Kryeministri hungarez Viktor Orban është sot në Romë dhe në Vatikan, për një takim me Papa Leonin XIV dhe një takim joformal me kryeministren italiane, Giorgia Meloni.
Corriere Della Sera shkruan se takimi mes Melonit dhe Orbanit përfundoi pak pas orës 16:30. Një njoftim nga “Palazzo Chigi” bën të ditur se takimi “ka mundësuar fokusimin mbi perspektivat e marrëdhënieve bilaterale dhe shkëmbimin e pikëpamjeve mbi çështjet kryesore të aktualitetit ndërkombëtar, në veçanti mbi situatën në Ukrainë, zhvillimet në Lindjen e Mesme dhe agjendën evropiane. Midis temave të trajtuara ishin edhe iniciativat për një menaxhim efektiv dhe inovativ të fluksit të migrantëve”.
Më parë kishte pasur një takim me Papën. Selia e Shenjtë raportoi pas takimit të Papëës dhe Sekretarit të Shtetit, Pietro Parolin, se gjatë takimit “u theksuan marrëdhëniet e forta bilaterale dhe vlerësimi për angazhimin e Kishës Katolike në promovimin e zhvillimit social dhe mirëqenies së komunitetit hungarez, me veçori mbi rolin e familjes, edukimin dhe të ardhmen e të rinjve, si dhe rëndësia e mbrojtjes së komuniteteve më të cenueshme të krishtera”. Por “një hapësirë e madhe iu kushtua edhe çështjeve evropiane, me veçori mbi konfliktin në Ukrainë dhe situatën në Lindjen e Mesme”.
Sa i përket luftës në Ukrainë, pozicioni i Orban-it është i njohur: jo pa qëllim, gjatë Këshillit Evropian javën e kaluar, Hungaria nuk nënshkroi kërkesën për financimin e Ukrainës për dy vitet e ardhshme, duke lënë të hapur mundësinë e një huaje bazuar mbi pasuritë ruse të ngrira. Në atë rast, liderët evropianë miratuan paketën e 19-të të sanksioneve kundër Moskës, e cila për disa ditë ishte bllokuar nga vetoja e Sllovakisë.
Duke folur për gazetat La Repubblica dhe Il Messaggero gjatë vizitës së tij, Orban tha se, në përpjekjet për të përfunduar luftën në Ukrainë, “Bashkimi Evropian nuk vlen asgjë. Ne ia kemi lënë amerikanëve dhe rusëve mundësinë për të zgjidhur luftën. Fatkeqësisht, ne nuk kemi rol. Europa është totalisht jashtë lojës”.
Duke komentuar sanksionet e SHBA-ve ndaj dy kompanive të naftës Rosneft dhe Lukoil, Orban tha se “Trump gabon për Putinin, do shkojë tek ai për t’i hequr sanksionet Rusisë. Së shpejti do jem tek Trump për të zgjidhur problemin e sanksioneve ndaj naftës”, sepse “Hungaria varet shumë nga nafta dhe gazi rus. Pa ta, çmimet e energjisë do të shkojnë në qiell, duke shkaktuar mungesa në rezervat tona”.
Për fjalët e kryeministrit hungarez, reagoi ministri italian i Jashtëm, Antonio Tajani: “Kemi ide të ndryshme, por flasim me të gjithë”.
Ministri hungarez i Jashtëm konfirmoi se Orban do të shkojë tek Trump javën e ardhshme. Ambasadori i SHBA-ve pranë NATO-s, Matthew Whitaker, deklaroi gjatë fundjavës se Shtetet e Bashkuara presin që vende si Hungaria “të zhvillojnë dhe zbatojnë një plan” për t’u “çliruar” nga burimet energjetike ruse.
Për takimin me Meloni-n, kryeministri hungarez tha se “pika e rëndësishme është e ardhmja e ekonomisë evropiane, sepse për luftën ka shumë pak për të bërë.”
Pozicioni i kryeministres Meloni, e cila gjithashtu ka shfaqur rezerva mbi përdorimin e pasurive ruse të ngrira si garanci për fonde qenë Kievin, ka gjithmonë mbështetje e qartë dhe e vendosur për Ukrainën në betejën e saj kundër pushtimit rus, që nisi më 24 shkurt 2022.
Tag: sanksionet
-
Viktor Orban: Europa jashtë loje, do t’i kërkoj Trumpit të heqë sanksionet ndaj Rusisë!
-
Sanksionet ndaj naftës ruse, Orban pritet të takohet me Presidentin Trump
Kryeministri i Hungarisë, Viktor Orban, do të bisedojë edhe për sanksionet amerikane ndaj kompanive ruse të naftës gjatë takimit me Presidentin e Shteteve të Bashkuara, Donald Trump, në Uashington javën e ardhshme, tha të hënën ministri i Jashtëm hungarez, Peter Szijjarto.
Trump, i cili është aleat i ngushtë i liderit hungarez, vendosi javën e kaluar sanksione ndaj Rusisë për herë të parë në mandatin e tij të dytë, duke i shënjestruar kompanitë Lukoil dhe Rosneft, në përpjekje për të ushtruar trysni ndaj Moskës që ajo ta pranojë armëpushimin në Ukrainë.
Vendimi i Trumpit ka ngritur dilema për Hungarinë dhe Sllovakinë, pasi ato janë blerëset më të mëdha të naftës ruse në Bashkimin Evropian. Ato gjithashtu kishin siguruar më parë përjashtime nga kufizimet e BE-së.
Orban kishte paralajmëruar qysh në tetor se do ta vizitonte Uashingtonin, dhe kishte thënë se agjenda e bisedimeve ishte caktuar pothuajse plotësisht.
“Sa i përket furnizimit tonë me energji… në gjysmën e dytë të javës së ardhshme ka mundësi që kryeministri ta diskutojë këtë çështje personalisht me presidentin amerikan në Uashington”, tha Szijjarto në një konferencë për shtyp.
Sipas tij, sanksionet e reja amerikane, të cilat hyjnë në fuqi në fund të nëntorit, tani për tani nuk po shkaktojnë probleme apo ulje të importeve të naftës nga Rusia për Hungarinë.
Të premten, Orban tha se Hungaria po punonte për ta gjetur një mënyrë për t’i anashkaluar sanksionet amerikane ndaj kompanive ruse të naftës.
Ai nuk dha hollësi, por as nuk la të kuptohej se synon t’i sfidojë hapur masat.
Orban tha se kishte zhvilluar bisedime me kompaninë kombëtare të naftës dhe gazit të Hungarisë, MOL, lidhur me sanksionet.
Lideri hungarez, i cili përballet me zgjedhje në vitin 2026, ka kultivuar marrëdhënie të forta personale me Trumpin ndër vite.
Qëndrimi i tij i ashpër kundër emigracionit i ka ndihmuar të fitojë mbështetje nga përkrahës të Trumpit në Shtetet e Bashkuara.
Ai tha më herët këtë muaj se gjatë takimit të ardhshëm me Trumpin do të bisedojë edhe për çështje ekonomike.Top Channel
-
Orban pritet të bisedojë me Trumpin për sanksionet ndaj naftës ruse javën e ardhshme
Kryeministri i Hungarisë, Viktor Orban, do të bisedojë edhe për sanksionet amerikane ndaj kompanive ruse të naftës gjatë takimit me presidentin e Shteteve të Bashkuara, Donald Trump, në Uashington javën e ardhshme, tha të hënën ministri i Jashtëm hungarez, Peter Szijjarto.
Trump, i cili është aleat i ngushtë i liderit hungarez, vendosi javën e kaluar sanksione ndaj Rusisë për herë të parë në mandatin e tij të dytë, duke i shënjestruar kompanitë Lukoil dhe Rosneft, në përpjekje për të ushtruar trysni ndaj Moskës që ajo ta pranojë armëpushimin në Ukrainë.
Vendimi i Trumpit ka ngritur dilema për Hungarinë dhe Sllovakinë, pasi ato janë blerëset më të mëdha të naftës ruse në Bashkimin Evropian. Ato gjithashtu kishin siguruar më parë përjashtime nga kufizimet e BE-së.Orban kishte paralajmëruar qysh në tetor se do ta vizitonte Uashingtonin, dhe kishte thënë se agjenda e bisedimeve ishte caktuar pothuajse plotësisht.
“Sa i përket furnizimit tonë me energji… në gjysmën e dytë të javës së ardhshme ka mundësi që kryeministri ta diskutojë këtë çështje personalisht me presidentin amerikan në Uashington”, tha Szijjarto në një konferencë për shtyp.
Sipas tij, sanksionet e reja amerikane, të cilat hyjnë në fuqi në fund të nëntorit, tani për tani nuk po shkaktojnë probleme apo ulje të importeve të naftës nga Rusia për Hungarinë.
Të premten, Orban tha se Hungaria po punonte për ta gjetur një mënyrë për t’i anashkaluar sanksionet amerikane ndaj kompanive ruse të naftës.
Ai nuk dha hollësi, por as nuk la të kuptohej se synon t’i sfidojë hapur masat.
Orban tha se kishte zhvilluar bisedime me kompaninë kombëtare të naftës dhe gazit të Hungarisë, MOL, lidhur me sanksionet.
Lideri hungarez, i cili përballet me zgjedhje në vitin 2026, ka kultivuar marrëdhënie të forta personale me Trumpin ndër vite.
Qëndrimi i tij i ashpër kundër emigracionit i ka ndihmuar të fitojë mbështetje nga përkrahës të Trumpit në Shtetet e Bashkuara.
Ai tha më herët këtë muaj se gjatë takimit të ardhshëm me Trumpin do të bisedojë edhe për çështje ekonomike./rel -
Eksperti rus Yushkov: Sanksionet amerikane nuk do të ndalin eksportet ruse të naftës, India dhe Kina nuk do të ndalojnë blerjet
Rusia ka zhvilluar tashmë një “përvojë të thellë” në shmangien e sanksioneve ndërkombëtare dhe është e gatshme të zbatojë strategji të reja për të anashkaluar kufizimet e reja amerikane mbi eksportet e saj të naftës.
Ky është qëndrimi i Igor Yushkov, profesor në Universitetin Financiar pranë qeverisë ruse dhe analist kryesor në Fondin Kombëtar për Sigurinë Energjetike. Yushkov konsiderohet një nga figurat më premtuese të brezit të ri të elitës financiare ruse dhe përfaqëson ata që presidenti Vladimir Putin po promovon për të rigjeneruar klasën drejtuese të vendit.
“Nuk është hera e parë që kompanitë tona goditen nga sanksionet. Gazpromneft dhe Surgutneftegaz kanë qenë nën kufizime, por vazhdojnë të funksionojnë dhe madje të eksportojnë. E njëjta gjë do të ndodhë me Rosneft dhe Lukoil; do të paguajnë një çmim, por do të vazhdojnë të punojnë si në tregun vendas, ashtu edhe në atë ndërkombëtar”, tha Yushkov.
Sipas tij, këto kompani do të përdorin rrjete të gjata ndërmjetësish për të siguruar që konsumatorët përfundimtarë të mos frikësohen nga sanksionet.
“Kjo do të rrisë shpenzimet për transport, qira të anijeve cisternë dhe sigurime, por nuk do të ketë ndikim të madh në buxhetin federal,” shton ai.
Yushkov pranon se mund të ketë një ulje deri në 40% të të ardhurave nga dividentët që shteti përfiton përmes Rosneft dhe Lukoil, por e konsideron këtë “të menaxhueshme”.
“Do të kemi më pak fitime, por nuk është fundi i botës për financat tona. Rusia është mësuar të funksionojë nën sanksione,” thekson ai.
Për analistin rus, tregjet kryesore të energjisë për Moskën mbeten Kina, India dhe Turqia, që së bashku përbëjnë rreth 85% të eksporteve të naftës ruse. Ai nuk beson se presioni amerikan do t’i bindë këto shtete të ndryshojnë qëndrim.
“Pse India dhe Kina duhet ta bëjnë këtë?”, pyet Yushkov. “Nëse e ndalojnë naftën tonë, çmimet globale do të rriten dhe do të dëmtojnë ekonomitë e tyre. Shtetet e Bashkuara nuk kanë asgjë konkrete për t’u ofruar në këmbim. Rreziqet janë shumë më të mëdha se çdo përfitim”, shtoi ai.
Në lidhje me deklaratat e presidentit Donald Trump, i cili ka paralajmëruar se brenda gjashtë muajve sanksionet do të ndikojnë ndjeshëm në ekonominë ruse, Yushkov shprehet skeptik.
“Nuk mendoj se Trump e kupton plotësisht situatën. Afati i gjashtë muajve është më shumë një mënyrë për t’u mbrojtur nga akuzat për butësi ndaj Putinit.”
Sipas Yushkov, edhe nëse India dhe Kina do të reduktonin blerjet, Rusia nuk do të ndryshonte qëndrimin e saj politik. “Edhe nëse ndalet çdo eksport, nuk do të thotë se do të dorëzojmë Krimenë apo do të ndryshojmë politikën e jashtme. Nuk ka garanci që kjo do të ndodhë,” thotë ai.
Analisti shton se Rusia nuk ka frikë nga reagimi i tregjeve. “Në fillim mund të ketë një lëvizje emocionale dhe rritje të çmimeve për shkak të frikës nga mungesa e furnizimit, por situata do të stabilizohet,” shpjegon ai.
Në përfundim, Yushkov akuzon Shtetet e Bashkuara për shfrytëzimin e luftës në Ukrainë për përfitime ekonomike.
“Amerikanët po përfitojnë nga lufta, shesin më shumë armë dhe presidenti i tyre shet rolin e ndërmjetësit çdo herë që kërkon më shumë përfitime. Nuk ka arsye pse të heqë dorë nga kjo situatë,” tha ai për Corriere della Sera.Top Channel
-
Trump tallet me Putinin pas reagimit për sanksionet e reja amerikane: Le të shohim pas gjashtë muajsh
Presidenti amerikan Donald Trump ka reaguar me ironi ndaj komenteve të homologut rus, Vladimir Putinit, pas vendosjes së sanksioneve të reja të SHBA-së ndaj dy kompanive më të mëdha ruse të naftës, Rosneft dhe Lukoil.
Kreu i Kremlinit kishte pranuar se masat e Uashingtonit do të kenë “pasoja të caktuara”, por kishte theksuar se ato nuk do të kenë ndikim të rëndësishëm në ekonominë ruse.
Por Trump nuk e la pa përgjigje. I pyetur gjatë një konference për shtyp për deklaratat e Putinit, ai u përgjigj me një ton sarkastik, duke thënë “Jam i lumtur që ai ndihet kështu, shumë mirë”.
Më pas, me një të qeshur të lehtë dhe ndërsa sekretari i mbrojtjes Pete Hegseth qëndronte pranë tij duke buzëqeshur, shtoi:“Do t’ju njoftoj pas gjashtë muajsh. Le të shohim si do të shkojë.”
Sipas analistëve, sanksionet e reja pritet të kenë një goditje të fortë ekonomike ndaj Moskës, shkruan Sky News.Top Channel
-
A po luan Trump blofin me Putin? Sanksionet ndaj Rosneft dhe Lukoil nuk do të kenë ndikim mbi Moskën
Sanksionet e reja të Shteteve të Bashkuara ndaj Rusisë mund të kenë një ndikim “të rëndësishëm” në ekonominë e saj. Ndërsa sanksionet e mëparshme ndaj kompanisë ruse nënkuptonin vetëm një ulje të të ardhurave për Moskën, masat e vendosura rishtazi nga administrata Trump ndaj dy prej kompanive më të mëdha ruse të naftës, Rosneft dhe Lukoil, mund të kenë gjithashtu një ndikim më të gjerë në disa vende evropiane, pasi të dyja kanë operacione mjaft të rëndësishme në Evropë. Kështu bën me dije në alaziën e tij, Redaktori përgjegjës për Energjinë pranë Reuters, Dmitry Zhdannikov.
“Ndikimi do të jetë i konsiderueshëm. Nuk ka dyshim për këtë. Nuk është hera e parë që sanksione të kësaj shkalle u janë vendosur kompanive ruse. Pra, Shtetet e Bashkuara vendosën sanksione ndaj dy prej kompanive më të mëdha ruse të naftës, Rosneft dhe Lukoil. Por sanksione të ngjashme kanë ekzistuar tashmë ndaj kompanive ruse të naftës numër tre dhe numër katër, Gazpromneft dhe Surgut. Këto sanksione nuk i ndaluan rrjedhat e naftës. India dhe Kina ende merrnin naftë ruse. Por ajo që ndodhi është se Rusia duhej të siguronte, të ofronte zbritje më të mëdha kur shiste naftë. Pra, kjo do të thotë më pak të ardhura për Kremlinin. Për më tepër, ajo që po bëhet edhe më komplekse me sanksionet më të fundit ndaj Lukoil dhe Rosneft është se Lukoil ka operacione mjaft të rëndësishme në Evropë. Ka një rafineri në Bullgari, ka një rafineri në Rumani dhe ka pjesë të një rafinerie në Belgjikë. Dhe për më tepër, Lukoil është një furnizues kryesor i naftës bruto për Hungarinë dhe Sllovakinë”, tha Dmitry Zhdanikov, Reuters.
Uashingtoni goditi furnizuesit kryesorë rusë Rosneft dhe Lukoil me sanksione për shkak të luftës në Ukrainë, duke shkaktuar shqetësime për furnizimin më të ngushtë të naftës nga Rusia, furnizuesi kryesor i Kinës dhe Indisë. Kontratat e ardhshme të naftës Brent u rritën me më shumë se 4 përqind të enjten. Kontratat e ardhshme të naftës së papërpunuar Brent u rritën me 3.39 dollarë, ose 5.4 përqind, në 65.98 dollarë për fuçi, ndërsa kontratat e ardhshme të naftës së papërpunuar të Teksasit Perëndimor të SHBA-së u rritën me 3.31 dollarë, ose 5.7 përqind, në 61.81 dollarë, shkruan A2 CNN.
“Tani nafta po tregtohet me 4% më lart. Kjo tregon qartë se njerëzit janë të shqetësuar për disa ndërprerje të furnizimit. Por sigurisht, shkalla e rritjes është e pakrahasueshme me atë se sa shumë u rritën çmimet në fillim të krizës ukrainase. Ajo që njerëzit kuptojnë është se bota nuk ka mungesë jashtëzakonisht të madhe nafte për momentin. Ka mjaft parashikime se vitin e ardhshëm do të shohim një tepricë në furnizim falë rritjes së prodhimit në vende si Shtetet e Bashkuara dhe Guajana. Por sigurisht, nëse e hiqni të gjithë naftën ruse nga tregu, që është 10% e furnizimit global, atëherë ndikimi në çmime do të jetë i rëndësishëm. Por nuk mendoj se në atë fazë po flasim ende për ndërprerjen e eksporteve të naftës ruse”, tha Zhdanikov.
“Nuk ka gjasa që (sanksionet ndaj kompanive të energjisë) të ndikojnë drejtpërdrejt në buxhetin e vendit. Megjithatë, ato mund të kenë një efekt negativ indirekt: nëse një kompani fiton më pak, ajo paguan më pak taksa. Në rastin e Rosneft, ku shteti rus është aksionari kryesor, kompania do të paguante gjithashtu dividentë më të ulët. Megjithatë, kjo nuk ka gjasa të ketë një ndikim rrënjësor as në shtet as në kompani”, tha Igor Yushkov, analist, RNESF.
Sanksionet e SHBA-së nënkuptojnë se rafineritë në Kinë dhe Indi do të duhet të kërkojnë furnizues alternativë për të shmangur përjashtimin nga sistemi bankar perëndimor, sipas analistit të Saxo Bank, Ole Hansen. Por pozicioni i këtyre dy blerësve kryesorë të naftës ruse, është thelbësisht i ndryshëm. Ndërsa India mund të bjerë dakord të ulë blerjet ruse në këmbim të disa lehtësimeve të tarifave nga SHBA-ja, shqetësimet e Kinës bien në një tablo shumë më të gjerë, ku “nafta ruse përfaqëson vetëm një pjesë të parëndësishme të shqetësimit kinez në lidhje me drejtimin e marrëdhënieve kineze me Perëndimin në këtë moment”.
“Mendoj se Trump e bëri shumë të qartë, ai po frustrohet dhe diçka duhet bërë. Ai e di që sanksionet dhe tarifat janë disa nga mjetet më efikase. Ai thjesht ka vendosur t’i përdorë ato përsëri me shpresën se diçka do të arrihet. Dua të them, deri në një farë mase, topi tani është në fushën e Moskës. Dua të them, Moska mund të ketë dy mundësi. E para, Moska mund të vendosë të mos bëjë asgjë. Dhe ta mbajë qëndrimin krejtësisht të pandryshuar, duke shpresuar që Kina dhe veçanërisht Kina do ta financojë Moskën duke blerë pjesën më të madhe të energjisë së saj, ose Moska mund të vendosë që dhimbja po bëhet shumë e madhe dhe pastaj të shkojë drejt një lloj zgjidhjeje”.
“Nuk mendoj se Kina do të ndalojë së bleri naftë ruse. Aktualisht importon më shumë se 2 milionë fuçi në ditë nëpërmjet tubacioneve dhe tankerëve. Pra, pse do të ndalonte Kina? Çfarë mund të ofrojë SHBA-ja si alternativë? Trump është i angazhuar në një betejë tarifash, por ai nuk ka ndikim të rëndësishëm mbi Kinën. Siç mund ta shohim, ai nuk po ushtron shumë presion – ai nuk ka vendosur sanksione ndaj Kinës për blerjen e naftës ruse”, tha Zhdanikov.
“Problemi kryesor për Indinë është një tarifë prej 50% që Shtetet e Bashkuara i kanë vendosur Nju Delhit. Dhe kjo po fillon ta dëmtojë ndjeshëm ekonominë indiane. Dhe në këtë drejtim, po fillojmë të dëgjojmë nga tregtarët dhe pjesëmarrësit e tregut se India është e gatshme të ulë blerjet e naftës ruse, të bjerë dakord për një kompromis të caktuar me Shtetet e Bashkuara për tarifat. Është një shkëmbim. India ndoshta nuk do të bjerë dakord të ulë importet e naftës ruse për sa kohë që tarifat e SHBA-së nuk ulen. Por nëse Uashingtoni pranon të ulë tarifat, India ndoshta do të bjerë dakord të ulë blerjet ruse”, tha Igor Yushkov, analist, RNESF.
SHBA-ja tha se ishte e përgatitur të ndërmerrte veprime të mëtejshme, ndërsa i bëri thirrje Moskës të binte dakord menjëherë për një armëpushim në Ukrainë. Vendet e BE-së miratuan gjithashtu një paketë të 19-të sanksionesh ndaj Moskës që përfshinte një ndalim të importeve të gazit natyror të lëngshëm rus, ndërsa Britania goditi Rosneft dhe Lukoil me sanksione javën e kaluar. -
Çfarë synojnë sanksionet e fundit të BE-së ndaj Rusisë
Bashkimi Evropian ka miratuar paketën e 19-të të sanksioneve ndaj Rusisë, duke përfshirë për herë të parë masa që synojnë sektorin rus të gazit të lëngshëm natyror (LNG).
Paketa, e cila synon gjithashtu flotën e fshehtë të anijeve që Rusia përdor për të shmangur kufirin e çmimit të naftës, u miratua zyrtarisht ndërsa liderët e BE-së mbërritën në Bruksel për bisedime mbi mbështetjen për përpjekjet e Ukrainës në luftë.
Presidentja e Komisionit Evropian, Ursula von der Leyen, njoftoi miratimin e masave në platformën X. “Për herë të parë po godasim sektorin e gazit të Rusisë, zemrën e ekonomisë së saj të luftës. Nuk do të ndalemi derisa populli ukrainas të ketë paqe të drejtë dhe të qëndrueshme”, tha ajo.
BE ka rënë dakord për një ndalim me faza të importeve të LNG rus, me synimin për të ndaluar plotësisht tregtinë e gazit të lëngshëm rus deri më 1 janar 2027. Europa bleu sasi rekord të LNG rus në vitin 2024, pas rënies së furnizimeve me gaz përmes tubacioneve, një tregti nga e cila përfitonte Rusia dhe minonte mbështetjen e BE-së për Ukrainën.
BE shtoi 117 anije të flotës së fshehtë në listën e sanksioneve, duke e çuar numrin total në 558 anije të dyshuara për transport ilegal të naftës ruse, të cilat tani nuk mund të hyjnë në portet e BE-së apo të përdorin shërbime sigurimi.
Sipas asaj që shkruan The Guardian, vlerësohet se Rusia ka mes 600 dhe 1,400 cisterna të paregjistruara në “flotën e saj të fshehtë”, anije të vjetra me struktura pronësie të paqarta, që përdoren për të transportuar naftë me çmime mbi kufirin e vendosur nga Perëndimi, drejt vendeve si Kina dhe India. G7 vendosi kufirin e çmimit për naftën ruse në dhjetor 2022 për të reduktuar të ardhurat që financojnë pushtimin. Aleatët evropianë të Ukrainës e ulën më tej kufirin në shtator.
Në një lëvizje tjetër, diplomatët rusë me bazë në BE nuk do të mund të udhëtojnë më lirshëm nëpër bllok dhe duhet të njoftojnë autoritetet kombëtare për çdo udhëtim në një shtet tjetër anëtar të BE-së.
Ministri i Jashtëm i Danimarkës, Lars Løkke Rasmussen, tha se ndalimi i importeve të LNG ishte një hap i rëndësishëm drejt ndërprerjes totale të energjisë ruse në BE. “Sanksionet kanë ndikim real dhe po dëmtojnë ekonominë ruse. Rusia po e ka gjithnjë e më të vështirë të financojë luftën e saj të paligjshme të agresionit kundër Ukrainës”.
Miratimi erdhi pasi Sllovakia hoqi veton dhe SHBA vendosi sanksione ndaj dy kompanive më të mëdha të naftës në Rusi, Rosneft dhe Lukoil, masat e para amerikane kundër makinerisë së luftës së Vladimir Putinit që nga rikthimi i Donald Trump në Shtëpinë e Bardhë në janar.
Në një shenjë të mundshme të ‘ngrohjes’ së marrëdhënieve mes Brukselit dhe administratës Trump, von der Leyen tha se e vlerësonte një telefonatë me sekretarin amerikan të Thesarit, Scott Bessent, për sanksionet amerikane. “Ky është një sinjal i qartë nga të dyja palët”, shkroi ajo pasi u bë e qartë se edhe masat e BE-së do të miratoheshin.
Liderët e BE-së do të shprehin mbështetje për presidentin ukrainas Volodymyr Zelenskyy, i cili do të marrë pjesë në samitin të enjten, pas një jave të tensionuar që përfshiu një takim të vështirë me presidentin Trump, i cili raportohet se ka ushtruar presion mbi Zelenskyy-n për të hequr dorë nga territore.
Një plan për të miratuar një hua prej miliarda eurosh për Ukrainën, e siguruar mbi asetet e ngrira ruse në BE, mbetet i bllokuar për shkak të shqetësimeve të Belgjikës. Belgjika strehon 183 miliardë euro në asete të ngrira ruse në Euroclear, një depo qendrore e letrave me vlerë në Bruksel, por është e shqetësuar për planin për t’i huazuar Ukrainës 140 miliardë euro mbi bazën e këtyre fondeve.
Duke mbërritur në samit të enjten, kryeministri belg Bart De Wever tha se do ta kundërshtonte planin pa garanci të duhura. “Nuk kam parë ende bazën ligjore për këtë vendim”, tha De Wever për gazetarët. “Edhe gjatë Luftës së Dytë Botërore, asetet e immobilizuara nuk u prekën kurrë. Kështu që ky është një hap shumë i rëndësishëm”. -
Trump sanksionoi kompanitë ruse të naftës, reagon Rusia: Nëse SHBA-të ndjekin shembullin e qeverive të mëparshme, do dështojnë
Moska i ka quajtur sanksionet e reja të SHBA-së joproduktive, duke theksuar se nëse administrata Trump ndjek shembullin e qeverive të mëparshme, “atëherë do të jetë një dështim”, sipas Ministrisë së Jashtme ruse.
Nga ana e tij, presidenti ukrainas, Volodymyr Zelensky përshëndeti sanksionet e SHBA-së kundër dy kompanive më të mëdha të naftës në Rusi.
Duke folur me gazetarët pas mbërritjes së tij në Bruksel për samitin e sotëm të BE-së, ai tha: “Mendoj se do të shohim nëse sanksionet do të kenë efekt… ky është një mesazh i mirë nga SHBA-ja”.
Disa minuta pas fjalimit të tij, udhëheqësi ukrainas përmes postimit të tij në “X”, falënderoi presidentin Trump dhe ekipin e tij për “vendimin vendimtar dhe të synuar”.The new U.S. sanctions against Russia’s oil giants are a clear signal that prolonging the war and spreading terror come at a cost. And this is a fair and absolutely deserved step. It is precisely pressure on Russia that will be effective for achieving peace, and sanctions are one…
— Volodymyr Zelenskyy / Володимир Зеленський (@ZelenskyyUa) October 23, 2025“Sanksionet e reja të SHBA-së kundër gjigantëve rusë të naftës janë një mesazh i qartë se zgjatja e luftës dhe përhapja e terrorit kanë kosto. Dhe ky është një hap i drejtë dhe absolutisht i nevojshëm. Presioni ndaj Rusisë do të jetë efektiv në arritjen e paqes, dhe sanksionet janë një nga elementët e tij kryesorë.
Falënderoj Donald Trump dhe të gjithë ekipin amerikan për këtë vendim vendimtar dhe të synuar. Është një mesazh i fortë dhe shumë i nevojshëm se agresioni nuk do të mbetet pa përgjigje. Një paqe e besueshme dhe e qëndrueshme nuk ka tjetër alternativë”, tha Volodymyr Zelensky në postimin e tij.Top Channel