Lajmidites.com

Tag: robertson

  • U kualifikua në Botëror me Skocinë, kapiteni i Liverpool në lot: Jota më buzëqesh nga lart për këtë arritje

    U kualifikua në Botëror me Skocinë, kapiteni i Liverpool në lot: Jota më buzëqesh nga lart për këtë arritje

    19 Nëntor 2025

    11:46

    Telesport

    Kapiteni i Skocisë, Andy Robertson, pranoi se ishte “i shkatërruar” para fitores 4-2 ndaj Danimarkës, e cila siguroi kualifikimin në Kupën e Botës për herë të parë në 27 vjet. Lojtari i Liverpool u përlot nga emocionet duke menduar për ish-shokun e skuadrës Diogo Jota, i ndarë nga jeta këtë verë pas një aksidenti me makinë.
    “E kam fshehur mirë, por para ndeshjes kam qenë i shkatërruar. E di që në moshën që jam, ky mund të jetë shansi im i fundit për të luajtur në Kupën e Botës. Para dhe gjatë ndeshjes nuk munda ta hiqja nga mendja shokun tim Diogo Jota. Dikur kemi folur shumë për Kupën e Botës”, tha Robertson.
    “Kur nuk ishim të grumbulluar për shkak dëmtimesh gjithmonë diskutonim se si do të ishte të shkoja në Kupën e Botës. Tani që ia dola mbanë e ndjej se do të jetë diku duke buzëqeshur mbi mua për këtë kualifikim. Nuk munda ta hiqja nga mendja gjithë natën”, deklaroi skocezi.

  • Atletiko e Madridit synon Robertson të Liverpulit, e ka fiksim trajneri Diego Simeone

    Atletiko e Madridit synon Robertson të Liverpulit, e ka fiksim trajneri Diego Simeone

    Adriatik BALLA
    Atletiko e Madridit po monitoron ecurinë e Andrju Robertson, një prej pikave të forta të Liverpulit gjatë 10 vjetëve të fundit. Megjithëse u përpoq gjatë verës, klubi madrilen nuk e përjashton mundësinë për të tentuar sërish në muajt e ardhshëm. Skoci, kontrata e të cilit skadon për vetëm nëntë muaj, është kthyer në një objektiv që mbetet aktiv në zyrat e “Metropolitano”.
    Gjatë merkatos së verës së kaluar, Atletiko kaloi një ristrukturim të thellë me deri në tetë afrime. Megjithatë, jo të gjitha operacionet e dëshiruara patën sukses. Sipas “Football Insider”, ndër emrat më të spikatur që iu shpëtuan klubit ishte Robertson, i cili zbuloi gjatë një pushimi ndërkombëtar se kjo ishte vera e parë kur ai e mori seriozisht në konsideratë largimin nga “Anfield”. Mbrojtësi 30-vjeçar në fund vendosi të qëndronte në Angli. Me dy fëmijë të vegjël, vendimi i tij pati gjithashtu një faktor familjar. “Vendosëm të qëndronim në Liverpuool dhe nuk kam asnjë pendim,” tha skocezi. Megjithatë, fakti që kontrata e tij po shkon drejt fundit hap një skenar interesant për disa prej klubeve më të mëdha të Europës, dhe Atlético është i gatshëm të pozicionohet në vijën e parë kur të vijë momenti. Sa i përket janarit, klubi madrilen nuk duket se planifikon një ofensivë të menjëhershme. Prania e Mateo Ruxheri dhe Javi Galán në skuadër sjell njëfarë qetësie në krahun e majtë.
    Megjithatë, nëse lojtari nuk arrin një marrëveshje rinovimi, ekipi spanjoll mund të eksplorojë një para-kontratë për të siguruar ardhjen e tij falas në fund të sezonit. Nga ana angleze, qëndrimi është i qartë: Liverpul nuk dëshiron të ndahet me një lojtar që ka qenë thelbësor në epokën e Klop. Pavarësisht se Milos Kerkez ka ardhur për të rritur konkurrencën, drejtuesit e “Anfield” besojnë se Robertson ka ende shumë për të ofruar. Lidershipi i tij, përvoja në Premier League dhe siguria mbrojtëse e mbajnë ende si një aset të vlefshëm. Kështu, Atletiko mbetet i duruar, duke pritur që rrethanat të luajnë në favor të tyre. Me kalimin e javëve, dhe nëse nuk ka rinovim, Robertson do të jetë në gjendje të negociojë lirshëm me klubet e huaja, një mundësi që ekipi i Simeones nuk do ta humbasë. Një firmë që dukej e vështirë në verë, mund të kthehet në një realitet më të arritshëm në vitin 2025. Edhe pse lëvizja nuk do të realizohet në janar, ajo që është e qartë është se Robertson mbetet në agjendën e “Colchoneros”. Koha do të tregojë nëse skocezi, një nga mbrojtësit e majtë më të mirë në botë, do të përfundojë duke veshur fanellën e Atletikos.

  • Pas Alexander-Arnold, edhe ylli tjetër i Liverpool drejt transferimit në Madrid

    Pas Alexander-Arnold, edhe ylli tjetër i Liverpool drejt transferimit në Madrid

    14 Qershor 2025

    19:08

    Telesport

    Pasi dështoi të transferonte Theo Hernandez nga Milan, Atletico Madrid ka piketuar mbrojtësin e majtë që i duhet për sezonin e ri dhe ai është Andy Robertson i Liverpool.
    E ardhmja e skocezit te kampioni i Anglisë është e pasigurt, duke ditur se klubi i kuq thuajse ka arritur marrëveshjen me Bournemouth për transferimin e mbrojtësit të majtë, Milos Kerkez.
    Në këtë situatë, Robertson po vlerëson me kujdes interesin e treguar nga Atletico Madrid dhe nuk do ishte habi nëse do pranonte të transferohej te klubi madrilen. Robertson nuk pranon të jetë rezervë te Liverpool, ndaj nuk do i thoshte “jo” një aventure të re, aq më tepër kur e kërkon një ekip prestigjoz si Atletico Madrid.
    Në këtë mënyrë, ai do t’i bashkohej kështu dhe ish-shokut të tij te Liverpool, Alexander-Arnold, i cili u transferua si lojtar i lirë në Madrid, por te rivali i Atletico-s, Real Madrid. Diego Simeone e vlerëson shumë mbrojtësin skocez dhe në ditët në vijim pritet një ofertë zyrtare e Atletico-s për anësorin 31-vjeçar.

  • Robertson: Nuk do të “flemë mbi dafina” si kampionë, premtoj maksimumin edhe sezonin e ri

    Robertson: Nuk do të “flemë mbi dafina” si kampionë, premtoj maksimumin edhe sezonin e ri

    Mbrojtësi i Liverpool-it, Andy Robertson, ka folur për “Sky Sports UK” rreth pritshmërive për sezonin e ardhshëm: “Ne që kemi qenë aty prej kohësh, unë, Virgil van Dijk, Mo Salah dhe Alisson Becker. Jemi mësuar me atë lloj presioni pas titullit të fundit kampion dhe e ndjejmë.
    Për shumë nga djemtë, tani që kanë fituar, dhe për ata që po vijnë, do të jetë hera e parë që do ta ndjejnë një gjë të tillë. Nuk e di si na shohin bast-vënësit, por besoj se do të jemi ndër favoritët, ose do të kemi pritshmëri më të larta krahasuar me fillimin e sezonit të kaluar.
    Kjo na përshtatej vitin e kaluar, mund të kalonim pak në heshtje dhe të niseshim mirë, por më pas, kur njerëzit na morën seriozisht, ishim ndoshta pak më përpara se ç’duhej. Kjo ishte e përkryer për ne sezonin e kaluar. Tani ka të tjera pritshmëri. Sezonin e kaluar ishim të parët, tifozët tanë ndoshta presin që ta bëjmë këtë çdo vit, pritshmëritë janë më të mëdha. Tani na takon neve t’i menaxhojmë ato.
    Mendoj se kemi mentalitetin e duhur për ta bërë. Edhe ekipet e tjera do të përmirësohen, ky është një kampionat jashtëzakonisht i vështirë. Do të shohim se deri ku do të arrijmë. Besojmë në këtë skuadër dhe te mentaliteti ynë. Nuk do të jemi të kënaqur me atë që kemi arritur, kjo është e sigurt. Do të përpiqemi të japim maksimumin sezonin e ardhshëm”.

  • “Ky titull do të thotë shumë për Liverpool, të gjithë arritëm të gjejmë ritmin e duhur me trajnerin e ri”

    “Ky titull do të thotë shumë për Liverpool, të gjithë arritëm të gjejmë ritmin e duhur me trajnerin e ri”

    2 Maj 2025

    9:44

    Telesport

    Liverpool arriti të sigurojë herët titullin kampion në Premier League dhe tashmë për “reds”, ndeshjet e mbetura të kampionatit janë një formalitet për t’u kryer.
    Një nga protagonistët e këtij sezoni është padyshim Andy Robertson: “Ky sukses do të thotë gjithçka për ne”.
    “Të gjithë kemi festuar shumë këto ditë, tifozët por edhe ne. Kanë qenë ditë të mrekullueshme, por puna vijon pasi sezoni nuk ka përfunduar ende”, tha Robertson.
    “Reds” do të luajnë të dielën ndaj Chelsea, që synon një vend në Champions. “Ne luajmë për fitore, pasi kampionati s’ka përfunduar pavarësisht se u shpallëm kampionë”, tha Robertson.
    Ai vlerësoi punën e trajnerit Arne Slot: “Ai tregoi aftësitë e tij. Slot dhe stafi i tij punuan shumë. Ishte thjesht çështje gjetja e ritmit dhe ia dolëm. Jemi të lumtur për të dhe për ne”.

  • Alexander-Arnold drejt Real Madridit? Kapiteni i kuq qetëson tifozët: Tani për tani mendon vetëm….

    Alexander-Arnold drejt Real Madridit? Kapiteni i kuq qetëson tifozët: Tani për tani mendon vetëm….

    Andy Robertson, mbrojtësi i Liverpool-it, ka qetësuar tifozët e “Reds” në lidhje me zërat që flasin për një të ardhme te Real Madridi të shokut të tij të skuadrës, Trent Alexander-Arnold, duke theksuar se lojtarët nuk ndikohet nga thashethemet dhe janë të përqendruar te objektivi për të fituar një tjetër titull të Premier League.
    Zërat për një transferim të mundshëm të Alexander-Arnold në “Bernabeu” janë shtuar kohët e fundit, ndërsa kontratat e Mohamed Salah dhe Virgil van Dijk, gjithashtu, po iu afrohen fundit. Pavarësisht kësaj, Robertson ka nënvizuar se Trent ka vetëm një mendim në kokë për momentin: rikuperimin nga dëmtimi që e ka mbajtur jashtë fushës.
    “Trent po vuan për shkak të dëmtimit, e urren të qëndrojë jashtë fushave. Askush nga ne nuk e pëlqen të jetë i dëmtuar, por për të është edhe më e vështirë. Ky është i vetmi objektiv që ka tani, të rikuperohet”, – shpjegoi kapiteni i Liverpool-it.
    Robertson pranoi se skuadra e Arne Slot është e vetëdijshme për zërat e merkatos, por theksoi se prioriteti është rikthimi i Alexander-Arnold në fushë: “Do të shohim çfarë do të ndodhë, por tani për tani duam vetëm që Trent të kthehet sa më shpejt në formë”.
    Sa i përket garës për titullin, Robertson shtoi: “Jemi të përqendruar te ndeshja e radhës dhe te 3 pikët, pa menduar shumë për zërat që vijnë nga jashtë”.