Seanca parlamentare ku po diskutohej projektbuxheti i vitit 2026 është shoqëruar me tensione dhe ndërprerje. Situata ka degraduar pas një incidenti që ka çuar në ndërprerjen e përkohshme të punimeve në seancën e planifikuar për diskutimet mbi projektbuxhetin 2026, duke shkaktuar debate procedurale.
Ligjvënësi demokrat, Arjan Ndoja kërkoi nga kreu i Kuvendit, Niko Peleshi që të mos kërcënojë me votimin e buxhetit, porse t’i përmbahet rregullores dhe procedurës parlamentare.
Duke iu referuar nenit 66 të rregullores, ai ka argumentuar se kryesia e Kuvendit i ka të gjitha instrumentet e nevojshme për të menaxhuar situatat e deputetëve që prishin rendin, por këto masa nuk duhet të çojnë në bllokimin e një diskutimi kaq të rëndësishëm, sa ai për buxhetin e shtetit.
“Një individ i vetëm nuk mund të prishë përpara gjithë shqiptarëve një seancë kaq të rëndësishme që është buxheti. Pse mos të vazhdojë seanca?”, deklaroi ai, duke shtuar se Partia Demokratike ka shprehur vullnetin për të diskutuar mbi buxhetin dhe seancës duhet t’i jepet mundësia të vijojë normalisht.
Realisht neni 49 i rregullores thotë që janë çështje të cilat kanë të bëjnë me procedurën edhe ato që kanë të bëjnë me zbatimin e rregullores. Unë ju kërkoj që në bazë të nenit 66 të rregullores, ju si kryetar kuvendi, meqenëse nuk ndodhemi përpara këtyre shkaqeve, që ta dëgjojnë dhe gjithë shqiptarët po dhe ne këtu. Ne lexojmë rregulloren, ndërkohë që të gjithë e dimë. Ti ke marrë të gjitha masat ndaj një deputeti i cili prish rendin, qetësinë, bën sjellje të pahijshme.
I ke të gjithë instrumentet ligjorë në rregullore. Për deri, vetëm një instrument s’ke, që të urdhërosh punonjësit e gardës që ta nxjerrin forcërisht. Për të mos ta lënë të hyjë më vonë kur merren masat, e ke, po jo tani. Atëherë, një individ i vetëm nuk mund të prishë përpara gjithë shqiptarëve një seancë kaq të rëndësishme që është buxheti. Pse mos të vazhdojë seanca? Vazhdojë seanca, të kemi mundësinë edhe ministrat kur u bëhen pyetje të mbajnë qëndrimin e tyre dhe ne të vazhdojmë seancën, po shtyhet kot domethënë.
Edhe kjo puna e procedurës ndodh për shkak se jo dikush do ardhur të trokasë njërin se si i flet apo jo. Flasim për buxhetin, është gjëja më e rëndësishme, të gjithë duan të flasin. Të paktën Partia Demokratike e ka vullnet të shprehur, do të flasë për buxhetin. Vazhdojmë seancën. Kaq. Neni 66-a thotë shprehimisht, ke raste vetëm kur ti largohesh nga salla dhe ndërpritet seanca. Por jo kërcënime, e kalojmë në votim, e kalojmë në votim. Pse është rasti për ta kaluar në votim? S’ke asnjë lloj rasti për ta kaluar në votim.
