Lajmidites.com

Tag: sektori

  • Hitaj: Ekonomia shqiptare në rrezik, ja sektori që mund ta fundosë

    Hitaj: Ekonomia shqiptare në rrezik, ja sektori që mund ta fundosë

    Në një ekonomi tregu funksionale, pritet që sektori privat të jetë forca tërheqëse e zhvillimit. Megjithatë, në Shqipëri kjo nuk ka ndodhur për shkak të një sërë problemesh strukturore. Ekonomia e vogël, mungesa në rritje e krahut të punës, çështjet e pazgjidhura të pronësisë dhe shkatërrimi i trashëgimisë industriale të periudhës së komunizmit janë disa nga pengesat kryesore.

    Si shembull i potecialit të humbur, gazetari Arbër Hitaj nga studioja e ‘Kafe Shqeto’ tha se se industria e automobilave, si ajo e Zastavës në Serbi, tërhoqi investime gjigante si FIAT, ndërsa Shqipëria nuk arriti të ruante dhe zhvillonte asetet e saj industriale.

    Aktualisht, ekonomia shqiptare është e orientuar pothuajse tërësisht drejt turizmit dhe shërbimeve, me ndërtimin që luan gjithashtu një rol kyç. Por pikërisht ky i fundit shihet si një rrezik potencial.

    LEXO EDHE: Besimi i ndërtuesve në nivelin më të ulët në tre vjet, bien porositë, po çmimet?!

    Hitaj paralajmëroi se nuk dihet se sa do të zgjasë kjo periudhë dhe se një ngadalësim apo ngecje e papritur e këtij sektori mund të shkaktojë një tronditje të madhe në ekonomi, duke e futur vendin në një krizë të mundshme.

    “Unë besoj që në këtë pikë ku ka arritur gjendja, është pak e vështirë që të ndryshojë, të paktën dhe ndoshta për një 10-vjeçar, aq më tepër që ekonomia shqiptare është e orientuar e gjitha tek turizmi për momentin”- tha Hitaj për ‘Kafe Shqeto’.

    Në përfundim, ndërsa shteti sot për sot po e garanton aktivitetin ekonomik duke shërbyer si “lokomotiva e trenit”, kjo varësi e madhe nga sektori publik nuk është një model i qëndrueshëm dhe tregon për brishtësinë e zhvillimit ekonomik të vendit.

    Deklarata në Kafe Shqeto:

    “Që të jetë shteti gjithmonë interlokutori kryesor, të jetë shteti gjithmonë motori kryesor i ekonomisë, ky nuk është lajm i mirë. Por ky është realiteti. Është një realitet që duhet të ndryshonte me kohë, nuk ka ndryshuar. 

    Duhet të ishte sektori privat që ta tërhiqte pjesën tjetër, pra të tërhiqte ekonominë e vendit. Por ne jemi një ekonomi e vogël, jemi një ekonomi që fatkeqësisht nuk kemi dhe krah pune, vitet e fundit është një problem i madh.

    Jemi një ekonomi e cila ka dhe probleme që lidhen probleme me pronën. Ka probleme që lidhen me shkatërrimin e një trashëgimie që ka qenë nga periudha e komunizmit në industri. 

    Për të gjithë ata që nuk e dinë, një nga kompanitë më të mëdha të prodhimit të automobilëve siç është Fiati, është në Serbi.

    Po ka shkuar në Serbi sepse ka një logjikë, atje ishte industria e prodhimit të makinave Zastava dhe ata morën, ju interesonte ajo pjesë dhe e zhvilluan akoma më shumë. 

    Fatkeqësisht ne nuk arritëm dot ta ruanim atë trashëgimi, ato elementë që mund të ruheshin gjithmonë, se nuk ishin të gjithë për t’u ruajtur. Dhe jemi në këtë situatë ku jemi.

    Unë besoj që në këtë pikë ku ka arritur gjendja, është pak e vështirë që të ndryshojë, të paktën dhe ndoshta për një 10-vjeçar, aq më tepër që ekonomia shqiptare është e orientuar e gjitha tek turizmi për momentin. 

    Është me afat skadentë. Pra ne nuk e dimë sa do zgjasi ky bumi i ndërtimit dhe mbi të gjitha është një bum i cili vërtet jep një kontribut të madh në buxhetin e shtetit. 

    Por është një sektor i cili nesër mund të ngesë, mund të të japë një fluks shumë të madh në ekonomi dhe mund të krijojë efektin e kundërt, mund ta fusë vendin dhe në një krizë të mundshme. Pra jemi në një situatë aspak të kënaqshme mendoj unë”.

     

  • Sektori i teknologjisë në rritje rekord, mbi 22 mijë të punësuar dhe 210 milionë euro eksporte

    Sektori i teknologjisë në rritje rekord, mbi 22 mijë të punësuar dhe 210 milionë euro eksporte

    Në Javën Globale të Sipërmarrjes u diskutua mbi raportin e tregut të punës në sektorin e teknologjisë së informacionit. Sipas raportit, ky sektor ka njohur ritme të shpejta zhvillimi, gjë të cilën e theksoi edhe ministrja e Ekonomisë dhe Inovacionit, Delina Ibrahimaj, duke u bazuar në shifra konkrete.
    “Sektori i Teknologjisë së Informacionit 10 vitet e fundit është zhvilluar në mënyrë të jashtëzakonshme, dhe duket nga shifrat e eksporteve të cilat para 10 vitesh ishin në nivelin e 8 mln euro, sot janë në 210 mln euro. Nga shifrat e të punësuarve në këtë sektor që dikur nuk kalonin 4000 persona sot janë mbi22 mijë persona, nga shifrat e bizneseve të regjistruara në këtë sektor të cilat janë rritur gjithashtu në mënyrë eksponenciale, ndonëse një pjesë e tyre vazhdon të jenë biznese të vogla me deri 10 të punësuar, po ka dhe biznese shumë tëmëdha që prodhojnë shërbime për Shqipërinë, por edhe për eksportet.”
    Ministrja theksoi se, në nivel shërbimesh publike, Shqipëria qëndron më lart se vendet e rajonit. Megjithatë, sfida mbetet në përthithjen e inovacionit nga sektori privat, sidomos nga ndërmarrjet e vogla dhe të mesme.
    “Sektori privat, kryesisht ndërmarrjet e vogla dhe të mesme kanë një nivel të ulët të përdorimit të teknologjisë së informacionit, por nga ana tjetër, dhe aftesia e tyre për të përthithur talente në këtë drejtim, është e ulët pasi talentet janë në mungesë.”
    Raporti nxjerr në pah edhe një diferencë të madhe midis kapaciteteve të Tiranës dhe atyre të qyteteve të tjera. Për ta adresuar këtë mungesë, janë ndërmarrë hapa nëpërmjet programeve të granteve të Start-Up Albania, me synim fuqizimin e ekosistemit të start-up-eve dhe shpërndarjen e tyre më të gjerë në gjithë territorin.

  • Shefja e FMN-së: Ekonomia shqiptare ka rritjen më të shpejtë në Europë. Turizmi, faktori kryesor

    Shefja e FMN-së: Ekonomia shqiptare ka rritjen më të shpejtë në Europë. Turizmi, faktori kryesor

    Shefja e Misionit të Fondit Monetar Ndërkombëtar Anke Weber ka deklaruar se Shqipëria vazhdon të shquhet si një prej ekonomive me rritjen më të shpejtë në Europë.
    Duke folur në konferencën për mbarimin e Misionit të FMN-së në Shqipëri, Weber tha se parashikohet një “rritje reale të Prodhimit të Brendshëm Bruto me 3.5 për qind në 2025, 3.6 për qind në 2026-n, nxitur nga kërkesa e fortë e brendshme dhe sektori i turizmit.”
    “Shqipëria vazhdon të shquhet si një prej ekonomive me rritjen më të shpejtë në Europë. Ne parashikojmë një rritje reale të Prodhimit të Brendshëm Bruto me 3.5 për qind në 2025, 3.6 për qind në 2026-n, nxitur nga kërkesa e fortë e brendshme dhe sektori i turizmit. Politikat e kujdesshme fiskale kanë çuar në një ulje të jashtëzakonshme të borxhit publik të viteve të fundit ndërkohë që politika proaktive monetare ka ndihmuar që inflacioni të ulet nën objektiv”, u shpreh shefja e Misionit të FMN-së në Shqipëri.
    Sipas saj, sektori bankar mbetet likuid dhe i mirëkapitalizuar. Ndërsa theksoi se norma e papunësisë ka arritur nivele të ulëta historike.
    “Sektori bankar mbetet i mirëkapitalizuar dhe likuid dhe disbalancat e jashtme janë tkurrur në mënyrë të konsiderueshme. Norma e papunësisë ka arritur nivele të ulëta historike”, tha Weber.
    Megjithatë, ajo adresoi edhe rekomandimet përkatëse.
    “Por pavarësisht kësaj tabloje të favorshme mbeten disa sfida; trysnia fiskale, përfshi nga shpenzimet sociale dhe për mbrojtjen, mund të gërryejë hapësirat fiskale nëse nuk trajtohet. FMN-ja rekomandon rritjen e të ardhurave të ulëta duke çuar përpara reformën për taksën e pronës, duke forcuar administrimin e të ardhurave tatimore përmes teknologjisë së informacionit dhe përmirësimeve të bazuara në të dhëna”, tha më tej Weber.

  • Sektori i turizmit në krizë për punonjës, duhen 30 mijë persona

    Sektori i turizmit në krizë për punonjës, duhen 30 mijë persona

    Sektori i turizmit po përballet me mungesë serioze të fuqisë punëtore. Sipas Unionit Turistik Shqiptar, industrisë i nevojiten rreth 30 mijë punonjës të rinj, kryesisht në hotelieri, Air B&B, plazhe dhe transport turistik. Për këtë arsye, operatorët kërkojnë thjeshtimin e procedurave për pajisjen me leje qëndrimi të punonjësve të huaj, pasi e konsiderojnë të pamundur mbulimin e kërkesës me punonjës vendas.
    Në takimin e fundit me Ministrinë e Turizmit, drejtuesit e Unionit kanë parashtruar një sërë propozimesh konkrete për përmirësimin e sektorit, përfshirë: Zbatimin ligjor të sigurimeve jashtë sezonit, siç parashikohet në Strategjinë Kombëtare të Turizmit; Ngritjen e linjave të dedikuara të transportit publik drejt destinacioneve bregdetare; Krijimin e një Akademie të Turizmit për rritjen e kapaciteteve profesionale; Rritjen e pjesëmarrjes në panaire ndërkombëtare dhe aktivitete promovuese rajonale.
    Gjatë diskutimit, përfaqësuesit e Unionit i kanë kërkuar Drejtoreshës së Emigracionit që ishte e pranishme në takim, shkurtimin e afateve dhe procedurave burokratike për marrjen e lejeve të qëndrimit nga punëtorët e huaj që vijnë për sezon turistik.Në një reagim në rrjetet sociale, Unioni Turistik Shqiptar i ka bërë publike kërkesat e tij, duke theksuar nevojën për bashkëpunim të ngushtë me Ministrinë e Turizmit në mënyrë që sektori të ruajë ritmin e zhvillimit dhe të garantojë një turizëm cilësor me standarde ndërkombëtare.

  • Qeveria rrit tatimin për industrinë e softuerit, sektori i IT hyn në regjim të ri fiskal

    Qeveria rrit tatimin për industrinë e softuerit, sektori i IT hyn në regjim të ri fiskal

    Industria e prodhimit dhe zhvillimit të softuerit në Shqipëri do të hyjë në një regjim të ri tatimor  nga 1 Janari 2026.
    Konkretisht, kompanitë që ushtrojnë aktivitet ekonomik në Shqipëri, në fushën e zhvillimit të softuerit dhe që janë regjistruar para datës 17 maj 2023 do të vazhdojnë të përfitojnë nga norma e reduktuar prej 5 për qind e tatimit mbi fitimin deri më 31 dhjetor 2025.
    Pas këtij afati, të gjitha bizneset e kësaj fushe do të kalojnë automatikisht në normën standarde prej 15 për qind të tatimit mbi fitimin. Ky ndryshim prek veçanërisht kompanitë e teknologjisë së informacionit që prej vitesh kanë qenë pjesë e një skeme preferenciale fiskale, e cila synonte nxitjen e investimeve në sektorin IT dhe rritjen e konkurrueshmërisë së Shqipërisë në tregjet rajonale dhe globale të teknologjisë.
    Sipas vlerësimeve të qeverisë, rritja e tatimit për këtë kategori biznesesh pritet të sjellë të ardhura shtesë për buxhetin e shtetit gjatë viteve 2026 dhe 2027, të cilat janë llogaritur rreth 0.036 për qind të Prodhimit të Brendshëm Bruto çdo vit. Edhe pse shifra duket modeste në nivel makroekonomik, efekti në sektor mbetet i rëndësishëm, duke marrë parasysh se një pjesë e ndjeshme e industrisë shqiptare të IT-së përbëhet nga kompani të vogla dhe të mesme.
    Ky ndryshim pritet të ketë ndikim në industrinë e teknologjisë, e cila deri tani ka përfituar nga mbështetje fiskale për të stimuluar rritjen, inovacionin dhe krijimin e vendeve të punës me vlerë të lartë. Në vitet e fundit, sektori i IT ka treguar rritje të shpejtë, është bërë një hallkë e rëndësishme për eksportet e shërbimeve dhe ka tërhequr investime nga kompani të huaja që operojnë përmes modeleve të outsourcing dhe shërbimeve të zhvillimit softuare për tregjet ndërkombëtare.
    Sipas të dhënave të tregut dhe raporteve ekonomike, në vend operojnë rreth 2,500 deri në 3,200 subjekte që ofrojnë shërbime IT, ku mbi 1,000 kompani fokusohen drejtpërdrejt në prodhimin dhe zhvillimin e softuerit, shërbime cloud dhe konsulencë teknologjike.
    Për sa i përket forcës punëtore, sektori llogarit më shumë se 20 mijë punonjës, ndërsa rreth 7,000 – 8,500 prej tyre janë të angazhuar në profile teknike si programues, inxhinierë softueri, specialistë të sigurisë kibernetike, DevOps dhe analistë të të dhënave. Për më tepër, vlerësohet se mbi 5,000 freelancerë shqiptarë ofrojnë shërbime teknologjike në tregun ndërkombëtar përmes platformave online, duke kontribuar në rritjen e eksportit të shërbimeve.
    Kontributi i sektorit IT në ekonominë shqiptare përllogaritet në rreth 2 për qind të PBB-së dhe Tirana mbetet epiqendra e aktivitetit, duke përqendruar rreth 80 për qind të bizneseve dhe forcës punëtore në këtë sektor.
    Sektori përfshin një gamë të gjerë aktivitetesh teknologjike, ku më kryesoret janë: Zhvillim aplikacionesh web dhe mobile; Shërbime software outsourcing për tregun europian;  sisteme të menaxhimit të proceseve; Konsulencë IT dhe implementim sistemesh; Infrastrukturë IT dhe shërbime teknike mbështetëse Startup-e inovative dhe platforma SaaS, etj.

  • Sektori minerar në Shqipëri, nga fragmentimi drejt konsolidimit

    Sektori minerar në Shqipëri, nga fragmentimi drejt konsolidimit

    Në dekadën e fundit, sektori minerar shqiptar ka kaluar një proces të thellë transformimi, i cili synon përmirësimin e administrimit të burimeve natyrore, rritjen e transparencës dhe forcimin e kontrollit shtetëror mbi mënyrën e shfrytëzimit të tyre. Këto zhvillime janë produkt i politikave të reja shtetërore dhe i ndërhyrjeve ligjore, që kanë pasur në qendër modernizimin dhe konsolidimin e industrisë minerare.
    Nga periudha e pas viteve 90-të, me ndërhyrjet e para reformuese, pas rënies së regjimit komunist, sektori minerar në Shqipëri u përball me një periudhë kaotike, të dominuar nga informaliteti, mungesa e kontrollit shtetëror dhe shfrytëzimi i pakriter i burimeve minerare. Mungesa e rregullimit solli pasoja të rënda: dëmtime në jetën e punëtorëve, degradim të infrastrukturës inxhinierike dhe shkatërrim të vetë burimeve minerare.
    Megjithëse specialistë dhe inxhinierë të kohës kërkuan rindërtimin e sektorit mbi baza profesionale, informaliteti vijoi për shumë vite, madje u institucionalizua përmes dokumentacioneve të parregullta dhe mbivendosjeve të shumta në lejet e shfrytëzimit.
    Shqipëria ka një pasuri të konsiderueshme minerare, e cila përfshin:
    · Kromin, ku vendi mbetet një ndër prodhuesit më të njohur në rajon,
    · Bakrin dhe hekur-nikelin, që përbëjnë burime të rëndësishme për industrinë e metaleve,
    ·Qymyrin, bitumin, mineralet ndërtimore dhe gurët dekorativë, që kanë gjetur përdorim të gjerë në tregjet vendase dhe të huaja.
    Këto burime janë shpërndarë në disa zona kryesore, si Bulqiza, Pogradeci, Librazhdi, Kukësi, Rubiku, Puka dhe Mirdita, të cilat prej dekadash kanë qenë shtylla të ekonomisë lokale.

    Viti 2013: Nisma e parë serioze drejt riorganizimit
    Një kthesë e rëndësishme ndodhi në vitin 2013, kur nisën përpjekjet e para serioze për sistemimin e situatës në sektorin minerar. Në atë kohë, industria po përballej jo vetëm me kolaps teknik dhe financiar, por edhe me pasoja sociale dhe kriminale në zonat minerare.
    U ndërmor një proces i gjerë riorganizimi, që për herë të parë synonte sistemimin e zonave të lejeve të shfrytëzimit. Sipas këtij procesi, lejet më të vjetra ruanin të drejtën e ushtrimit të veprimtarisë në rastet e mbivendosjes, ndërsa lejet e mbivendosura shfuqizoheshin pjesërisht. Ky sistem solli rritje të qartësisë ligjore dhe administrative, por njëkohësisht krijoi efekte anësore, si shfaqja e mikrolejeve, që ishin fragmente të vogla territoriale pa lidhje gjeologjike apo ekonomike me njëra-tjetrën.
    Reformat ligjore të vitit 2017: fleksibilitet dhe konsolidim
    Në vitin 2017, ndryshimet në ligjin minerar mundësuan për herë të parë transferimin e lejeve minerare të dhëna me procedurë konkurruese. Kjo reformë i dha tregut më shumë fleksibilitet dhe hapi rrugën për konsolidimin e lejeve tek operatorë me kapacitete të qëndrueshme financiare dhe teknike.
    Si rezultat, u ul ndjeshëm numri i lejeve të vogla apo joaktive, të cilat historikisht kishin hasur vështirësi në përmbushjen e detyrimeve ligjore dhe kontraktuale. Megjithatë, kjo risi solli edhe sfida të reja për strukturimin e tregut dhe ndarjen e përgjegjësive në terren.
    Konsolidimi 2017-2025
    a. Reformimi i kuadrit ligjor dhe institucional
    b. Rritja e investimeve private
    c. Përmirësimi i teknologjisë dhe dixhitalizimi
    Sfidat aktuale: tregu ndërkombëtar, mungesa e fuqisë punëtore dhe kostot në rritje
    Gjatë viteve 2024–2025, sektori është përballur me luhatje të forta të çmimeve në tregjet ndërkombëtare të mineraleve, që kanë ndikuar në rentabilitetin e disa shoqërive. Veçanërisht, operatorët që veprojnë në zona me rezerva të kufizuara kanë hasur vështirësi financiare për të përmbushur detyrimin ligjor të vendosjes së garancisë për rehabilitimin mjedisor.
    Një tjetër sfidë serioze është mungesa e punonjësve të kualifikuar, të cilët tashmë orientohen drejt tregjeve me paga më të larta. Kjo ka ndikuar në uljen e efikasitetit të operacioneve dhe në zvarritjen e planeve të investimeve.
    Kombinimi i këtyre faktorëve me fragmentimin historik të lejeve ka bërë që një pjesë e subjekteve të vogla të mos jenë më ekonomikisht të qëndrueshme. Si pasojë, në dy vitet e fundit është vërejtur një proces i natyrshëm konsolidimi të tregut, ku kompanitë me kapacitete më të mëdha po marrin në administrim lejet e subjekteve të vogla ose joaktive.
    Drejt një epoke të re për industrinë minerare
    Revokimi i disa lejeve minerare të shpallur ditët e fundit nuk duhet parë thjesht si tregues i vështirësive në sektor apo si masë ndëshkuese, por si pjesë e procesit të pastrimit dhe riorganizimit të tregut.
    Në fakt, sektori duket se po hyn në një fazë të re, më të shëndoshë, më të konsoliduar dhe me perspektivë zhvillimi të qëndrueshëm.
    Në këtë kontekst, takimet e fundit të organizuara nga Ministria e Infrastrukturës dhe Energjisë me aktorët kryesorë të industrisë janë një hap pozitiv drejt një dialogu të qëndrueshëm publik–privat. Aty janë evidentuar problematikat ekzistuese dhe janë artikuluar angazhime konkrete për përmirësimin e kuadrit rregullator dhe përafrimin e tij me praktikat më të mira ndërkombëtare.
    Rruga përpara: politika të reja zhvillimore dhe vizion strategjik
    Nëse ky moment do të shfrytëzohet siç duhet, Shqipëria mund të hyjë në një kapitull të ri të zhvillimit minerar. Kjo kërkon politika të reja.
    Politikat e reja në sektorin minerar
    – Parandalimi i fragmentimit të mëtejshëm të lejeve minerare
    – Nxitja e bashkimit të zonave me potencial të përbashkët gjeologjik dhe ekonomik
    – Orientimi drejt lëndëve të reja kritike dhe strategjike me interes global
    – Zhvillimi i industrisë përpunuese, për të rritur vlerën e shtuar të prodhimit kombëtar.
    Sfida kryesore mbetet balancimi mes shfrytëzimit ekonomik dhe mbrojtjes së mjedisit, si dhe garantimi që përfitimet e pasurive minerare të reflektohen në mirëqenien e komuniteteve lokale.
    Vetëm përmes një qasjeje të tillë, sektori minerar shqiptar mund të arrijë një ekuilibër të qëndrueshëm midis zhvillimit ekonomik, mbrojtjes së mjedisit dhe shfrytëzimit të përgjegjshëm të burimeve natyrore. Reformat ligjore, rritja e investimeve dhe përmirësimet teknologjike kanë krijuar bazën për një industri më të sigurt, më transparente dhe më konkurruese.
    Nga Fatos Çoçoli 

  • Industria zhytet më shumë në krizë/ Punësimi në fason ra me një të pestën

    Industria zhytet më shumë në krizë/ Punësimi në fason ra me një të pestën

    Industria e tekstileve dhe këpucëve ka shkurtuar rreth 8% të punonjësve ndërmjet tremujorit të dytë 2024 dhe atij 2025, ndërsa në krahasim me 2023, industritë kanë “humbur” gati një të pestën e fuqisë punëtore, referojnë të dhënat zyrtare të INSTAT.

    Indeksi i punësimit në fabrikat e veshjeve dhe tekstilit ra në 83.93 pikë, nga 92.31 pikë që ishte në tremujorin e dytë 2024. Kjo përfaqëson një rënie prej rreth 8.3 pikë % brenda një viti. Tendenca e rënies, e cila nisi që prej vitit 2023, vazhdon të përkeqësohet, duke treguar për thellim të krizës në këtë sektori.

    Në mënyrë të ngjashme indeksi i punësimit në fabrikat e këpucëve dhe lëkurëve ra me 7%, në nivelin më të ulët të regjistruar në këtë seri të dhënash, duke konfirmuar presionin e fortë mbi industrinë e prodhimit nga faktorët e brendshëm dhe të jashtëm.

    Indekset e punësimit po edhe të shitjeve tregojnë se industria fason është në një trajektore të fortë rënëse. Por sektori i lëkurës dhe këpucëve rezulton më i godituri. Fasoni kishte rënie të punonjësve me 22 për qind ndërmjet tremujorit të dytë 2023 dhe të dytit 2025 referojnë të dhënat zyrtare.

    Fabrikat e veshjeve dhe këpucëve kanë qenë kalorësi i eksporteve gjatë dekadës së fundit por roli i tyre u zbeh pas pandemisë. Gjithashtu ato ishin një punëdhënës i rëndësishëm në punën me pagesë për gratë ne nevoja të mëdha financiare.

    Arsyet pse sektori po tkurret lidhet me një kombinim faktorësh të brendshëm dhe të jashtëm. Rritja e pagave minimale dhe e kontributeve të sigurimeve ka dhënë ndikim të drejtpërdrejt mbi bizneset prodhuese. Me marzhe të ulëta fitimi, çdo rritje e kostos ndikon menjëherë në uljen e konkurrueshmërisë në këto njësi prodhimi. Rënia e euros pati gjithashtu ndikim të fortë pasi solli një seri falimentesh në njësite e vogla dhe të mesme që punonin si nënkontraktorë të fabrikave me të mëdha.

    Në sektorin e veshjeve dhe këpucëve Shqipëria konkurron kryesisht në segmentin e prodhimit me kosto të ulët, por vende si Turqia, Maroku apo edhe Azia Juglindore ofrojnë çmime më të leverdishme për kompanitë europiane. Kjo i ka shtyrë disa marka ndërkombëtare të zhvendosin kontratat drejt tregjeve më të mëdha e më të lira.

    Sektori shqiptar i tekstileve dhe këpucëve varet pothuajse tërësisht nga eksportet. Ngadalësimi i konsumit në vendet e BE-së sidomos në Itali dhe Gjermani, që janë partnerët kryesorë ka sjellë tkurrje të porosive. Inflacioni i lartë në këto tregje ka bërë që konsumatorët të kufizojnë blerjet e produkteve të veshjeve e këpucëve./MONITOR

  • Thellohet kriza, industria e tekstileve dhe këpucëve humbet 20% të punonjësve në dy vite

    Thellohet kriza, industria e tekstileve dhe këpucëve humbet 20% të punonjësve në dy vite

    Industria e tekstileve dhe këpucëve ka shkurtuar rreth 8% të punonjësve ndërmjet tremujorit të dytë 2024 dhe atij 2025, ndërsa në krahasim me 2023, industritë kanë “humbur” gati një të pestën e fuqisë punëtore, referojnë të dhënat zyrtare të INSTAT.
    Indeksi i punësimit në fabrikat e veshjeve dhe tekstilit ra në 83.93 pikë, nga 92.31 pikë që ishte në tremujorin e dytë 2024. Kjo përfaqëson një rënie prej rreth 8.3 pikë % brenda një viti. Tendenca e rënies, e cila nisi që prej vitit 2023, vazhdon të përkeqësohet, duke treguar për thellim të krizës në këtë sektori.
    Në mënyrë të ngjashme indeksi i punësimit në fabrikat e këpucëve dhe lëkurëve ra me 7%, në nivelin më të ulët të regjistruar në këtë seri të dhënash, duke konfirmuar presionin e fortë mbi industrinë e prodhimit nga faktorët e brendshëm dhe të jashtëm.
    Indekset e punësimit po edhe të shitjeve tregojnë se industria fason është në një trajektore të fortë rënëse. Por sektori i lëkurës dhe këpucëve rezulton më i godituri. Fasoni kishte rënie të punonjësve me 22 për qind ndërmjet tremujorit të dytë 2023 dhe të dytit 2025 referojnë të dhënat zyrtare.
    Fabrikat e veshjeve dhe këpucëve kanë qenë kalorësi i eksporteve gjatë dekadës së fundit por roli i tyre u zbeh pas pandemisë. Gjithashtu ato ishin një punëdhënës i rëndësishëm në punën me pagesë për gratë ne nevoja të mëdha financiare.
    Arsyet pse sektori po tkurret lidhet me një kombinim faktorësh të brendshëm dhe të jashtëm. Rritja e pagave minimale dhe e kontributeve të sigurimeve ka dhënë ndikim të drejtpërdrejt mbi bizneset prodhuese. Me marzhe të ulëta fitimi, çdo rritje e kostos ndikon menjëherë në uljen e konkurrueshmërisë në këto njësi prodhimi. Rënia e euros pati gjithashtu ndikim të fortë pasi solli një seri falimentesh në njësite e vogla dhe të mesme që punonin si nënkontraktorë të fabrikave me të mëdha.
    Në sektorin e veshjeve dhe këpucëve Shqipëria konkurron kryesisht në segmentin e prodhimit me kosto të ulët, por vende si Turqia, Maroku apo edhe Azia Juglindore ofrojnë çmime më të leverdishme për kompanitë europiane. Kjo i ka shtyrë disa marka ndërkombëtare të zhvendosin kontratat drejt tregjeve më të mëdha e më të lira.
    Sektori shqiptar i tekstileve dhe këpucëve varet pothuajse tërësisht nga eksportet. Ngadalësimi i konsumit në vendet e BE-së sidomos në Itali dhe Gjermani, që janë partnerët kryesorë ka sjellë tkurrje të porosive. Inflacioni i lartë në këto tregje ka bërë që konsumatorët të kufizojnë blerjet e produkteve të veshjeve e këpucëve. /Monitor

  • Rënie alarmante në fasoneri, mijëra punonjës largohen nga tekstilet dhe këpucët, zbulohet arsyeja

    Rënie alarmante në fasoneri, mijëra punonjës largohen nga tekstilet dhe këpucët, zbulohet arsyeja

    Industria e tekstileve dhe këpucëve ka shkurtuar rreth 8% të punonjësve ndërmjet tremujorit të dytë 2024 dhe atij 2025, ndërsa në krahasim me 2023, industritë kanë “humbur” gati një të pestën e fuqisë punëtore, referojnë të dhënat zyrtare të INSTAT.
    Indeksi i punësimit në fabrikat e veshjeve dhe tekstilit ra në 83.93 pikë, nga 92.31 pikë që ishte në tremujorin e dytë 2024. Kjo përfaqëson një rënie prej rreth 8.3 pikë % brenda një viti. Tendenca e rënies, e cila nisi që prej vitit 2023, vazhdon të përkeqësohet, duke treguar për thellim të krizës në këtë sektori.
    Në mënyrë të ngjashme indeksi i punësimit në fabrikat e këpucëve dhe lëkurëve ra me 7%, në nivelin më të ulët të regjistruar në këtë seri të dhënash, duke konfirmuar presionin e fortë mbi industrinë e prodhimit nga faktorët e brendshëm dhe të jashtëm.
    Indekset e punësimit po edhe të shitjeve tregojnë se industria fason është në një trajektore të fortë rënëse. Por sektori i lëkurës dhe këpucëve rezulton më i godituri. Fasoni kishte rënie të punonjësve me 22 për qind ndërmjet tremujorit të dytë 2023 dhe të dytit 2025 referojnë të dhënat zyrtare.
    Fabrikat e veshjeve dhe këpucëve kanë qenë kalorësi i eksporteve gjatë dekadës së fundit por roli i tyre u zbeh pas pandemisë. Gjithashtu ato ishin një punëdhënës i rëndësishëm në punën me pagesë për gratë ne nevoja të mëdha financiare.
    Arsyet pse sektori po tkurret lidhet me një kombinim faktorësh të brendshëm dhe të jashtëm. Rritja e pagave minimale dhe e kontributeve të sigurimeve ka dhënë ndikim të drejtpërdrejt mbi bizneset prodhuese. Me marzhe të ulëta fitimi, çdo rritje e kostos ndikon menjëherë në uljen e konkurrueshmërisë në këto njësi prodhimi. Rënia e euros pati gjithashtu ndikim të fortë pasi solli një seri falimentesh në njësite e vogla dhe të mesme që punonin si nënkontraktorë të fabrikave me të mëdha.
    Në sektorin e veshjeve dhe këpucëve Shqipëria konkurron kryesisht në segmentin e prodhimit me kosto të ulët, por vende si Turqia, Maroku apo edhe Azia Juglindore ofrojnë çmime më të leverdishme për kompanitë europiane. Kjo i ka shtyrë disa marka ndërkombëtare të zhvendosin kontratat drejt tregjeve më të mëdha e më të lira.
    Sektori shqiptar i tekstileve dhe këpucëve varet pothuajse tërësisht nga eksportet. Ngadalësimi i konsumit në vendet e BE-së sidomos në Itali dhe Gjermani, që janë partnerët kryesorë ka sjellë tkurrje të porosive. Inflacioni i lartë në këto tregje ka bërë që konsumatorët të kufizojnë blerjet e produkteve të veshjeve e këpucëve./Monitor

  • Tekstilet e këpucët në krizë, punësimi në fason ra me një të pestën nga 2023 – 2025

    Tekstilet e këpucët në krizë, punësimi në fason ra me një të pestën nga 2023 – 2025

    Industria e tekstileve dhe këpucëve ka shkurtuar rreth 8% të punonjësve ndërmjet tremujorit të dytë 2024 dhe atij 2025, ndërsa në krahasim me 2023, industritë kanë “humbur” gati një të pestën e fuqisë punëtore, referojnë të dhënat zyrtare të INSTAT.Indeksi i punësimit në fabrikat e veshjeve dhe tekstilit ra në 83.93 pikë, nga 92.31 pikë që ishte në tremujorin e dytë 2024. Kjo përfaqëson një rënie prej rreth 8.3 pikë % brenda një viti. Tendenca e rënies, e cila nisi që prej vitit 2023, vazhdon të përkeqësohet, duke treguar për thellim të krizës në këtë sektori.Në mënyrë të ngjashme indeksi i punësimit në fabrikat e këpucëve dhe lëkurëve ra me 7%, në nivelin më të ulët të regjistruar në këtë seri të dhënash, duke konfirmuar presionin e fortë mbi industrinë e prodhimit nga faktorët e brendshëm dhe të jashtëm.Indekset e punësimit po edhe të shitjeve tregojnë se industria fason është në një trajektore të fortë rënëse. Por sektori i lëkurës dhe këpucëve rezulton më i godituri. Fasoni kishte rënie të punonjësve me 22 për qind ndërmjet tremujorit të dytë 2023 dhe të dytit 2025 referojnë të dhënat zyrtare.Fabrikat e veshjeve dhe këpucëve kanë qenë kalorësi i eksporteve gjatë dekadës së fundit por roli i tyre u zbeh pas pandemisë. Gjithashtu ato ishin një punëdhënës i rëndësishëm në punën me pagesë për gratë ne nevoja të mëdha financiare.Arsyet pse sektori po tkurret lidhet me një kombinim faktorësh të brendshëm dhe të jashtëm. Rritja e pagave minimale dhe e kontributeve të sigurimeve ka dhënë ndikim të drejtpërdrejt mbi bizneset prodhuese. Me marzhe të ulëta fitimi, çdo rritje e kostos ndikon menjëherë në uljen e konkurrueshmërisë në këto njësi prodhimi. Rënia e euros pati gjithashtu ndikim të fortë pasi solli një seri falimentesh në njësite e vogla dhe të mesme që punonin si nënkontraktorë të fabrikave me të mëdha.Në sektorin e veshjeve dhe këpucëve Shqipëria konkurron kryesisht në segmentin e prodhimit me kosto të ulët, por vende si Turqia, Maroku apo edhe Azia Juglindore ofrojnë çmime më të leverdishme për kompanitë europiane. Kjo i ka shtyrë disa marka ndërkombëtare të zhvendosin kontratat drejt tregjeve më të mëdha e më të lira.Sektori shqiptar i tekstileve dhe këpucëve varet pothuajse tërësisht nga eksportet. Ngadalësimi i konsumit në vendet e BE-së sidomos në Itali dhe Gjermani, që janë partnerët kryesorë ka sjellë tkurrje të porosive. Inflacioni i lartë në këto tregje ka bërë që konsumatorët të kufizojnë blerjet e produkteve të veshjeve e këpucëve.Burimi: INSTATKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.