Lajmidites.com

Tag: sekonda

  • Vuelta e Spanjës/ Etapa ekipore fitohet nga UAE, Vingegard fanella e kuqe

    Vuelta e Spanjës/ Etapa ekipore fitohet nga UAE, Vingegard fanella e kuqe

    La Vuelta 2025, Etapa e 5-të Figueres – Figueres

    Pas startit me tre etapa në Itali më pas një e tillë në Francë, La Vuelta 25 ishte në Katalonjë për etapën 5.

    Në etapën e sotme të Vuelta të Spanjës ekipi çilistik i Emirateve të Bashkuara Arabe, i udhëhequr nga Joao Almeida dhe Juan Ayuso, fitoi garën ekipore në Figueres (24.1 km), përpara Visma | Lease a Bike (+00’08”) dhe Lidl-Trek (+00’09”). Renditja e përgjithshme, siç pritej, ndryshoi përsëri: Jonas Vingegaard u rikthye për të veshur fanellën e kuqe, përpara Juan Ayuso (00’08”).

    Përmbledhja:

    Etapa e parë e La Vuelta 25 e mbajtur në tokën spanjolle ndryshoi përsëri renditjen e përgjithshme, pasi danezi Jonas Vingegaard rimori La Roja (fanella e kuqe) falë performancës kolektive të Visma-Lease a Bike në Figueres. Megjithatë, skuadra holandeze u detyrua të kënaqej me vendin e dytë duke përfunduar 8 sekonda pas ekipit Emiratet e Bashkuara Arabe të Juan Ayuso dhe Joao Almeida, të cilët mesatarisht patën 56.8 km/orë për të fituar etapën.

    Yjet spanjollë dhe portugezë tani janë ndjekësit më të afërt të Vingegaard në renditjen e përgjithshme, së bashku me shokun e tyre të skuadrës Marc Soler (+8 sekonda). Lidl-Trek ishte skuadra e tretë më e shpejtë atë ditë, dhe lideri i tyre italian Giulio Ciccone kompleton 5 vendet e para të GC, 9 sekonda pas Vingegaard, i cili merr fanellën e tij të 30-të të liderit të Grand Tour (27 Maillot Jaune, 3 La Roja).

    Ndërkaq fanella e kuqe deri sot David Gaudu, përfundoi i 9-ti (+24 sekonda) me Groupama-FDJ.

    Vazhdo leximin

  • Shkruhet “historia” në ndeshjen e Premier League! Portieri mban topin më shumë se 8 sekonda, goditje këndi për kundërshtarin

    Shkruhet “historia” në ndeshjen e Premier League! Portieri mban topin më shumë se 8 sekonda, goditje këndi për kundërshtarin

    16 Gusht 2025

    16:46

    Telesport

    Tottenham është duke fituar në shtëpi 1-0 ndaj Burnley, në ndeshjen e parë për të dy ekipet për sezonin e ri. Vendasit gjetën avantazhin, me Richarlison, i cili shënoi pas një aksioni të bukur.
    Por, para se të vinte goli, në minutën e 4-të, u zbatua rregulli i ri për herë të parë në Premier League. Nësë portieri mban topin më shumë se 8 sekonda, jepet goditje këndi për kundërshtarin.
    Portieri i Burnley-t, Martin Dubravka, e mbajti topin për më shumë se 8 sekonda dhe arbitri dha goditje këndi për Tottenham. Rregulli i ri i vendosur për këtë sezon, aplikohet që në javën e parë.
    Përsa i përket sulmuesit të Kombëtares tonë, Armando Broja, ai nuk është rumbulluar fare për takimin e sotëm.

  • Përmirësoni shëndetin tuaj vetëm në 1 minutë! Ushtrimi që do t’ju ndihmojë

    Përmirësoni shëndetin tuaj vetëm në 1 minutë! Ushtrimi që do t’ju ndihmojë

    Në një botë ku koha është e çmuar dhe mbingarkesa me informacion shpesh çon në konfuzion rreth asaj që është “e mirë” për trupin tonë, një formë ushtrimi po fiton vazhdimisht terren: vrapimi shumë i shpejtë.

    Tingëllon e thjeshtë: “Vrapo sa më shpejt të mundesh për disa sekonda.” Stërvitja me sprint është një nga praktikat më efektive për përmirësimin e shëndetit të përgjithshëm. Dhe pjesa më e mirë? Nuk ke pse të vraposh çdo ditë.
    Përfitimet e provuara shkencërisht

    Vrapimi i shpejtë përfshin intervale të shkurtra përpjekjesh intensive, nga 15 sekonda në një minutë, të ndjekura nga pushim.
    Vrapimi me shpejtësi ka treguar se rrit VO₂ max, sasinë maksimale të oksigjenit që trupi mund të konsumojë gjatë ushtrimeve intensive.
    Në një studim të vitit 2016, gratë që vraponin me shpejtësi vetëm katër minuta në javë për 12 javë përjetuan një rritje më të madhe të VO₂ max sesa burrat që ndoqën të njëjtin protokoll, sipas National Geographic.
    Vrapimi me shpejtësi gjithashtu forcon:
    – Shëndetin e zemrës
    – Rregullimin e presionit të gjakut dhe kolesterolit
    – Aktivizimin e fibrave muskulore të tipit II (me tkurrje të shpejtë), të cilat janë kritike për forcën dhe shpejtësinë, por ulen me moshën
    – Dendësia e kockave, veçanërisht në zona të tilla si shtylla kurrizore, ijet dhe kofshët, diçka që çiklizmi nuk e ofron
    – Shëndeti kognitiv, duke ndihmuar në ngadalësimin e gjendjeve neurodegjenerative, siç është sëmundja e Alzheimerit
    A mund të ndihmojë vrapimi me shpejtësi në humbjen e yndyrës dhe shtimin e masës muskulore?
    Edhe pse nuk është një “zgjidhje magjike”, vrapimi shumë i shpejtë:
    – Rrit metabolizmin dhe djegien e dhjamit pas stërvitjes
    – Ruan dhe forcon masën muskulore, veçanërisht tek fillestarët
    Për më tepër, një studim i vitit 2009 tregoi se gratë kanë përqendrime më të larta të hormonit të rritjes pas vrapimit me shpejtësi të lartë, gjë që mund të çojë në rritje më të madhe të muskujve krahasuar me burrat
    Si ta përfshish vrapimin me shpejtësi në stërvitjen tënde
    Vrapimi me shpejtësi duket i thjeshtë, por kërkon përgatitje. Dr. Ken Clark, shpjegon: “Askush nuk dëshiron të ngrihet nga divani dhe të fillojë të vrapojë me shpejtësi që ditën e parë.”
    Hapat janë të thjeshtë:
    – Së pari, zhvilloni aftësi bazë fizike (ecje ose vrapim i lehtë)
    – Filloni me dy herë në javë dhe maksimumi tre
    – Vraponi javët e para me 70–80% të aftësisë suaj
    – Rriteni pas 3 javësh në 90–95%
    – Vraponi shpejt për 10 deri në 30 sekonda
    – Ngrohuni me 5 deri në 10 minuta ecje ose vrapim të lehtë dhe shtrirje dinamike
    – Vishni këpucë sportive të përshtatshme
    Vrapimi i shpejtë, pavarësisht kohëzgjatjes së tij të shkurtër, ka përfitime afatgjata që prekin çdo aspekt të shëndetit tonë, nga forcimi kardiorespirator dhe muskuloskeletal, deri te përmirësimi njohës.
    Nuk është e thënë të jesh atlet për ta provuar. Me udhëzimin e duhur, përfshirjen graduale dhe larminë në stërvitje, mund të bëhet një “aleat” i vlefshëm në udhëtimin tuaj drejt një gjendjeje më të mirë fizike dhe mirëqenieje.

  • Vetëm përqafomë, sepse sot… kam shumë nevojë për ty

    Vetëm përqafomë, sepse sot… kam shumë nevojë për ty

    Përqafomë… tregim nga Arturo Huerta

    Përqafomë! Lëri krahët e tu të ma heqin të ftohtin, lërmë të dëgjoj rrahjet e zemrës tënde! Përqafomë që të më iki frika, që ngrohtësia e trupit tënd t’i jap forcë qenies time të dobët!Përqafomë! Vetëm një çast, vetëm për disa sekonda, se ashtu iluzionet e mia do të gjejnë strehë te shpirti yt, se ashtu dashuria ime nuk do të ndihet e humbur, se ashtu do të kem arsye ta mbush qenien time me gëzim.Përqafomë, me përqafimin tënd të ngrohtë, të madh, dhe do ta ndjej se koha ka ndaluar për disa sekonda, sekonda ku do të jemi të përjetshëm, ku e qara ndalet, ku sytë shkëlqejnë nga lumturia, ku lodhja e pritjes zhduket.Përqafomë me vrullin e shpirtrave tanë dhe zemrave tona, ku një frymëmarrje të jetë jeta jonë, ku një fërtymë të jetë mirëpritja që buzët tona do t’i bëjnë njëri-tjetrit, përqafomë!… Vetëm përqafomë! Përqafomë dhe ta dish se, me të ndjerë praninë tënde, do të jem shumë e sigurt, sepse duke të ndjerë aq pranë, do të të njoh vërtet! Përqafomë, se dua të të ndiej afër, shumë afër!Përqafomë! Vetëm përqafomë, sepse sot… kam shumë nevojë për ty!Përqafomë!Në shqip: Bajram Karabolli

    Bajram Karabolli

    ObserverKult

    ————————–

    Lexo edhe:

    RRAHMAN DEDAJ: SONTE MUND TË MË LËSH VETËM E T’IKËSH…

  • Etapë spektakolare, francezi Valentin Paret- Pientre fitues

    Etapë spektakolare, francezi Valentin Paret- Pientre fitues

    Dy kampionë të mëdhenj i pari dhe i dyti në klasifikimin e përgjithshëm të Tor de France,Tadej Pogaçar e Jonas Vingegaard, spektakolarë në betejen mes tyre

    Etapa e 16-të e Tour De France një garë e jashtëzakonshme me intenerarin Montempje-Mont Ventoux. Ndoshta më spektakolaria e këtij edicioni mbi biçikletë e kamionëve të shumtë në turin më të të ndjekur në planet.

    Në majë të ‘piramindes ngjitet një francez si Valentin Paret- Pientre i cili fitoi këtë etapë të spektakolare Çiklisti vendas i Soudal-Quick-Step mposhti në vijën e finishit në Mont Ventoux Ben Healy (EF Education-EasyPost). Vendi i tretë i shkoi Santiago Buitrago (Bahrein-Victorious) përpara Ilan Van Wilder (Soudal).

    Ndërkaq beteja për fanellën e verdhë midis Jonas Vingegard dhe Tadej Pogaçar vazhdoi e ndezur dei në sekondat e fundit. Danezi nga Visma|Lease a Bike u përpoq tre herë të shkëputej kampionit në fiqi dhe kryesuesit të turit, Pogaçar por slloveni në asnjë çast nuk e “hëngri” strategjinë e skuadrës së danezit madje duke e sulmuar në metrat e fundit për të fituar dhe 2 sekonda e dërguar në 4′ minuta e 15″ sekonda diferencën pas 16 etapash.

    Ishte gjithashtu një ditë e shkëlqyer për Matteo Jorgenson, Enric Mas, Kevin Vauquelin dhe Tobias Halland Johannessen, të gjithë duke përfunduar me të njëjtën kohë si fituesi. Ben O’Connor, i cili u rrëzua në pesë kilometrat e fundit, pati gjithashtu të njëjtën kohë. Australiani tani do të duhet të vlerësojë pasojat fizike të rënies së tij.

    Shumë liderë mbetën prapa në garë: Më të ”viktimizuarit’ ishin Primoz Rogliç dhe Remco Evenepoel. João Almeida, Mattias Skjelmose, Emmanuel Buchmann, Carlos Rodriguez, Santiago Buitrago, Oscar Onley, Felix Gall, Florian Lipowitz, Lennert Van Eetvelt, Guillaume Martin dhe Geraint Thomas humbën gjithashtu 39 sekonda në vijën e finishit.

    Klasifikimi i etapes së sotme, 10 vendet e para:

    Vazhdo leximin

  • Tragjedia e Air India, ja kush i fiku motorët tre sekonda pas ngritjes, debati mes kapitenit dhe pilotit

    Tragjedia e Air India, ja kush i fiku motorët tre sekonda pas ngritjes, debati mes kapitenit dhe pilotit

    Tre sekonda pas ngritjes së fluturimit 171 të Air India, kapiteni Sumeet Sabharwal ngriti dorën e djathtë, e zhvendosi atë te dy leva në kabinën qendrore të Boeing 787 dhe ndërpreu rrjedhën e karburantit së pari në motorin e majtë dhe pastaj në motorin e djathtë.
    Në atë fazë delikate, me gjithë vëmendjen e përqendruar në ngritjen e avionit sa më lart të ishte e mundur, Oficeri i Parë Clive Kunder, piloti përgjegjës për operacionet kryesore në atë kohë, nuk mund të bënte asgjë. Duart e tij ishin të zëna duke menaxhuar avionin. Në këtë përfundim ka arritur një raport i Wall Street Journal, transmetuar nga Corriere della sera.
    Aksidenti vdekjeprurës ka ripërtërirë një debat dekadash të vjetër në industrinë e aviacionit mbi instalimin e kamerave video që monitorojnë veprimet e pilotëve të linjave ajrore për të plotësuar regjistruesit e zërit në kabinën e pilotëve dhe të të dhënave të fluturimit që përdoren tashmë nga hetuesit e aksidenteve.
    Tingulli i dallueshëm
    Nëse nuk e shihte, Kunderi me siguri e ndjeu se komandanti, i cili vepronte si pilot monitorues, i kishte ndërruar çelësat nga “Run” në “Cutoff”: tingulli i prodhuar nga lëvizja lart-poshtë është i pagabueshëm. Dhe ndërsa motorët filluan të humbnin fuqinë, siç është regjistruar edhe nga audioja nga njëra prej kutive të zeza, filloi debati, me Kunderin që pyeste vazhdimisht “Pse e bëre këtë?”, me një zë gjithnjë e më të dëshpëruar, dhe Sabharëalin që përpiqej ta mohonte atë për disa sekonda, siç u zbulua ekskluzivisht nga Corriere della sera dy ditë më parë. Oficeri i parë më pas u përpoq ta shpëtonte situatën, duke i rindezur të dy motorët pas 10 dhe 14 sekondash. Por ishte tepër vonë.
    Pikat tani janë sqaruar
    Ëall Street Journal ka konfirmuar detajet, duke cituar zyrtarë amerikanë të njohur me skedarët audio. Jennifer Homendy, kreu i NTSB-së, organit hetimor amerikan që heton aksidentet e transportit, gjithashtu e dëgjoi materialin nga afër. Ky rindërtim, nga njëra anë, shfajëson plotësisht Boeing dhe GE Aerospace, përkatësisht prodhuesit e avionëve dhe motorëve. Por nga ana tjetër, ai hedh hije dyshimi mbi hetuesit indianë, të cilët e lanë jashtë këtë detaj nga raporti i tyre paraprak.
    Fluturimi
    Më 12 qershor, një Boeing 787 i Air India me 242 persona në bord u rrëzua 32 sekonda pas ngritjes nga Aeroporti i Ahmedabad. Ai po shkonte drejt Londrës Gatëick. Një total prej 260 personash vdiqën: 241 në bord (një pasagjer mbijetoi) dhe 19 në tokë, të cilët ishin brenda njërës prej ndërtesave në të cilën u rrëzua avioni. Raporti paraprak konfirmoi se tre sekonda pas ngritjes, çelësat që rregullonin rrjedhën e karburantit në motorë kaluan nga “Run” në “Cutoff”, pa shpjeguar se si.
    Ndërprerje vullnetare
    Njëri nga pilotët e ndërpreu qëllimisht rrjedhën e karburantit, duke i çaktivizuar motorët. Dhe kutitë e zeza lënë pak hapësirë për gabime në lidhje me përgjegjësinë: ishte komandanti Sabharëal ai që nisi sekuencën që çoi në rrëzim, duke hequr karburantin. Oficeri i Parë Kunder, fillimisht i befasuar nga lëvizja, më pas u panikua, duke e pyetur vazhdimisht eprorin e tij pse e kishte bërë këtë, ndërsa komandanti fillimisht e mohoi, por më pas heshtte.
    Kush ishin pilotët?
    Sabharëal, 56 vjeç, përshkruhet nga të gjithë, kolegë dhe fqinjë si një njeri i sjellshëm, i përkushtuar ndaj babait të tij të sëmurë, një ish-zyrtar i aviacionit civil në Indi. Ai nuk ka asnjë “të metë” profesionale, megjithëse një pilot indian zbuloi së fundmi se vuante nga depresioni. Kunder, 32 vjeç, ëndërronte të fluturonte që nga fëmijëria, pjesërisht falë nënës së tij, e cila punonte si asistente fluturimi për Air India.

  • “Pse i fikët motorët?!” Britmat para përplasjes së Air India zbulojnë një të vërtetë tronditëse

    “Pse i fikët motorët?!” Britmat para përplasjes së Air India zbulojnë një të vërtetë tronditëse

    Pak para rrëzimit të Boeing 787 të Air India, në kabinën e pilotit u zhvillua një “diskutim i nxehtë” mbi arsyen pse motorët ishin zbrazur nga karburanti në një fazë kritike, duke i çaktivizuar përfundimisht dhe duke shkaktuar rrëzimin e aeroplanit.

    Një pilot e pyeti vazhdimisht tjetrin: “Pse i fikët?”, me një ton “dramatik dhe gjithnjë e më të dëshpëruar”. Ky është një nga detajet më domethënëse që del nga dëgjimi i skedarëve audio nga kutia e zezë, sipas asaj që i thanë Corriere dy burime perëndimore të njohura me përmbajtjen.
    Të njëjtat burime theksojnë se raporti paraprak – i përgatitur nga autoritetet indiane – e ka lënë jashtë plotësisht këtë pasazh, i konsideruar thelbësor për të kuptuar se çfarë ndodhi në bord. Ata gjithashtu kritikojnë vendimin për ta reduktuar në një rresht e gjysmë – nga 15 faqe – shkëmbimin midis kapitenit dhe oficerit të parë mbi arsyen pse motorët u fikën “kur biseda vazhdoi për disa sekonda dhe një pilot pyeti disa herë ‘Pse i fikët?’”, zbulojnë ata.
    Fluturimi AI171 i Air India u rrëzua në periferi të Ahmedabadit afërsisht tridhjetë sekonda pas ngritjes. Avioni po shkonte drejt Londrës Gatwick. Aeroplani – që mbante 242 persona – pati probleme me motorin menjëherë. Përplasja vrau 260 persona: 241 pasagjerë (vetëm njëri mbijetoi) dhe anëtarë të ekuipazhit, dhe 19 të tjerë që ishin në mensën e universitetit në të cilën u rrëzua avioni (në vend të 29 siç u raportua ditët e fundit).
    Gjithçka në bord ndodhi shpejt, konfirmon raporti paraprak. Tre sekonda pas ngritjes, çelësat që kontrollonin rrjedhën e karburantit lëvizën njëri pas tjetrit nga “Run” në “Cut Off”. Dokumenti nuk sqaron se si lëvizën ato. Burimet besojnë se ishte një “veprim njerëzor” i qëllimshëm. Byroja Indiane e Hetimit të Aksidenteve të Avionëve – përgjegjëse për hetimin – nuk iu përgjigj pyetjeve nga Corriere.
    Raporti nuk thotë nëse kapiteni e pyeti oficerin e parë nëse i kishte fikur motorët apo anasjelltas. Sipas burimeve, skedarët audio të dëgjuar janë në duart e autoriteteve indiane, të cilët e dinë, bazuar në katër “pistat” audio, se kush tha çfarë. Por pyetja – “e drejtpërdrejtë, jo e dyshimtë” – sugjeron se njëri nga pilotët mund të ketë parë diçka. Kutia e zezë regjistron ato që përshkruhen si britma dhe pyetjet e vazhdueshme “Pse e bëtë këtë?”, të ndjekura nga “Nuk isha unë”. Diskutimi dhe surpriza e tronditja e përzier mund të shpjegojnë pse u deshën disa sekonda që rrjedha e vajgurit të rikthehej në të dy motorët. Rreth dhjetë sekonda më vonë, ata në kabinën e pilotit riaktivizuan rrjedhën e vajgurit në Motorin 1 (atë në të majtë) dhe katër sekonda më vonë në Motorin 2. Kjo sekuencë e bën të pamundur të konfirmohet nëse ishte kapiteni ai që u përpoq ta shpëtonte situatën, më kot, apo oficeri i parë. As nuk është e qartë se cili nga të dy dha “alarmin e rrezikut” të trefishtë gjashtë sekonda para rrëzimit.
    Raporti i autoriteteve indiane përmban disa pasazhe të kritikuara nga perëndimorët, duke shpjeguar se ato “fusin elementë konfuzë”. Siç është referenca ndaj një buletini informacioni të vitit 2018 nga Administrata Federale e Aviacionit të SHBA-së (FAA) në lidhje me një “çaktivizim të mundshëm të bllokimit të çelësit të kontrollit të karburantit”, i cili, megjithatë, nuk përbënte një “gjendje të rrezikshme” të mjaftueshme për të justifikuar një veprim më të rëndë. Air India ka zëvendësuar dy herë të gjithë konsolën qendrore ku ndodhen dy çelësat që nga viti 2018.
    Hetuesit, në raportin e tyre paraprak, shkruajnë se deri më tani nuk kanë gjetur prova që kërkojnë riparime në motorët e avionëve Boeing ose GE Aerospace. Por kjo mjaftoi për të ngritur alarmin. Në fakt, vetë FAA kohët e fundit u komunikoi homologëve të saj ndërkombëtarë se dy çelësat “nuk paraqesin problem sigurie”. Rregullatori i aviacionit të Indisë u ka urdhëruar linjave ajrore lokale të inspektojnë çelësat në 787 (avioni i përfshirë) dhe 737 “për të verifikuar çdo mosfunksionim në mekanizmin e kyçjes”. Air India tashmë ka filluar t’i kontrollojë ato, por ende nuk ka gjetur ndonjë problem.
    Disa linja ajrore të Lindjes së Mesme kanë filluar gjithashtu inspektimin e flotave të tyre të avionëve Boeing. Oman Air ka përfunduar kontrollet e çelësave të karburantit në rreth një duzinë avionësh Boeing 787 dhe tani po inspekton flotën e saj të avionëve Boeing 737, duke mos gjetur probleme. Royal Jordanian ka përfunduar një inspektim vizual të levave të avionëve Boeing 787, duke mos identifikuar gjithashtu probleme. Agjencia Evropiane e Sigurisë së Aviacionit (EASA) ka deklaruar se nuk ka planifikuar aktualisht inspektime të detyrueshme për modelin Boeing 787.

    Top Channel

  • Sa sekonda mund të qëndroni në një këmbë? Testi që zbulon rrezikun për tru dhe demencë

    Sa sekonda mund të qëndroni në një këmbë? Testi që zbulon rrezikun për tru dhe demencë

    Një ushtrim i vogël një paralajmërim i madh: stabiliteti juaj mund të zbulojë sa të fortë jeni kundër plakjes, sulmit në tru dhe humbjes së kujtesës.

    Një hulumtim i publikuar në revistën shkencore Stroke, ka zbuluar se personat që nuk mund të mbajnë ekuilibrin në një këmbë për më shumë se 20 sekonda kanë një rrezik dukshëm më të lartë për të pasur infarkte të heshtura cerebrale, gjakrrjedhje shumë të vogla në tru që zakonisht kalojnë pa simptoma të menjëhershme, por rrisin ndjeshëm rrezikun për sulm cerebral madhor dhe demencë në të ardhmen. 

    Në këtë studim, individët me kohë më të shkurtër qëndrimi kishin një prevalencë më të lartë të dëmtimeve të vogla të enëve të gjakut në tru, të cilat mund të ndikojnë në funksionin njohës dhe koordinimin e lëvizjeve.

    Sa duhet të zgjasë?

    Ekspertët sugjerojnë se:

    Në moshën 70-vjeçare, një person mesatarisht i shëndetshëm duhet të jetë në gjendje të qëndrojë rreth 20 sekonda në një këmbë.

    Në moshën 80-vjeçare, mesatarja zbret në rreth 9 sekonda.

    Personat 40–60 vjeç duhet të arrijnë të qëndrojnë të paktën një minutë, sipas profesorit të mjekësisë sportive John Brewer.

    Sipas tij, ky test nuk mat vetëm balancën, por është një tregues i forcës së muskujve, stabilitetit të kyçeve dhe shëndetit të ligamenteve që mbështesin gjunjët dhe nyjat. Për më tepër, qëndrueshmëria lidhet edhe me funksionin vestibular (ekuilibri), shëndetin e nervave dhe funksionin e përgjithshëm neuromuskular.

    Pse është kaq i rëndësishëm?

    Balanca e dobët shpesh lidhet me rrezik më të lartë për rrëzime, fraktura dhe pasoja serioze, veçanërisht në moshë të shtyrë.

    Testi i qëndrimit në një këmbë përdoret si pjesë e vlerësimeve klinike të shëndetit të trurit, sidomos për të identifikuar rrezikun e goditjeve cerebrale “të heshtura”.

    Dëmtimet mikro-vaskulare cerebrale (që nuk japin simptoma menjëherë) mund të grumbullohen me kalimin e viteve dhe të ndikojnë në kujtesë, përqendrim dhe orientim hapësinor.

    Si ta përmirësoni?

    Nëse nuk mund të qëndroni aq sa rekomandohet për moshën tuaj, është një sinjal që duhet të forconi:

    ▪ Muskujt e këmbëve (stërvitje të lehta rezistence, ushtrime për gjunjët).

    ▪ Koordinimin dhe balancën (ushtrime yoga, tai chi).

    ▪ Forcën e bërthamës trupore (core strength) – një trup i fortë në pjesën e barkut dhe shpinës ndihmon shumë në stabilitet.

    ▪ Shëndetin kardiovaskular – aktiviteti fizik i rregullt dhe një dietë e pasur me antioksidantë dhe omega-3 ruajnë elasticitetin e enëve të gjakut.

    Kur duhet të kërkoni ndihmë mjekësore?

    Nëse vëreni se keni humbje të balancës pa shkak, mpirje, marramendje të vazhdueshme apo çrregullime të shikimit, duhet të këshilloheni menjëherë me një mjek. Këto mund të jenë shenja të hershme të një çrregullimi neurologjik që kërkon trajtim të specializuar.

    Pra, herën tjetër që qëndroni në një këmbë, mos mendoni se është vetëm një lojë ekuilibri, është një dritare drejt trurit dhe të ardhmes suaj! 

  • Rregulli i ri që do të ndryshojë futbollin zbatohet në Botërorin e klubeve, 8 sekonda për portierin të gjuaj topin ose jepet goditje nga këndi 

    Rregulli i ri që do të ndryshojë futbollin zbatohet në Botërorin e klubeve, 8 sekonda për portierin të gjuaj topin ose jepet goditje nga këndi 

    Në futboll përfshihen shumë para, prandaj drejtuesit e futbollit po provojnë në çdo mënyrë që ta bëjë sa më të drejtë dhe emocionuese të jetë e mundur, në mënyrë që të mos humbasë popullaritetin dhe interesin. Një nga problemet më urgjente në lojën e futbollit është vonesa dhe vjedhja e kohës. Megjithatë, me rregullin e ri, kjo nuk do të jetë më kështu.
    Në fakt, nga kjo verë, rregulli i tetë sekondave do të zbatohet në të gjitha garat. Portieri do të ketë aq kohë për të gjuajtur topin, nëse kjo nuk ndodh, një goditje nga këndi do t’i jepet ekipit kundërshtar. Gjatë viteve, kemi qenë dëshmitarë se vetëm dërgimi i topit nga portieri në mesufushë mund të vjedhë për rreth 30 sekonda, që është kohë e mjaftueshme për të organizuar një sulm serioz.
    Tani FIFA ka vendosur t’i japë fund kësaj, gjë që u konfirmua nga Collina, duke e përshkruar të gjithën si një lajm të mirë për futbollin. “Ky është inovacioni më i rëndësishëm, një që synon vërtet eliminimin e humbjes së kohës. Do të zbatohet në të gjitha garat e futbollit duke filluar nga kjo verë”, tha italiani për AS, duke shtuar:
    “Është përdorur tashmë në Copa Libertadores dhe Sudamericana dhe funksionoi shumë mirë. Nëse portierët e dinë se do të akordohet një goditje nga këndi, atëherë ata nuk do të rrezikojnë.
    Në fakt, në 160 ndeshjet e para të Libertadores dhe Sudamericana, rregulli është zbatuar vetëm dy herë. Ai siguron që portierët nuk do të kenë nevojë për 15, 20 ose 25 sekonda për të goditur topin. Ky është një lajm i mirë për futbollin”, tha ai. /Elio Hajdari-Sport Ekspres/ 

  • Bëjeni dhe shihni ndryshimin! Çfarë është rregulli 60-sekondësh për lëkurën?

    Bëjeni dhe shihni ndryshimin! Çfarë është rregulli 60-sekondësh për lëkurën?

    Larësi, hidratuesi, kremi i diellit dhe produktet shtesë, si vitamina C, retinoli, niacinamidet etj., ndikojnë te shëndeti i lëkurës. Megjithatë ndodh që pavarësisht se keni një gamë të gjerë produktesh, nga linja të besuara dhe të përshtatura për lëkurën tuaj, sërish të mos jeni të kënaqur me gjendjen e saj. Ndoshta diçka po e bëni gabim. Çfarë?

    Koha e larjes! Po, sado e çuditshme të tingëllojë, koha e larjes së fytyrës ka rëndësi të madhe. Shumica e njerëzve shpenzojnë fare pak sekonda, gjë që është e gabuar sepse koha është e pamjaftueshme që përbërësit të veprojnë.

    Nayamka Roberts-Smith nga LaBeautyologist, e cila ka bashkëpunuar me Allure, Pop Sugar, Cosmopolitan, Glamour, Self Magazine etj., sugjeron rregullin #60sekonda.

    “Pastrimi i fytyrës (me duar) për 60 sekonda lejon përbërësit pastrues që të funksionojnë me të vërtetë. Shumica e njerëzve e pastrojnë fytyrën për maksimumi 15 sekonda. Metoja #60sekonda zbut lëkurën, pastron poret. Tekstura dhe çdo gjë tjetër në përgjithësi përmirësohet.” – ka shpjeguar ajo në një postim në Twitter.

    Kështu pra, që sot e tutje: Larja e fytyrës zgjat 1 minutë.