Lajmidites.com

Tag: rrjeti

  • Shkatërrohet rrjeti i kontrabandës së karburantit në Greqi, mbi 3 mln euro fitime të paligjshme! Transporti kryhej përmes Shqipërisë, Bullgarisë dhe Rumanisë

    Shkatërrohet rrjeti i kontrabandës së karburantit në Greqi, mbi 3 mln euro fitime të paligjshme! Transporti kryhej përmes Shqipërisë, Bullgarisë dhe Rumanisë

    Një rrjet i organizuar, i cili kontrabandonte karburant është shkatëruar nga autoritetet greke, të cilat kanë zbuluar se grupi kriminal kishte përfituar mbi 3 milionë euro nga aktivitetet e paligjshme.

    Sipas hetimeve, rrjeti funksiononte në tre nivele. Në krye të organizatës ishte një 38-vjeçar i cili ka të njëjtin mbiemër me një anëtar të mafies greke të vrarë disa vite më parë.
    Më pas kishte dy nëngrupe, njëri merrej me furnizimin me benzinë për motorët e brendshëm të djegies dhe tjetri me furnizimin me tretës kimikë.

    “Themelet” e organizatës
    Organizata kishte “baza” në zonat e Atikës, Trikalës dhe Selanikut dhe kishte lidhje me individë të panjohur në Poloni, Bullgari dhe Shqipëri.
    Ata importonin tretës kimikë nga Polonia, i përzienin me karburant dhe shisnin naftë pa fatura.
    Në një periudhë dy mujore (prill-qershor 2025), u kryen 7 transportime me gjithsej 212,213 litra tretës nga Polonia.
    Tretësit më pas u ruajtën përkohësisht në rezervuarë nëntokësorë të vendosur në zonën Mykani të Trikalës.
    Gjatë vitit 2025, grupi bleu më shumë se 1.3 milion litra benzinë nga Rumania dhe Bullgaria, duke mashtruar në dokumentet doganore.
    Pretendonin se produktet eksportoheshin për një kompani shqiptare, por në realitet benzina mbetej dhe shitej në tregun grek, duke shmangur detyrimet doganore.
    Arrestime dhe konfiskime

    Në operacion u arrestuan 22 persona, u mbyllën 8 pika karburanti, dhe u sekuestruan:
    789,076 euro në para cash
    5 vetura, 1 furgon, 15 kamionë, 10 cisterna
    154,037 litra naftë, 88,760 litra vaj, 3,500 litra naftë për makina
    Programet kompjuterike për manipulim, një revole dhe 46 fishekë

  • Pjesë e një rrjeti trafiku, arrestohet 27-vjeçari shqiptar/ Në makinë dhe banesë i gjenden mbi…

    Pjesë e një rrjeti trafiku, arrestohet 27-vjeçari shqiptar/ Në makinë dhe banesë i gjenden mbi…

    Një 27-vjeçar shqiptar pa precedentë penalë u arrestua nga karabinierët e Perugia, me akuzën e posedimit me qëllim shpërndarjen e narkotikëve.
    I dyshuar si pjesë e një rrjeti trafiku në zonë, ai u lokalizua dhe prangos në një parking, ndërsa po drejtonte makinën.
    Karabinierët e kapën menjëherë pasi shqiptari i shiti dozën e radhës me kokainë një klienti. Brenda makinës, oficerët gjetën edhe 9 pako kokaine, me peshë afërsisht 6 gramë dhe 245 euro cash, që besohet të jenë të ardhurat nga trafikimi i drogës.
    Por një kontroll i mëvonshëm i shtëpisë zbuloi 96 pako të tjera kokaine, një peshore precize, materiale paketimi dhe 4645 euro në kartëmonedha me prerje të ndryshme, informon media italiane.
    Sasia e kokainës së sekuestruar sugjeron një numër të konsiderueshëm blerësish dhe një rrjet të strukturuar mirë të trafikimit të drogës në zonë.
    Gjykatësi i Gjykatës së Perugia, pasi e vlerësoi arrestimin, urdhëroi dëbimin e menjëhershëm të shqiptarit nga Italia.

  • Skandal/ Rrjeti i amortizuar elektrik ndez dy zjarre brenda 5 orësh

    Skandal/ Rrjeti i amortizuar elektrik ndez dy zjarre brenda 5 orësh

    Rrjeti i amortizuar elektrik në shtyllat e tensionit është bërë shkak për dy vatra zjarri brenda pesë orëve në Pogradec dhe Devoll, me pasojë dëme materiale në një magazinë dhe të mbjella.
    Ngjarja e parë ka ndodhur dje në orën 12:00, në fshatin Stropckë të Pogradecit, ku dyshohet se për shkak të një shkëndije elektrike në shtyllën e tensionit të lartë, ka rënë zjarr dhe si pasojë është djegur një sipërfaqe toke me bimë të mbjella.
    Kurse pesë orë më vonë, në fshatin Gracë të Devollit u raportua se për shkak të amortizimit të rrjetin elektrik, ka rënë zjarr në magazinën e Dh. D., 43 vjeç.
    “Si pasojë e flakëve janë shkaktuar vetëm dëme materiale”, bëri me dije policia vendore.
    Për të dyja rastet, hetimet i kaluan për veprime të mëtejshme Prokurorisë së Korçës.

  • ZRRE: Nga 16 gushti bizneset pa kontratë për furnizim do të shkëputen nga rrjeti energjetik

    ZRRE: Nga 16 gushti bizneset pa kontratë për furnizim do të shkëputen nga rrjeti energjetik

    Të gjitha bizneset që nuk kanë nënshkruar kontratë komerciale me një nga furnizuesit e licencuar nga Zyra e Rregullatorit të Energjisë e Kosovës (ZRRE), do të shkëputën nga rrjeti energjetik nga 16 gushti, njoftoi rregullatori i energjisë të mërkurën.
    ZRRE-ja tha se e ka marrë vendimin e shkallës së dytë të Gjykatës Komerciale, e cila e pranoi ankesën e rregullatorit ndaj padisë për shtyrjen e liberalizimit të tregut të energjisë elektrike.
    “Ligjshmëria e këtij procesi po konfirmohet nga gjykatat kompetente, së fundi edhe nga Gjykata Komerciale – Dhoma Shkalla e Dytë, duke vërtetuar se të gjithë hapat janë ndërmarrë në përputhje me ligjet e aplikueshme në Republikën e Kosovës”, thuhet në njoftimin e ZRRE-së.
    ZRRE-ja u ankua ndaj vendimit të shkallës së parë të Gjykatës Komerciale, e cila më 30 korrik e kishte pezulluar përkohësisht vendimin e ZRRE për detyrimin e bizneseve të mëdha për të kaluar në tregun e liberalizuar të energjisë.
    Vendimi i ZRRE-së për liberalizimin e tregut të energjisë ka hyrë në fuqi më 1 qershor. Sipas vendimit, të gjitha kompanitë që kanë më shumë se 50 punëtorë, ose qarkullim mbi 10 milionë euro në vit, janë detyruar të kalojnë në tregun e hapur të energjisë.
    Për të mos mbetur pa energji, bizneset nga datë 1 qershor deri më 31 korrik, janë furnizuar përkohësisht nga Korporata Energjetike e Kosovës, në cilësinë e Furnizuesit të Mundësisë së Fundit.
    Në Kosovë janë mbi 1.300 biznese të tilla.
    Të mërkurën, ZRRE-ja u bëri thirrje të gjitha bizneseve që t’i plotësojnë kushtet për të lidhur kontratë më ndonjë kompani të licencuar për t’u furnizuar më energji, ndryshe do të shkëputen nga rrjeti energjetik.
    “Sepse nga data e 16.08.2025 konsumatorët komercial të cilët nuk kanë nënshkruar kontratë komerciale me një nga furnizuesit e licencuar do të ndërpriten nga rrjeti energjetik”, thuhet në njoftim.
    Aktualisht, në Kosovë janë të licencuara 22 kompani për tregtim me energji, ndërsa tre të tjera janë në proces të licencimit. Në mesin e tyre përfshihet edhe Operatori për Furnizim me Energji Elektrike (KESCO) dhe KEK-u.
    Deri më 31 korrik, mbi 250 biznese private kanë nënshkruar kontratë me KESCO-n, ndërkohë që janë në pritje edhe dhjetëra kërkesa të tjera. Ndërkaq, me KEK-un kontrata kanë lidhur 53 kompani.
    Oda Ekonomike e Kosovës dhe Dhoma e Tregtisë dhe Industrisë në Kosovë kanë thënë të martën se e kanë pranuar me shqetësim vendimin e shkallës së dytë të Gjykatës Komerciale. Oda Ekonomike e Kosovës ka thënë se do ta vazhdojë betejën përmes mjeteve ligjore që i ka dispozicion. REL/

  • Don Xhoni s’i ndahet Loredanës – rrjeti “zien” nga dyshimet për një romancë

    Don Xhoni s’i ndahet Loredanës – rrjeti “zien” nga dyshimet për një romancë

    Gazeta “KOHA JONË” themeluar si e pavarur më datë 11 Maj 1991
    Botues: Nikoll LESI. Adresa e redaksisë: Rruga “Sami Frasheri”, Pallatet e Aviacionit të Vjetër Nr. 2, TIRANA – ALBANIA

  • Begaj pret në takim përfaqësues të rrjetit Albanian Chevening Alumni dhe Ambasadës Britanike

    Begaj pret në takim përfaqësues të rrjetit Albanian Chevening Alumni dhe Ambasadës Britanike

    Presidenti i Republikës, Bajram Begaj, priti sot në një takim përfaqësues të rrjetit Albanian Chevening Alumni dhe përfaqësues të Ambasadës Britanike në Tiranë.
    Presidenti Begaj vlerësoi iniciativën e këtij rrjeti për të ndërtuar ura komunikimi me institucionet shqiptare dhe u shpreh mjaft i interesuar për të shkëmbyer mendime mbi mbështetjen e të rinjve shqiptarë të arsimuar jashtë vendit dhe kthimin e tyre në Shqipëri.
    Kreu i Shtetit vlerësoi ndihmën e Mbretërisë së Bashkuar për mbështetjen me bursat Chevening dhe theksoi: “Këto bursa kanë rendësi të veçantë jo vetëm për numrin e studimeve cilësore që mbulojnë, por edhe për krijimin e një rrjeti cilësor profesionistësh e intelektualësh me lidhje të forta me një vend mik si Mbretëria e Bashkuar”.
    Begaj theksoi se potenciali i të rinjve të mirëshkolluar që kthehen në atdhe duhet shfrytëzuar në të mirë të përparimit të vendit.
    Kreu i Shtetit dëgjoi me vëmendje shembujt konkretë të kontributit të profesionistëve të këtij rrjeti në Shqipëri dhe diskutoi me ta për hapa konkretë mbështetës të iniciativave të tyre.

  • Presidenti Begaj: Bursat Chevening, rrjet cilësor profesionistësh me lidhje të forta me Mbretërinë e Bashkuar

    Presidenti Begaj: Bursat Chevening, rrjet cilësor profesionistësh me lidhje të forta me Mbretërinë e Bashkuar

    Presidenti Bajram Begaj priti sot në takim përfaqësues të rrjetit Albanian Chevening Alumni dhe përfaqësues të Ambasadës Britanike në Tiranë. Kreu i Shtetit vlerësoi iniciativën e këtij rrjeti për të ndërtuar ura komunikimi me institucionet shqiptare dhe u shpreh mjaft i interesuar për të shkëmbyer mendime mbi mbështetjen e të rinjve shqiptarë të arsimuar jashtë vendit dhe kthimin e tyre në Shqipëri.
    Kreu i Shtetit vlerësoi ndihmën e Mbretërisë së Bashkuar për mbështetjen me bursat Chevening dhe theksoi se “këto bursa kanë rëndësi të veçantë jo vetëm për numrin e studimeve cilësore që mbulojnë, por edhe për krijimin e një rrjeti cilësor profesionistësh e intelektualësh me lidhje të forta me një vend mik si Mbretëria e Bashkuar”.

    Begaj theksoi se potenciali i të rinjve të mirëshkolluar që kthehen në atdhe duhet shfrytëzuar në të mirë të përparimit të vendit. Kreu i Shtetit dëgjoi me vëmendje shembujt konkretë të kontributit të profesionistëve të këtij rrjeti në Shqipëri dhe diskutoi me ta për hapa konkretë mbështetës të iniciativave të tyre.

  • Bieta Sulo largohet nga ‘Top Channel’?

    Bieta Sulo largohet nga ‘Top Channel’?

    Në një kohë kur rrjeti është përfshirë nga lajme të pakonfirmuara për një largim të mundshëm të saj nga televizioni ku ka ndërtuar një karrierë 20-vjeçare, Bieta Sulo ka vendosur të reagojë publikisht, drejtpërdrejt nga studioja e “Ftesë në 5”.
    Moderatorja, autore dhe një nga figurat më të dashura të pasditeve televizive, e nisi emisionin e së hënës me një mesazh të qartë: ajo nuk po largohet nga “Top Channel”.
    “Ka zierë rrjeti për këtë gjë, por këtu jam dhe do jem në Top Channel”, tha Bieta, ndërsa falenderoi publikun për mbështetjen shumëvjeçare dhe ndau me ta emocionin për 20-vjetorin e saj në këtë ekran.
    “Më shkruanin: ‘Çfarë po ndodh?’ Madje dhe skenografët më pyetën sot: ‘A ta vazhdojmë punën?’” – tregoi ajo me humor.
    Por në vend të një fundi, ajo premton një fillim të ri.
    “Nga shtatori jo vetëm që do të jemi sërish bashkë, por po përgatitet një skenografi e re dhe do të vijmë me më shumë energji, pas 7 viteve të suksesshme që kemi kaluar”, përfundoi Sulo.

  • Threads do të ketë mesazhet e saj direkte veçmas nga Instagram

    Threads do të ketë mesazhet e saj direkte veçmas nga Instagram

    CEO i Metas, Mark Zuckerberg, tha sot se rrjeti social Threads më në fund do të fillojë të testojë mesazhet direkte (DM) të dedikuar. Kjo do të thotë se përdoruesit e Threads nuk do të kenë më nevojë të përdorin Instagram-in apo të kalojnë në një aplikacion tjetër për të biseduar me dikë në platformë.

    Kompania fillimisht do ta testojë këtë veçori në disa vende të botës, përfshirë Hong Kongun, Tajlandën dhe Argjentinën, me plane për ta shpërndarë edhe në vende të tjera së shpejti. Veçoria e bisedës për momentin do të jetë e kufizuar vetëm në biseda një-më-një dhe jo në biseda në grup.
    Kjo ka të ngjarë të shihet si një zhvillim pozitiv për rrjetin social më të ri të Metas. Siç kishte vënë re më parë TechCrunch, shumë njerëz kanë ndjekës të ndryshëm në Threads krahasuar me Instagram-in. Për më tepër, ekziston mundësia që një pjesë e përdoruesve të Threads të mos e përdorin shpesh Instagram-in, nëse e përdorin fare.

    Vitin e kaluar, kompania po punonte për një prototip që lejonte përdoruesit të dërgonin mesazhe direkt në kutinë e Instagram-it nga aplikacioni Threads.
    Në vitin 2023, drejtuesi i Instagram-it, Adam Mosseri, tha gjithashtu se rrjeti social shpresonte që të mund ta bënte kutinë e mesazheve të Instagram-it të funksiononte edhe për Threads. Ai besonte se njerëzit kishin ndjekës të ngjashëm në të dy rrjetet sociale – gjë që nuk është gjithmonë e vërtetë.

    Kur Threads u lançua në korrik të vitit 2023, ishte shumë i varur nga Instagram, me opsione që i lidhnin menjëherë përdoruesit me miqtë dhe krijuesit në Instagram. Por pas më shumë se 20 muajsh ekzistence, kompania kuptoi se njerëzit po formonin lloj tjetër rrjeti në Threads, për shkak të natyrës së tij publike dhe ngjashmërisë me aplikacione të tjera me përmbajtje të shkurtër si X dhe Bluesky.
    Meta tha se vendosi të krijojë një hapësirë të dedikuar mesazhesh direkte sepse përdoruesit e Threads po kërkonin një mënyrë për të biseduar një-më-një pa pasur nevojë të kalojnë në një aplikacion tjetër.
    Megjithëse është lajm i mirë që Threads më në fund po sjell mesazhet direkte, kompania ka vonuar me lançimin e saj.
    Rivali i saj, rrjeti social Bluesky, prezantoi DM-të në maj 2024. Njoftimi i Metas gjithashtu vjen vetëm disa ditë pasi rrjeti X në pronësi të Elon Musk lansoi veçorinë e re XChat, me mbështetje për mesazhe në grup, mënyrën zhdukje (vanishing mode) dhe ndarjen e dokumenteve – për të përmirësuar eksperiencën e mesazheve direkte. /PCWorld Albanian

  • Shkatërrohet rrjeti i trafikantëve të drogës, 11 arrestime në Itali! Në qendër të hetimit një shqiptar, furnizuesi kryesor i kokainës

    Shkatërrohet rrjeti i trafikantëve të drogës, 11 arrestime në Itali! Në qendër të hetimit një shqiptar, furnizuesi kryesor i kokainës

    Një operacion i Policisë Italiane, i koordinuar nga Zyra e Prokurorit Publik në Gjykatën e Foggias, çoi në arrestimin e njëmbëdhjetë personave të akuzuar si pjesë e një rrjeti trafiku droge që vepronte midis Puglias dhe Molises.
    Masat paraprake të burgut, të lëshuara nga gjyqtari për hetimet paraprake të Gjykatës së Foggias, u njoftuan në orët e para të së premtes nga oficerët e stacionit të policisë së San Severo, në fund të një hetimi kompleks të filluar në dhjetor 2023.
    Në qendër të hetimit, një shtetas shqiptar i identifikuar nga hetuesit si i dyshuari si “shumicë” dhe furnizuesi kryesor i kokainës dhe kanabisit për organizatën. Burri i menaxhonte kontaktet me qelizat e ndryshme lokale të trafikimit të drogës duke ruajtur një profil jashtëzakonisht të kujdesshëm, duke kufizuar komunikimet në disa telefonata tradicionale dhe duke preferuar aplikacionet e mesazheve të koduara, në mënyrë që të shmangte kontrollet.
    Puna e hetuesve u ka lejuar atyre të rindërtojnë strukturën dhe mekanizmat operativë të shoqatës kriminale. Monitorimi i tre automjeteve të përdorura nga shitësi me shumicë i dyshuar, i regjistruar në një agjenci qiraje që vepronte në zonën e Garganos, ishte vendimtar në këtë drejtim. Falë teknikave të ndjekjes në hije dhe mbikëqyrjes, agjentët identifikuan bashkëpunëtorët e dyshuar, shumë prej të cilëve ishin tashmë të njohur për policinë, duke përvijuar një rrjet të dendur marrëdhëniesh me kriminelë aktivë në trafikun e drogës.
     
     
    Provat rrethanore u konfirmuan nga dy episode të dokumentuara nga përgjimet audio dhe video. E para ka të bëjë me një takim midis shtetasit shqiptar, një kriminel të njohur vendas dhe një shqiptari të dytë – ende të paidentifikuar – gjatë të cilit do të kishte ndodhur një shkëmbim droge në territorin e Ruvo di Puglia.
    Episodi i dytë lejoi filmimin e transportit të një ngarkese prej afërsisht 13 kilogramësh substancë narkotike, të kryer me mbështetjen e një eskorte të armatosur për të siguruar sigurinë e saj.
    “Të dyshuarit – shpjegojnë hetuesit – përdornin aplikacione të koduara për mesazhe dhe, vetëm rrallë, përdornin telefonata”. Hetimet, të kryera me mbështetjen e aktiviteteve teknike dhe gjetjeve specifike hetimore, kanë përvijuar një pamje të rrezikshmërisë dhe rrënjëve të rëndësishme kriminale, me individë që veprojnë në provinca të shumta dhe lidhje të qëndrueshme me qarqet kriminale të Garganos. Individët e arrestuar – përfshirë shumë shkelës të përsëritur – u dërguan në burg me akuzën e trafikimit të drogës.