Lajmidites.com

Tag: salcë

  • Salcë me Perime të Pjekura – Shije Fantastike dhe Shëndet i Mirë

    Salcë me Perime të Pjekura – Shije Fantastike dhe Shëndet i Mirë

    Perimet dhe zarzavatet janë pjesë e pandashme e një regjimi të shëndetshëm ushqimor në të mirë të trurit dhe trupit.

    Mënyrat e konsumit të tyre janë aq të larmishme, sa perimet nuk bëhen kurrë të mërzitshme.
    Një prej tyre është pjekja e perimeve dhe më pas transformimi i tyre në një salcë të shijshme dhe mjaft interesante, recetën e të cilës AgroWeb.org e sjell më poshtë.
    Salca është një produkt që plotëson më së miri shume gatime të ndryshme.
    Salca Me Perime Të Pjekura
    Përbërësit

    2 domate të mëdha të ndara në gjysma
    1 qepë e kuqe e ndarë në gjysmë
    1 patëllxhan
    1 kungulleshkë
    Gjysëm qepe e bardhë
    2 speca jeshilë të ndarë në dysh dhe të pastruar nga farat
    1 spec djegës jeshil i ndarë në gjysëm dhe i pastrar nga farat
    1 kokërr hudhër e qëruar dhe e prerë
    2 lugë gjelle me vaj ulliri
    1 limon jeshil
    Gjysëm gote me majdanoz të prerë hollë
    Dy lugë gjelle me lëng limoni jeshil
    1 lugë çaji me piper të zi
    Kripë sipas dëshirës

    Përgatitja
    Ndizeni skarën ose furrën në një temperaturë mesatare. Nëse përdorni furrën, ndizeni atë në 200 gradë.
    Më pas, AgroWeb.org ju udhëzon të vendosni fetat e domates, kungulleshkaës, patëllxhanit, qepës, specave, hudhrën e larë me gjithë lëkurë dhe limonit jeshil në një tas të madh
    Spërkatini me vaj ulliri, kripë dhe piper dhe më pas vendosini në skarë ose në furrë duke përdorur një letër alumini.
    Piqini perimet për 10-15 minuta duke ndërruar anë për të garantuar një pjekje të plotë.
    Hiqini nga skara ose nga furra dhe lërini në një tabaka që të ftohen.
    Pasi të jenë ftohur, AgroWeb.org ju udhëzon të hiqni cipën hollë të hudhrës, të domates, specave dhe qepëve.
    Limonin e pjekur shtrydheni lehtë dhe lëngun  hidheni direkt në mikser.
    Në këtë recetë rekomandohet vetëm lëngu i limonit sepse tuli dhe lëkura e bëjnë salcën të athët.
    Shtoni në mikser perimet dhe lëngjet, shtoni majdanozin dhe miksojini përbërësit deri sa salca të arrijë trashësinë e preferuar.
    Shtoni lëngun e limonit jeshil, piperin e zi dhe kripë dhe miksojini edhe një herë të fundit.
    Nëse dëshironi salcën mund ta përgatisni edhe pa mikser mjafton që të shtypni të gjithë përbërësit si më sipër dhe si përzjeni mirë derisa masa të bëhet homogjene.
    Transferojeni salcën në një kavanoz qelqi dhe servireni të ftohtë pas disa orësh.
    Kjo salcë kombinohet shumë mirë me mishra të ndryshëm por edhe byrekë, bukë të thekur etj./AgroWeb.org

  • Speca të Pjekur të Mbushur me Ajkë Kosi – Mrekulli për Shijen

    Speca të Pjekur të Mbushur me Ajkë Kosi – Mrekulli për Shijen

    Specat janë një ndër perimet më të shëndetshme për njeriun.

    Ato përmbajnë pak kalori dhe janë të pasur me ushqyes.
    Specat e të gjitha ngjyrave janë burime ideale të vitaminave A dhe C.
    Ato janë gjithashtu të pasur me kalium, acid folik dhe fibër.
    Në krahasim me specat jeshilë, specat e kuq përmbajnë 11 herë më shumë beta karoten.
    Falë pasurisë së tyre, specat duhen konsumuar rregullisht.
    Recetat për gatimet e tyre janë të larmishme.
    Një ndër më të preferuarat për shqiptarët është fërgesa me speca dhe gjizë.
    Përveç kësaj recete, AgroWeb.org rekomandon edhe pjekjen e tyre në furrë dhe mbushjen me salcë kosi.
    Pjekja e specave nxjerr në pah aromën e tyre të ëmbël e cila plotësohet me shijen e ajkës ose salcës së kosit.
    Speca Të Pjekur Të Mbushur Me Salcë Kosi 
    Përbërësit

    1/2 kg speca
    500 gramë ajkë kosi ose salcë kosi

    Përgatitja
    Ngroheni furrën dhe piqini specat në një tepsi për 40-45 minuta.
    Pas pjekjes vendosini në një enë qelqi të cilën duhet ta mbuloni me një letër kuzhine.
    Pas 20 minutash, hiqni lëkurën e përcëlluar të specave, farat dhe bishtat.
    Prijeni secilin spec vertikalisht duke formuar shiritë të cilët më pas duhet t’i përthani me letër kuzhine.
    Lyejini shiritët e specave me ajkë ose salcë kosi.
    Mbështillini në formë roleje dhe futini në frigorifer deri sa të jeni gati për t’i servirur.
    Specat me ajkë apologetics’s salcë kosi janë fantastike për të shoqëruar çdo gatim në tryezë ndërsa mund të konsumohen në çdo kohë të ditës.
     5 Arsye Përse Duhet Të Hani Speca
    Specat, veçanërisht ato të kuq plotësojnë më shumë se 200 përqind të dozës ditore të vitaminës C.
    Specat janë një burim i shkëlqyer i vitaminës B6 dhe folatit.
    Specat janë të pasur me ushqyes të cilat përmirësojnë shikimin, veçanërisht gjatë natës.
    Specat janë të mbushur me antioksidantë që luftojnë radikalet e lira dhe largojnë toksinat./AgroWeb.org

  • Musaka me Patate – Shije Tradicionale në Tryezë

    Musaka me Patate – Shije Tradicionale në Tryezë

    Një gatim special, i veçantë me shije të mrekullueshme dhe ideal për një vakt dreke por edhe darke.

    Musakaja është përgatitur jetë e mot nga nënat e gjyshet shqiptare, traditë sidomos në zonat e jugut të vendit.
    Shije plotë dhe e kombinuar në mënyrë perfekte me më të mirat e kuzhinës. Patatet e përgatitura me kimën e mrekullueshme të amvisave shqiptare janë padyshim ndër gatimet më të shijshme.
    Një mënyrë fantastike për të kënaqur gjithë familjen apo për ta gatuar edhe në raste të veçanta kur shtëpinë e vizitojnë miq e mysafirë.
    Musakaja me patate shoqërohet në mënyrë të shkëlqyer me sallata të freskëta të stinës, turshi të ndryshme, salcë kosi apo edhe bukë të thekur.
    AgroWeb.org u sugjeron më poshtë përgatitjen e musakasë me patate në shtëpi.
    Përgatitja e Musakasë Në Shtëpi  
    Përbërësit
    (Për një tepsi mesatare)

    8-10 kokrra patate mesatare (1.5 kg)
    1 filxhan çaji vaj ulliri
    2 kokrra qepë mesatare
    1 filxhan çaji mish i grirë
    2 kokrra domate mesatare ose 1 lugë gjelle salcë
    Kripë
    Piper
    Majdanoz

    Për salcën beshamel duhen

    3 lugë gjelle miell
    2 lugë gjelle gjalpë të freskët
    2-3 gota qumësht
    2 kokrra vezë
    1 lugë gjelle gjalpë për spërkatje
    3 lugë gjelle djathë kaçkavall i grirë
    Kripë

    Përgatitja
    Për gatimin e musakasë zgjidhen patate të mëdha. Patatet e pastruara priten në feta dhe vendosen në një tavë.
    Pasi spërkaten me vaj, tava futet në furrë. Patatet lihen të piqen, sa të skuqen lehtë.
    Përgatitet kima: Kaurdisen qepët me mish të grirë. Hidhet salcë, kripë, piper dhe dafinë.
    Në një tepsi të lyer me vaj ulliri dhe galetë (bukë hekur të grirë hollë në rende), vendoset një shtresë patatesh. Fundi i tepsisë mbulohet mirë, që të mos dalë kima. I vendosim patatet mbi njëra – tjetrën.
    Më pas, vendosim një shtresë kimë, përsipër patate e përsëri një shtresë kimë.
    Sipër duhet të vendoset shtresa e patateve.
    Hidhet salcë beshamel, e cila sheshohet me ndihmën e një luge të lagur me qumësht ose gjalpë. Shtohet djathë kaçkavall i grirë dhe pak gjalpë.
    E fusim tavën në furrë dhe e lëmë të piqet. /AgroWeb.org

  • Salcë Kosi me Arra dhe Mish Pule – Si të Përgatisni Recetën me Shije të Lehtë

    Salcë Kosi me Arra dhe Mish Pule – Si të Përgatisni Recetën me Shije të Lehtë

    Kjo është një sallatë e veçantë, me një shije perfekte të kombinuar nga salca e kosit, majoneza, mishi i pulës dhe arrat.

    Kërkon pak kohë në përgatitja por të kënaq nepsin dhe oreksin me shijen.

    Është ideale për t’u përgatitur në çdo kohë e sidomos kur shtëpinë e vizitojnë miq e mysafirë.

    Është një shoqëruese fanatstike e gatimeve të ndryshme, mishrave apo peshkut, gjellëve por edhe byrekëve të shijshëm të shtëpisë.

    Është fantastike për t’u konsumuar edhe thjeshtë me bukë të thekur apo bukë ngrohtë gruri apo misri.

    Përgatitja e mishit të pulës me salcë kosi dhe arra  

    Përbërësit

    Pjesa e gjoksit të një pule të majme (ose një fileto pule e madhe)

    200 gr salcë kosi

    2 lugë gjelle majonezë

    2-3 thelpinj hudhër

    5-6 lugë gjelle me arra të thërrmuara

    Vaj ulliri

    Kripë

    Përgatitja

    Si fillim, AgroWeb.org ju këshillon të pastroni mishin e pulës dhe ta vendosni në një tenxhere të vogël, hidhni ujë deri sa të mbulohet, shtoni pak kripë dhe vendoseni në zjarr të ziejë derisa të zbutet.

    Bashkoni në një tas të vogël salcën e kosit me majonezën duke i trazuar të dyja bashkë derisa masa të bëhet homogjene.

    Më pas, shtoni aty hudhrat e shtypura si dhe arrat e thërrmuara dhe përziejini derisa masa të njëtrajtësohet.

    Më pas mishin e pulës bashkojeni me salcën e përgatitur më sipër, provojeni nëse ka kripë sa duhet, shtoni pak vaj ulliri, përziejeni dhe vendoseni në frigorifer për dy apo tre orë.

    Më pas është gati për t’u shijuar. /AgroWeb.org

  • Receta / Gjoks pule me speca, kërpudha dhe bajame

    Receta / Gjoks pule me speca, kërpudha dhe bajame

    Përbërësit për 4 persona – koha e përgatitjes 30/40 minuta: ● 150 g bajame të qëruara dhe pa lëkurë● 500 g gjoks pule i prerë në copa të vogla● 2 karota● 2 qepë të vogla● 1 spec i kuq, i madh● 1 spec i verdhë i madh● 100 g kërpudha ● 2-3 lugë niseshte ● salcë soje ● xhenxhefil i freskët, 1 cm ● vaj ulliri ose kikiriku
    Përgatitja: Copat e pulës i vëmë në një tas ku kemi hedhur më parë salcë soje, xhenxhefilin të grirë dhe niseshtenë, të përziera mirë. I lëmë të marinohen. Salcë soje do të vëmë aq sa duhet që mishi të mbulohet plotësisht.
    Karotat e qëruara dhe specat i presim zhylien, kërpudhat dhe qepën në feta të holla. Në një tigan me 3-4 lugë vaj ulliri, hedhim bajamet dhe i lëmë në zjarr derisa të kenë marrë ngjyrë. I heqim dhe në tigan hedhim kërpudhat, specat, qepën dhe karotat.
    I lëmë në zjarr derisa të shohim që perimet janë zbutur, por të kenë mbetur krokante. I heqim nga tigani dhe i lëmë mënjanë.
    Në tigan hedhim pak vaj ulliri dhe kur të jetë ngrohur, vëmë copat e mishit të skuqen mirë. Ndërkohë, salcën që ka mbetur te tasi ku u marinua mishi, e hollojmë me pak ujë dhe ia hedhim mishit sipër kur ky të jetë skuqur plotësisht.
    Pas pak minutash shtojmë këtu perimet, bajamet dhe i lëmë në zjarr për pak minuta. E kontrollojmë për kripë dhe nëse është e nevojshme shtojmë pak salcë soje. E shoqërojmë me feta buke ose me oriz të bardhë.
    /b.d