Lajmidites.com

Tag: saranda

  • 1 i arrestuar për kanabis, 1 i proceduar për armë – VIDEO

    1 i arrestuar për kanabis, 1 i proceduar për armë – VIDEO

    1 i arrestuar për kanabis, 1 i proceduar për armë – VIDEO
     
    Policia Sarandë: Vijojnë kontrollet intensive në të gjithë qarkun, goditen dy raste të paligjshmërisë nga Komisariati i Policisë Sarandë.
    ✅ Sekuestrohet një sasi lënde narkotike cannabis, arrestohet 21-vjeçari që dyshohet se e shpërndante në doza, kryesisht në lokalet e natës.
    ✅ Sekuestrohet një armë sportive pa leje, procedohet penalisht poseduesi që e mbante me vete në automjet.
     

     
    Strukturat e Komisariatit të Policisë Sarandë, në zbatim të detyrave për garantimin e rendit dhe sigurisë, si dhe në kuadër të goditjes së veprimtarive të paligjshme, kanë intensifikuar kontrollet në të gjitha lagjet dhe akset hyrëse e dalëse të qytetit.
    Si rezultat i këtyre kontrolleve të shtuara, janë goditur dy raste të paligjshmërisë, konkretisht:
     
    Gjatë kontrolleve të ushtruara në lagjen nr. 1, shërbimet e Policisë arrestuan shtetasin F. Gj., 21 vjeç, banues në Sarandë, pasi gjatë kontrollit fizik iu gjet dhe iu sekuestrua një sasi lënde e dyshuar narkotike e llojit cannabis sativa. 21-vjeçari dyshohet se e ndante lëndën narkotike në doza për ta shitur, kryesisht në lokalet e natës në qytetin e Sarandës.
     

     
    Po në vijim të kontrolleve, shërbimet e Policisë ndaluan një automjet tip “Audi”, ku u konstatua se drejtuesi i tij, shtetasi A. H., 44 vjeç, banues në Sarandë, mbante në automjet një armë sportive të markës “Gamo”, pa lejen e organeve kompetente. Arma u sekuestrua në cilësinë e provës materiale dhe, në vijim të veprimeve, nisi procedimi penal në ngarkim të 44-vjeçarit.
     
    Materialet për të dy rastet iu referuan Prokurorisë për veprime të mëtejshme.
     
    Website Saranda Web
    Facebook Saranda Web
    Instagram saranda.web
    Youtube sarandaweb
    Tiktok saranda.web
    Pinterest sarandaweb
    in sarandaweb

  • Ardit Bido reagon ndaj deklaratës së Belerit: “Mos luani me identitetin e qytetarëve për fushatë”

    Ardit Bido reagon ndaj deklaratës së Belerit: “Mos luani me identitetin e qytetarëve për fushatë”

    Ardit Bido reagon ndaj deklaratës së Belerit: “Mos luani me identitetin e qytetarëve për fushatë”
     
    Kandidati për deputet i PS Ardit Bido, ka reaguar pas një deklarate të Fredi Belerit, ku ky i fundit u shpreh se “minoriteti grek në Himarë është i dëmtuar” për shkak të ndalimit të tij për të marrë pjesë në punimet e Kuvendit.
     

     
    Përmes një postimi në rrjetet sociale, Bido i drejtohet indirekt kryetarit të një partie të djathtë në vend, duke e pyetur nëse është e drejtë që drejtësia shqiptare të shihet si problem për minoritetin grek, vetëm sepse ajo ka ndërhyrë ndaj një individi të caktuar.
     
    “Që kur drejtësia shqiptare u bë problem për minoritetin? Apo vetëm kur prek aleatët e tu?”, shkruan ai, duke shtuar se përdorimi i çështjes së identitetit dhe përkatësisë etnike për qëllime elektorale është shqetësues.
     
    Bido ngre edhe një sërë pyetjesh mbi zonat që shpesh përmenden si pjesë e minoritetit grek, duke përmendur vende si Nivica, Shën Vasili, Lukova, Piqerasi, Borshi, Fterra, Dhërmiu e Palasa, dhe pyet nëse këto janë realisht zona me minoritet grek apo vetëm përdoren për qëllime elektorale.
    “Apo për interesa elektorale e bëni etninë me listë votimi?”, vijon ai.
     
    Sipas tij, nëse vazhdohet të luhet me identitetin e qytetarëve në këtë mënyrë, reagimi i tyre nuk do të vijë si “grekë” apo “shqiptarë”, por si qytetarë me dinjitet.
     
    Në fund të reagimit, Bido shprehet: “Ti merre lavdinë me Belerin, ne merremi me punën”, duke nënvizuar se angazhimi i tij është për një Parlament të shqiptarëve, pa dallime të nxitura politikisht.
     
    Website Saranda Web
    Facebook Saranda Web
    Instagram saranda.web
    Youtube sarandaweb
    Tiktok saranda.web
    Pinterest sarandaweb
    in sarandaweb

  • Kandidati Vasil Llajo intervistë në Opinion – VIDEO

    Kandidati Vasil Llajo intervistë në Opinion – VIDEO

    Kandidati Vasil Llajo intervistë në Opinion – VIDEO
     
    Vasil Llajo, mjek i njohur dhe kandidat për deputet i Partisë Socialiste në Qarkun Vlorë, ka qenë i ftuar në emisionin “Opinion”, ku ka dhënë një intervistë të thelluar për qëllimet dhe angazhimet e tij si kandidat në zonën e Sarandës. Gjatë intervistës, Llajo ka ndarë me publikun vizionin e tij për zhvillimin e rajonit dhe përmirësimin e kushteve të jetesës për qytetarët e Sarandës dhe të gjithë Qarkut Vlorë.
     

     
    Si mjek dhe profesionist i angazhuar në fushën e shëndetësisë, Llajo ka folur për rëndësinë e sistemit shëndetësor dhe për përpjekjet që ai do të bëjë për të siguruar shërbime më të mira dhe më të aksesueshme për qytetarët. Ai ka theksuar se një nga prioritetet e tij do të jetë përmirësimi i kushteve në spitalet dhe qendrat shëndetësore të zonës, si dhe ofrimi i mundësive për trajtim mjekësor të avancuar.
     
    Vasil Llajo gjithashtu ka folur për zhvillimin ekonomik të Sarandës dhe për mundësitë që ofron turizmi, një sektor që ka pasur një ndikim të madh në ekonominë e rajonit. Sipas tij, është e domosdoshme të krijohen kushte më të mira për bizneset lokale, për të rritur punësimin dhe për të promovuar turizmin përgjatë gjithë vitit, jo vetëm në sezonin veror. Ai ka premtuar se do të angazhohet për të zhvilluar infrastrukturën dhe për të mbështetur investimet që do të ndihmojnë në rritjen e cilësisë së jetesës në Sarandë dhe zonat përreth.
     
    VIDEO https://youtu.be/twTZSo-fQPM
     

     
    Një tjetër pikë e rëndësishme e intervistës ka qenë angazhimi i tij për luftën kundër korrupsionit dhe për forcimin e shtetit ligjor. Llajo ka theksuar se vetëm me një administratë transparente dhe të përgjegjshme mund të realizohet zhvillimi i qëndrueshëm i rajonit dhe i vendit.
     
    Website Saranda Web
    Facebook Saranda Web
    Instagram saranda.web
    Youtube sarandaweb
    Tiktok saranda.web
    Pinterest sarandaweb
    in sarandaweb

  • Ardit Bido nderon Dëshmorin Mitro Dhimertika në përvjetorin e pushtimit fashist

    Ardit Bido nderon Dëshmorin Mitro Dhimertika në përvjetorin e pushtimit fashist

    Ardit Bido nderon Dëshmorin Mitro Dhimertika në përvjetorin e pushtimit fashist: “Ka data që mbartin plagë, por edhe krenari të thellë”
     
    Në përvjetorin e 86-të të pushtimit fashist të Shqipërisë, më 7 Prill 1939, Ardit Bido zhvilloi një takim përkujtimor me Organizatën e Veteranëve dhe të Pasardhësve, duke përçuar mesazhe nderimi dhe reflektimi për sakrificat e brezave që luftuan për lirinë e vendit.
     

     
    “Sot pata nderin të takohesha me Organizatën e Veteranëve dhe të Pasardhësve, për të nderuar kujtimin e atyre që më 7 Prill 1939 i dolën përballë pushtuesit për të mbrojtur mëmëdhenë,” – u shpreh Bido.
     
    🕊️ Me veçanti u përkujtua Mitro Dhimertika, dëshmor nga fshati Nivicë i Sarandës, i cili mbahet mend si dëshmori i parë i qytetit që ra në mbrojtje të atdheut. Ai mbetet një simbol i përjetshëm i trimërisë shqiptare.
     
    “Ka data që mbartin plagë, por edhe krenari të thellë,” – theksoi Bido, duke shtuar se liria që gëzojmë sot është rezultat i qëndresës së atyre që nuk u tërhoqën as përballë flijimit.
     
    Ky takim shërbeu si një thirrje për të mos harruar rrënjët e historisë sonë dhe për të nderuar me respekt ata që dhanë gjithçka për Shqipërinë.
     
    Website Saranda Web
    Facebook Saranda Web
    Instagram saranda.web
    Youtube sarandaweb
    Tiktok saranda.web
    Pinterest sarandaweb
    in sarandaweb
     

  • Olti Çaçi jep lajmin e mirë: Saranda dhe Mentoni drejt binjakëzimit, hidhet hapi i parë për një partneritet mesdhetar

    Olti Çaçi jep lajmin e mirë: Saranda dhe Mentoni drejt binjakëzimit, hidhet hapi i parë për një partneritet mesdhetar

    Saranda dhe qyteti francez i Mentonit janë gjithnjë e më pranë krijimit të një partneriteti të qëndrueshëm dhe të frytshëm. Më 5 dhe 6 prill, në qytetin bregdetar të Mentonit, kryetari i Bashkisë Sarandë, Olti Çaçi, dhe homologu i tij francez, Yves Juhel, firmosën letrën e interesit për binjakëzimin e dy qyteteve.
    “Na bashkon Mesdheu, mënyra e veçantë e jetesës dhe dashuria për agrumet – limoni për Mentonin, mandarina për Sarandën,” u shpreh Çaçi, duke theksuar lidhjen e natyrshme mes dy qyteteve.
    Ky binjakëzim synon të forcojë bashkëpunimin institucional, të nxisë shkëmbimet kulturore dhe të ndërtojë ura miqësie mes qytetarëve.
    Kryebashkiaku sarandiot falënderoi në mënyrë të veçantë zëvendëskryetarin e Bashkisë së Mentonit, Jean-Claude Alarcon, për mbështetjen e vazhdueshme të kësaj nisme, si dhe ambasadorin e Shqipërisë në Francë, z. Dritan Tola, së bashku me përfaqësues të Ambasadës që kanë luajtur një rol kyç në afrimin mes dy qyteteve.
    Sipas Çaçit, ky është vetëm fillimi i një rruge që do të sjellë projekte të përbashkëta dhe bashkëpunim konkret në të ardhmen.

  • Galeria Sarandë: Më shumë vizitorë të huaj në 100 ditë

    Galeria Sarandë: Më shumë vizitorë të huaj në 100 ditë

    E vendosur buzë shetitores, Galeria “Art Saranda” një aset i çmuar turistik për Sarandën, mbetet i tillë edhe në muajt paraprirës të sezonit veror.
    Në 100 ditët e para të këtij viti, vizitorët më të veçantë dhe më të shumtët në numër, kanë qenë turistët e huaj. Mes tyre, drejtori i kësaj Galerie, Lefter Çeko, veçon turistët francezë, ata nga vendet nordike, si dhe nga vendet fqinje: Greqia, Italia, si dhe shumë gjermanë e spanjollë.
    Sipas drejtorit Çeko, kanë qenë të organizuar në guidat që i sjellin në Sarandë, apo në vizita familjare, për ata që jetojnë si rezidentë në Sarandë.
    Ajo çfarë veçohet se zgjon interesin e vizitorëve të huaj në këtë Galeri, janë punët në pikturë e skulpturë të autorëve që sjellin vepra të realizuara sipas parimeve të realizmit socialist, si dhe punë të viteve të fundit, me autorë të rrymës dhe teknikave bashkëkohore.Galeria në Sarandë, funksionon prej 13 vitesh si një institucion arti për talentet më të afirmuar lokalë e kombëtarë.
    Perveç ekspozitave të shumta individuale, në tri sallat e saj ndër vite kanë ekspozuar punimet e tyre, të realizuara nga disa koloni arti, deri edhe ndërkombëtare.
    Kjo jetë e gjallë dhe e vazhdueshme arti, ka bërë që Galeria “Art Saranda” të jetë e përfshirë në guidat që u ofrohen turistëve vendas dhe të huaj. /Rtsh Gjirokastra/

  • Vasil Llajo rikthehet në Janjar, aty ku dekada më parë nisi rrugëtimin e tij si mjek i ri

    Vasil Llajo rikthehet në Janjar, aty ku dekada më parë nisi rrugëtimin e tij si mjek i ri

    Vasil Llajo rikthehet në Janjar, aty ku dekada më parë nisi rrugëtimin e tij si mjek i ri
     
    Mjeku i njohur Vasil Llajo është rikthyer në fshatin Janjar, aty ku dekada më parë nisi rrugëtimin e tij si mjek i ri, në shërbim të njerëzve në një kohë të vështirë. Por kësaj here, rikthimi i tij ishte ndryshe – si kandidat për deputet i Partisë Socialiste në Qarkun e Vlorës.
     

    Takimi me banorët e Janjarit u mbush me emocione dhe kujtime të hershme. Të moshuarit e fshatit rikthyen në kujtesë vitet e vështira kur mjeku i ri Llajo u qëndroi pranë me përkushtim dhe humanizëm. Me mall e mirënjohje, ata shprehën besimin e tyre të palëkundur: “Na ke qëndruar pranë si mjek, tani kemi nevojë për ty si përfaqësues.”
    I emocionuar, Llajo deklaroi: “Takimi me banorët e Janjarit ishte i mbushur me mall, por edhe me energji të re. Fjalët e tyre më motivuan thellësisht. Ky besim më shton përgjegjësinë. Jam gati të jem aty ku bëhen ligjet, për të qenë mbrojtës i të drejtave, nevojave dhe dinjitetit tuaj. Sepse politika fillon nga shërbimi i vërtetë.”
    Kandidatura e Vasil Llajos vjen si një bashkim simbolik mes përvojës në fushën e shëndetësisë dhe dëshirës për të kontribuar në një tjetër nivel – në shërbim të komunitetit dhe shoqërisë në tërësi.
     
    Website Saranda Web
    Facebook Saranda Web
    Instagram saranda.web
    Youtube sarandaweb
    Tiktok saranda.web
    Pinterest sarandaweb
    in sarandaweb

  • Polemika në Delvinë për zyrën elektorale të PS, Ardit Bido reagon pas denoncimit të PD

    Polemika në Delvinë për zyrën elektorale të PS, Ardit Bido reagon pas denoncimit të PD

    Polemika në Delvinë për zyrën elektorale të PS, Ardit Bido reagon pas denoncimit të PD
    Fushata elektorale në qarkun e Vlorës po shoqërohet me debate dhe përplasje mes kandidatëve të forcave kryesore politike. Një prej temave që ka ngjallur reagime ditët e fundit lidhet me zyrën elektorale të Partisë Socialiste në qytetin e Delvinës, për të cilën Partia Demokratike ka ngritur një ankesë pranë Komisionit Qendror të Zgjedhjeve.
     
    Konkretisht, kandidatja për deputete e PD-së, Ina Zhupa, publikoi një dokument zyrtar ku KQZ i kërkon Partisë Socialiste që të largojë zyrën e saj elektorale nga një ambient që ndodhet pranë KZAZ-së në Delvinë, duke theksuar se vendndodhja e saj përbën shkelje të rregullave zgjedhore.
     

     
    Në reagimin e tij, kandidati i PS për qarkun e Vlorës, Ardit Bido, mohoi që zyra të jetë mbyllur, duke sqaruar se janë hequr përkohësisht disa nga logot dhe simbolikat partiake, të cilat, sipas tij, do të vendosen në një vend tjetër, në përputhje me rregullat.
     
    “Zyra jonë nuk është mbyllur, por thjesht janë hequr disa logo që do të vendosen diku tjetër. Në qytete të vogla si Delvina është thuajse e pamundur të gjenden ambiente elektorale që ndodhen në një distancë të madhe nga institucionet. E megjithatë, ankesa u bë vetëm për Delvinën”, shkruan Bido në një postim në rrjetet sociale.
     
    Ai i ka cilësuar akuzat nga Partia Demokratike si një shfaqje politike, duke shtuar se këto reagime vijnë nga “frika për rezultatin zgjedhor”, pasi, sipas tij, opozita nuk do të sigurojë më shumë se tre mandate në qarkun e Vlorës.
     
    Bido ka vënë theksin edhe mbi faktin se raste të ngjashme me afërsinë e zyrave elektorale me KZAZ-të ekzistojnë në qytete të tjera të vendit, por vetëm në Delvinë është ngritur ky shqetësim.
     
    “Dokumenti i publikuar nga zonja Zhupa nuk dëshmon mbylljen e zyrës, por kërkesën për të hequr logot. Ndërkohë, ne do të vazhdojmë fushatën dhe komunikimin me qytetarët, me po të njëjtin përkushtim”, thekson më tej kandidati i PS-së.
     
    Nga ana tjetër, PD ka insistuar se vendndodhja e zyrës është në shkelje të ligjit dhe se vendimi i KQZ është i qartë.
     
    Përplasjet politike për zyrat elektorale vijnë në një klimë gjithnjë e më të tensionuar elektorale, ku kandidatët po përpiqen të fitojnë terren përpara ditës së votimit. Zgjedhjet parlamentare të këtij viti pritet të jenë të ngushta në disa qarqe, përfshirë Vlorën, ku prania e emrave të rinj dhe profili i lartë i kandidatëve ka rritur interesin për garën.
     
    Në këtë kontekst, Delvina është kthyer në një nga zonat që tërheq vëmendjen për nga intensiteti i fushatës, por edhe për përplasjet që tashmë kanë kaluar nga debati elektoral në interpretime ligjore të vendndodhjes së zyrave të partive.
     
    Website Saranda Web
    Facebook Saranda Web
    Instagram saranda.web
    Youtube sarandaweb
    Tiktok saranda.web
    Pinterest sarandaweb
    in sarandaweb

  • Tanush Çaushi kandidat i Shqipëria Bëhet intervistë në Saranda Web

    Tanush Çaushi kandidat i Shqipëria Bëhet intervistë në Saranda Web

    Tanush Çaushi, kandidat i Shqipëria Bëhet: “Nuk përfaqësoj të majtën apo të djathtën, por vetëm Shqipërinë”
     
    Në një intervistë të zhvilluar nga gazetarja Rosela Kulla në Saranda Web, inxhinieri i ndërtimit dhe aktivisti i shoqërisë civile, Tanush Çaushi, njëkohësisht kandidat për deputet në qarkun Vlorë nga koalicioni “Nisma Shqipëria Bëhet”, shpalosi vizionin e tij për një politikë të re dhe të ndershme në shërbim të qytetarëve.
     

     
    I njohur për angazhimin e tij në kauza komunitare dhe mbrojtjen e interesit publik, Çaushi theksoi se angazhimi i tij politik nuk është i lidhur me asnjë krah politik tradicional, por me një ndjenjë të thellë përgjegjësie ndaj vendit. “Nuk përfaqësoj të majtën apo të djathtën, por vetëm Shqipërinë”, u shpreh ai me bindje.
     
    Shëndetësi më të mirë, turizëm dhe bujqësi të zhvilluar, punësim me meritokraci dhe mbrojtje të vlerave kombëtare, janë shtyllat e platformës së tij, të cilat ai i paraqiti me një gjuhë të thjeshtë dhe të kuptueshme për qytetarët.
     

     
    Në intervistë,  Tanush Çaushi, kandidat i Shqipëria Bëhet iu përgjigj një sërë pyetjesh me interes për publikun
     
    Website Saranda Web
    Facebook Saranda Web
    Instagram saranda.web
    Youtube sarandaweb
    Tiktok saranda.web
    Pinterest sarandaweb
    in sarandaweb

  • Ardit Bido padit për shpifje zëdhënësen e PD-së: “Faktet flasin vetë, jo baltosja”

    Ardit Bido padit për shpifje zëdhënësen e PD-së: “Faktet flasin vetë, jo baltosja”

    Ardit Bido padit për shpifje zëdhënësen e PD-së: “Faktet flasin vetë, jo baltosja”
     
    Tiranë, 5 Prill 2025 – Ardit Bido, kandidati për deputet në zgjedhjet e ardhshme parlamentare dhe ish-Drejtori i Përgjithshëm i Arkivave, ka dorëzuar sot në Gjykatën e Tiranës një kallëzim penal për shpifje ndaj zëdhënëses së Partisë Demokratike.
     

     
    Në një reagim publik të shpërndarë në rrjetet sociale, Bido shprehet se vendimi për t’iu drejtuar gjykatës vjen pas deklaratave publike që ai i cilëson si të pavërteta dhe të dëmshme për figurën e tij.
    “Partia Demokratike ka zgjedhur të nisë fushatën përmes përbaltjes, por tashmë që KQZ ka zbardhur të vërtetën dhe ka konfirmuar pezullimin tim nga detyra, përpjekja për të krijuar mjegull bie poshtë,” deklaron Bido.
    Ai thekson se beson në një politikë të përgjegjshme dhe të bazuar në fakte, jo në sulme personale. “Shpifjes nuk i përgjigjem me të njëjtën monedhë. I përgjigjem aty ku duhet: në gjykatë,” shkruan ai ndër të tjera.
     

    Sipas tij, politika duhet të ndërtohet mbi ofertat për qytetarët dhe përfaqësimin me dinjitet në Parlament, jo mbi baltosjen e kundërshtarëve. “Politika e vjetër nuk ka më vend,” përfundon Bido, duke theksuar se është i gatshëm për një përballje të ndershme dhe konstruktive në Kuvend.
    Për momentin, nuk ka pasur një reagim nga Partia Demokratike mbi këtë çështje.
     
    Website Saranda Web
    Facebook Saranda Web
    Instagram saranda.web
    Youtube sarandaweb
    Tiktok saranda.web
    Pinterest sarandaweb
    in sarandaweb