Lajmidites.com

Tag: rubio

  • Administrata Trump vendos: Qasje prioritare për zotëruesit e biletave të Botërorit 2026

    Administrata Trump vendos: Qasje prioritare për zotëruesit e biletave të Botërorit 2026

    Administrata e presidentit Donald Trump ka njoftuar krijimin e një sistemi të ri që synon përshpejtimin e procedurave të vizave për tifozët që do të udhëtojnë drejt Shteteve të Bashkuara për Kupën e Botës 2026. Ky është një hap i paprecedent, i cili vjen në pritje të miliona vizitorëve që pritet të ndjekin turneun.

    Nisma e re, e paraqitur të hënën në Shtëpinë e Bardhë nga presidenti Trump, parashikon që mbajtësit e biletave të blera direkt nga FIFA do të kenë qasje prioritare në intervistat për viza në konsullatat amerikane që nga fillimi i vitit 2026. Programi do të njihet si “FIFA Priority Appointment Scheduling System” (FIFA PASS).

    Trump deklaroi se administrata e tij është e angazhuar maksimalisht për t’i krijuar kushte ideale këtij eventi gjigant:

    “Kam urdhëruar administratën time të bëjë gjithçka që është e mundur që Botërori 2026 të jetë një sukses i jashtëzakonshëm”, u shpreh ai nga Zyra Ovale, ku ishte i shoqëruar nga presidenti i FIFA-s, Gianni Infantino, Sekretari i Shtetit Marco Rubio dhe zyrtarë të tjerë të lartë.

    Prioritet në intervista, por jo garanci për vizë

    Sekretari i Shtetit, Marco Rubio, theksoi se mbajtja e një bilete nuk garanton marrjen e vizës:

    “Bileta ju siguron një takim të përshpejtuar, asgjë më shumë. Procesi i verifikimit mbetet i njëjtë për të gjithë. Thjesht po ju çojmë më shpejt në radhë”, u shpreh ai.

    Rubio konfirmoi se Departamenti i Shtetit ka shtuar mbi 400 oficerë konsullorë në ambasadat dhe konsullatat amerikane në mbarë botën, duke dyfishuar stafin në disa vende. Si shembull, ai përmendi Brazilin dhe Argjentinën, ku koha e pritjes për takime ka rënë nga mbi një vit në më pak se dy muaj.

    “Sot, në rreth 80% të vendeve, mund të marrësh një takim brenda 60 ditëve”, theksoi Rubio.

    Siguri maksimale dhe bashkëpunim i zgjeruar me FIFA-n

    Sipas FIFA-s, programi FIFA PASS është pjesë e një bashkëpunimi të gjerë me Task-Forcën e Shtëpisë së Bardhë për Kupën e Botës. Administrata amerikane po investon burime të konsiderueshme për garantimin e sigurisë së tifozëve dhe mbarëvajtjes së turneut, i cili do të zhvillojë 78 nga 104 ndeshje në tokën amerikane.

    Njëmbëdhjetë qytete në SHBA, mes tyre Nju Jorku, Los Anxhelosi, Dallasi dhe Majami, do të mirëpresin mijëra tifozë, së bashku me arenat pritëse në Meksikë dhe Kanada.

    Presidenti i FIFA-s, Gianni Infantino, tha se pritet të shiten 6 deri në 7 milionë bileta, duke e bërë këtë Botëror një ndër eventet më të mëdha sportive të historisë.

    “Amerika e pret botën me krahë hapur”, deklaroi Infantino. “Ne kemi thënë gjithmonë se ky do të jetë Botërori më i madh dhe më gjithëpërfshirës në histori dhe shërbimi FIFA PASS është një shembull konkret i këtij premtimi.”

  • Mbledhja e ministrave të Jashtëm të G7-ës, Rubio: Po na mbarojnë opsionet për sanksione ndaj Rusisë

    Mbledhja e ministrave të Jashtëm të G7-ës, Rubio: Po na mbarojnë opsionet për sanksione ndaj Rusisë

    Shtetet e Bashkuara po i mbarojnë opsionet për vendosjen e sanksioneve ndaj Rusisë, pas sulmit të Kremlinit ndaj gjigantëve të mëdhenj të naftës, tha Sekretari i Shtetit i SHBA-së, Marco Rubio.

    “Nuk ka mbetur shumë për ne për të vendosur sa i përket sanksioneve nga ana jonë”, tha Rubio dje përpara një takimi të ministrave të jashtëm të G7.
    SHBA-të vendosën sanksione ndaj Rosneft dhe Lukoil dhe degëve të tyre në tetor në një përpjekje për të ulur të ardhurat e Rusisë nga nafta, të cilat janë burimi kryesor i financimit për luftën në Ukrainë. Qëllimi ishte të shtyhej Moska në tryezën e negociatave për t’i dhënë fund luftës.
    Sanksionet do të hyjnë në fuqi të plotë më 21 nëntor, por disa vende tashmë po shqyrtojnë kërkesën për përjashtime. Hungaria tashmë ka marrë një zgjatje njëvjeçare nga SHBA-ja, kujton Politico.
    Lidhur me flotën ruse në hije, cisternat që transportojnë ilegalisht naftën ruse, Rubio tha se “ka gjëra që evropianët mund të bëjnë në lidhje me flotën në hije, pasi shumë nga këto po ndodhin në zona shumë më afër tyre”.
    BE-ja ka vendosur 19 paketa sanksionesh kundër Rusisë, duke synuar gazin natyror të lëngshëm të Rusisë, bankat, tregtimin e kriptomonedhave dhe flotën në hije.
     
     

    Top Channel

  • Rubio: Po bëhet “progres i mirë” në hartimin e rezolutës për forcën ndërkombëtare në Gaza

    Rubio: Po bëhet “progres i mirë” në hartimin e rezolutës për forcën ndërkombëtare në Gaza

    Sekretari i Shtetit i SHBA-së, Marco Rubio tha se po bëhet “progres i mirë” në hartimin e një rezolute të OKB-së për një forcë ndërkombëtare stabilizimi në Gaza, duke theksuar se kjo forcë nuk do të jetë njësi luftarake, por do të jetë jetike për sigurimin e zonave ndërsa ndihma humanitare dhe përpjekjet për rindërtim zgjerohen.
    Duke folur për gazetarët të mërkurën pas një takimi të ministrave të Jashtëm të G7-ës në Kanada, Rubio tha se një draft i përditësuar i rezolutës ende po rafinohet me kontributin e disa vendeve dhe se Washingtoni shpreson të shohë veprim “shumë shpejt”.
    “Duhet të bëhet në mënyrën e duhur”, tha ai duke shtuar se SHBA-ja po punon për të balancuar interesat e vendeve të përfshira. “Nuk duam të humbasim vrullin për këtë”, shtoi ai.

    Ndërsa forca e stabilizimit nuk ka për qëllim të kryejë sulme ose të angazhohet në luftime, Rubio tha se do të jetë e nevojshme për të garantuar siguri bazike në zonat që nuk janë nën kontrollin izraelit ndërsa Hamasi duhet të çarmatoset sipas marrëveshjes që të gjitha palët e kanë miratuar.
    “Nëse doni të shihni një rritje të madhe jo vetëm të ndihmës humanitare, por edhe të rindërtimit, do t’ju duhet të keni siguri dhe kjo nuk mund të jetë Hamasi”, tha ai.
    “Pra, do të duhet një forcë që ofron vetëm siguri të përditshme bazike. Ky është roli kryesor i forcës së stabilizimit, të stabilizojë”, deklaroi kryediplomati amerikan.
    Rubio theksoi se qëllimi afatgjatë është një Gaza e qeverisur nga një organ civil palestinez i besueshëm dhe jo nga Hamasi apo ndonjë fuqi e huaj.
    “Me kalimin e kohës nuk do të ketë më vijë të verdhë”, tha ai duke iu referuar ndarjes midis zonave të kontrolluara nga Hamasi dhe atyre jo nga Hamasi.
    “Duhet të ketë një organizatë civile palestineze që qeveris Gazën dhe ky është qëllimi, ta ngrisim këtë organizatë, t’i japim kapacitet, të lejojmë të rritet si në aftësi, ashtu edhe në besueshmëri dhe në fund ajo do të qeverisë Gazën”, tha ai.
     

  • “Mizori, dhunë, vrasje dhe përdhunime”, Rubio bën thirrje për veprim ndërkombëtar ndaj Sudanit: Të ndërpritet furnizimi me armë

    “Mizori, dhunë, vrasje dhe përdhunime”, Rubio bën thirrje për veprim ndërkombëtar ndaj Sudanit: Të ndërpritet furnizimi me armë

    Sekretari i Shtetit të SHBA, Marco Rubio, ka bërë thirrje për veprime ndërkombëtare me qëllim ndërprerjen e furnizimit me armë të Forcave Paraushtarake të Mbështetjes së Shpejtë (RSF) të Sudanit, të akuzuara për vrasje masive në el-Fasher.

    Në përfundim të takimit të ministrave të jashtëm të G7 në Kanada, Rubio deklaroi se RSF-ja ka kryer mizori sistematike, duke përfshirë vrasje, përdhunime dhe dhunë seksuale ndaj civilëve.
    Ushtria e Sudanit akuzon Emiratet e Bashkuara Arabe për mbështetje të RSF-së me armë dhe mercenarë të dërguar përmes vendeve afrikane. Nga ana tjetër, Emiratet kanë mohuar vazhdimisht këto akuza.
    Që nga prilli i vitit 2023, RSF-ja ka qenë në luftë me ushtrinë sudaneze, pasi përplasjet për pushtet ndërmjet udhëheqësve të tyre u përshkallëzuan në një luftë civile të përgjithshme.
    Ende nuk dihet se çfarë ndikimi do të ketë thirrja e Rubios. Një propozim i mëparshëm i SHBA-së për një armëpushim humanitar në Sudan është shkelur tashmë nga RSF-ja, ndonëse palët ishin pajtuar për të vetëm një javë më parë.
    El-Fasher u pushtua muajin e kaluar nga RSF-ja pas një rrethimi 18-mujor, që do të thotë se tashmë ajo kontrollon të gjitha qytetet në rajinin perëndimor të Darfurit. Një pjesë e popullsisë ka arritur të largohet nga qyteti, ku raportohet për masakra. Imazhet satelitore tregojnë grumbuj trupash dhe tokë të njollosur me gjak.
    Sipas SHBA-së dhe grupeve humanitare, grupet jo-arabe në Darfur po shënjestrohen sistematikisht nga RSF-ja në atë që përbën gjenocid.
    Gjatë bisedimeve diplomati i lartë amerikan theksoi se gratë dhe fëmijët janë bërë shënjestër e akteve të dhunës më të tmerrshme nga RSF-ja në el-Fasher.
    “Ata po kryejnë akte dhune seksuale dhe mizorish, thjesht mizori të tmerrshme kundër grave, fëmijëve dhe civilëve të pafajshëm. Kjo duhet të marrë fund menjëherë”, deklaroi Rubio.
    Ai shtoi se SHBA-ja do të bëjë gjithçka që mundet për ta ndaluar këtë situatë dhe i inkurajoi vendet partnere të bashkohen në këto përpjekje.
    Rubio hodhi poshtë pretendimet e grupit paraushtarak se mizoritë ishin kryer nga “elementë mashtrues”, duke i quajtur ato të pavërteta dhe duke theksuar se sulmet janë sistematike.
    Sipas Rubios, RSF-ja, që nuk ka kapacitete të veta prodhimi armësh, mbështetet në furnizime të jashtme, ndaj ai u bëri thirrje vendeve të ndalin çdo dërgesë armësh drejt saj.
    Në deklaratën e përbashkët, G7 dënoi dhunën në rritje në Sudan, duke theksuar se konflikti mes ushtrisë dhe RSF-së ka shkaktuar “krizën më të madhe humanitare në botë.”
    Deri më sot, më shumë se 150,000 njerëz janë vrarë dhe rreth 12 milionë të tjerë janë detyruar të largohen nga shtëpitë e tyre.
    Sipas analizave të Amnesty International, armë të prodhuara në Serbi, Rusi, Kinë, Turqi, Jemen dhe Emiratet e Bashkuara Arabe po përdoren aktualisht në Sudan. Rruga e kontrabandës kalon shpesh nëpër Emiratet e Bashkuara Arabe, Çad dhe më pas në Darfur, sipas një raporti të ekspertëve të OKB-së.
    Emiratet e Bashkuara Arabe akuzohen për furnizim me armë dhe mbështetje për RSF-në, e cila nga ana tjetër dyshohet se përdor Emiratet si qendër tregtare për shitjen e paligjshme të arit. Të gjitha palët kanë mohuar këto akuza.
    Dy javë më parë, qeveria e Mbretërisë së Bashkuar u kritikua ashpër nga ligjvënësit e saj pas akuzave se armët britanike po përfundonin në duart e RSF-së.

    Top Channel

  • Nis beteja për presidentin e ardhshëm të SHBA-së/ Kush është favoriti JD Vance apo Rubio?

    Nis beteja për presidentin e ardhshëm të SHBA-së/ Kush është favoriti JD Vance apo Rubio?

    Sekretari amerikan i Shtetit Marco Rubio ka nisur t’u thotë privatisht njerëzve të besuar se JD Vance është në krye të garës për nominimin republikan në presidencialet e 2028-tës, dhe se madje do t`i ofronte mbështetje e tij nëse zgjedh vërtet të kandidojë.
    Kjo u pohua për POLITICO nga dy persona pranë administrates amerikane. Komentet e Rubios, të bëra privatisht, konsiderohen shembulli i qartë i mënyrës se si disa republikanë po luajnë tashmë një betejë për trashëgiminë pas Trumpit, më pak se një vit në mandatin e presidentit.
    “Rubio e bëri të qartë se JD Vance do të jetë kandidati republikan nëse ai e dëshiron këtë gjë”, ka pohuar një burim praë shefit të diplomacisë amerikane. Vetë presidenti Donald Trump duket nuk bën dallim mes tyre, dhe i ka përshkruar vazhdimisht Vancen dhe Rubion si dy pasardhësit e tij më të mundshëm, madje duke sugjeruar javën e kaluar se dyshja duhet të kandidojë me të njëjtën biletë. Të dy ata këmbëngulin se janë miq të mirë dhe se mes tyre nuk ka rivalitet, edhe pse spekulimet po rriten se kush mund të trashëgojë MAGA-n.
    Një person i tretë pranë Shtëpisë së Bardhë pohon se pritshmëritë janë që “ JD të kandidojë për president dhe Rubio, si zëvendës i tij”. Një sondazh i kohëve të fundit i Politico i kryer nga 18-21 tetori tregon se Vance gëzon një avantazh të konsiderueshëm midis votuesve që mbështetën Trump në vitin 2024: 35% e të anketuarve duan ta shohin atë si kandidat presidencial në vitin 2028. Në të njëjtin anektim, Rubio merr vetëm 2% të pëlqimeve ndërsa 28% e votuesve thonë se do të preferonin ta shihnin vetë Trumpin, pavarësisht kufizimeve të mandatit presidencial.

  • Nis beteja për presidentin e ardhshëm të SHBA-së, kush është favoriti

    Nis beteja për presidentin e ardhshëm të SHBA-së, kush është favoriti

    Sekretari amerikan i Shtetit Marco Rubio ka nisur t’u thotë privatisht njerëzve të besuar se JD Vance është në krye të garës për nominimin republikan në presidencialet e 2028-tës, dhe se madje do t`i ofronte mbështetje e tij nëse zgjedh vërtet të kandidojë.

    Kjo u pohua për POLITICO nga dy persona pranë administrates amerikane. Komentet e Rubios, të bëra privatisht, konsiderohen shembulli i qartë i mënyrës se si disa republikanë po luajnë tashmë një betejë për trashëgiminë pas Trumpit, më pak se një vit në mandatin e presidentit.
    “Rubio e bëri të qartë se JD Vance do të jetë kandidati republikan nëse ai e dëshiron këtë gjë”, ka pohuar një burim praë shefit të diplomacisë amerikane. Vetë presidenti Donald Trump duket nuk bën dallim mes tyre, dhe i ka përshkruar vazhdimisht Vancen dhe Rubion si dy pasardhësit e tij më të mundshëm, madje duke sugjeruar javën e kaluar se dyshja duhet të kandidojë me të njëjtën biletë. Të dy ata këmbëngulin se janë miq të mirë dhe se mes tyre nuk ka rivalitet, edhe pse spekulimet po rriten se kush mund të trashëgojë MAGA-n.
    Një person i tretë pranë Shtëpisë së Bardhë pohon se pritshmëritë janë që “ JD të kandidojë për president dhe Rubio, si zëvendës i tij”. Një sondazh i kohëve të fundit i Politico i kryer nga 18-21 tetori tregon se Vance gëzon një avantazh të konsiderueshëm midis votuesve që mbështetën Trump në vitin 2024: 35% e të anketuarve duan ta shohin atë si kandidat presidencial në vitin 2028. Në të njëjtin anektim, Rubio merr vetëm 2% të pëlqimeve ndërsa 28% e votuesve thonë se do të preferonin ta shihnin vetë Trumpin, pavarësisht kufizimeve të mandatit presidencial.

    Top Channel

  • “Nuk do të ndalemi derisa të kthehen trupat e tyre”, Rubio takohet me familjet e pengjeve në Izrael

    “Nuk do të ndalemi derisa të kthehen trupat e tyre”, Rubio takohet me familjet e pengjeve në Izrael

    Sekretari i Shtetit i SHBA-së, Marco Rubio, deklaroi se përpjekjet për kthimin e pengjeve izraelite vazhdojnë intensivisht.

    Teksa po zhvillon një vizitë zyrtare në Izrael, ai u takua me familjarët e dy ushtarëve amerikano-izraelitë, të cilët janë ndër 13 pengjet që ende nuk janë dorëzuar nga Hamasi.
    “Nuk do t’i harrojmë jetët e pengjeve që humbën në robëri në duart e Hamasit. Sot u takova me familjet e shtetasve amerikanë Itai Chen dhe Omer Neutra. Nuk do të ndalojmë përpjekjet derisa trupat e tyre, si dhe ato të të gjithë pengjeve të tjerë, të kthehen në atdhe”, shkroi Rubio në “X”.

    Top Channel

  • Bloomberg: Trump anuloi samitin me Putinin dhe ashpërsoi qëndrimin ndaj Moskës pas ndërhyrjes së Marco Rubio

    Bloomberg: Trump anuloi samitin me Putinin dhe ashpërsoi qëndrimin ndaj Moskës pas ndërhyrjes së Marco Rubio

    Pas muajsh rezistence, Presidenti amerikan Donald Trump anuloi planet për mbajtjen e një samiti paqeje me Vladimir Putinin në Budapest dhe vendosi sanksionet e para të drejtpërdrejta ndaj Rusisë, duke përmendur “nevojën për veprim”.

    Sipas raportimeve të Bloomberg, ky ndryshim erdhi pas vlerësimit të Sekretarit të Shtetit, Marco Rubio, se Rusia nuk kishte bërë asnjë ndryshim të rëndësishëm në qëndrimin e saj, pavarësisht përpjekjeve të mëparshme për një zgjidhje paqësore.
    Burime amerikane dhe evropiane thanë se qëndrimi i Moskës u bë i qartë kur Rubio anuloi një takim të planifikuar me ministrin e Jashtëm rus, Sergei Lavrov, pas një telefonate, duke arritur në përfundimin se Kremlini po përpiqej të vononte bisedimet për armëpushim.
    Sipas Bloomberg, ndikimi i Rubios në këtë ndryshim të linjës amerikane tregon për një rol në rritje të tij në politikën e jashtme të administratës Trump. Rubio është shprehur më parë në favor të një qëndrimi më të ashpër edhe ndaj Venezuelës.
    Megjithatë, strategjia e tij përplaset me atë të të dërguarit të posaçëm të presidentit, Steve Witkoff, i cili ka mbështetur një qasje më të butë ndaj Rusisë.
    Zëdhënësja e Shtëpisë së Bardhë, Anna Kelly, mohoi se ndryshimi i Trump kishte ardhur si rezultat i ndikimit të Rubios, duke theksuar se “Presidenti mbetet përgjegjës për politikën e jashtme amerikane dhe ekipi i tij po punon në mënyrë të bashkërenduar për zbatimin e vizionit të tij.”
    Ajo shtoi se Witkoff, një nga këshilltarët më të afërt të Trump, nuk ka humbur ndikimin e tij në çështjet që lidhen me Rusinë apo në politikën e përgjithshme të administratës. Aktualisht, Witkoff ndodhet në Lindjen e Mesme, ku po mbikëqyr armëpushimin e brishtë në Gaza.
    Sidoqoftë, disa raportime kanë sugjeruar se diskutimet paraprake të Witkoff me Putinin dhe zyrtarë të tjerë rusë për një samit të mëparshëm në Alaska krijuan konfuzion dhe përshtypjen se Moska ishte e gatshme për lëshime që nuk kishte ndërmend t’i zbatonte.
    Zëdhënësja Kelly hodhi poshtë këto pretendime, duke theksuar se “Witkoff ka qenë i qartë me të gjithë partnerët” dhe se “ai dhe Presidenti po punojnë për paqen me një kuptim të plotë dhe të saktë të faktorëve në lojë.”
    Ndërkohë, sipas një burimi pranë Kremlinit, edhe pala ruse kishte përjetuar konfuzion pas telefonatës Putin–Trump javën e kaluar. Zyrtarët në Moskë kishin krijuar përshtypjen se presidenti amerikan kishte pranuar kërkesën e Rusisë që Kievi të lëshonte pjesën e mbetur të Donbasit në këmbim të disa lëshimeve të kufizuara territoriale nga Moska.

    Top Channel

  • Rubio: SHBA po punon për të siguruar paqen, Gaza do demilitarizohet

  • Armëpushimi në Gaza, Sekretari i SHBA-së, Rubio: Nuk ka plan B, Hamasi duhet të dorëzojë armët

    Armëpushimi në Gaza, Sekretari i SHBA-së, Rubio: Nuk ka plan B, Hamasi duhet të dorëzojë armët

    Sekretari i SHBA-së, Marco Rubio, mbërriti të enjten në Izrael si pjesë e përpjekjeve të Uashingtonit për të normalizuar situatën në Gaza pas shpalljes së armëpushimit.

    Në fjalimin e mbajtur në Izraelin jugor, Rubio e përshkroi koordinimin e armëpushimit si një mision historik, duke theksuar se SHBA dhe partnerët e saj po punojnë për ta ruajtur atë, për të ofruar ndihmë humanitare dhe për t’u përgatitur për hyrjen e Forcës Ndërkombëtare të Stabilizimit, në Rripin e Gazës.
    “Ky është një mision historik. Zbatimi i planit nuk do të jetë një proces linear. Do të ketë ulje-ngritje dhe trazira, megjithatë kemi arsye të forta për optimizëm për progresin që është bërë”, tha Rubio nga Qendra e Koordinimit Politiko-Ushtarak SHBA-Izrael në Izraelin jugor.
    Rubio po ashtu nënvizoi se Izraeli nuk ka nevojë për lejen e SHBA-së për të rifilluar luftën nëse Hamasi vazhdon të paraqesë një kërcënim, duke theksuar se plani aktual i armëpushimit është më i miri dhe i vetmi plan.
    “Nuk ka plan B. Ky është plani më i mirë dhe i vetëm që mund të ketë sukses”, deklaroi ai.
    Sa i përket çarmatosjes të Hamasit, Rubio theksoi se “nëse Hamasi refuzon të heqë armët, kjo do të ishte një shkelje e marrëveshjes dhe do të duhej të zbatohej”.

    Top Channel