Tag: secili

Kryedemokrati Sali Berisha theksoi në foltoren në Mirditë, se PD mbetet një forcë politike e hapur, ku çdo anëtar ka të drejtë të shprehë mendimin dhe kritikën lirisht brenda forumeve.

Ai u ndal te sfidat demokratike të vendit, duke argumentuar se rotacioni i pushtetit në Shqipëri pengohet nga krimi, presioni dhe mekanizmat shtypës të regjimit aktual. Berisha përsëriti akuzat për “narkoshtetin”, duke theksuar se telegramet e fundit nga SHBA që flasin për luftën kundër kartelëve dhe bashkëpunëtorëve të tyre, sipas tij, përfshijnë edhe Edi Ramën. Ai bëri thirrje që PD, pas betejës për mbijetesën e vet, të udhëheqë betejën për demokracinë, familjen dhe shpëtimin e vendit, duke kërkuar angazhim më të madh, diskutim të hapur dhe përmirësim të proceseve të brendshme si listat zgjedhore. Berisha paralajmëroi gjithashtu se Shqipëria rrezikon shpopullim të thellë dhe se duhet një politikë urgjente për ta ndalur këtë trend, ndërsa garantoi se PD do të mbetet parti e fjalës së lirë dhe e normave demokratike.

Pjesë nga fjala e Sali Berishës: 

I dëgjojmë me të drejtë thonë, po si s’ngrihen shqiptarët? Ja si ngrihen rumunët. Po rumunët bëjnë zgjedhje mor zotërinj. Bëjnë zgjedhje të lira. Nuk i shtyp një regjim, nuk i shtypin bandat, krimi, dhuna. Pavarësisht nga problemet që kanë, po aty rotacioni nuk pengohet nga krimi. Nuk ushtrohet terror. 

A e dëgjuat ju si i thoshte ajo? Atij asgjë atij demokratit, atij deputetit demokrat, asgjë. Armikut të klasës, asgjë. Pra, ne kemi çdo të drejtë. Por ne kemi dhe do kemi mbështetje gjithnjë më të madhe. 
Do t’ju them këtu, këta miqtë e tij, dhe nuk kanë qenë të paktë, ishin të revoltuar me mua se flisja për narkoshtet. Flisja për narkoshtet. Po unë flisja për narkoshtet, se narkoshteti po na shkatërron. Po i largon shqiptarët nga Shqipëria, po i varfëron, po i mjeron, po i bën të gjitha. 
Çfarë po flisja unë? Por ama mos harroni. Se tre ditë më parë telegrami nga Shtëpia e Bardhë dhe Departamenti i Shtetit ishin; të luftojmë kartelët e drogës, organizatat kriminale, bashkëpunëtorët e tyre. Kush nuk e din se Edi Rama është bashkëpunëtor i tyre. 
Ndaj dhe le të vazhdojmë ne një përpjekje të madhe. Në qoftë se Partia Demokratike zhvilloi me sukses betejën për ekzistencën e saj, Partia Demokratike duhet të zhvillojë me sukses betejën për shpëtimin e demokracisë, shpëtimin e familjes, shpëtimin e Shqipërisë. 
Kjo kërkon të angazhohemi, secili prej nesh, në një debat të hapur, me propozime, me sugjerime. Partinë Demokratike mund ta forcojmë, mund ta ripërtwrijmw, mund ta konsolidojmë vetëm kur çdonjëri ta ketë, ta ketë çështje këtë, këtë problem. 
Janë propozimet tuaja, kritikat tuaja, sugjerimet tuaja, tërheqja e vlerave nga secili prej jush në këtë parti, ato që do e ngrenë këtë në lartësinë e përmbushjes së një misioni historik. E vetmja forcë politike në Europë që përmbysi dy diktatura dhe kjo do jetë Partia Demokratike. 
Ne jemi dhe do mbetemi parti e hapur, absolutisht parti e fjalës së lirë dhe e mendimit të lirë. Në këtë parti, çdo njeri do ketë të drejtë të kritikojë, të votojë kundër në vullnetin e tij të lirë. 
Por si çdo parti tjetër, është një parti me rregullat e miratuara bashkërisht. Dhe ato duhet të respektohen. Nuk mundet kurrë t’i imponohesh në atë mënyrë. 
E kam fjalën këtu, secili nga demokratët, çfarëdo gjëje që të ketë, duhet ta thotë pa asnjë ndrojtje, por brenda forumeve. Secili demokrat do ketë të drejtën të votojë për cilindo. Të votojë i lirë. 
Por secili demokrat e ka për detyrë që tani të mendojmë që atë proces që futëm, zbatuam së bashku, si ta përsosim? Si ta bëjmë më solid, më të drejtë? Si t’i bëjmë ato lista? Listat janë tuajat, nuk janë të Tiranës. S’mund të bëjë Tirana lista. Si t’i bëjmë këto lista më të besueshme nga secili prej nesh? 
Si tw afrojmë ne, çdo njeri prej nesh, një vajzë, një djalë, një burrë, një grua, me vlera, që e njeh. T’i thotë hajde, jemi në një betejë për të një rëndësie të jashtëzakonshme. 
Ne po shkojmë drejt shuarjes si komb në qoftë se nuk marrim masa urgjente.
Parlamenti po miraton buxhetin, asnjë fjalë për shpopullimin. 
Miq, duhet të vendosim sa më urgjente politikën e antishpopullimit, në mënyrë që të paktën pas 25 vitesh të kemi disa rezultate. 
Ndaj edhe njëherë, ju falënderoj shumë për këtë pritje. Ju ftoj të jepni mendime, ju garantoj se ju garantoj se normat demokratike, fjala e lirë, mendimi i lirë, do mbeten vlerat më të çmuara, sikundër interesi kombëtar, mbrojtja e familjes, mbrojtja e vlerave të demokracisë. Faleminderit shumë.