Në Shqipëri, dixhitalizimi i shërbimeve publike ka qenë një ndër prioritetet më të shpallura të qeverisë në dekadën e fundit, me qëllim modernizimin e administratës dhe lehtësimin e aksesit për qytetarët.Platforma e-Albania është kthyer në bërthamën e këtij transformimi, duke ofruar mbi 1,200 shërbime në mënyrë elektronike dhe duke u promovuar si një mjet për të shmangur radhët, kontaktin fizik me administratën dhe për të rritur transparencën.Në vitin 2022, u ndërmor një hap i rëndësishëm me mbylljen e shumë sporteleve fizike dhe detyrimin që shërbimet të merren vetëm online.Pavarësisht suksesit, shumë qytetarë, veçanërisht në zonat rurale dhe të moshuarit, u përballën me vështirësi në përdorimin e platformës, duke ekspozuar një hendek të madh në aftësitë dixhitale dhe nevojën për asistencë njerëzore.Por nga ana tjetër, punësimet në administratën publike në vend që të uleshin nga ofrimi i shërbimeve online u rritën më tej.Në vend që dixhitalizimi të shoqërohej me racionalizimin e burimeve njerëzore, administrata publike ka vijuar të zgjerohet, sidomos në nivel vendor dhe në agjenci të reja.Ndërmjet 2018 dhe 2024, numri i të punësuarve në sektorin publik është rritur nga rreth 153 mijë në mbi 170 mijë persona.Kjo rritje ka qenë më e dukshme në sektorë si arsimi, shëndetësia dhe siguria publike, por edhe në struktura të reja të administratës që menaxhojnë shërbimet digjitale dhe sistemet e të dhënave.Ky zhvillim ngre pikëpyetje mbi efikasitetin e reformës, nëse qëllimi i dixhitalizimit është reduktimi i ngarkesës së punës fizike dhe automatizimi i proceseve, pse vazhdon të rritet punësimi në shtet?Dixhitalizimi i shërbimeve publike në Shqipëri ka funksionuar më shumë si një shtesë mbi administratën ekzistuese, sesa si një proces transformues që e riorganizon apo e bën më të vogël strukturën shtetërore.Rrjedhimisht, ndërsa teknologjia është përfshirë më thellë në ofrimin e shërbimeve, administrata nuk është ristrukturuar në mënyrë domethënëse.Ky kombinim i një aparati në zgjerim dhe një dixhitalizimi të paplotë krijon një barrë të dyfishtë.Shpenzimet për infrastrukturë të IT po rriten me shpejtësi duke arritur në 140 milionë euro këtë vit, në një kohë që edhe kostot për burimet njerëzore janë rritur gjithashtu. Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.
Tag: rritur
-
Spanjë, zjarret djegin 30,000 hektarë pyje brenda 24 orësh
Bota E Martë, 19 Gusht 2025 12:01
Zjarret shkrumbuan 30,000 hektarë të Spanjës perëndimore në më pak se 24 orë, treguan të dhënat satelitore të martën, por temperaturat më të ulëta kanë rritur shpresat për kontroll.
Rreth 373,000 hektarë janë djegur në Spanjë deri më tani këtë vit, tha Sistemi Evropian i Informacionit për Zjarret në Pyje, duke shënuar sezonin më të keq të zjarreve në vend që nga fillimi i regjistrimeve në vitin 2006.Totali tashmë ka tejkaluar vitin 2022, kur u shkatërruan 306,000 hektarë, shkruajnë mediat e huaja.
Pjesa më e madhe e shkatërrimit ka ardhur nga zjarret masive për më shumë se një javë në provincat veriperëndimore të Zamorës dhe Leonit, provincën Ourense të Galicisë dhe Caceres në rajonin perëndimor të Extremadurës.
Mijëra banorë janë evakuuar nga dhjetëra fshatra, rrugët kryesore janë mbyllur dhe shërbimet hekurudhore midis Madridit dhe Galicisë janë pezulluar. Kryeministri Pedro Sánchez pritej të vizitonte zonat e prekura nga zjarret në Zamora dhe Caceres të martën.
Zyrtarët paralajmëruan se zjarret mbeten larg shuarjes, por fundi i një vale të nxehti 16-ditore ka përmirësuar kushtet për zjarrfikësit, me temperatura që kanë rënë me 10 deri në 12 gradë Celsius dhe lagështirë që është rritur.
“Këto ndryshime po lehtësojnë dhe përmirësojnë kushtet për të marrë kontrollin e zjarreve”, tha Nicanor Sen, përfaqësuesi i qeverisë qendrore në Castile dhe Leon, në transmetuesin publik TVE. -
A je rritur nga prindër të papjekur emocionalisht? Ja 6 shenjat kryesore
Mënyra se si jemi rritur nga prindërit tanë ndikon thellësisht në mënyrën se si e shohim veten, marrëdhëniet dhe botën përreth.
Kur rritesh me prindër të papjekur emocionalisht, shpesh bart me vete pasiguri dhe vështirësi që shfaqen edhe në jetën e të rriturve.
Hezitim i vazhdueshëm për të marrë vendime
Frika nga gabimi të bën të ndihesh i paralizuar.
Si të ndryshosh: Fillo me vendime të vogla pa pasoja të mëdha, për të ndërtuar vetëbesimin.
Tendenca për t’u justifikuar tepër
Kërkon gjithmonë miratimin e të tjerëve.
Si të ndryshosh: Pyet veten nëse po ndan diçka nga dëshira për të qenë i hapur apo thjesht për t’u pranuar.
Vështirësi në të kuptuarit e nevojave personale
E gjithë vëmendja shkon te të tjerët, duke humbur lidhjen me veten.
Si të ndryshosh: Pyet çdo ditë: “Çfarë kam nevojë sot?”
Varësi nga siguritë e jashtme
Pa një bazë të fortë emocionale, mbështetesh vetëm te aprovimi i të tjerëve.
Si të ndryshosh: Kujto vetes se edhe pa qenë plotësisht i sigurt, mund të ecësh përpara.
Minimizimi i arritjeve
Zvogëlon sukseset e tua për të shmangur kritikat ose xhelozinë.
Si të ndryshosh: Ndaj arritjet me dikë të besuar ose shënoji për veten.
Shmangia e konflikteve
Mosmarrëveshjet duken kërcënuese, ndaj i shmang.
Si të ndryshosh: Praktiko përballjen në situata të vogla dhe kujto se parehati ≠ rrezik.
Ndërgjegjësimi për këto modele është hapi i parë drejt ndryshimit. Vetëdija dhe praktikat e vogla të përditshme mund të ndihmojnë të krijosh një marrëdhënie më të shëndetshme me veten dhe të tjerët. -
Nga fëmijëri televizive në fushë të boshatisur: Historia e vendit ku u xhirua ‘Teletubbies’
Për shumë të rritur që janë rritur me televizionin e viteve ’90, “Teletubbies” mbetet një kujtim nostalgjik i fëmijërisë. Por sot, vendi ku u xhirua seriali i famshëm për fëmijë është thuajse i pakapshëm dhe i pazakontë për syrin e publikut.
Seriali u transmetua për herë të parë në vitin 1997 dhe u bë menjëherë një fenomen global, me Tinky Winky, Dipsy, Laa-Laa dhe Po që fituan zemrat e fëmijëve në mbarë botën. Gjatë viteve të xhirimeve, skenat e jashtme u realizuan në një zonë të gjelbër në Warwickshire, Angli.
Megjithatë, që pas përfundimit të serisë në vitin 2001, pamja e zonës ka ndryshuar ndjeshëm. Pronari i tokës, për të shmangur hyrjet e shpeshta të vizitorëve kuriozë, krijoi një pellg artificial që mbulon pjesën ku dikur ndodhej “Tubbyland”.
Sot, mbi dy dekada më vonë, vendi është i boshatisur, ndërsa familja që e zotëron tokën është fokusuar në menaxhimin e një ferme dhe një dyqani lokal me produkte ujore.
Në rrjetet sociale, ky transformim ka ngjallur reagime të ndryshme nga fansat e serialit. Disa shprehin keqardhje që vendi nuk është shndërruar në një destinacion turistik nostalgjik, ndërsa të tjerë mbështesin zgjedhjen e pronarëve për të ruajtur privatësinë dhe qetësinë. -
Bilanci i policisë, Rama: Është rritur numri i zjarrvënësve, por edhe i të arrestuarve! Meritojnë ndëshkime maksimale
Pas bilancit të policisë, se nga qershori deri më 14 gusht, janë identifikuar 137 persona si autorë të zjarrvënieve, prej të cilëve 46 janë arrestuar, ndërsa 91 të tjerë janë proceduar penalisht, ka reaguar edhe kryeministri Edi Rama.
Me anë të një postimi në rrjetet sociale, Rama shkruan se numri i zjarrvënësve këtë sezon është rritur, e po ashtu sipas tij, shënohet edhe numri më i madh i kapur nga forcat e rendit.Lexo edhe :Related Posts
Kontrollet do të vijojnë, shton kreu i qeverisë, edhe me ndihmën e teknologjisë.“Policia e Shtetit ditë natë në këmbë për identifikim dhe kapjen e zjarrvënësve, në një sezon me një rritje të numrit të tyre po edhe me numrin më të madh të kapur nga forcat e rendit.
Gjatë muajve qershor – korrik dhe deri më 14 gusht:• 137 autorë të zjarrvënieve të identifikuar• 46 të arrestuar• 91 të proceduar penalisht
Forcat Kombëtare të Sigurisë, “Shqiponja”, patrullat e përgjithshme dhe forcat operacionale, nën drejtimin e drejtorive vendore dhe Drejtorisë së Përgjithshme, do të vijojnë në terren dhe me ndihmën e teknologjisë do të mundësojnë dorëzimin para drejtësisë të këtyre kriminelëve që meritojnë ndëshkime maksimale”, shkruan Rama./vizionplus.tv
-
De Winter zbulon idhujt kuqezinj: Jam rritur duke parë Ronaldinho, Pato dhe Maldini
Mbrojtësi Koni De Winter, pas firmës me Milanin, ka folur për kanalet zyrtare të klubit kuqezi, duke u ndalur edhe te disa prej shokëve të rinj: “Modric? Është gjithmonë bukur të luash me lojtarë si Luka, që kanë fituar gjithçka në nivel individual, ashtu edhe ekipor. Pres të përfitoj përvojë nga të gjithë. Leao sidomos është shumë i fortë. Më ka impresionuar sa i madh është fizikisht dhe sa i shpejtë. Dua t’i njoh të gjithë dhe të mësoj më shumë për secilin”.
Për marrëdhënien me Massimiliano Allegri: “Është trajneri që më bëri të debutoj. Për mua do të mbetet gjithmonë moment i madh. Kam shumë kujtime, ishin momentet e mia të para mes të mëdhenjve. Tani jam i lumtur që e kam këtu si trajner”.
I pyetur se çfarë përfaqëson Milani në këtë moment të karrierës së tij, mbrojtësi belg tha: “Një klub i madh që nuk ka nevojë për prezantim. Kur isha i vogël shikoja Ronaldinho, Pato, Maldini me këtë fanellë. Kishte edhe shumë holandezë… Këtu kanë kaluar shumë lojtarë të mëdhenj. Duke u rritur, gjithmonë e kam ndjekur Milanin”.
Sa i përket asaj që mund të sjellë në skuadër, theksoi: “Siguri. Një qendërmbrojtës duhet të ketë siguri. Dua të bëhem pikë e sigurt në mbrojtjen kuqezi”.
Për kujtimet nga “San Siro” u shpreh i entuziazmuar: “Herën e parë që erdha mbeta vërtet i impresionuar nga madhësia dhe zhurma që bëjnë tifozët. Më kujtohet edhe kënga që këndojnë gjatë nxehjes… Është stadiumi më i bukur që kam parë në jetën time, ta kem mundësinë të luaj aty me fanellën e Milanit do të jetë akoma më bukur”. -
Teknologjia përballë kërcënimeve ruse, shteti europian u mëson fëmijëve të ndërtojnë dronë për mbrojtjen e vendit
Në një përpjekje për të rritur qëndrueshmërinë dhe përgatitjen civile përballë kërcënimeve të mundshme nga Rusia, Lituania ka nisur një program të ri ambicioz që u mëson fëmijëve të ndërtojnë dhe të përdorin dronë.
Iniciativa, e zhvilluar në bashkëpunim mes ministrive të mbrojtjes dhe arsimit, synon të përfshijë mbi 22,000 qytetarë deri në vitin 2028, përfshirë 7,000 fëmijë dhe mbi 15,000 të rritur.
Sipas qeverisë lituaneze, programi do të jetë i përshtatur sipas moshave. Nxënësit e moshës 8 deri në 10 vjeç do të mësojnë të ndërtojnë dhe pilotojnë dronë të thjeshtë, ndërsa adoleshentët në shkollat e mesme do të angazhohen në dizajnimin, ndërtimin dhe kontrollimin e dronëve të avancuar.
“Qëllimi është të zgjerojmë trajnimin e rezistencës civile dhe të krijojmë një brez të ri të pajisur me aftësi teknologjike që kanë rëndësi strategjike,” tha ministrja e mbrojtjes Dovilė Šakalienė. Ajo shtoi se tre qendra të kontrollit të dronëve do të hapen që këtë shtator në Jonava, Tauragë dhe Këdainiai, ndërsa gjashtë të tjera janë planifikuar për vitet në vijim.
Për realizimin e këtij projekti, qeveria do të investojë rreth 3.3 milionë euro, duke përfshirë pajisje të specializuara, dronë me pamje nga personi i parë (FPV), sisteme kontrolli dhe aplikacione mobile për trajnime virtuale.
Trajnimi do të zhvillohet në bashkëpunim me Sindikatën e Pushkëtarëve Lituanezë dhe Agjencinë për Arsimin Joformal të të Rinjve, duke mbuluar shkollat fillore dhe të mesme në të gjithë vendin.
Lituania, e cila kufizohet me enklavën ruse të Kaliningradit dhe me Bjellorusinë, aleaten e ngushtë të Moskës, ka rritur ndjeshëm vigjilencën pas pushtimit të plotë të Ukrainës nga Rusia. Në korrik, dy incidente me dronë të dyshuar rusë që kaluan nga Bjellorusia në territorin lituanez përforcuan nevojën për gatishmëri teknologjike dhe mbrojtje ajrore.
Në të njëjtën kohë, fqinjët baltikë të Lituanisë, Estonia dhe Letonia, kanë marrë masa të ngjashme për të përforcuar mbrojtjen e tyre ndaj ndikimit rus. Tensionet janë rritur së fundmi edhe në nivel diplomatik – këtë javë, Estonia dëboi një diplomat rus, duke e akuzuar për “ndërhyrje të vazhdueshme në punët e brendshme të shtetit.”
Krahas përgatitjeve në vendet baltike, mediat perëndimore kanë raportuar për përfshirje të fëmijëve në trajnimet me dronë edhe në Rusi, ku programet janë kritikuar për përdorimin e videolojërave dhe përfshirjen sistematike të të miturve në testimin e teknologjive ushtarake.Top Channel
-
Evropa në flakë, zjarret janë rritur me 45% krahasuar me vitin 2024! Si ndikon kriza klimatike?
Europa është në flakë. Dhe nuk është surprizë: temperatura që në shumë zona të Kontinentit po i kalojnë 40 gradët, mungesë reshjesh prej javësh, erëra të nxehta që ushqejnë dhe “shëtisin” zjarrin. Edhe vera e vitit 2025, si dhe më shumë se ato që e kanë paraprirë, ka bashkuar të gjithë përbërësit e nevojshëm për përhapjen e zjarreve pyjore. Bilanci i orëve të fundit është dramatik dhe, duke pasur parasysh parashikimet e motit, rrezikon të përkeqësohet në ditët në vijim.
Dje fronti i flakëve shtrihej nga Portugalia deri në Turqi, duke kaluar nga Spanja, Franca dhe Greqia. Mijëra zjarrfikës dhe ushtarë janë angazhuar për të kufizuar dëmet. Megjithatë, numërohen disa viktima. Në periferi të Madridit, një punonjës i një stalle kuajsh humbi jetën bashkë me disa nga kuajt që po përpiqej t’i shpëtonte. Një tjetër viktimë u regjistrua në Shqipëri, ndërsa në Mal të Zi një ushtar humbi jetën dhe një tjetër mbeti rëndë i plagosur nga përmbysja e autobotit që përdorej për shuarjen e flakëve.Në disa rajone të gadishullit Iberik temperaturat arritën deri në 44 gradë; në Tarifa mbi 2000 persona u evakuuan dhe qeveria spanjolle mobilizoi 1000 ushtarë për t’u ardhur në ndihmë zjarrfikësve, të cilët vetëm dje, në Kastile, u përballën me 32 vatra të reja zjarri. Kryebashkiaku i Vila Real në Portugali, Alexandre Favaios, i tha Reuters: “Po digjemi të gjallë, nuk mund të vazhdohet kështu”. Përreth qytetit të tij, një zjarr ka përpirë vegjetacionin prej dhjetë ditësh, ndërsa dy zjarre të tjera të mëdha mbajnë të angazhuar 1300 zjarrfikës portugezë. Ndërkohë, në Greqi vazhdon beteja e 4.850 zjarrfikësve, të mbështetur nga 62 mjete ajrore, për të vënë nën kontroll flakët në Peloponez, në jug të Patrasit, në ishullin Hio, në Egjeun verior dhe në veri të Prevezës, në Epir.
Përballë një bilanci të tillë, lind pyetja nëse emergjenca e zjarreve po përkeqësohet vit pas viti si pasojë e krizës klimatike. “Të dhënat e përditësuara më 22 korrik 2025 tregojnë se në BE janë djegur 237.153 hektarë, me një rritje prej gati 78% krahasuar me të njëjtën periudhë të vitit të kaluar”, thekson studiuesja greke Ioanna Stamataki, inxhiniere hidraulike në Universitetin e Greenwich. “Numri i zjarreve është rritur me rreth 45% krahasuar me vitin 2024 dhe emetimet e CO₂ janë rritur me 23%”.
Në nivel global, sipas të dhënave të mbledhura dhe analizuar nga NASA, frekuenca e zjarreve më ekstreme është më shumë se dyfishuar në dy dekadat e fundit. Një studim ndërkombëtar i publikuar në revistën Nature Climate Change parashikon se deri në fund të shekullit, sipërfaqja totale e djegur mund të rritet me 40% edhe në një skenar optimist të uljes së ndotjes nga karboni, ndërsa në rast të mungesës së shkurtimit të emetimeve, ajo do të dyfishohet.
Për lidhjen mes ngrohjes globale dhe rritjes së rrezikut nga zjarret, shkencëtarët kanë pak dyshime: emetimet e gazrave serrë nga djegia e lëndëve fosile e kanë ngrohur planetin me rreth 1,3 °C. Një “temperaturë” që krijon kushte të gjata të të nxehtit dhe që i kthen pyjet e kullotat në ‘fuçi me barut’. Në Mesdhe, ku temperatura është rritur më shumë se gjetkë, ngrohja po nxit gjithashtu periudha të gjata thatësire. E gjitha “karburant” për flakët.
Përtej pasojave të menjëhershme dramatike (viktima njerëzore, humbje të bimësisë dhe biodiversiteti, shkatërrim banesash dhe infrastrukturash…) përhapja e zjarreve pyjore (krahasuar me frekuencën e tyre “natyrale”) ka pasoja serioze në afat mesatar dhe të gjatë. “Zjarret e bëjnë për shembull territorin më të prekshëm ndaj përmbytjeve”, shpjegon Stamataki. “Zonat e djegura reagojnë shumë më shpejt ndaj reshjeve, pasi ka më pak vegjetacion që ngadalëson rrjedhën e ujit. Zjarret pyjore ndryshojnë edhe strukturën e tokës, duke e bërë shpesh hidrofobike. Kjo do të thotë se një sasi më e madhe uji rrjedh në sipërfaqe, rritet erozioni dhe duhet më pak shi për të shkaktuar një përmbytje”.
Ka edhe alarmin për tymrat. Këtë e dinë mirë banorët e qyteteve të mëdha në veri të Shteteve të Bashkuara, ajri i të cilëve këto ditë është bërë i papërballueshëm për shkak të pyjeve kanadeze në flakë. Ka ndërhyrë edhe Organizata Botërore Meteorologjike, duke paralajmëruar se zjarret pyjore dhe cilësia e dobët e ajrit po përkeqësonin efektet negative të të nxehtit ekstrem mbi shëndetin./La Repubblica -
Fëmijë e të rritur mësojnë së bashku mbi xhubletën
Në Durrës u zhvillua aktiviteti krijues i cili mblodhi fëmijë dhe të rritur në një proces ndërveprues, ku përmes artit dhe dorës së tyre, ata u njohën me simbolet tradicionale të xhubletës dhe disa nga elementet karakteristike të dyerve të vjetra të qytetit të Durrësit.
“Trashëgimia kulturore nuk është vetëm për t’u ruajtur, por për t’u ndjerë, eksploruar dhe rikrijuar”, shkruhet në faqen online të Ministrisë së Ekonomisë, Kulturës e Inovacionit, e cila e mbështeti këtë projekt.
Në fokus ishte xhubleta, një veshje simbolike me histori mijëravjeçare, e cila u interpretua nga fëmijët përmes qepjes me rruaza dhe motive dekorative. Në një tjetër kënd, pjesëmarrësit punuan mbi modele të dyerve të vjetra të qytetit, të cilat i zbukuruan me qëndisje dhe ngjyra, duke sjellë histori të reja mbi simbole të vjetra.
MEKI tha se, kjo punëtori ndërvepruese lehtësoi njohjen dhe kuptimin e trashëgimisë kulturore përmes pjesëmarrjes aktive dhe krijuese./atsh/KultPlus.com
-
“Janë rritur tarifat me 80%”, PD: Qeveria të anulojë vendimin për shërbimet në Kadastër
Deputeti i zgjedhur i Partisë Demokratike, Blendi Himçi, ka denoncuar rritjen e çmimeve për shërbimet që marrin qytetarët në Kadastër.
Nga selia blu, Himçi deklaroi se vendimi i qeverisë për rritjen e çmimeve është një barrë për qytetarët, ndaj kërkoi anulimin e çdo akti nga qeveria për këtë çështje, shkruan A2.
“Qeveria e Edi Ramës ka vendosur një tjetër goditje të rëndë për xhepat e shqiptarëve, duke rritur në mënyrë të paprecedentë tarifat e shërbimeve të Agjencisë Shtetërore të Kadastrës. Nga një analizë e detajuar e vendimit qeveritar, rezulton se tarifat janë rritur në masën 70–80%, për pothuajse çdo shërbim që ofron ASHK, duke prekur: Certifikatat e pronësisë; Regjistrimet e kontratave të shitjes, dhurimit apo shkëmbimit; Regjistrimin e hipotekave; Regjistrimin e lejeve të legalizimit; Kopjet e dokumentacionit. Kjo rritje nuk është thjesht një shifër mbi letër. Ajo është një barrë e papërballueshme për bizneset që kërkojnë shërbime hipotekimi”, tha Himçi.
“Në vend që të përmirësojë shërbimin, qeveria rrit çmimin. Partia Demokratike i bën thirrje qeverisë të tërheqë menjëherë këtë vendim arbitrar, të anulojë rritjen e tarifave dhe të kthejë paratë e mbledhura padrejtësisht”, shtoi Himçi.