Prof. Asc. Dr. Zheni Gjergji ka reaguar me një mesazh në rrjetet sociale, duke falenderuar qytetarët për mbështetjen gjatë gjithë mandatit të saj. Teksa sot, ishte seanca e fundit parlamentare, që përkon me përfundimin e angazhimit të saj si deputete, ajo ndan reflektime të sinqerta për rrugëtimin në politikë. Përmes një shënimi publik, Zheni Gjergji i falenderon qytetarët dhe kolegët për besimin dhe bashkëpunimin gjatë këtij kapitulli. Ajo thekson se ka punuar me ndershmëri dhe përgjegjësi, duke mbajtur besnikëri ndaj betimeve të saj. Ky mesazh është një përmbledhje e përkushtimit dhe shpresës për të vazhduar angazhimin në shërbim të Shqipërisë edhe në të ardhmen.
Ja reagimi
Në vitin 1995 kam bërë një betim, atë të Hipokratit. Në vitin 2021 bëra një tjetër betim, atë të deputetit.Deri më sot nuk kam tradhëtuar asnjërin.Ndaj dhe në përfundim të kapitullit më të rëndësishëm në rrugëtimin tim jetësor, angazhimit si përfaqësuese e Qarkut Elbasan në Kuvendin e Shqipërisë, kam detyrimin të pohoj se ka qenë privilegj i thellë dhe përgjegjësi e lartë të kem patur nderin të përfaqësoj qytetarët e mi në tempullin e vendimmarrjes kombëtare.Kjo etapë e angazhimit tim publik, nuk përbën thjesht përmbylljen formale të mandatit politik, por përfaqëson një moment reflektimi mbi një rrugëtim të ngarkuar me sfida, përballje njerëzore dhe përjetime të thella, të cilat do të mbeten përherë të gdhendura në kujtesën dhe dinjitetin tim.Përfshirja ime në politikë nuk lindi si aspiratë për privilegj, por si një mision i vetëdijshëm dhe i qëllimshëm, me bindjen e palëkundur se zëri i qytetarëve – 𝐚𝐢 𝐢 𝐠𝐫𝐚𝐯𝐞 𝐭ë 𝐩𝐚𝐝ë𝐠𝐣𝐮𝐚𝐫𝐚, 𝐢 𝐭ë 𝐫𝐢𝐧𝐣𝐯𝐞 𝐭ë 𝐩𝐚 𝐩ë𝐫𝐟𝐚𝐪ë𝐬𝐮𝐚𝐫, 𝐢 𝐬𝐡𝐭𝐫𝐞𝐬𝐚𝐯𝐞 𝐧ë 𝐯ë𝐬𝐡𝐭𝐢𝐫ë𝐬𝐢 – duhet të kenë përfaqësim të denjë dhe të ndershëm.Në këtë frymë, kam folur me kurajo, me ndershmëri, dhe pa lëkundje kompromisi.Gjatë këtij rrugëtimi, jam përfshirë me përkushtim 𝐩ë𝐫𝐦𝐢𝐫ë𝐬𝐢𝐦𝐢𝐧 𝐞 𝐬𝐡ë𝐧𝐝𝐞𝐭𝐢𝐭 𝐩𝐮𝐛𝐥𝐢𝐤, 𝐟𝐨𝐫𝐜𝐢𝐦𝐢𝐧 𝐞 𝐦𝐛𝐫𝐨𝐣𝐭𝐣𝐞𝐬 𝐬𝐨𝐜𝐢𝐚𝐥𝐞, 𝐚𝐯𝐚𝐧𝐜𝐢𝐦𝐢𝐧 𝐞 𝐛𝐚𝐫𝐚𝐳𝐢𝐬ë 𝐠𝐣𝐢𝐧𝐨𝐫𝐞 𝐝𝐡𝐞 𝐠𝐚𝐫𝐚𝐧𝐭𝐢𝐦𝐢𝐧 𝐞 𝐭ë 𝐝𝐫𝐞𝐣𝐭𝐚𝐯𝐞 𝐭ë 𝐟ë𝐦𝐢𝐣ë𝐯𝐞 𝐞 𝐭ë 𝐭ë 𝐦𝐨𝐬𝐡𝐮𝐚𝐫𝐯𝐞. Dhe përfshirje për mua, do të thotë “𝒎𝒆 𝒛𝒆𝒎ë𝒓”.Kam mbrojtur me këmbëngulje nevojen për 𝐦𝐢𝐧𝐢𝐦𝐮𝐦 𝐣𝐞𝐭𝐢𝐤, 𝐤𝐮𝐬𝐡𝐭𝐞 𝐝𝐢𝐧𝐣𝐢𝐭𝐨𝐳𝐞 𝐩𝐮𝐧𝐞 𝐝𝐡𝐞 𝐭𝐫𝐚𝐣𝐭𝐢𝐦 𝐭ë 𝐝𝐫𝐞𝐣𝐭ë 𝐩ë𝐫 𝐩𝐞𝐫𝐬𝐨𝐧𝐚𝐭 𝐦𝐞 𝐚𝐟𝐭ë𝐬𝐢 𝐭ë 𝐤𝐮𝐟𝐢𝐳𝐮𝐚𝐫𝐚.E kam bërë këtë sepse jam e bindur se politika, në thelbin e saj, duhet të vendosë njeriun në qendër të çdo vendimmarrjeje.Kam qenë zë kritik kur duhej, edhe kur ishte e vështirë. Kam qëndruar, kur të tjerët u tërhoqën. Nuk kam bërë kompromis me ndërgjegjen time. E kam ushtruar mandatin me ndershmëri, integritet dhe respekt për qytetarët që më dhanë besimin.Sot largohem, jo sepse më mungon vullneti, por sepse nuk dua të bëhem pjesë e një sistemi që shpesh tradhton besimin e publikut, i cili meriton më shumë se lojëra politike dhe heshtje të interesuara.Faleminderit çdo qytetari që më mbështeti. Faleminderit çdo kolegu që ndau me mua sfida dhe përpjekje.Ky nuk është fundi i angazhimit tim, është kthesë drejt një rruge tjetër, ndoshta më e lirë, më e ndershme, por me të njëjtin pasion: Shqipëria imeMe mirënjohje dhe dashuri,Prof. Asc. Dr. Zheni GjergjiOpozitare. Grua. Qytetare. Zë i lirë.
