Gazetari Enton Abilekaj, komenton ashpërsimin e marrëdhënieve mes kryeministrit Edi Rama dhe atij të Kosovës, Albin Kurti duke theksuar se raporti mes dy liderëve ka arritur në pikën “zero”. Për të përplasja mes Ramës dhe Kurtit ka nisur që herët, por është thelluar për shkak të qasjeve të ndryshme politike dhe strategjike ndaj rajonit.
Ai deklaroi se Rama ka zgjedhur të bashkëpunojë ngushtë me presidentin serb Aleksandar Vuçiç, duke marrë mbi supe rolin e liderit rajonal që synon ndarjen e influencës në Ballkan mes shqiptarëve dhe serbëve.
”Rama ka marrë përsipër që me Vuçiç të luajnë rolin e liderëve ballkanikë, duke ndarë Ballkanin mes shqiptarëve dhe serbëve. Ata menduan se mund të zgjasin pushtetin e tyre përmes kësaj loje të stabilitetit pa demokraci, duke aneksuar Shqipëria rolin që historikisht i takon Kosovës në rajon”,-u shpreh Abilekaj.
Tag: rolin
-
Abilekaj: Raportet Rama-Kurti janë në pikën zero
-
Zbulohet paga marramendëse e Blake Lively për rolin në “It Ends With Us”
Paga e aktorës Blake Lively për rolin e saj kryesor në filmin “It Ends With Us” është bërë e ditur nëpërmjet dokumenteve gjyqësore, në një kohë kur aktorja është përfshirë në një betejë ligjore të ashpër me regjisorin dhe aktorin bashkëprotagonist, Justin Baldoni. Sipas Daily Mail, Lively ka marrë 1.75 milionë dollarë (afërsisht 1.65 milionë euro) për një periudhë xhirimi gjashtëjavor, që do të thotë një pagë prej rreth 58,000 dollarë (rreth 54,500 euro) në ditë për rolin e Lily Bloom.
Përveç pagesës së drejtpërdrejtë, Lively ka fituar edhe bonuse të lidhura me suksesin komercial të filmit, i cili ka arkëtuar mbi 261 milionë funte (rreth 305 milionë euro) në mbarë botën, kundrejt një buxheti modest prej vetëm 18 milionë funte (rreth 21 milionë euro). Filmi, që trajton tema të dhunës në marrëdhënie, pati kritika të përziera, por tregoi sukses të madh financiar.
Ndërkohë, tensionet mes Blake Lively dhe Justin Baldoni janë intensifikuar për shkak të akuza për “sjellje të paqëndrueshme” dhe “zhvatje”, duke përfshirë një seri padish për shpifje dhe ngacmim seksual. Gjykata ka hedhur poshtë disa nga paditë, por përfaqësuesit ligjorë të të dy palëve vazhdojnë të bëjnë deklarata publike dhe të mbrojnë pozitat e tyre. Çështja është ende në shqyrtim. -
Boçi: Mazhoranca kërkon të fikë opozitën në fjalën dhe rolin e saj
I ftuar në studion e lajmeve me gazetarin Edvin Parruca, Luçiano Boçi, deputet i Partisë Demokratike, njëkohësisht nënkryetar i PD, foli për klimën e tensionuar politike në vend.
Opozita shqiptare akuzon mazhorancën për një strategji të mirëorkestruar që synon heshtjen dhe paralizimin e plotë të rolit të saj kontrollues në parlament. Sipas deputetit demokrat, Boçi, kjo nuk është thjesht një çështje mosmarrëveshjesh politike, por një plan i qëllimshëm ‘për ta fikur opozitën në denoncimet e saj, në fjalën e saj dhe në rolin e saj kontrollues’.
Në qendër të këtij sulmi, sipas tij, janë mekanizmat themelorë parlamentarë që opozita ka në dispozicion. Kërkesat për ngritjen e komisioneve hetimore, mjete thelbësore për të hetuar çështje me interes të lartë publik si afera ‘McGonigal’ apo procesi zgjedhor, po bllokohen sistematikisht. E njëjta gjë ndodh edhe me mocionet me debat, siç ishte ai i propozuar për mungesën e medikamenteve në spitale, i cili u refuzua prerazi nga mazhoranca.
Biseda në studio:
“Unë them që është një strategji, nuk është çështje mosgjetje kuptimi apo mirëkuptimi midis palëve, strategji e cila synon që opozita të heshtet, të fiket në denoncimet e saj, në fjalën e saj dhe në rolin e saj kontrollues që ajo duhet të ushtrojë nëpërmjet parlamentit për ekzekutivin.
Nëpërmjet atyre mekanizmave parlamentarë që parashikohen edhe në kushtetutë edhe në rregullore, nuk po them për fjalën se ajo është ndërprerë për atë retorikë që çdo deputet duhet ta shpërfaqë gjatë seancave, por po referohem atyre mjeteve themelore që duhet të jenë mekanizma që opozita i ka të parashikuara. Por që pengohen me këto lloj formash vendimmarrjesh, si në konferencën e kryetarëve ashtu edhe me forcën e kartonit pastaj në seancë dhe këto mekanizma janë interpelancat, janë mocionet me debat, janë sidomos komisionet hetimore, sepse dhe sot mbledhja ka qenë pikërisht për dy nga këto elementë, për kërkesën që Partia Demokratike ka për ngritjen e dy komisioneve hetimore, për çështjen e zgjedhjeve dhe çështjen McGonigal dhe ishte një mocion tjetër në vazhdin mocioneve që ka kërkuar Partia Demokratike dhe që refuzohet për disatën herë.
Për medikamentet në spitale, mungesës së tyre, të parashtruar nga kryetari i komisionit për Shëndetësinë dhe çështjet sociale, zoti Spahia, dhe si gjithmonë ka pasur kundërshti, ndërsa për dy çështjet e para të komisioneve hetimore, është përdorur dera e dhelpërës e dërgimit të tyre në seancë, gjoja është seanca që vendos, në fakt nuk është seanca, kur këtë e kërkon opozita, është mekanizëm që opozita ka të vetin.
Duhet ta disponojë dhe ushtrojë, ky komision, varësisht nga çështjet miratohet dhe nuk është kaq e domosdoshme që të ketë një pikëpyetje për t’u ngritur në një seancë, sepse atje futet pastaj në spiralen e objektit, objektit të shumëfishtë të mënyrës së parashtrimit, me qëllim që çështja të ndalohet, votohet kundër dhe ai komision mos miratohet dhe kjo është strategjia që po përdoret. Ndërkohë për mocionin nuk u kursyen fare, shprehen mosdakordësi të plotë, në një formë pak sa gjoja dhe mirëkuptuese, diabolike do thoja unë, me një hipokrizi lapidare, që mocioni të shndërrojë në interpelancë, interpelanca është diçka tjetër, mocioni është diçka tjetër, kërkohet nga një numër deputetësh, në rastin konkret nga shtatë deputetë, po dhe që duhet patjetër të realizohet, sepse e parashikon vetë rregullorja”,- u shpreh Boçi.
-
E bujshme! Bayern ndryshon skemën për të blerë yllin e Manchester United?
15 Tetor 2025
18:53
Telesport
Bayern duket se po ndjek një nga emrat më të bujshëm të futbollit europian, Bruno Fernandes.
Mediat angleze raportojnë se mesfushori mund të largohet nga Manchester United, nëse për të vjen një ofertë rreth 45 mln euro. Ai gëzon interesin e disa klubeve në Arabinë Saudite, por deri tani i ka refuzuar.
Duket sikur portugezi nuk do të kishte vend te Bayern, për shkak se në rolin e tij luan Musiala, por në fakt situata nuk është pikërisht kështu.
Leon Goretzka nuk pritet të marrë kontratë të re dhe nga klubi dhe në verë kontrata e tij ekzistuese skadon. Ndërkohë, Palhinha do të shitet përfundimisht te Tottenham.
Pra, në boshtin e skuadrës, në rolin e mesfushorit 8-sh, Bayern mund ta konsiderojë lojtarin e “Djajve të kuq”. Problemi kryesor? Paga e tij 20 mln euro në vit. -
“E kemi kthyer hierarkinë me kokë poshtë”, kryeprokurori Çela me tone kritike te ‘Ligjet’: Prokurorët s’kuptojnë rolin e tyre, Gjykata hedh ‘benzinë’…
Me tone kritike ka folur sot në Komisionin e Ligjeve Prokurori i Përgjithshëm Olsian Çela, në lidhje me draftin për Ndryshimet në Kodin Penal, duke u shprehur kundër, pasi sipas tij nuk është kjo nevoja urgjente, dhe se kodi aktual nuk ka problematika të mëdha, por se kërkon vetëm një risistemim.
Ai tha se problemi më i madh është kodi i procedurës penale dhe mënyra e zbatimit të tij.
“Mënyra e organizmit sot në Prokurori, decentralizimi ka krijuar keqkuptim në nivelin organizativ, dhe këto nuk i zgjidh dot ILD. Sot sistemi ka shumë nevoja, për rritjen e cilësisë së ligjeve që operojnë institucionet.
Ka raste kur prokurorët e shkallës së parë ankohen për vendimet e Apelit, kemi arrit në një ditë kur prokurorët vënë në diskutim vendimin e Apelit.
I drejtohen madje dhe ambasada me shkresa. Kjo është e pranueshme, kjo vjen se kemi krijuar një sistem ku prokurorët, sidomos të rinjtë nuk kuptojnë rolin dhe vendin e prokurorit”, tha Çela.
Më tej ai shtoi: Dhe për t’i hedhur benzinë zjarrit, kemi praktikën gjyqësore…. ju keni thirrur sot prokurorin e Përgjithshëm për të raportuar për atë që bëjnë prokuroritë, ndërkohë gjykata e lartë thotë prokurori i shkallë së parë mund të ushtrojë rekurs në GJK kur prokuroi i apelit ka hequr dorë nga apeli… ju zotëri më thoni sot sa çështje keni përfaqësuar në Gjykatën e Lartë? 38 çështje në Gjykatën e Lartë, numri më i lartë në 2023.
Është vendim i një trupe, jo unifikues, por kemi dy probleme, një gjykatë që i hyn organizimit kushtetues të institucionit, asgjëson rolin e Prokurorisë së Apelit dhe prokurori i përgjithshëm, e kemi kthyer hierarkinë me kokë poshtë. Prokurori s’mund të mbajë qëndrim mbi atë që ka vendosur prokuroria e shkallës së parë. Duhet të shkojë unë atje dhe të lexojnë çfarë ka thënë ai i shkallës së parë? Pse duhet të shkojë? S’kemi nevojë fare për prokuror! Këto janë probleme të keqkuptimit dhe organizmit, mund të jenë dhe kushtetuese. Sot kemi problem me kodin e procedurës penale, janë deri diku pjesë e problemit sa i përket ngarkesës dhe zvarritjes në proceset hetimore dhe gjyqësore. Janë çështje urgjente, nuk ka qenë kodi penal urgjencë asnjëherë.
Top Channel
-
Nina Muho: “La Traviata” e Verdit sfidë dhe emocion për dy mbrëmje rresht
Jeta mondane e Parisit të fundshekullit të 19-të, sallonet aristokrate, dashuria, mllefet dhe intrigat në historinë e Violettës dhe Alfredos, në operën “La Traviata” të kompozitorit italian Giuseppe Verdit. “La Traviata” këtë sezon artistik u shfaq në Teatrin Kombëtar të Operës dhe Baletit, ku në qendër të saj qëndron historia prekëse e Violettës, që sfidoi normat e kohës dhe guxoi të jetojë dashurinë e saj deri në fund. Në dy mbrëmje me radhë ky rol në skenë u interpretua nga sopranoja Nina Muho, duke përcjellë emocione te publiku. Në intervistën për gazetën “SOT” sopranoja e njohur Nina Muho flet për rolin me të cilin këtë herë u ngjit në skenën e Operës në Tiranë, por ndalet dhe tek aktiviteti i saj artistik në skenën ndërkombëtare.
Opera e Verdit me libret të Francesco Matia Piave, e bazuar në librin e Alexandre Duma “Zonja me kamelie” u shfaq në katër mbrëmje në TKOB, ku në datat 28 dhe 29 në skenë Nina Muho realizoi rolin e Violettës. Tek “La Traviata” ishte një tjetër performancë e saj që u vlerësua nga publiku, por sopranoja thotë se të interpretosh rolin Violetta Valery në këtë vepër është përgjegjësi shumë e madhe. Ajo performoi në këtë opera në Tiranë pas operës së Zagrebit tre vjet më parë dhe thotë se Violetta bën pjesë tek kryerolet për një soprano. Një sërë rolesh në veprat operistike janë interpretuar nga sopranoja Nina Muho, e cila tashmë ka ndërtuar një aktivitet të spikatur artistik, por siç tregon dhe vetë përgjatë kësaj interviste edhe vështirësitë nuk kanë munguar. Si soprano Nina Muho në vitin 2018 interpretoi për herë të parë rolin e Violettës në operën “La Traviata”, për të vijuar më pas me role si Mimi në “La Boheme”, Rosalinda në “Die Fledermaus”, Micaela në “Carmen”, Adina në “E’lisir Dámore”, etj.
-Në sezonin e ri artistik u ngjitët në skenën e Teatrit Kombëtar të Operës dhe Baletit me rolin Violetta Valery në operën “La Traviata”, një kryevepër e kompozitorit italian Giuseppe Verdi. Ju këtë rol e keni interpretuar edhe më parë, çfarë ju ka falur në skenën operistike?
Të interpretosh operën “La Traviata” në rolin e Violetta Valerý është përgjegjësi shumë e madhe. Ajo që më ka falur përherë kjo vepër janë duartrokitjet dhe dashuria e publikut, sepse në këtë vepër mishërohen emocione të thella njerëzore të shkruara me mjeshtëri nga kompozitori Giuseppe Verdi. Emocione që publiku mezi pret të na shohë sërish me këtë vepër, ndoshta dhe vepra më popullore e repertorit operistik botëror. Por performanca jonë do të ishte e cunguar nëse nuk do të kishte një produksion kryevepër si ky i Hugo de Ana.
Bën pjesë tek kryerolet për një soprano, e cila kërkon tre ngjyra vokali, në aktin e parë soprano leggero, në aktin e dytë soprano lirike dhe akti i tretë kërkon fuqi shprehëse dramatike të përshtatur në vokal, por edhe në interpretimin aktorial. Përshtatshmëria e vokalit tim për këtë vepër ka bërë të mundur që të më kërkojnë për ta interpretuar edhe në skena internacionale. Këtë herë, ajo që solla ndryshe ishte e gjithë eksperienca e interpretimeve të mia e mishëruar në skenë. Siguria skenike dhe profesionalizmi i lartë i dirigjentit Francesco Ommassini, asistent regjisor Luca Barachini, tenorët në rolin e Alfredos- Oreste Cosimo dhe Mario Rojas, baritonët në rolin e Giorgio Germont- Solen Alla dhe Armando Likaj më kanë ndihmuar që niveli i interpretimit të shfaqjes të ishte i një niveli të lartë dhe kjo u reflektua nga duartrokitjet me ovacione të publikut.
-Opera “La Traviata” e Verdit është vënë në shumë skena të botës dhe është mirëpritur, çfarë përfaqëson për ju si soprano në veprat operistike?
Për mua përfaqëson “Mundësinë që më hapi dyert për të qenë në skenë”. Mua mu bë një telefonatë për këtë vepër nga Teatri Kombëtar i Operës dhe Baletit për të zëvendësuar një kolege, që ishte e sëmurë dhe më duhet të dilja në skenë pa prova. Nga ai moment m’u dha mundësia e mohuar prej vitesh për të qenë soliste në vendin tim. Ndërsa në veprat operistike vazhdon të jetë vepra ime e preferuar edhe pse gjithmonë sfiduese për kërkesat që ka në vetvete teknikisht!-Ju jeni soprano e Teatrit Kombëtar të Operës dhe Baletit dhe këtë rol e keni interpretuar dhe në skena të tjera. Çfarë mund të na thoni më shumë mbi veprën këtë herë si produksion i TKOB nën regjinë e Hugo de Ana, ajo që solli ndryshe?
Ky është produksioni i nëntë i kësaj opere që vjen në Teatrin Kombëtar të Operës dhe Baletit në gjithë historinë e tij, ku për herë të parë rolin e Violetta Valery e ka performuar Marie Kraja. Mund të them se është produksioni më i bukur që mund të ketë ardhur në TKOB. Jam e lumtur që performova në Tiranë me të njëjtin produksion, pasi e kam performuar në operën Zagrebit 3 vjet më parë.
-Ju këtë rol e interpretuat dy mbrëmje me radhë në skenën e TKOB. Përballë ngarkesës që ka realizimi i këtij personazhi, sa është kjo e vështirë për një soprano?
Ky rol ka vështirësi të madhe teknike dhe intensiteti gjatë gjithë veprës nga fillimi deri në fund. Personazhi i Violettës është gjithë kohën në skenë me momente të vogla pushimi. Më ka ndodhur për herë të parë në Teatrin Giuseppe Verdi – Trieste të performoj dy shfaqje rresht, pasi kolegia u sëmurë dhe mund të them që ka vështirësi shumë të madhe. Gjithashtu këtë herë m’u desh të performoj sërish dy shfaqje rresht dhe jam e lumtur që përfunduan me sukses. Duartrokitjet e publikut, është gjithmonë ai që më jep forcë për të vazhduar, sakrifikuar dhe për t’ia dalë edhe në momente lodhjeje.
-Ju sot jeni një nga zërat e vlerësuar të skenës operistike. Në vitin 2018 interpretuat për herë të parë rolin e Violettës në operën “La Traviata”, duke vijuar më pas me role si Mimi në “La Boheme”, Rosalinda në “Die Fledermaus”, Micaela në “Carmen”, Adina në “E’lisir Dámore”, etj. Kur hidhni vështrimin në fillimet tuaja e deri më sot, si ka qenë për ju ky rrugëtim artistik. Sa ka qenë e vështirë të ndërtosh një karrierë artistike për të arritur ku jeni sot, ku veç skenës shqiptare keni interpretime dhe në skenat e huaja?Vështirësitë janë të tejskajshme. Por jam e bindur se sa më e madhe ëndrra po aq të mëdha edhe sfidat. Kur e nisa rrugën e këtij profesioni të bukur, por dhe shumë mistik, kisha në valixhen e shpirtit vetëm një element, bindjen dhe forcën se unë do të bëhesha artiste e skenave të mëdha. Por nuk e dija se çfarë rruge dhe sakrificash më prisnin. Jam e lumtur që instikti im nuk më zhgënjeu dhe shumë shpejt do të merrja konfirmim të vlerave të mia nga skena të rëndësishme ndërkombëtare. Shqipëria është këpucë e vogël për potencialin që unë kërkoj të zhvilloj, por kam pranuar të duroj dhimbjen e këpucës për “dashurinë”, për familjen, gjuhën, traditën, tokën dhe gjithçka ka vendi im.
-Nga një vepër në tjetrën, cili është roli që do doje të riktheje sërish në skenë?
Opera “La Traviata” dhe “Don Pasquale” pasi janë e kundërta e njëra- tjetrës. Nuk preferoj vetëm vepra dramatike. Gjithashtu do të doja edhe operën “Don Carlo” ta performoja në Shqipëri, pasi e kam performuar në Taiwan me një produksion të operës Liege në teatrin e operës Kaohsiung National Opera for the Art’s. Shpesh herë më mungojnë operat komike.
-Përveç performancave në Teatrin Kombëtar të Operës dhe Baletit ju keni ushtruar aktivitetin edhe në skena ndërkombëtare si Teatro Giuseppe Verdi në Trieste, Masimo Bellini në Catania, Opera Maribor në Slloveni, Opera e Zagrebit, etj. Çfarë ju kanë sjellë këto bashkëpunime, si kanë ndikuar në aktivitetin artistik?
Profesionalizmi kryesisht në Itali është i një niveli shumë të lartë. Kam mësuar shumë nga këto eksperienca për mënyrën e komportimit dhe menaxhimit të skenës dhe deri tek marrëdhënia me koleget e trajtimi i veprës. Por kam shijuar edhe trajtimin që i bëhet artistit. Kjo është diçka shumë thelbësore që në Shqipëri nuk e kam patur.
-Pas “La Traviatës” në skenën e TKOB, çfarë mund të na thoni rreth aktivitetit tuaj artistik, si do të vijojë këtë sezon?
TKOB ka rritur shumë nivelin artistik të bashkëpunimeve. Në Shqipëri vijnë dirigjent, artist dhe produksione si ky i Traviatës të një niveli shumë të lartë, duke u krahasuar me më parë. Prandaj kam shpresë që ky standart i ri dhe cilësor së bashku me trupën tonë do ta çojë TKOB në nivele internacionale, ku Shqipëria mund të jetë atraksion edhe për këtë lloj arti elitar!
Intervistoi: Julia Vrapi -
Dy mbrëmje magjike të sopranos Nina Muho dhe “Traviata” që nuk rresht së na magjepsuri!
Teatri Kombëtar i Operës, Baletit dhe Ansamblit Popullor të Shqipërisë hapi sezonin operistik me një nga kryeveprat e kompozitorit Xhuzepe Verdi, “La Traviata” e cila këtë herë erdhi nën regjinë dhe kostumografinë e mjeshtrit italian, Hugo De Ana dhe mjeshtërinë muzikore të dirigjentit Francesco Ommassinit.
Në këtë produksion binte në sy edhe prania e solistëve që kishin udhëtuar nga jashtë për t´u bashkuar me artistët shqiptarë. “La Traviata” u ngjit në skenë për 4 netë me radhë nga data 26 shtator deri në 29 shtator 2025.
Biletat për të katërta netët ishin të gjitha të shitura.
Skenografia nga njëra anë dhe koncepti regjisorial i Luca Barachinit në anën tjetër e çoi publikun në Parisin e fundshekullit të 20-të.
Traviata është një nga operat më të interpretuara në botë, por edhe nëse ndonjëherë do të bëhej një sondazh mbi shfaqjen më të dashur nga publiku i gjerë, me siguri kjo operë do të qendronte në krye të parapëlqimeve. Opera kudo gjen suksesin që e ka shoqëruar dhe e shoqëron edhe sot.
Në mesin e adhuruesve të “La Traviatës” janë si spektatorët që vijnë me kërshërinë për të ndjekur produksionin, ashtu edhe ata që vijnë të shohin në skenë artistët e parapëlqyer.
Padyshim mes tyre janë edhe publiku meloman që nuk lë shfaqje pa ndjekur. Kur merr një biletë për të parë “La Traviatën” shumëkush pyet: “Cila është Violeta? “Po Alfredon kush e luan”?
Në katër mbrëmje të kësaj vjeshte në skenë u ngjitën tri soliste në rolin e Violetës.
Nata e pare e shumëpritur e këtij sezoni mori edhe më shumë vëmendje falë një incidenti në skenë që bëri që solistja të mos interpretonte edhe natën përmbyllëse të kësaj shfaqjeje. Por ndërsa jehona e një situate të paparashikueshme qarkullonte ende në media, artistët vijonin punën duke i dhuruar publikut netë të paharrueshme.
Pas sopranos Zuzana Marková që interpretoi në natën e dytë erdhi radha e solistes Nina Muho të dilte para publikut. Sopranoja e dashur për publikun u ngjit në skenë si një Violetë jo vetëm sic ishte programuar në datën 28 shtator por edhe në mbrëmjen pasuese si pasojë e një ndryshimi të detyruar nga kalendari i paracaktuar.
Në rolin e Alfredos si partnerë të Muhos u ngjitën në skenë tenorët Oreste Cosimo dhe Mario Rojas. Bashkë me protagonistët kryesorë në skenë në rolin e Giorgio Germontit u ngjitën baritoni Solen Alla dhe Armando Likaj, solist bariton i TKOBAP-së. Ndërsa njoftonte trupën interpretuese vetë Teatri e cilësonte sopranon Nina Muho, “si një zë dhe interpretuese bindëse për një repertor të gjerë operistik”.
Trupa e produksionit që erdhi në Shqipëri ishte po ai produksion ku sopranoja Muho kishte bashkëpunuar si soliste në Operën Kombëtare të Zagrebit me po te njejtin rol.
Me ndjesinë që të jep ngrohtësia e një bashkëpunimi të suksesshëm sopranoja Muho shprehej: “Jam e lumtur që e interpretoj këtë produksion në shtëpinë time në TKOB” ndërsa vijonte se për herë të parë këtë produksion e ka interpretuar në Zagreb.
Nina Muho e ka interpretuar rolin e Violetës thuajse 17 herë, nga të cilat disa herë në TKOB dhe shumë herë në skena ndërkombëtare si në Operën e Kaljarit, në Teatrin “Xhuzepe Verdi” të Triestes, në Operën e Mariborit në Slloveni, në Operën Kombëtare të Zagrebit etj.
Ajo ka interpretuar edhe natën e ndërrimit të viteve kur me trupën e Teatrit ‘Verdi’ të Triestes interpretonte pikërisht Violeta Valerinë dhe ‘La Traviatën’. Këtë shfaqje pati mundësinë ta ndiqte edhe publiku i gjerë falë transmetimit të drejtpërdrejtë përmes ekranit televiziv italian.
Këtë vit në Tiranë, për dy net rresht, gjatë dy shfaqjeve të ” La Traviatës” Violeta Valeri e Nina Muhos bëri të ëndërrojnë e të vuajnë bashkë me të dramën e dashurisë, ashtu si në Parisin e largët, një publik i tërë, që nuk rreshti së duartrokituri me zjarr e së brohorituri zëshëm. Dirigjenti Ommassini thote se ajo posedon nje instrument të pasur, të perdorshem për repertor te gjerë dhe me kolorit të veçantë duke shtuar se në interpretimin e Violetës ajo ka treguar përgatitje, profesionalizem, personalitet, grint dhe pasion italian të cilin e ka vlerësuar shumë!
ObserverKult
-
Dekreti për zgjedhjet në Tiranë, nënkryetari i PD: Presidenti në rolin e noterit politik, historia do e mbajë mend këtë ditë
Nënkryetari i Partisë Demokratike, Agron Gjekmarkaj ka reaguar lidhur me dekretimin e zgjedhjeve për bashkinë e Tiranës.
Sipas Gjekmarkaj, Presidenti Begaj sot ka vepruar si ‘noter i maxhorancës’. Sipas tij “Tirana meriton më shumë se sa një farsë të orkestruar nga pushteti që kërkon të mbijetojë mbi rrënojat e shtetit ligjor.”
“Presidenti në rolin e noterit politik – Dekreti për Tiranën, një faqe e zezë në kronikën e kapjes së shtetit”
Tirana ka parë shumë dekada të trishta, por dekretimi i sotëm për zgjedhje të pjesshme pa një bazë kushtetuese të qartë është një akt që nuk i shërben demokracisë, por interesave të një njeriu të vetëm – Kryeministrit !
Presidenti Bajram Begaj sot ka zgjedhur të mos jetë simbol uniteti kombëtar, por noter i mazhorancës. Në vend që të garantojë funksionimin normal të institucioneve, ai ka përqafuar rolin e interpretuesit selektiv të dëshirave të Kryeministrit, duke e futur procesin zgjedhor në Tiranë në një labirint kushtetues pa dalje.
Akti i tij është një përkulje, jo ndaj ligjit, por ndaj frikës politike që ka kapluar qeverinë. Dekreti i sotëm nuk është produkt reflektimi institucional, por pasojë e një urdhri partiak të marrë në një zyrë ku mungon fryma republikane.
E përsëris: nuk mund të ketë zgjedhje të lira e të ndershme kur për dekretet vendoset me telefon, jo me kushtetutë. Tirana meriton më shumë se sa një farsë të orkestruar nga pushteti që kërkon të mbijetojë mbi rrënojat e shtetit ligjor.Bajram Begaj na e futi te gjithëve per tejkalim të fantazise!
Historia do ta mbajë mend këtë ditë jo për drejtësinë e saj, por për shkeljen brutale të çdo norme kushtetuese”.Top Channel
-
Roli ikonik! Al Pacino zbulon pse fillimisht e refuzoi rolin kryesor në ‘Dog Day Afternoon’
Roli kryesor në filmin “Dog Day Afternoon” të Sidney Lumet ishte një nga më ikonikët në karrierën e gjatë të Al Pacino -s. Por aktori fitues i çmimit Oscar zbuloi se fillimisht e kishte refuzuar.
Në filmin e vitit 1975, Pacino luan rolin e Sonny Warczyk, një të riu i cili, së bashku me Sal (John Cazale), përpiqen të grabisin një bankë në Bruklin për të siguruar para për operacionin e ndryshimit të seksit të partneres së tij transgjinore. Përpjekja shpejt shndërrohet në një situatë pengjesh.
Martin Bregman, i cili ishte menaxheri dhe producenti i Pacinos i filmit “Serpico” (1973) – një film që i siguroi Pacinos një nominim për çmimin Oscar për Aktorin më të Mirë – i ishte afruar atij në lidhje me filmin “Dog Day Afternoon”.
“Ai më tha se donte që unë ta bëja, dhe unë e kisha lexuar skenarin dhe mendova se ishte shkruar mirë, por nuk doja ta bëja”, tha aktori 85-vjeçar për Guardian. “Isha në Londër në atë kohë dhe po mendoja se po më mbaronte energjia. Nuk e dija nëse mund ta lexoja përsëri”, tha ai.
Pacino sapo kishte luajtur rolin e Michael Corleones në filmin “Kumbari II” (duke i dhënë atij nominimin e dytë për Oscar) dhe nuk ishte i sigurt nëse mund ta përballonte përsëri atë lloj intensiteti. “Më dukej se i njëjti intensitet dhe rijetimi i tij ishte shumë i ngjashëm me filmin “Kumbari II”, i cili ishte një përvojë intensive në shumë mënyra – jo aq shumë vetë vepra, por gjithçka që po ndodhte në jetën time personale që po më prekte”, shpjegoi ai.
Kështu që, fillimisht ai e refuzoi ofertën. “I thashë, në rregull, e kuptoj, është një ofertë e shkëlqyer dhe faleminderit, por nuk mendoj se mund ta bëj. Dua ta lë të shkojë. Edhe një herë, me armë në dorë, duke grabitur një bankë? Nuk dua ta përjetoj përsëri këtë “, kujtoi ai.
“Mendimi im i parë ishte, pse e refuzova? Ku e kisha mendjen?” rrëfeu ai. Kështu që vendosi ta merrte rolin. Filmi gjithashtu i dha atij mundësinë të luante përsëri përkrah mikut të tij John Cazale – Fredo nga “Kumbari”.
Edhe pse Pacino e pranoi rolin, ai shpjegoi se kishte vështirësi të futej në personazh: “Për ndonjë arsye, ndjeva sikur nuk e dija se cilin personazh po luaja. Kur pashë atë që kishim filmuar, po mendoja: Çfarë po bëj, ku jam unë, kush jam unë, ku po shkoj? ”
“Atë natë u ktheva në shtëpi, piva një litër verë të bardhë të cilën zakonisht nuk e pi dhe e kalova gjithë natën duke u përpjekur të gjeja personazhin tek unë, përmes skenarit. Të nesërmen, sigurisht, Lumet më shikonte sikur, ‘Çfarë ndodhi, Al?’ Kasti miqtë e mi thoshin sikur, ‘Mendoj se po shkatërrohet’”, përshkroi ai.
Por Pacino theksoi se kjo ishte pikërisht ajo që duhej për të luajtur rolin: “Mendoj se u bëra dikush tjetër. U bëra djali në film. Nuk e di deri më sot nëse po e gënjeja veten apo jo. Por e kalova dhe kjo më ndihmoi. Le ta themi kështu: e drejtë apo e gabuar, më ndihmoi. Kisha diçka personale me të cilën po punoja.” -
“Është bashkëshorti i Diellës”, deputeti i PD në “rolin” e shkuesit: Do i kërkojmë dorën
Deputeti i PD-së, Samir Korreshi ka marrë rolin e shkuesit në këtë seancë plenare. Ai u shfaq në hyrjen e Kuvendit me “pajë” për ministren Diella.
Ligjvënësi demokrat kishte me vete një njësi qendrore, ku deklaroi se është bashkëshorti i Diellës dhe një dhuratë për ministren, e cila përfshinte një katravec me bateri.
“Është burri i Diellës, bashkëshorti i Diellës. Do ti kërkojmë dorën”, tha ai me ironi.Sa i përket dhuratës, që e konsideroi si “pajë, Korreshi tha: “Është specifike për ‘Diellën’, bllok baterie kur ti ikin dritat, ta ketë, mos te vijë vërdallë rrotullamja”.
/vizionplus.tv