Lajmidites.com

Tag: sanchez

  • Sanchez “tradhton” Chelsea-n pas 5 minutahs lojë, Man. United e mbyll në avantazh të dyfishtë pjesën e parë (video)

    Sanchez “tradhton” Chelsea-n pas 5 minutahs lojë, Man. United e mbyll në avantazh të dyfishtë pjesën e parë (video)

    20 Shtator 2025

    19:25

    Telesport

    Manchester United-Chelsea është kryesfida e javës së pestë në Premier League. Pjesa e parë është mbyllur 2-0 për Man. United.
    Chelsea e nisi shumë keq takimin, ku mbeti me një lojtar më pak vetëm pas 5 minutash lojë. Portieri Robert Sanchez ndërhyri keq ndaj Bryan Mbeumo jashtë zonës së rreptësisë, arbitri e ndëshkon me karton të kuq. Estevao skarifikohet për portierin e dytë, Jorgenesen, i cili mori vendin e Sanchez.
    Goli i parë për “Djajtë” do të vinte në minutën e 13-të, Mazraoui kroson në zonë, Dorgu godet me kokë, Bruno Fernandes e shtyn në rrjetë.
    Në minutën e 36-të, Casemiro do të dyfishonte shifrat. Pas një rrëmuje në zonë, braziliani do të shënonte me kokë. Në minutën e 50-të, Casemiro do të bëhej sërish protagonist, por këtë herë për keq. Braziliani ndëshkohet për herë të dytë në pak minuta me karton të verdhë dhe lë fushën e lojës. Pjesa e parë mbyllet në avantazh të dyfishtë për Man. United.
    SHIKOGOLAT

  • Kryeministri i Spanjës kërkon që Izraelit t’i ndalohet pjesëmarrja në gara sportive

    Kryeministri i Spanjës kërkon që Izraelit t’i ndalohet pjesëmarrja në gara sportive

    Kryeministri i Spanjës, Pedro Sanchez, ka bërë thirrje të hënën që Izraeli të përjashtohet nga ngjarjet sportive, një ditë pasi aktivistët propalestinezë ndërprenë në mënyrë kaotike përfundimin e garës së çiklizmit Vuelta në Madrid.
    Ministri i Jashtëm i Izraelit reagoi duke e quajtur Sanchezin “antisemitik dhe gënjeshtar”.
    Tensionet mes dy vendeve janë përshkallëzuar javët e fundit, pasi Qeveria e majtë spanjolle shprehu mbështetje për protestuesit që ndërprenë disa etapa të Vueltës, përfshirë edhe atë përfundimtare të së dielës në Madrid, për shkak të pjesëmarrjes së një ekipi izraelit.

    Duke folur para anëtarëve të partisë së tij socialiste, Sanchez tha se Izraeli, ashtu si Rusia, nuk duhet të lejohet të marrë pjesë në sporte ndërkombëtare për shkak të fushatës ushtarake në Gazë.
    “Organizatat sportive duhet të shqyrtojnë nëse është etike që Izraeli të vazhdojë të marrë pjesë në garat ndërkombëtare. Pse u përjashtua Rusia pas pushtimit të Ukrainës dhe nuk po përjashtohet Izraeli pas pushtimit të Gazës?” tha Sanchez.
    “Derisa të ndalet barbaria, as Rusia dhe as Izraeli nuk duhet të jenë në asnjë garë ndërkombëtare”, shtoi ai.
    Sanchez foli një ditë pasi gara finale e Vueltës u ndërpre kur protestuesit propalestinezë, kundërshtarë të pjesëmarrjes së ekipit izraelit, Israel Premier Tech, hodhën barriera në rrugë dhe u përplasën me policinë pranë vijës së finishit.
    Autoritetet thanë se dy persona u arrestuan dhe 22 u lënduan lehtë.
    Qeveria spanjolle më herët kishte shprehur simpati për protestuesit dhe kishte sugjeruar që ekipi Israel Premier Tech duhej të tërhiqej nga gara trijavore që u shndërrua në një betejë diplomatike.
    Ekipi hoqi emrin nga fanellat, por qëndroi në garë deri në fund.
    Ministri i Jashtëm izraelit, Gideon Saar, kritikoi Sanchezin me një postim në X, ku përfshiu një video të fjalimit të tij të së hënës.
    “Një antisemitik dhe gënjeshtar. A e pushtoi Izraeli Gazën më 7 tetor apo ishte shteti terrorist Hamas që pushtoi Izraelin dhe kreu masakrën më të rëndë ndaj hebrenjve që nga Holokausti?” tha Saar.
    Hamasi është i shpallur organizatë terroriste nga Shtetet e Bashkuara dhe Bashkimi Evropian.
    Lufta në Gazë filloi kur militantët e udhëhequr nga Hamasi hynë në jug të Izraelit më 7 tetor 2023, duke vrarë rreth 1.200 njerëz, shumica civilë, dhe duke rrëmbyer 251 të tjerë. Në Gzë po mbahen ende 48 pengje dhe Izraeli beson se 20 prej tyre janë gjallë.
    Lufta hakmarrëse i Izraelit ka vrarë mbi 67.000 palestinezë, sipas Ministrisë së Shëndetësisë në Gazë, e cila nuk e ndan numrin e civilëve nga ai i luftëtarëve. Ofensiva ka zhvendosur shumicën e 2 milionë banorëve të Gazës, ka shkaktuar shkatërrime masive dhe uri të madhe.
    Derisa lufta po vazhdon, Izraeli po izolohet gjithnjë e më shumë, dhe Spanja është në krye të një liste gjithnjë e më të madhe të vendeve evropiane që po e kritikojnë Izraelin për shkak të numrit të lartë të viktimave civile.
    Vende si Britania e Madhe dhe Franca kanë thënë se planifikojnë ta njohin shtetin palestinez, ndërsa presidentja e Komisionit Evropian ka bërë thirrje për kufizimin e marrëdhënieve tregtare me Izraelin.
    Evropa mbetet e përçarë në qëndrimin ndaj Izraelit, dhe sanksionet apo dënimet e kufizuara deri tani kanë pasur pak efekt.

  • Kryeministri spanjoll kërkon përjashtimin e Izraelit nga garat sportive

    Kryeministri spanjoll kërkon përjashtimin e Izraelit nga garat sportive

    pedro sanchez

    SPANJË- Kryeministri spanjoll Pedro Sánchez bëri thirrje për përjashtimin e Izraelit nga ngjarjet sportive ndërkombëtare. Për fushatën e tij ushtarake në Rripin e Gazës Izraeli duhet të trajtohet në mënyrë të ngjashme si Rusia për pushtimin e Ukrainës, tha Sánchez para anëtarëve të Partisë së tij Socialiste.
    Të dielën (15.09.) aktivistë pro-palestinezë ndërprenë fazën e fundit të garës çiklistike Vuelta a España, e cila u desh të shkurtohej, sepse protestuesit bllokuan itinerarin.
    Sánchez u bëri thirrje organizatave sportive të shqyrtojnë nëse është etike që Izraeli të vazhdojë të marrë pjesë në garat ndërkombëtare.
    Madridi ndërpret kontratën për blerjen e raketahedhësve të projektuar në Izrael
    Qeveria spanjolle ka anuluar një kontratë me vlerë gati 700 milionë euro për blerjen e raketahedhësve të projektuar në Izrael. Konkretisht fjala është për një kontratë që i ishte dhënë një konsorciumi spanjoll për dymbëdhjetë njësi të sistemit të telekomanduar të raketahedhësve Silam, të zhvilluar nga sistemi Puls i grupit izraelit Elbit Systems.
    Javën e kaluar qeveria spanjolle paraqiti një sërë masash për të “ndaluar gjenocidin në Rripin e Gazës, për të ndjekur penalisht autorët dhe për të mbështetur popullsinë palestineze”. Këto masa përfshinin ndër të tjera ndalimin e marrëveshjeve për armë me Izraelin, që përfshin si shitjet ashtu edhe blerjet e armëve./dw

  • Izraeli sulmon kryeministrin Sanchez: Je një turp për Spanjën

    Izraeli sulmon kryeministrin Sanchez: Je një turp për Spanjën

    Tensionet diplomatike mes Izraelit dhe Spanjës janë thelluar pas deklaratave të ashpra të ministrit të Jashtëm izraelit, Gideon Sa’ar, i cili e quajti kryeministrin spanjoll Pedro Sanchez dhe qeverinë e tij “një turp për vendin”. Reagimi erdhi pas protestave masive pro-palestineze të zhvilluara në Madrid të dielën, të cilat çuan në anulimin e një etape të garës çiklistike Vuelta.

    “Disa ditë më parë, kryeministri spanjoll shprehu keqardhje që nuk kishte një bombë atomike për të ndaluar Izraelin. Sot, ai u bëri thirrje protestuesve të dilnin në rrugë. Një turmë pro-palestineze, me slogane nxitëse, ndërpreu garën çikliste Vuelta. Si rezultat, një ngjarje sportive që ka qenë gjithmonë një burim krenarie për Spanjën është anuluar. Pedro Sanchez dhe qeveria e tij janë një turp për Spanjën,” shkroi Sa’ar në platformën X.

    Marrëdhëniet mes dy vendeve janë përkeqësuar ndjeshëm që nga viti 2023, kur Madridi u rreshtua mes kritikëve më të fortë të operacioneve ushtarake izraelite në Gaza pas sulmit të Hamasit më 7 tetor. Spanja njohu zyrtarisht shtetin palestinez vitin e kaluar dhe këtë javë vendosi masa të reja ndëshkuese ndaj Izraelit, përfshirë një embargo të përhershme armësh.

    Si kundërpërgjigje, Sa’ar akuzoi qeverinë spanjolle për “vijë armiqësore anti-izraelite” dhe e cilësoi atë si “kundër hebrenjve”, duke pretenduar se përdor çështjen e konfliktit për të shpërqendruar opinionin publik nga “skandalet e korrupsionit”. Ai njoftoi gjithashtu se dy anëtarë të kabinetit të Sanchez nuk do të lejohen të hyjnë në Izrael, duke i akuzuar për “mbështetje të dyshuar për terrorizëm dhe dhunë kundër izraelitëve”.

  • Si miku i Edi Ramës po tërbon Izraelin

    Si miku i Edi Ramës po tërbon Izraelin

    Është mik i ngushtë i Edi Ramës, por kur vjen puna te Izraeli, është e kundërta e homologut shqiptar. Eshtë kryeministri spanjoll Pedro Sanchez, ku si ai e si qeverisja që përfaqëson, po japin një shembull se si i duhet treguar vendi shtetit gjenocidal sionist, më saktë një skote mostrash njerëzore me shpirt të zi hitlerian.
    Së fundi, Sanchez lëshoi ​​një dekret që legalizonte një embargo të plotë armësh ndaj Izraelit dhe foli publikisht për herë të parë për “gjenocidin” kundër palestinezëve.
    Kryeministri spanjoll përdori hapur fjalën “gjenocid” për herë të parë për të përcaktuar ofensivën ushtarake izraelite kundër popullit të Gazës, diçka që qeveria spanjolle e kishte shmangur për muaj të tërë dhe që ka shkaktuar një debat të madh të brendshëm, raporton El Pais.
    Në përputhje me rrethanat, Sanchez njoftoi masa edhe më të forta, duke përfshirë një dekret që sanksionon ligjërisht atë që ka ndodhur tashmë në praktikë: një embargo e plotë për blerjen dhe shitjen e armëve Izraelit, përveç tetë masave të tjera që parandalojnë anijet ose aeroplanët që transportojnë karburant ose mbështetje për ushtrinë izraelite të ankorohen ose të zbarkojnë në Spanjë.
    Sanchez e filloi fjalimin e tij, në një mënyrë veçanërisht të matur, duke pranuar vuajtjet historike të popullit hebre, si një përpjekje që të shmangë akuzat për antisemitizëm që janë ngritur kundër tij edhe nga disa anëtarë të së djathtës spanjolle.
    “Populli hebre ka vuajtur persekutime të panumërta; ata meritojnë të kenë shtetin e tyre dhe të ndihen të sigurt. Kjo është arsyeja pse qeveria spanjolle i ka dënuar sulmet e Hamasit që nga dita e parë”, filloi ai, duke vazhduar menjëherë me akuzën për gjenocid. “Është një gjë të mbrosh vendin tënd dhe krejt tjetër të bombardosh spitalet dhe të vdesësh urie fëmijë të pafajshëm. Ky është një sulm i pajustifikuar ndaj popullsisë civile që raportuesi i OKB-së e përshkruan si gjenocid. 60,000 të vdekur, dy milionë të zhvendosur nga shtëpitë e tyre, gjysma e të cilëve të mitur. Kjo nuk është vetëmbrojtje, nuk është as sulm, është shfarosja e një populli të pambrojtur dhe një shkelje e të gjitha ligjeve të së drejtës ndërkombëtare.”
    Sanchez e bëri të qartë se Spanja po shkon më tej se shumica e vendeve fqinje, veçanërisht ato evropiane. Ishte e para që njohu Palestinën, diçka që disa e kanë bërë muaj më vonë, dhe tani dëshiron të shkojë një hap më tej.
    Ai kritikoi këtë hezitim të aleatëve të tij. “Fuqitë e mëdha përfundojnë të bllokuara midis indiferencës dhe bashkëfajësisë”, argumentoi ai.
    Sanchez gjithashtu pranoi se ndikimi i këtyre vendimeve spanjolle është i kufizuar sepse nuk është vendi vendimtar në këtë konflikt, siç mund të jenë Shtetet e Bashkuara. Por në të njëjtën kohë ai këmbënguli se të paktën mund të bëjë atë që mundet për të treguar rrugën përpara. “Ne nuk mund ta ndalojmë ofensivën izraelite vetëm, por nuk do të ndalemi së përpjekuri. Ne kemi promovuar rezolutat e OKB-së, kemi dërguar ndihmë humanitare në Gaza, kemi bllokuar shitjen e pajisjeve ushtarake Izraelit dhe kemi avokuar për njohjen e Palestinës. Ne kemi luftuar kundër indiferencës për t’i dhënë shpresë popullit palestinez.”
    Ndër masat, përveç këtij dekreti, është një ndalim i tranzitit të anijeve dhe aeroplanëve që transportojnë materiale lufte ose karburant për ushtrinë izraelite përmes territorit spanjoll.
    Dhe si reagim, ai morri vulën e njohur të antisemitit nga qeveria izraelite, një ndër termat më spekullativë që përdorin sionistët me kundërshtarët e krimeve të tyre.
    Ministri i Jashtëm izraelit Gideon Sa’ar akuzoi qeverinë spanjolle për antisemitizëm pas masave të saj të reja kundër anijeve dhe aeroplanëve që transportonin armë në Izrael.
    Ministria e Jashtme spanjolle iu përgjigj duke thirrur ambasadorin e saj në Tel Aviv për konsultime.
    Qeveria e Benjamin Netanyahut ka ndaluar gjithashtu hyrjen në vend të zv/presidentes dhe Ministres së Punës së Spanjës, Yolanda Diaz, si dhe ministres së Rinisë dhe Fëmijëve, Siri Rego.
    Grupi militant palestinez Hamas, nga ana e tij, e përshëndeti embargon spanjolle si “një hap të rëndësishëm politik dhe moral brenda kuadrit të përpjekjeve ndërkombëtare për të ndaluar gjenocidin, urinë dhe zhvendosjen kundër popullit tonë palestinez në Rripin e Gazës”.
    Ata gjithashtu u bënë thirrje vendeve të tjera të miratojnë masa të ngjashme. /tesheshi.com/

  • “Nuk është vetëmbrojtje, është shfarosje”/ Kryeministri i Spanjës shpall masa të forta kundër Izraelit për luftën në Gaza

    “Nuk është vetëmbrojtje, është shfarosje”/ Kryeministri i Spanjës shpall masa të forta kundër Izraelit për luftën në Gaza

    Kryeministri i Spanjës, Pedro Sánchez, ka ashpërsuar kritikat ndaj veprimeve të Izraelit në Gaza, duke akuzuar qeverinë e Benjamin Netanyahut për “shfarosje të një populli të pambrojtur” përmes bombardimeve mbi spitale dhe “vrasjes së fëmijëve të pafajshëm nga uria”.

    Në një deklaratë të mbajtur të hënën, gjatë prezantimit të një sërë masash për të rritur presionin mbi Netanyahun që të ndalë ofensivën ushtarake, Sánchez tha se, ndonëse qeveria spanjolle gjithmonë do të mbështesë të drejtën e Izraelit për të ekzistuar dhe për t’u mbrojtur, ndjen një detyrim për të vepruar “për të ndaluar një masakër”.
    “Të mbrosh vendin tënd është një gjë, por të bombardosh spitale dhe të vrasësh fëmijë të pafajshëm nga uria është diçka krejt tjetër,” tha Sánchez.
    Ai shtoi se ajo që Netanyahu e paraqiti në tetor 2023 si një operacion ushtarak në përgjigje të sulmeve terroriste të Hamasit, është shndërruar në “një valë të re pushtimesh të paligjshme dhe një sulm të pajustifikueshëm ndaj popullsisë civile palestineze – një sulm që raportuesi special i OKB-së dhe shumica e ekspertëve tashmë e përshkruajnë si gjenocid.”
    Sánchez theksoi shifrat tronditëse të të vrarëve, të plagosurve, të zhvendosurve dhe të uriturve në Gaza: “Kjo nuk është vetëmbrojtje; as nuk është një sulm. Është shfarosje e një populli të pambrojtur. Është shkelje e çdo rregulli të së drejtës humanitare,” deklaroi ai.
    Ai kritikoi gjithashtu komunitetin ndërkombëtar, duke thënë se fuqitë e mëdha botërore kanë mbetur “të paralizuara mes indiferencës ndaj një konflikti pa fund dhe bashkëpunimit me qeverinë e Netanyahut”.
    Masat e shpallura nga qeveria spanjolle përfshijnë:
    Ligj që formalizon ndalimin ekzistues (de facto) të shitblerjeve të pajisjeve ushtarake me Izraelin.
    Ndalim të përdorimit të porteve dhe hapësirës ajrore spanjolle për transport të karburantit apo armëve drejt ushtrisë izraelite.
    Ndalim hyrjeje në Spanjë për ata që konsiderohen “të përfshirë drejtpërdrejt në gjenocid”.
    Rritje të ndihmës humanitare për Gazën.
    “E dimë që këto masa nuk do të jenë të mjaftueshme për të ndalur pushtimin apo krimet e luftës,” pranoi kryeministri, “por shpresojmë se do të shtojnë presionin ndaj qeverisë izraelite dhe do t’i tregojnë popullit spanjoll se Spanja ishte në anën e drejtë të historisë.”

    Top Channel

  • Spanja vendosi embargo armësh e ndalim të mallrave në B. Perëndimor! Hakmerret Izraeli, sanksionon ministrat e Madridit

    Spanja vendosi embargo armësh e ndalim të mallrave në B. Perëndimor! Hakmerret Izraeli, sanksionon ministrat e Madridit

    Kryeministri spanjoll Pedro Sanchez njofton masa të reja kundër Izraelit për shkak të sjelljes së tij në Gaza gjatë kohës së luftës, duke përfshirë një embargo armësh dhe një ndalim për disa mallra izraelite, ndërsa Ministri i Jashtëm, Gideon Sa’ar njofton sanksione ndaj dy ministrave spanjollë dhe akuzon Spanjën për antisemitizëm.

    Në një fjalim televiziv, Sanchez thotë se Spanja do të shtojë presionin mbi Izraelin duke miratuar një embargo ligjore armësh, duke vendosur një ndalim hyrjeje për ata që marrin pjesë, në atë që ai e karakterizon si një “gjenocid” kundër palestinezëve, duke ndaluar anijet dhe avionët që transportojnë armë me destinacion Izraelin të ankorohen në portet spanjolle ose të hyjnë në hapësirën ajrore spanjolle, si dhe duke zbatuar një embargo mbi mallrat e prodhuara në vendbanimet izraelite në Bregun Perëndimor.

    Pak para komenteve të Sanchez, Ministri i Jashtëm Izraelit Gideon Sa’ar njofton sanksione ndaj dy ministrave spanjollë, për atë që ai e përshkruan si aktivitet anti-Izrael dhe antisemitik, në një postim në gjuhën hebraike në X.

    “Qeveria e Spanjës po udhëheq një linjë armiqësore dhe anti-Izrael, të karakterizuar nga retorikë e egër dhe e mbushur me urrejtje”, shkruan Sa’ar, duke akuzuar administratën “e korruptuar” të Sanchez, se po përpiqet të “shpërqendrojë vëmendjen nga skandalet e rënda të korrupsionit” përmes qëndrimit të saj anti-Izrael.

    “Nuk është më e mundur të shmanget vendosja e sanksioneve personale ndaj anëtarëve të qeverisë spanjolle që kanë kaluar çdo vijë të kuqe”, shkruan Sa’ar, duke shpallur ndalim hyrjeje dhe kontakti për zëvendëskryeministren dhe ministren e Punës spanjolle, Yolanda Diaz dhe ministren e Fëmijëve dhe të Rinjv,e Sira Rego.

    Sa’ar rendit deklarata dhe thirrje të përsëritura për veprime kundër Izraelit nga dy ministrat e bëra pas masakrës së udhëhequr nga Hamasi më 7 tetor 2023, duke thënë se shembujt e ndryshëm përbëjnë thirrje për shkatërrimin e Izraelit ose mbështetje për terrorizmin dhe dhunën kundër izraelitëve.

    «Hyrja e këtyre ministrave në Izrael është e ndaluar dhe Izraeli, nuk do të mbajë asnjë kontakt me ta», thotë ai.

    Ndërsa “jo çdo kritikë ndaj politikës izraelite përbën antisemitizëm”, shton Sa’ar, kritikat që vijnë nga Spanja “karakterizohen nga demonizimi, delegjitimizimi dhe standardet e dyfishta”, të cilat ai thekson “është antisemitizëm, sipas përkufizimit të IHRA-s” – një kornizë për identifikimin dhe reagimin ndaj antisemitizmit bashkëkohor të formuluar në vitin 2016.

    “Deklaratat e anëtarëve të qeverisë spanjolle janë të ndotura me të gjithë këta elementë. Edhe politika e saj është e tillë. Ky është antisemitizëm. Prandaj, kam vendosur ta ngre çështjen e antisemitizmit të hapur të anëtarëve aktualë të qeverisë spanjolle para seancës plenare të IHRA-s”, shton Sa’ar, duke paralajmëruar se “Vendime të mëtejshme do të merren në kohën e duhur”./ Times of Israel.

  • Gruaja dhe vëllai të akuzuar për korrupsion, kryeministri spanjoll akuza gjyqtarëve: Duan të shkaktojnë dëme të tmerrshme

    Gruaja dhe vëllai të akuzuar për korrupsion, kryeministri spanjoll akuza gjyqtarëve: Duan të shkaktojnë dëme të tmerrshme

    Kryeministri spanjoll, i cili drejton një koalicion të paralizuar, pretendon se çështja e korrupsionit kundër gruas së tij, Begoña Gómez, dhe vëllait të tij është e pabazë.

    Kryeministri i Spanjës ka akuzuar gjyqtarët që po hetojnë gruan dhe vëllanë e tij se “po merren me politikë” dhe “nuk po zbatojnë ligjin”.
    Pedro Sánchez gjendet nën presion për shkak të çështjeve të korrupsionit ndaj rrethit të tij të ngushtë, përfshirë gruan e tij, Begoña Gómez, dhe vëllain, David Sánchez.
    “Që ka gjyqtarë që merren me politikë dhe politikanë që përpiqen të administrojnë drejtësinë, nuk ka dyshim”, tha Sánchez, lideri socialist, gjatë një interviste për televizionin publik TVE, kur u pyet për këto çështje.
    “Fatmirësisht është një pakicë, por ekziston dhe shkakton dëme të tmerrshme, dëme të mëdha, ndaj drejtësisë dhe sistemit gjyqësor”.
    Gómez është nën hetim që nga prilli i vitit të kaluar për korrupsion të dyshuar dhe ndikim të paligjshëm të lidhur me punën e saj të mëparshme në Universitetin Complutense të Madridit. David Sánchez është nën hetim për përvetësim të dyshuar, ndikim të paligjshëm dhe mashtrim fiskal në lidhje me një post qeveritar që ai ka mbajtur.
    Ish-dora e djathtë e kryeministrit, Santos Cerdán, u arrestua në qershor në një hetim mbi ryshfete për kontrata publike. Dora e tij e djathtë e mëparshme, ish-ministri i transportit José Luis Ábalos, dhe këshilltari i tij Koldo García, një ish-roje nate, janë gjithashtu nën hetim në të njëjtën çështje.
    Të gjithë ata mohojnë shkeljet.
    Alberto Núñez Feijóo, lideri i opozitës nga Partia Popullore (PP), akuzoi Sánchez për “shpallje lufte” kundër gjyqësorit dhe tha se sjellja e tij ishte “tashmë një rrezik për Spanjën”.Liderët e PP-së kanë akuzuar kryeministrin se po dëmton ndarjen e pushteteve dhe po përpiqet të diskreditojë gjykatat për të mbrojtur rrethin e tij të ngushtë.
    Sánchez, i cili është në pushtet që nga viti 2018, tha se çështjet kundër të afërmve të tij ishin të pabazuara dhe të nxitura nga ankesa të grupeve të ekstremit të djathtë. Ai tha se ishte viktimë e një fushate të të djathtëve që ka përdorur sistemin ligjor si armë për të rrëzuar qeverinë e tij.
    Qeveria e tij e pakicës, e cila mbështetet tek partitë separatiste katalanase dhe baske për të miratuar legjislacion, është praktikisht e paralizuar dhe nuk ka arritur të miratojë një buxhet që nga ruajtja e pushtetit pas zgjedhjeve të pasigurta të vitit 2023.
    Duke pohuar se kishte menduar të jepte dorëheqjen kur dolën akuzat për korrupsion ndaj Cerdán-it, Sánchez megjithatë hodhi poshtë idenë e dorëheqjes nëse qeveria nuk mund të miratonte një buxhet.Ai tha se thirrja për zgjedhje të reja do të sillte paralizë: “Opozita flet për paralizë, por paraliza e vërtetë do të ishte të tërhiqnim Spanjën në zgjedhje tani.” Qëndrimi i tij kontraston me kohën kur ishte në opozitë dhe i kërkonte Mariano Rajoy-t, kryeministrit të atëhershëm nga PP, të jepte dorëheqjen pasi dështoi të miratonte një buxhet.

    Top Channel

  • Dikur konsiderohej si një nga lojtarët e rinj më premtues në botë, sot përfundon në huazim te Panathinaikos

    Dikur konsiderohej si një nga lojtarët e rinj më premtues në botë, sot përfundon në huazim te Panathinaikos

    24 Gusht 2025

    15:49

    Telesport

    I konsideruar dikur si një nga talentet më të mëdha jo vetëm të Portugalisë por në botë në përgjithësi, karriera e Renato Sanchez mori një tjetër rrjedhë nga ajo që pritej fillimisht prej tij.
    I transferuar në moshën 19-vjeçare për 35 milionë euro nga Benfica te Bayern në vitin 2016, Renato Sanchez ishte padyshim ylli i ri kryesor i momentit, ku sytë e të gjithëve ishin fokusuar tek ai.
    Nga viti në vit karriera e djaloshit portugez filloi duke marrë tatëpjetën. Fillimisht u huazua te Swansea, më pas u transferua nga Bayern te Lille, ku u duk se mund të rilindte dhe të linte pas krahëve periudhën e errët që kishte kaluar. Në vitin 2022 u transferua nga Lille te PSG dhe pikërisht këtu filloi rënia e madhe.
    Sezonet në vijim, PSG e dërgoi në huazim në disa ekipe, ku tek asnjëra prej tyre nuk la gjurmë. Sot, PSG e ka huazuar sërish Renato Sanchez. 28-vjeçari portugez është huazuar për një sezon te Panathinaikos në Greqi, një ligë shumë e dobët në krahasim me aventurat e mëparshme të tij.

  • Spanjë tre javë në temperatura mbi 40 gradë, kryeministri Sanchez del me një propozim të ri

    Spanjë tre javë në temperatura mbi 40 gradë, kryeministri Sanchez del me një propozim të ri

    Spanja hyn në javën e tretë të temperaturave të larta mbi 40 gradë, ndërkohë që zjarrfikësit vazhdojnë të luftojnë me flakët në veriperëndim dhe perëndim të vendit, me njësi të ushtrisë të vendosura për të ndihmuar në kontrollin e flakëve.

    Franca dhe Italia po e ndihmojnë në përballimin e vatrave në rajonet e Kastiljes dhe Leonit, Galicisë, Asturias dhe Extremadurës. Rreth 10 rrugë mbeten të mbyllura në të gjithë vendin, si dhe linja e trenit midis Madridit dhe Galicisë. Shërbimet e emergjencës në Galicia dërguan mesazhe alarmi duke u bërë thirrje banorëve në dhjetëra qytete të marrin masa paraprake.
    Kryeministri Pedro Sanchez propozoi një “pakt kombëtar” për t’u përballur me emergjencën klimatike, ndërsa vizitoi një rajon perëndimor që po lufton me zjarre shkatërruese.
    “Qeveria e Spanjës do të punojë tani në mënyrë që në shtator të kemi bazat e këtij pakti kombëtar për të zbutur dhe përshtatur emergjencën klimatike”, tha ai.
    Ndryshimi i klimës i shkaktuar nga njerëzit po rrit intensitetin, kohëzgjatjen dhe frekuencën e periudhave të nxehtësisë ekstreme, të cilat nxisin zjarret në pyje.
    Që nga fillimi i vitit, më shumë se 157,000 hektarë janë shndërruar në hi në Spanjë, sipas hartës në kohë reale të Sistemit Evropian të Informacionit për Zjarret në Pyje
     

    Top Channel