Lajmidites.com

Tag: rezultate

  • Horoskopi i ditës së nesërme, e enjte 22 Tetor 2025

    Horoskopi i ditës së nesërme, e enjte 22 Tetor 2025

    Dashi
    Do të ndjeni dëshirën për të eksploruar rrugë të reja dhe për të përballuar sfida të ndryshme. Hëna e favorshme nxit krijimtarinë dhe veprimet tuaja, veçanërisht në punë. Në dashuri, komunikimi i hapur do të forcojë lidhjen me partnerin, ndërsa dita ju kujton të kujdeseni për mirëqenien tuaj fizike dhe emocionale.
    DemiDo t’ju duhet qetësi dhe stabilitet për të përballuar çdo situatë. Planetët ju këshillojnë të përqendroheni te marrëdhëniet familjare dhe ato afektive. Në punë, durimi dhe këmbëngulja do të jenë vendimtarë për të kapërcyer çdo vështirësi. Në dashuri, gjestet e vogla dhe vëmendja ndaj partnerit do të sjellin harmoni dhe qetësi.
    Binjakët
    Do të jeni shumë aktivë dhe të gatshëm për të shfrytëzuar çdo mundësi që ju shfaqet. Ndërveprimet shoqërore do të përfitojnë nga komunikimi juaj i rrjedhshëm, ndërsa në punë mund të prezantoni ide të reja dhe kreative. Kini kujdes të mos e teproni me energjitë tuaja; menaxhimi i stresit do të jetë kyç për të ruajtur ekuilibrin dhe harmoninë.
    Gaforrja
    Do të ndjeni nevojën për reflektim dhe introspeksion. Yjet ju këshillojnë të planifikoni me kujdes veprimet e ardhshme. Në dashuri, vëmendja ndaj partnerit do të sjellë një kuptim më të thellë të ndjenjave, ndërsa në punë do të jetë e rëndësishme të konsolidoni strategjitë tuaja pa u nxituar.
    Luani
    Do të keni një ditë plot energji dhe stimuj pozitivë. Vitaliteti juaj do të vihet re dhe mund të sjellë njohje ose rezultate të rëndësishme në punë. Në dashuri, një gjest i papritur do të forcojë lidhjen me partnerin, ndërsa në punë do të jetë e rëndësishme të gjeni ekuilibrin midis entuziazmit dhe kujdesit për të arritur rezultate konkrete.
    Virgjëresha
    Duhet të përqendroheni te saktësia dhe organizimi. Yjet ju mbështesin në menaxhimin e detajeve praktike dhe të detyrave të punës. Në dashuri, sinqeriteti do të jetë i domosdoshëm për të shmangur keqkuptimet, ndërsa për mirëqenien fizike do të jetë e rëndësishme të ndiqni një rutinë të rregullt dhe ushqyerje të shëndetshme.
    Peshorja
    Do të jetë një ditë e karakterizuar nga stabiliteti, me mundësi për takime dhe bashkëpunime të frytshme. Në dashuri, do të jetë e rëndësishme të dëgjoni partnerin dhe të gjeni kompromise. Në punë, shtyrja e vendimeve të nxituara do të sjellë rezultate më të favorshme. Yjet këshillojnë të ruani një ekuilibër të mirë midis punës dhe kohës së lirë.
    Akrepi
    Do të mund të mbështeteni tek intuita dhe vendosmëria juaj. Yjet favorizojnë vendime të rëndësishme si në punë, ashtu edhe në dashuri. Do të jetë një moment i mirë për të sqaruar situata komplekse dhe për të forcuar marrëdhëniet e besimit. Kini kujdes të mos neglizhoni mirëqenien tuaj personale, veçanërisht stresin emocional.
    Shigjetari
    Do të inkurajoheni të kërkoni aventura dhe mundësi të reja. Yjet nxisin spontanitetin dhe kontaktet shoqërore. Në dashuri, sinqeriteti dhe lehtësia do të sjellin momente të lumtura, ndërsa në punë, idetë e freskëta dhe iniciativat e reja mund të vlerësohen shumë.
    Bricjapi
    Duhet të përqendroheni tek objektivat konkretë dhe të prekshëm. Yjet sugjerojnë të kombinoni disiplinën me kujdesin për emocionet. Në dashuri, stabiliteti dhe qëndrueshmëria do të jenë të domosdoshme, ndërsa në punë, këmbëngulja dhe përkushtimi do të sjellin rezultate të dukshme.
    Ujori
    Do të keni një ditë të mbushur me krijimtari dhe ide të reja. Yjet mbështesin iniciativa inovative dhe bashkëpunime frymëzuese. Në dashuri, kurioziteti dhe gatishmëria për eksperienca të reja do të sjellin momente pozitive. Në punë, do të jetë e rëndësishme të gjeni një ekuilibër midis entuziazmit dhe qasjes praktike.
    Peshqit
    Do të ndjeni një dëshirë të fortë për qetësi dhe harmoni të brendshme. Planetët sugjerojnë t’i kushtoni kohë vetes dhe marrëdhënieve më të rëndësishme. Në dashuri, aktet e vogla dhe të sinqerta do të forcojnë lidhjet, ndërsa në punë, intuita dhe ndjeshmëria do të jenë të vyera për të menaxhuar situata të ndërlikuara.

  • Testi që zbulon 50 tumore/ “Galleri” po zhvillohet në SHBA, rezultate të jashtëzakonshme tek 25 mijë persona

    Testi që zbulon 50 tumore/ “Galleri” po zhvillohet në SHBA, rezultate të jashtëzakonshme tek 25 mijë persona

    Një test i ri gjaku, që mund të zbulojë më shumë se 50 lloje kanceri, po shihet si një hap i madh drejt diagnostikimit më të hershëm të sëmundjes, sipas një studimi të zhvilluar në Amerikën e Veriut.

    Rezultatet e provës klinike tregojnë se testi ishte në gjendje të identifikonte një gamë të gjerë kanceresh – rreth 75% prej të cilave nuk kanë asnjë program ekzistues kontrolli apo depistimi.
    Mbi gjysmën e rasteve të zbuluara ishin në fazë të hershme, kur trajtimi është më i lehtë dhe mundësitë për shërim janë shumë më të mëdha. Testi, i quajtur Galleri, është zhvilluar nga kompania amerikane Grail dhe zbulon fragmente të ADN-së kancerogjene që shkëputen nga tumoret dhe qarkullojnë në gjak. Aktualisht ai po testohet edhe nga Shërbimi Shëndetësor Kombëtar i Britanisë.
    Në provën e zhvilluar me 25 mijë të rritur në SHBA dhe Kanada për një periudhë njëvjeçare, gati 1 në 100 persona mori rezultat pozitiv. Në 62% të rasteve këto u konfirmuan më vonë si kancer. Sipas drejtuesit të studimit, të dhënat tregojnë se testi mund të “ndryshojë rrënjësisht mënyrën si bëjmë kontrollin për kancerin”.
    Ai shtoi se testi mund të ndihmojë në zbulimin e shumë llojeve të kancerit “në fazat kur trajtimi ose edhe shërimi janë më të mundshëm.”
    Testi rezultoi gjithashtu shumë i saktë në përjashtimin e rasteve pa kancer, duke dhënë rezultate të sakta negative në mbi 99% të pjesëmarrësve. Kur u kombinua me kontrollet ekzistuese për gjirin, zorrën e trashë dhe qafën e mitrës, numri i përgjithshëm i kancereve të zbuluara u shtatëfishua.
    Veçanërisht, tre të katërtat e rasteve të zbuluara ishin të kancereve që nuk kanë programe depistimi, si ato të vezoreve, mëlçisë, stomakut, fshikëzës dhe pankreasit. Testi gjithashtu identifikoi me saktësi origjinën e kancerit në 9 nga 10 raste.
    Shkencëtarët e përfshirë në studim besojnë se këto rezultate janë shumë premtuese dhe se testi mund të luajë një rol të madh në diagnostikimin e hershëm të kancerit.
    Megjithatë, ekspertët që nuk kanë marrë pjesë në studim paralajmërojnë se nevojiten më shumë prova për të treguar nëse testi ul realisht vdekshmërinë nga kanceri.

    Top Channel

  • Pas 4 vitesh, SPAK merr në dorë dosjen e ish-ministres Xhaçka

    Pas 4 vitesh, SPAK merr në dorë dosjen e ish-ministres Xhaçka

    “Karriera e Altin Dumanit do të mbyllet me rezultate të larta”. Kështu u shpreh  gazetarja e emisionit “Oponencë” Anduena Llabanin e cila ka vlerësuar punën e kreut të SPAK, si një nga prokurorët që mund ta bëjë më mirë punën e kreut të Prokurorisë së Posaçme.
    Llabani tha se një ditë më parë kreu i SPAK konfirmoi se ka një hetim ndaj çështjes “McGonigal” për të cilën priten shumë letërporosi.
    “Besoj që zoti Dumani nuk do ta mbyllë karrierën e tij pa rezultate shumë të larta, pas dhe një llogaridhënie në Bruksel, do të shkojë me rezultate dhe më të larta.
    Gjatë raportimit në Komisionin Parlamentar të Ligjeve la të kuptojë se ka dosje të hapura dhe për deputetët prezent në seancë”, tha gazetarja Anduena Llabani e cila përmendi dhe zhvillimin më të fundit nga SPAK, dosja e ish-ministres së Mbrojtjes Olta Xhaçka,  ku pas 4 vitesh, SPAK do të ketë veprime konkrete.
     
     
    Sa i takon garës për kreun e ri të SPAK, gazetarja Anduena Llabani vlerësoi kandidaturën e prokurores Dolores Musabelliu por shtoi se kreu aktual Altin Dumani mbështet një tjetër kandidaturë atë të prokurorit të SPAK Klodian Braho.
    Lidhur me qëndrimin e ndërkombëtarëve ndaj SPAK, Llabani tha se vijon mbështetja e SHBA dhe BE-së ndaj Strukturës së Posaçme, por do të jetë SHBA që do të vendosin peshoren se nga do të anojnë.
    Sipas gazetares, në rastin e Dumanit, thuhet se ky I fundit është thirrur nga SHBA për tju komunikuar që duhet të garojë dhe do të shpallet fituesi.
    “E ardhmja e zotit Dumani nuk do të jetë në Shqipëri”, tha Llabani.
    E pyetur nga moderatorja Ina Qirjo për situatën në gjykata pas vrasjes së gjyqtarit të Apelit Astrit Kalaja, gazetarja Anduena Llabani se është nxitur një lloj urrejtje mes palëve që presin proceset e zvarritura gjyqësore dhe gjyqtarëve, teksa këta të fundit janë të frikësuar në kushtet ku ndjehen vulnerabë.
    Gazetarja Llabani e cilësoi kapitullim drejtësinë në Shqipëri dhe shkakun e sheh tek reforma në drejtësi dhe harta gjyqësore që sipas saj, ka shkaktuar kosto në public dhe në gjyqësor.
    Anduena Llabani: Doloreza Musabelliu ka një mbrojtje të posacme për shkak të detyrës.
    Klodian Braho prokuror në SPAK, Dumani është një nga mbështetësit e zotit Braho, është marrë me hetime të larta, për hetime të zyrtarëve për korrupsion, një prej tyre cështja e inceneratorëve.
    BE nuk ka ndërhyrë kurrë për kandidaturat
    SHBA do të vendosin peshoren se nga do të anojnë. Dumani është thirrur  2 ditë para garës dhe i është thënë se do të marrë pjesë në garë dhe do të fitojë. Ajo ca vihet re këtë vit është numri i pakët i prokurorëve në garë.
    Fakti që SPAK ekziston është për shkak të ndërkombëtarëve. Dhe fakti që sulmohet është për faj të politikës.
    Për dosjen “McGonigal” priten shumë letërporosi
    Nga SPAK kemi lajmin që kemi një cështje “McGonigal”, Dumani tha se po priten shumë letërporosi nga SHBA, që mesa duket është një instrument që e ka vënë në lëvizje SPAK, më mirë se Dumani s’mund ta bënte këtë detyrë. Eksperienca dhe puna e Dumanit na tregoi se deri ku mund të arrijë një prokuror.
    Besoj që zoti Dumani sdo ta mbyllë karrierën e tij pa rezultate shumë të larta, pas dhe një llogaridhënie në Bruksel, do të shkojë me rezultate dhe më të larta. E ardhmja e zotit Dumani nuk do të jetë në Shqipëri.
    Ka dosje në SPAK, sot pati një veprim të tij pas 4 vitesh e gjysëm hetime. Ka kërkuar që dosja ndaj ish-ministres së Mbrojtjes. Olta Xhaçkes të ketë veprime konkrete. Do të shohim nëse do të jetë ky vullnet i pasardhësit të zotit Dumani.
    Vrasja e gjyqtarit Astrit Kalaja, precedent I pandodhur më parë. Sot që flasim gjykatat janë në gjendje vulnerabël, ajo ngjarje e shëmtuar e rëndë, ka nxitur një lloj urrejtje që palët janë zvarritur. Se kush duhet t’i mbrojë gjyqtarët dhe pse u hoq policia nga gjykatat, faktet janë aty, ka emër autori. Ka kapitulluar drejtësia në Shqipëri. Reforma në drejtësi dhe harta e re gjyqësore e ka cuar në një pikë që vetëm humnera e vet, do të sjellë kosto nëpublik dhe në gjyqësor.

  • Ja mashtrimi i madh i Edi Ramës me “arsimin digjital”, shkollat shqiptare janë pa internet, pa laboratorë…

    Ja mashtrimi i madh i Edi Ramës me “arsimin digjital”, shkollat shqiptare janë pa internet, pa laboratorë…

    Kryeministri Edi Rama ndau lajmin së fundmi se Shqipëria është renditur me rezultate pozitive në testimin ndërkombëtar TALIS – Anketa Ndërkombëtare e Mësimdhënies dhe të Nxënit, ku marrin pjesë 55 vende të Organizatës për Bashkëpunim dhe Zhvillim Ekonomik (OECD).  “Erdha këtu me një kënaqësi të veçantë sepse është një lajm shumë i mirë për prindërit, që në një anketim ndërkombëtar për mësimdhënie dhe të nxënit mes 55 sistemeve arsimore në Europë dhe më gjerë, mësuesit tanë kanë dalë mirë. Kjo është merita e tyre, por edhe një pasqyrë e përpjekjes që kemi bërë së bashku për t’i mbështetur në vazhdimësi. Ndihem krenar për ju, për gjithë mësuesit e Shqipërisë, që në një anketim kaq sfidues kemi dalë me rezultate domethënëse e pozitive,” deklaroi Rama. Por si qëndron e vërteta e kësaj propagande të kryeministrit?
    Realiteti dramatik i arsimit
    Nuk ka asnjë bazë të besueshme që mësuesit shqiptarë të kenë përdorur inteligjencën artificiale në përqindje më të lartë se mësuesit në vendet më të zhvilluara të botës, si Austria, Norvegjia, Belgjika apo SHBA. TALIS nuk mat aftësitë reale, por vetëm perceptimet. Pyetësori bazohet në vetëraportimin e mësuesve dhe jo në testime konkrete, çka e bën procesin subjektiv dhe të ndikuar nga mënyra si udhëzohen mësuesit për ta plotësuar Realiteti në terren është i kundërt me propagandën. Arsimi digjital në Shqipëri ekziston vetëm në dokumente dhe deklarata, jo në praktikë. Një pjesë e madhe e institucioneve arsimore nuk kanë internet, laboratorë funksionalë apo pajisje kompjuterike të përdorshme. Lënda e Teknologjisë së Informacionit nuk zhvillohet realisht. Në shumë shkolla, sidomos në arsimin 9-vjeçar dhe të mesëm, kjo lëndë nuk mësohet; librat e TIK-ut shpesh dorëzohen të papërdorur në fund të vitit. Mësuesit e TIK-ut shpesh nuk janë të kualifikuar në fushën e teknologjisë. Lëndën e japin persona që kanë mbaruar degë të tjera, ose mësues që plotësojnë ngarkesën orare pa pasur formim profesional në këtë fushë. Përdorimi i teknologjisë shpesh kufizohet në celularë dhe WhatsApp. Në disa raste, ajo që quhet “përdorim i inteligjencës artificiale” në anketa mund të përfshijë mjete komunikimi të zakonshme dhe jo programe mësimore digjitale. Një pjesë e madhe e mësuesve kanë mungesë njohurish bazë teknologjike. Rreth 60% e mësuesve të ciklit të ulët nuk dinë të përdorin kompjuterin, madje edhe në shkollat e Tiranës. Ekziston një kontrast i madh mes vetëvlerësimit të mësuesve dhe rezultateve të nxënësve. Ndërsa mësuesit raportojnë nivele të larta kënaqësie dhe profesionalizmi, testet ndërkombëtare si PISA tregojnë rezultate shumë të ulëta për nxënësit shqiptarë në matematikë, shkencë dhe gjuhë. Sistemi arsimor shqiptar ndodhet në kolaps. Të dhënat tregojnë mungesë motivimi, mungesë drejtimi dhe përkeqësim në fusha si diskriminimi, bullizmi dhe dhuna në shkolla. Statistikat pozitive përdoren për propagandë. Raportimet e bukura në letër shërbejnë për të fshehur dështimet reale të sistemit dhe mungesën e investimeve në cilësinë e mësimdhënies.
    Skandali në universitetet
    Kriza nuk ndalet në arsimin parauniversitar – ajo ka përfshirë edhe arsimin e lartë.Në Universitetin e Elbasanit është zbuluar një rast që ngre dyshime serioze për abuzime sistemike. Raportimet tregojnë se persona të regjistruar si “studentë të vitit të parë” rezultojnë të jenë gra në moshë 50–60 vjeç, të cilat nuk dinin as emrin e degës ku figuronin të regjistruara dhe nuk kishin asnjë ide pse ishin përfshirë në listat e studentëve. Këto raste ngjallin dyshime për një skemë të qëllimshme me studentë fiktivë, të përdorur për të mbajtur programet studimore të hapura dhe për të justifikuar orët e punës së pedagogëve.
    Arsimi dhe shkenca shqiptare në prag të katastrofës
    Kujtojmë gjithashtu se gazeta “SOT” raportoi dhe nw njw artikull tw fundit se shkenca shqiptare po përjeton momentin më të errët të saj që nga themelimi i universiteteve moderne në vend. Një raport i detajuar i Institutit Konservator Shqiptar, me autore Lindita Komanin, zbardhi një realitet alarmant. Në raport thuhet se viti i ri akademik 2025-2026 ka nisur dhe drejtuesit dhe pedagogët e fakulteteve janë sërish në ankth mbi regjistrimet në degët që ofrojnë. Numri i studentëve përcakton fondet për universitetet dhe dobëson ose forcon autonominë e tyre. Veçanërisht të rrezikuara janë degët e shkencave të natyrës. Ky raport përmbledh gjendjen e fushave të shkencave natyrore, matematikës dhe statistikës në Shqipëri (ISCED F-05) dhe e krahason atë me vendet e rajonit dhe Bashkimin Europian. Ai kombinon dy tregues kyçë: 1) rënien e regjistrimeve të studentëve në këto fusha, 2) nivelin e investimeve publike dhe private në Kërkim & Zhvillim (R&D). Rënia e shkencës është treguesi i një realiteti tragjik. Kur mbyllen katedrat e fizikës, shoqëria ndalon së pyeturi për ligjet e natyrës. Kur zhduket matematika, venitet logjika. Kur braktiset kimia e biologjia, ndalon vetë procesi i transformimit në shoqëri po aq sa në laborator. Kjo që po ndodh në Shqipëri nuk është vetëm një krizë universitare, por një krizë e kuptimit. Heshtja e laboratorëve është heshtja e një shoqërie që ka harruar vlerën e shkencës dhe gjuhën e kërkimit shkencor.
    Krahasimi rajonal dhe pasojat
    Në krahasim me vendet e tjera të rajonit, Shqipëria renditet në fund për regjistrimet në shkenca dhe financimin e kërkimit. Serbia që përbën konkurrentin më të fortë për Shqipërinë në rajon, investon shumëfish më shumë në R&D dhe ruan programe të qëndrueshme në shkencat bazë. Mesatarja e BE-së është po ashtu shumëfish më e lartë. Ky hendek krijon një rreth vicioz: institucionet e dobësuara prodhojnë pak studentë, dhe mungesa e studentëve përdoret për të justifikuar më pak fonde. Rezultati është një peizazh shkencor që zbrazet çdo vit, një paaftësi për konkurrueshmëri në nivel ndërkombëtar dhe për inovacion në fusha që bazohen në zotërimin e njohurive kritike të shkencave të natyrës dhe matematikës.

  • Trajtimi i ri për artritin psoriatik tregon rezultate premtuese në një provë të hershme

    Trajtimi i ri për artritin psoriatik tregon rezultate premtuese në një provë të hershme

    Një trajtim i ri për një sëmundje inflamatore ligështuese që prek nyjet dhe lëkurën ka treguar rezultate premtuese të hershme në një provë klinike ndërkombëtare me mbi 200 pacientë në mbarë botën.

    Rezultatet e provës treguan se pacientët me artrit psoriatik që u trajtuan me një ilaç të ri të quajtur sonelokimab, një “nanotrup”, arritën përmirësime shumë më të mëdha në dhimbjet e nyjeve, ënjtje dhe simptomat e lëkurës krahasuar me pacientët që morën placebo.

    Të dhënat e studimit, të botuara në revistën Nature Medicine nga një grup ndërkombëtar ekspertësh të udhëhequr nga profesori Iain McInnes i Universitetit të Glasgow, treguan se më shumë se gjysma e pacientëve që morën sonelokimab patën një përmirësim të ndjeshëm të simptomave të nyjeve brenda 24 javësh, dhe shumë prej tyre panë që simptomat në lëkurë pothuajse u zhdukën plotësisht.

    Përfitime u vunë re edhe në një sërë treguesish dhe simptomash të sëmundjes, përfshirë cilësinë e jetës; dhe deri në 60% e pacientëve arritën objektivin kryesor të trajtimit, të quajtur “aktivitet minimal i sëmundjes”, pas 24 javësh. E rëndësishme është që ilaçi u tolerua mirë, me efekte anësore kryesisht të lehta.

    Artriti psoriatik (PsA) është një sëmundje kronike autoimune inflamatore që prek nyjet, lëkurën dhe tendinat. Ajo shkakton ngurtësi dhe ënjtje, duke e bërë lëvizjen të vështirë dhe të dhimbshme. Vlerësimet sugjerojnë se mbi një milion njerëz në Europë mund të vuajnë nga PsA, e cila ndikon rëndë në jetën e përditshme, ndërkohë që shumë pacientë nuk reagojnë mirë ndaj trajtimeve aktuale.

    Sonelokimab është një ilaç eksperimental me “nanotrupa” i zhvilluar nga kompania MoonLake Immunotherapeutics. Ai është i pari i këtij lloji që testohet për PsA dhe është krijuar për të bllokuar dy proteina kryesore (IL-17A dhe IL-17F) që shkaktojnë inflamacionin në këtë sëmundje. Nanotrupat janë antitrupa shumë të vegjël (rreth 3–4 herë më të vegjël se antitrupat e zakonshëm), dhe dizajni i tyre i vogël mund t’i ndihmojë të depërtojnë më mirë në indet e inflamuara se trajtimet tradicionale.

    Profesori Iain McInnes, zv/rektor dhe Drejtor i Kolegjit të Shkencave Mjekësore, Veterinare dhe të Jetës në Universitetin e Glasgow-t, tha: “Jam i kënaqur që udhëhoqa një ekip global për të ndihmuar në hartimin dhe interpretimin e rezultateve të këtij studimi të rëndësishëm. Duke parë rezultatet jashtëzakonisht premtuese, hapat e ardhshëm janë të testojmë më tej efektivitetin e sonelokimabit përmes provave më të mëdha në Europë dhe Amerikë.” / Medicalxpress – Syri.net

  • E PREMTE “E ZEZË”/ Gjithçka kthehet “përmbys” për këto tri shenja të horoskopit

    E PREMTE “E ZEZË”/ Gjithçka kthehet “përmbys” për këto tri shenja të horoskopit

    Horoskopi, e premte, 19 Shtator 2025
    Dashi
    Do të keni një ditë aktive dhe plot iniciativa. Yjet mbështesin projekte ambicioze dhe zgjedhje të guximshme në fushën e punës. Në dashuri, komunikimi i hapur dhe i sinqertë do të forcojë marrëdhëniet. Kujdesuni gjithashtu për energjinë tuaj, që të shmangni lodhjen dhe tensionet e panevojshme.
    Demi
    Do të përqendroheni te stabiliteti dhe lidhjet e rëndësishme. Yjet ju nxisin t’i kushtoni kohë familjes dhe miqve të ngushtë. Në punë, këmbëngulja dhe durimi do t’ju sjellin rezultate konkrete. Në dashuri, gjestet e thjeshta dhe praktike do të ndihmojnë në ndërtimin e besimit reciprok.
    Binjakët
    Do të keni mendje të kthjellët dhe të hapur ndaj mundësive të reja. Komunikimi do të jetë pika juaj më e fortë, si në marrëdhënie, ashtu edhe në punë. Mund të lindin mundësi interesante nga bashkëpunime apo takime të papritura. Yjet ju këshillojnë të gjeni pak kohë për pushim, që të shmangni stresin emocional.
    Gaforrja
    Do të ndieni nevojën për reflektim dhe organizim. Yjet ju nxisin të mendoni me kujdes për çdo zgjedhje që keni përpara. Në dashuri, dëgjimi i partnerit do të jetë vendimtar për të shmangur apo zgjidhur keqkuptime. Në punë, dita favorizon forcimin e projekteve tuaja.
    Luani
    Ju pret një ditë e gjallë dhe pozitive. Energjia dhe vendosmëria do t’ju mbështesin në iniciativa profesionale dhe krijuese. Në dashuri, gjestet e ëmbla dhe surprizat do ta forcojnë lidhjen. Në punë, është e rëndësishme të balanconi entuziazmin me kujdesin, për të arritur rezultate të prekshme.
    Virgjëresha
    Do të duhet të përqendroheni te detajet dhe planifikimi. Yjet ju mbështesin në menaxhimin e saktë të detyrave praktike. Në dashuri, sinqeriteti dhe qartësia do të ndihmojnë në shuarjen e tensioneve. Kujdesuni për mirëqenien fizike dhe mendore, që dita t’ju ecë sa më mbarë.
    Peshorja
    Ditën do ta shënoni me ekuilibër dhe harmoni. Yjet favorizojnë takime të këndshme dhe bashkëpunime të frytshme. Në dashuri, dëgjimi dhe kompromiset do të jenë çelësi i një marrëdhënieje të qetë. Në punë, shmangia e vendimeve të nxituara do t’ju sjellë përfitime dhe mundësi afatgjata.
    Akrepi
    Do të udhëhiqeni nga intuita dhe vendosmëria. Yjet ju këshillojnë t’i besoni instinkteve si në punë, ashtu edhe në vendime personale. Në dashuri, momentet e afërsisë dhe pasionit do të forcojnë lidhjet. Në punë, pengesat do të kapërcehen nëse tregoheni të duruar dhe strategjikë.
    Shigjetari
    E premtja do t’ju motivojë të kërkoni përvoja dhe stimuj të rinj. Yjet ju nxisin të jeni spontanë dhe të shoqëroheni me njerëz që pasurojnë botën tuaj. Në dashuri, një çështje duhet trajtuar me qetësi. Në punë, përfshihuni sa më shumë dhe do të vlerësoheni.
    Bricjapi
    Do të përqendroheni në objektiva praktikë dhe konkretë. Yjet ju sugjerojnë të bashkoni disiplinën me menaxhimin e emocioneve. Në dashuri, qëndrueshmëria dhe koherenca do të jenë thelbësore për të ruajtur qetësinë e lidhjes. Në punë, këmbëngulja do të shpërblehet me rezultate reale.
    Ujori
    Do të keni një ditë të mbushur me krijimtari dhe ide të reja. Yjet ju mbështesin në iniciativa origjinale dhe bashkëpunime interesante. Në dashuri, mendja e hapur dhe kureshtja do t’i bëjnë momentet e ndara me partnerin të veçanta. Në punë, gjeni ekuilibrin mes entuziazmit dhe realizmit për rezultate optimale.
    Peshqit
    Do të ndieni nevojën për qetësi dhe harmoni. Yjet ju këshillojnë të kaloni kohë me veten dhe me njerëzit që keni përzemër. Në dashuri, gjestet e thjeshta dhe të sinqerta do të forcojnë marrëdhëniet. Në punë, intuita dhe ndjeshmëria do t’ju ndihmojnë të kapërceni pengesa dhe t’i zgjidhni gjërat me maturi.

  • Hapja e grupkapitujve, Marie Bjerre: Ju po jepni rezultate! Shqipëria ka treguar se e sheh të ardhmen në BE

    Hapja e grupkapitujve, Marie Bjerre: Ju po jepni rezultate! Shqipëria ka treguar se e sheh të ardhmen në BE

    Ministrja e Çështjeve europiane, Marie Bjerre ka përgëzuar Shqipërinë për rezultatet e arrira në negociatatat me Bashkimin Europian. Në konferencën për shtyp, Bjerre saktëson se Shqipëria, ashtu si dhe vendet e tjera kandidate, do të kenë përkrahjen e presidencës daneze për realizimin e reformave. 
    “Konferenca e sotme dëshmoni se zgjerimi po ecën përpara dhe tregon se reforma të vërteta sjellin rezultate të vërteta. Shqipëria ka treguar se e sheh të ardhmen e saj në Europë, ju po jepni rezultate dhe meritoni që këto t’iu njihen. Ka ende shumë punë, por sot është një gur kilometrik dhe drejtimi është i qartë. 
    Danimarka do të bëjë çmos për të çuar përpara zgjerimin, mbetet thelbësore që vendet kandidate të bëjnë realizime të reformave dhe të përmbushjes së kritereve të Kopenhagë. Shqipëri vazhdoni më tej me punën e mirë”, tha Marie Bjerre. 
     

  • Miqësoret e U-21/ Maksuti & Fetai vlerësojnë Gjermaninë dhe Zvicrën: Luajmë për rezultate pozitive

    Miqësoret e U-21/ Maksuti & Fetai vlerësojnë Gjermaninë dhe Zvicrën: Luajmë për rezultate pozitive

    Shqipëria U-21 do të zhvillojë të premten e 5 shtatorit sfidën e parë miqësore të programuar ndaj Gjermanisë në “Elbasan Arena” në ora 18:00. Kuqezinjtë e drejtuar nga trajneri Alban Bushi kanë nisur përgatitjet zyrtare prej të hënës në “Shtëpinë e Futbollit”.
    Në kuadër të takimit të parë miqësor, por edhe ndeshjes së dytë ndaj Zvicrës, që do të luhet më 8 shtator në Aarau kanë folur për fshf.org sulmuesi Erald Maksuti dhe mesfushori Feta Fetai.

    Erald Maksuti, sulmuesi shqiptar i cili aktivizohet me ekipin e Flamurtarit në vendin tonë foli për fshf.org për dy sfidat e rëndësishme të Shpresave. Djaloshi shqiptar vlerësoi Gjermaninë dhe Zvicrën si dy kundërshtarë mjaft të fortë, por theksoi se kuqezinjtë do të futen në fushë për të marrë rezultate pozitive.
    Maksuti nënvizoi se objektivi i tij është të shënojë sa më shumë gola, ndërsa ka edhe një thirrje për tifozët shqiptarë.
    Ndeshjet kundër Gjermanisë dhe Zvicrës – E dimë që janë dy miqësore shumë të forta. Luajmë me nënkampionët e Europës dhe me një ekip të fortë si Zvicra. Janë ndeshje shumë të vështira në letër dhe si kundërshtarë, por ne do futemi të japim maksimumin tonë dhe shpresojmë të marrim rezultate pozitive. Objektivi im është që të bëj gola sa më shumë dhe të ndihmoj ekipin që të ecim.
    Atmosfera në prag të ndeshjeve – Atmosfera në ekip është shumë e mirë. Jemi një grup njihemi, pasi kemi bërë disa ndeshje së bashku. Janë shtuar disa lojtarë që janë shumë të mirë. Do futemi në fushë për rezultate pozitive.
    Thirrje për tifozët – I bëj thirrje tifozëve të jenë sa më të shumtë në numër, të na mbështesin dhe ne do japim maksimumin për çdo tifoz që do vijë në stadium” – tha Erald Maksuti për fshf.org.
    Mesfushori i talentuar, Feta Fetai, tha se dy ndeshjet miqësore ndaj Gjermanisë dhe Zvicrës janë shumë të forta, por nga ana tjetër një test i mirë në kuadër të përgatitjeve për Kampionatin Europian U-21 2027. Fetai foli gjithashtu edhe për gjendjen e skuadrës dhe ftoi tifozët në stadiumin “Elbasan Arena” për të mbështetur kuqezinjtë.
    Dy ndeshjet miqësore ndaj Gjermanisë dhe Zvicrës? – Kemi dy ndeshje shumë të mira dhe të forta për të treguar veten edhe për Europianin U-21 2027. Janë teste shumë të mira për ne, për ekipin dhe për të gjithë lojtarët.
    Gjendja e ekipit? – Kanë ardhur të gjithë. Kanë pasur ndeshje, po rikuperohemi dhe po përgatitemi për ndeshjen me Gjermaninë, pastaj për Zvicrën. Lojtarët janë të gjithë në formë. Janë përgatitur, kanë edhe minuta në këmbë. Shpresoj që të japim më të mirën në këto dy ndeshje.
    Thirrje për tifozët? – Shpresoj që të ketë sa më shumë tifozë që të na përkrahin në “Elbasan Arena” dhe t’i gëzojmë me një fitore.
    Gjendja e përfaqësueses shqiptare paraqitet mjaft e mirë, teksa ditën e sotme është programuar një tjetër seancë stërvitore nga stafi kuqezi. Skuadra do të mbyllë përgatitjet nesër dhe të premten do të luajë takimin e parë ndaj nënkampionëve të Europës. Hyrja në stadium do të jetë falas.

  • Projekti Rrënjët: Në 51 rezultate të reja të ADN-s, halpogrupi E-V13 ishte përsëri më i shpeshti..

    Projekti Rrënjët: Në 51 rezultate të reja të ADN-s, halpogrupi E-V13 ishte përsëri më i shpeshti..

    Në qershor, korrik dhe gusht, projekti u rrit me 51 rezultate. Haplogrupi E-V13 ishte përsëri më i shpeshti, me 18 rezultate, ndjekur kësaj rradhe nga J2b me 8, R1b (6), dhe I2a-Y3120 e J2a (5).

    Ndër rezultatet më interesante mund të përmendim:

    – Dy rezultate nga Skrapari dhe Fieri nën FGC57496 që rrisin ndjeshëm diversitetin shqiptar të kësaj dege.

    – Një familje ndër anasët e Hotit, nga fshati Bozhaj, i takon një linje të shpeshtë ndër shqiptare: E-V13>Y146086, por deri tani të pagjetur në Malësi. Me këtë rezultat, të gjitha familjet e njohura si anase në Hot tashmë janë të testuara (anas të tjerë bartin linjën E-V13>BY62310, kurse fisi kryesor J2b-L283>FT124983.

    – Një ndër familjet anase të Trieshit ka përputhje gjenetike me Hotin nën J2b-L283>FT124983 (fisi kryesor në Triesh është nën E-V13>BY165837). Ky është rasti i parë i prejardhjes së përbashkët mes këtyre dy fiseve që gojëdhëna i paraqet si vëllezër.

    – Një familje e fisit Berishë nga Shtimja ka zbuluar lidhje rreth 500 vjecare me vëllazëritë e Berishës së Kuqe në Drenicë. Ka mundësi që të dyja degët të kenë prani të vjetër në pjesën qendrore të Kosovës.

    – Një rezultat nga Dibra në degën J2b-L283>Y22894 lidhet me dy rezultate nga Bosnja e Greqia. Kjo linjë gjendet edhe në Rumani mes pasardhësve të familjes mbretërore të Basarabëve. Ndër shqiptare gjendet edhe një linjë tjetër e afërt në Kukës që ndoshta mund të jetë degëzim pak më i vjetër. Gjithsesi kjo mund të jetë një ndër linjat atërore që u përhapën nga një zonë ku paraardhësit e shqiptarëve ishin në kontakt me paraardhësit e vllehëve dhe rumunëve.

    – Një degë e rrallë e R1b-L51>U152 që gjendet në shumicën e fiseve në fshatin Fterrë të Labërisë lidhet në rreth 1500 vjet me dy rezultate nga Greqia (më të afërt mes tyre) dhe më larg, nga Epoka e Bronzit, me një linjë atërore në Italinë veriore.

    – Një numër i madh rezultatesh tashmë janë klasifikuar nën I2a-Y3120>Z17855, sidomos nga zona jugore dhe lindore të trojeve shqiptare ku kjo është qartësisht dega më e shpeshtë e Y3120. Larmia e tyre sugjeron se këto lidhen me mbërritjet e para sllave.

    – Disa rezultate nga Himara u takojnë disa degëve të ndryshme nën J2a-M410, por deri tani mbeten të gjitha pa lidhje të afërt me asnjë rezultat tjetër nga rajoni. Në Himarë dhe në fshatrat e bregut në përgjithësi shfaqen edhe linja të veçanta mes haplogrupeve të tjera në analiza që presim të përfundojnë brenda pak muajve.

    – Një rezultat nga zona e Filatit i takon linjës I2a-M223>Y199158, që qartësisht ishte pjesë e etnogjenezës arbërore. Ky është rezultati më jugor i kësaj dege ndër shqiptarë kurse diversiteti më i lartë deri tani gjendet mes Tiranës, Elbasanit dhe Librazhdit. Dimë se është gjetur edhe në Greqi, por duhet një rezultat me rezolucion të lartë nga Greqia për të kuptuar nëse zhvendosja për në Greqi lidhet drejtpërdrejtë me Shqipërinë e mesme, apo me një zonë më jugore, si Çamëria.

    Lista e plotë e rezultateve:

    Tiranë: E-V13

    Skrapar, Berat: E-V13>FGC44169>FGC57496

    Fier: E-V13>FGC44169>FGC57496>Y138054

    Sarandë, Vlorë: E-V13>CTS9320>Z25461>BY204029

    Berishë, Vushtrri, Mitrovicë: E-V13>FGC33625>Y93102

    Berishë, Drenas, Prishtinë: E-V13>FGC33625>Y93102

    Hot, Tuz: E-V13>FGC11450>Y146086>Y140828

    Tepelenë, Gjirokastër: E-V13>FGC11450>Y146086>Y140828

    Gjirokastër: E-V13>FGC11450>Y146086>Y140828

    Vlorë: E-V13>FGC11450>Y146086>Y140828>Y127731

    Vlorë: E-V13>L241>BY5500>A7065>BY5604>BY5607

    Gash, Skënderaj, Mitrovicë: E-V13>L241>BY5617>PH2180

    Berishë/Kuqe, Skënderaj, Mitrovicë: E-V13>L241>BY5617>PH2180

    Berishë, Shtime, Ferizaj: E-V13>L241>BY5617>PH2180>Y30588

    Thaç, Kaçanik, Ferizaj: E-V13>L241>BY5617>PH2180>Y30588

    Gash, Deçan, Gjakovë: E-V13>L241>BY5617>PH2180>Y230798

    Kukës: E-V13>L241>BY5617>PH2180>Y192194

    Shkodër: E-V13>L241>BY5617>PH2180>FT176420>FT232287

    Mat, Dibër: R1b-M269> PF7563>Z29758

    Vlorë: R1b-M269>L51>U152>L2>FGC38722>FT415660

    Gjirokastër: R1b-M269>BY611>Z2705>Y177765

    Dibër, Rajoni jugp.: R1b-M269>BY611>Z2705>Y32147

    Elbasan: R1b-M269>BY611>Z2705>Y32147>Y126039

    Thaç, Viti, Gjilan: R1b-M269>BY611>Z2705>Y32147>Y133365

    Vlorë: J2b-L283>Z638>Y21045>PH1751

    Librazhd, Elbasan: J2b-L283>Z638>Y21045>PH1751>Y290702

    Mat, Dibër: J2b-L283>Z638>Y21045>PH1751>Y67581

    Deçan, Gjakovë: J2b-L283>Z638>Y21045>PH1751>Y52453

    Triesh, Tuz: J2b-L283>Z638>Y21878>FT124983

    Hot, Malësi e Madhe, Shkodër: J2b-L283>Z638>Y21878>FT124983

    Shkodër: J2b-L283>Z638>Y21878>FT124983

    Dibër: J2b-L283>Z638>Z631>Z1043>Y22894

    Vlorë: I2a-P37>CTS595>L160>PF4422>PF4459

    Dollnen, Pellagoni: I2a-P37>Y3120>Z17855>FT173833

    Prizren: I2a-P37>Y3120>Z17855>Y12341

    Mat, Dibër: I2a-P37>Y3120>Z17855>Y12341

    Librazhd, Elbasan: I2a-P37>Y3120>Z17855>Y12341

    Shkodër: I2a-P37>Y3120>PH908

    Ulqin: I2a-M436>S2555>L38>BY14026

    Filat, Çamëri: I2a-M223>L701>S25733>PH2670>Y214083

    Pogradec, Korçë: I2a-M223>L801>Y3249>CTS6433

    Vlorë: J2a-M410>M67>Z1847>SK1337

    Vlorë: J2a-M410>L26>PF5087>FGC16096>Z40068

    Vlorë: J2a-M410>PF5160>L24>L25>Z387>Y197827

    Vlorë: J2a-M410>PF5160>L24>L25>Z387>Y197827

    Vlorë: J2a-M410>PF5160>L24>L25>Z387>L70>Y24651

    Kastrat, Ferizaj: R1a-M417>M458>L260>Y2905

    Mallakastër, Fier: R1a-M417>M458>L1029>YP417>BY30629

    Vlorë: J1-M267>P58>FGC12816>FT196614>Y126139

    Vlorë: J1-M267>P58>FGC12816>FT196614>Y126139

    Vlorë: T1a-M70>L131>CTS933>FGC47678>Y206597

  • Prejardhja gjenetike e vllehëve/arumunëve

    Prejardhja gjenetike e vllehëve/arumunëve

    Mes pakicave gjuhësore që kanë banuar në trojet shqiptare, vllehët (apo arumunët) kanë pasur pa dyshim përhapjen më të gjerë. Prejardhja gjenetike e vllehëve nuk është e rëndësishme vetëm për historinë e këtyre popujve, por edhe për historinë e Ballkanit në përgjithësi, dhe në veçanti për historinë e shqiptarëve.

    1. Hyrje

    Para rezultateve, pa u zgjatur, duhet përmendur se të dhëna gjuhësore sugjerojnë se paraardhësit e vllehëve dhe rumunëve banonin diku në Ballkanin qendror, mes vijës Jireçek dhe Danubit, deri rreth shek.10, kur paraardhësit e vllehëve u përhapën në disa drejtime (kryesisht drejt jugut), kurse paraardhësit e rumunëve lëvizën më vonë drejt veri-lindjes. Përkimet gjuhësore mes shqiptarëve, vllehëve dhe rumunëve janë kuptuar nga autorë të ndryshëm si pasoje ose e marrëdhënieve të ngushta mes këtyre grupeve në lashtësi ose mesjetë, ose e prejardhjes së tyre të përbashket nga një grup paleo-Ballkanik që u latinizua pjesërisht.

    Llogaritja e përqindjes së haplogrupeve mes vllehëve vështirësohet deri diku nga identifikimi i dyzuar ose i pasigurtë i disa familjeve, si në Shqipëri, edhe jashtë saj. Nga mbi 1500 anëtarë të projektit, 25 e njohin prejardhjen e tyre atërore vllahe në traditën familjare, tri familje të tjera e kanë jo të sigurtë, kurse një tjetër sipas traditës ka identitet vllaho-shqiptar. Këto katër familjet e fundit kanë rezultatet E-Y18556, I-FGC22045, J-Y226157 dhe R-FGC40202 dhe janë të përfshira në tabelën e mëposhtme. Çdokush që dëshiron të dije vetëm rezultatet e grupit të parë me 25 anëtare mjafton të heqë këto katër rezultate nga tabela.

    2. Prejardhja e largët

    Kampioni ka nevojë të zgjerohet por disa përfundime janë të dallueshme edhe me kaq rezultate. Së pari, pjesa dërrmuese e linjave atërore kanë prejardhje nga fiset e lashta të Ballkanit, ngjashëm me linjat shqiptare në përgjithësi. Edhe përqindja e linjave me prejardhje sllave është pak më e ulët por gjithsesi e përafërt (3/29, 10.3%). Aromuns map of Y-DNA resultsBie në sy mungesa e R1a-M417 që duhet rishikuar me më shumë rezultate. Kurse linjat I1-M253 me prejardhje gjermanike janë më të shpeshta se në përgjithësi në trojet shqiptare (5/29, 17.2%). Nëse ky dallim nuk do të zbehet me shtimin e rezultateve, ka mundësi që këto linja përfaqësojnë një kontriubt pak më të madh gjenetik te vllehët të fiseve gjermanike që u integruan në sistemin ushtarak romak. Pra, lidhur me prejardhjen e largët, dendësia e haplogrupeve tregon qartë se shumica e paraardhësve atërorë të vllehëve ishin në Ballkan që në lashtësi, kurse një pakicë u vendos në Antikitetin e vonë dhe Mesjetën e hershme.

    3. Përhapja mesjetare

    Nga 29 rezultate, 17 mund të klasifikohen me siguri në një nëndegë specifike që lejon llogaritjen e largësive gjenetike me të testuarit e tjerë, dhe që na mundësojnë disa përfundime edhe rreth Mesjetës. Në këto 17 rezultate kemi dy linja, J-Y297646 & E-FT17132, që lidhen me rezultate shqiptare përkatësisht nga Epoka e Bronzit dhe nga Antikiteti, tregues i lidhjeve të lashta mes paraardhësve të shqiptarëve dhe të vllehëve.

    Por pjesa kryesore kanë lidhje rreth 1000-1500 vjeçare me shqiptarë dhe me ballkanas të tjerë. Në këtë grup bëjnë pjesë linjat I-A480, I-FGC22045, J-Y226157, R-Y83965, R-Y264762 lidhen me rezultate shqiptare dhe të tjera ballkanike në rreth 1000-1500 vjet. Ky grup linjash ka si karakteristikë moshën 1000-1500 vjeçare dhe përhapjen e gjerë ballkanike që përfshin Shqipërinë, Bullgarinë, Greqinë, Serbinë dhe në disa raste Rumaninë, Maqedoninë e Veriut dhe Malin e Zi. Nga diversiteti dhe mosha, duket mjaft qartë se këto linja atërore u përhapën gjatë Mesjetës së hershme dhe të mesme nga një zonë e Ballkanit qendror (me gjasë Kosovë, Maqedoni veriore, Serbi juglindore). Duhet shtuar se edhe mes rumunëve gjenden disa linja atërore me moshë dhe diversitet të ngjashëm, gjë që sugjeron se ka pasur zhvendosje nga të njëjtat treva edhe drejt verilindjes, siç dëshmohet edhe historikisht. Pra, në këtë aspekt të dhënat gjenetike përputhen me ato gjuhësore që flasin për shpërndarje nga e njëjta zonë ose nga treva fqinje në Mesjetë.

    4. Shpërdarja e sotshme

    Lidhur me shpërndarjen e sotshme të vllehëve në Shqipëri, për shkak të natyrës lëvizëse të popullsisë, nuk është e lehtë të ndiqet me saktësi. Megjithatë, kemi tashmë dy linja atërore E-FT17132 dhe R-Y264762 me nga 3 familje me prejardhje vllahe. Njëra gjendet në Kavajë (sipas traditës me prejardhje nga Voskopoja), Korçë dhe Përmet, tjetra në Korçë (sipas traditës me prejardhje nga Frashëri), Përmet dhe Gjirokastër. Pra Shqipëria juglindore duket se ka qenë vendi nga janë shpërndarë një pjesë e mirë e familjeve vllahe, gjë që përputhet me të dhënat historike të njohura për zonën si dhe me traditën familjare të disa prej familjeve anëtare të projektit. Nevojiten edhe më shumë rezultate për të nxjerrë përfundime më të hollësishme, prandaj i bëjmë thirrje çdo të interesuari të kryejë një test Y-DNA dhe të anëtarësohet në Projektin Shqiptar të ADN-së “Rrënjët”.

    Artikulli në faqen tonë: https://rrenjet.com/vllehet/.