Lajmidites.com

Tag: reformën

  • Berisha mbledh aleatët: Të kemi dakordësi të gjërë për Reformën Zgjedhore

    Berisha mbledh aleatët: Të kemi dakordësi të gjërë për Reformën Zgjedhore

    Berisha me aleatet

    TIRANË- Kryetari i PD-së, Sali Berisha, ka mbajtur një takim me aleatët e Federatës së Opozitës së Bashkuar.
    Berisha theksoi se diktatura autoritare e Edi Ramës është njësoj si ajo e Maduros në Venezuelë! Dhe të dyja, tha ai, mbështeten te fuqia e jashtëzakonshme e drogës. 
    Berisha u ndal gjerësisht te raporti i OSBE/ODIHR, duke theksuar se ai e cilëson Shqipërinë si vend me zgjedhje të kontrolluara nga “partia-shtet” dhe se qeveria ka tentuar të ushtrojë presion mbi vëzhguesit ndërkombëtarë. Ai solli shembuj të presioneve ndaj votuesve, blerjes së votës dhe përdorimit të burimeve publike gjatë fushatës, duke theksuar se rezultati i zgjedhjeve nuk u ndikua nga ligji, por nga droga, krimi dhe frikësimi i qytetarëve.
    Në lidhje me reformën zgjedhore, lideri demokrat, Sali Berisha tha se opozita është e bashkuar për të zbatuar rekomandimet e OSBE/ODIHR dhe se PD është e gatshme të pranojë çdo sistem zgjedhor që përcaktohet me konsensus të gjerë brenda opozitës. Berisha shtoi se me Edi Ramën zgjedhje të lira nuk ka.
    Përsa i përket reformës territoriale, ai e quajti atë të vitit 2015 një “antireformë”, duke theksuar shpërndarjen disproporcionale të bashkive dhe mungesën e shërbimeve në zonat rurale. Berisha u shpreh se opozita do të propozojë një rikonceptim të hartës territoriale që synon rritjen e shërbimeve, përfaqësimit vendor dhe ripopullimin e zonave të braktisura.
    FJALA E BERISHËS
    Mirëdita dhe u përshëndes përzemërsisht secilin prej jush, përfaqësues të forcave politike opozitare në parlament dhe jashtë parlamentit. Ky takim ka qëllim kryesor të gjejmë një ujdi së bashku si një front i gjerë për reformën zgjedhore dhe reformën territoriale. Në fakt, reforma themelore të një sistemi, duhet pranuar.
    Sot, Shqipëria është një njollë e zezë në hartën e Europës. Është zyrtarisht, pas raportit të fundit të OSBE/ODIHR, autokraci elektorale apo diktaturë autoritare. Do të thotë regjim që e pranon pluralizmin, por e shtyp pluralizmin. Ky është i gjithë thelbi i saj. Nuk është totalitare sepse e pranon pluralizmin.
    Por njëlloj si në totalitaren, pushtetet të gjitha përqendrohen në një dorë. Në dallim nga autokracitë e tjera elektorale apo diktaturat autoritare, kjo e Shqipërisë është siameze me diktaturën e Maduros së Venezuelës.
    Pse kjo? Kjo sepse të dyja kanë një mbështetje të jashtëzakonshme në fuqinë e jashtëzakonshme të drogës. Dhe kjo fuqi e jashtëzakonshme e drogës, në rrafshin ekonomik, është më e fuqishme se çdo parti.
    Kjo fuqi e jashtëzakonshme e drogës shprehet me fshirjen e ligjeve, rregullave dhe zëvendësimin e tyre me standardet e mafies dhe karteleve të drogës.
    Kjo fuqi e jashtëzakonshme e drogës në regjimin e Edi Ramës luan një rol përcaktues edhe në rezultatin e zgjedhjeve, në vendimet e gjykatave, në vendimet e ekzekutivit.
    De facto, droga dhe kartelet janë vendimmarrësit kryesorë të vendit. Kartelet shqiptare janë bërë sot të fuqishme, përcaktojnë rezultate elektorale edhe në Amerikën Latine.
    Këto kartele nga Shqipëria janë eksportuesi kryesor i kanabisit në Europë, Shqipëria është eksportuesi numër një, por tani këto kanë kapur në dorë kokainën në Amerikën Latine dhe janë përcaktuesit e tregut në Amerikën Latine.
    Këto kartele, siç shprehej dje pasdite, në mënyrë të qartë dhe të kristaltë, një nga gazetat më prestigjioze të Uashingtonit, ‘Ëashington Examiner’, nga këto kartele thotë gazeta, sipas burimeve të disa shërbimeve, përfitues është vetë Edi Rama.
    Është Ramaduro. Duke ardhur këtu tek ju, prita kryetarin e një dege të PD. Çfarë më tregoi?
    Një familje tre vetësh, mbështetës tradicionalë të opozitës, dy ditë pas zgjedhjeve më erdhi kryefamiljari, më tha: unë po të rrëfej një gjë. Natën e zgjedhjeve, trokiti në derë një person. Më la një zarf dhe iku. Në zarf shkruhej ‘mos shko nesër në zgjedhje’ dhe ishin 1 mijë euro.
    Gjithë natën u rropata të shkoj apo të mos shkoj. Pse të mos shkoj, po nga ana tjetër, edhe kërcënimi ishte brenda sepse lekët m’i dha dhe shkuarja mendoja se çfarë pasojash mund të ketë.
    Si përfundim nuk shkova. Ky njeri i ndershëm, të themi atë që është. Dhe ky është efekti ndër më minimalët se efektet e tjera janë edhe më mizore. Se kërcënimet e tjera janë më mizore.

  • Zëvendësi i Ballit Kombëtar, Shkjau: ‘Zgjedhorja’ më e keqja në Ballkan, Shqipëria ka ende virusin komunist!

    Zëvendësi i Ballit Kombëtar, Shkjau: ‘Zgjedhorja’ më e keqja në Ballkan, Shqipëria ka ende virusin komunist!

    Zëvendëskryetari i Ballit Kombëtar, Xhemal Shkjau ka lëshuar akuza të rënda ndaj procesit të reformës zgjedhore dhe gjendjes së demokracisë në vend.

    Gjatë një diskutimi mbi ‘Zgjedhoren’ dhe ‘Territorialen’, Shkjau e cilësoi reformën aktuale zgjedhore si “një ndër më të këqijat në Ballkan”, duke argumentuar se vendi ende vuan nga një “virus komunist”, që po e degradon demokracinë.

    Sipas tij, Shqipëria ka dalë nga diktatura, por mban brenda një “mikrob komunist” që e çon drejt degradimit. Ai përdori termin “Rama-Duro” për të përshkruar qeverisjen aktuale, duke pretenduar se ajo po i afrohet një forme diktature.

    Zyrtari i Balllit Kombëtar, kritikoi ashpër procesin e numërimit të votave, duke theksuar se ndërsa në Kosovë apo Mal të Zi rezultati del brenda 24 orëve, në Shqipëri procesi zgjat me muaj të tërë, i shoqëruar nga “rrenë mbas rrene, gjyq mbas gjyqit, hajni mbas hajnisë”. Këtë vonesë ai ia atribuoi pikërisht “virusit komunist”.

    Si zgjidhje për të garantuar zgjedhje të lira dhe të ndershme, Shkjau propozoi dy masa thelbësore,  zgjedhjet parlamentare të zhvillohen nën drejtimin e një qeverie teknike tre deri në pesë mujore, me një kryeministër të propozuar nga opozita, si dhe heqjen e sistemit aktual zgjedhor rajonal dhe rikthimin tek sistemi mazhoritar me 100 zona zgjedhore, të cilin e konsideroi si “sistemin më të mirë që ka pasur Shqipëria”.

    Unë për shkak të eksperiencës që e kam gjatë viteve të demokracisë, kam qenë katër-pesë mandate në Këshillin e  Bashkisë, një mandat kam drejtuar Këshillin e Bashkisë Shkodër. Edhe e vlerësoj shumë këtë tavolinë për reformën zgjedhore, e sidomos për reformën territoriale sepse e rëndësishme, mendoj unë që reforma territoriale është shumë e rëndësishme. Edhe aq sa ishte shumë e dëmshme mosmarrja pjesë në zgjedhjet vendore tonat. Pushteti vendor është një mrekulli për demokracinë, në qoftë se ai menaxhohet drejt me demokraci, drejtpërsëdrejti me rregulla ligjore. Sa më afër pushtetit, pushteti t’i shkojë qytetarit, mendoj se aq më mirë është për qytetarin.

    Ne jemi pro marrëveshjeve që bën Partia Demokratike për reformën territoriale. Shumë e mirë, 90 e sa bashki dhe komuna. Për reformën zgjedhore, këtu është një gamë e madhe. Reforma zgjedhore ka shumë probleme. Është një ndër reformat më të këqija, nuk po them në rajon, po në Ballkan, që është në Shqipëri. Në rajon po se po. Ka një ndërgjegje të dobët menaxhimit nga ata që e kanë për detyrë. Nuk ka kushte zgjedhore. Në Shqipëri, Shqipëria ka dalë nga diktatura dhe ka ndërgjegje, ka virusin komunist brenda, që për pak këtë gjë, ajo degradon nga demokracia. Siç ka filluar tashti me këtë Rama-Duron, siç quhet me të drejtë, që ky afërsisht po i afrohet me pak ndryshim, se ekziston si pluralizëm, po ama të tjerat gjëra ky i ka poshtë. Mendoj që reforma zgjedhore duhet të ketë parasysh se si të menaxhohet nga ana e logjistikës.

    Bën tre muaj me dalë rezultati i zgjedhjeve. Në shkon në Kosovë, në Kosovë është brenda 24 orëve e merr vesh 100%. Në Mal të Zi 100%, në Maqedoni po ashtu. Në Shqipëri bën tre muaj, katër muaj. Rrenë mbas rrene, gjyq mbas gjyqit, hajni mbas hajnisë. Kjo është një kangrenë e madhe që këtë e ka vetëm një, një vend që ka, pra atë që thashë, regjimin, ka atë mikrobin e virusit komunist. E dyta, unë mendoj që duhet shkuar edhe njëherë, mendoj unë, kam mendimin tim, duhet të shkojë edhe njëherë tek sistemi zgjedhor i 100 zonave, me 40, me 200 deputetë të tjerë, mazhorancë, siç ka qenë i pari. Ai ka qenë sistemi më i mirë në Shqipëri.

    Të hiqet ky rajonal, se ky po e çon në diktaturë më. E bën ti katër mandate, s’është, nuk ndodh kjo punë. Nuk garantohet rotacioni politik, nuk ka demokraci. Mendimi im, unë jam me këtë që të kalohet në sistemin e e parë. Doktor, ai ka qenë sistemi më i mirë për ne. Mendoj unë. E dyta, në zgjedhjet parlamentare duhet të bëhen me një qeveri teknike. Me kryeministër nga opozita. Tre mujore. Tre mujore, pesë mujore si ta caktojnë, nuk ka këtu bëjmë zgjedhje, ai i merr se i merr more doktor. Ai i merr se i merr. Ai ka bërë një makineri të madhe kriminale për punën e zgjedhjeve. Duhet një qeveri tre mujore, katër mujore, pesë mujore me një kryeministër nga opozita me e bërë këtë.

     Edhe një problem tjetër që kam unë, nuk më duket fort serioz, nuk më duket shumë serioz, të paktën çfarë shoh unë se ju e dini edhe më mirë. Djem të mirë ka shumë Partia Demokratike, e djathta shqiptare është ajka e kombit shqiptar, por, me ta thënë të drejtën, këta zotërinjtë që marrin pjesë nga ana juridike në këto reformat e thella me marrëveshjet me këtë Partinë Socialiste, nuk më duken se kanë forcë fjale. Nuk më duken se bien shumë, kanë argumente aq të forta saqë dhe imponentë, domethënë në kuptimin, jo me dhunë, po nuk, nuk e kam, jo se, ka jurista të mirë, po janë shumë… djalë i mirë është Oerdi. Po nuk po i ecën më.

    Ai që s’mundet me ec, mos me mund me bë, mos me pas forcë fjale, edhe këtu është fati i gjysmës së shqiptarëve, më shumë se gjysma. Për këtë mendoj unë që duhet të marrë masa për numërimin. Mos me pas makineri numëruese akoma për të mos thënë 35 vjet për të numëruar prapë edhe njëherë në tavolinë, kjo është me kaluar në primitivizëm. Kjo nuk është normale. Komisionerë, partitë bëjnë komisionerë, marrin votat në mes të llojit, brenda llojit. Komisionerët e Partisë Demokratike ju kanë marrë votën nëpër duart e tyre të Partisë Demokratike, andej-këndej, le më aleatëve që po i shohim fare. Këto duhen parë. Këtu është problemi. Thelbi është: qeveri teknike…

  • Komisioni për Reformën Territoriale/ Haxhimali: Opozita konstruktive, qeveria e ngurtë në mbrojtje të reformës së dështuar të 2015

    Komisioni për Reformën Territoriale/ Haxhimali: Opozita konstruktive, qeveria e ngurtë në mbrojtje të reformës së dështuar të 2015

    Komisioni për Reformën Territoriale ka nisur punën, ku opozita po paraqitet konstruktive dhe konsistente në kërkesën për rritjen e numrit të bashkive, për t’i afruar shërbimet te qytetarët. Ky qëndrim po konsiderohet si elementi që i jep seriozitet procesit.

    Nga ana tjetër, qeveria vijon të mbrojë reformën e vitit 2015, e cilësuar gjerësisht si e pasuksesshme dhe e kritikuar nga institucionet ndërkombëtare për braktisjen e zonave rurale dhe humbjen e përfaqësimit lokal.

    I ftuar në “Intervistën e Pasdites” në Syri TV, Drejtori i Institutit për Bashkitë, Agron Haxhimali, deklaroi se fakti që reforma po rishikohet pas vetëm një dekade tregon qartë dështimin e saj, me 50% të bashkive që sot nuk funksionojnë.
    Pika kryesore që ndan palët mbetet numri i bashkive: opozita kërkon më shumë, qeveria synon t’i reduktojë.

    Haxhimali:

    Shiko, konstatimi juaj, opozita ka pranuar dhe e ka kërkuar vetë, ka vendosur të marri pjesë dhe ky është një lajm shumë i mirë përkundrejt bojkotimit që i ka bërë reformës para 10 ditësh. Në ç’pikë jemi? Komisioni ka filluar punën, ekspertët, modalitetet se si do procedohet, kalendari i aktiviteteve.

    Ajo që unë vlerësoj është që kemi drejtuesit në fakt shumë të mirë.

    Kemi zotin Boçi, një politikan i moderuar, e njeh pushtetin vendor se ka qenë kryetar bashkie në Elbasan, një politikan shumë i mirë. Nga ana tjetër kemi Maznikun, një politikan i qetë, një, vjen me eksperiencën e Bashkisë Tiranë që e njeh territorin, por mendoj që me pak vullnet mund të ketë konsensus dhe çështja mund të zgjidhet në qoftë se vazhdojnë në këtë linjë të pozitivitetit dy drejtuesit.

    E vetmja gjë që po ndahen është fakti tek numri i bashkive. Opozita kërkoi një numër më të madh të bashkive dhe këtu, për hir të së vërtetës, është në të drejtën e vet dhe shumë konsistente sepse gjithmonë ka kërkuar një numër më të madh duke krijuar një balancë midis zhvillimit urban dhe zhvillimit rural, për të çuar më shumë pushtet afër qytetarëve, pavarësisht se janë larg, pavarësisht se ekonomia e tyre nuk premton për bashki të qëndrueshme që të vetëzhvillohen, por kërkoj që qytetarët të marrin shërbimin, të kenë të zgjedhurit e tyre.

    Këtu s’kemi absolutisht asnjë kundërshti. Nga ana tjetër, mazhoranca që bëri këtë reformë dhe pretendon që është e suksesshme. Unë kam mendim tjetër që nuk mund të jetë e suksesshme kur 50% e bashkive janë të pasuksesshme, kërkon për ta reduktuar numrin e bashkive për të shkuar në bashki më të mëdhaja, më të, më të fuqishme. Pra, përpos, ajo që mendoj unë deri tashmë thashë, çështja e kufijve territorial, që lidhet me numrin, dhe mendoj që është pika më delikate që mund t’i ndajë. Ndërsa për çështje të tjera administrative, financiare, besoj që me aq sa kam dëgjuar bien dakord. E vetmja gjë anon që nuk është hapur deri në këto momente, ai dimensioni i katërt kur bëjmë reforma të tilla, çështja e sistemit zgjedhor, që si do të zgjidhet kryetari, me tre herë, me tre mandate, si do zgjidhen këshilltarët, por thashë, të gjitha janë gjëra që unë kam besim mund të zgjidhen.

    Pikë kyçja ngel tek kufijtë territorialë, tek numri i bashkive pra. Opozita kërkon më shumë bashki dhe t’i çojë afër qytetarëve, të jenë qytetarët, t’u çojë institucionin, bashkinë afër qytetarëve, mazhoranca është në kahun e kundërt.

    Që reforma nuk pati sukses, nuk kemi si ta themi sepse nëse do ishte e suksesshme, ajo nuk do ta ribënte pas 10 vitesh. Po. Reforma nuk ishte e suksesshme sepse kritika për reformën kemi bërë të gjithë në fakt, po po i referohemi institucioneve ndërkombëtare, Komisioni Evropian, Banka Botërore, ku ka theksuar pikërisht çfarë po thoni ju, që u largua vëmendja nga fshati, nga ish-njësitë, nga komunat, shërbimet u larguan, funksionaliteti, në tërësi u largua, përfaqësimi u largua dhe këto krijuan atë boshllëkun shumë të, shumë të madh. Sot njësitë administrative, për hir të së vërtetës, janë më tepër si zyra poste, le të themi me, me, zyra me kështu, me një ndalesë, por pa asnjë lloj funksioni.

  • Reforma territoriale/ Pas bojkotit fillestar, PD ulet në komision përballë PS

    Reforma territoriale/ Pas bojkotit fillestar, PD ulet në komision përballë PS

    Pas bojkotimit të mbledhjes konstituive të Komisionit të Posaçëm për Reformën Territoriale, demokratët këtë të enjte zunë vendet e tyre në tryezën e përbashkët parlamentare me socialistët. Ulja në tryezë nuk ndryshoi qasjen e opozitës, pasi përfaqësuesit e Partisë Demokratike kritikuan edhe reformën e vitit 2015, që sipas tyre ka qenë dështim, ndaj janë detyruar që të mblidhen për të ribërë reformën.
    Por për socialistët reforma ka dhënë sukses, ndonëse tashmë duhen ridemensionuar për marshin e ri që i duhet Shqipërisë në rrugëtimin drejt Bashkimit Europian.
    “Pra themi troç, ta themi saktë fare. Domethënë ne po bëjmë një reformë mbi reformë. Do dëgjojmë po të njëjtat fjalë, kam frikë, modernizim, ndarje territoriale efikase, shërbim ndaj qytetarit, që në qoftë se ne ecim po në të njëjtat modalitete, në të njëjtat rrugë siç kemi ecur reforma e parë, s’po bëjmë gjë tjetër veçse po bëjmë reformën e reformës të dështuar që normal do ketë një rezultat sikurse kjo reformë që sot është e dështuar dhe kam frikë pastaj se pas 10 vitesh Mund të bëjmë reformën e reformës që reformoi reformën e dështuar”, tha Luçiano Boçi, bashkëkryetar i Territoriales.
    “Gjëja që duhet të bëjë një komision si ky në mendimin tim dhe ju i referuat kësaj gjë në fjalën tuaj është që ne të bazohemi te faktet dhe te shifrat dhe të bazohemi në mënyrë sistematike te eksperienca e qytetarëve në terren. ë sigurisht bën shumë sens që njerëzit kenë opinione politike krejt normale, por të dhënat, të gjitha të dhënat dhe absolutisht të gjitha të dhënat tregojnë në mënyrë sistematike që reforma e 2014-s ka përmirësuar në mënyrë masive ë të gjithë ë mënyrën e funksionimit të pushtetit vendor në vend”, tha bashkëkryetari tjetër, Arbian Mazniku.
    Qasje të ndryshme palët kanë edhe për çështjen se sa bashki do duhet të jenë. Demokratët i qëndrojnë mendimit se duhen më shumë, por për socialistët ky diskutim duhet të jetë i fundit.
    “Sigurisht janë të zhveshur nga çdo lloj autonomie apo pavarësi e menaxhimit të territoreve dhe ajo që kërkohet në thelbin e kësaj reforme që është thirrja që ka sunduar ligjërimin politik në raport me pushtetin vendor është një ndarje e re territoriale. Bashki më shumë, shërbime më shumë. Kjo është kërkesa reale që ne e ndeshim. E kemi ndeshur edhe përgjatë fushatave elektorale. Diskutimi i ë politik për fat të keq është çfarë jo rrallë herë na çon në një ulli të gabuar”, tha Boçi.
    “Diskutimi që na duhen më shumë bashki që të marrim, të fitojmë ne më shumë bashki është diskutimi i cili e kthen diskutimin nga një çështje e ofrimit të shërbimeve të qytetarëve në një çështje elektorale dhe unë mendoj që në thelb duke qenë dakord me ju ta lejmë këtë si pikë të fundit”, tha Mazniku.
    Demokratët dhe socialistët bashkuan votat sa i takon kalendarit të punimeve dhe morën vendimin për të caktuar ekspertët që do të ndihmojnë punën e tyre në komision.

  • A do të bashkëpunojë PD me PS për të ndryshuar reformën në drejtësi? Ja si përgjigjet Bardhi

    A do të bashkëpunojë PD me PS për të ndryshuar reformën në drejtësi? Ja si përgjigjet Bardhi

    Në nj studio televizive kryetari i Grupit Parlamentar, Gazment Bardhi ka deklaruar se nuk do të ketë asnjë bashkëpunim me PS për të ndryshuar reformën në drejtësi.
    Bardhi tha se reforma në drejtësi nuk e arriti objektivin e saj, pasi shqiptarët po marrin drejtësi të vonuar dhe kjo gjë sipas tij, tregon që nuk ka efikasitet.
    “Nuk ka asnjë bashkëpunim. Kur të mbushet një afat i caktuar i një reforme organet këshillimore, në këtë rast Komisioni i Venecias, mund të bëjnë një analizë për gjërat që nuk shkojnë. Qëllimi i reformës në drejtësi ishte të realizonte tre shtyllat kryesore, një nga ato është efikasiteti i sistemit, që do të thotë që qytetarët të paraqiten e sot e të marrin për një muaj drejtësinë. Sot qytetari paraqitet sot dhe drejtësinë e merr pas 19 vitesh”.

  • ‘Ndihmë për Reformën Zgjedhore’, Komisioni i Posaçëm letër OSBE e Venecias

    ‘Ndihmë për Reformën Zgjedhore’, Komisioni i Posaçëm letër OSBE e Venecias

    Zbulohen dy letrat që bashkëkryetarët e Komisionit të Posaçëm të reformës Zgjedhore i kanë dërguar OSBE-së dhe Komisionit të Venecias, duke u kërkuar asistencë e mbështetje në hartimin e Kodit të ri zgjedhor. 
    Në letrën drejtuar prezencës së OSBE-së në Tiranë, bashkëkryetarët Gjiknuri e Bylykbashi i kërkojnë zyrtarisht vënien në dispozicion të ekspertizës së këtij institucioni, gjatë gjithë punës së Komisionit.  
    Me të njëjtin objekt, Komisioni i Posaçëm për reformën Zgjedhore, i ka kërkuar ekspertizë edhe komisionit të Venecias. 

  • Reforma Zgjedhore, Gjiknuri dhe Bylykbashi letër Venecias e ODIHR: Kërkojmë ekspertët tuaj

    Reforma Zgjedhore, Gjiknuri dhe Bylykbashi letër Venecias e ODIHR: Kërkojmë ekspertët tuaj

    Bashkëkryetarët e Komisionit të Posaçëm Parlamentar për Reformën Zgjedhore, Damian Gjiknuri dhe Oerd Bylykbashi i kanë dërguar letër drejtoreshës së ODIHR dhe Komisionit të Venecias, ku kërkohet ndihma me ekspertë për të asistuar punën e Komisionit gjatë procesit të reformës. Në letër thuhet ndër të tjera se, ky Komision ka objekt të punës së tij të hartojë ndryshime ligjore për reformën zgjedhore, duke adresuar rekomandimet e raporteve të OSBE/ODIHR-it për zgjedhjet e fundit dhe ato të mëparshme të patrajtuara.
    “Ju shprehim falënderimet dhe mirënjohjen tonë të përzemërt për kontributin e vazhdueshëm që OSBE/ODIHR ka dhënë për zhvillimin demokratik të Shqipërisë dhe në veçanti për forcimin e standardeve zgjedhore. Kuvendi i Shqipërisë me vendimin nr. 74, datë 27.10.2025, ka miratuar ngritjen e Komisionit të Posaçëm Parlamentar për Reformën Zgjedhore. Ky Komision ka objekt të punës së tij të hartojë ndryshime ligjore për reformën zgjedhore, duke adresuar rekomandimet e raporteve të OSBE/ODIHR-it për zgjedhjet e fundit dhe ato të mëparshme të patrajtuara, si dhe rekomandimet e institucioneve përgjegjëse, partive politike dhe organizatave të shoqërisë civile.
    Duke iu referuar dakordësimit të arritur në komunikimet dhe takimet e zhvilluara me përfaqësues të OSBE/ODIHR-it, kemi kënaqësinë t’ju paraqesim në emër të Komisionit të Posaçëm Parlamentar për Reformën Zgjedhore kërkesën zyrtare për vënien në dispozicion të ekspertizës suaj nëpërmjet ekspertëve të ODIHR-it për të asistuar punën e Komisionit gjatë procesit të reformës. Modalitetet e bashkëpunimit me ekspertët tuaj mund t’i dakordësojmë në vijim nëpërmjet kanaleve zyrtare të komunikimit. Duke ju falënderuar paraprakisht për gatishmërinë dhe bashkëpunimin, ju përcjellim konsideratat tona më të larta”, thuhet në letër.

  • Gjiknuri dhe Bylykbashi letër ODIHR dhe Venecias, kërkojnë ndihmë për ekspertizë për reformën zgjedhore

    Gjiknuri dhe Bylykbashi letër ODIHR dhe Venecias, kërkojnë ndihmë për ekspertizë për reformën zgjedhore

    Bashkëkryetarët e Komisionit të Posaçëm Parlamentar për Reformën Zgjedhore kanë dërguar një letër për drejtoreshën e ODIHR dhe Komisionin e Venecias.

    Sipas letrës, dy bashkëkryetarët e reformës Damian Gjiknuri dhe Oerd Bylykbashi  kërkojë ndihmë për vënien në dispozicion të ekspertizës së tyre.
    “Duke iu referuar dakordësimit të arritur në komunikimet dhe takimet e zhvilluara me përfaqësues të OSBE/ODIHR-it, kemi kënaqësinë t’ju parashtrojmë në emër të Komisionit të Posaçëm Parlamentar për Reformën Zgjedhore kërkesën zyrtare për vënien në dispozicion të ekspertizës suaj, nëpërmjet ekspertëve të ODIHR-it, për të asistuar punën e Komisionit gjatë procesit të reformës”, thuhet në letra.

  • “PD kërkon 95 bashki, PS synon reduktimin në 35″/ Analisti zbulon prapaskenat e diskutimeve, për Reformën Territoriale

    “PD kërkon 95 bashki, PS synon reduktimin në 35″/ Analisti zbulon prapaskenat e diskutimeve, për Reformën Territoriale

    Politologu Afrim Krasniqi ka zbuluar detaje të reja mbi diskutimet për Reformën Territoriale, gjatë një interviste televizive. Sipas tij, dy partitë e mëdha kanë propozime skajshmërisht të ndryshme për hartën e re administrative, duke kërkuar respektivisht rritje dhe ulje drastike të numrit të bashkive.
    “Partia Demokratike ka propozuar një ndarje me 95 bashki, ndërsa Partia Socialiste ka kërkuar uljen e tyre në vetëm 35,” tha Krasniqi, duke e cilësuar mungesën e debateve të brendshme në partitë politike si problem thelbësor për çdo reformë të qëndrueshme.
    Krasniqi theksoi se partitë duhet të konsultohen realisht për qëllimet e tyre, përpara se të ndryshojnë sistemin zgjedhor apo administrativ. Ai u ndal edhe te kriza e përfaqësimit dhe mungesa e figurave me profil profesional brenda partive, sidomos në opozitë.
    “Sot askush nuk mund të thotë kush mbulon ekonominë, financat, politikat sociale apo shëndetësinë në PD,” u shpreh politologu.
    Ai kritiko edhe performancën e deputetëve në parlament, duke theksuar se shumë prej tyre ankohen se nuk u jepet fjala, ndonëse vetë nuk kanë folur asnjëherë në seancat plenare. “Kjo është tallje me jetën publike, tallje me mandatin,” tha Krasniqi.

  • Komisioni për Reformën Zgjedhore, Murrizi: Opozita dhe mazhoranca bashkë për të mbajtur pushtetin

    Komisioni për Reformën Zgjedhore, Murrizi: Opozita dhe mazhoranca bashkë për të mbajtur pushtetin

    Ish-deputeti i PD-së, Myslim Murrizi, ka komentuar mbledhjen e Komisionit për Reformën Zgjedhore. Në një postim në facebook, Murrizi shkruan se mbrëmë deputetët e PD-së ishin në “protestë” për t’i “rrëzuar” nga pushteti, ndërsa sot, sipas tij, janë ulur bashkë si dy “zemra” për të bërë “reformën” që t’i mbajë në pushtet sa më gjatë të gjithë bashkë.
    Ai shton se reforma zgjedhore që nga viti 2008, me të njëjtët pazarlinj, ka mbajtur dhe vazhdon të mbajë në pushtet Ramën dhe Partinë Socialiste, por edhe disa parti të “opozitës” që në fakt janë në pushtet për interesat e tyre personale.
    Postimi i Murrizit:
    Mbreme ne “ proteste” per ti “ rrezuar” nga pushteti
    Sot ne tavolin si dy “ zemra” bashke per te ber “ reformen” qe te rrin sa me gjat ne pushtet te gjith bashke
    Sepse reforma zgjedhore prej vitit 2008 me te njenjtet pazarlinj ka mbajtur dhe mban ne pushtet Ramen dhe PS por edhe disa PS te “ opozites” qe jan ne pushtet per veten e tyre