Lajmidites.com

Tag: selimit

  • “U shkarkua për llogje Kavaje”, Strasburgu i jep të drejtë ish-gjyqtarit Shkëlzen Selimi, Manjani: Kthejeni në punë

    “U shkarkua për llogje Kavaje”, Strasburgu i jep të drejtë ish-gjyqtarit Shkëlzen Selimi, Manjani: Kthejeni në punë

    shkelzen selimi

    TIRANË- Gjykata e Strasburgut ka rrëzuar vendimin e Vettingut në Shqipëri për të shkarkuar nga sistemi i drejtësisë gjyqtarin Shkëlzen Selimi. Ky i fundit, gjyqtar në Gjykatën e Lartë, u shkarkua pasi sipas dy shkallëve të Vetingut kishte kontakte të papërshtatshme me njerez të botës së krimit.
    Gjetja e vëzhguesit ndërkombëtar të ONM ka zbuluar se gjyqtari Selimi ka kontakt të drejtpërdrejtë me A.I, për të cilin gjyqtari ka ndërhyrë në vitin 2015 për të ndaluar ekstradimin e tij në Itali.
    Ky shtetas sipas zbulimeve të ONM rezulton i dënuar për grup kriminal dhe trafik kokaine.
    Gjyqtari Selimi e ndoqi çështjen deri në Strasburg, ku përmes një vendimi të publikuar ditën e sotme, kjo gjykatë ka njoftuar pranimin e padisë.
    Sipas Strasburgut “gjyqtari Shkëlzen Selimi nuk u informua mjaftueshëm për akuzat konkrete kundër tij – autoritetet e vettingut nuk i zbuluan detajet thelbësore të provave sekrete që pretendonin se ai kishte kontakte të papërshtatshme me A.I. (person i përfshirë në krimin e organizuar) dhe se kishte ushtruar korrupsion pasiv dhe ndikim të paligjshëm për të penguar ekstradimin e tij”.
    Gjykata konstatoi shkelje të nenit 6/1 të Konventës (e drejta për proces të drejtë) sepse IQC dhe SAC mbështetën shkarkimin e Selimit në dokumente të klasifikuara dhe raporte nga ONM dhe CISD që nuk iu treguan atij, duke e lënë praktikisht të pamundur që ai të mbrojë veten ndaj akuzave serioze për korrupsion dhe lidhje me krimin e organizuar.
    GJEDNJ vendosi se kufizimi i aksesit të Selimit në provat kundër tij shkeli thelbin e të drejtave të tij procedurale – edhe pse organet e vettingut kishin akses të plotë në dokumentet sekrete, mungesa e masave kompensatore (si zbulimi i përmbledhjes së fakteve thelbësore, seancat ex parte me përfaqësues special, apo redaktimi i informacionit sensitiv) e bëri procesin të padrejtë në rrethana të këtij rasti specifik.
    Gjithashtu, Strasburgu i ka urdhëruar shtetit shqiptar t’i paguajë Selimit 6 mijë e 500 euro për shpenzimet e gjykimit brenda tre muajve nga hyrja në fuqi e vendimit, shumë mbi të cilën do të llogariten edhe interesat në rast vonese, sipas normës së Bankës Qendrore Evropiane plus tre pikë përqindje. Gjykata hodhi poshtë çdo kërkesë tjetër të Selimit për dëmshpërblim.
    Avokati i Selimit, Ylli Manjani, në një status në rrjetet sociale shkruan se shteti shqiptar duhet të rikthejë menjëherë në punë Selimin.
    “Shkëlzen Selimi, gjyqtar i Gjykatës së Lartë, u shkarkua nga mjeshtrat e vettingut për llogje Kavaje.
    Mbi bazën e këtyre llogjeve, ai i vendos në skrutinitet penal absurd për 4 vite me radhë, deri sa gjyqtarja e GJKKO Rudina Palloj, me shumë durim e profesionalizëm e gjeti atë të pafajshëm, me arsyetimin se nuk ka asnjë fakt penal të lidhur me të.
    Gjykata e Strassburg sapo shpalli se shkarkimi i gjyqtarit Selimi është i padrejtë dhe në shkelje të Kushtetutës Shqiptare dhe nenit 6 të Konventës Europiane të të Drejtave të Njeriut.
    Një shuplakë e fortë dhe e merituar për vettingsat thashethemexhinj, por edhe për shtetin shqiptar që thashethemet i ka ngritur në nivel kushtetues.
    Urime Shkëlzen Selimit!
    Tani shteti të mbyllë sqepin dhe të kthejë magistratin në punë se ka nevojë sistemi”, shkruan Manjani në postimin e tij në rrjetet sociale.
    VENDIMIN E PLOTË TË STRASBURGUT MUND TA LEXONI KËTU

  • Haga i zgjat paraburgimin Veselit, Selimit dhe Krasniqit

    Haga i zgjat paraburgimin Veselit, Selimit dhe Krasniqit

    Kosova E Enjte, 18 Shtator 2025 18:42
    Dhomat e Specializuara të Kosovës në Hagë kanë vendosur për vijimin e masës së paraburgimit ndaj Kadri Veselit, Rexhep Selimit dhe Jakup Krasniqit, të cilët bashkë me Hashim Thaçin akuzohen për krime lufte e krime kundër njerëzimit. Sipas tri vendimeve të ndara të bëra publike më 18 shtator 2025, Prokuroria ka pretenduar se ekziston rreziku që tre të akuzuarit t’i ikin drejtësisë, të kryejnë krime të tjera dhe të pengojnë drejtësinë, raporton “Betimi për Drejtësi“.
    Trupi gjykues i kryesuar nga gjykatësi Charles Smith III, në vendim thekson se s’ka informacion të mjaftueshëm që justifikon një konstatim se të akuzuarit mund t’i ikin drejtësisë nëse lirohen. Megjithatë, sipas Gjykatës, ekziston rreziku që të akuzuarit të pengojnë përparimin e procedurave të Gjykatës dhe të kryejnë krime të mëtejshme kundër atyre që perceptohen si kundërshtarë të UÇK-së, duke përfshirë dëshmitarët që kanë ofruar prova në këtë rast dhe/ose mund të thirren në procedura paralele.

    Andaj, Gjykata vendosi që Veselit, Krasniqit dhe Selimit, t’iu vazhdohet paraburgimi. Ndryshe, dëshmitarët e mbrojtjes filluan të dëshmojnë më 15 shtator. Dëshmitari i parë ishte James Rubin, ish-ndihmës i sekretarit amerikan të shtetit i cili dëshmoi më 15, 16 dhe 17 shtator 2025. Kurse, Paul Ëilliams dëshmoi më 17 dhe 18 shtator.

    Më 14 shtator 2025, në Hagë u mbajt një protestë masive në përkrahje të ish-krerëve të UÇK-së, ku morën pjesë qytetarë nga të gjitha trojet shqiptare e mërgimtarë të shumtë DhSK-ja ka bërë të ditur se 14 nëntori 2025 është caktuar si datë për përfundimin e çështjes së mbrojtjes në këtë rast, kurse parashtresat përfundimtare të procesit dhe deklaratat mbi ndikimin e krimeve të pretenduara tek viktimave që marrin pjesë në procedurë planifikohen të paraqiten deri më 22 dhjetor 2025.

    Ndërkohë, më 15 prill 2025, Prokuroria ka njoftuar se ka përfunduar paraqitjen e provave në këtë rast. Ndërsa, mbrojtja kishte bërë kërkesë sipas Rregullës 130, e cila parasheh kërkesën për rrëzimin e ndonjë akuze apo akuzave në tërësi në aktakuzë. Vendimi mbi këtë kërkesë ishte marrë më 16 korrik 2025. Sipas kryetarit të trupit gjykues, Charles Smith III, ajo që kishte kërkuar mbrojtja ishte mosmbështetja në pretendime për krime lufte që kanë të bëjnë me incidente që kanë ndodhur para majit të 1998-ës dhe pas 20 qershorit të 1999-ës.
    “Trupi gjykues vëren se incidentet dhe ngjarjet që kanë ndodhur në kohën që kundërshtohen prej mbrojtjes nuk janë akuza brenda kuptimit të Rregullës 130”, tha kryetari i trupit gjykues, Charles Smith III. Si rrjedhojë, ishte rrëzuar ky mocion me arsyetimin se trupi gjykues s’e ka autoritetin për të rrëzuar materiale që përbëjnë akuzat që kanë të bëjnë me shkaqe kohore. Ndërsa, po të njëjtën ditë, mbrojtja e viktimave kishte paraqitur provat e veta duke thirrur dy dëshmitare eksperte për të dëshmuar njëkohësisht.
    Përveç që dëshmuan më 16 korrik 2025, dëshmia e këtyre dy dëshmitareve vazhdoi edhe më 17 korrik 2025, duke përfunduar kështu edhe marrja e dëshmive të dëshmitarëve të mbrojtjes së viktimave. Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.
    Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë. Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor. Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020./REL/

  • Merr fund martesa e Getoar Selimit dhe Marina Vjollcës?

    Merr fund martesa e Getoar Selimit dhe Marina Vjollcës?

    Prej disa ditësh ka qarkulluar lajmi në media dhe në rrjetet social se martesa mes Getoar Selimit dhe Marina Vjollces ka marrë fund, duke ngjallur kureshtje të madhe tek publiku. Arsyeja kryesore që ndezi dyshimet ishin mungesa e postimeve të përbashkëta në rrjete sociale dhe fakti që çifti nuk është parë shpesh në publik kohët e fundit.
    Megjithatë, fotot e fundit tregojnë krejt të kundërtën. Çifti është parë krah njëri-tjetrit në kryeqytet, të buzëqeshur e të qetë, duke ecur dorë për dore si gjithmonë. Pamjet e tyre flasin vetë: mes tyre nuk ka asnjë krizë dhe lidhja e tyre vazhdon më e fortë se kurrë.

    Geti dhe Marina shfaqen të natyrshëm, duke treguar se dashuria nuk ka nevojë gjithmonë të ekspozohet në rrjete sociale për të qenë e vërtetë. Përkundrazi, ata e ruajnë privatësinë dhe e jetojnë marrëdhënien aty ku ka më shumë rëndësi, në jetën e përditshme, në Tiranë, por edhe në Prishtinë, aty ku dhe u fotografuan.
    Ky nuk është hera e parë që përflitet për një ndarje mes tyre, por duket se të gjitha zërat mbeten thjesht spekulime të kota. Realiteti është se Geti dhe Marina vazhdojnë bashkë, duke ecur përpara si çift i konsoliduar dhe i dashuruar.

  • Apeli refuzon kërkesën e Veselit, Selimit dhe Krasniqit për lirim të përkohshëm nga Haga

    Apeli refuzon kërkesën e Veselit, Selimit dhe Krasniqit për lirim të përkohshëm nga Haga

    Dhoma e Apelit e Gjykatës Speciale e ka refuzuar kërkesën e Kadri Veselit, Jakup Krasniqit dhe Rexhep Selimit për lirim të përkohshëm. Ata kishin bërë kërkesë për të hedhur poshtë vendimin e Themelores që nuk ua mundësoi lirimin e përkohshëm.
    Sipas njoftimit të Dhomave të Specializuara të Kosovës në Hagë, rrëzimi i tre apeleve u bë më 13 gusht.
    Në anën tjetër, ish-presidenti Hashim Thaçi, i cili është pjesë e katërshes së UÇK-së që po gjykohen për krime të pretenduara të luftës, nuk ka bërë fare kërkesë për lirim. Ai po përballet edhe me një tjetër aktakuzë, atë për tentim pengim të drejtësisë.
    Më 13 maj 2025, gjykatësi i Procedurës Paraprake në çështjen Thaçi dhe të tjerët i refuzoi kërkesat për lirimin e përkohshëm të Kadri Veselit, Rexhep Selimit dhe Jakup Krasniqit.
    Thaçi, Veseli, Krasniqi e Selimi janë deklaruar të pafajshëm për akuzat që Zyra e Prokurorit të Specializuar i ka vënë mbi ta. Gjykimi ndaj tyre ka nisur në prill të vitit 2023, por ata ndodhen në paraburgim që prej nëntorit të vitit 2020.
    Ai që njihet si gjyqi i madh në Hagë – procesi ndaj Thaçit dhe të tjerëve, është drejt fundit. Prokuroria e ka mbyllur çështjen e saj, ndërkaq dëshmitarët e mbrojtjes pritet të dëgjohen nga mesi i shtatorit./Kosovapress

  • Apeli e refuzon kërkesën e Veselit,Selimit dhe Krasniqit për lirim të përkohshëm

    Apeli e refuzon kërkesën e Veselit,Selimit dhe Krasniqit për lirim të përkohshëm

    Dhoma e Apelit e Gjykatës Speciale në Hagë ka rrëzuar më 13 gusht kërkesat e Kadri Veselit, Jakup Krasniqit dhe Rexhep Selimit për lirimin e përkohshëm, duke konfirmuar vendimin e Gjykatës Themelore që nuk ua kishte mundësuar më parë këtë lirim.Ish-presidenti Hashim Thaçi, pjesë e katërshes së UÇK-së që po përballet me akuzat për krime të pretenduara të luftës, nuk ka bërë asnjë kërkesë për lirimin e përkohshëm. Ai përballet gjithashtu me një aktakuzë të dytë, atë për tentim pengim të drejtësisë.Më 13 maj 2025, gjykatësi i Procedurës Paraprake kishte refuzuar kërkesat për lirimin e përkohshëm të Veselit, Selimit dhe Krasniqit. Të katër të akuzuarit – Thaçi, Veseli, Krasniqi dhe Selimi – kanë deklaruar pafajësi ndaj akuzave të Zyres së Prokurorit të Specializuar.Gjykimi, i njohur si procesi i madh në Hagë, ka filluar në prill të vitit 2023, ndërsa të akuzuarit ndodhen në paraburgim që nga nëntori i vitit 2020. Prokuroria ka përfunduar prezantimin e çështjes së saj, ndërsa dëshmitarët e mbrojtjes pritet të dëgjohen nga mesi i shtatorit.Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.Dhoma e Apelit e Gjykatës Speciale në Hagë ka rrëzuar më 13 gusht kërkesat e Kadri Veselit, Jakup Krasniqit dhe Rexhep Selimit për lirimin e përkohshëm, duke konfirmuar vendimin e Gjykatës Themelore që nuk ua kishte mundësuar më parë këtë lirim.Ish-presidenti Hashim Thaçi, pjesë e katërshes së UÇK-së që po përballet me akuzat për krime të pretenduara të luftës, nuk ka bërë asnjë kërkesë për lirimin e përkohshëm. Ai përballet gjithashtu me një aktakuzë të dytë, atë për tentim pengim të drejtësisë.Më 13 maj 2025, gjykatësi i Procedurës Paraprake kishte refuzuar kërkesat për lirimin e përkohshëm të Veselit, Selimit dhe Krasniqit. Të katër të akuzuarit – Thaçi, Veseli, Krasniqi dhe Selimi – kanë deklaruar pafajësi ndaj akuzave të Zyres së Prokurorit të Specializuar.Gjykimi, i njohur si procesi i madh në Hagë, ka filluar në prill të vitit 2023, ndërsa të akuzuarit ndodhen në paraburgim që nga nëntori i vitit 2020. Prokuroria ka përfunduar prezantimin e çështjes së saj, ndërsa dëshmitarët e mbrojtjes pritet të dëgjohen nga mesi i shtatorit.

  • “E qëllova 3 herë dhe ika me vrap nëpër ferra”, Artan Tafani rrëfen vrasjen e Çajup Selimit

    “E qëllova 3 herë dhe ika me vrap nëpër ferra”, Artan Tafani rrëfen vrasjen e Çajup Selimit

    I penduari i drejtësisë, Artan Tafani, ka rrëfyer në detaje se si e ka kryer vrasjen e Çajup Selimit në Tepelenë, në vitin 2021, pasi u përfshi në veprimtarinë kriminale të grupit të strukturuar që dyshohet të jetë drejtuar nga Laert Haxhiu.
    Në dëshminë e siguruar, Tafani zbulon se e ka pritur Selimin në hyrje të pallatit ku banonte dhe më pas e ka ndjekur teksa ngjiste shkallët deri në katin e dytë, ku e qëlloi për vdekje.
    “Pasi shkova tek pallati, po rrija ngjitur me hyrjen dhe dëgjova një makinë si “Benzi” që kishte ai. Isha ballë për ballë me atë. Kisha maske Covid-i dhe një kapele. Po më shikonte dhe pati si dyshim, u fut në hyrje të pallatit. Ai u ngjit në kat të parë, kat të dytë, unë isha nga mbrapa tij. Ishte qeros dhe unë dija dhe rrobat që kishte veshur atë ditë, të kuqe. Aty e qëllova nga mbrapa, 3 herë e shkrepa. E qëllova, një herë në shpatull dhe dy herë të tjera por se di ku e kapi”, rrëfen Tafani.
    Më tej ai zbulon edhe mënyrën si u arratis pasi kreu ekzekutimin, për të cilin pretendon se ka përdorur një armë të llojit “Zastava”.
    “Ika me vrap për nga burgu Bënçës, rashë në ca ferra aty si jashtë qytetit. Armën e kisha me vete, ‘Zastava’, bereta e vogël me silenciator. S’po gjeja rrugicën që të dilja. Sipas planit duhet të dilja tek lumi Vjosa ku do vinte Ligori”, zbulon 39-vjeçari.
    Vrasja e Çajup Selimit dyshohet se është kryer vetëm për çështje nderi, pasi sipas dëshmisë së bashkëpuntorit të SPAK, tregtari kishte ngacmuar seksualisht mamanë e njërit prej anëtarëve të grupit të tyre, Erisiano Abedini që thirej me nofkën “Cano”.
    Në dijeni të këtyre ngacmimeve ishte vënë dhe Erisiano, i cili i kishte kërkuar Laert Haxhiut, ta ndihmonte për ta vrarë tregtarin në Tepelenë.
    Në atë kohë, Marjus Tafani kishte vetëm pak kohë që kishte hyrë mes rradhëve të grupit të Laert Haxhiut, i cili i ka dhënë dy herë, një herë 1 mijë euro dhe një herë 200 euro, për para xhepi. Madje njohja e tij me Laert Haxhiun është bërë përmes Lulzim Arapit, të cilin ai e ka njohur brenda në burg.

  • Artan Tafani tregon detaje tronditëse të vrasjes së Çajup Selimit: Vrasja për nder të një mikut të Laertit

    Artan Tafani tregon detaje tronditëse të vrasjes së Çajup Selimit: Vrasja për nder të një mikut të Laertit

    Artan Tafani ka rrëfyer për herë të parë detaje të rëndësishme në lidhje me vrasjen e biznesmenit Çajup Selimi, ngjarje e ndodhur në Tepelenë, e cila tronditi opinionin publik.

    Tafani ka zbuluar se vrasja e Selimit, e ndodhur më 16 dhjetor të vitit 2022, ishte një akt hakmarrjeje dhe ndihmoi nderin e një shoku të Laertit, i cili jetonte në Greqi.

    Në rrëfimin e tij, Tafani tregon se ishte takuar me Laertin dhe shokët e tij në një lokal në një fshat, ku kishte pasur muzikë dhe këngë.

    Në bisedën e tyre, Laerti i kishte propozuar të merrte pjesë në një “punë”, duke i dhënë premtimin se do të bënte një nder për një mik të tij. Tafani shprehet se në atë moment nuk kishte menduar se bëhej fjalë për vrasje, por më vonë kuptoi se kishte të bënte me një plan për eliminimin e Çajup Selimit.

    Laerti, pasi kishte vendosur se kush do të merrte pjesë në vrasje, kishte bërë gjithçka që Tafani të ndihmonte, duke e shtyrë në një situatë presioni të vazhdueshëm. Tafani pranon se kishte pasur frikë, por gjithashtu thotë se Ligori, shoku tjetër që ndihmoi, ishte aty për ta mbështetur gjatë gjithë procesit.

    Për vrasjen e Çajup Selimit, Laerti i kishte thënë Artanit se do t’i jepnin 50 mijë euro për të bërë punën, me 25 mijë euro për Artanin dhe 25 mijë për Ligorin. Pas takimeve dhe diskutimeve, ata udhëtuan drejt Tepelenës, ku e panë viktimën dhe e identifikuan. Çajup Selimi ishte një biznesmen që kishte një dyqan dhe ishte i lidhur me Laertin, i cili kishte kërkuar hakmarrje për mikun e tij që jetonte në Greqi.

    Vrasja e Selimit, që ndodhi në datën 16 dhjetor 2022, rezultoi të ishte një akt hakmarrjeje, dhe siç tregon Tafani, ka qenë një akt që ka pasur shumë ndikime dhe është realizuar nën një presion të madh nga Laerti dhe shokët e tij.

  • Kosova në Alarm: Arrestimi i Hysri Selimit dhe dyshimet për spiunazh me Serbinë

    Kosova në Alarm: Arrestimi i Hysri Selimit dhe dyshimet për spiunazh me Serbinë

    Kosova është përfshirë në një hetim të thelluar pas arrestimit të Hysri Selimit më 6 maj 2025, i cili dyshohet për bashkëpunim të drejtpërdrejtë me Agjencinë e Inteligjencës dhe Sigurisë së Serbisë (BIA). Dosja e Prokurorisë Speciale të Kosovës (PSRK) ka zbuluar detaje tronditëse të bisedave sekrete të Selimit me një zyrtar të BIA-s përmes aplikacionit Viber, të cilat nxjerrin në pah një bashkëpunim të strukturuar për mbledhjen dhe ndarjen e informacionit të ndjeshëm.Burimet e sigurta të Telegrafit raportojnë se bisedat zbulojnë se Selimi ka pasur një rol aktiv në njoftimin e BIA-s për arrestime në Kosovë, lëvizje të grupeve radikale dhe përpjekje për krijimin e xhamive ilegale jashtë kontrollit të Bashkësisë Islame të Kosovës (BIK). Në një nga mesazhet e zbuluara, ai njofton zyrtarin serb për arrestimin e dy individëve të dyshuar për bashkëpunim me Serbinë, duke shprehur shqetësimin se mund të përfshihet në këtë rast.Përveç informacionit për arrestime, Selimi kishte ofruar të dhëna të tjera për lëvizjet e grupeve radikale dhe individëve të radikalizuar, madje duke raportuar për numrin e kosovarëve që kanë luftuar në Siri. Hetimet kanë zbuluar se Selimi ka dhënë informacione për zyrtarë të lartë të partive politike dhe institucioneve të sigurisë, të cilat janë dorëzuar personalisht në Serbi, ndërkohë që ai ka marrë pagesa deri në 700 euro për shërbimet e tij.Dosja e Prokurorisë Speciale po heton gjithashtu përdorimin e telefonëve të mençur nga BIA për të mundësuar komunikimin sekret mes Selimit dhe zyrtarëve të sigurisë serbe. Ky rast ka ngritur shqetësime të mëdha për sigurinë kombëtare dhe mund të ketë pasoja të mëdha për marrëdhëniet mes Kosovës dhe Serbisë.Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.Kosova është përfshirë në një hetim të thelluar pas arrestimit të Hysri Selimit më 6 maj 2025, i cili dyshohet për bashkëpunim të drejtpërdrejtë me Agjencinë e Inteligjencës dhe Sigurisë së Serbisë (BIA). Dosja e Prokurorisë Speciale të Kosovës (PSRK) ka zbuluar detaje tronditëse të bisedave sekrete të Selimit me një zyrtar të BIA-s përmes aplikacionit Viber, të cilat nxjerrin në pah një bashkëpunim të strukturuar për mbledhjen dhe ndarjen e informacionit të ndjeshëm.Burimet e sigurta të Telegrafit raportojnë se bisedat zbulojnë se Selimi ka pasur një rol aktiv në njoftimin e BIA-s për arrestime në Kosovë, lëvizje të grupeve radikale dhe përpjekje për krijimin e xhamive ilegale jashtë kontrollit të Bashkësisë Islame të Kosovës (BIK). Në një nga mesazhet e zbuluara, ai njofton zyrtarin serb për arrestimin e dy individëve të dyshuar për bashkëpunim me Serbinë, duke shprehur shqetësimin se mund të përfshihet në këtë rast.Përveç informacionit për arrestime, Selimi kishte ofruar të dhëna të tjera për lëvizjet e grupeve radikale dhe individëve të radikalizuar, madje duke raportuar për numrin e kosovarëve që kanë luftuar në Siri. Hetimet kanë zbuluar se Selimi ka dhënë informacione për zyrtarë të lartë të partive politike dhe institucioneve të sigurisë, të cilat janë dorëzuar personalisht në Serbi, ndërkohë që ai ka marrë pagesa deri në 700 euro për shërbimet e tij.Dosja e Prokurorisë Speciale po heton gjithashtu përdorimin e telefonëve të mençur nga BIA për të mundësuar komunikimin sekret mes Selimit dhe zyrtarëve të sigurisë serbe. Ky rast ka ngritur shqetësime të mëdha për sigurinë kombëtare dhe mund të ketë pasoja të mëdha për marrëdhëniet mes Kosovës dhe Serbisë.