Lajmidites.com

Tag: salah

  • Alisson mbron Salah: Ka dashurinë e të gjithë lojtarëve, klubit dhe tifozëve

    Alisson mbron Salah: Ka dashurinë e të gjithë lojtarëve, klubit dhe tifozëve

    9 Dhjetor 2025

    7:55

    Alfred Lleshi

    Alisson, portieri i Liverpool-it, ka folur për “Sky Sport” në prag të ndeshjes së Champions League kundër Interit, duke u ndalur te situata që përfshin Mohamed Salah: “Një situatë e tillë nuk është kurrë e lehtë, por është pjesë e futbollit. Salah ka dashurinë e të gjithë lojtarëve, klubit dhe tifozëve.
    Është një situatë e veçantë mes tij dhe klubit, ndërsa ne jemi të përqendruar tek Interi dhe ndeshja. Personalisht më vjen keq, Salah është një lojtar i jashtëzakonshëm dhe legjendë e Liverpool-it, me të kam një raport shumë të mirë. Megjithatë, kemi ardhur këtu për të provuar të fitojmë kundër një skuadre shumë të fortë”.
    Për mundësinë e rikuperimit të raportit mes Salah dhe klubit, Alisson shtoi: “Mendoj se po, asgjë nuk është e pakthyeshme. Shpresoj që të ndodhë, për afeksionin që kam për Salah dhe gjithçka që ai dhe Liverpool-i kanë dhënë për njëri-tjetrin. Ai ka pasur mundësinë të fitojë gjithçka dhe është përgjigjur me shifra mbresëlënëse. Besoj se raporti do të rregullohet”.

  • Anglezët sulm Mohamad Salahut: Po shkatërron trashëgiminë e tij te Liverpuli

    Anglezët sulm Mohamad Salahut: Po shkatërron trashëgiminë e tij te Liverpuli

    Adriatik BALLA
    Mohamed Salah tha të shtunën se ndien që është “hedhur nën autobus” nga Liverpuli dhe se marrëdhënia e tij me trajnerin Arne Slot është prishur. Uejn Runi beson se trajneri Slot tani duhet ta tregojë autoritetin e tij dhe të mos e përfshijë Salahun në ndeshjen e së martës në Ligën e Kampionëve ndaj Interit, apo në ndeshjen e së shtunës në shtëpi ndaj Brightonit. “Slot duhet të dëshmojë autoritetin e tij, ta largojë atë dhe t’i thotë ‘nuk udhëton me ekip, pasi ajo që ke thënë është e papranueshme”, tha Runi për episodin e fundit të podkastit të tij. “Shko në Kupën Afrikane dhe le të qetësohet çdo gjë. Po të isha unë atje, nuk do të kishte mundësi që ai të ishte në ekip”. Legjenda e Mançester Junajtid vlerëson se Salah, ylli shumëvjeçar i Liverpulit, ose duhet të kalojë mosmarrëveshjet me Slotin, ose duhet të largohet nga skuadra. “Duhet të zgjidhet shpejt në njërën apo mënyrën tjetër”.Salah 33-vjeçar, ka shënuar plot 250 gola në 420 ndeshje me Liverpulin. Por nuk ka startuar në tri ndeshjet e fundit. Deklarata e tij pas ndeshjes bëri bujë. “Kam thënë shumë herë më parë që kam raport të mirë me trajnerin dhe papritmas nuk kemi më asnjë raport. Duket që klubi më ka hedhur nën autobus. Kështu ndihem. Mendoj se është e qartë që dikush dëshironte që unë ta merrja gjithë fajin”, nënvizoi ai. 29 golat e egjiptianit në edicionin e kaluar e ndihmuan Liverpulin që ta fitonte titullin e Premier League.Në prill ai nënshkroi kontratë të re dyvjeçare. Runi ka pyetur pse Salah, që u transferua te Liverpuli në vitin 2017 nga Roma, doli publikisht me komente. “Ai përfundimisht po e shkatërron trashëgiminë e tij te Liverpuli. Do të ishte e trishtueshme për atë që t’i shkatërroj të gjitha. Ai ka gabuar rëndë”, tha Runi. Liverpuli po ka telashe të mëdha këtë edicion. Është në vendin e nëntë, 10 pikë prapa liderit, Arsenalit. Ka fituar vetëm shtatë prej 15 ndeshjeve të para. Salah ka realizuar katër gola në 13 paraqitje. Runi thekson se koha i godet të gjithë dhe se Mo Salah nuk ishte në formën më të mirë këtë edicion. Sipas Runit, për të luajtur duhet të jesh në formën më të mirë çdo javë. “Po të isha bashkëlojtar i tij, nuk do të isha i lumtur me atë që ka thënë pasi Liverpulit i duhet tani më së shumti. Ai në fakt e ka vënë Liverpulin nën autobus me fjalët e tij. Ai ishte i jashtëzakonshëm për Liverpulin, por shfaqi mungesë respekti për bashkëlojtarët, trajnerin dhe tifozët me këto fjalë. Jam i sigurt se pas disa vjetësh ai do të jetë pishman për fjalët që ka thënë”, shtoi Runi.

  • Skenari i bujshëm! Salah do të largohet që në janar nga Liverpool? E kërkon klubi i njohur europian

    Skenari i bujshëm! Salah do të largohet që në janar nga Liverpool? E kërkon klubi i njohur europian

    8 Dhjetor 2025

    19:06

    Telesport

    Nga situata e fundit e tensionuar, Mohamed Salah mund të largohet nga Liverpool që në merkaton e janarit. Mediet angleze kanë zbuluar së fundmi një skenar të bujshëm. Galatasaray po punon për të transferuar Salah që në merkaton e janarit, edhe pse kontrata e tij aktuale me Liverpool-in skadon në vitin 2027.
    Klubi nga Stambolli që ka ambicie të mëdha këtë sezon, po përgatit një ofertë të parefuzueshme nga ylli egjiptian, me një rrogë vjetore 20-22 milionë euro plus bonuse të shumta.
    Është e qartë se Mohamed Salah po përballet me një nga momentet më të pasigurta të karrierës së tij. Oferta e Galatasaray e vendos atë në qendër të vëmendjes dhe mund të përfaqësojë një ndryshim rrënjësor në karrierën. Nëse ai vendos të pranojë, transferimi i tij do të ishte padyshim një nga lëvizjet më të bujshme në historinë e lëvizjeve të merkatos dimërore.

  • Akuzat pas ndeshjes/ Liverpool merr vendimin, e pëson keq Salah

    Akuzat pas ndeshjes/ Liverpool merr vendimin, e pëson keq Salah

    Liverpool po kalon një periudhë të tensionuar pas rezultateve të dobëta dhe reagimeve brenda skuadrës.
    Mohamed Salah shpërtheu ndaj trajnerit pas barazimit ndaj Leeds. Për këtë, Arne Slot e ka lënë jashtë grumbullimit për ndeshjen ndaj Interit në Ligën e Kampioneve.
    Vendimi është marrë në bashkëpunim me drejtuesit e klubit. Arsyeja lidhet me deklaratat e bëra nga sulmuesi egjiptian pas ndeshjes së fundit. 33-vjeccari ritet të mungojë në një moment të rëndësishëm për skuadrën.
    Situata ka shtuar zërat për një largim të mundshëm të tij në merkaton e janarit. Gjendja në klub mbetet e paqëndrueshme në prag të ndeshjes së rëndësishme kundër Interit.

  • Liverpool i bën dalje Salah dhe gjen direkt zëvendësuesin e tij, luan në PL dhe kushton 60 milionë euro

    Liverpool i bën dalje Salah dhe gjen direkt zëvendësuesin e tij, luan në PL dhe kushton 60 milionë euro

    8 Dhjetor 2025

    16:11

    Telesport

    Liverpool i ka hedhur “benzinë zjarrit” situatës me Mohamed Salah, duke e lënë egjiptianin jashtë listës së lojtarëve të grumbulluar për sfidën e mesjavës në Champions League ndaj Interit.
    Pas barazimit dramatik 3-3 të shtunën ndaj Leeds, Salah “shpërtheu” pas ndeshjes ku nuk u aktivizua për asnjë minutë, duke thënë ndër të tjera që ka njerëz në klub që nuk e duan, i referohej këtu trajnerit Arne Slot.
    Ndërkohë, kampioni në fuqi i Premier League duket nuk se nuk dëshiron të humb më kohë dhe ka gjetur direkt zëvendësuesin e Salah, sipas asaj që raporton “Daily Express”. Bëhet fjalë për sulmuesin e Bournemouth, Antoine Semenyo.
    Oferta e Liverpool për sulmuesin ganez është 60 milionë euro direkt plus 5 milionë euro të tjera bonuse. Një ofertë brenda pritshmërive të Bournemouth. Vlen për t’u theksuar se Semenyo nuk do marrë pjesë në Kupën e Afrikës, sepse Ghana nuk u kualifikua, ndaj do të ishte direkt në dispozicion të Arne Slot.

  • E kanë “internuar” te Liverpool, trajneri i Egjiptit mbështet Salah: Simbol i forcës dhe vendosmërisë

    E kanë “internuar” te Liverpool, trajneri i Egjiptit mbështet Salah: Simbol i forcës dhe vendosmërisë

    8 Dhjetor 2025

    12:15

    Alfred Lleshi

    E ardhmja e Mohamed Salah te Liverpool-i duket gjithnjë e më e paqartë, pas deklaratave të fundit publike të sulmuesit egjiptian, 33 vjeç, i ulur në stol nga Arne Slot në tri ndeshjet e fundit. Pas barazimit 3-3 ndaj Leeds, Salah tha:
    “Nuk mund ta besoja që do të qëndroja në stol për 90 minuta. Është hera e tretë radhazi, besoj se nuk ka ndodhur kurrë në karrierën time”. Ai shtoi se ndihet “i tradhtuar” nga klubi: “Kam dhënë shumë për këtë skuadër, e dinë të gjithë, sidomos sezonin e kaluar. Jam në stol dhe nuk kuptoj pse. Klubi bëri shumë premtime këtë verë, tani shoh që nuk janë mbajtur”.
    Salah gjithashtu foli për marrëdhënie minimale me trajnerin Slot: “Nuk ka më asnjë marrëdhënie mes nesh. Më parë ishte e shkëlqyer, tani nuk ka më asgjë”. Përballë kësaj situate, trajneri i Egjiptit, Hossam Hassan, shprehu mbështetje publike për yllin e tij. Në Instagram publikoi një foto me Salah, duke shkruar: “Gjithmonë simbol i vendosmërisë dhe forcës”.
    Salah mbetet një element kyç i kombëtares egjiptiane, e cila debuton në “CAN 2025” ndaj Zimbabves më 22 dhjetor.

  • Mohamed Salah zbulon prishjen e marrëdhënieve me trajnerin Slot, Liverpuli mban qëndrim ndaj sulmuesit

    Mohamed Salah zbulon prishjen e marrëdhënieve me trajnerin Slot, Liverpuli mban qëndrim ndaj sulmuesit

    Adriatik BALLA
    Fushata dështake e Liverpulit në Premier League angleze u përkeqësua të shtunën pas barazimit zhgënjyes 3-3 me Lids Junajtid. Sulmuesi Mohamed Salah shpërtheu, duke zbuluar se marrëdhënia e tij me trajnerin e Arne Slot ishte prishur. Ai bëri deklaratën tronditëse pasi u la në stol për tri ndeshje radhazi. “Ylli” egjiptian beson se është ‘hedhur nën autobus’ nga kampionët e Premier League. “E kam thënë shumë herë më parë se kam pasur një marrëdhënie të mirë me trajnerin, dhe papritur nuk kemi më asnjë marrëdhënie”, u tha ai gazetarëve sportivë. “Nuk e di pse, por mua më duket sikur dikush nuk më do në klub. Më duket sikur klubi më ka hedhur nën autobus. Kështu po ndihem. Mendoj se është shumë e qartë që dikush ka dashur që unë të marr gjithë fajin.
    Këtë klub unë gjithmonë do ta mbështes. Edhe fëmijët e mi gjithmonë do ta mbështesin. E dua klubin shumë dhe gjithmonë do ta dua. Situata nuk është e pranueshme për mua, për të qenë i sinqertë. Nuk e kuptoj. Është sikur po më hedhin gjithnjë e më shumë nën autobus. Nuk mendoj se jam unë problemi. Kam bërë shumë për këtë klub. Nuk kam pse të luftoj çdo ditë për pozicionin tim, sepse e kam fituar atë. Nuk jam më i madh se askush, por e kam fituar pozicionin tim. Është futboll. Është si është”, shtoi ai. Pas këtyre zbulimeve të jashtëzakonshme, “BBC Sport” raportoi se Liverpuli është i hapur për të ardhmen e Salah në klub, me disa skuadra në Arabinë Saudite të interesuara për ta transferuar.
    Anësori konfirmoi se kishte folur me klube të Saudi Pro League para se të nënshkruante kontratën e re dhe zbuloi se Arabia Saudite do të kishte qenë destinacioni i tij nëse nuk do të kishte vazhduar qëndrimin në “Anfield”. Al-Hilal, skuadra aktuale e ish-shokut të tij Darvin Nunez, raportohet se është favoritja për të nënshkruar me Salah, megjithëse nuk besohet se kanë nisur ende bisedimet. Salah ka qenë një nga lojtarët më të besueshëm të Liverpulit që nga ardhja e tij nga Roma në vitin 2017, duke shënuar 250 gola në 420 paraqitje me klubin. Megjithatë, këtë sezon ai ka hasur vështirësi për të gjetur formën e tij më të mirë, duke shënuar vetëm katër gola dhe dhënë dy asistime në 13 ndeshje të Premierligës. 33-vjeçari pritet të humbasë një pjesë të madhe të sezonit 2025/26 ndërsa përfaqëson Egjiptin në Kupën e Kombeve të Afrikës, e cila është planifikuar të nisë më 15 dhjetor. Tensionet kanë ardhur në momentin më të keq për Liverpulin dhe Salah. Sulmuesi nënshkroi një kontratë të re dyvjeçare për të qëndruar në “Anfield” në prill.

  • Salah kundër trajnerit, paralajmëron largimin: Do vij për t’u thënë lamtumirë tifozëve

    Salah kundër trajnerit, paralajmëron largimin: Do vij për t’u thënë lamtumirë tifozëve

    Liverpool është në krizë totale. Barazimi i fundit 3-3 ndaj Leeds, ka shtuar presionin mbi trajnerin, i cili nuk e ka më të sigurt vendin.
    Sikur të mos mjaftonte kjo, në klub ka shpërthyer edhe një tjetër çështje. Mohamed Salah ka dalë hapur kundër trajnerit, pasi e ka lënë shpesh në stol në këtë sezon.
    Në prononcimin pas ndeshjes, egjiptiani nuk u kursye në fjalët e tij, duke thënë se duket sikur dikush nuk e dëshiron më në klub.
    “Jam shumë i zhgënjyer. Kam bërë kaq shumë për këtë klub… Tani jam në stol dhe nuk e di pse. Ndihem sikur klubi më ka hedhur poshtë. Mendoj se është shumë e qartë se dikush dëshiron të më hedhë të gjithë fajin mua. Nuk kemi më asnjë marrëdhënie me trajnerin. Kam marrë shumë premtime gjatë verës dhe deri më tani kam qenë në stol për tre ndeshje. Nuk e di pse, por ndiej sikur dikush nuk më do në klub”, u shpreh Salah.
    Ai meditoi largimin, duke thënë se në ndeshjen e radhës ndaj Brighton do shkojë për t’u thënë lamtumirë tifozëve.
    “Ejani në ndeshjen kundër Brighton. Nuk e di nëse do të luaj apo jo, por do ta shijoj. Do të jem në “Anfield” për t’u thënë lamtumirë tifozëve dhe për të shkuar në Kupën e Kombeve të Afrikës. Nuk e di çfarë do të ndodhë kur të shkoj atje”, deklaroi Salah.
    Pavarësisht se ishte skuadra që shpenzoi më shumë në merkaton e verës, Liverpool po përballet me vështirësi të mëdha, pasi renditet në vendin e tetë në renditje me vetëm 23 pikë në 15 javë kampionat.
    Trajneri Slot rrezikon shkarkimin, ndërsa kanë nisur të qarkullojnë edhe emrat e parë për ta zëvendësuar.

  • 270 mln euro neto! Salah tundohet nga klubi që e ndjek prej dy vitesh

    270 mln euro neto! Salah tundohet nga klubi që e ndjek prej dy vitesh

    7 Dhjetor 2025

    13:19

    Telesport

    Burime pranë Mohamed Salah bëjnë të ditur se sulmuesi i Liverpool është befasuar nga përpjekja e madhe financiare e Al-Ittihad, që po kërkon ta bindë me një ofertë marramendëse.
    Klubi saudit i ka propozuar një kontratë trevjeçare me rreth 90 milionë euro neto në sezon, duke e çuar vlerën totale në 270 milionë euro, një shumë që tregon qartë seriozitetin e tyre.
    Ligat saudite kohët e fundit kanë ofruar kontrata të mëdha për të tërhequr yje ndërkombëtarë, por oferta për Salah është ndër më të lartat e bërë ndonjëherë.
    Kjo e vendos egjiptianin në qendër të projektit sportiv të Arabisë Saudite dhe e bën atë një prioritet absolut për Al-Ittihad.

  • Liverpool nis punën: 4 opsione për pasuesin e legjendës Salah

    Liverpool nis punën: 4 opsione për pasuesin e legjendës Salah

    7 Dhjetor 2025

    12:07

    Telesport

    Liverpool ka nisur kërkimin për pasuesin ideal të Mohamed Salah, një nga figurat më të rëndësishme të epokës së fundit në “Anfield”. Klubi po shikon opsione të ndryshme, nga talentet e reja tek yjet tashmë të afirmuar, duke analizuar karakteristikat teknike, përshtatjen taktike dhe potencialin për të mbajtur nivelet e larta të skuadrës.
    Secili prej emrave në listë ofron diçka unike, por edhe kërkon kujdes të madh në zgjedhje, pasi roli i Salah është i pazëvendësueshëm në mënyrë klasike.
    Michael Olise i Bayern bie në sy për kreativitetin dhe lëvizjen inteligjente, ndërsa Rodrygo i Real Madrid sjell dinamizëm dhe eksperiencë në ndeshjet e mëdha.
    Nga ana tjetër, Liverpool po ndjek edhe Kenan Yıldız (Juventus), me një profil modern që mund të shpërthejë në Premier League, ndërsa Iliman Ndiaye i Everton është opsioni më i afërt gjeografikisht, i njohur për punën e madhe në fushë dhe aftësinë për të bërë diferencën në hapësira të ngushta.
    Vendimi final i Liverpool do të tregojë shumë për drejtimin që klubi dëshiron të marrë në epokën pas Salah.