Lajmidites.com

Tag: rezervuar

  • Shqiptari rezervon dy fluturime njëkohësisht, por i humbet të dyja

    Shqiptari rezervon dy fluturime njëkohësisht, por i humbet të dyja

    Një burrë 27-vjeçar kishte rezervuar dy fluturime njëkohësisht, duket se për të fshehur planet e tij të vërteta të udhëtimit. Gjatë kontrollit të daljeve, policia kufitare vuri re se shqiptari nuk paraqiti vetëm një biletë për Shkup, por kishte rezervuar paralelisht edhe një fluturim Ryanair për Dublin.

    Kur punonjësit e Memingut në Gjermani e kontrolluan burrin, ata zbuluan në portofolin e tij dy karta identiteti të falsifikuara. Me këto dokumente, sipas të dhënave aktuale, ai planifikonte të udhëtonte në Irlandë si një qytetar i supozuar i BE-së.

    Hetuesit mendojnë se 27-vjeçari dëshironte të transferonte vendbanimin e tij në Irlandë duke përdorur këto identitete false. Fluturimi për Shkup, për të cilin ai paraqiti pasaportën e vërtetë, duket se ishte rezervuar vetëm për të krijuar alibi.

    Gjatë kontrollit, burri përfundimisht humbi të dy fluturimet nga Memmingu.

    Punonjësit konfiskuan dokumentet e falsifikuara dhe nisën një procedurë penale për falsifikim dokumentesh. Për më tepër, ata urdhëruan burrin që të largohej menjëherë nga Gjermania./Allgauer Zeitung

  • Turizmi i surprizave dhe i dyfishtë në Mal të Zi: Rezervon një vend, fle diku tjetër

    Turizmi i surprizave dhe i dyfishtë në Mal të Zi: Rezervon një vend, fle diku tjetër

    “Ky lloj turizmi mund të reklamohet si një lojë surprizash – rezervoni dhe pastaj hamendësoni se ku do të flini”.

    Kështu e përshkruan Milloshi nga Podgorica përvojën e tij me akomodimin në Zhablak – një qytet i vogël në veri të Malit të Zi.

    Por, në fakt, disa familje me të cilat bisedoi Radio Evropa e Lirë, kishin probleme këtë sezon, sepse akomodimi i rezervuar nuk ishte në dispozicion.

    Në vend të shtëpisë apo apartamentit të dakorduar, pronarët i kanë ridrejtuar në një objekt tjetër, gjë që, sipas tyre, ka qenë e papranueshme.

    Organizata Turistike në Zhablak thotë se është në dijeni të problemit dhe e justifikon atë me rezervimet e shumta.

    Përkundër kërkesës së Radios Evropa e Lirë për koment, Ministria e Turizmit në këtë vend nuk u përgjigj.

    Përndryshe, turizmi është sektori kryesor ekonomik në Mal të Zi dhe përbën rreth 30 për qind të prodhimit të brendshëm bruto.

    Zhablaku është qyteti më i vizituar në veri të Malit të Zi si në verë, ashtu edhe në dimër.

    Vitin e kaluar, atë e vizituan gati 24 mijë turistë.

    Në vend të shtëpisë së rezervuar, një zgjidhje tjetër

    Një çift nga Podgorica e rezervoi akomodimin në një vilë në Zhablak në muajin korrik.

    Reklamën e panë në Instagram. Kur morën konfirmimin se vila ishte e disponueshme në një kohë që u përshtatej, ata nuk kishin asnjë dilemë se ku t’i kalonin pushimet e gushtit, bashkë me tre fëmijët.

    Megjithatë, kur mbërritën në destinacion, pronarja u tha se nuk do të akomodoheshin në shtëpinë që kishin rezervuar.

    “Ne u përballëm me një fakt të kryer dhe nuk kishim zgjidhje tjetër, veçse ta pranonim. Akomodimi nuk ishte i keq, por isha e zemëruar”, rrëfen Zhana nga Podgorica për Radion Evropa e Lirë.

    Ajo thotë se pronari i ri u përpoq, po ashtu, t’u merrte më shumë para sesa duhej.

    “Çmimit që pronarja kishte vendosur për këtë akomodim, ai ia shtoi 20 euro në ditë, por ne e kundërshtuam këtë përpjekje të turpshme”, thotë ajo.

    Me situatë të ngjashme u përball edhe bashkëvendësi i saj, Milloshi.

    “Arritëm në akomodimin ku kishim qëndruar vitin e kaluar, por pronarja kërkoi falje dhe tha: ‘Nuk u kuptuam. Sapo ju dërgova lokacionin, sepse nuk jeni në këtë shtëpi, por te tezja ime, dy kilometra më larg’”, tregon Milloshi.

    Me dy fëmijë, në mbrëmje, ai thotë se nuk kishte shumë zgjedhje.

    “Ajo shtëpi ishte e bukur, por mënyra se si na pritën, ishte e papranueshme. Dhe ky nuk është një përjashtim – është praktikë”, sipas tij.

    Një bashkëbisedues i Radios Evropa e Lirë, që ka informacione për tregun në Mal të Zi, thotë se rastet e tilla nuk e habitin.

    “Rezervimet e dyfishta janë të zakonshme, sepse nikoqiri mund të gjejë një mysafir për më shumë ditë, ose për një çmim më të mirë, dhe ta zhvendosë tjetrin te fqinji”, thotë ai.

    Për të, kjo është pasojë e zhvillimit të pakontrolluar të turizmit dhe faktit se pothuajse kushdo që “ka një dhomë”, mund ta japë me qira.

    Problemi është i njohur për autoritetet

    Në Organizatën Turistike të Zhablakut thonë për Radion Evropa e Lirë se rastet e tilla janë shpesh rezultat i rezervimeve të tepërta.

    “Shumica e ofruesve të akomodimit e reklamojnë atë në platforma të shumëfishta. Nëse kalendarët nuk përditësohen rregullisht, ndodhin rezervime të dyfishta”, thotë Stojan Abazoviq, drejtor i Organizatës Turistike të Zhablakut.

    Ky problem, sipas tij, ekziston kudo në botë.

    Ai thotë se në një përqindje të caktuar rastesh, akomodimi alternativ është më i keq se ai i rezervuar – gjë që ndikon negativisht në përvojën e mysafirit.

    “Mysafirët kanë mundësi ta vlerësojnë mikpritësin dhe ky është një mekanizëm mbrojtës që duhet të shfrytëzohet”, thotë Abazoviq.

    Inspektorati turistik dhe Ministria e Turizmit nuk u përgjigjën pyetjeve të Radios Evropa e Lirë për këtë temë.

    Biznes i njëjtë edhe në bregdet

    Praktika nuk është “e rezervuar” vetëm në veriun e Malit të Zi.

    Edhe në Ulqin, siç pohon banorja e qytetit, Lina, është praktikë që kur akomodimi mbushet, turistët të ridrejtohen te fqinjët, me shpjegimin se ka ndodhur një gabim.

    “Përballë shtëpisë sime është një hostel që zakonisht pranon turistë të huaj. Kur mbushet, i dërgon kudo në afërsi, te kushdo që ka vend të lirë. Për ne kjo është si një ‘mirëdita’”, thotë Lina.

    Megjithatë, nga Organizata Turistike e Ulqinit thonë se nuk kanë marrë ankesa zyrtare për raste të tilla.

    “Një praktikë e tillë, nëse ndodh, nuk është në përputhje me rregullat e veprimtarisë turistike dhe mund të dëmtojë reputacionin e destinacionit dhe besimin e turistëve”, thonë nga kjo organizatë.

    Ata shtojnë se nuk kanë kompetenca inspektuese, por u sugjerojnë turistëve që të ankohen tek inspektorati përgjegjës dhe Ministria e Turizmit.

    Dëm për turistët dhe për destinacionin

    Branka Samarxhiq, nga Shoqata e Akomodimit Privat në Mal të Zi, konfirmon se fenomeni i ridrejtimit të turistëve pa paralajmërim, po bëhet gjithnjë e më i zakonshëm.

    “Është një praktikë e keqe që shkakton dëme. Më shpesh bëhet fjalë për akomodime të paregjistruara, që veprojnë jashtë ligjit dhe pa kontroll të cilësisë. Në këto raste, mysafirët nuk kanë mbrojtje dhe mikpritësit nuk mbajnë përgjegjësi”, thotë ajo.

    Sipas të dhënave qeveritare, 86 milionë euro humbasin çdo vit si pasojë e akomodimit të paregjistruar.

    Samarxhiq thotë se mikpritësit e regjistruar paguajnë taksa dhe janë të detyruar t’i zbatojnë kushtet e rezervimit.

    “Nëse lind një problem, gjetja e një zgjidhjeje të pranueshme për të dyja palët është e detyrueshme”, thotë Samarxhiq.

    Edhe hotelet

    Ridrejtimi i turistëve, megjithatë, nuk ndodh vetëm në akomodime private, por edhe në hotele luksoze.

    Këtë e konfirmon për Radion Evropa e Lirë Novaku nga një agjenci udhëtimesh.

    “Solla një grup, rregullova akomodimin në një hotel luksoz në Budvë. Pak para regjistrimit, na thanë se hoteli është i mbipopulluar dhe mysafirët i transferuan në hotelin tjetër. Në mes të sezonit nuk ke zgjidhje tjetër veçse të pranosh”, thotë ai, duke shtuar se turistët ishin të pakënaqur.

    “Kjo ndikon drejtpërdrejt në punën tonë, sepse klientët na kërkojnë kompensim, kështu që ne i kthejmë paratë”, thotë Novaku.

    Asnjë siguri për “akomodimin e egër”

    Kur rezervimet bëhen përmes platformave zyrtare, siç është Booking, ose faqja e internetit e hotelit, mysafirët kanë të drejtë të ankohen, të kërkojnë kompensim ose akomodim të ri.

    Në rast të rezervimit direkt me mikpritësin e paregjistruar, këto nuk mund të kërkohen.

    Booking, platforma më e njohur për rezervimin e akomodimeve i pyetur nëse ka pranuar ndonjë ankesë kundër kësaj praktike në Mal të Zi, por nuk mori përgjigje./REL

  • Greqi/ 55-vjeçari shqiptar gjendet i vdekur në një rezervuar ujërash të zeza

    Greqi/ 55-vjeçari shqiptar gjendet i vdekur në një rezervuar ujërash të zeza

    Një 55-vjeçar shqiptar u gjet i vdekur në Greqi, sot më 4 gusht. Ai ishte zhdukur që prej mëngjesit, por disa orë më vonë u gjet pa shenja jete në një rezervuar të ujërave të zeza në zonën Dafnes, Heraklion.
    Mediat greke raportojnë se trupi i tij u nxor nga ekipet e shpëtimit, të cilat kishin mbërritur në vendngjarje. Gjithashtu, mësohet se operacioni i pompimit të ujërave të zeza u zhvillua pas dyshimeve se një shtetas shqiptar kishte rënë në rezervuar.
    55-vjeçari ishte raportuar i zhdukur mëngjesin e sotëm, çka bëri që autoritetet të nisnin kërkime intensive në zonë. Shkaqet e sakta të vdekjes po hetohen, ndërsa pritet një ekspertizë mjeko-ligjore që të hedhë dritë mbi rrethanat e tragjedisë.
    Hetimet paraprake janë duke u zhvilluar nga autoritetet kompetente./tvklan.al
     

  • Alarmoi Greqinë! 55-vjeçari shqiptar gjendet i vdekur në një rezervuar ujërash të zeza

    Alarmoi Greqinë! 55-vjeçari shqiptar gjendet i vdekur në një rezervuar ujërash të zeza

    Një 55-vjeçar shqiptar u gjet i vdekur në Greqi, sot më 4 gusht. Ai ishte zhdukur që prej mëngjesit, por disa orë më vonë u gjet pa shenja jete në një rezervuar të ujërave të zeza në zonën Dafnes, Heraklion.
    Mediat greke raportojnë se trupi i tij u nxor nga ekipet e shpëtimit, të cilat kishin mbërritur në vendngjarje.
    Gjithashtu, mësohet se operacioni i pompimit të ujërave të zeza u zhvillua pas dyshimeve se një shtetas shqiptar kishte rënë në rezervuar.
    55-vjeçari ishte raportuar i zhdukur mëngjesin e sotëm, çka bëri që autoritetet të nisnin kërkime intensive në zonë.
    Shkaqet e sakta të vdekjes po hetohen, ndërsa pritet një ekspertizë mjeko-ligjore që të hedhë dritë mbi rrethanat e tragjedisë.
    Hetimet paraprake janë duke u zhvilluar nga autoritetet kompetente.

  • Sulmi i Ramës ndaj turizmit/ Familja nga Jemeni mbërrin për pushime në Theth pasi kishte rezervuar online, por në vend të hotelit gjen rrënoja

    Sulmi i Ramës ndaj turizmit/ Familja nga Jemeni mbërrin për pushime në Theth pasi kishte rezervuar online, por në vend të hotelit gjen rrënoja

    Një familje nga Jemeni ka mbërritur në Theth për të kaluar disa ditë pushimi në natyrën e mrekullueshme të Alpeve shqiptare, por në vend të mikpritjes, e ka pritur një shkatërrim. Një shkatërrim i porositur nga kryeministri i vendit në mes të sezonit turistik.

    Akomodimi që kishte rezervuar dhe paguar paraprakisht familja nga Jemeni ishte shembur nga Inspektorati Kombëtar i Mbrojtjes së Territorit (IKMT), në kuadër të ‘fushatës’ së ndërmarrë së fundmi nga qeveria “Rama” për prishjen e ndërtimeve pa leje.

    “Kam ardhur nga Jemeni për të pushuar me familjen time, por… Ku të shkoj unë tani? Kjo nuk është gjë e mirë për vendin tuaj”, tha turisti, i tronditur nga ajo që e priti në vend të pritjes turistike.

    Ndërtesa ishte pjesë e një liste objektesh të cilat, sipas pretendimit të qeverisë, janë ndërtuar pa leje në zonat e mbrojtura ose jashtë kritereve ligjore. Megjithatë, banorët vendas dhe operatorë turistikë e quajnë këtë fushatë “absurde” dhe të dëmshme për komunitetin dhe ekonominë lokale, që jeton kryesisht nga turizmi veror.

    Rasti i turistit nga Jemeni ka nxjerrë në pah kaosin informativ dhe mungesën e koordinimit: objekti figuron ende aktiv në platformat ndërkombëtare të rezervimeve, ndërsa në realitet është vetëm një grumbull rrënojash.

  • “Qante i shkreti, lutej”, anëtari i bandës së Laert Haxhiut tregon detaje të rënda nga vrasja e Fridman Xhaferrajt: E lidhëm me gurë që të fundoste në rezervuar

    “Qante i shkreti, lutej”, anëtari i bandës së Laert Haxhiut tregon detaje të rënda nga vrasja e Fridman Xhaferrajt: E lidhëm me gurë që të fundoste në rezervuar

    Artan Tafani ka rrëfyer detaje tronditëse në sallën e gjyqit ditën e sotme. I penduari i drejtësisë, pjesë e bandës së Laert Haxhiut ka dëshmuar për herë të parë në GJKKO për një sërë krimesh, ndër to edhe vrasjen e Fridman Xhaferrajt.

    Tafani ka rrëfyer detaje tronditëse nga vrasja e të riut, i cili pasi u vra u hodh në një rezervuar.
    Tafani: Ligori mori në telefon Laertin dhe i tha se Klisman Xhaferri kishte folur në celular me dikë për punë malli. Menjëherë, sapo ishim në hotel, na tha Laerti: “Çohuni, do ikim në Korçë ta vrasim.

    Pas arritën në Korçë, Tafani rrëfen se e morën Fridmanin në makinë me pretendimin se do të paketonin hashash, ndërkohë që qëllimi ishte vrasja e tij. Sipas dëshmisë, Xhaferraj lutej dhe qante për falje, por pavarësisht kësaj, i riu u dhunua dhe u vra në mënyrë makabre.
    Tafani: Në makinë Laerti i tha: “Do e vrasim Fridmanin.Marigleni dhe Bledari zbritën më pas nga makina. Ne vijuam për në Korçë. Në një rezervuar ku shkuam, Laerti nuk e pëlqeu vendin. Ia rekomanduan Bledar Berberi dhe Mariglen Topuzi. Në Korçë shkuam unë, Laerti dhe Lulzimi. Shkuam te shtëpia e Ligor Romaçkes. U nisëm për te rezervuari i Gjankshit. Na çoi Ligori si i zonës. Laertit i pëlqeu. Lulzimin e lamë aty, shkuam dhe morëm një litar e një gomë makine. E morëm Fridmanin në makinë, po s’i thamë gjë ku do shkonim. I thamë: “Do paketojmë hashash.” Sa mbërritëm, Laerti i thotë Fridmanit: “Po qysh ishte ai muhabeti që ke thënë ‘do flas po s’më nxorët nga burgu’?” Ai tha: “Jo.” Qante i shkreti. Lutej, “O Marius,” më thoshte, “thuaj të më falë.”
    Gjuajti njëherë Lulzimi me e kap në kokë, ai lëvizi kokën. Pastaj Laerti i tha: “Vrite,” Lulzimit. I gjuajti mbrapa kokës, po ai lëvizte akoma, merrte frymë akoma. Pastaj i ramë me atë gomën. E lidhëm me litar dhe e futëm në rezervuar. E lidhën trupin edhe me gomë që ta fundoste në ujë. Njëherë doli në sipërfaqe, pastaj e lidhëm me gurë e hodhëm brenda.
    Pjesën tjetër të lekëve e mbajti Laerti. Unë ika, rrija në Sarandë në behar. Kur doli në lajme që ishte gjetur trupi i Fridmanit në Gjanç, më mori Lulzimi, më tha: “Hajde pak në Tepelenë.” Nuk doja të ikja. Erdhi në Sarandë Lulzimi me Laertin. Gjatë kësaj kohe, Lulzimi u shpall në kërkim. Laerti iku në Greqi. Pas ca kohësh ika dhe unë. Kur takova Laertin, më përmendi që “do vrasim Rexhep Ginajn.

  • Koha më e mirë për të rezervuar një fluturim

    Koha më e mirë për të rezervuar një fluturim

    Më shumë njerëz pritet të udhëtojnë me avion në vitin 2025 se kurrë më parë, me 5.2 miliardë pasagjerë që parashikohet të bëjnë të paktën një fluturim midis janarit dhe dhjetorit, një rritje vjetore 6.7%, sipas Shoqatës Ndërkombëtare të Transportit Ajror (IATA).Dhe nuk ka shenja ngadalësimi. Që kur trafiku global ajror u rikthye në nivelet para pandemisë në vitin 2024, udhëtarët janë gjithnjë e më të etur për të bërë udhëtime me avion. IATA parashikon, që numri i pasagjerëve të linjave ajrore në nivel global, të rritet me një mesatare 3.8% në vit gjatë dy dekadave të ardhshme.Me konsiderata të shumta, duke përfshirë çmimin, disponueshmërinë, mbipopullimin dhe distancën për të udhëtuar, shumë udhëtarë mbeten të pasigurt për kohën më të mirë për të rezervuar fluturime. Për këtë, platforma e udhëtimit Lonely Planet, është këshilluar me ekspertëve të fushës, për të ndihmuar sado pak ata që duan të rezervojnë bileta fluturimi.Planifikoni mirë përparaKëshillohet të kërkoni fluturime sapo ato të publikohen, gjë që është 10 deri në 12 muaj para nisjes për të gjitha llojet e fluturimeve, sipas agreguesit të kërkimit të udhëtimeve dhe agjencisë së udhëtimeve Skyscanner.Megjithatë, meqenëse linjat ajrore monitorojnë nga afër kërkesën, çmimet mund të bien ndërsa afrohet nisja, nëse shiten më pak vende nga sa parashikohet, si për shembull në një ditë udhëtimi jashtë orarit të pikut ose në një itinerar më pak të përdorur. Anasjelltas, linjat ajrore përshtatin kapacitetin për itinerare, që rezultojnë më të preferuara ose madje mund të lançojnë itinerare të reja.Rezervoni ditën e dielëEkziston një mendim se e marta është dita më e mirë për rezervimin e fluturimeve, pasi linjat ajrore zakonisht publikojnë tarifa të reja të hënave, por hulumtimet nga Expedia e hedhin poshtë plotësisht këtë ide.Duke rezervuar të dielën, udhëtarët mund të kursejnë 6% për udhëtimet brenda vendit dhe 17% për udhëtimet ndërkombëtare krahasuar me rezervimin të hënën ose të premten, ditët më të shtrenjta për të rezervuar.Merrni në konsideratë ku po shkoniBazuar në modelet historike, Skyscanner rekomandon rezervimin 1 deri në 3 muaj përpara për fluturime me distanca të shkurtra (më pak se 3 orë) dhe 2 deri në 6 muaj përpara për fluturime me distanca të gjata (më shumë se 6 orë).Raporti i Expedia-s për 2025 vëren se dritarja ideale e rezervimit për një fluturim është 34 deri në 86 ditë përpara, gjë që do të sillte kursime 25% krahasuar me një rezervim në minutën e fundit.Edhe më herët për pushimeExpedia këshillon të përgatiteni shumë përpara për udhëtim gjatë festave, të cilat “gjithmonë sjellin rritje të paparë të udhëtimeve”.Rritja e punës hibride dhe asaj në distancë, e cila u lejon udhëtarëve më shumë fleksibilitet kur fluturojnë gjatë festave si Krishtlindjet, po ndikon gjithashtu në modelet e blerjes.Dhe nuk janë vetëm festat kryesore për t’u marrë në konsideratë. Është më mirë të kontrolloni nëse ndonjë festë kombëtare, fetare ose sezonale do të festohet në pikën tuaj të nisjes ose të mbërritjes kur planifikoni të udhëtoni, pasi këto raste mund të rrisin çmimet duke kontribuar në mbipopullim dhe më pak disponueshmëri.Në fund të fundit, nëse udhëtoni gjatë një periudhe festash dhe keni fleksibilitet të kufizuar ose aspak fleksibilitet në datat e udhëtimit tuaj, ekspertët rekomandojnë të rezervoni sa më herët të jetë e mundur, për të siguruar fluturimet që dëshironi dhe për të shmangur zhgënjimin ose vështirësitë e udhëtimit. / LP, Shqip.alKy është artikull ekskluziv i Revistës Monitor, që gezon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetm duke cituar “Revista Monitor” shogëruar me linkun e artikullit origjinal.

  • Mirditë/ Vetëmbytet në rezervuar 56-vjeçari, detajet e para

    Mirditë/ Vetëmbytet në rezervuar 56-vjeçari, detajet e para

    Një ngjarje e rëndë ka ndodhur mëngjesin e sotëm në Mirditë, ku një 56-vjeçar dyshohet se i ka dhënë fund jetës duke u vetëmbytur në rezervuar.
    Ngjarja ka ndodhur në rezervuarin e fshatit Gëziq, ndërsa dyshohet se 56-vjeçari vuante nga probleme të shëndetit mendor.
    “Rreth orës 05:55, është njoftuar Salla Operative se në rezervuarin e fshatit Gëziq, Mirditë, dyshohet se është vetëmbytur shtetasi N. N., 56 vjeç, banues në fshatin Gëziq.
    Paraprakisht dyshohet se 56-vjeçari vuante nga  shëndeti mendor.
    Për gjetjen e trupit të 56 vjeçarit janë nisur polumbarët e Forcave Speciale Renea”, njofton policia.
    Grupi hetimor po punon për zbardhjen e rrethanave dhe  dokumentimin ligjor të rastit.