Mënyra se si e gatuani mishin është e lidhur me kancerin, sipas gastroenterologes së Harvardit dhe kolumnistes së “Pyet një Doktor” në Washington Post, Dr. Trisha Pasricha, e cila promovon marinimin, qoftë mish viçi, pule apo peshku.
Sipas mjekut, marinimi i mishit edhe për një orë para gatimit mund të zvogëlojë ndjeshëm komponimet kancerogjene deri në 88%.
Siç shpjegon ai, marinadat funksionojnë duke krijuar një shtresë mbrojtëse antioksiduese, duke parandaluar formimin e këtyre komponimeve, duke e bërë gatimin e mishrave më të shëndetshëm.
Tag: rrezikun
-
Marinimi i mishit zvogëlon rrezikun e kancerit, ja si duhet të veproni
-
Marinimi i mishit zvogëlon rrezikun e kancerit! Si duhet të veproni
Mënyra se si e gatuani mishin është e lidhur me kancerin, sipas gastroenterologes së Harvardit dhe kolumnistes së “Pyet një Doktor” në Washington Post, Dr. Trisha Pasricha, e cila promovon marinimin, qoftë mish viçi, pule apo peshku.
Sipas mjekut, marinimi i mishit edhe për një orë para gatimit mund të zvogëlojë ndjeshëm komponimet kancerogjene deri në 88%.
Siç shpjegon ai, marinadat funksionojnë duke krijuar një shtresë mbrojtëse antioksiduese, duke parandaluar formimin e këtyre komponimeve, duke e bërë gatimin e mishrave më të shëndetshëm.
-
Sa ‘vjeç’ është zemra juaj? Si matet mosha biologjike e saj dhe si vlerësohet rreziku kardiak
Sa vjeç është zemra juaj në të vërtetë? Njohja e kësaj mund të jetë thelbësore për të vlerësuar rrezikun nga sëmundjet kardiovaskulare, si infarktet dhe goditjet në tru, që mbeten një nga shkaqet kryesore të vdekshmërisë. Studimet e fundit tregojnë se algoritmet e inteligjencës artificiale mund të analizojnë elektrokardiogramë (Ekg) për të përcaktuar “moshën biologjike” të zemrës dhe rrezikun e ngjarjeve të tilla. Një zemër që duket më e vjetër se mosha reale mund të rrisë rrezikun e problemeve kardiake deri në 92%, ndërsa një zemër më e re e ul atë rrezik deri në 27%.
Por për të vlerësuar shëndetin e zemrës nuk nevojiten gjithmonë teknologji të avancuara. Një kontroll te mjeku i familjes dhe matja e disa parametrave themelorë mund të ofrojnë informacion të çmuar. Kjo përfshin presionin e gjakut, nivelet e kolesterolit dhe glicemisë.
Kolesteroli LDL, i njohur si “i keqi”, mund të depozitohet në arterie dhe të shkaktojë bllokime apo tromboza. Edhe lipoproteina (a) duhet matur një herë në jetë, pasi niveli i lartë rrit ndjeshëm rrezikun kardiak. Glicemia dhe markuesit e inflamacionit si proteina C-reaktive dhe fibrinogjeni janë gjithashtu të rëndësishëm për parandalimin e trombozave dhe komplikacioneve.
Ekg-ja klasike dhe Ekg-ja nën stres janë ekzaminime që ndihmojnë në identifikimin e aritmimeve dhe problemeve të furnizimit të gjakut në zemër. Ekokardiogrami dhe TAC koronare përdoren për të vlerësuar funksionin e zemrës dhe sëmundjet e arterieve, ku inteligjenca artificiale mund të përmirësojë interpretimin dhe parashikimin e rrezikut.
Ekspertët rekomandojnë fillimin e kontrollit të kolesterolit dhe shëndetit kardiak që nga mosha 35-40 vjeç, duke vazhduar me monitorime të rregullta për të parandaluar dëmtimet që mund të jenë tashmë të pranishme. Një vëmendje e hershme dhe një program i strukturuar kontrolli mund të reduktojë sëmundshmërinë dhe të rrisë jetëgjatësinë.
Sëmundjet kardiovaskulare janë ndër shkaqet kryesore të vdekjes, ndaj një screening i hershëm dhe i zgjeruar mund të ndihmojë shumë për të parandaluar tragjeditë. Sipas ekspertëve, koordinimi i terapisë për faktorët metabolikë, të veshkave dhe të zemrës është thelbësor, pasi shumë herë infarktet dhe goditjet në tru janë rezultat i një procesi të gjatë që fillon me obezitetin, diabetin ose funksionin e reduktuar të veshkave.
-
Të fjeturit më pak se gjashtë orë gjumë, rrit rrezikun e demencës me 30%
Sipas një studimi të ri të botuar në revistën “Nature Communications”, ekziston një rrezik më i lartë i demencës nëse kohëzgjatja e gjumit është gjashtë orë ose më pak – në moshën 50 dhe 60 vjeç – krahasuar me personat që flenë shtatë orë gjatë natës.
Pas hulumtimit të gati 8,000 njerëzve për 25 vjet, studimi zbuloi se të fjeturit më pak se gjashtë orë në moshën e mesme mund të rrisë rrezikun e demencës.
“Koha e shkurtër e gjumit midis moshave 50, 60 dhe 70 vjeç shoqërohet gjithashtu me një rrezik të shtuar prej 30% për shfaqjen e demencës, pavarësisht nga faktorët sociodemografikë, të sjelljes, kardiometabolikë dhe të shëndetit mendor, përfshirë depresionin”, sipas studimit.
“Gjumi është i rëndësishëm për funksionimin normal të trurit dhe mendohet gjithashtu të jetë i rëndësishëm për pastrimin e proteinave toksike që grumbullohen në tru”, tha Tara Spires-Jones, zëvendësdrejtoreshë e Qendrës për Shkencat e Zbulimit të Trurit në Universitetin e Edinburgut në Skoci.
“Problemet e çrregullimit të gjumit mund të ndodhin shumë kohë para fillimit të shenjave të tjera klinike të demencës”, tha Tom Dening, i cili drejton Qendrën për Demencën në Institutin e Shëndetit Mendor në Universitetin e Nottingham në Britaninë e Madhe.
-
Sa “vjeç” është zemra juaj? Si matet mosha biologjike e saj dhe si vlerësohet rreziku kardiak
Sa vjeç është zemra juaj në të vërtetë? Njohja e kësaj mund të jetë thelbësore për të vlerësuar rrezikun nga sëmundjet kardiovaskulare, si infarktet dhe goditjet në tru, që mbeten një nga shkaqet kryesore të vdekshmërisë.
Studimet e fundit tregojnë se algoritmet e inteligjencës artificiale mund të analizojnë elektrokardiogramë (Ekg) për të përcaktuar “moshën biologjike” të zemrës dhe rrezikun e ngjarjeve të tilla. Një zemër që duket më e vjetër se mosha reale mund të rrisë rrezikun e problemeve kardiake deri në 92%, ndërsa një zemër më e re e ul atë rrezik deri në 27%.
Por për të vlerësuar shëndetin e zemrës nuk nevojiten gjithmonë teknologji të avancuara. Një kontroll te mjeku i familjes dhe matja e disa parametrave themelorë mund të ofrojnë informacion të çmuar. Kjo përfshin presionin e gjakut, nivelet e kolesterolit dhe glicemisë.
Kolesteroli LDL, i njohur si “i keqi”, mund të depozitohet në arterie dhe të shkaktojë bllokime apo tromboza. Edhe lipoproteina (a) duhet matur një herë në jetë, pasi niveli i lartë rrit ndjeshëm rrezikun kardiak. Glicemia dhe markuesit e inflamacionit si proteina C-reaktive dhe fibrinogjeni janë gjithashtu të rëndësishëm për parandalimin e trombozave dhe komplikacioneve.
Ekg-ja klasike dhe Ekg-ja nën stres janë ekzaminime që ndihmojnë në identifikimin e aritmimeve dhe problemeve të furnizimit të gjakut në zemër. Ekokardiogrami dhe TAC koronare përdoren për të vlerësuar funksionin e zemrës dhe sëmundjet e arterieve, ku inteligjenca artificiale mund të përmirësojë interpretimin dhe parashikimin e rrezikut.
Ekspertët rekomandojnë fillimin e kontrollit të kolesterolit dhe shëndetit kardiak që nga mosha 35-40 vjeç, duke vazhduar me monitorime të rregullta për të parandaluar dëmtimet që mund të jenë tashmë të pranishme. Një vëmendje e hershme dhe një program i strukturuar kontrolli mund të reduktojë sëmundshmërinë dhe të rrisë jetëgjatësinë.
Sëmundjet kardiovaskulare janë ndër shkaqet kryesore të vdekjes, ndaj një screening i hershëm dhe i zgjeruar mund të ndihmojë shumë për të parandaluar tragjeditë. Sipas ekspertëve, koordinimi i terapisë për faktorët metabolikë, të veshkave dhe të zemrës është thelbësor, pasi shumë herë infarktet dhe goditjet në tru janë rezultat i një procesi të gjatë që fillon me obezitetin, diabetin ose funksionin e reduktuar të veshkave. -
Çfarë është ‘kutia e zezë’ tek ilaçet dhe si i mbron pacientët?
Një kuti e zezë te një ilaç ose produkt shëndetësore tingëllon frikësuese, veçanërisht kur publikohet ose hiqet papritur nga paketimi.
Kjo ndodhi me 10 nëntor 2025, kur Administrata Amerikane e Ushqimit dhe Barnave (FDA) njoftoi heqjen e këtij paralajmërimi nga terapia hormonale për menopauzën. Por çfarë përfaqëson realisht ky paralajmërim dhe pse është i rëndësishëm?
“Kutia e zezë” është njoftimi më i fortë i sigurisë që FDA-ja vendos për një ilaç. Ajo shërben për të paralajmëruar mjekët dhe farmacistët se një medikament mund të ketë rreziqe serioze për shëndetin, përfshirë rrezikun për lëndime të rënda apo vdekje. Këta profesionistë janë të detyruar t’ua komunikojnë këto rreziqe edhe pacientëve.
Këto paralajmërime përfshihen në fletëudhëzimin zyrtar të ilaçit, i cili është dokumenti zyrtar që shoqëron çdo medikament me recetë. Ky dokument u jep profesionistëve të shëndetit informacion mbi përdorimin e saktë, dozimin, provat klinike dhe të gjitha rreziqet e mundshme. Kërkesa për këto udhëzime rrjedh nga një ligj i miratuar në vitin 1966 për mbrojtjen e konsumatorit.
FDA-ja ndan rreziqet në “masa paraprake” dhe “paralajmërime”. Masat paraprake lidhen me dëmtime të lehta ose të moderuara, ndërsa paralajmërimet tregojnë rreziqe serioze. Më të rëndat prej tyre janë paralajmërimet e “kutisë së zezë”, të cilat vendosen brenda një kutie të zezë për të tërhequr vëmendjen maksimale. Sipas një studimi të vitit 2022, mbi 400 medikamente kanë aktualisht një paralajmërim të tillë.
Shembuj tipikë janë disa antidepresivë, të cilët rrisin rrezikun e vetëvrasjes në javët e para të përdorimit, sidomos te fëmijët dhe të rinjtë. Një tjetër është klozapina, e përdorur për skizofreninë, e cila mund të ndalojë prodhimin e qelizave të bardha të gjakut dhe të shtojë rrezikun për infeksione vdekjeprurëse. Terapia hormonale për menopauzën mori paralajmërim në vitin 2003 për shkak të rrezikut për kancer gjiri, por të dhënat e reja treguan se për gratë 50–60 vjeçe është e sigurt, ndaj paralajmërimi u hoq në vitin 2025.
Këto paralajmërime ndikojnë drejtpërdrejt në vendimet e mjekëve për përshkrimin e barnave dhe luajnë gjithashtu rol ligjor në rastet e neglizhencës mjekësore. Ato nuk janë të përhershme: me daljen e të dhënave të reja, FDA-ja mund t’i shtojë, ndryshojë ose t’i heqë ato, në varësi të nivelit real të rrezikut. /The Conversation/
-
“Evropa po përballet me rrezikun e zhdukjes së qytetërimit”, Shtëpia e Bardhë: Politikat e migracionit po transformojnë kontinentin dhe po nxisin konflikte
“Evropa po përballet me rrezikun e zhdukjes së qytetërimit dhe, nëse trendet aktuale vazhdojnë, Kontinenti i Vjetër “do të jetë i panjohur brenda 20 vjetësh ose edhe më pak”.
Kështu thuhet në një dokument të Shtëpisë së Bardhë që përshkruan strategjinë e re të sigurisë kombëtare të Shteteve të Bashkuara.
Në këtë strategji, administrata e Presidentit Donald Trump deklaron se SHBA-ja do të braktisë rolin e saj global për t’u përqendruar më shumë në Amerikën Latine dhe në luftën kundër imigracionit.
Dokumenti rendit disa çështje që, sipas tij, rrezikojnë historinë dhe kulturën e Evropës.
“Problemet më të mëdha me të cilat përballet Evropa përfshijnë aktivitetet e Bashkimit Evropian dhe organeve të tjera transnacionale që minojnë lirinë dhe sovranitetin politik; politikat e migracionit që po transformojnë kontinentin dhe po nxisin konflikte; censurën e shprehjes së lirë dhe shtypjen e opozitës politike; rënien e lindshmërisë dhe humbjen e identitetit e vetëbesimit kombëtar”, thuhej në shkrim.
Sopas mediave, ndër prioritetet e politikës së SHBA-së për Evropën janë: rivendosja e “kushteve të stabilitetit brenda kontinentit dhe e stabilitetit strategjik me Rusinë”; “mundësimi i Evropës që të qëndrojë në këmbët e veta dhe të veprojë si një grup kombesh sovrane të bashkuara, duke marrë përgjegjësi për mbrojtjen e saj, pa u dominuar nga asnjë fuqi kundërshtare”. Gjithashtu, dokumenti kërkon “t’i jepet fund perceptimit dhe realitetit të NATO-s si një aleancë që zgjerohet pa ndërprerje”.
Përtej Evropës, teksti thekson se “Indo-Paqësori është dhe do të mbetet një nga fushëbetejat kryesore ekonomike dhe gjeopolitike të shekullit të ardhshëm”. Dokumenti thekson se “Presidenti Trump, i vetëm, ka përmbysur më shumë se tre dekada supozimesh të gabuara të SHBA-së për Kinën — idenë se duke hapur tregjet tona, duke inkurajuar kompanitë amerikane të investojnë atje dhe duke zhvendosur prodhimin industrial, do ta ndihmonim Kinën të integrohej në rendin ndërkombëtar të bazuar në rregulla. Kjo nuk ka ndodhur”.
Dokumenti shpjegon objektivat për Hemisferën Perëndimore, të cilat përmbledhen në dy terma: “rekrutim” dhe “zgjerim”.
“Rekrutimi nënkupton angazhimin e partnerëve të vendosur në hemisferë për të kontrolluar migracionin, për të ndalur flukset e drogës dhe për të forcuar stabilitetin e sigurinë, si në tokë ashtu edhe në det”, thuhet në strategji. Ndërsa “zgjerimi” nënkupton kultivimin dhe forcimin e partnerëve të rinj, duke rritur njëkohësisht tërheqjen e SHBA-së si partneri i preferuar ekonomik dhe i sigurisë.Top Channel
-
Maqedonia ndër vendet me rrezikun më të lartë nga tërmetet në Evropë
Modeli i ri sizmik evropian që po qarkullon në rrjetet sociale edhe një herë e konfirmon cenueshmërinë e Ballkanit, ku Maqedonia renditet në kategorinë me rrezikun më të lartë nga tërmetet.
Harta e ndan Evropën në tre nivele, zonë të kuqe me rrezik të lartë, portokalli me rrezik të mesëm deri të ulët dhe zonë të gjelbër me rrezik minimal.
Sipas të dhënave të paraqitura, i gjithë Ballkani, përfshirë Maqedoninë, Kroacinë, Bosnje dhe Hercegovinën, Slloveninë, Malin e Zi, Shqipërinë dhe Greqinë, është vendosur në kategorinë më kritike – zonën e kuqe, së bashku me pjesën perëndimore të Turqisë.
Nga ana tjetër, Irlanda, Mbretëria e Bashkuar, Skandinavia, vendet baltike dhe Polonia paraqiten si rajone pothuajse plotësisht të sigurta. Spanja, Portugalia, Franca, Austria dhe Hungaria hyjnë në zonën portokalli, ndërsa Italia është paraqitur pothuajse tërësisht në të kuqe, çka e veçon si një nga vendet më të ekspozuara ndaj aktiviteteve tektonike.
Autorët e hartës theksojnë se një pjesë e të dhënave mund të ketë kufizime, duke pasur parasysh se thyerjet e vjetra apo joaktive nuk paraqiten gjithmonë në mënyrë të saktë.
Megjithatë, kjo vizualizim rikthen në vëmendje nevojën për një qasje serioze ndaj sigurisë sizmike dhe forcimin e standardeve mbrojtëse në Maqedoni dhe në rajon.
-
Trajtimi i kanalit të rrënjës ul rrezikun e sëmundjeve të zemrës dhe diabetit
Një studim i ri tregon se trajtimi i suksesshëm i kanalit të rrënjës mund të ulë inflamacionin e lidhur me sëmundjet e zemrës dhe të përmirësojë kontrollin e nivelit të sheqerit në gjak. Sipas studiuesve, ndërhyrja dentare sjell gjithashtu përmirësime të dukshme në kolesterol dhe acidet yndyrore në gjak.
Studiuesit e King’s College London kryen studimin e parë klinik të këtij lloji, duke ndjekur ndryshimet në kimikatet e gjakut të pacientëve pas trajtimit të infeksionit të zakonshëm dentar të quajtur periodontiti apikal. Ky infeksion mund të lejojë bakteret të hyjnë në qarkullimin e gjakut, duke shkaktuar inflamacion, rritje të rrezikut për probleme kardiake dhe vështirësi në kontrollin e glukozës.
Megjithëse lidhja mes infeksioneve dentare dhe shëndetit të përgjithshëm njihej prej kohësh, deri tani nuk ishte studiuar ndikimi që ka trajtimi i suksesshëm i kanalit të rrënjës në shëndetin metabolik dhe kardiak.
Rezultatet, të publikuara në Journal of Translational Medicine, treguan se pas trajtimit nivelet e sheqerit në gjak ranë ndjeshëm për një periudhë dyvjeçare, një faktor i rëndësishëm në parandalimin e diabetit. Po ashtu, profili i lipideve në gjak u përmirësua, duke përfshirë ulje të kolesterolit dhe acideve yndyrore, elementë të lidhur ngushtë me shëndetin e zemrës.
Shkencëtarët vunë re gjithashtu një ulje të shënuesve të inflamacionit, të cilët shpesh rrisin rrezikun për sëmundje kardiovaskulare dhe gjendje kronike. Sipas tyre, bakteret e pranishme në dhëmbët e infektuar ndikojnë edhe në metabolizmin e përgjithshëm të trupit, por trajtimi efektiv e zvogëlon këtë ndikim.
Studimi ndoqi për dy vjet 65 pacientë nga Guy’s and St. Thomas’ NHS Foundation Trust. Analizat e gjakut u fokusuan tek mënyra se si trupi përpunon sheqerin, yndyrat dhe substanca të tjera kyçe, si edhe tek përgjigja e organizmit ndaj trajtimit. Për këtë, u përdor spektroskopia NMR, e cila analizon proteinat dhe përbërje të ndryshme molekulare.
Zbulimet sugjerojnë se monitorimi i treguesve metabolikë të gjakut, si glukoza, trigliceridet dhe triptofani, mund të ndihmojë në vlerësimin e rikuperimit dhe rrezikut pas trajtimeve dentare.
Autorja kryesore, dr. Sadia Niazi, theksoi se trajtimi i kanalit të rrënjës nuk përmirëson vetëm shëndetin oral, por mund të ulë rrezikun e gjendjeve serioze si diabeti dhe sëmundjet e zemrës. Ajo theksoi se infeksionet e zgjatura mund të lejojnë bakteret të qarkullojnë në gjak, të nxisin inflamacion dhe të rrisin nivelin e glukozës dhe yndyrave.
Sipas Niazit, nevojiten studime më të mëdha, por gjetjet hapin mundësi të reja për të kuptuar se si kujdesi oral lidhet drejtpërdrejt me mirëqenien e përgjithshme. Ajo bëri thirrje që dentistët dhe mjekët të bashkëpunojnë më ngushtë, duke monitoruar rrezikun përmes këtyre treguesve të gjakut dhe duke përqafuar një qasje më gjithëpërfshirëse ndaj shëndetit./ Washington Post – Syri.net
-
Edhe 5 cigare në ditë mund të rrisin rrezikun e atakut në zemër
Thuaji lamtumirë pirjes së duhanit. Tani. Të pakësosh sasinë e cigareve nuk mjafton. Sepse edhe pirja e disa cigareve në ditë rrit rrezikun e pamjaftueshmërisë kardiake, përveç dëmtimit të arterieve. Mendo vetëm: edhe pirja e vetëm dy deri në pesë cigareve në ditë rrit rrezikun e pamjaftueshmërisë kardiake me 50%, me të gjitha problemet kronike shëndetësore që lidhen me të për shëndetin individual dhe publik. Natyrisht, rreziku llogaritet krahasuar me atë të dikujt që nuk ka pirë kurrë duhan.
Jo vetëm kaq. Duhanpirësit që vetëkufizohen duke zvogëluar numrin e cigareve që pinë, rrisin rrezikun e vdekjes nga çdo shkak me 60%. Kjo do të thotë që edhe pirja e disa cigareve në ditë është e rrezikshme. Kjo sipas një studimi mbi të dhënat e mbledhura nga mbi 300,000 njerëz, të koordinuar nga Michael Blaha i Qendrës Johns Hopkins Ciccarone për Parandalimin e Sëmundjeve Kardiovaskulare, botuar në PLOS Medicine.
Të heqësh dorë është thelbësore
Studimi tregon edhe një herë se sa dhe si zemra është më e brishtë tek duhanpirësit. Por mbi të gjitha, ai thotë qartë se sa më herët ta lini, aq më mirë, pa marrë parasysh as një ulje të ndjeshme të numrit të cigareve të tymosura. Në fakt, vetëm disa janë të mjaftueshme për të ruajtur rrezikun për zemrën dhe më gjerë. Për më tepër, hulumtimi tregon se rreziku bie më shpejt në vitet e para pas lënies së cigareve, por gjithashtu vëren se ky rrezik mbetet më i lartë se ai i një jo-duhanpirësi edhe deri në tridhjetë vjet më vonë.
Këshilla përfundimtare: mos filloni me cigare. Dhe nëse pini duhan, hidheni paketën njëherë e mirë. Lënia e duhanit sa më shpejt të jetë e mundur është mënyra më efektive për të zvogëluar rrezikun, dhe sa më shpejt ta zgjidhni këtë rrugë, aq më mirë. Koha e kaluar që nga ndërprerja e plotë ka më shumë rëndësi sesa ekspozimi i vazhdueshëm ndaj një numri cigaresh që duket se është i parëndësishëm. Studiuesit e konfirmojnë këtë: “Ky është një nga studimet më të mëdha mbi pirjen e duhanit deri më sot, duke përdorur të dhënat me cilësinë më të lartë në literaturën e epidemiologjisë kardiovaskulare.”
Çfarë i ndodh zemrës së duhanpirësit
Pirja e duhanit ka efekte të shumta negative në zemër dhe enët e gjakut. Me kalimin e kohës, ajo rrit rrahjet e zemrës, duke shkaktuar takikardi dhe shkakton një rritje të presionit të gjakut, duke favorizuar fillimin e një gjendjeje të plotë hipertensionale. Për më tepër, sasia e gjakut që transportohet brenda arterieve zvogëlohet gradualisht, duke krijuar një kërkesë më të madhe në indet periferike. Rezultati: zemra duhet të bëjë përpjekje gjithnjë e më të mëdha, ndërsa, për fat të keq, “karburanti” – gjaku që vjen nga arteriet koronare që e furnizojnë atë – zvogëlohet. Me kalimin e kohës, ky mekanizëm kompromenton rezistencën e miokardit, indit muskulor të zemrës. Për më tepër, nikotina nxit ngushtimin arterial dhe ndryshon përbërjen normale të yndyrnave në gjak, duke rritur lipoproteinat LDL, të cilat tentojnë të mbajnë kolesterolin brenda enëve dhe kështu rrisin rrezikun e bllokimeve vaskulare. Si pasojë, rritet rreziku i atakut në zemër dhe goditjes në tru.
Rreziku i dështimit të zemrës
Siç u përmend, zemrat e duhanpirësve detyrohen të punojnë më shumë, duke u lodhur kështu më lehtë dhe duke u ndjerë më të ndjeshëm ndaj pamjaftueshmërisë kardiake. Mekanizmat që fshihen pas kësaj marrëdhënieje të rrezikshme janë të qarta dhe të demonstruara nga disa studime. Në veçanti, një studim i kohëve të fundit i kryer në Danimarkë tregoi qartë lidhjen midis pirjes së duhanit dhe pamjaftueshmërisë kardiake.
Hulumtimet kanë treguar se duhanpirësit kanë tendencë të kenë një vëllim më të vogël gjaku në dhomën e majtë të zemrës dhe, më e rëndësishmja, më pak energji për ta pompuar atë në pjesën tjetër të trupit, një gjendje që karakterizon pamjaftueshmërinë kardiake. Prandaj, miokardi nuk pompon gjak në të gjithë trupin siç duhet, zakonisht sepse është shumë i dobët ose i ngurtë. Si pasojë, trupi, së bashku me vetë zemrën, nuk merr oksigjenin dhe lëndët ushqyese që i nevojiten për të funksionuar normalisht. Ky proces vazhdon me kalimin e kohës. Dhe në fund të fundit, procesi çon në pamjaftueshmëri kardiake.