sfidë që edhe mund të ishte fituar nga vendasit.
    Doekhi kalonte vendasit në avantazh në minutën e 27-të pas një goditjeje standarde, por 11 minuta më pas Diaz do të barazonte shifrat në 1-1 duke realizuar nga një kënd thuajse i pamundur.

    Me rezultatin 1-1 do të mbyllej pjesa e parë e sfidës.
    Në të dytën bavarezët do të rrisnin presionin në fushë, por do të ishin sërish vendasit që do të kalonin në avantazh sërish me anë të Doekhi në minutën e 83-të.
    Por kur dukej se bavarezët do të pësonin humbjen e parë këtë sezon, Harri Kejn barazon shifrat në 2-2, duke mos lejuar që kampionët të njohin “shijen” e humbjes këtë sezon.

  • Shpendi nuk di të ndalet, tjetër gol në Serie B

    Shpendi nuk di të ndalet, tjetër gol në Serie B

    Stiven Shpendi duket se këtë sezon ka gjetur formën më të mirë duke u bërë i pandalshëm në Serie B.
    Shpendi ka tundur rrjetën edhe në ndeshjen e sotme mes skuadrës së tij dhe Katanzaros në Serinë B, duke transformuar saktësisht një penallti në minutën e 59-të të takimit.
    Ai u tregua i akullt nga pika e bardhë duke çuar me qetësi topin në rrjetë për t’i dhënë avantazhin skuadrës së tij që ishte goli i tij i pestë në këtë edicion në Serinë B.

    Kësisoj, ai ka kaluar përkohësisht dyshen tjetër shqiptare që përbëhet nga vëllai i tij dhe SIlvio Merkaj, të cilët janë ndalur në kuotën e 4 golave për momentin në këtë kampionat.

  • Ramadani dominon/ Askush si mesfushori shqiptar në Serinë A

    Ramadani dominon/ Askush si mesfushori shqiptar në Serinë A

    Ylber Ramadani është kthyer përsëri në formën e tij më të mirë në këtë sezon te Leçe, duke luajtur rregullisht nën urdhrat e trajnerit Di Françesko i cili i ka besuar eksperiencës së tij në mesfushë.
    Rezultatet po vijnë dhe kjo edhe falë lojës së Ramadanit, i cili i ka dhënë më shumë siguri ekipit duke qenë lojtari i kudondodhur si balancues në radhët e Leçes. Këtë e tregojnë edhe statistikat e tij në këtë sezon në Serinë A.
    Ka qenë vetë kampionati italian ai i cili ka publikuar të dhënat deri në përfundim të javës së 10, sipas të cilave mesfushori shqiptar rezulton se është ai i cili ka vrapuar më shumë në këtë kampionat. Deri tani Ramadani ka përshkruar 115,9 kilometra, duke kryesuar listën i ndjekur nga Karlstrom i Udinezes me 114,7 kilometra dhe Ata po i Udinezes me 113,8 kilometra të përshkuar.

  • VIDEO/ E fiton vetë topin dhe e shënon gol! Medon Berisha nuk përmbahet në Serinë A, gol kundër Fiorentinës

    VIDEO/ E fiton vetë topin dhe e shënon gol! Medon Berisha nuk përmbahet në Serinë A, gol kundër Fiorentinës

    Medon Berisha është në një formë të jashtëzakonshme në Serinë A. Mesfushori shqiptar shënoi pak ditë më parë golin e parë në Serinë A, në një super gol nga goditja e dënimit. Vetëm kaq duhej që Berisha të gjente edhe golin e dytë në elitën e futbollit italian.
    Aktualisht Lecce po luan ndaj Fiorentinës, teksa pjesa e parë është mbyllur në shifrat 0-1. Goli i vetëm i takimit deri tani është realizuar nga Medon Berisha që ka fituar bukur një top pas një dueli në fushë, ka sulmuar zonën dhe në fund ka gjetur rrjetën. /Sport Ekspres/

  • Napoli ndalet nga skuadra që po befason Serinë A, Roma, Milani e Interi janë gati të përfitojnë nga situata

    Napoli ndalet nga skuadra që po befason Serinë A, Roma, Milani e Interi janë gati të përfitojnë nga situata

    Napoli nuk ka shkuar më larg se një barazim mbrëmje e sotme. Ekipi i drejtuar nga Antonio Konte është ndalur në një barazim 0-0 nga ekipi që po befason Serinë A, Komo. Fabregasi po bën një punë të mrekullueshme në krye të Komos, teksa i ka dërguar në vendin e 5 me 17 pikë të grumbulluara në 10 javë kampionat.
    Roma, Milani dhe Interi janë gati të përfitojnë nga ky rezultat i sotëm. Skuadra kryqytetase ka mundësinë të marrë kreun në rast fitoreje, ndërsa dy ekipet nga Milanoja mund të shkurtojnë diferencën në vetëm 1 pikë me Napolin kryesues./Sport Ekspres/

  • Medon Berisha mes më të mirëve në Serinë A, Asllani përfshihet në formacionin e javës

    Medon Berisha festoi në fundjavë golin e tij të parë në Serinë A. Mesfushori shqiptar tundi rrjetën nga goditja e dënimit, duke shënuar një gol spektakolar. Paraqitja e tij është vlerësuar nga “Sofascore” me notën 8.0.  Ai është përfshirë në formacionin më të mirë të javës në Serinë A, ku gjendet përkrahë Modriçit.
    Në 11-shen më të mirë të javës është përfshirë edhe Fisnik Asllani, por në një tjetër kampionat. Sulmuesi shqiptar po shkëlqen me Hofenhajmin, teksa çdo javë është shndërruar protagonist me gola dhe asiste. Paraqitja e tij e fundit është vlerësuar me notën 8.7 nga “Sofascore”./Sport Ekspres/

  • I çmendur! Goli i parë në Serinë A dhe ishte “anormal”, Medon Berisha shënon nga goditja e dënimit (VIDEO)

    I çmendur! Goli i parë në Serinë A dhe ishte “anormal”, Medon Berisha shënon nga goditja e dënimit (VIDEO)

    Medon Berisha është duke kaluar një formë fantastike te Lecce në Serinë A, përkundër aktivizimit të pakët në Kombëtare. Mesfushori shqiptar e nisi si titullar takimin e sotëm mes Udineses dhe Lecce, duke ndarë mesfushën së bashku me Ylber Ramadanin.
    Teksa Udineze po kryesonte në shifrat 2-0, Berisha ka shënuar një gol fantastik nga goditja e dënimit në minutën e 59. Një distancë e madhe, por asnjë problem për lojtarin e Shqipërisë që gjeti cepin e rrjetës. Ky ishte goli i parë për Medonin në Serinë A dhe do t’i jap më shumë besim në të ardhmen, ndërsa ndeshja nuk ka përfunduar ende. /Sport Ekspres/

  • Juventusi mbetet i pamposhtur në Serinë A, nuk ka fitues në derbin kundër Milanit

    Juventusi mbetet i pamposhtur në Serinë A, nuk ka fitues në derbin kundër Milanit

    Ka përfunduar pa fitues derbi i kampionëve mes Juventusit dhe Milanit. Majk Menjo dhe Di Gregorio i kanë mbajtur rrjetat e tyre të paprekura, teksa ndeshja ka përfunduar në baraspeshë 0-0. Përtej rezultatit, skuadrat patën një baraspeshë edhe në aspektin e statistikave.
    Rastin më të pastër në këtë sfidë e pati Milani. Pulisiçi gaboi nga pika e bardhë e penalltisë në minutën e 53-të, duke humbur kështu shansin për të marrë tre pikët në këtë transfertë të vështirë. Kuqezinjtë tashmë renditen në vendin e 3-të në Serinë A me 13 pikë të grumbulluara, ndërsa Juventusi vazhdon të mbetet i pamposhtur në vendin e 5-të të renditjes./Sport Ekspres/