Lajmidites.com

Tag: sahiti

  • Hapet ekspozita “Çka s’shoh” në Hanin e dy Robertëve

    Hapet ekspozita “Çka s’shoh” në Hanin e dy Robertëve

    Më 20 nëntor, nga ora 19:00 në Hanin e dy Robertëve do të hapet ekspozita personale e Arbër Sahiti “Çka s’shoh”.

    Mugëtira e të pakonceptueshmes

    Nga Shkëlzen Maliqi

    Arbër Sahiti i takon brezit të artistëve kosovarë postkonceptualistë, të cilët po i rikthehen mediumeve klasike të shprehjes artistike. Në këtë rast, fjala është për pikturën. Mirëpo, “rehabilitimi” i pikturës nuk ndodh pa një pakt paraprak me konceptin, që e rikthen atë në medium preferencial të shprehjes. Ky konceptualizim i Sahitit, me ose pa vetëdije, lidhet me botëkuptimin platonist mbi realitetin, i cili shpërfaqet që në titullin e opusit “Çka s’shoh”.

    Ky titull, me ose pa pikëpyetje, të dy leximet janë të mundshme, si dy gjendje agregati të zëvendësueshme, i referohet paradoksit të shikimit dhe perceptimit të realitetit. Në teorinë dhe praktikën e arteve pamore, ky paradoks ringjall dyshimin se ajo që shohim me sy, dhe ajo që përgatitet të shihet me sy, në të vërtetë nuk është e vërteta e realitetit, por dritëhije të një suprarealiteti të ideve dhe koncepteve. Platoni këtë raport e ka shpjeguar me alegorinë e famshme të shpellës: në këtë botë jetohet si në shpellë, ku me sy shohim vetëm hijet e ideve dhe të vërtetave. Si shpellarë shohim vetëm dritëhijet e mugëta të ideve.

    Piktura e Arbër Sahitit konceptohet si përjetim i kësaj mugëtire. Nëse shikimi është iluzion, atëherë i gjithë konstruksioni ynë “realist”, ajo që shohim, është i çalë, gjysmak, mashtrues. Edhe vetë shpellarin Sahiti e paraqet gjysmak, madje karikaturalisht. Ai nuk ka sy, as zgavra të syve. Edhe trupat paraqiten të papërsosur, të parealizuar deri në fund, madje të pangjyrë, të vetëm si dritëhije trishtimi. Për më tepër, në kompozicionet me grupe personash, ai nuk i tregon ballazi me fytyra, por nga shpina, në poza përpëlitjesh jetësore mbase dramatike, por pa u dhënë shpjegim, duke ua hequr edhe horizontin e shpresës.

    Në një nga kompozicionet, disa njerëz të kthyer me shpinë qëndrojnë pranë gërmadhës së një tempulli të lashtë dhe shikojnë perëndimin e diellit në horizont. Kjo më kujton, për krahasim, pikturën e famshme të Muslim Mulliqit “Hamalli”, ku hamalli i vetmuar paraqitet i kthyer me shpinë pranë një muri që ia kufizon pamjen dhe lirinë, por që të paktën ia lejon të shohë dritën e qiellit dhe shpresën përtej murit.

    Te Sahiti, dielli shndrit, por mbetet i largët, mistik; ai nuk lë vend për shpresë, por vetëm për trishtim dhe pakuptimësi.

    ObserverKult

    Lexo edhe:

    JAVA E KULTURËS KOMBËTARE BASHKON INSTITUCIONET E KOSOVËS E TË SHQIPËRISË NË TIRANË

  • Valdrin Sahiti në ”Big Brother Kosova Vip 4”

    Valdrin Sahiti në ”Big Brother Kosova Vip 4”

    Showbiz E Shtunë, 11 Tetor 2025 16:20
    ”Big Brother Kosova Vip 4” pritet që të nis më 7 nëntor, edhe pse burime pranë produksionit theksojnë se emrat zyrtarë mbeten ende sekret, një imazh i fundit ka ngjallur kureshtje.
    Dizajneri i njohur Valdrin Sahiti ka postuar në rrjete sociale një fotografi ku shihet në darkë me Alaudin Hamitin, autorin e spektaklit, dhe Olsa Muhametin, producenten e këtij edicioni.

    Mbi imazh, Sahiti ka shkruar “Afër me syrin”, një frazë me referencë të qartë ndaj simbolit të “Big Brother”-it. Mbetet e hapur mundësia që dizajneri të ketë një rol kreativ apo bashkëpunim artistik me produksionin në këtë edicion të ri.

    Nëse fotografia ishte një rastësi apo një paralajmërim i koduar, mbetet për t’u zbuluar së shpejti — ndoshta “afër me syrin” do të ketë kuptime më të thella sesa duket në pamje të parë.

  • Përfaqësuesja e Kosovës, kontigjenti i ardhur nga Europa cilësor dhe shumë i madh në numër

    Përfaqësuesja e Kosovës, kontigjenti i ardhur nga Europa cilësor dhe shumë i madh në numër

    Adriatik BALLA
    Lëvizje interesante po ndodhin nga lojtarët shqiptarë të Kosovës, që kanë cilësi. Shkaktoi bujë vendimi i Albian Hajdarit për të përfaqësuar Kosovën. Përfaqësuesja “dardane” pritet të përfitojë shumë nga mbrojtësi i Hofenheimit. Kjo skuadër garon në Bundesligën e Gjermanisë, njëra prej pesë ligave më të forta evropiane të futbollit. Me Hajdarin, Kosova “kompleton” njëmbëdhjetëshin e lojtarëve që bëjnë karrierë në klubet e top-ligave evropiane. Asnjëherë përfaqësuesja e Kosovës nuk ka pasur kaq shumë futbollistë në kampionatet e mëdha të kontinentit. Natyrisht, me këtë rritet edhe kërkesa për kualifikim në një ngjarje të madhe futbolli, Botëror apo Evropian.
    Këtë e pranon edhe drejtori i përfaqësueses, Muharrem Sahiti. “Kur është niveli i lojtarëve i lartë, kur ka më shumë lojtarë që luajnë në këto liga të forta, atëherë kërkesa për sukses rritet. Kërkesa rritet si në opinion ashtu edhe te ne, te lojtarët, te shtabi teknik. Fatmirësisht që këta lojtarë janë pjesë e jona dhe sigurisht që janë rritur dhe do të rriten pritjet. Mendoj se bëhet detyrim kualifikimi”, ka thënë Sahiti. Ai thekson se Albian Hajdari do të jetë konkurrent i denjë për një pozitë në qendër të mbrojtjes te Kosova.
    Nëse gjërat shkojnë siç duhet me dokumentacion, 22-vjeçari do të jetë pjesë e grumbullimit për ndeshjet e tetorit. Kosova më 10 tetor e pret Slloveninë, kurse tri ditë më pas luan në udhëtim ndaj Suedisë. Hajdari do të udhëtojë së bashku me Leon Avdullahun dhe Fisnik Asllanin drejt Kosovës. Të tre janë pjesë e Hofenheimit. Pjesë e klubeve të Bundesligës janë edhe tre lojtarë tjerë të Kosovës: mesfushori Elvis Rexhbeçaj, mbrojtësi i krahut Leart Paqarada dhe sulmuesi i krahut Emir Sahiti. Sahiti së fundi ka shprehur pakënaqësi me pozitën e tij në përfaqësuese dhe nuk u grumbullua në shtator.
    Lojtarët e Serisë A
    Në Serie A paraqiten portieri Arijanet Muriqi, mbrojtësit Mërgim Vojvoda e Amir Rrahmani dhe sulmuesi i krahut, Edon Zhegrova. Në La Liga karrierë të suksesshme bënë sulmuesi Vedat Muriqi. “Është gërshetuar përvoja me rininë. Do të jemi një Kombëtare shumë e rrezikshme”, është shprehur Muharrem Sahiti. Asllani dhe Avdullahu janë prej lojtarëve kryesorë te klubi elitar gjerman. Hajdari në ndeshjen kundër Bajernit luajti 90 minuta. Mungoi ndaj Freiburgut në fundjavën e kaluar shkaku i gripit. Por ai pritet të jetë një prej shtyllave të mbrojtjes së Hofenheimit, njëjtë siç janë Avdullahu në mesfushë e Asllani në sulm.
    Shumica e lojtarëve nga top-ligat janë të rëndësishëm edhe te Kosova. “Lojtari që përfaqëson Kombëtaren duhet të ketë minutazh ku luan, sidomos në ligat e forta evropiane. Ardhja e tyre ka krijuar konkurrencë të jashtëzakonshme në ekipin e Kosovës. Tash Kosova ka konkurrencë brenda grupit. Jemi në të gjitha pozitat të fortë. Jemi në rrugë të mirë dhe të drejtë. Jemi skuadër më kualitative se në vitet e mëhershme, pa anashkaluar lojtarët kualitativë që janë pensionuar”, ka theksuar drejtori i përfaqësueses së Kosovës. Me fitoren ndaj Suedisë, 2:0, në Prishtinë, Kosova ka ngjallur shpresat për të siguruar vendin e dytë në grupin kualifikues për Botëror. Pozita e dytë siguron “play-off”.
     

  • Sahiti mund të kthehet te Kosova, trajneri Foda ia mban derën mbyllur

    Sahiti mund të kthehet te Kosova, trajneri Foda ia mban derën mbyllur

    Adriatik BALLA
    Trajneri i Kosovës foli shkurt për lojtarët Bersant Celina dhe Franko Foda. “Të dy e dinë arsyen pse nuk u ftuan në ekip këtë herë”, tha trajneri gjerman i Kosovës para ndeshjeve kualifikuese të këtij muaji. Megjithatë, ai “nuk donte të ndante detaje me opinionin”. Kjo la vend për spekulime. Futbollisti i Hamburgut, Emir Sahiti: Një interpretim i mosftesës së supozuar, të cilin edhe MOPO e mori në konsideratë një javë e gjysmë më parë, ishte se Foda dyshohet se ishte i prekur që Sahiti nuk kishte marrë pjesë në miqësoret e qershorit për t’u martuar me gruan e tij, Kim. Në atë kohë u tha se Foda ia plotësoi dëshirën sulmuesit, që do të thotë se gjithçka ishte me mirëkuptim. A nuk ishte kjo aspak e vërtetë? A ishte ky shkaku i pakënaqësisë? Sahiti tani e ka sqaruar situatën. Ai deklaroi se mund të kishte marrë pjesë në ndeshjet e fundit kualifikuese të Kupës së Botës 2026, në humbjen 4:0 kundër Zvicrës dhe fitoren 2:0 ndaj Suedisë – nëse do të donte. E vërteta është se unë u ftova”, shpjegoi 26-vjeçari për MOPO. “Por ishte vendimi im të mos grumbullohesha”. Dhe ai e mori këtë vendim për arsye të mira. “Nuk ka probleme midis meje dhe shokëve të mi të ekipit të Kosovës. Ne jemi të gjithë miq”, sqaroi Sahiti. Por ka diçka që e ka shqetësuar kohët e fundit në lidhje me ekipin senior të Kosovës. “Disa lojtarë janë në formacionin bazë të Kosovës edhe pse mezi kanë luajtur për klubet e tyre për muaj të tërë”, shpjegon sulmuesi i krahut, pa përmendur ndonjë lojtar specifik.
    Qëndrimi i palëve
    Duket sikur Sahiti është ndier i trajnuar padrejtësisht gjatë periudhave të kaluara. “Unë luaj për Hamburgun, një klub i madh, dhe ndihem mirë – por kohët e fundit kam qenë në stol në ndeshjet ndërkombëtare”, shpjegon ai. “Nuk është problem nëse është për arsye sportive. Por nëse e meritoj, dua të luaj. Kjo është arsyeja pse i thashë drejtorit se nuk do të vija këtë herë”. Drejtor sportiv i Federatës së Futbollit të Kosovës është bashkëkombësi i Sahitit, Samir Ujkani, zëvendës i të cilit është gjermani Markuse Ëeidner, i cili punoi tek Eintracht Franfurt nga viti 2017 deri në vitin 2022. Profesionisti i Hamburgut thuhet se nuk foli vetë me trajnerin Foda para publikimit të listës së fundit. Në vend të kësaj, sipas versionit të tij, Sahiti iu drejtua drejt me kërkesë për të hequr dorë nga udhëtimi. Dhe ai theksoi se e bëri këtë me vullnetin e tij të lirë. Sahiti nuk mban mëri ndaj askujt, pavarësisht se nuk i kupton disa nga vendimet për formacionin bazë.
    Ftesa në të ardhmen
    Në fakt, sulmuesi i cili ishte një nga heronjtë e Hamburgut në stinorin e dytë të edicionit të kaluar drejt ngritjes në Bundesligë, ende nuk e ka luajtur nga fillimi në asnjërën prej pesë paraqitjeve të tij për Kosovën. Edhe kur luajti për herë të fundit në dy ndeshjet e Ligës së Kombeve në mars, ai hyri nga stoli. Me sa duket, kjo nuk i pëlqeu. Megjithatë, ai theksoi në një intervistë për MOPO se “e dua vendin tim”. Gjatë pushimit ndërkombëtar, të cilin e kaloi me familjen e tij në Split të Kroacisë, Sahiti shikoi nga televizioni humbjen e thellë nga Zvicra, dhe fitoren e madhe kundër Suedisë. “Isha shumë i kënaqur me fitoren e ekipit tim përfaqësues”, thotë ai. Sahiti nuk përjashton përfshirjen e tij te skuadra e Fodës.