PSG bëri një rikthim mahnitës nga 0-2 në 2-2, e më pas duke mposhtur Tottenhamin me penallti për të fituar Superkupën e Evropës.
Që në fillim, Spurs u përpoqën të kërcënonin ekipin francez. Nënshkrimet e reja të londinezëve lanë menjëherë gjurmën e tyre, si Kudus ashtu edhe Palhinha që u përpoqën të kërcënonin portën e Chevalier. Në minutën e 39-të, ish-lojtari portugez i Bayern Munich ishte pranë kalimit të epërsisë, por portieri i ri parisien e ngriti topin në traversë. Megjithatë, van de Ven ishte i pari që arriti te topi i lirë dhe shënoi me një vrapim të vetëm nga një portë e zbrazët për ta bërë rezultatin 1-0.
Të besuarit e Luis Enriques nuk arritën të reagonin, me të dyja ekipet që u kthyen në dhomat e zhveshjes pa surpriza të mëtejshme. Në fillim të pjesës së dytë, anglezët goditën përsëri, pasi krosi i Pedro Porro çoi në goditjen me kokë të Romeros, e cila përfundoi në cepin e poshtëm, pjesërisht falë një zhytjeje të ngathët nga Chevalier.
Në gjysmën e dytë, falë pjesërisht zëvendësimeve, Parisi u përpoq të rigjallëronte vrullin. Dembele e mbajti ekipin mbi supe, por ishte goditja kirurgjikale me të majtën e Kang-in Lee që e rihapi ndeshjen në minutën e 85-të. Goli që barazoi rezultatin erdhi praktikisht në minutën e 94-të të shtesës, me Gonçalo Ramos që shënoi me kokë pas krosit të Dembele, duke çuar ekipin e tij drejt penalltive.
Vitinha ishte i pari që humbi, por Chevalier e rregulloi gabimin e shokut të ekipit duke hipnotizuar van de Ven dhe duke mbajtur baraspeshën në penallti.
Gabimi i Tel rezultoi vendimtar, duke e dërguar ish-portierin e Lille në anën e gabuar, por duke e çuar topin jashtë. PSG ngre kështu Superkupën në qiell dhe Tottenham humbet në limite një trofe të dytë radhazi.
Tag: rikthim
-
Superkampionët e Europës, PSG triumfon me një rikthim mahnitës ndaj Tottenham
-
Rikthim në FILAT (Çamëria) në Greqi. Si ruhet ende shqipja?(Video)
InForCulture është faqja juaj e internetit që ju sjell më afër Kulturës,Historisë dhe Artit.Kjo faqe poashtu i`u ofron informacione të sakta e kuriozitete rreth fushave të ndryshme nga rajoni dhe bota.
Na kontaktoni: in.forculture.ks@gmail.com ose +383 49 584 011
-
Rikthim në skenë mes sfidave shëndetësore, Egli Tako zbulon problemet me zërin
Pas zhurmës që shkaktuan performancat e saj të fundit me këngë patriotike, Egli Tako është rikthyer sërish në skenë, këtë herë në një koncert të mbajtur në Drenicë, ku interpretoi këngën “A vritet pafajësia”.
Përmes një postimi në rrjetet sociale, këngëtarja ndau edhe një mesazh personal, duke sqaruar se prej tre muajsh është nën trajtim të vazhdueshëm për një dëmtim serioz në kordat vokale, i cili ka ndikuar ndjeshëm në zërin e saj dhe në performancat e fundit. -
Një rikthim, sqarues i Kryeministri Edi Rama, “Sy m’Sy” me qytetarët mbi çlirimin e hapësirave publike
Në një moment kur vendi është gjallëruar nga debati publik mbi aksionin për çlirimin e hapësirave publike, Kryeministri Edi Rama ka zgjedhur të rikthehet drejtpërdrejt përballë qytetarëve. Në orën 8:30 të mëngjesit të së hënës, ai do të mbajë një komunikim live, një ftesë për të gjithë ata që kanë pyetje, dyshime, rezerva apo thjesht kërkojnë sqarim mbi atë që po ndodh.
Ky rikthim nuk është thjesht një dalje rutinë. Ai vjen si një përpjekje për të shuar zërat që pyesin me ngulm: “Pse tani dhe jo më parë? Pse tani dhe jo më vonë?” Rama u është përgjigjur me një ton që mbart edhe sfidën edhe thirrjen për reflektim:
“Ca thonë pse tani e jo më parë? Ca pse tani e jo më vonë? Kurse unë them: pse jo nesër një SY M’SY? NESËR pra, që në mëngjes, live padyshim, KËTU ku tjetër?”
Në thelb, kjo është një ftesë për të parë më tej se momentin e ndërhyrjes dhe për të kuptuar procesin, arsyetimin dhe vendosmërinë pas këtij aksioni. Qeveria ka nisur prej javësh një seri ndërhyrjesh të thella për të çliruar hapësirat publike nga uzurpatorët që ndër vite i kanë kthyer sheshet, bregdetin dhe rrugicat në prona private të paligjshme. Tashmë, skenat e shembjes së ndërtimeve pa leje në brigjet e Jonit dhe Adriatikut, në qytetet bregdetare e në qendrat urbane, kanë shtrirë një hartë të re debati:Një pjesë e opinionit publik përshëndet veprimin e vonuar por të domosdoshëm, ndërsa të tjerë pyesin se pse këto ndërhyrje nuk u ndërmorën vite më parë, kur abuzimet po merrnin formë.
Pikërisht për të qartësuar këtë dilemë – për të shpjeguar pse koha e duhur është tani dhe pse ky hap nuk mund të shtyhej më – Kryeministri rikthehet në një formë komunikimi që ai e ka përdorur shpesh për të sfiduar hijet e dyshimeve: sy më sy, live, në hapësirën publike virtuale.
Ky takim i së hënës pritet të jetë më shumë se një deklaratë: ai është një shpalosje e vizionit dhe një përgjigje për të gjithë ata që kërkojnë shpjegime mbi një aksion që, përtej dinamikës politike, synon të rikthejë qytetin dhe bregdetin tek qytetari.Në fund të fundit, siç lë të kuptohet edhe vetë Rama, pyetja nuk është më pse tani, por pse jo tani? Dhe këtë përgjigje ai duket se e ruan për ta dhënë vetë, drejtpërdrejt, nesër në mëngjes.
Albert Vataj -
‘Rikthim në Krujën e rrënua me dashje!’/ Strazimiri: Më 11 maj, ngrehuni dhe bjeruni!!!
Kandidati për deputet i Partisë Demokratike, Gent Strazimiri, ka reaguar në rrjetet sociale lidhur me gjendjen e rëndë të Krujës, duke e cilësuar atë një rikthim në një qytet të rrënuar.
Ai kujton fushatën e tij elektorale të vitit 2013, kur së bashku me Kryetarin e Bashkisë Shkelzen Hoxha organizuan një ndeshje miqësore për të promovuar sportin, ndërsa sot denoncon mungesën e infrastrukturës dhe shkatërrimin e institucioneve të rëndësishme.
Strazimiri i bën thirrje qytetarëve që më 11 maj të ngrihen dhe të veprojnë për të ndryshuar këtë situatë tragjike.
Postimi:
Rikthim në Krujën e RRËNUAR ME DASHJE!
Si sot 12 vjet më parë, në 2013, isha përsëri në fushatë elektorale, përsëri në Krujë.
Sëbashku me Kryetarin e Bashkisë Shkelzen Hoxha dhe shumë miq e dashamirë të sportit dhe ekipit të “Kastriotit”, organizuam një ndeshje miqësore për të dhënë mesazhin se sporti është ushqim i shpirtit dhe i trupit.
Sot, KRUJA NUK KA MË STADIUM, që prej 2015!
Ashtu siç nuk ka Gjykatë, Prokurorti, zyrë Hipoteke, zyrë tatime e taksash etj….
Ish-Stadiumi i “Kastriotit” të Krujës, është një fushë plehrash ku kullosin qentë rrugaçë, e shkallët e tij i kanë mbuluar ferrat…
12 vjet SHKATËRIM i çdo gjëje të ndërtuar, me një urrejtje që as pushtuesi e as komunizmi nuk e ka demonstruar për Krujën…
Me 11 maj, NGREHUNI DHE BJERUNI!!!
#Voto_1
[❤️] SHQIPËRIA MADHËSHTORE [❤️]
-
Fero po i rikthehet jetës luksoze, ja detajet
Fero së fundmi ka paralajmëruar rikthimin e tij në muzikë.Ky rikthim u komentua shumë edhe nga artdashësit e tij dikur, pasi që Fero u largua nga muzika për motive fetare.
Ky rikthim po e bën Feron ta rikthej edhe jetën luksoze me makina të shtrenjta.
Së fundmi ai ndau një pozë nga Zvicrra, ku makina që është i ulur kap shifta të larta shkruan “Kosovarja”.Nga pasioni apo lakmia po e shkel premtimin e dhëne Fero? -
Berisha në Strasburg, Kraja: Është një rikthim për çlirimin e Shqipërinë nga droga dhe korrupsioni, për zgjedhjet e 11 majit…
I ftuar në edicionin e mesditës në Syri tv ka qene Akil Kraja, kandidat për deputet i Partisë Demokratike në Tiranë.
Ne bisedë me moderatorin Bled Markun ai ka komentuar situatën politike në vend dhe në mënyrë të veçantë ai ka shpjeguar agjendën e kreut demokrat Berisha dhe takimet me ndërkombëtarët.
Akil Kraja: Për publikun që na ndjek le të saktësojmë edhe një herë domethënien e kësaj vizite. Flasim edhe njëherë për Asamblenë Politike të Këshillit të Evropës e cila përmbledh lider politikë të zgjedhur nga parlamentet kombëtare, anembanë kontinentit evropian. Pra është një Asamble politike e cila në veçanti fokusohet për çështjet e të drejtave politike, të drejtave ekonomike, të drejtave sociale, demokracisë dhe të drejtat e njeriut. KE është institucioni që mbron dhe garanton vlerat e perëndimit të cilat janë të mishëruara në kartën e të drejtave të njeriut të Këshillit të Evropës. Ku sigurisht një nga ato është edhe një proces gjyqësor i drejtë, një proces demokratik i drejtë, një ekonomi e lirë, liria e shtypit dhe kështu me radhë. Flasim për një institucion garant të lirisë më themelore të asaj që përbëjnë identitetin tonë evropian.
Sali Berisha u ftua si lider i opozitës shqiptare. Një opozitë e cila është goditur politikisht me të tre liderët e saj, të dhunuar fizikisht, por ju e dini tashmë historinë e liderit Berisha për një vit i mbajtur në arrest shtëpia në mënyrë të padrejtë. Pra jemi në një realitet ku politika shqiptare po rrëshqet nga këto vlera themelore që garantojnë liritë politike për çdo forcë në këtë rast Partinë Demokratike dhe ku zgjedhësit evropianë ngrejnë më shqetësim këtë rrëshqitje diktatoriale në Shqipëri. Në ku erdhi edhe lajmi që në zgjedhjet e ardhshme, Asambleja politike e KE do të sjellë një delegacion të fuqishëm të thellë për të observuar këto rrëshqitje e abuzime me procesin zgjedhor ne Shqipëri.
Momenti i dytë. Sqaruam pra rëndësinë e këtij institucioni dhe kësaj vizite tejet të rëndësishme, jo thjesht simbolike. Vizita e Sali Berishës është në një vijueshmëri e cila filloi me konfirmimin final si lider i PD, vijoi me tre rezolutat e Partive Popullore Evropiane, të cilat mishërojnë vlerat demokratike të se djathtës dhe qendres së djathtë perëndimore. Vijoi me ftesën e para disa javëve në samitin e Ballkanit Perëndimor në Podgoricë, ku lideri Berisha ishte krah liderëve të tjerë të Ballkanit perëndimor. Dhe ja ku jemi sot në kryeqytetin e demokracisë evropiane që është Strasburgu. Aty ku është edhe Gjykata Evropiane e të drejtave të njeriut. Dhe aty ai vjen jo për betejën individuale por vjen si një fitimtar, si një rikthim. Madje po ta keni vënë re gjatë takimit me Presidentin e Asamblesë Politike te KE, ai i tha mirëserdhe zoti president….. Ai po shkon atje për Shqipërinë për zgjedhjet e 11 majit dhe për një rikthim në arenën ndërkombëtare si një lider legjitim në një vend ku opozita goditet, në një vend ku mediat opozitare anatemohen. Është në vijueshmëri e kësaj beteje që e ka emrin Rithemelim….
Ky rikthim synon vetëm një gjë. Çlirimin e Shqipërisë nga korrupsioni….
-
E përflasin për një rikthim në Premier, Harry Kane reagon për të ardhmen
3 Prill 2025
11:23
Telesport
Sulmuesi anglez Harry Kane nuk ka ndërmend t’i thotë lamtumirë Bavarisë.
Një vit e gjysmë pas mbërritjes në Gjermani, “uragani” nuk ka absolutisht asnjë dëshirë për t’u rikthyer në Premier League. Kohët e fundit janë shtuar zërat për një rikthim në vendlindje.
“Kanë dalë histori që nuk kanë asnjë bazë të vërtetë”, tha sulmuesi anglez Harry Kane për mediat.
Më pas ai shtoi: “Jam 100% i fokusuar te Bayern dhe te sezoni që jemi duke zhvilluar. Nuk e di se nga vijnë këto fjalë për transferimin tim tek ekipet e Premier League”.
Kane ka shënuar 77 gola në 83 ndeshje zyrtare me Bayern Munich, klub me të cilin ka një kontratë deri në verën e vitit 2027.
-
Kurti uron Fitër Bajramin: Qoftë ky muaj rikthim te vlerat më të pastra njerëzore: dashuria, mëshira dhe solidariteti
Kryeministri Albin Kurti e ka uruar festën e Fitër Bajramit për të gjithë besimtarët myslimanë.
Ai ka thënë se ky muaj qoftë rikthim te vlerat më të pastra njerzëore.
“Gëzuar Fitër Bajrami për juve edhe familjet tuaja! Ju përcjellshin gjithmonë shëndeti, mirësia dhe begatia. Qoftë ky muaj rikthim te vlerat më të pastra njerëzore: dashuria, mëshira dhe solidariteti. Uroj që agjërimi i Ramazanit të jetë bërë ripërtëritje e trupit, kthjellim i mendjes dhe pastrim i shpirtit.”
