Lajmidites.com

Tag: rrallë

  • Pas 30 vitesh zhdukje, rishfaqet specia misterioze në Afrikën e Jugut

    Pas 30 vitesh zhdukje, rishfaqet specia misterioze në Afrikën e Jugut

    Një geko e rrallë, që nuk ishte parë që nga viti 1991 dhe konsiderohej e zhdukur, është rizbuluar në një nga zonat më të paarritshme të Afrikës së Jugut. Studiuesit Darren Pietersen dhe John Davies, të Fondit të Jetës së Egër në Rrezik, u lanë me helikopter në kanionin e thellë Blyde Rondavel në Provincën Mpumalanga, aty ku gekoja u identifikua për herë të parë.

    Pas më shumë se tre dekadash misteri dhe spekulimesh nëse hardhuca e vogël ekzistonte vërtet, ata arritën të gjenin deri në 30 ekzemplarë të gekos së sheshtë, duke fotografuar shtatë prej tyre.

    Specia, e quajtur Blyde River Flat Gecko, konsiderohej një “specie e humbur” për shkak se nuk ishte regjistruar për mbi 10 vjet. Zbulimi i saj i fundit vjen pas përpjekjesh kërkimore që zgjatën dy vjet, duke përfshirë disa aplikime për leje dhe një ekspeditë të rrezikshme tre-ditore në shkëmbinj të pjerrët mbi 100 metra të lartë.

    “Më bezdis fakti që kam një specie që ka mungesë të dhënash,” tha Pietersen, i cili është i përkushtuar ndaj specieve pak të studiuara. Rizbulimi i gekos shënon kafshën e pestë që Fondi i Jetës së Egër në Rrezik ka rizbuluar në vitet e fundit, duke përfshirë edhe një urith të pazbuluar prej më shumë se 80 vjetësh.

    Zbulimi jo vetëm që hedh dritë mbi ekzistencën e një specieje të rrallë, por nënvizon edhe sa shumë mbetet ende për t’u mësuar mbi biodiversitetin e planetit tonë. Studiuesit tani do të përdorin mostrat e indeve të mbledhura për të konfirmuar nëse bëhet fjalë për një specie të veçantë.

  • Qëndistaret e fundit të Gjirokastrës, tradita e vjetër e qytetit trashëgohet nga vetëm 10 gra që dinë teknikën e rrallë

    Qëndistaret e fundit të Gjirokastrës, tradita e vjetër e qytetit trashëgohet nga vetëm 10 gra që dinë teknikën e rrallë

    Në një shtëpizë tradicionale në lagjen e vjetër Dunavat në zemër të Gjirokastrës, qëndistarja Hëna Gega mishëron frymën e një qyteti me histori, tradita dhe elegancë të rrallë.

    E lindur dhe rritur në këtë lagje mes gurëve, rrugicave dhe kujtimeve, ajo përfaqëson gruan tipike qytetare, të përkushtuar ndaj shtëpisë, por me një pasion të veçantë për artin e punimeve me cimbë, një teknikë delikate që ka zbukuruar prej shekujsh veshje, perde, mbulesa dhe çarçafë në shtëpitë gjirokastrite.
    Cimba, punuar me gjilpërë të hollë, kërkon orë të tëra përkushtimi dhe mjeshtëri të lartë. Kjo e ka bërë ndër vite simbol të finesës, por edhe një produkt të kushtueshëm që dikur përballohej vetëm nga disa.
    Sot, Hëna thotë me keqardhje se në qytet nuk kanë mbetur më shumë se 10 gra që e njohin dhe dinë ta punojnë këtë teknikë.
    “Ndonjëherë jam tunduar të krijoj motive më të thjeshta që shiten më lehtë, por gjithnjë kam besuar se cimba e vërtetë e Gjirokastrës meriton të kthehet në vëmendje, sidomos me rritjen e turizmit”, tha ajo.
    Shtëpia e saj është një ekspozitë e vërtetë e punimeve të dorës, dhe trashëgimia më e çmuar që do t’i lërë së bijës është një kostum tradicional i punuar nga vetë ajo, në çdo detaj.
    Megjithëse e pranon se është e vështirë të nxjerrësh të ardhura duke ndjekur pasionin, Hëna nuk dorëzohet. Ajo shpreson se interesi në rritje i turistëve për kulturën dhe artizanatin do të japë frytet e veta dhe do t’u japë kuptim dekadave të tëra të punës me gjilpërë ndër breza.

    Top Channel

  • Ndërprerja e pazakontë e energjisë elektrike në Spanjë dhe Portugali, fenomeni i rrallë atmosferik shkaktoi ‘terrin’

    Ndërprerja e pazakontë e energjisë elektrike në Spanjë dhe Portugali, fenomeni i rrallë atmosferik shkaktoi ‘terrin’

    Energjia elektrike është rikthyer në disa pjesë të Spanjës ndërsa sistemet e transportit, shëndetit dhe telekomunikacionit në të gjithë Evropën përballen me pasojat nga ndërprerjet.

    Luis Montenegro, kryeministri portugez, tha se “nuk kishte kohë për të humbur” në rikthimin e energjisë elektrike në vend pas një dështimi të madh të energjisë.
    “Ne po punojmë së bashku për t’iu përgjigjur shpejt ndërprerjes së energjisë që po prek ende vendin. Jemi në kontakt të vazhdueshëm me forcat e sigurisë, mbrojtjen civile, forcat e armatosura, spitalet dhe kompanitë e furnizimit me karburant për të siguruar kapacitetin e reagimit në infrastrukturën thelbësore dhe mbështetjen për ata në nevojë,” shkroi ai.
    Montenegro shtoi: Nuk ka kohë për të humbur! Falenderimet tona për të gjithë ata që janë të fokusuar në këto detyra prioritare.
    Operatori i aeroportit të Portugalisë ka thënë se nuk pret që fluturimet të mund të nisen nga Lisbona deri në orën 22:00.
    ANA Aeroportos de Portugal shtoi në një deklaratë se operacionet vazhduan në të dy aeroportet e Porto dhe Faro, por me kufizime.
    Operatori i rrjetit portugez tha më herët se një ngjarje “e rrallë” atmosferike kishte shkaktuar ndërprerjen e energjisë elektrike, por ende nuk është e qartë se si mund të ketë ndodhur kjo.
    Massimo Maoret, profesor i menaxhimit strategjik në Shkollën e Biznesit IESE në Madrid, tha për The Times se “rrjeti spanjoll është një nga më të zhvilluarit dhe më të besueshëm në botë, kështu që kjo ndërprerje e përgjithshme duhet të ketë ndodhur për shkak të diçkaje të jashtëzakonshme. Nëse po, do të jetë interesante të kuptojmë nëse kjo ngjarje unike mund të lidhet me ndryshimin e klimës dhe në këtë kuptim mund të bëhet më e shpeshtë”.
    Ai shtoi: “Po lexoj se ndërprerja mund të lidhet me goditjen e erës te kabllot e transmetimit me tension të lartë – nuk jam i sigurt nëse ky është shkaku, por më pas ndoshta duke ecur përpara ne duhet të mendojmë për lëvizjen e këtyre nëntokës, që priret të jetë mjaft e shtrenjtë. Por përsëri, mendoj se në këtë fazë është spekulim i pastër, askush nuk e di me të vërtetë.”

    Top Channel

  • Spanja dhe Portugalia në terr, ja çfarë dyshohet se e shkaktoi ndërprerjen e energjisë elektrike

    Spanja dhe Portugalia në terr, ja çfarë dyshohet se e shkaktoi ndërprerjen e energjisë elektrike

    Një “fenomen i rrallë atmosferik”, është përgjegjës për ndërprerjet masive të energjisë elektrike në Spanjë, Portugali dhe një pjesë të Francës, thanë operatorët e rrjetit.
    Operatori i rrjetit të Portugalisë REN tha se “ndryshimet ekstreme të temperaturës” kishin prodhuar një “dukuri të rrallë atmosferike” që shkaktoi ndërprerjet me energji elektrike.
    Ajo që besohet të jetë ndërprerja më e madhe ndonjëherë e energjisë në Evropë, ka ndërprerë fluturimet, ka ndaluar trenat, ka lënë qytete të tëra pa energji elektrike ose internet dhe ka lënë miliona pa shërbime jetike.

    Rrjetet e energjisë në Spanjë ishin në një garë me kohën të hënën pasdite për të rivendosur energjinë elektrike para perëndimit të diellit, kur prodhimi diellor ka të ngjarë të ndërpresë një të tretën e burimit të energjisë në vend.
    Operatori spanjoll i energjisë Red Electrica, vlerësoi se mund të duhen nga gjashtë deri në dhjetë orë për të rivendosur energjinë në vend. REN në Portugali tha se beson se mund të duhet deri në një javë që shërbimi normal të rifillojë. /The Telegraph/

  • Rrallë qëndrojnë beqarë për një kohë të gjatë, zbuloni se për cilat shenja të horoskopit bëhet fjalë

    Rrallë qëndrojnë beqarë për një kohë të gjatë, zbuloni se për cilat shenja të horoskopit bëhet fjalë

    Romanca, dashuria dhe marrëdhëniet janë pjesë të rëndësishme të jetës sonë dhe secila shenjë e zodiakut ka mënyrën e saj unike për t’i përjetuar ato.
    Disa shenja duket se kanë gjithmonë një partner ose të paktën e gjejnë veten në marrëdhënie shumë shpejt pas një ndarje. Zakonisht nuk qëndrojnë beqarë për shumë kohë. Por, nga ana tjetër, ata mund të kenë nevojë për më shumë kohë për t’u lidhur me dikë.
    Le të shohim se cilat janë tre shenjat e zodiakut që rrallë qëndrojnë vetëm për një kohë të gjatë dhe pse të qenit në një lidhje luan një rol kaq të madh në jetën e tyre.

    Gaforrja
    Gaforret rrallë qëndrojnë vetëm për një kohë të gjatë, pasi ndihen më të sigurt dhe të qetë kur janë në një lidhje. Ndërsa mund të jenë të pavarur, prania e një partneri u jep forcë dhe siguri. Jeta e tyre duket më e ndritshme dhe më e këndshme kur janë të dashuruar, prandaj nuk u shkon për shtat qëndrimi për një kohë të gjatë pa partner.
    Luani
    Luanët janë romantikë dhe të parezistueshëm, gjë që i bën ata veçanërisht të njohur në skenën e dashurisë. Ata tërheqin dashurinë dhe admirimin e atyre që i rrethojnë dhe kur bien në dashuri, e bëjnë këtë me gjithë shpirt. Entuziazmi dhe sharmi i tyre rrallëherë i lënë pa partner për një kohë të gjatë, pasi gjithmonë ka dikush që i intereson.
    Binjakët
    Binjakët njihen për shoqërueshmërinë dhe flirtin e tyre. Aftësia e tyre për t’i mbajtur bisedat interesante dhe plot humor i bën ata veçanërisht tërheqës. Pavarësisht se e shijojnë vetminë, është e vështirë të qëndrojnë gjatë pa partner, pasi kanë gjithmonë shumë mundësi dhe shpesh hyjnë e dalin nga marrëdhëniet pa e menduar shumë.

  • Kaprolli ‘surprizon’ turistët në liqenin piktoresk të Komanit! Shfaqet duke notuar paralelisht me tragetin

    Kaprolli ‘surprizon’ turistët në liqenin piktoresk të Komanit! Shfaqet duke notuar paralelisht me tragetin

    Një skenë e rrallë ka surprizuar turistët këtë të hënë në liqenin piktoresk të Komanit.

    Teksa po shijonin peizazhet magjepsëse, ata u befasuan nga prania e një kaprolli (Capreolus capreolus), i cili po notonte qetësisht në ujërat e liqenit.
    Kjo kafshë e rrallë, që zakonisht qëndron larg syrit të njeriut, kishte ndërmarrë një kalim të guximshëm nga një mal në tjetrin, duke përshkuar me not një distancë prej mbi 30 metrash. Pamja u bë edhe më mbresëlënëse kur kaprolli u pa duke notuar paralelisht me tragetin turistik, duke u kthyer në një moment të veçantë për vizitorët.
    Kaprolli është një nga kafshët më të rëndësishëm të faunës shqiptare dhe europiane. Ai është një thundrak i vogël, me trup të imët, me ngjyrë kafe në dimër dhe kuqërremtë në verë, që gjendet kryesisht në pyje, lëndina dhe zona kodrinore. Përveç bukurisë së tij natyrore, ai luan një rol kyç në ekosistem duke ndihmuar në kontrollin e bimësisë dhe në ruajtjen e ekuilibrit të zinxhirit ushqimor.
    Megjithatë, kaprolli përballet me kërcënime serioze. Shpyllëzimi, ndërtimet pa kriter, zjarret dhe gjuetia e paligjshme po e vënë këtë specie gjithnjë e më shumë në rrezik. Në shumë zona të Ballkanit dhe edhe në Shqipëri, numri i tyre është në rënie, çka e bën vëzhgimin e tij në natyrë një privilegj të rrallë.
    Banorët e zonës shprehen se gjatë katër viteve të fundit, kaprollët janë parë më shpesh në zonën e Komanit, veçanërisht gjatë kalimeve të tilla përmes liqenit.

    Top Channel

  • VIDEO/ Momente që shihen rrallë në futboll, te Vora-Flamurtari festojnë të dyja ekipet

    VIDEO/ Momente që shihen rrallë në futboll, te Vora-Flamurtari festojnë të dyja ekipet

    Kategoria e Parë ka mbyllur sot sezonin dhe tani kemi njohur të gjitha verdiktet. Vora ka arritur të fitojë titullin kampion, ndërsa Flamurtari merr vendin e dytë, duke qenë këto dy ekipet që do të jenë pjesë e elitës së futbollit shqiptar në vitin tjetër.
    Ndërkohë te Besa e Kavajës ka vend për zhgënjim. Vetëm një pikë e ndan këtë skuadër nga Flamurtari i vendit të dytë dhe tani do të provojnë një rrugë shumë më të vështirë, atë të Play Off, ku në fillim duhet të mundin dy ekipe, përpara se të shkojnë në ndeshjen finale me ekipin e Superiores që do të renditet në vendin e 8.
    Sot e gjithë vëmendja ishte te ndeshja Vora-Flamurtari pasi në rast barazimi apo fitore të Vorës, Flamurtari do të dilte në vendin e tretë. Por në fund vlonjatët fituan 0-1 dhe kaluan zyrtarisht në Superiore. Një detaj i bukur dhe që shihet rrallë në futboll është se pas një ndeshje kanë festuar të dy ekipet, me të drejtë. Vora ishte në festën pasi sot iu dorëzua zyrtarisht titulli kampion duke e festuar me tifozët e tyre, ndërsa në krahun tjetër, Flamurtari festoi për ngjitjen zyrtarisht në Superiore. /Sport Ekspres/

  • Brad Pitt vuan nga çrregullimi i rrallë, e zbulon pas shumë vitesh…

    Brad Pitt vuan nga çrregullimi i rrallë, e zbulon pas shumë vitesh…

    Aktori i njohur Brad Pitt ka rrëfyer së fundmi se vuan nga një çrregullim neurologjik i quajtur prosopagnosia, ose “verbëri ndaj fytyrave”, që e bën të pamundur për të të njohë fytyrat e njerëzve edhe të atyre që i ka takuar më parë.
    Pitt, tashmë 61 vjeç dhe fitues i çmimit Oscar, ka treguar se kjo gjendje i ka shkaktuar ndjesi izolimi dhe keqkuptimi, pasi shumë njerëz mendojnë se ai është arrogant ose nuk u kushton rëndësi.“Shumë më urrejnë sepse mendojnë që po i injoroj. Por e kam të pamundur të mbaj mend fytyrat,” ka thënë ai për Esquire.
    Prosopagnosia është një çrregullim i rrallë që nuk lidhet me shikimin, por me mënyrën se si truri përpunon informacionin vizual. Sipas Klinikës Cleveland, kjo gjendje mund të jetë rezultat i një dëmtimi në tru ose mund të jetë zhvillimore, një formë që shfaqet që në fëmijëri. Statistikat tregojnë se prek rreth 2–2.5% të njerëzve, ose rreth një në çdo 50 persona.

  • Transplant i rrallë i mëlçisë! 14 orë operacion te një 21-vjeçare me një teknikë të re

    Transplant i rrallë i mëlçisë! 14 orë operacion te një 21-vjeçare me një teknikë të re

    Një operacion i jashtëzakonshëm është kryer në spitalin Molinette të Torinos, pjesë e kompleksit “Città della Salute e della Scienza”, ku një vajzë 21-vjeçare u shpëtua falë një transplanti të rrallë të mëlçisë, të realizuar për herë të parë me një teknikë krejtësisht ekstra-anatomike.
    Pacientja vuante që në lindje nga atrezi biliare, një keqformim i rëndë që kishte çuar në një transplant të parë të mëlçisë që kur ishte 6 muajshe. Megjithatë, gjatë adoleshencës ajo filloi të përjetonte infeksione të përsëritura të tëmthit, të cilat e çuan mëlçinë e mëparshme në cirrozë të avancuar. Për shkak të dëmtimit të rëndë të enëve të gjakut dhe kanalit biliar, transplanti i dytë paraqiste një sfidë jashtëzakonisht komplekse.
    Duke mos pasur më mundësi të përdornin rrugët tradicionale të furnizimit me gjak, mjekët realizuan lidhjen e aortës abdominale me arterien e mëlçisë së re për të garantuar rrjedhjen arteriale të gjakut, transpozicionin kaval-portal, ku vena kava inferiore u bashkua me venën porta të mëlçisë së dhuruar, për të zëvendësuar qarkullimin e gjakut venoz, dhe lidhjen e kanalit biliar të mëlçisë direkt me zorrët, duke krijuar një rrugë alternative për tëmthin.
    Operacioni zgjati 14 orë dhe u ndihmua edhe nga përdorimi i një makinerie ekstrakorporale për rreth 80 minuta, për të mbajtur funksionin e qarkullimit të gjakut gjatë fazave më delikate të ndërhyrjes.
    Falë një koordinimi perfekt mes ekipeve mjekësore dhe dhurimit të organit nga një djalë që humbi jetën nga një traumë, vajza 21-vjeçare pas pesë ditësh në terapi intensive është në gjendje të mirë shëndetësore në Zonën Kirurgjike Gjysmë Intensive.

  • Futbollisti Shehu po jeton një ëndërr, ja rrëfimi i tij i veçantë dhe i rrallë për këtë profesion

    Futbollisti Shehu po jeton një ëndërr, ja rrëfimi i tij i veçantë dhe i rrallë për këtë profesion

    Nga emrat e rrallë që Kombëtarja i ka si produkt të kampionatit shqiptar. 26-vjeçari vjen me një intervistë të rrallë për të folur për këtë profesion të dedikuar. Nga dëmtimi i rëndë në sezonin e kaluar që e la për shumë kohë jashtë fushave, tek emocionet e aktualit. Sigurisht që nuk mund të mungonte edhe një koment për Laçin ku fitoi emër në futbollin shqiptar. Shehu ka edhe një koment për ndeshjen që Kombëtarja shqiptare do të luajë në muajin qershor, atë me Serbinë.
    Tashmë një lojtar i Kombëtares. Si ndiheni?
    Është ndjesi shumë e bukur të jesh pjesë e Kombëtares dhe të përfaqësosh kombin tënd. Ndihem shumë krenar për këtë gjë. Ftesa e Shqipërisë dhe besimi nga Silvinjo për të marrë minuta që në grumbullimin e parë. Emocionet ishin të mëdha që nga momenti që mora ftesën deri te debutimi nga minuta e parë kundër Andorrës. E kam thënë dhe më parë, për mua është një ëndërr e bërë realitet. Padyshim ato ishin nga ditët më të bukura të jetës sime.
    Deri ku mendoni se mund të shkoni në këto kualifikuese?
    Shqipëria ka një ëndërr, e cila është Botërori. Dhe ne do luftojmë deri në momentin e fundit për ta bërë këtë ëndërr realitet.
    Një pjesë ka filluar të flasë për ndeshjen me Serbinë. Çfarë duhet të presin tifozët?
    Serbia është ekip i fortë, ka lojtarë me kualitet të lartë, por nuk më pëlqen të veçoj emra. Duhet të përgatitemi për të fituar kundër Serbisë dhe të festojmë bashkë me tifozët tanë.