Lajmidites.com

Tag: rregullat

  • Ministria e Arsimit nis përgatitjet për Maturën Shtetërore 2026

    Ministria e Arsimit nis përgatitjet për Maturën Shtetërore 2026

    Në një takim të zhvilluar me Ministren e Arsimit, Mirela Kumbaro dhe përfaqësues të institucioneve përgjegjëse, u përcaktuan pikat kryesore të planit të punës me qëllim garantimin e një procesi të drejtë, të qetë dhe transparent për çdo maturant. 

    Në fjalën e saj, ministrja theksoi se gjatë këtij viti do të forcohen masat ndaj çdo shkeljeje, si nga ana e maturantëve që nuk respektojnë rregullat, ashtu edhe nga administratorët dhe përgjegjësit e provimeve, në mënyrë që të sigurohet integriteti dhe besueshmëria e procesit. 

    Gjithashtu, Kumbaro theksoi edhe rëndësinë e një fushate informuese dhe sensibilizuese në çdo shkollë të vendit, për të sqaruar rregullat, afatet dhe procedurat e Maturës Shtetërore 2026. 

    “Me përgjegjësinë që KOMSH ka për ta bërë këtë proces të qartë dhe dinjitoz për secilin maturant shqiptar, do të zhvillohet edhe një fushatë komunikimi dhe sensibilizimi shkollë më shkollë, për të informuar nxënësit, mësuesit dhe prindërit mbi të gjitha rregullat dhe afatet e Maturës Shtetërore 2026”, u shpreh ministrja Kumbaro. 

    Procesi i Maturës Shtetërore 2026 do të vijojë në javët në vijim me takime teknike, përditësim të udhëzimeve dhe harmonizim të procedurave në të gjitha qarqet e vendit. 

     

  • Moti i keq/ Policia Rrugore apel drejtuesve: Tregoni kujdes, zbatoni rregullat!

    Moti i keq/ Policia Rrugore apel drejtuesve: Tregoni kujdes, zbatoni rregullat!

    Si pasojë e motit të keq me reshje shiu, ku në disa akse rrugore ka prezencë uji apo edhe rënie inertesh, Policia e Shtetit apelon për të gjithë përdoruesit e rrugës që të tregojnë kujdes të shtuar, të respektojnë rregullat e qarkullimit rrugor dhe të zbatojnë udhëzimet e shërbimeve të Policisë Rrugore.
    “Si pasojë e motit të keq me reshje shiu, ku në disa akse rrugore ka prezencë uji apo edhe rënie inertesh, Policia e Shtetit apelon për të gjithë përdoruesit e rrugës që të tregojnë kujdes të shtuar, të respektojnë me rigorozitet rregullat e qarkullimit rrugor dhe të zbatojnë udhëzimet e shërbimeve të Policisë Rrugore.
    Strukturat e Policisë Rrugore janë në terren , për të ndihmuar dhe parandaluar ngjarjet rrugore.Ndërkohë, po bashkëpunohet me firmat kontraktore të mirëmbajtjes së rrugëve, me qëllim pastrimin në kohë të segmenteve ku, si pasojë e reshjeve, ka pasur rënie inertesh në rrugë.”, thuhet në një reagim të Policisë Rrugore.

  • Çfarë po ndodh me monopatinat? Ministrja Koçiu jep paralajmërimin që s’e priste askush: Masë e nevojshme për…

    Çfarë po ndodh me monopatinat? Ministrja Koçiu jep paralajmërimin që s’e priste askush: Masë e nevojshme për…

    Dy javë pas ndalimit të monopatinave, ministrja e Punëve të Brendshme Albana Koçiu mblodhi në një tryezë diskutimi të gjithë institucionet që luajnë rol kyç në sigurinë rrugore. Në një postim në rrjetet sociale, Koçiu thekson se ndalimi i monopatinave do të vijojë deri në krijimi e një kuadri të qartë ligjor që rregullon përdorimin e tyre.
    Koçiu shkruan se po hartojnë rregullat e reja që do të përcaktojnë standardet teknike të mjeteve, rregullat e qarkullimit dhe zonat e lejuara. Po ashtu, do të hartohen edhe përgjegjësitë për institucionet që do të sigurojnë zbatimin e ligjit. Ministrja shprehet se vendimi për ndalimin e përkohshëm të monopatinave u mor me qëllim që të garantohet siguria e qytetarëve dhe ky vendim do të hiqet vetën pasi të hartohen të gjitha rregullat për qarkullimin e tyre në përputhje me jetën urbane moderne të qytetit.
    “Pezullimi i lëvizjes me monopatina elektrike erdhi si një masë e nevojshme për të garantuar sigurinë e qytetarëve, deri në krijimin e një kuadri të qartë ligjor që rregullon përdorimin e tyre. Në tryezën e diskutimit me institucionet kryesore që luajnë rol kyç në sigurinë rrugore, vumë në fokus hartimin e rregullave të reja që do të përcaktojnë: standardet teknike të mjeteve, rregullat e qarkullimit dhe zonat e lejuara, si dhe përgjegjësitë e institucioneve që do të sigurojnë zbatimin e ligjit. Qëllimi është normimi i lëvizjes së monopatinave elektrike në mënyrë të sigurt, të organizuar dhe në përputhje me jetën urbane moderne të qytetit”, shkroi Koçiu.

  • PS e PD përplasen për Reformën Zgjedhore, Gjiknuri dhe Bylykbashi akuza të forta ndaj njëri-tjetrit, Komisioni…

    PS e PD përplasen për Reformën Zgjedhore, Gjiknuri dhe Bylykbashi akuza të forta ndaj njëri-tjetrit, Komisioni…

    Komisioni i Venecias ka kërkuar ditën e djeshme që partitë politike mos të ndryshojnë Kodin Zgjedhor sa herë që ka zgjedhje në Shqipëri. Gjatë konferencës për 30-vjetorin e partneritetit mes vendit tonë dhe komisionit, Gjyqtari Oliver Kask nga Komisioni i Venecias, ka deklaruar se ndryshimi i Kodit Zgjedhor para zgjedhjeve është një metodë që nuk mund të përdorët më. Në fjalën e tij, Kask teksa e krahasoi situatën me ndeshjet sportive, theksoi se rregullat duhet të vendosen nga të gjitha skuadrat dhe jo vetëm nga një ekip. “Nuk do të ishte një sport argëtues nëse rregullat e një ndeshjeje ndryshoheshin para çdo loje.
    Askush nuk do të kuptonte çfarë po ndodh dhe askush nuk do t’i besonte, veçanërisht nëse rregullat nuk do të vendoseshin nga disa burokratë të FIFA-s, por nga njëra prej ekipeve. Po kështu edhe në zgjedhje, stabiliteti i ligjit zgjedhor është një nga elementët kyç për të garantuar besimin në proceset zgjedhore”, deklaroi Kask. Kurse president i Këshillit për Zgjedhje Demokratike njëherësh anëtar i Komitetit për Çështjet Ligjore dhe të Drejtat e Njeriut në Asamblenë Parlamentare të Këshillit të Europës Pablo Hispan nënvizoi dje nevojën për hartimin e një Reforme Zgjedhore gjithëpërfshirëse në Shqipëri. “Stabiliteti i sistemit zgjedhor është shumë i rëndësishëm për të garantuar besimin te procesi zgjedhor në mënyrë që rezultatet e zgjedhjeve të jenë të pranuara gjerësisht. Mendimet e Komisionit të Venecias kanë përcaktuar se legjislacioni për zgjedhjet aktualisht në Shqipëri në parim është i përshtatshëm për të kryer zgjedhje, nëse do zbatohet si duhet dhe me besimin e duhur. Ndaj reforma zgjedhore duhet të sigurojë që dispozitat ligjore të zbatohen”, tha Hispan.
    Reagon PS dhe PD
    Nga ana e Partisë Socialiste, Damian Gjiknuri deklaroi se në ditën në vijim Kuvendi i Shqipërisë do të miratojë një komision të përbashkët me bashkëkryesim ku është rënë dakord edhe lidhur me përfaqësimin e barabartë mazhorancë-opozitë. Gjiknuri theksoi se mbeten për tu adresuar shumë nga rekomandimet e ODIHR-it, që nuk u adresuan reformën e kaluar. “Venecia ka qene bashkudhëtar i përhershëm i reformës zgjedhore. Giani Buquicchio ka thënë qe Shqipëria ka qene klient i përhershëm. Unë e shoh me doza ironike. Fakti qe pas çdo reforme ti drejtohemi Venecias si pacient nuk vete shërohemi por kërkojmë mjek. Odihr të gatshëm të sjell ekspertë për të asistuar dialogun. Objektivi është Stabilitet zgjedhor dhe ligj zgjedhor para zgjedhjeve. Uroj që mos jemi më pacientë të pashërueshëm të Komisionit të Venecias.
    Do të kemi përfaqësim të barabartë por do të ketë përfaqësim edhe nga paritë e vogla që janë pjesë e Kuvendit, por nuk janë pjesë e grupeve parlamentare. Kjo duke ruajtur një balancë të pastër edhe për sa i përket ekuilibrit mazhorancë-opozitë duke krijuar premisat për konsensus”, deklaroi Gjiknuri. Ndërsa nga ana e PD-së, Oerd Bylykbashi ka deklaruar se zgjedhjet në Shqipëri janë kthyer në një sëmundje autoimune për sistemin. Deputeti demokrat theksoi se ky sistem zgjedhor duhet të ikë dhe jetë një sistem diskutimi, ndërsa solli në vëmendje problemet kryesore nga shitblerja e votës te përdorimi i institucioneve shtetërore. “Sistemi zgjedhor duhet të kthehet në një sistem diskutimi. Ky sistem duhet të ikë. Shtetit dhe partia janë një. Partia shtet po përfiton nga pushteti që ka, jemi 35 vite pas. Shitblerja e votës është një problem sot. Përdorimi i përdorimeve shtetërore për interes të partisë shtet. Jemi para parimit të rënies së shtetit të së drejtës. Njerëzit nuk kanë besim të administrata zgjedhore. Vota e diasporës është një problem gjigand. Mosbesimi shoqëron këtë proces në çdo hallkë. A do të ketë vullnet politik për një reformë zgjedhorë të mirë dhe duke mbajtur përgjegjësi për ato që nuk kanë shkuar mirë”, deklaroi Bylykbashi.
    Reagon KQZ
    Ndërkohë Komisioneri Shtetëror i Zgjedhjeve, Ilirjan Celibashi, i cili ishte dje pjesë e tryezës së reformës zgjedhore në Konferencën me temë “30 vite partneritet dhe progres: Shqipëria, Këshilli i Evropës dhe Komisioni i Venecias, u shpreh se mazhoranca dhe opozita duhet të bëjnë të gjitha përpjekjet për të pasur ndryshimet në Kodin Zgjedhor. Nëse reforma shtyhet, sipas tij, do të jemi sërish në të njëjtën situatë. “Mendoj që mazhoranca më së shumti mbi të gjitha dhe opozita duhet të bëjnë të gjitha përpjekjet për të pasur ndryshimet që duhet të dakordësohen sa më shpejt të jetë e mundur. Nëse Reforma Zgjedhore do të vijojë të shtyhet dhe ndryshimet në Kodin Zgjedhor do datojnë vetëm disa muaj para zgjedhjeve të ardhshme të përgjithshme, pasi atyre po i referohem, mendoj që do të jemi në të njëjtën situatë. Dikush do fitojë zgjedhjet, ai që do humbasë do kontestojë dhe do thotë që i humbëm për këtë ose për këtë arsye”, tha Celibashi. Sipas Celibashit, nëse Kodi i ri Zgjedhor miratohet brenda një viti, ka premisa për përmirësimin e standardit të zgjedhjeve të ardhshme. Gjatë konferencës, Celibashi foli dhe për përbërjen e komisioneve zgjedhore. Sipas tij është koha për të larguar përbërjen vetëm politike dhe partiake të këtyre komisioneve. Kryekomisioneri u shpreh edhe kundër propozimit të mazhorancës që komisionet të formohen vetëm me nëpunës të administratës civile. “Me mënyrën e organizimit dhe funksionimit të komisioneve të niveleve të dyta dhe të treta. Përbërja vetëm politike partiake e këtyre komisioneve nuk kontribuon në integritetin procesit zgjedhor, në transparencë, apo elementë të tjerë. Nuk jam për opsionin që propozon mazhoranca ku të gjithë anëtarët të jenë nëpunës civil. Mendoj që akoma nuk është koha që përbërja politike të përjashtohet tërësisht nga procesi zgjedhor, por roli i tyre nuk duhet të jetë parësor, nuk do duhet të jetë parësor. Ka formula hibride që nuk cenojnë standardin teknik të administrimit të procesit”, tha Celbashi. Komisioneri Shtetëror i Zgjedhjeve tha se duhen rikonsideruar edhe rregullat që kanë të bëjnë me organizimin dhe funksionimin e partive politike, financimin e tyre periodik dhe veçanërisht financimin e fushatave zgjedhore të partive politike dhe subjekteve zgjedhore. Një tjetër çështje ishte edhe ajo e rregullave për fushatën zgjedhore. “Rregullat për fushatën zgjedhore. Në Kodin Zgjedhor, rregullat adresojnë zhvillimin e fushatës në mediat tradicionale, asgjë për mediat sociale”, tha Celibashi. Ai tha se duhet vendosur për mënyrën e votimit, nëse do të jetë elektronik apo jo si dhe duhet të rishikohen rregullat për ankimimet zgjedhore.

  • BE ndryshon rregullat për shoferët: Nëse humb patentën jashtë vendit, ndalohet të drejtosh makinën

    BE ndryshon rregullat për shoferët: Nëse humb patentën jashtë vendit, ndalohet të drejtosh makinën

    Parlamenti Europian

    STRASBURG- Bashkimi Europian është gati për lejet e reja të drejtimit të automjetit. Parlamenti Europian do të votojë për masën e re sot dhe anëtarët pritet të votojnë pro. Ky është votimi i fundit përpara se rregullat të zbatohen nga qeveritë e BE-së. Megjithatë, vendet anëtare kanë njëfarë lirie veprimi kombëtare.
    Qëllimi kryesor i rregullores së re është uniformiteti i patentave brenda BE, veçanërisht kjo do duhet të luajë rol në çështjet e sigurisë. “Ne kemi 20,000 vdekje në aksidente rrugore çdo vit në BE – këto janë shumë”, shpjegon eurodeputeti italian Matteo Ricci. Socialdemokrati luajti një rol udhëheqës në negociatat e gjata me shtetet anëtare të BE-së dhe Komisionin Europian. Tani, zbatimi i gjobave duhet të jetë më uniform dhe më i drejtë.
    Një pikë e rëndësishme: Kushdo që duhet ta dorëzojë lejen e drejtimit të automjetit në një vend tjetër të BE-së nuk duhet të lejohet të vazhdojë thjesht të ngasë makinën në vendin e tij. Kjo do të thotë që pezullimi i patentës së drejtimit duhet të njihet dhe të zbatohet në të gjithë BE-në. Informacioni duhet të shkëmbehet.
    Leja digjitale e drejtimit të automjetitE re: Patenta digjitale. Leja e drejtimit të automjetit do të jetë aksesueshme përmes smartphone-it. “Kjo është veçanërisht e mirë për të rinjtë që kanë gjithçka në telefonat e tyre celularë”, thotë deputetja e BE-së, Jutta Paulus. Po ashtu një kohë prove dy vjeçare e patentës për të rinjtë kudo në BE nga mosha 17 vjeç.
    Rregullore të reja për ata që mësojnë drejtimin e automjetit: Do të kërkohet më shumë vetëdijësim për rreziqet e të quajtur këndit të verbër si edhe përdorimit të telefonave celularë në automjet. Po ashtu t’u kushtohet më shumë vëmendje këmbësorëve, fëmijëve, atyre me biçikletë dhe të tjerëve të pambrojtur në rrugë. Sa i përket lejeve të drejtimit të makinave të vogla: Limiti i peshës së përgjithshme për automjetet me sisteme alternative të drejtimit do të rritet ndjeshëm.
    Pas debatesh të mëdha nuk do të ketë kontroll shëndetësor për drejtuesit e moshuar të automjetit. Shtetet e BE mund të vendosin vetë për këtë.
    Durim deri në zbatimSe kur reforma do të hyjë në fuqi varet nga qeveritë e BE-së. Si kujtesë: Në vitin 1980, u miratua në ato që atëherë ishin nëntë shtete anëtare direktiva e parë për lejet e drejtimit për një leje drejtimi të uniformuar ngjyrë rozë – dokumenti i ri hyri në fuqi vetëm gjashtë vjet më vonë./DW

  • 35 vite Komisioni i Venecias/ Reforma Zgjedhore, ish-kryetari Buquicchio: Rregullat e lojës nuk duhet të ndryshohen në bazë të interesave të lojtarëve

    35 vite Komisioni i Venecias/ Reforma Zgjedhore, ish-kryetari Buquicchio: Rregullat e lojës nuk duhet të ndryshohen në bazë të interesave të lojtarëve

    Ish-kryetari i Komisionit të Venecias, Gianni Buquicchio, ka rikujtuar kontributin afatgjatë dhe të vazhdueshëm të këtij institucioni në proceset zgjedhore në Shqipëri, duke theksuar domosdoshmërinë e ruajtjes së stabilitetit demokratik dhe shmangies së ndryshimeve të njëanshme në Kodin Zgjedhor.
    Buquicchio përshëndeti krijimin e komisionit të ri ndërparlamentar për reformën zgjedhore dhe shprehu gatishmërinë e Komisionit të Venecias për të bashkëpunuar ngushtësisht me të.
    Sipas tij, ligji zgjedhor dhe kodi elektoral përbëjnë “rregullat e lojës”, të cilat nuk duhet të ndryshohen sipas interesave të subjekteve politike. Çdo ndryshim, theksoi ai, duhet të bazohet në zbatimin e rekomandimeve të organizatave ndërkombëtare.
    “Ligji zgjedhor, kodi elektoral ka qene objekt bashkëpunimi më shumë se tre dekada. Është bërë vendimtar në krizën e 1997. Në vitet e ardhshme zhvilluam diskutuam me palët e ndryshme për të gjetur zgjidhje të përhershme. Që atëherë ne ndërhymë dhe dhamë mendime për një numër reformash zgjedhore. Nuk duhet të harrojmë, si për kushtetutën kemi të bëjmë me rregullat e lojës dhe rregullat e lojës nuk duhet të ndryshohen në bazë të interesave të lojtareve apo disa prej tyre. Nëse parashikohen ndryshime duhet të përqëndrohen në zbatimin e rekomandimeve të dhëna nga organizatat ndërkombëtare. Do të përmendja edhe komisionin e ri ndërparlamentar që do të shqyrtojë këtë temë në bashkëpunim me Komisionin e Venecias dhe ne jemi në dispozicionin tuaj”, shprehet ai.

  • E bujshme/ Ndryshohen rregullat për Europian dhe Botëror, Shqipëria dhe Kosova do shkojnë shpesh

    E bujshme/ Ndryshohen rregullat për Europian dhe Botëror, Shqipëria dhe Kosova do shkojnë shpesh

    Tani është bërë e udhës që rregullat e futbollit dhe kompeticioneve të jenë në ndryshim të vazhdueshëm pasi tifozët e futbollit kërkojnë risinë. Në Champions League u bë prova e parë dhe deri tani rezultoi me sukses, teksa u hoqën grupet e mësuara prej kohësh dhe u vendos renditja me pikë si në një kampionat.
    Qëllimi kryesor i UEFA-s është që të shmang ndeshjet e mërzitshme dhe të pabarabarta pasi ka shumë ekipe që dalin nga gara përpara kohe dhe rezultatet e tyre janë shumë formale, duke hequr shikuesit nga televizoni dhe stadiumet. Sipas asaj që raporton L’Equipe, UEFA po diskuton ndryshimin e fazës së grupeve për kualifikueset e Europianit dhe Botërorit për Kombëtaret.
    Presidenti Ceferin është gati që të propozojë dy variante të reja që me siguri do ta afronin Shqipërinë dhe Kosovën gjithmonë e më shumë me kualifikimet në Europian dhe Botëror. Varianti i parë është përdorimi i formulës së Ligës së Kombeve si një rrugë kualifikuese, ku ekipet do të ndeshen dhe maten sipas forcës së tyre. Pra nëse Shqipëria zbret pak nga Ligat ku ndodhen të mëdhatë, atëherë shmang përballjet e forta dhe ka më shumë mundësi në duar për të kaluar duke mundur vetëm kundërshtarë që i ka të forcës së saj.
    Gjithashtu një ide tjetër është përsëritja e skemës së Champions League edhe në kualifikueset e Europianit dhe Botërorit. Një ide që ka më shumë mundësi që të zbatohet duke parë suksesin e deri tanishëm të kësaj formule. Pra të ketë 54 ekipe që luftojnë për pikë si në një kampionat të vetëm ose të ketë dy grupe kampionati me 27 ekipe secila. Kjo do të mundësojë heqjen e ekipeve të mëdha për Shqipërinë dhe Kosovën që deri tani kanë sipër tyre nëpër grupe të paktën dy ekipe që janë të pakalueshme.
    Për të qenë më të saktë, një ekip është gjithmonë i pakalueshëm dhe një tjetër që është më i fortë se ne duhet mundur. Problemi qëndron se nëse bëhet një gabim ose nuk arrihet mrekullia për të fituar ndaj ekipit të dytë humben të gjitha shanset për kualifikim.
    Si në rastin konkret ku Shqipëria ndodhej në një grup me Anglinë dhe Serbinë. Një Angli e pakalueshme, por i gjithë problemi është se kualifikimi ynë vendosej në përballjet direkte me Serbinë. Ndërsa në një fazë kampionati rruga do të jetë më e lehtë pasi nuk luhet dy herë me të njëjtin ekip dhe si Shqipëria dhe Kosova nuk do të luajnë gjithë historinë e tyre të kualifikimit në dy ndeshje, por do të përballen me kundërshtarë të ndryshëm dhe kjo rrit shanset tona për kualifikim. /Sport Ekspres/

  • Brukseli nis masa më të rrepta sigurie për lodrat në Evropë

    Brukseli nis masa më të rrepta sigurie për lodrat në Evropë

    Këshilli Evropian ka miratuar rregulla të reja për të forcuar sigurinë e lodrave në tregun e Bashkimit Evropian, duke prezantuar një pasaportë dixhitale të produktit që do të lejojë gjurmimin dhe kontrollin më të mirë të lodrave, sidomos atyre të shitura në internet.

    Rregullat e reja, që pritet të miratohen edhe nga Parlamenti Evropian, synojnë të ndalojnë hyrjen në treg të produkteve të pasigurta dhe kimikateve të dëmshme për fëmijët, siç janë çrregulluesit endokrinë dhe substancat PFAS – të njohura si “kimikate të përhershme”.

    Një studim i Industritë e Lodrave të Evropës zbuloi se 80% e lodrave të blera përmes platformave si AliExpress, Amazon Marketplace, Shein dhe Temu nuk përmbushnin standardet e sigurisë të BE-së. Shembuj përfshijnë lodra me korde të gjata që rrezikojnë mbytjen, llum që përmban bor, apo lodra magnetike që mund të gëlltiten.

    Sipas rregullores së re, të gjitha lodrat – përfshirë ato të shitura online – do të kenë një pasaportë dixhitale, të cilën importuesit duhet ta dorëzojnë në kufijtë e BE-së. Një sistem i ri IT do të shqyrtojë automatikisht këto pasaporta dhe do të sinjalizojë dërgesat që kërkojnë kontrolle të hollësishme doganore.

    Drejtoresha e BEUC, Sylvia Maurer, e quajti këtë një “hap të parë të rëndësishëm” për përmirësimin e mbikëqyrjes së tregut, por theksoi se tregjet online duhet të mbahen përgjegjëse për lodrat e pasigurta të shitura përmes platformave të tyre.

    Rregullorja zgjeron gjithashtu ndalimin e kimikateve kancerogjene, mutagjene dhe toksike për riprodhimin, përfshirë çrregulluesit endokrinë si bisfenolet dhe ftalatet. Ekspozimi ndaj këtyre substancave është lidhur me rënie të numrit të spermatozoideve, çrregullime hormonale dhe rritje të rasteve të kancerit të ndjeshëm ndaj hormoneve.

    Një ndalim i kufizuar do të aplikohet edhe për PFAS-et, me përjashtime të kufizuara për pjesë elektronike që nuk janë të arritshme për fëmijët.

    Rregullat e reja do të zbatohen plotësisht pas një periudhe tranzicioni prej 4.5 vitesh, për t’i dhënë industrisë kohë të përshtatet.

    “Kjo do të thjeshtojë veprimet kundër lodrave të pasigurta dhe do të sigurojë konkurrencë të ndershme mes prodhuesve,” – deklaroi Këshilli Evropian.

    Komisionerja Evropiane për Mjedisin, Jessika Roswall, e cila së fundmi doli pozitive për praninë e PFAS-ve në trup, u shpreh se do të punojë për një ndalim të shpejtë të këtyre kimikateve në produktet e konsumit në BE.

    Rregullat pritet të hyjnë në fuqi pas miratimit nga Parlamenti Evropian dhe përfundimit të periudhës së tranzicionit.

  • Opozita bllokon rregullat për zgjedhjet në KQZ, burime për Top Channel: PS në Kolegjin Zgjedhor për zgjidhjen e ngërçit

    Opozita bllokon rregullat për zgjedhjet në KQZ, burime për Top Channel: PS në Kolegjin Zgjedhor për zgjidhjen e ngërçit

    Enigma e kandidatit u zgjidh, por bllokimi i rregullave të zgjedhjeve të pjesshme të nëntorit në KQZ nuk u ndal.

    Gazetarja e Top Channel Elda Menga raporton se dy anëtarët e propozuar nga opozita në Komisioni Rregullator Muharrem Çakaj dhe Helga Vukaj refuzuan të bashkojnë votat me koleget e mazhorancës duke bllokuar miratimin e akteve për zgjedhjet e pjesshme në 6 Bashki.
    Opozita këmbënguli në diferencimin e Tiranës  nga Bashkitë e tjera deri kur Gjykata Kushtetuese të thotë fjalën e fundit për dy pasdite e  Erion Veliaj.
    Por, një propozim i tillë u vlerësua si i pavend nga kryetarja e Komisionit Ilirjana Nano me argumentin se trupa e Rregullatorit nuk mund të vendosë në dyshim aktet presidenciale. Në kushtet e bllokimit  të akteve në rregullatorit , gazetarja e Top  Channel, Elda Menga raporton se socialistët pritet t’i drejtohen Kolegjit Zgjedhor për të zhbllokuar afatet e zgjedhjeve të pjesshme të 9 nëntorit, që përfshijnë nisjen e fushatës, regjistrimin e kandidateve dhe koalicioneve deri tek  rregullat për identifikimin biometrik apo  karakteristikat e fletës së votimit që do përdoren në 6 Bashki.

    Top Channel

  • Opozita bllokon rregullat për zgjedhjet në KQZ, burime për Top Channel: Opozita bllokon rregullat për zgjedhjet në KQZ, burime për Top Channel: PS në Kolegjin Zgjedhor për zgjidhjen e ngërçit

    Opozita bllokon rregullat për zgjedhjet në KQZ, burime për Top Channel: Opozita bllokon rregullat për zgjedhjet në KQZ, burime për Top Channel: PS në Kolegjin Zgjedhor për zgjidhjen e ngërçit

    Enigma e kandidatit u zgjidh, por bllokimi i rregullave të zgjedhjeve të pjesshme të nëntorit në KQZ nuk u ndal.

    Gazetarja e Top Channel Elda Menga raporton se dy anëtarët e propozuar nga opozita në Komisioni Rregullator Muharrem Çakaj dhe Helga Vukaj refuzuan të bashkojnë votat me koleget e mazhorancës duke bllokuar miratimin e akteve për zgjedhjet e pjesshme në 6 Bashki.
    Opozita këmbënguli në diferencimin e Tiranës  nga Bashkitë e tjera deri kur Gjykata Kushtetuese të thotë fjalën e fundit për dy pasdite e  Erion Veliaj.
    Por, një propozim i tillë u vlerësua si i pavend nga kryetarja e Komisionit Ilirjana Nano me argumentin se trupa e Rregullatorit nuk mund të vendosë në dyshim aktet presidenciale. Në kushtet e bllokimit  të akteve në rregullatorit , gazetarja e Top  Channel, Elda Menga raporton se socialistët pritet t’i drejtohen Kolegjit Zgjedhor për të zhbllokuar afatet e zgjedhjeve të pjesshme të 9 nëntorit, që përfshijnë nisjen e fushatës, regjistrimin e kandidateve dhe koalicioneve deri tek  rregullat për identifikimin biometrik apo  karakteristikat e fletës së votimit që do përdoren në 6 Bashki.

    Top Channel