Kryetari i PD, Sali Berisha u shpreh se nuk do të ulet në një tryezë me kryeministrin Edi Rama për Reformën Zgjedhore, pas dakordësisë PS-PD në Kuvend që shënoi edhe ngritjen e Komisionit të Posaçëm Parlamentar.
Berisha tha se mbështet tezën për krijimin e dhomës së Senatit dhe reduktimin e numri të deputetëve në Kuvend. Kjo çështje tha kryedemokrati do të diskutohet mes anëtarëve të komisionit, përfaqësuesve të opozitës dhe mazhorancës.
Pyetje: Jeni i gatshëm të uleni me kryeministrin Edi Rama për Senatin?
Sali Berisha: Nuk kam thënë atë. Më vjen keq që e shtroni. Ka një komision parlamentar. Ai komision dhe ai ligj nuk parashikon aspak, në asnjë rrethanë uljen time me Edi Ramën. Ai parashikon që përfaqësuesit e të dy partive në komisionin për zgjedhjet, të diskutojnë edhe këto çështje, çështjen e senatit, po u pranua senati, vetvetiu numri i deputetëve do reduktohet. Dhe unë jam për këtë variant.
Ideja e senatit nuk është një ide ime, fillimisht është dhënë nga i ndjeri Sabri Godo dhe mbrojtur me shumë aftësi. Por qëndron si ide, vendi mund të ketë një senat me një numër më të reduktuar deputetësh në mënyrë që të mos shtohet fatura fiskale e këtij institucioni.
Tag: senatit
-
A do të ulet në tryezë me Ramën? Ja si përgjigjet Berisha: Jam pro idesë së…
-
“Lista e Epstein nuk ekziston”, Pam Bondi shkel mbi fjalët e thëna muaj më parë
Kreu i drejtësisë amerikane, Avokatja e Përgjithshme Pam Bondi, zgjodhi një strategji brutale para Senatit: nuk iu përgjigj pyetjeve të demokratëve që e pyetën për Jeffrey Epstein, militarizimin dhe dënimet e kundërshtarëve të Donald Trump. Në vend të kësaj, ajo i sulmoi dhe sfidoi ata.
Gjatë një seance dëgjimore para Komitetit Juridik të Senatit, Bondi përsëriti fraza të pazakonta si “Nuk do t’i diskutoj këto çështje me ju” dhe “Nuk mendoj se duhet të shpjegohem”. Ajo përdori një ton përçmues si në rastin kur një senator iu referua një prokurori, ajo e korrigjoi ftohtë “Ndalu aty, quaje Gjykatës i nderuar”.
Senatorit Richard Durbin të Ilinoisit që e pyeti nëse Shtëpia e Bardhë ishte konsultuar me të para se të dërgonte Rojen Kombëtare në Çikago, ajo iu përgjigj “Do të doja ta doje Ilinoisin po aq sa urren presidentin Trump”.
Ajo e quajti senatorin veteran Richard Blumenthal një gënjeshtar, duke iu referuar deklaratës së tij për vitet e shërbimit në Vietnam.
Sa për Epstein, Bondi mohoi ekzistencën e një “liste klientësh”, pavarësisht se disa muaj më parë kishte thënë të kundërtën “Nuk i kisha parë ato dosje me kujdes”, tha ajo.
Zgjedhja për t‘iu shmangur pyetjeve dhe sulmuar kundërshtarët ndjek një model të mirëpërcaktuar nga administrata Trump që synon diskreditimin e këtyre seancave.
Për çdo senator demokrat, Bondi kishte përgatitur goditje. Ajo refuzoi të përgjigjej për raportimet se departamenti i saj kishte miratuar ligjshmërinë e sulmeve ushtarake në mjetet venezueliane në ujërat ndërkombëtare “Nuk do të flas për asnjë opinion ligjor që departamenti im mund të ketë dhënë ose jo”.
Pas thuajse katër orëve plot tension e zemërim gjatë të cilave senatorët republikanë qëndruan kryesisht të mënjanuar, Bondi u largua me një shprehi të ashpër në fytyrë.
Jashtë dhomës, ajo u pa duke folur në celular dhe duke tundur kokën e kënaqur. Sipas gazetarëve të pranishëm, në linjë ishte presidenti. -
Paketa gjigante e shkurtimit të taksave dhe shpenzimeve/ Republikanët e Senatit miratojnë mes përplasjeve projektligjin
Republikanët e Senatit miratuan me një diferencë të ngushtë paketën gjigante të shkurtimeve të taksave dhe shpenzimeve të Presidentit Donald Trump të martën, pas një përpjekjeje të gjatë disa ditore për të siguruar mbështetjen e kundërshtarëve kryesorë.
Votimi vjen pas javësh të tëra grindjesh të brendshme të Partisë Republikane, me vetë Trumpin të detyruar të ndërhyjë për të bindur republikanët e tjerë që të mbështesin planin e tij. Por puna e vështirë për republikanët nuk ka mbaruar ende: Projektligji duhet të miratohet ende nga Dhoma e Përfaqësuesve, e cila pritet të kthehet në Uashington të mërkurën, sipas CNN.
Udhëheqësit e Partisë Republikane po garojnë për ta çuar projektligjin në Shtëpinë e Bardhë deri më 4 korrik. Projektligji prej disa trilionë dollarësh do të zhbllokonte ulje taksash dhe rritje të fondeve për sigurinë kombëtare, të paguara pjesërisht nga shkurtimi më i madh në rrjetin federal të sigurisë në dekada.
Republikanët e Senatit u nxituan drejt një votimi përfundimtar mbi projektligjin të martën, pas më shumë se 24 orësh negociatash të mundimshme mbi ndryshimet në paketë, për të fituar mbështetjen kritike të Partisë Republikane.
Votimi herë pas here dukej se ishte në ndryshim e sipër, madje edhe orë para votimit përfundimtar. I pyetur më herët të martën nëse udhëheqësit e Partisë Republikane kishin një marrëveshje për të ecur përpara, udhëheqësi i shumicës në Senat, John Thune, u tha gazetarëve të martën në mëngjes: “Unë besoj se po.” Ai shtoi: “Unë jam me prejardhje skandinave. Gjithmonë pak realist. Kështu që do të shohim se çfarë ndodh.”Top Channel
-
VIDEO – Debat i ashpër para mediave i rektorit Gjuraj me anëtarin Kokaj në mbledhjen e Senatit Akademik…
Në nisje të mbledhjes së radhës së Senatit Akademik të UNISHK, si zakonisht, rektori Tonin Gjuraj ka folur mbi çeshtjet të cilat do të ishin pjesë e rendit të ditër dhe diskutimit. Ndërsa çdo gjë ka shkuar normalisht teksa Gjuraj fliste për mediat, pika e tretë e rendit të ditës- zgjedhjet e pjesshme në UNISHK, ka ngjallur reagimin e antarit të Senatit, Gaspër Kokaj.
Duke ndërprerë konferencën për shtyp të rektorit, pedagogu i Juridikut, për shumë vite edhe dekan i këtij fakulteti, Kokaj ka akuzuar rektorin Gjuraj se ka mbajtur peng sipas tij, zhvillimin e zgjedhjeve të pjesshme. Nga ana e tij, rektori Gjuraj i ka kujtuar Kokajt problemet me ligjin dhe rregulloret, teksa ky i fundit i është drejtuar “je tu rrejt”, lidhur me zhvillimin e zgjedhjeve në këtë fakultet vitet e shkuara.
Po ashtu, Kokaj i ka thënë rektorit Gjuraj se nuk njeh historinë e Juridikut dhe as të UNISHK, duke iu drejtuar se “ç’ të duhet ty të merresh me atë që kanë bërë rektorët e kaluar”. Ky debat në prani të mediave, ka zgjatur rreth 5 minuta, ndërsa në fund të fjalës së tij, rektori Gjuraj ka ftuar mediat të largohen për të vijuar mbledhjen e Senatit Akademik.
Burime të ShkodraWeb bëjnë me dije se debati ka vijuar edhe gjatë mbledhjes së Senatit Akademik, duke u kthyer në personal, këtë herë pa praninë e mediave.Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
Ju mirëpresim! -
Situata në Iran, mblidhet sot Senati amerikan
Informimi i klasifikuar i të gjithë Senatit mbi situatën në Iran është planifikuar për sot, pasi ishte riplanifikuar për në fillimin e javës.
Administrata Trump është përballur me kritika nga demokratët kryesorë në Komisionet e Inteligjencës së Dhomës së Përfaqësuesve dhe Senatit, të cilët kanë shprehur zhgënjim për mungesën e komunikimit në lidhje me sulmet amerikane në Iran.
Disa e kanë paralajmëruar administratën kundër manipulimit të fakteve përpara takimeve informuese. Parlamenti pritet të informohet të premten.Top Channel
-
Spiropali takime intensive në Bruksel, bisedime me Kryetarin e Senatit belg Blondel dhe kryeparlamentarin ukrainas Stefanchuk
Gjatë qëndrimit në Bruksel, në Samitin Parlamentar të NATO-s, Kryetarja e Kuvendit, Elisa Spiropali, u takua me Kryetarin e Senatit belg Vincent Blondel dhe Kryeparlamentarin ukrainas Ruslan Stefanchuk.
Me Presidentin e Senatit të Belgjikës, Vincent Blondel, Spiropali diskutoi mbi zgjerimin e bashkëpunimit dypalësh e parlamentar si dhe i shprehu mirënjohjen për mbështetjen për realizimin e planit ambicioz, por realist të Shqipërisë për përfundimin e negociatave brenda 2027 dhe anëtarësimin në Bashkimin Europian brenda kësaj dekade.
Kryeparlamentarit ukrainas Ruslan Stefanchuk, Spiropali i rikonfirmoi qëndrimin e vendosur të Shqipërisë në mbështetje të sovranitetit dhe integritetit territorial të Ukrainës, për një paqe të drejtë e të qëndrueshme sepse duke mbështetur Ukrainën, mbrojmë vlerat tona të përbashkëta. Spiropali nënvizoi gjithashtu mbështetjen e plotë të Shqipërisë për anëtarësimin e Ukrainës në Bashkimin Europian.Top Channel
-
Kryeparlamentarja Spiropali në Belgjikë, pritet nga presidenti i Senatit: Thellim i bashkëpunimit
Kryetarja e Kuvendit, Elisa Spiropali u prit sot një takim në Bruksel (Belgjikë) nga presidenti i Senatit, Vincent Blondel. Gjatë takimit Spiropali dhe Blondel ndanë vullnetin e përbashkët për thellimin e bashkëpunimit dypalësh parlamentar. Spiropali i shprehu Blondel mirënjohjen për mbështetjen e Belgjikës ndaj Shqipërisë.
”Me Presidentin e Senatit, Vincent Blondel, ndamë vullnetin e përbashkët për thellimin e bashkëpunimit dypalësh dhe parlamentar. Mirënjohje për mbështetjen e vazhdueshme të Belgjikës ndaj planit ambicioz, por realist, të Shqipërisë për mbylljen e negociatave dhe anëtarësimin në Bashkimin Europian🇪🇺 brenda kësaj dekade”,-shkruan Spiropali.Spiropali mori pjesë në Samitin e Asamblesë Parlamentare të NATO-s, zhvilluar në Parlamentin e Belgjikës, në Bruksel, në prag të Samitit të NATO-s.
-
Spiropali takime intensive në Bruksel me Kryetarin e Senatit belg Blondel dhe Kryeparlamentarin ukrainas Stefanchuk
Gjatë qëndrimit në Bruksel, në Samitin Parlamentar të NATO-s, Kryetarja e Kuvendit, Elisa Spiropali, u takua me Kryetarin e Senatit belg Vincent Blondel dhe Kryeparlamentarin ukrainas Ruslan Stefanchuk.
Me Presidentin e Senatit të Belgjikës, Vincent Blondel, znj. Spiropali diskutoi mbi zgjerimin e bashkëpunimit dypalësh e parlamentar si dhe i shprehu mirënjohjen për mbështetjen për realizimin e planit ambicioz, por realist të Shqipërisë për përfundimin e negociatave brenda 2027 dhe anëtarësimin në Bashkimin Europian brenda kësaj dekade.
Kryeparlamentarit ukrainas Ruslan Stefanchuk, znj. Spiropali i rikonfirmoi qëndrimin e vendosur të Shqipërisë në mbështetje të sovranitetit dhe integritetit territorial të Ukrainës, për një paqe të drejtë e të qëndrueshme sepse duke mbështetur Ukrainën, mbrojmë vlerat tona të përbashkëta.
Znj. Spiropali nënvizoi gjithashtu mbështetjen e plotë të Shqipërisë për anëtarësimin e Ukrainës në Bashkimin Europian. -
Shteti Amerikan i Teksasit kërkon të ndalojë përdorimin e rrjeteve sociale për përdoruesit nën 18-vjeç
Teksasi mund të bëhet shteti i radhës Amerikan që rregullon me ligj përdorimin e platformave të medias sociale. Një draft i propozuar sugjeron ndalimin e përdorimit të rrjeteve sociale për fëmijët nën 18-vjeç dhe është miratuar në komitetin e Senatit ndërsa përballen me votën e Senatit të Teksasit.
Propozimi ka afat deri më 2 Qershor për tu miratuar nga Senati dhe Guvernatori. Në fillim të vitit ai kaloi komitetin e dhomës së Senatit dhe më pas u votua në Dhomën e Përfaqësuesve.
Nëse shndërrohet në ligj, platformat e medias sociale do të detyrohen të verifikojnë moshën e çdo përdoruesi që krijon një llogari të re njësoj siç ligji në Teksas ju kërkon kompanive të hostimit të përmbajtjeve pornografike të implementojnë një sistem të verifikimit të moshës.Teksasi nuk është i vetmi që kërkon kufizimin e përdorimit të rrjeteve sociale. Vitin e kaluar guvernatori i Floridas Ron DeSantis miratoi një ligj që ndalon fëmijët nën moshën 14 vjeç të përdorin rrjetet sociale. /PCWorld Albanian
-
Trump zemëron si demokratët ashtu edhe republikanët: “Ky mund të jetë spiunazh”
Disa republikanë në Kongres shprehën shqetësim të martën në lidhje me dëshirën e Presidentit Donald Trump për të pranuar një avion luftarak me vlerë 400 milionë dollarë nga Katari, me të paktën një prej tyre që vuri në dukje se kjo mund të paraqiste një rrezik për sigurinë.
Trump tha të hënën se do të ishte “budallallëk” nga ana e tij të refuzonte ofertën e Katarit për një avion Boeing 747-8, i cili do të përdorej si Air Force One i Amerikës, avioni që përdoret nga presidentët amerikanë kur fluturojnë nëpër botë. Ai shtoi se aeroplani do t’i dhurohet bibliotekës presidenciale – një depo e materialeve kërkimore të administratës së tij – pasi të mbarojë mandati i tij, dhe se nuk planifikon ta përdorë atë për qëllime private pas largimit nga detyra.
“Ka shumë, shumë çështje rreth kësaj, të cilat mendoj se do të tërheqin pyetje shumë serioze”, u tha gazetarëve udhëheqësi i shumicës republikane në Senat, John Thune, nga Dakota e Jugut.
Kryetari i Komitetit të Tregtisë të Senatit, Ted Cruz nga Teksasi, një republikan i cili ka qenë prej kohësh kritik ndaj politikës së jashtme të Katarit, i tha CNBC se ishte i shqetësuar për një marrëveshje të tillë.
“Aeroplani paraqet probleme të rëndësishme në spiunazh dhe mbikëqyrje, kështu që do të shohim se si do të zhvillohet ky problem“, tha ai.
Departamenti i Mbrojtjes është tashmë në procesin e sigurimit të një zëvendësimi për Air Force One aktual, të vjetër, me dorëzimin nga Boeing që pritet brenda pak vitesh.
Demokratët paralajmëruan se ky ishte një konflikt interesi dhe se dhurata mund të ndikonte në vendimet e presidentit.
Udhëheqësi demokrat i Senatit, Chuck Schumer, më parë është zotuar të bllokojë të gjithë kandidatët e Trump për në Departamentin e Drejtësisë derisa agjencia të raportojë atë që di në lidhje me ofertën e Katarit. Tre kandidatë janë aktualisht para Senatit.
“Prokurori i përgjithshëm duhet të dëshmojë para Dhomës së Përfaqësuesve dhe Senatit për të shpjeguar pse dhurimi i një avioni privat për Donald Trump nuk shkel klauzolën e pagës (të Kushtetutës së SHBA-së), e cila kërkon miratimin e Kongresit”, tha ai në një fjalim në Senat.
Schumer dëshiron përgjigje nëse qeveria e Katarit do të paguajë për modifikimet në aeroplanin e nevojshëm për të mbrojtur presidentin, për të siguruar komunikimet dhe për të ofruar konfigurime të veçanta për atë që është në fakt një hapësirë pune në ajër si Zyra Ovale.
Nëse qeveria amerikane duhet të përballojë këto kosto, tha Schumer, “pse po u kërkohet taksapaguesve amerikanë të shpenzojnë qindra miliona dollarë ose më shumë për një aeroplan që do të përdoret vetëm për një ose dy vjet?”
Presidenti republikan Trump e sheh ofertën si një shenjë mirënjohjeje për ndihmën amerikane në mbrojtjen e vendeve në rajon, përfshirë Katarin, Arabinë Saudite dhe Emiratet e Bashkuara Arabe, të gjitha ndalesa në udhëtimin e tij të planifikuar për këtë javë.
Zëdhënësja e Shtëpisë së Bardhë, Caroline Leavitt, tha se detajet ligjore të donacionit të Departamentit të Mbrojtjes ishin ende duke u përpunuar dhe se administrata Trump nuk ishte e shqetësuar për atë që mund të kërkonin katarianët në këmbim.
Dhe senatori republikan Rand Paul i Kentucky-t, një nga anëtarët më rebelë të partisë së tij, tha se marrja e avionit nga Trump do të ishte një gabim. /tesheshi.com/