Lajmidites.com

Tag: salah

  • Mohamed Salah: E mbani mend kur Kane nuk shënoi për 10 ndeshje?

    Mohamed Salah: E mbani mend kur Kane nuk shënoi për 10 ndeshje?

    7 Dhjetor 2025

    11:41

    Telesport

    Mohamed Salah nuk e fshehu pakënaqësinë e tij për lënien në stol për disa ndeshje radhazi nga Arne Slot. Pas barazimit të djeshëm mjaft dramatik, sërish në stol, egjiptiani foli hapur.
    “Mbaj mend një herë kur Harry Kane kaloi 10 ndeshje pa shënuar. Njerëzit thjesht thonin ‘hajt se do të shënojë’. Në rastin tim ndodh ndryshe. Nëse nuk shënoj për disa ndeshje, njerëzit më duan në stol. Më vjen keq, por është e pandershme. Nuk e di, por ndoshta javën tjetër do të luaj ndeshjen time të fundit në Anfield”.

  • Salah nuk duron dot më të rrijë në stol dhe ngre zërin pas barazimit dramatik ndaj Leeds

    Salah nuk duron dot më të rrijë në stol dhe ngre zërin pas barazimit dramatik ndaj Leeds

    6 Dhjetor 2025

    22:15

    Telesport

    Mohamed Salah nuk luajti asnjë minutë në barazimin dramatik sot të Liverpool në transfertën ndaj Leeds. Pas ndeshjes, në një intervistë për TV 2 Sport, Mohamed Salah, ka reaguar për herë të parë për këtë situatë të javëve të fundit, ku ai po “ngroh” stolin, pasi nuk preferohet më nga trajneri Arne Slot.
    “Nuk është e pranueshme për mua. Nuk e di pse po më ndodh kjo mua. Nuk e kuptoj. Kam bërë kaq shumë për këtë klub. Nuk kam pse të luftoj çdo ditë për pozicionin tim sepse e kam merituar. Nuk jam më i madh se askush, por nuk e meritoj këtë trajtim”, tha Salah.
    “E kam thënë shumë herë më parë, isha në marrëdhënie të mirë me Arne Slot, por pastaj papritmas marrëdhënia jonë u prish. Nuk e di pse. Mendoj se dikush nuk më do në klub. Klubi më bëri shumë premtime kur ma zgjati kontratën, por asnjëra prej tyre nuk është përmbushur deri më tani.
    Kohët e fundit është përfolur shumë për një largim të mundshëm të egjiptianit që në merkaton e janarit. Destinacioni i ri me shumë mundësi pritet të jetë Arabia Saudite.

  • Salah “braktis” Liverpool-in për kombëtaren, ja kur do të niset drejt Kupës së Afrikës

    Salah “braktis” Liverpool-in për kombëtaren, ja kur do të niset drejt Kupës së Afrikës

    2 Dhjetor 2025

    12:24

    Alfred Lleshi

    Mohamed Salah, i përfshirë në listën preliminare të Egjiptit për Kupën e Afrikës, do të mungojë te Liverpool-i për shkak përfaqësimi të kombëtares së tij. Ylli 33-vjeçar do ta nisë këtë angazhim më 15 dhjetor, sipas trajnerit të “Reds”, Arne Slot, por do të jetë në dispozicion për ndeshjen ndaj Brighton më 13 dhjetor: “Afati është 15 dhjetori. Si gjithmonë, në kësi rastesh janë të përfshirë kombëtarja, lojtari dhe klubi. Ka gjithmonë diskutime për çfarë është më e mira për të tria palët”.
    Në fitoren 2-0 ndaj West Ham, Salah u ul në stol dhe pati polemika për pakënaqësinë e tij ndaj lënies pushim: “Ishte një reagim normal për një lojtar që ka mjaft cilësi për të luajtur për ne. Nuk ishte i kënaqur që nuk e nisi titullar, por nuk ishte i vetmi që pushoi”, – tha Slot.
    Megjithatë, Salah nuk e bëri të dukshme pakënaqësinë: “Ai mbështeti shokët e skuadrës dhe u tregua shumë profesional. Nuk mund të japësh maksimumin çdo tri ditë pa disiplinë. Ai e di saktësisht çfarë duhet të bëjë për të qenë në formë. Luan mire apo keq, luan apo jo, gjithmonë do të jetë një profesionist i nivelit të lartë”.

  • E la për herë të parë në stol 90 minuta, Slot: Salah ende një pjesë e rëndësishme e së ardhmes së Liverpool

    E la për herë të parë në stol 90 minuta, Slot: Salah ende një pjesë e rëndësishme e së ardhmes së Liverpool

    1 Dhjetor 2025

    14:48

    Telesport

    Arne Slot beson se Mohamed Salah do të jetë ende një lojtar i rëndësishëm për Liverpool në të ardhmen, pavarësisht se e la jashtë për herë të parë në Premier League nën drejtimin e tij.
    Salah nuk luajti asnjë minutë dhe qëndroi në stol ndërsa “reds“ i dhanë fund serisë së tyre të dobët me një fitore 2-0 ndaj West Ham. Slot tha se vendimi për ta lënë Salah në stol ishte për ta mbajtur të freskët për një seri prej katër ndeshjesh në 10 ditë.
    “Mo Salah ka pasur një karrierë të pabesueshme në këtë klub dhe do të ketë një të ardhme shumë të mirë në këtë klub sepse ai është një lojtar kaq i veçantë. Duhet të vendosësh herë pas here për të krijuar një formacion të caktuar dhe përpiqesh të zgjedhësh formacionin më të mirë për çdo ndeshje të vetme“, tha Slot.
    Më tej, trajneri holandez tha: “Me mënyrën se si janë vendosur rivalët, me një mbrojtës krahu që është vazhdimisht shumë lart dhe një sulmues krahu që është vazhdimisht brenda, mendova se kjo mund ta ndihmonte ekipin. Por siç thashë, ai ka qenë shumë i rëndësishëm për këtë klub dhe do të jetë i rëndësishëm për këtë klub në të ardhmen.”

  • Carragher kritikon hapur Salah: Flet vetëm kur merr “MVP” ose kërkon kontratë të re

    Carragher kritikon hapur Salah: Flet vetëm kur merr “MVP” ose kërkon kontratë të re

    Kriza te Liverpool ka nxitur një debat të brendshëm, që po bëhet publik. Mohamed Salah, larg formës më të mirë dhe pa shënuar gol prej një muaji, është kthyer në qendër të kritikave. Në këtë Premier League ka 4 gola në 12 ndeshje, teksa “heshtja” e tij në javët më të vështira ka ndezur alarmin.
    Jamie Carragher, zë i respektuar në “Anfield”, nuk i kurseu fjalët në “Sky Sports”. Ish-mbrojtësi theksoi se gjithmonë Virgil van Dijk del përpara mediave, pas çdo dështimi: “Është kapiten dhe kjo i takon, por nuk duhet të jetë i vetmi. Ka liderë të tjerë që duhet të flasin për krizën e klubit”.
    Carragher kritikoi direkt Salah, duke thënë se ai zgjedh kur të flasë: “Para një viti fliste hapur për të ardhmen dhe mungesën e një kontrate të re. E dëgjoj vetëm kur merr MVP, ose kur negocion kontratë të re”.
    Ish-qendërmbrojtësi shtoi se dëshiron ta shohë Salah si një nga udhëheqësit e ekipit: “Do doja ta shihja atë, një futbollist historik i Liverpool-it, duke mbrojtur publikisht grupin në këto momente”. Ndërsa tifozët e kuq shqetësohen dhe humbjet shtohen, sytë kthehen te numri 11. “Anfield” pret gola dhe… fjalë prej “Faraonit”.
     

  • Rritet presioni ndaj Mohamed Salah, Uejn Runi i kërkon trajnerit Slot ta lërë në stol

    Rritet presioni ndaj Mohamed Salah, Uejn Runi i kërkon trajnerit Slot ta lërë në stol

    Adriatik BALLA
    “Trajneri i Liverpulit, Arne Slot, duhet ta lërë Mohamed Salah në stol”, thotë ish-sulmuesi i Mançester Junajtid, Uejn Runi. Humbja 3-0 ndaj Notingham Forest në “Anfield” ishte një tjetër ndeshje ku egjiptiani – që ka shënuar pesë gola këtë sezon – nuk arriti të regjistronte gol apo asist. “Nëse do të isha në vend të Slot, do të provoja të merrja një vendim të madh vetëm për të krijuar ndikim te pjesa tjetër e ekipit”, tha Runi në episodin e fundit të podcast-it të tij. “Salah nuk po i ndihmon fare në mbrojtje.“Nëse je një nga lojtarët e rinj që kanë nënshkruar dhe je në stol, dhe sheh atë të mos vrapojë – edhe pse ai është legjendë e klubit dhe gjithçka që ka bërë është fantastike – çfarë mesazhi të jep ty kjo situatë?” 33-vjeçari sezonin e kaluar u bë lojtari i parë në historinë e Premier League që e mbylli kampionatin si golashënuesi dhe asistuesi më i mirë, duke fituar edhe çmimin “Lojtari i Sezonit”.
    Forma e tij e jashtëzakonshme u përputh me një sezon debutues shumë të suksesshëm për Slot, i cili e udhëhoqi Liverpulin drejt titullit pas largimit të Jurgen Klop. Megjithatë, pas një merkatoje të ngarkuar – ku u sollën Florian Virtz dhe Aleksander Isak për 241 milionë euro – Liverpuli është futur në krizë. “Të kuqtë ndodhen në vendin e 11-të me 18 pikë në 12 ndeshje. “Ata po kalojnë një periudhë shumë të vështirë, apo jo?” shtoi Runi, pesë herë kampion i Anglisë. “Duhet të shikosh edhe efektin e asaj që fatkeqësisht ndodhi me Jotën. Çfarë ndikimi ka ajo te lojtarët? Janë shokët e tij të ekipit, normalisht që ndikon. “Por pastaj nuk ka justifikim për mosluftim dhe mosangazhim.”
    Kapiteni Virgjil van Dijk tha pas humbjes se “të gjithë duhet të marrin përgjegjësi”, dhe me Liverpulin që ka vetëm një fitore në shtatë ndeshjet e fundit të kampionatit, hija e Klop po rëndon mbi Slot. “Mendoj se Slot ka një punë të madhe për ta rikthyer ekipin duke luajtur mirë dhe duke fituar,” tha Runi. “Gjëja kryesore është se kur ke një seri të tillë rezultatesh, emri i Klop gjithmonë del në skenë. “Është pak si rasti me Sir Aleks Ferguson te Mançester Junajtid. Kur erdhi David Moyes apo më pas Van Gal, emri i Fergie gjithmonë përmendej. “Me Slot po ndodh e njëjta: ‘Nuk është Klop, nuk është aq i mirë sa Klop’. “Por mendoj se tifozët e Liverpulit duhet të largohen nga ky krahasim dhe të qëndrojnë pas tij”, theksoi më tej Runi. Pra, ish futbollisti i Junajtid u tregua në përgjithësi kritik për trajnerin Slot, të cilit i rekomandon të lerë në stol Salahun.

  • Liverpool gjen te Barcelona zëvendësuesin e Salah, ofron 100 milionë euro

    Liverpool gjen te Barcelona zëvendësuesin e Salah, ofron 100 milionë euro

    20 Nëntor 2025

    18:52

    Telesport

    Edhe pse kontrata e Mohamed Salah me Liverpool skadon në vitin 2027, egjiptiani sipas të gjitha zërave do të largohet në fund të këtij sezoni.
    Deri tani janë përmendur shumë emra që po ndjek klubi i kuq për të gjetur zëvendësuesin ideal të Salah. Së fundmi, një emër që po fiton shumë terren është Raphinha, sulmuesi i Barcelonës.
    Braziliani pëlqehet shumë nga trajneri Arne Slot dhe shikohet si një përforcim ideal në sulm. Sipas medieve angleze, kampioni në fuqi i Premier League është gati të ofrojë 100 milionë euro për Raphinha-n.
    Edhe spe braziliani është shumë i rëndësishëm për Barcelonën, gjendja e tyre financiare jo e mirë mund të jetë një shtysë për të “sakrifikuar” Raphinha-n në këtë rast.

  • Nga ylli i “Anfield” në hije e vetvetes. Mohamed Salah, simbol i një Liverpool-i në krizë

    Nga ylli i “Anfield” në hije e vetvetes. Mohamed Salah, simbol i një Liverpool-i në krizë

    12 Nëntor 2025

    14:45

    Alfred Lleshi

    Pak muaj më parë, rinovimi i kontratës së Mohamed Salah konsiderohej mbi gjithçka në “Anfield”. Sulmuesi egjiptian, 33 vjeç, e mbylli sezonin e kaluar me statistika mahnitëse: 34 gola dhe 23 asistime, duke kontribuar fuqishëm në fitimin e Premier League (titullin e 20-të) nga Liverpool-i. Megjithatë, Salah që shndriti më parë, tani duket si kujtim i largët.
    Në këtë sezon është pothuajse zhgënjim. Në 10 ndeshjet e fundit ka shënuar vetëm 2 gola, ndërsa aftësia e tij për të krijuar lojë dhe kërcënuar mbrojtjet kundërshtare është ulur ndjeshëm. Kundër Manchester City, performanca e tij ishte zhgënjyese: zero goditje në portë, një mundësi e humbur dhe zero driblime të suksesshme nga tri tentime.
    Statistikat sezonale tregojnë rënie: 5 gola dhe 3 asistime në 16 ndeshje, krahasuar me 9 gola dhe 9 asistime sezonin e kaluar. Trajneri Arne Slot thekson se edhe Salah është njeri, ndaj forma e tij më e mirë do të rikthehet, por presioni mbi të rritet, ndërsa tifozët presin rikthimin e “Faraonit” për ta udhëhequr Liverpool-in si në të kaluarën e afërt dhe largët.

  • Salah ka humbur shkëlqimin, Liverpool gjen zëvendësuesin ideal te klubi i talenteve në PL

    Salah ka humbur shkëlqimin, Liverpool gjen zëvendësuesin ideal te klubi i talenteve në PL

    11 Nëntor 2025

    18:35

    Telesport

    Liverpool duket se ka gjetur lojtarin e duhur për të zëvendësuar Mohamed Salah. Egjiptiani nuk është më i zakonshmi dhe mund të largohet në fund të këtij sezoni. Kontrata e egjiptianit me klubin e kuq skadon në vitin 2027, por largimi mund të vijë që këtë verë.
    Për këtë arsye, Liverpool është hedhur që tani në “sulm” për sulmuesin anësor të Brighton, 21-vjeçarin, Yankuba Minteh, sipas asaj që raportohet nga “Football Insider”. Pavarësisht moshës së tij të re, Mintehka pasur një ndikim të rëndësishëm te Brighton, duke u dalluar për aftësitë e tij në driblim, vizionin sulmues dhe guximin para portës.
    Minteh është një njohje e vjetër e Arne Slot, pasi sulmuesi nga Gambia ka qenë për një sezon i huazuar te Feyenoord, ku edhe aty tregoi cilësitë e tij më së miri. Brighton që mund të konsiderohet farë mirë si një “fabrikë” e yjeve të rinj, e vlerëson sulmuesin anësor 60-70 milionë euro.

  • 250 gola me Liverpool, reagon Salah: Sezon i vështirë, të rinjtë duan kohë të përshtaten

    250 gola me Liverpool, reagon Salah: Sezon i vështirë, të rinjtë duan kohë të përshtaten

    3 Nëntor 2025

    10:45

    Telesport

    Në fund të tunelit të krizës së Liverpool është Mohamed Salah. Sulmuesi egjiptian i hapi rrugën ekipit të “reds” në fitoren kundër Aston Villa me shifrat 2-0, duke realizuar golin e tij të 250-të për klubin.
    “Ishte shumë e rëndësishme të merrnim fitoren, duke pasur parasysh se kishim pësuar disa humbje në Premier League dhe Champions League”, deklaroi egjiptiani.
    Më tej, ai shtoi: “Jam i lumtur që tani jemi rikthyer në rrugën e duhur dhe është një nxitje e madhe para ndeshjeve të rëndësishme. Në mesjavë jemi sërish në Champions“.
    Më pas ai pranoi: “Është një sezon shumë i vështirë për ne sepse kemi disa lojtarë të rinj. Ata janë lojtarë të shkëlqyer, por u duhet kohë për t’u përshtatur”.
    “Kemi humbur disa lojtarë dhe, siç thashë, duhet kohë që lojtarët e rinj të përshtaten dhe të mësojnë lojën e lojtarëve të tjerë, por gjithçka do të shkojë mirë“, shtoi Salah.
    Për shënimin e 250 golave ​​për Liverpool, ai komentoi: “Është një ndjenjë fantastike të shënosh gola për një klub kaq të madh. Është diçka që nuk e marr si të mirëqenë. Jam vërtet krenar dhe i lumtur me këtë arritje.”