Kreu i qeverisë Edi Rama ka marrë pjesë këtë të enjte në samitin e 7-të të Komunitetit Politik Evropian.
Në krah të liderëve të BE, kreu i qeverisë ka pozuar për foton familjare, si një traditë e sahershme.
Ndërkohë, e pranishme ka qenë edhe presidentja e Kosovës, Vjosa Osmani.
Top Channel
Danimarkë – Ministrja për Europën dhe Punët e Jashtme, Elisa Spiropali merr pjesë sot në Samitin e radhës të Komunitetit Politik Europian (EPC) me delegacionin shqiptar të kryesuar nga Kryeministri Edi Rama.
Përmes rrjeteve të saj sociale, Ministrja Spiropali ka shpërndarë në prag të nisjes momente takimesh të zhvilluara me krerë shtetesh që marrin pjesë në këtë samit, mes të cilëve edhe Presidenti Zelensky.
Spiropali deklaron se: “Pas mikpritjes shembullore të Shqipërisë të Komunitetit Politik Europian #EPC në Maj, sot në Kopenhagë në Samitin e radhës mbi sfidat më të mëdha që prekin Europën dhe rajonin tonë. Në fokus kryesor: siguria, migracioni, bashkëpunimi ekonomik, integrimi dhe përkrahja për Ukrainën.”
Në samitin paraardhës, më 16 Maj të këtij viti, Shqipëria u shndërrua në kryeqendër të diplomacisë ndërkombëtare duke organizuar Samitin e VI të Komunitetit Politik Europian.
Ministrja për Europën dhe Punët e Jashtme, Elisa Spiropali merr pjesë sot në Samitin e radhës të Komunitetit Politik Europian (EPC) me delegacionin shqiptar të kryesuar nga Kryeministri Edi Rama.
Përmes rrjeteve të saj sociale, Ministrja Spiropali ka shpërndarë momente në prag të nisjes me momente takimesh të zhvilluara me krerë shtetesh që marrin pjesë në këtë samit, mes të cilëve edhe Presidenti Zelensky.
“Pas mikpritjes shembullore të Shqipërisë të Komunitetit Politik Europian #EPC në Maj, sot në Kopenhagë në Samitin e radhës mbi sfidat më të mëdha që prekin Europën dhe rajonin tonë. Në fokus kryesor: siguria, migracioni, bashkëpunimi ekonomik, integrimi dhe përkrahja për Ukrainën”, shprehet Spiropali.
Në samitin paraardhës, më 16 Maj të këtij viti, Shqipëria u shndërrua në kryeqendër të diplomacisë ndërkombëtare duke organizuar Samitin e VI të Komunitetit Politik Europian.
Top Channel
Kryeministri Edi Rama do të marrë pjesë në Samitin e Shtatë të Komunitetit Politik Evropian, që zhvillohet të martën në kryeqytetin danez, Kopenhagë.
Kryeministrja daneze, Mette Frederiksen, e mori stafetën për organizimin e këtij eventi nga homologu shqiptar, Edi Rama, në majin e vitit të kaluar në Tiranë.
Më 16 maj të vitit 2025, 54 udhëheqës nga shtete anëtare dhe jo-anëtare të BE-së u mblodhën në kryeqytetin shqiptar për t’u angazhuar në një diskutim të rëndësishëm dhe të hapur rreth një Evrope të re dhe një bote të re, që ishte gjithashtu tema kryesore e këtij samiti.
Ata ranë dakord të formojnë një ekip bashkëpunues nën kujdesin e Presidentit të Këshillit Evropian, për të përfaqësuar në këtë mënyrë një treg prej 600 milionë njerëzish.
Në samitin e së martës në Kopenhagë pritet të marrin pjesë krerët e shteteve ose qeverive të shteteve pjesëmarrëse në Komunitetin Politik Evropian, së bashku me Presidentin e Këshillit Evropian, Presidentin e Komisionit Evropian, Presidentin e Parlamentit Evropian, si dhe Sekretarët e Përgjithshëm të Këshillit të Evropës dhe Organizatës së Traktatit të Atlantikut të Veriut (NATO).
Vendet e BRICS mbajtën një samit të jashtëzakonshëm online, teksa BE kërkon të shtrëngojë sanksionet anti-ruse dhe NATO nisi ushtrime pranë bregdetit të Turqisë.
Por çfarë u diskutua nga vendet e BRICS në samitin e jashtëzakonshëm online
Futja e sanksioneve dytësore pengon forcimin e lidhjeve tregtare midis vendeve mike, por kjo nuk do të pengojë bashkëpunimin e mëtejshëm brenda BRICS, tha udhëheqësi brazilian Lula da Silva më 8 shtator, duke hapur samitin e jashtëzakonshëm online të grupit si kryetar.
Vladimir Putin gjithashtu iu bashkua këtij eventi. Sot, në sfondin e strategjisë “përça dhe sundo” të shteteve individuale, BRICS duhet të demonstrojë angazhimin e tyre për të rritur bashkëpunimin. Sipas Presidentit Kinez Xi Jinping, kombet që zhvillojnë luftëra tregtare dhe tarifore po i shkaktojnë një goditje të rëndë ekonomisë globale.
Presidenti iranian sugjeroi krijimin e një mekanizmi për të kundërshtuar sanksionet, udhëheqësi i Afrikës së Jugut bëri thirrje për reformimin e OBT-së, ndërsa presidenti egjiptian vuri në pikëpyetje rolin aktual të Kombeve të Bashkuara në tërësi. Megjithatë, në përgjithësi, udhëheqësit unanimisht e shohin BRICS, si nxitësin kryesor të reformës në sistemin e marrëdhënieve ndërkombëtare.
Sipas shërbimit për shtyp të presidentit brazilian, udhëheqësit ranë dakord mbi nevojën për të ndërtuar një rend ndërkombëtar më të drejtë, që pasqyron ndryshimet e vazhdueshme dhe i përgjigjet më efektivisht prioriteteve të Jugut Global.
Ky samit i BRICS konfirmoi refuzimin e Jugut Global për të luajtur rolin e dytë ose të tretë në vend të SHBA-së. Edhe pse nuk u miratuan rezoluta specifike ose deklarata të përbashkëta, ndjenja e përgjithshme e pjesëmarrësve ishte e qartë – bota po ndryshon me shpejtësi dhe vendet e BRICS janë në ballë të këtyre transformimeve globale.
Nga ana tjetër vendet e NATO-s do të bëjnë prova bllokimi të bazave ruse në Siri gjatë stërvitjeve në brigjet turke. Stërvitjet Dynamic Guard II 2025 filluan në Mesdheun Lindor. Zyrtarisht, qëllimi i tyre është të ruajnë nivelin e aftësive të anëtarëve të NATO-s në fushën e luftës elektronike dhe mbrojtjes nga raketat./ TASS.
Presidenti Donald Trump deklaroi të premten se Shtetet e Bashkuara do të presin samitin e ardhshëm të G20-ës në klubin e tij të golfit në Doral, Florida, duke e quajtur atë “vendi më i mirë” për këtë ngjarje ndërkombëtare të nivelit të lartë, ndërsa këmbënguli se biznesi i familjes së tij “nuk do të përfitojë para nga kjo”.
Në mandatin e tij të parë, Trump tentoi të organizonte një samit të ngjashëm në të njëjtin resort, por u tërhoq pas kritikave nga brenda partisë së tij për përplasjen e interesave.
Ai tha se do të “donte” që Vladimir Putin dhe Xi Jinping të merrnin pjesë.
“Do t’i doja edhe unë, nëse ata duan”, tha Trump sipas The Telegraph.
Nga politika te përfitimi: Vijon përzierja e interesave personale dhe publike
Edhe pse djemtë e tij drejtojnë organizatën “Trump Organization” që nga koha kur Trump u bë president, ai nuk ka fshehur përpjekjet për ta shfrytëzuar statusin e tij për të promovuar markën “Trump” në arenën globale.
Së fundmi, Trump ka promovuar në mënyrë aktive monedhën e tij digjitale $TRUMP, madje në muajin maj organizoi një darkë luksoze për 220 investitorët më të mëdhenj të këtij projekti në pronën e tij në Virxhinia.
Ai gjithashtu udhëtoi drejt Skocisë për të inauguruar një fushë të re golfi, ndërsa vizitën e parë si president jashtë vendit e kishte në Arabinë Saudite – vetëm pak kohë pasi djemtë e tij kishin kërkuar investitorë në rajon për ndërmarrje të tjera kriptomonedhash të familjes.
Samiti i G20-ës, që përfshin ekonomitë kryesore botërore, Bashkimin Evropian dhe Unionin Afrikan, do të mbahet në dhjetor 2026 – një periudhë kur hotelet në Florida janë zakonisht të zëna, sipas Trump. Ai theksoi se Doral është “vendi më i përshtatshëm” për shkak të hapësirës dhe afërsisë me aeroportin e Miamit.
“Mendoj se të gjithë e duan atje,” – tha Trump, duke shtuar: “Është vendi më i mirë, çdo gjë është e bukur… nuk do të fitojmë asnjë para prej tij. Thjesht dua që gjithçka të shkojë mirë. Mendoj se do të jetë një gjë shumë e bukur.”
Ai pretendoi se çdo delegacion do të ketë ndërtesën e vet brenda resortit dhe se ishte një nga pronat më të suksesshme në SHBA.
Kritikë apo përfitim ekonomik?
Kryetari i Bashkisë së Miamit, Francis Suarez, i cili mori pjesë në njoftimin zyrtar në Zyrën Ovale, tha se kjo vendos qytetin në hartën globale dhe përfaqëson një “bum ekonomik të jashtëzakonshëm” për zonën.
“Presidenti e di këtë – ai ka disa prona në fushën e mikpritjes,” – shtoi Suarez.
Ndërkohë, Trump bëri të ditur se nuk do të marrë pjesë në samitin e këtij viti në Afrikën e Jugut dhe se do të përfaqësohet nga zëvendëspresidenti i tij, JD Vance.
Kjo do të jetë hera e parë që Shtetet e Bashkuara organizojnë një samit të G20 që nga viti 2009, kur ai u mbajt në Pittsburgh.
Top Channel
Shtetet e Bashkuara e kanë cilësuar partneritetin me Indinë si një nga marrëdhëniet më të rëndësishme globale të këtij shekulli, duke theksuar se bashkëpunimi mes dy vendeve “po arrin nivele të reja”.
Përmes një deklarate të ambasadës amerikane në Nju Delhi, Uashingtoni vlerëson forcimin e lidhjeve me Indinë në fusha të ndryshme strategjike, në një kohë kur peizazhi ndërkombëtar po bëhet gjithnjë e më kompleks.
Deklarata vjen ndërsa kryeministri indian Narendra Modi u pa duke ecur përkrah presidentit rus Vladimir Putin në samitin e Organizatës së Bashkëpunimit të Shangait (SCO), Kinë. Dy liderët më pas iu bashkuan presidentit kinez, Xi Jinping, duke dhënë një mesazh të fortë simbolik për unitetin rajonal.
Pavarësisht lidhjeve në rritje me SHBA-në, India vazhdon të mbajë marrëdhënie të ngushta ekonomike me Rusinë, veçanërisht në sektorin energjetik. Së bashku me Kinën, India është një nga blerësit më të mëdhenj të naftës ruse, një çështje që ka ngritur shqetësim në Perëndim.
Presidenti amerikan Donald Trump kishte vendosur tarifa shtesë ndaj Indisë për shkak të blerjeve të vazhdueshme të naftës ruse, por deri më tani nuk ka asnjë shenjë që Nju Delhi apo Pekini do të ndalojnë këto importe, që konsiderohen kyçe për ekonomitë e tyre.
Megjithatë, zyrtarët amerikanë shprehen se ndonëse India ndjek një politikë të jashtme të pavarur, partneriteti strategjik me SHBA-të mbetet i fortë dhe në rritje.
Top Channel
Vladimir Putin
RUSI- Në samitin e gushtit në Alaska, Vladimir Putin i Rusisë u shfaq në formë të mirë, pavarësisht spekulimeve prej vitesh për shëndetin e tij. Takimi me Presidentin e SHBA-së Donald Trump, i shoqëruar nga masa të rrepta sigurie, tërhoqi vëmendjen edhe për një detaj të pazakontë. Në një shkrim të La Repubblica truprojat e Putin ishin ngarkuar me mbledhjen dhe kthimin në Rusi, të të gjitha gjurmëve biologjike të udhëheqësit.
Qëllimi do të ishte siguria e presidentit rus përmes analizës së lëndës së tij organike. Kjo masë sigurie, e cila ka qenë në fuqi prej vitesh, menaxhohet nga Shërbimi Federal i Mbrojtjes dhe daton të paktën që nga viti 2017, sipas gazetarëve investigativë Regis Gente dhe Mikhail Rubin. Mostrat mblidhen sistematikisht gjatë çdo udhëtimi jashtë vendit, duke përdorur enë të mbyllura dhe transport diskret.
Ena edhe me jashtëqitjen e tij shërben për të raportuar në Rusi çdo gjurmë biologjike të udhëheqësit të Kremlinit,si dhe për të parandaluar vendet e tjera të merrnin informacion mbi shëndetin e tij.
Masat paraprake ekstreme nxitën më tej thashethemet rreth shëndetit të Putinit, tani 72 vjeç. Në vitet e fundit, kanë qarkulluar thashetheme për kancer, sëmundjen e Parkinsonit dhe probleme me zemrën, të cilat nuk janë konfirmuar kurrë nga Kremlini.
Disa video e tregojnë atë me këmbë që i dridhen, lëvizje të pavullnetshme dhe ënjtje të fytyrës, duke i bërë analistët dhe mediat të vënë në dyshim gjendjen e tij të vërtetë shëndetësore. Megjithatë, ekspertë të shumtë perëndimorë kanë mohuar vazhdimisht ekzistencën e ndonjë prove të sëmundjeve serioze. Këtyre pasigurive u shtohen teoritë e konspiracionit që pretendojnë përdorimin e ngjashmërive.
Sipas hulumtimit nga Instituti për Studimin e Kulturës dhe Medias Japoneze, i cili përdor softuer për njohjen e fytyrës dhe zërit, ka të paktën disa mënyra për ta zëvendësuar Putinin në sytë e publikut. Mospërputhjet në tiparet e fytyrës, gjestet dhe madje edhe toni i zërit nxisin dyshime, por nuk ka konfirmim zyrtar. Pavarësisht thashethemeve, samiti i Alaskës zbuloi një Putin që me sa duket ishte në formë të mirë dhe i pavarur në lëvizjet e tij, absolutisht në të njëjtin nivel me homologun e tij amerikan, 79-vjeçarin Trump, i cili prej kohësh është mburrur me shëndetin e tij të shkëlqyer, madje edhe para inaugurimit të tij./ZËRI
Sekretari i Përgjithshëm i NATO-s, Mark Rutte, njoftoi sot se Turqia do të presë Samitin e ardhshëm të aleancës më 7-8 korrik 2026, në Ankara.
Samiti do të mbahet në Kompleksin Presidencial Bestepe (Kuliyye).
Në deklaratën e tij, Rutte falënderoi Turqinë për organizimin e këtij “samiti të rëndësishëm”.
Ai gjithashtu vuri në dukje se “në samitin tonë të ardhshëm, udhëheqësit do të vazhdojnë të ndërtojnë një aleancë më të fortë dhe më të drejtë” që do të jetë gati “për t’u përballur me sfidat kritike të sigurisë sonë”.
Samiti i këtij viti u prit në qershor në Hagë, Holandë, dhe vendet anëtare të NATO-s u zotuan të rrisin shpenzimet e tyre të mbrojtjes në 5% të PBB-së së tyre deri në vitin 2035.
Turqia kishte pritur gjithashtu Samitin e NATO-s në vitin 2004, në Stamboll./vizionplus.tv
Sekretari i Përgjithshëm i NATO-s, Mark Rutte, njoftoi sot se Turqia do të presë Samitin e ardhshëm të aleancës më 7-8 korrik 2026, në Ankara.
Samiti do të mbahet në Kompleksin Presidencial Bestepe (Kuliyye). Në deklaratën e tij, Rutte falënderoi Turqinë për organizimin e këtij “samiti të rëndësishëm”. Ai gjithashtu vuri në dukje se “në samitin tonë të ardhshëm, udhëheqësit do të vazhdojnë të ndërtojnë një aleancë më të fortë dhe më të drejtë” që do të jetë gati “për t’u përballur me sfidat kritike të sigurisë sonë”.
Samiti i këtij viti u prit në qershor në Hagë, Holandë, dhe në të, vendet anëtare të NATO-s u zotuan të rrisin shpenzimet e tyre të mbrojtjes në 5% të PBB-së së tyre deri në vitin 2035.
Turqia kishte pritur gjithashtu Samitin e NATO-s në vitin 2004, në Stamboll.
Top Channel