Lajmidites.com

Tag: rriten

  • Kontratat PPP të sterilizimit dhe dializës përfundojnë më 2026, rriten fondet për laboratorin

  • Malaj: Si do rriten pagat e pensionet në 2026-n

  • SYRI TV/ Qytetarët në Vlorë ankohen për çmimet: Rriten çdo vit pa arsye, shteti nuk bën asnjë kontroll

    SYRI TV/ Qytetarët në Vlorë ankohen për çmimet: Rriten çdo vit pa arsye, shteti nuk bën asnjë kontroll

    Qytetarët e Vlorës e kanë të pa mundur të përballojnë çmimet e ushqimeve dhe fruta perimeve. Ata shprehen se rriten pa pasur asnjë arsye të qartë, duke hedhur akuza në drejtim të institucioneve që nuk ushtrojnë kontrolle në tregje.

    Syri TV

    Prej vitesh, qytetarët e Vlorës ankohen për çmimet e larta të frutave dhe perimeve në tregjet e qytetit. Diferenca mes çmimeve të fermerëve dhe atyre në treg mbetet e ndjeshme, duke rënduar xhepin e konsumatorëve.

    Ata shprehen se çmimet rriten çdo vit, pa ndonjë arsye të qartë, ndërsa kontrolli nga institucionet mungon.

    Në mungesë të një tregu të organizuar dhe me standarde, qytetarët thonë se do të vazhdojnë të paguajnë më shumë për produkte që shpesh nuk garantojnë cilësi.

  • Rriten kostot e jetesës, largohen pensionistët e huaj

  • Tjetër “dhuratë” për pensionistët, Rama jep lajmin e mirë: Nga janari, pensionet do të rriten çdo muaj!

    Tjetër “dhuratë” për pensionistët, Rama jep lajmin e mirë: Nga janari, pensionet do të rriten çdo muaj!

    foto ilustrim: edi rama-pensionistet

    TIRANË- Në dhjetor, pensionistët do të marrin bonusin e fundvitit, ndërsa kryeministri Edi Rama ka ndarë një tjetër lajm të mirë. Përmes një videomesazhi në rrjetet sociale, Rama njoftoi se përveç bonusit në dhjetor, duke nisur nga janari i këtij viti pensionet do rriten çdo muaj përtej indeksimit vjetor. Kreu i qeverisë shqiptare thekson se tashmë vendi ynë ka një ekonomi të qëndrueshme, dhe rritja e pensioneve do të bëhet vit pas viti për çdo kategori.

    “Mbrëmë i përcollëm kuvendit projektbuxhetin 2026. Jam i lumtur sot tu them pensionistëve se siç u zotuam në zgjedhje ky mandat do të jetë mandati i rritjes së përvitshme të pensioneve. Kjo është pjesa më e vështirë e politikës financiare të një vendi, pensionet. Por më në fund, pikërisht se nuk jemi më ai vendi që mezi mbahej në këmbë, jemi vend me ekonomi të qëndrueshme, mund ta bëjmë atë për të cilën u zotuam. Të rrisim vit pas viti të risim pensionet sipas objektivave të shpallura për çdo kategori. Këtë dhjetor do marrin bonusin, duke nisur nga janari do kenë rritej të shtrirë muaj për muaj, mbi indeksimin e përvitshëm.
    Sipas kategorive. Në fund të mandati duhet të arrijmë që pensioni mestar të rritet si më poshtë, urban të shkojë 40 mijë lekë të reja nga 27 mijë e 350 lekë që është sot, urban i pjesshëm të shkojë 22 mijë lekë nga 15.800 lekë sot, pensioni rural me vite të plota 18000 lekë nga 11500 lekë sot, pensioni familjar do shkojë 18 mijë lekë nga 11 400 lekë sot, pensioni i invalidëve do rritet në 30 mijë lekë nga 20 mijë lekë sot. Prandaj, nga janari i vitit 2026 pensionet do rriten çdo muaj si vijoj, përtej indeksimit vjetro që do të jetë tjetër gjë”, thotë Rama.
     

    Ditën e djeshme, ministri i Financave, Petrit Malaj në Komisionin e Ligjeve, bëri me dije lajmin për bonusin e fundivitit të miratuar nga qeveria. Malaj tha se për pensionet nën 20 mijë lekë në muaj, bonusi i parashikuar për fundvit është 15 mijë lekë, ndërsa për pensionet mbi 20 mijë lekë në muaj, bonusi do të jetë 10 mijë lekë./ZËRI

  • Industria e softuerëve dhe shërbimeve të IT-së pati rritje nga janari në shtator

    Industria e softuerëve dhe shërbimeve të IT-së pati rritje nga janari në shtator

    Industria e softuerëve dhe shërbimeve të teknologjisë së informacionit (IT) në Kinë regjistroi një rritje dyshifrore të të ardhurave në nëntë muajt e parë të vitit, treguan të dhënat zyrtare.
    Të ardhurat e kombinuara të sektorit të softuerëve u rritën me 13 për qind në baza vjetore në 11.11 trilionë juanë (rreth 1.57 trilionë dollarë amerikanë) gjatë kësaj periudhe, ndërsa fitimet totale u rritën me 8.7 për qind në 1.44 trilionë juanë, sipas Ministrisë së Industrisë dhe Teknologjisë së Informacionit, citon “Xinhua”.
    Gjatë kësaj periudhe, eksportet e këtij sektori arritën në 45.94 miliardë dollarë amerikanë, një rritje prej 6.6 për qind në baza vjetore.
    Të ardhurat totale të sektorit të shërbimeve të teknologjisë së informacionit u rritën me 14.3 për qind në baza vjetore në rreth 7.64 trilionë juanë, duke kontribuar me 68.8 për qind të të ardhurave totale të kësaj industrie.
    Të ardhurat e shërbimeve të “cloud computing” dhe të të dhënave të mëdha u rritën me 13.7 për qind në baza vjetore në 1.16 trilionë juanë.

  • Çmimet e ushqimeve në Kroaci do të rriten më shumë se në Eurozonë në 2026

    Çmimet e ushqimeve në Kroaci do të rriten më shumë se në Eurozonë në 2026

    Çmimet e ushqimeve në Kroaci pritet të rriten dyfish krahasuar me pjesën tjetër të Eurozonës në 2026.Siç shkruajnë Poslovni Dnevnik dhe Edita Vlahović Žuvela, kroatët shpenzojnë rreth një të katërtën e të ardhurave për ushqim, dhe nëse shtohen strehimi, energjia dhe transporti, mbi gjysmën e të ardhurave totale shkon për këto nevoja bazike.Çmimet e ushqimeve në Kroaci do të rriten me 4.1% në 2026, dyfish i normës së parashikuar për Eurozonën nga Banka Qendrore Europiane (BQE), pak më shumë se 2%.Ndryshe nga Kroacia, ku rritja e çmimeve të ushqimeve do të vazhdojë, në vendet e tjera të Eurozonës, rritja e çmimeve të ushqimeve është ndalur këtë vit. Mesatarja e inflacionit të ushqimeve nëEurozonë (pa Kroacinë) ka zbritur lehtë nga 3.3% në korrik në 3.2% në gusht. Në të njëjtën kohë, çmimet e ushqimeve të papërpunuara u rritën ndjeshëm, deri në 5.5%, krahasuar me ushqimet e përpunuara, që u rritën me 2.6% në gusht.Në Kroaci, çmimet e ushqimeve u shtrenjtuan ndjeshëm gjatë majit, qershorit dhe korrikut, kur rritja u ndal në 7%. Në gusht, ritmi u zbut lehtë në 6.6%, por çmimet e ushqimeve u rritën më shpejt se inflacioni i përgjithshëm për pjesën më të madhe të vitit.Banka Kombëtare e Kroacisë (CNB) vuri në dukje se, këtë vit, ushqimet ishin nxitësi më i madh i inflacionit. Vedran Šošić, kryeekonomist i CNB, e shpjegoi rritjen e lartë me lëvizjet e çmimeve të disa lloj lëndësh të para ushqimore në tregjet globale, si edhe me rritjen relativisht të fortë të pagave.“Kërkesa e fortë u lejon prodhuesve të transferojnë kostot më të larta”, shpjegoi Šošić. CNB pret që çmimet e ushqimeve të rriten me ritëm më të ulët deri në fund të vitit se sa në muajt e mëparshëm. Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Pse kungujt mund të rriten kaq shumë, por jo boronicat?

    Pse kungujt mund të rriten kaq shumë, por jo boronicat?

    Çdo vjeshtë, kultivuesit e kungujve garojnë me përbindëshat e tyre portokalli që peshojnë mbi 1200 kg. Ndërkohë, molla më e madhe në botë mezi arrin 2 kg dhe boronica rekord nuk kalon 28 gramë. Çfarë i lejon pra kungujt të arrijnë këto përmasa gjigante, ndërsa frutat e tjera mbeten kaq të vogla?

    Kungujt gjigantë u përkasin varieteteve cucurbita maxima, si Atlantic Giant, të përzgjedhura për madhësi ekstreme. Arsyeja kryesore është se ata janë bimë jodeterminante, që rriten pafundësisht, ndryshe nga bimët determinante që ndalen në një fazë të caktuar. “Këto bimë përhapen në gjithë oborrin, ndonjëherë me vetëm një rrënjë,” shpjegon profesori i hortikulturës Vikram Baliga nga Universiteti Texas Tech.

    Në bimët determinate, frutat dalin të gjitha njëherësh, e dobishme për korrje, por kufizuese për madhësinë. Siç thotë profesorja Jessica Savage nga Universiteti i Minesotës, “Disa specie kanë një ‘program’ gjenetik që ndalon rritjen e tepërt. Kungujt nuk e kanë këtë kufi, ndaj mund t’i shumojmë për madhësi gjithnjë e më të madhe.”

    Pa kufizime të tilla, kungulli vazhdon të prodhojë gjethe për të krijuar më shumë energji për frutin. Kultivuesit shfrytëzojnë këtë duke lënë vetëm një kungull në hardhi, në mënyrë që e gjithë energjia e bimës të përqendrohet tek ai. “Është si të themi: ‘Do ta derdh gjithë fuqinë në këtë frut të vetëm,’” thotë Baliga.

    Megjithëse kjo teknikë mund të përdoret edhe me fruta të tjera, fizika vendos kufijtë e vet. Kungujt rriten mbi tokë, pa u ndikuar nga graviteti, ndërsa një pjeshkë gjigante do të binte nga pema para se të arrinte madhësi të tillë.

    Një tjetër faktor është lëkura e fortë. Rrënja e trashë e kungullit i lejon të mbajë peshë të madhe, ndryshe nga frutat me lëkurë të butë që do të çaheshin. Por nëse lëkura është shumë e ngurtë, rritja ndalet, ndaj kultivuesit kërkojnë “pikën e artë”: mjaftueshëm e fortë për të mbajtur peshën, por mjaftueshëm elastike për t’u zgjeruar.

    Në fazën e hershme, kungujt kanë lëkurë të butë që u lejon rritje të shpejtë. Për ta zgjatur këtë fazë, fermerët i mbulojnë me copa pëlhure që t’i mbrojnë nga dielli. Në kulmin e zhvillimit, një kungull mund të shtojë deri në 20 kg në ditë.

    Rrjeti i tyre i qarkullimit të sheqernave është gjithashtu “i superfuqishëm”: kanë më shumë floem, pjesa që transporton energjinë në bimë. “Është si një autostradë me shumë korsi,” thotë Savage.

    Kungujt qëndrojnë më gjatë në hardhi, rreth pesë deri në gjashtë muaj, duke pasur më shumë kohë për t’u rritur. Dhe ndoshta arsyeja më e rëndësishme: njeriu i ka krijuar të tillë. Për breza me radhë janë shumuar vetëm për madhësi, jo për shije, ndryshe nga frutat e tjera.

    Savage beson se kjo nuk do të ndalet këtu: “Ka një kufi natyror diku, por do të vazhdojmë ta shtyjmë gjithnjë e më tej.” / Live Science – Syri.net

  • Rritja e fortë e turistëve nga vendet jashtë BE-së nxit sektorin e udhëtimeve në Greqi

    Rritja e fortë e turistëve nga vendet jashtë BE-së nxit sektorin e udhëtimeve në Greqi

    Të ardhurat dhe numri i vizitorëve në Greqi u rritën gjatë tetëmujorit janar–gusht 2025.Turistët në Greqi në vitin 2025 kanë shënuar një rritje të re gjatë periudhës janar–gusht. Në të njëjtën kohë, edhe shpenzimet e turistëve janë rritur si në muajin gusht ashtu edhe në totalin e tetë muajve.Sipas raportit të Bankës së Greqisë, shpenzimet e udhëtimit u rritën me 10,5% në gusht 2025 dhe me 12,0% gjatë periudhës janar–gusht 2025. Udhëtimet hyrëse u rritën me 8,1% në gusht 2025 dhe me 4,1% gjatë tetëmujorit janar–gusht 2025.Bilanci i udhëtimeve në GreqiSipas të dhënave paraprake të Bankës së Greqisë, bilanci i udhëtimeve në gusht 2025 tregoi një suficit prej 4,15 miliardë euro, krahasuar me një suficit prej 3,8 miliardë eurosh në të njëjtin muaj të vitit 2024. Në veçanti, u regjistrua një rritje prej 10,5% e shpenzimeve nga udhëtarët në gusht 2025, që arritën në 4,5 miliardë euro, krahasuar me 4,09 miliardë euro në gusht 2024. Një rritje prej 41,4% u vu re edhe në shumën e parave që grekët shpenzuan jashtë vendit: 375 milionë euro në gusht 2025, kundrejt 265,3 milionë eurove në gusht 2024.Rritja e shpenzimeve të turistëve në Greqi u ndikua si nga një rritje prej 8,1% e udhëtimeve hyrëse, ashtu edhe nga një rritje prej 1,7% e shpenzimit mesatar për udhëtim.Nga janari deri në gusht 2025, Greqia regjistroi një suficit udhëtimesh prej 14,3 miliardë euro, krahasuar me 13,0 miliardë euro gjatë së njëjtës periudhë të vitit 2024. Ky përmirësim erdhi kryesisht si rezultat i rritjes së shumës së shpenzuar në Greqi nga vizitorët e huaj, që arriti në 16,7 miliardë euro, me një rritje prej 1,8 miliardë ose 12,0% më shumë se një vit më parë.Rritja e shpenzimeve u shty nga një rritje prej 4,1% e numrit të udhëtarëve që erdhën në Greqi, si dhe nga një rritje prej 7,2% e shumës që çdo person shpenzoi mesatarisht gjatë qëndrimit.Shpenzimet nga banorët grekë jashtë vendit u rritën gjithashtu gjatë kësaj periudhe, duke arritur në 2,4 miliardë euro, një rritje prej 500 milionë eurosh ose 26% krahasuar me janar–gusht 2024.Shpenzimet për udhëtime: Cilat vende po shpenzojnë më shumë në Greqi?Në gusht 2025, shuma e shpenzuar nga vizitorët e huaj në Greqi u rrit me 10,5% krahasuar me të njëjtin muaj të vitit të mëparshëm. Shpenzimet nga udhëtarët e vendeve jashtë BE-së u rritën me 30,5% dhe arritën në 1,86 miliardë euro. Në kontrast, shpenzimet e vizitorëve nga vendet e BE-së ranë lehtë, me 2,0%, duke zbritur në 2,44 miliardë euro nga 2,49 miliardë në gusht 2024.Brenda BE-së, rënia erdhi si pasojë e një uljeje prej 5,4% të shpenzimeve nga vizitorët e vendeve të Eurozonës, që arritën në 1,85 miliardë euro. Megjithatë, shpenzimet nga vizitorët e vendeve të BE-së jashtë Eurozonës u rritën me 10,9%, duke arritur në 587,8 milionë euro.Ndër vendet kryesore të Eurozonës, shpenzimet e vizitorëve nga Gjermania ranë me 16,5%, në 612,3 milionë euro. Shpenzimet nga Franca ranë me 13,7%, në 262,7 milionë euro, dhe ato nga Italia ranë me 8,0%, në 337,5 milionë euro. Nga ana tjetër, vizitorët nga Mbretëria e Bashkuar shpenzuan 848,7 milionë euro, me një rritje të fortë prej 40,0%. Shpenzimet e vizitorëve nga Shtetet e Bashkuara ranë me 3,1%, në 205,3 milionë euro, ndërsa ato nga Rusia u rritën në 4,9 milionë euro.Gjatë periudhës janar–gusht 2025, shuma totale e parave të shpenzuara në Greqi nga udhëtarët e huaj u rrit me 12,0% krahasuar me të njëjtën periudhë të vitit 2024, duke arritur në 16,7 miliardë euro. Nga kjo shumë, 9,18 miliardë euro erdhën nga vizitorët e vendeve të BE-së, me një rritje prej 9,4%. Vizitorët nga vendet jashtë BE-së shpenzuan 6,71 miliardë euro, me një rritje prej 14,9%.Brenda totalit të BE-së, shpenzimet e udhëtarëve nga vendet e eurozonës arritën në 7,11 miliardë euro, me një rritje prej 7,2%, ndërsa udhëtarët nga vendet e BE-së jashtë Eurozonës shpenzuan 2,07 miliardë euro, me një rritje prej 17,4%.Ndër tregjet kryesore, vizitorët nga Gjermania shpenzuan 2,64 miliardë euro, me rritje 6,6%. Shpenzimet nga Franca u rritën me 5,5%, në 1,02 miliardë euro, dhe ato nga Italia me 1,4%, në 984,3 milionë euro.Vizitorët nga Mbretëria e Bashkuar shpenzuan 2,49 miliardë euro, me një rritje prej 8,7%, ndërsa ata nga Shtetet e Bashkuara shpenzuan 1,17 miliardë euro, me një rritje të fortë prej 20,6%. Shpenzimet nga vizitorët rusë u rritën në 22,6 milionë euro.Nga vijnë turistët që vizitojnë Greqinë?Sa i përket numrit të vizitorëve, gushti 2025 pati 7.47 milionë mbërritje në Greqi, duke shënuar një rritje 8.1% krahasuar me të njëjtin muaj në vitin 2024.Udhëtimet ajrore u rritën me 2.7%, ndërsa mbërritjet përmes kalimeve kufitare rrugore u rritën me 22.7%. Rritja totale u mbështet nga një rritje prej 4.5% e vizitorëve nga vendet e BE-së-27 dhe një rritje 14.6% e mbërritjeve nga vendet e tjera.Në mënyrë specifike, numri i udhëtarëve nga vendet e Eurozonës u rrit me 3.1% në 2.93 milionë, ndërsa ata nga vendet e BE-së jashtë Eurozonës u rritën me 6.8% në 1.71 milionë. Udhëtimet nga Gjermania u rritën me 7.2% në 1.08 milionë njerëz. Numri i vizitorëve nga Franca ra pak me 0.7% në 450,700, ndërsa ata nga Italia u rritën me 0.4% në 555,300.Mbërritjet nga Mbretëria e Bashkuar u rritën ndjeshëm me 12.4% në 978.4 mijë, ndërsa numri i vizitorëve nga Shtetet e Bashkuara ra me 23.5% në 174.2 mijë. Udhëtimet nga Rusia u rritën pak në 4.1 mijë vizitorë.Gjatë periudhës së plotë janar-gusht, Greqia priti 25.92 milionë udhëtarë hyrës, një rritje prej 4.1% krahasuar me 24.89 milionë gjatë së njëjtës kohë në vitin 2024. Mbërritjet me avion u rritën me 4.2%, ndërsa mbërritjet me rrugë tokësore u rritën me 4.8%.Një total prej 15.29 milionë udhëtarësh erdhën nga vendet e BE-së-27, që ishte pothuajse i pandryshuar nga viti i kaluar, me një rritje të lehtë prej 0.2%. Brenda këtij grupi, vizitorët nga zona e euros u rritën me 3.8%, ndërsa ata nga vendet e BE-së jashtë euros ranë me 6.9%. Mbërritjet nga vendet jashtë BE-së u rritën më ndjeshëm, me 10.4 %, duke arritur në 10.64 milion njerëz.Ndër vendet individuale, Gjermania dërgoi më shumë vizitorë, me 3.89 milion mbërritje, një rritje prej 7.8 %. Franca pa një rënie prej 6.3 % në 1.42 milion vizitorë, ndërsa udhëtimet nga Italia u rritën me 2.1 % në 1.58 milion. Numri i vizitorëve nga Mbretëria e Bashkuar u rrit me 4.5 % në 3.28 milion, dhe udhëtimet nga Shtetet e Bashkuara u rritën me 6.1 % në 1.08 milion. Mbërritjet e vizitorëve nga Rusia u rritën në 20.1 mijë./ EuronewsKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • ‘Tiranës i duhet një shërbëtor i qytetarëve’/ Binaj: Të bashkohemi për qytetin që duam t’u lëmë fëmijëve

    ‘Tiranës i duhet një shërbëtor i qytetarëve’/ Binaj: Të bashkohemi për qytetin që duam t’u lëmë fëmijëve

    Florjan Binaj, kandidati i pavarur, por i mbështetur nga të gjitha partitë opozitare, në garën për Bashkinë Tiranë, ka shpërndarë një tjetër mesazh për qytetarët e kryeqytetit.

    Në postimin e tij në Facebook, Binaj thekson se ‘po kandidon që fëmijët tanë të rriten duke ndëtuar kujtime, jo të rriten duke parë ndërtime’.

    ‘Unë kandidoj që ta bëjmë Tiranën shtëpinë që duam t’u lëmë fëmijëve tanë’, shkruan Binaj.

    Binaj: Shumë vetë më pyesin, pse po kandidon?  Po kandidoj për fëmijët tanë, për fëmijët tuaj, për këtë qytet. Po kandidoj që fëmijët tanë të rriten duke ndëtuar kujtime, jo të rriten duke parë ndërtime. Unë e jetoj Tiranën si të gjithë ne, me bashkëshorten time, me 3 fëmijët tanë, në një pallat të vjetër, në një apartament të vogël, por që është i ngrohtë dhe plot dashuri. Me punën, aktivizmin dhe humorin tim, kam ngritur gjithmonë kundër të keqes, kam dalë gjithmonë në mbrojtje të atyre që kanë vërtetë nevojë. Një Tiranë e pashëndetshme nuk mund të prodhojë qytetar të shëndetshëm dhe në krye të Bashkisë Tiranë, nuk duhet një shërbëtor i partisë por një shërbëtor i qytetarëve, por sot duhet të veprojmë të gjithë bashkë.

    Prandaj unë ju ftoj që të bashkohemi, për ta kthyer Tiranën, në qytetin që duam t’i lëmë fëmijëve tanë.