Kosova E Martë, 30 Shtator 2025 20:50
Kryeministri në detyrë i Kosovës, Albin Kurti, vazhdoi edhe këtë të martë takimet në Washington D.C.. Ai bashkë me zv/ministren e Punëve të Jashtme dhe Diasporës, Liza Gashi, dhe ambasadorin e Republikës së Kosovës në ShBA, Ilir Dugolli, takoi senatoren demokrate nga New Hampshire, Jeanne Shaheen. Marrëdhëniet bilaterale, zhvillimet e fundit në vend, progresi ekonomik, investimet në mbrojtje, përmirësimi në siguri dhe sundim të ligjit ishin ndër temat e diskutimit.
Kurti veçoi bashkëpunimin me Shtetet e Bashkuara të Amerikës në fushën e mbrojtjes, vendimin e Qeverisë për heqjen e tarifës doganore ndaj të gjitha produkteve me origjinë nga ShBA-ja dhe vazhdimin e programit Kompakt të Korporatës së Sfidave të Mijëvjeçarit për Kosovën nga administrata e re amerikane, si zhvillimet kryesore dhe me interes të përbashkët në kuadër të raporteve dypalëshe Kosovë-ShBA. Diskutuan edhe për mundësitë që vendi ynë ofron për kompanitë dhe investitorët amerikanë.
Senatorja Shaheen kishte vizituar Kosovën pas sulmit terrorist dhe paramilitar të 24 shtatorit 2023 në Banjskë të Zveçanit dhe ka bërë thirrje të vazhdueshme për arrestimin e Millan Radoiçiq i cili, siç theksoi kryeministri, edhe dy vjet pas sulmit dhe pranimit të fajësisë vazhdon të jetë e të lihet i lirë në Serbi. /Kosovapress/
Tag: senatorja
-
Kurti dhe senatorja Shaheen flasin për raportet Kosovë-ShBA
-
“Ishte momenti im…”/ Senatorja amerikane bie pa ndjenja gjatë konferencës (VIDEO)
Senatorja e shtetit të Floridës, Lleana Garcia, ra pa ndjenja gjatë një konference për shtyp të organizuar nga Guvernatori Ron DeSantis të martën.
Ndërsa Garcia po fliste në skenë, ajo iu drejtua DeSantis dhe i tha: “Guvernator, më falni, duhet të ulem, sepse nuk ndihem mirë”.
Kirurgu i përgjithshëm i shtetit, Joseph Ladapo, ishte pranë Garcias në atë moment dhe e ndihmoi atë.Garcia arriti të mblidhte veten dhe vazhdoi fjalimin e saj gjatë konferencës për shtyp.
“Po tallesh, ky ishte momenti im. Nuk munda,” tha ajo. “Më vjen shumë nervozizëm, por ky ishte momenti im dhe e vlerësoj shumë mirësinë tuaj, Guvernator DeSantis.” -
VIDEO/ Momente paniku, senatorja amerikane bie pa ndjenja gjatë konferencës, mjeku ‘hero’ ndërhyn menjëherë
Një mjek ndërhyri menjëherë gjatë fjalimit të Ileana Garcias, një senatore amerikane, kur papritmas ajo filloi të ndihej keq dhe ishte gati të rrëzohej.
E gjitha ndodhi dje, të martën, më 6 maj, në Miami, kur Garcia doli para mediave me Guvernatorin Ron DeSantis dhe papritmas pushoi së foluri.
“Guvernator, më falni, duhet të ulem, sepse nuk ndihem mirë”, tha ajo, përpara se sytë të fillonin të mbylleshin dhe pak para se t’i binte të fikët.
Por kirurgu i përgjithshëm i Floridës , Joseph Landapo, 46 vjeç, u ngrit nga vendi i tij dhe nxitoi për të ndihmuar senatoren amerikane, duke e mbajtur atë nga rrëzimi.
Senatorja qëndroi ulur ndërsa mjeku më i mirë i Floridës kujdesej për të, ndërsa të tjerë – përfshirë DeSantis – i sollën ujë dhe e ndihmuan të relaksohej.
Çuditërisht, brenda pak minutash, ajo u ngrit përsëri në këmbë dhe u rikthye në podium mes duartrokitjeve, duke e përfunduar fjalimin e saj pas pak kohe pa asnjë problem.Top Channel