Aktivistja shqiptaro-amerikane Evi Kokalari ka shpërthyer në akuza ndaj kryetarit të Partisë Demokratike Sali Berisha, të cilin e akuzon për ligjin 7501 të vitit 1991 për ndarjen e tokave, ligj që në fakt siç e cilësojnë edhe juristët apo ekspertët, ka shkaktuar të gjithë konfliktet e pronave të qytetarëve.
Në një postim në rrjetin social Facebook, Evi Kokalari thotë se vrasja e gjyqtarit Astrit Kalaja rëndon mbi Sali Berishën, pikërisht për faktin se pikërisht gjykatësi po jepte një vendim në lidhje me konflikt pronësie mes disa palëve.
Nga ana tjetër, aktivistja shqiptaro-amerikane akuzon Sali Berishën se djali i tij është i përfshirë në një ndërtim pranë Pallatit të Kulturës, një nga zonat më të shtrenjta të Tiranës. Sipas Evi Kokalarit, ky ndërtim është mundësuar nga vetë Sali Berisha kur ishte President në periudhën 1992-1997.
Kujtojmë se ish-Kryeministri Sali Berisha është i shpallur non grata nga Shtetet e Bashkuara të Amerikës. Berisha ka lobuar me 6 milionë dollarë për të hequr sanksionet, por kjo nuk ka ndodhur.
E në lidhje me këtë, aktivistja Kokalari i drejtohet Berishës duke i thënë: “Ato sanksionet që nuk t’u hoqën, dhe pse le 6 milionë dollarë në tavolinë, e ke menduar ndonjëherë pse”?
Postimi i Evi Kokalarit:
Sali Berisha, këtë djalin që nxorre në fushatë me Lapajn në Mars të 2023 se të trëmbi fakti që të thashë do dal veç po nxjerrë tashti në garë të bashkisë? Dhe ja kështu dhe ti dhe Meta nxorrët kokën.
Në atë kohë gjithashtu i dhe dritë jeshile pseudo-konservatorëve që i përdor si leckë, të bënin ‘konferencën’ e tyre, dhe ata e bënë, super të eksituar duke menduar se ‘konservatorizmin’ do e mbanin si medalje, dhe prapë s’kuptojnë pse nuk j’u ngjit si etiketim. Përgjigja është ‘hipokrizia;.
Dhe LaCivita nuk pati efektin që pata unë pranë teje, sepse sërisht, ky popull nuk është budall, paçka që ty të duket vetja gjeni që mund ti gënjesh. Apo janë injorantët si Peka dhe Shkëlzen naivi që mendojnë se këto do t’ja ushqeni akoma publikut?
Nejse, të paktën tashti vërtetuam burimin e fondeve që Binajn, Lapajn dhe Çepanin kishin kur nisën këtë lëvizje por refuzonin të na e tregonin.
45,000 euro paradhënie për zyrat, 70,000 euro+ udhëtimet në SHBA dhe Europë për diasporën, a thua se do merrni dhe atë mbështetje prej meje. Diaspora nuk gënjehet aq kollaj.
Lapaj një vënd në parlament e kapi. Unë u largova në atë kohë sepse jam aq e zgjuar sa mos të lë veten të konsumohem nga llumi yt dhe i Metës, por një pyetje kam:
Ato sanksionet që nuk t’u hoqën, dhe pse le 6 million dollarë në tavolinë, e ke menduar ndonjëherë pse?
Ai është dëmi më i madh që të është bërë ty dhe familjes tënde, dhe ai dëm do të thellohet, sepse atë përdhunim që kam parë t’i bëni atij vëndi, më është kthyer në mision jete. Brezat e tu të ardhshëm do e vuajnë këte, ja ashtu siç vuajtën brezat e atyre që u persekutuan nga komunistët sepse donin të shpëtonin Shqipërinë, dhe pastaj ranë në kurthin tënd dhe të besuan të ardhmen por ja shkatërrove totalisht.
Ja, ashtu siç shkatërrove Gjon Shkambin dhe të ndjerin gjykatës që humbi jetën sot.
Ti je fajtor i drejtpërdrejtë, ndërkohë yt bir po ndërton në një nga tokat më me vlerë në Tiranë – tek Pallati Kulturës, që nuk është as tokë e tij, por ja mundësove ti kur ishe President në 1992-1997!!
Nëse ti mendon që një ditë ajo nuk do ti merret, gabim shumë je.
Dhe Shkëlzeni dhe Argita do t’i paguajnë këto. Ju të gjithë do paguani, dhe këtu fus dhe Ramën dhe Metën.
Këtë beteje ti se ke fituar fare. E vetmja fitore e jotja do të ishte të dilje nga loja vjet, kur të thashë ta bëje, mbasi fitoi Trump, dhe të më lije të futesha në garë kundër Ramës. Do e kisha fituar pa qenë nevoja të sillja gjithë Latifët e Trumpit në Tiranë.
Dhe ti, mund të vazhdoje me ata që të zhvatën siç duhej atë 6 milionë dollarshin, e ndoshta dhe mund të ti kishin hequr sanksionet, por ta kam thënë, të zgjuar nuk jeni. Dinak po. Por finesë, finokëri dhe zgjuarsi NUK keni, ndryshe do ti kishit zgjidhur problemet tuaja me kohë.
Vdekja e gjykatësit dhe kjo ngjarje tronditëse, bie direkt mbi ty vetë, dhe ligjin 7501 me të cilin zhvatët një popull të tërë.
Ja, kjo është trashëgimia jote politike. Çfarë turpi!
Tag: sanksionet
-
Evi Kokalari akuza ndaj Berishës: Vrasja e gjyqtarit Kalaja bie direkt mbi ty dhe ligjin 7501. Djali yt po ndërton..
-
“Ti je shkaku i gjakut që derdhet për pronat në Shqipëri”, Kokalari akuza të forta ndaj Berishës: Djali yt po…
Aktivistja shqiptaro-amerikane Evi Kokalari ka shpërthyer në akuza ndaj kryetarit të Partisë Demokratike Sali Berisha, të cilin e akuzon për ligjin 7501 të vitit 1991 për ndarjen e tokave, ligj që në fakt siç e cilësojnë edhe juristët apo ekspertët, ka shkaktuar të gjithë konfliktet e pronave të qytetarëve.
Në një postim në rrjetin social Facebook, Evi Kokalari thotë se vrasja e gjyqtarit Astrit Kalaja rëndon mbi Sali Berishën, pikërisht për faktin se pikërisht gjykatësi po jepte një vendim në lidhje me konflikt pronësie mes disa palëve.
Nga ana tjetër, aktivistja shqiptaro-amerikane akuzon Sali Berishën se djali i tij është i përfshirë në një ndërtim pranë Pallatit të Kulturës, një nga zonat më të shtrenjta të Tiranës. Sipas Evi Kokalarit, ky ndërtim është mundësuar nga vetë Sali Berisha kur ishte President në periudhën 1992-1997.
Kujtojmë se ish-Kryeministri Sali Berisha është i shpallur non grata nga Shtetet e Bashkuara të Amerikës. Berisha ka lobuar me 6 milionë dollarë për të hequr sanksionet, por kjo nuk ka ndodhur.
E në lidhje me këtë, aktivistja Kokalari i drejtohet Berishës duke i thënë: “Ato sanksionet që nuk t’u hoqën, dhe pse le 6 milionë dollarë në tavolinë, e ke menduar ndonjëherë pse”?
Postimi i Evi Kokalarit:
Sali Berisha, këtë djalin që nxorre në fushatë me Lapajn në Mars të 2023 se të trëmbi fakti që të thashë do dal veç po nxjerrë tashti në garë të bashkisë? Dhe ja kështu dhe ti dhe Meta nxorrët kokën.
Në atë kohë gjithashtu i dhe dritë jeshile pseudo-konservatorëve që i përdor si leckë, të bënin ‘konferencën’ e tyre, dhe ata e bënë, super të eksituar duke menduar se ‘konservatorizmin’ do e mbanin si medalje, dhe prapë s’kuptojnë pse nuk j’u ngjit si etiketim. Përgjigja është ‘hipokrizia;.
Dhe LaCivita nuk pati efektin që pata unë pranë teje, sepse sërisht, ky popull nuk është budall, paçka që ty të duket vetja gjeni që mund ti gënjesh. Apo janë injorantët si Peka dhe Shkëlzen naivi që mendojnë se këto do t’ja ushqeni akoma publikut?
Nejse, të paktën tashti vërtetuam burimin e fondeve që Binajn, Lapajn dhe Çepanin kishin kur nisën këtë lëvizje por refuzonin të na e tregonin.
45,000 euro paradhënie për zyrat, 70,000 euro+ udhëtimet në SHBA dhe Europë për diasporën, a thua se do merrni dhe atë mbështetje prej meje. Diaspora nuk gënjehet aq kollaj.
Lapaj një vënd në parlament e kapi. Unë u largova në atë kohë sepse jam aq e zgjuar sa mos të lë veten të konsumohem nga llumi yt dhe i Metës, por një pyetje kam:
Ato sanksionet që nuk t’u hoqën, dhe pse le 6 million dollarë në tavolinë, e ke menduar ndonjëherë pse?
Ai është dëmi më i madh që të është bërë ty dhe familjes tënde, dhe ai dëm do të thellohet, sepse atë përdhunim që kam parë t’i bëni atij vëndi, më është kthyer në mision jete. Brezat e tu të ardhshëm do e vuajnë këte, ja ashtu siç vuajtën brezat e atyre që u persekutuan nga komunistët sepse donin të shpëtonin Shqipërinë, dhe pastaj ranë në kurthin tënd dhe të besuan të ardhmen por ja shkatërrove totalisht.
Ja, ashtu siç shkatërrove Gjon Shkambin dhe të ndjerin gjykatës që humbi jetën sot.
Ti je fajtor i drejtpërdrejtë, ndërkohë yt bir po ndërton në një nga tokat më me vlerë në Tiranë – tek Pallati Kulturës, që nuk është as tokë e tij, por ja mundësove ti kur ishe President në 1992-1997!!
Nëse ti mendon që një ditë ajo nuk do ti merret, gabim shumë je.
Dhe Shkëlzeni dhe Argita do t’i paguajnë këto. Ju të gjithë do paguani, dhe këtu fus dhe Ramën dhe Metën.
Këtë beteje ti se ke fituar fare. E vetmja fitore e jotja do të ishte të dilje nga loja vjet, kur të thashë ta bëje, mbasi fitoi Trump, dhe të më lije të futesha në garë kundër Ramës. Do e kisha fituar pa qenë nevoja të sillja gjithë Latifët e Trumpit në Tiranë.
Dhe ti, mund të vazhdoje me ata që të zhvatën siç duhej atë 6 milionë dollarshin, e ndoshta dhe mund të ti kishin hequr sanksionet, por ta kam thënë, të zgjuar nuk jeni. Dinak po. Por finesë, finokëri dhe zgjuarsi NUK keni, ndryshe do ti kishit zgjidhur problemet tuaja me kohë.
Vdekja e gjykatësit dhe kjo ngjarje tronditëse, bie direkt mbi ty vetë, dhe ligjin 7501 me të cilin zhvatët një popull të tërë.
Ja, kjo është trashëgimia jote politike. Çfarë turpi!
-
Vuçiç: S’kemi çfarë të diskutojmë më me SHBA-në për sanksionet ndaj NIS-it
Presidenti i Serbisë, Aleksandar Vuçiq, deklaroi se Beogradi do të diskutojë me Rusinë, e cila ka shumicën e pronësisë në Industrinë e Naftës së Serbisë (NIS), lidhur me zgjidhjen e problemit të sanksioneve amerikane ndaj kësaj kompanie.
“Nuk kemi më çfarë të diskutojmë me amerikanët. Shtetet e Bashkuara të Amerikës kanë arritur qëllimin e tyre dhe Evropa do të mbështesë sanksionet amerikane”, tha Vuçiq më 7 tetor në Beograd.
Sanksionet amerikane ndaj NIS-it hyjnë në fuqi më 8 tetor.
“Jam i sigurt se pas një kohe të shkurtër JANAF-i do të ndalojë furnizimin me naftë. Shpresoj që NIS-i të mos shkarkojë një numër të madh punonjësish”, shtoi Vuçiq.
Si problem tjetër, Vuçiq përmendi sistemin financiar-bankar, i cili, sipas tij, nuk do të negociojë me NIS-in gjatë kohës që kompania do të jetë nën embargo të SHBA-së.
Rrjeti i Naftës Adriatike (JANAF) është një tubacion nga Omishal në ishullin Krk të Kroacisë, përmes të cilit transportohet, ndër të tjera, nafta deri te rafineria në Pançevë për nevojat e NIS-it. Shumicën e aksioneve në këtë naftësjellës e ka shteti i Kroacisë.
Industrisë së Naftës së Serbisë. Pronësi i tij kryesor është shteti kroat.
Serbia ka rezerva të mjaftueshme nafte dhe derivatesh të naftës, njoftoi të martën Ministria e Minierave dhe Energjisë.
“Do të bëjmë gjithçka që sistemi energjetik të mos rrezikohet sa i përket furnizimit të konsumatorëve dhe industrisë”, tha kjo ministri.
Katër ditë më parë, NIS-i dorëzoi në administratën amerikane në Uashington një kërkesë të re për shtyrjen e zbatimit të sanksioneve.
Që nga paralajmërimi për sanksione ndaj NIS-it në fund të vitit të kaluar e deri më tash, sanksionet ndaj kompanisë janë shtyrë gjatë herë, nga një muaj secilën herë, dhe më pas në fund të shtatorit u shtyn për dhjetë ditë të tjera.
Shtetet e Bashkuara e futën NIS-in në listën e sanksioneve në janar, me qëllim, siç njoftoi, Uashingtoni parandalimin e financimit të luftës në Ukrainë përmes parave që vijnë nga kompanitë ruse të energjisë.
Që nga futja në listë të sanksioneve, struktura e pronësisë së NIS-it ka ndryshuar disa herë, por pjesa e saj më e madhe është ende në pronësi të kompanive ruse.
Kompania shtetërore ruse, Gazprom, është larguar prej NIS-it në shtator dhe një tjetër kompani e kontrolluar nga Gazpromi – Inteligjenca prej Shën Petersburgut – është bërë njëra prej pronareve kryesore, me 11.3 për qind të aksioneve.
Pjesën më të madhe të aksioneve në NIS e ka Gazprom Neft, nëndegë e Gazpromit, diku rreth 44.9 për qind, ndërsa shteti i Serbisë i zotëron 29.9 për qind të aksioneve.
Pjesën tjetër të aksioneve në kompani e kanë hisedarë më të vegjël. -
Amerikanët, gati sanksionet për industrinë serbe të naftës/ Trump i jep Vuçiçit edhe 8 ditë afat
Pas bisedimeve me Presidentin e Serbisë, Aleksandar Vuçiç, SHBA-të shtynë për tetë ditë fillimin e zbatimit të sanksioneve kundër kompanisë shtetërore të naftës. Drejtori i Përgjithshëm i Industrisë së Naftës së Serbisë (NIS), Kiril Tjurdenjev, u tha punonjësve se janë siguruar furnizime të mjaftueshme me naftë bruto për përpunim.
Sipas tij, kompania do të bëjë gjithçka që është në fuqinë e saj, në mënyrë që punonjësit dhe qytetarët e Serbisë t’i ndiejnë sa më pak pasojat e situatës në të cilën u gjend NIS, me njoftimin se më 1 tetor do të hynin në fuqi sanksionet e SHBA-ve kundër asaj kompanie.
Industria e Naftës e Serbisë ka përgatitur pompat e vogla, rishitësit dhe shitësit me shumicë për këtë situatë. Pas afatit të ri të vendosur nga amerikanët, do të shihet se cilat do të jenë efektet e sanksioneve dhe për çfarë saktësisht referohen ato, dhe do të duhet të gjendet ndonjë zgjidhje; përndryshe, kompania serbe energjetike do të shkojë drejt falimentimit. -
Irani hodhi sot poshtë sanksionet e OKB-së ndaj programit të tij bërthamor
Irani hodhi sot poshtë sanksionet e OKB-së ndaj programit të tij bërthamor, pasi ato u rivendosën nga Gjermania, Franca dhe Britania, duke i cilësuar si të paligjshme dhe “të pavlefshme”.
“Masat e marra nga tre vendet evropiane janë të gabuara nga pikëpamja ligjore dhe procedurale, prandaj janë të pavlefshme”, shkroi ministri i Jashtëm Abbas Araghchi në një letër drejtuar sekretarit të Përgjithshëm të OKB-së, António Guterres, të publikuar në platformën X.Ai theksoi se hyrja në fuqi e sanksioneve përbën “një abuzim të qartë” të marrëveshjes bërthamore të vitit 2015, duke e quajtur atë moralisht dhe politikisht të pajustifikueshme.
Araghchi kërkoi nga Guterres që të mos lejojë tre vendet evropiane dhe SHBA-në të “shfrytëzojnë OKB-në për qëllime politike”.
Sanksionet u rikthyen në fuqi gjatë natës, pasi Gjermania, Franca dhe Britania – bashkënënshkruese të marrëveshjes historike për parandalimin e prodhimit të armëve bërthamore nga Irani, aktivizuan mekanizmin e njohur si “snapback”.
Perëndimi druhet se Irani po përpiqet të zhvillojë një bombë bërthamore, megjithëse Teherani këmbëngul se programi i tij ka vetëm qëllime civile. Megjithatë, tre fuqitë evropiane e akuzojnë vendin për pasurim uraniumi shumë përtej niveleve të nevojshme për përdorim civil.
Rivendosja e inspektimeve nga Agjencia Ndërkombëtare e Energjisë Atomike (IAEA) ishte gjithashtu një kërkesë kyçe. Por, pavarësisht përpjekjeve të fundit diplomatike, nuk u arrit asnjë marrëveshje me udhëheqësit iranianë, gjë që çoi në rikthimin e regjimit të sanksioneve që ishte në fuqi midis viteve 2006–2010.
Masat përfshijnë një embargo të plotë armësh, ndalim të pasurimit të uraniumit dhe ngrirje globale të pasurive të individëve dhe institucioneve iraniane të lidhura me programet bërthamore apo raketore.
Ndërsa sanksionet pritet të godasin më tej ekonominë tashmë të dobësuar të Iranit, e cila po përballet edhe me masa të njëanshme nga SHBA-ja, ndikimi i plotë i “snapback”-ut të OKB-së mbetet ende i paqartë. -
OKB rivendos sanksionet ndaj Iranit për programin bërthamor, Rubio: Diplomacia mbetet opsioni më i mirë
Sanksionet e OKB-së ndaj Iranit, për shkak të mospërmbushjes së angazhimeve për programin e tij bërthamor, u rivendosën në orën 3 të mëngjesit, dhjetë vjet pasi ato u hoqën.
Një propozim nga Rusia dhe Kina për të shtyrë rivendosjen e sanksioneve për gjashtë muaj dështoi të miratohej në Këshillin e Sigurimit të OKB-së të premten, pasi vetëm katër vende votuan në favor të projektrezolutës. Nëntë nga 15 anëtarët e Këshillit të Sigurimit të OKB-së votuan kundër saj dhe dy abstenuan.
“Diplomacia mbetet një opsion, një marrëveshje mbetet rezultati më i mirë për popullin iranian dhe bashkësinë ndërkombëtare. Që kjo të ndodhë, Irani duhet të bjerë dakord për bisedime të drejtpërdrejta, të zhvilluara me mirëbesim, pa shmangie ose mashtrim”, theksoi Sekretari i Shtetit i SHBA-së, Marco Rubio, në një deklaratë, duke u bërë thirrje vendeve të tjera që të “zbatojnë menjëherë” sanksionet kundër Teheranit.
Gjermania, Franca dhe Britania e Madhe mirëpritën rivendosjen e sanksioneve ndaj Iranit, duke i bërë thirrje Teheranit të “përmbahet nga çdo veprim përshkallëzues” dhe “të përmbushë detyrimet e tij”. Një deklaratë e përbashkët nga ministrat e jashtëm të tre vendeve theksoi se ata do të vazhdojnë përpjekjet e tyre për të “kërkuar një zgjidhje diplomatike që siguron që Irani të mos pajiset kurrë me armë bërthamore”.
Irani mbron të drejtën e tij sovrane për të pasur një program bërthamor për qëllime civile, veçanërisht për prodhimin e energjisë, ndërsa mohon kategorikisht se kërkon të zhvillojë armë bërthamore.Top Channel
-
OKB rivendosi sanksionet për programin bërthamor, reagon Teherani: Parandaloni çdo përpjekje ndaj nesh
Ministri i Jashtëm iranian, Abbas Araghchi, i bëri thirrje sot Sekretarit të Përgjithshëm të Kombeve të Bashkuara që të parandalojë ringjalljen e mekanizmave për zbatimin e sanksioneve të OKB-së, pasi ato u rivendosën kundër Teheranit.
“Ju bëjmë thirrje të parandaloni çdo përpjekje për të ringjallur mekanizmat e sanksioneve, duke përfshirë Komitetin e Sanksioneve dhe Grupin e Ekspertëve”, tha Araghchi në një letër të postuar në X, duke shtuar se Teherani nuk do të njohë asnjë përpjekje për të zgjatur, ringjallur ose zbatuar sanksionet e OKB-së.
Sanksionet e OKB-së kundër Iranit, për shkak të dështimit të Teheranit për të përmbushur angazhimet e tij në programin e tij bërthamor, u rivendosën në orën 3 të mëngjesit, dhjetë vite pasi ato u hoqën.Top Channel
-
E para herë në një dekadë, OKB rikthen sanksionet ndaj Iranit: Bisedimet dështuan
Për të parën herë në një dekadë Irani pritet të përballet me sanksione të Kombeve të Bashkuara.
Sanksionet pritet të vendosën mbrëmjen e sotme pas dështimit të bisedimeve me Perëndimor lidhur me programin bërthamor të Republikës Islamike. Pavarësisht se më herët agjencia për mbikëqyrje atomike e OKB-së e pranoi se inspektorët e saj ishin lejuar që të shkonin në uzinat iraniane, fuqitë perëndimore nuk e panë këtë si përparim të mjaftueshëm që të shtynin rivendosjen e sanksioneve.
Një muaj më parë, fuqitë europiane aktivizuan mekanizmin që mundëson rivendosen e sanksioneve të OKB-së, duke e akuzuar regjimin e ajatollahëve se ka dështuar që të jetë i sinqertë lidhur me ambiciet e tij nukleare – përfshirë kundërmasat që ka marrë në përgjigje të bombardimeve izraelite dhe amerikane në muajin qershor. Sanksionet e sotme do të vendosin një ndalesë globale për bashkëpunim me kompani, njerëz dhe organizata të akuzuara për zhvillimin e programit bërthamor apo të raketave balistike të Iranit. Presidenti iranian, Masoud Pezeshkian, u shpreh se nuk a arsye që të arrihet një marrëveshje, kur, sipas tij, Izraeli dhe SHBA-ja po tentojnë të përdorin presion për të rrëzuar Republikën Islamike.
“Nëse qëllimi do të ishte të zgjidheshin shqetësimet për programin bërthamor, ne këto do të mund të bënim me lehtësi, por nuk është ky qëllimi i vërtetë i tyre”, tha për mediat Pezeshkian që sërish insistoi megjithatë se Irani kurrë nuk do të kërkojë që të ketë armë bërthamore.Top Channel
-
Antonio Tajani: Nuk ka ndalim nga BE-ja, por Italia nuk blen më gaz rus
“Nuk ekzistojnë rregulla europiane që e ndalojnë këtë, por Italia nuk blen më gaz rus.“, kështu ka deklaruar këtë të shtunë zëvendëskryeministri dhe ministri i jashtëm italian (lideri i Forza Italia), Antonio Tajani, në margjinat e “Libertà”, festës së partisë së tij.
Ndërsa po fliste për situatën e luftës në Ukrainë dhe sanksionet që Bashkimi Europian planifikon të marrë ndaj Moskës, ministi i jashtëm Italian tha se: Italia furnizohet me gaz nga vendet e Azisë Qendrore, nga Algjeria, Libia dhe me gaz të lëngshëm nga Shtetet e Bashkuara.
Gjatë fjalës së tij ai shtoi se presidenti amerikan Donald Trump thotë se Europa duhet të bëjë më shumë, por “nuk na referohet neve”.
“Për naftë pothuajse nuk blejmë më asgjë”, shpjegoi Tajani sipas Corriere Della Sera, “Janë kryesisht dy apo tre vende që kanë probleme energjetike. Ne kemi bërë një plan alternativ energjetik dhe nuk kemi më gaz rus. Aspekti ligjor është një gjë, por ne kemi bërë zgjedhjen tonë që në fillim. Zbatojmë sanksionet. 270 kompanitë italiane që operojnë në Rusi veprojnë në përputhje me sanksionet.“
Sjellim ndërmend se këtë të shtunë, shefat e shtabit të NATO-s u mblodhën në Riga për të adresuar shkeljet e fundit të hapësirës ajrore të vendeve aleate nga ana e Rusisë. Drejtuesit e aleancës i dënuan këto veprime si të papërgjegjshme dhe premtuan forcim të mëtejshëm të mbrojtjes. -
Serbia i humb shpresat, sanksionet hyjnë në fuqi nga 1 tetori, ja kur mund të mbarojnë rezervat e naftës së Beogradit
Marsela SHYTIA
Beogradi zyrtar pret që administrata amerikane, pas gjashtë vonesave të mëparshme, do të vendosë sanksione ndaj Industrisë së Naftës së Serbisë (NIS) nga 1 tetori, të cilat janë pjesë e paketës ndëshkuese të sanksioneve të Shteteve të Bashkuara kundër sektorit të energjisë rus. Në gusht, Zyra e Kontrollit të Aseteve të Huaja (OFAC) e Departamentit të Thesarit të SHBA-së dha një zgjatje të re të licencës njëmujore duke lejuar vazhdimin e furnizimit me naftë bruto në NIS deri më 29 shtator. Kjo vonesë vlen edhe për tubacionin e naftës Adriatik (Janaf), i cili transporton naftë në rafinerinë në Pançevo, furnizuesi kryesor i produkteve të naftës në tregun serb. Janaf transporton midis dy dhe tre milionë ton naftë dhe gjeneron rreth 40 milionë euro të ardhura. Vitin e kaluar, ajo nënshkroi një kontratë me NIS për të transportuar 10 milionë ton naftë deri në fund të vitit të ardhshëm.
Frika e Serbisë
Presidenti serb Aleksandër Vuçiç tha në Nju Jork, në margjinat e seancës së Asamblesë së Përgjithshme të OKB-së, se pret që Shtetet e Bashkuara të vendosin sanksione ndaj NIS-it nga 1 tetori. “Le të shohim, ndoshta do të ndodhë një mrekulli deri më 1 tetor, por sigurisht që do të kemi vështirësi dhe dimër”, u tha Vuçiç gazetarëve nga mediat e Beogradit. Ai theksoi se “situata është e pakëndshme dhe e ndërlikuar”, por se do të përpiqet të gjejë një zgjidhje të favorshme. “Ne jemi dëm kolateral për marrëdhënien midis Moskës dhe Uashingtonit”, tha presidenti serb. Ai theksoi se Serbia do të paguajë “një çmim të lartë sepse rusët janë pronarët kryesorë të NIS”. “Ne kemi qenë jashtëzakonisht të drejtë ndaj partnerëve tanë rusë dhe amerikanë. Do të përpiqemi të jemi të drejtë, por njerëzit duhet ta dinë se do të paguajmë një çmim jashtëzakonisht të lartë”, citohet të ketë thënë Vuçiç nga portali RTS.
Sanksionet
Sanksionet ndaj Industrisë Serbe të Naftës janë pjesë e paketës ndëshkuese të sanksioneve të Shteteve të Bashkuara kundër sektorit të energjisë rus, dhe NIS ka qenë nën shqyrtimin e sanksioneve amerikane që nga fillimi i këtij viti, sepse më shumë se 55 përqind e aksioneve në atë kompani mbahen bashkërisht nga Gazprom Neft i Rusisë dhe Gazprom. Ndërkohë, Gazprom Neft i Rusisë e ka ulur pjesëmarrjen e saj në NIS në 44 përqind, dhe ky transaksion i dha fund zyrtarisht bazës për sanksione kundër kompanive të sektorit të energjisë me kapital shumicë rus. Pas vendosjes së sanksioneve, struktura e pronësisë ndryshoi pjesërisht, me Gazprom Neft të Rusisë që transferoi pjesën e saj prej rreth pesë përqind te Gazprom, duke pasur parasysh se kompania e gazit nuk është nën sanksione. Me atë transaksion, Gazprom Neft uli pjesëmarrjen e saj në NIS në një përpjekje për të shmangur sanksionet kundër NIS në Serbi.
Rezervat
Serbia ka naftë të papërpunuar dhe karburant të mjaftueshëm në rezerva për të përmbushur kërkesën në një afat të shkurtër, por sanksionet e SHBA-së që do të hyjnë në fuqi më 1 tetor hedhin një hije mbi sigurinë e ardhshme energjetike të vendit ballkanik pa dalje në det, thanë burime për Reuters dje. Kompania ruse e naftës NIS tha më parë se kishte siguruar rezerva të mjaftueshme nafte bruto dhe karburanti, pasi presidenti serb Aleksandër Vuçiç konfirmoi se SHBA-të nuk do ta zgjasin më tej heqjen dorë nga sanksionet e njoftuara për herë të parë në janar. NIS nuk zbuloi nivelet e inventarit ose se sa kohë do të zgjasnin furnizimet. Katër burime të njohura me çështjen thanë se rafineria mund të operojë për dy muaj dhe të ofrojë produkte të rafinuara për të mbuluar kërkesën për pak më gjatë. Gazprom Neft i Rusisë zotëron 44.9% të aksioneve në NIS, një njësi investimi e Gazprom të Rusisë ka rreth 11.3% dhe qeveria serbe 29.9%.