Lajmidites.com

Tag: realitet

  • “Dy botë, një realitet”/ Durrës, ekspozita në Galerinë e Artit Pamor “Nikolet Vasia”

    “Dy botë, një realitet”/ Durrës, ekspozita në Galerinë e Artit Pamor “Nikolet Vasia”

    Në Galerinë e Artit Pamor “Nikolet Vasia” në Durrës është çelur ekspozita e titulluar “Dy botë, një realitet”, që sjell përballë njëri-tjetrit krijimtarinë e dy piktorëve të njohur, Abaz Hado dhe Kamuran Goranci.

    Ekspozita ndërton një dialog artistik mes dy qasjeve të ndryshme, ku natyra shfaqet në figuracion poetik përmes penelit të Hados, ndërsa Goranci kompozon bukur ngjyrat në teksturë kromatike.
    Në këtë ndërthurje, arti nuk është thjesht pasqyrim i botës, por një mënyrë për ta rishfaqur dhe ripërjetuar atë.
    “Zgjedhja është e veçantë, se Çamëria, dhe Kosova bëjnë një ekspozitë të përbashkët. Një shembull i mirë që të bashkojmë vlerat tona kombëtare dhe Abazin e kam edhe mik”, tha Kamuran Goranci-Piktor.
    Pas afro dy dekadash mungesë, Abaz Hado rikthehet me një ekspozitë në Durrës, duke sjellë 11 punime të realizuara vitin e fundit, ku vijon të hulumtojë figurën e pemës si simbol i jetës dhe natyrës.
    “Vijmë nga krahina të ndryshme. Jemi mes dy botëve, por me një realitet të përbashkët, atë shqiptar. Kam shumë nostalgji për Durrësin, sepse kjo galeri më pëlqen shumë”, deklaroi Abaz Hado-Piktor.
    Ekspozita “Dy botë, një realitet” do të qëndrojë e hapur për publikun deri më 4 tetor.

    Top Channel

  • “Rama jeton në një realitet paralel”/ PD, plas akuzat: ‘Durrësi turistik’, fshihet pas pamjeve të rënda të përmbytjeve

    “Rama jeton në një realitet paralel”/ PD, plas akuzat: ‘Durrësi turistik’, fshihet pas pamjeve të rënda të përmbytjeve

    Zëdhënësja e Antikorrupsionit në PD, Genta Vangjeli, ka kërkuar që kryebashkiakja e Durrësit, Emirjana Sako të japë dorëheqjen duke hedhur akuza se fondet për përmirësimin e infrastrukturës kanë përfunduar në xhepat e zyrtarëve të lidhur me pushtetin.
    Duke iu referuar reshjeve të shiut të pak ditëve më parë që sollën përmbysjen e qytetit, ajo deklaroi se “kjo situatë dëshmon dështimin sistematik të institucioneve për të garantuar siguri dhe infrastrukturë funksionale, pavarësisht premtimeve dhe fondeve të alokuara ndër vite”.
    Vangjeli theksoi se kryeministri Edi Rama vijon të jetojë në një realitet paralel, duke shtuar se “vizioni për një port turistik në Durrës fshihet pas pamjeve të rënda të përmbytjeve, që janë realiteti i qytetarëve”.
    Deklarata e plotë:
    Reshjet intensive të paralajmëruara këtë javë kanë sjellë një tjetër përmbytje të rëndë në qytetin e Durrësit, duke shkaktuar dëme të jashtëzakonshme për qytetarët.
    Kjo situatë dëshmon edhe një herë dështimin sistematik të institucioneve për të garantuar siguri dhe infrastrukturë funksionale, pavarësisht premtimeve dhe fondeve të alokuara ndër vite. Në këtë kontekst, dorëheqja e Ermal Dredhës është një hap i domosdoshëm, por jo i mjaftueshëm.
    Kësaj përgjegjësie duhet t’i bashkohet edhe Emirjana Sako, e cila ka mbajtur detyrën e kryetares së bashkisë ndërkohë që qyteti ka vuajtur pasojat e menaxhimit të dobët të burimeve dhe fondeve publike.
    Ndërkohë, kryeministri Edi Rama vijon të jetojë në një realitet paralel, ku vizioni për një port turistik në Durrës fshihet pas pamjeve të rënda të përmbytjeve, që janë realiteti i qytetarëve.
    I kujtojmë publikut se fondet për përmirësimin e infrastrukturës kanë ekzistuar, por ato kanë përfunduar në xhepat e zyrtarëve të lidhur me pushtetin.
    Nga një investigim i kryer prej nesh rezulton se në qendër të zbatimit të disa prej projekteve infrastrukturore ka qenë shoqëria Adriatik sh.p.k, në pronësi të familjes së ish-kreut të UKD, z. Spartak Kovaçi.
    Disa nga projektet përkatëse përfshijnë:

    10 milionë euro grant nga Komisioni Europian për ndërtimin e rrjetit të ujërave të zeza nga përroi i Agait (Shkëmbi i Kavajës) – Ura e Dajlanit- deri te impianti në Shënavlash, i realizuar nga kompania italiane Giovanni Putignano & S.r.l dhe firma shqiptare Adriatik sh.p.k.
    19.7 milionë euro për rehabilitimin e rrjetit në zonën Porto Romano–Keneta dhe sistemimin e ujërave të shiut në zonat urbane të qytetit të Durrësit, me kontratën nr. 70/3, datë 19.01.2022, ku zbatues ka qenë sërish Adriatik sh.p.k.
    400 mijë euro të tjera për sistemimin e ujërave të bardha në rrugën ‘Taulantia’, me kontratë të datës 24 nëntor 2022, me zbatues Adriatik sh.p.k.

    Të dashur qytetarë, sa kohë Shqipëria do të përfaqësohet nga Edi Rama, përmbytjet dhe dështimet infrastrukturore nuk do të jenë përjashtim – por rregull.
    Ftojmë institucionet përkatëse, të nisin një hetim të plotë dhe të paanshëm mbi keqpërdorimin e fondeve publike dhe konfliktet e interesit që kanë dëmtuar rëndë qytetarët e Durrësit dhe jo vetëm.
     

  • “A u qëllova nga një AR-15?”/Postimi i frikshëm i Kirk bëhet realitet 11 vite më pas

  • Hipokrizia mjet ndërmjetësues në marrdhënie

    Hipokrizia mjet ndërmjetësues në marrdhënie

    Naser Shatrolli

    Teatri i Gostivarit u shfaq në natën e dytë të festivalit të teatrove në Suharekë

    Mardhënja ishte në strumbullin e tematikës.

    George Bernard Shaw, dramaturg anglez, është autori i këtij tregimi, materialit të të cilit, regjisori Fatos Berisha, i ka bërë ndërhyrjet dhe lidhjet dramaturgjike në një kontekst modern.

    Në thelb, në stukturën e pjesës shpërfaqet reflektimi dhe pozita e personazheve, varësisht nga ingranazhi, potenciali dhe intelektualizmi që është realitet i kufijve ndarës mes polesh karakteriale dhe qytetarie.

    Ndërsa manipulimi njerëzor, dhelpëria apo dinakëria janë konjukturë e strukturuar prej kohësh që fshehen në buzëqeshjen e secilit, sikundër që ilariteti, komunikimi artificial dhe ato bëhen pjësë e rutinës, për të qenë dikushi diku, duke zotëruar rrethanat e plazhës, marketit, shtëpisë dhe ambiente të ngjashme.

    Në shfaqje kishte pesë personazhe të cilët krijuan ndjeshmëri publike realisht.

    Fabula ndërthuret mes çiftesh duke krijuar simptoma intriguese; Një shkrimtar hulumton vetminë për të kapur përmes frymëzimit të detit veçantitë e natyrës. Në anën tjetër, shfaqet një qytetare e rëndomtë që nuk e paraprojekton gjykimin krijues gjersa frymëzimin apo shkrimtarinë e shkrimtarit nuk e kupton si ajr ushqyes në mendjet e botës së moderuar.

    Ndërkohë shfaqet një çift tjetër që duan marrdhënje të momentit, porse marrëveshjen duan që ta sinkronizojnë mes dy burrave njëri që është legjitim ndërsa tjetri ilegjitim në aspektin administrativ.

    Në tërësi, drama përkon me mardhënjet dhe domeinin e të çuditshmes, ndërsa absurdi qëndron në zallin e nevojës së tyre, sikundër dhe paradoskaliteti që jetësohet në procesin e njohjes.

    Thjeshtësia regjisoriale e veçon pjesën, element të rëndomësisë, natyra e detit shqiptar, dritat, ulëset, shezllongët, gomat e ujit, varfëria e marketit, mollët, qepët, që shpërfaqen në procesin krijues si rekuizita për ta përshkruar proceduralisht rrjedhën kronologjke të shfaqjes dhe të idesë dhe karakterin e individit si mënyrë jetese dhe e mirësjelles për ta.

    Regjisura fshehet pas fjalës më tepër, ndërsa vokacioni shtresëzohet ose shkon në fjalët që çojnë drejt një mardhënjeje artificiale por në fund manifestohet e gjithë kurora e trajtës skematike me një dasmë turbofolkloriste, e tipit të rajonit ballkanik, të ngjashme me dasmat turke dhe shqiptare dhe më gjerë se kaq, meqë velloja, lulet, rituali i tyre, janë pjesë e pandashme e shoqërive në tërësi.

    Regjisori e shpërfaq qëllimshëm këtë segement në fund të pjesës për të reflektuar si shoqëri dhe për të kapur trenin e gëzimit meqë formati është komik.

    Ishte hipokrizi reale,ndërsa humori, sarkazma qëndronin brenda stilit dhe strukturës foliore, mjete këto, që provokonin publikun meqë ndërhynin përgjatë lojës me duartrokitje.

    Formati përkon me natyrën e filmit dhe shkon kah dokumentariteti ose realitet i skajshëm, pa ndonjë mbështjellës të theksuar estetik fakti që rrethana ku luhej ideja ishte e mbuluar me drita të zakonshme ndërsa ndriçimi ishte po ai i zakonshmi që e shohim në përditshmërinë e të jetuarit rutinor.

    Ishte shfaqje e publikut të kohës./ KultPlus.com

  • Zhegrova bën realitet ëndrrën e madhe, ja detajet e transferimit te Juventus

    Zhegrova bën realitet ëndrrën e madhe, ja detajet e transferimit te Juventus

    31 Gusht 2025

    20:04

    Telesport

    Edon Zhegrova ka bërë realitet ëndrrën e tij, fantazisti dardan mund të quhet lojtari më i ri i Juventusit. Sipas ekspertit të transferimeve, Alredo Pedulla, marrëveshja mes dy klubeve është arritur për 20 milionë euro në total, 18 milionë euro direkt plus 2 milionë euro bonuse.
    Ditën e nesërme, Zhegrova do të kryejë testet mjekësore te bardhezinjtë dhe më pas do të vijë firma në kontratë. Zhgerova do të firmosë deri në vitin 2030 me bardhezinjtë dhe do të përfitojë një rrogë 2.5 milionë euro në sezon.
    Ky është padyshim një hap i madh në karrierë për Zhegrovën, duke bërë realitet ëndrrën e tij të luajë për një nga ekipet më të mëdha në botë. Te Juventus, Zhegrova do të gjejë edhe Jonathan David, i cili u transferua falas në fillim të merkatos nga Lille te bardhezinjtë.

  • “Atletico është ëndërr e bërë realitet”, Ruggeri: Kur mendoj se do luaj me Griezmann dhe Alvarez, më kapin drithërimat

    “Atletico është ëndërr e bërë realitet”, Ruggeri: Kur mendoj se do luaj me Griezmann dhe Alvarez, më kapin drithërimat

    Mbrojtësi i njohur italian, Matteo Ruggeri u bashkua me Atletico Madrid. Ruggeri, i cili u transferua nga Atalanta, u shpreh i lumtur për kalimin te Los Colchoneros.
    “Jam shumë i lumtur që jam këtu, është një mundësi e shkëlqyer për mua. Është një ëndërr e bërë realitet të filloj këtë aventurë me këtë ekip fantastik. Kur mësova se ky transferim ishte një mundësi, isha shumë i lumtur. Kur mora lajmin, isha shumë i lumtur. Nuk më duhej shumë kohë për të thënë po. Jam një person shumë i qetë dhe i afrueshëm, më pëlqen të kaloj kohë me shokët e mi të ekipit.

    Si lojtar, forca ime është intensiteti. Thënë thjesht, mund të përshtatem me çdo gjë: nuk ka rëndësi se çfarë lloj ndeshjeje është, as në çfarë sistemi po luaj. Jam gati të bëj çfarëdo që të duhet. Më quajnë ‘Tigri’ sepse pasqyron stilin tim të lojës: agresivitetin, karakterin dhe atë që jam si person; nga këtu vjen nofka. Ëndërroj të bashkohem me një ekip me lojtarë të klasit të parë. Kur mendoj të luaj me Grizmanin, Alvarezin dhe të tjerë, më futen të dridhurat” –  tha ai.

  • Sërish për marrëzinë e shtetit bektashi: shpresa që vjen nga vetë Rama që mos bëhet realitet

    Sërish për marrëzinë e shtetit bektashi: shpresa që vjen nga vetë Rama që mos bëhet realitet

    Kryeministri Rama është rishfaqur me idenë kontraverse të shtetit bektashi, duke folur në një dokumentar të huaj që i është dedikuar kësaj ideje.
    “Është vetëm një sipërfaqe e vogël toke, pak hektarë, që ata tashmë e zotërojnë dhe ku kanë qendrën e tyre”, thotë ai mbi shtetin e përfolur në variantin e Vatikanit. “Por për Shqipërinë është një pjesë shumë e çmuar e trashëgimisë kombëtare, ndërsa për komunitetin është një garanci që ai do të vazhdojë të ekzistojë pa u zhdukur”, shton më tej kryeministri me besim të shpallur katolik.

    Por, tej dyshimeve konspiracioniste, arsyetimi i tij se shteti bektashi duhet për ta shpëtuar këtë komunitetjo vetëm që nuk ka asnjë logjikë, por gjithashtu nuk ka asnjë precedent në botë. Por kësaj ushqen një mit mbi këtë komunitet që për shkak të dy a tre figurave në historinë e Shqipërisë i jepet një famë që nuk e ka patur.

    Sa për dyshimet konspiracioniste, ato vijnë krejt natyrshëm, pasi ky shtet shpallet mu në kohën e një dashurie frenetike mes Ramës dhe Izraelit, me Baba Mondin që pozon vëllazërisht me një përfaqësues hebre në Shqipëri, Yoel Kaplan, pjesëmarrës në masakrat e Gazës, njëherësh duke patur kundërshtinë e vendosur të Turqisë, mbështetësja më e fortë e qeverisjes së tij, ndihmëtarja më e madhe në dy kriza – tërmet dhe pandemi – e cila ka nuhatjen më të fortë gjeopolitike të momentit, si dhe me shërbimet e saj sekrete është e mirëinforuar mbi çdo lojë që luhet nën rrogoz, në Lindjen e Mesme e në Ballkan.
    Gjithsesi, ka një shpresë se marrëzia e Ramës me emrin “shtet bektashi” nuk do bëhet kurrë realitet. Kjo shpresë vjen nga sa e sa inisiativa të tij gjatë qeverisjes, të cilat janë lënë përgjysëm gjatë rrugës. Fjala vjen, do Zoti e shteti bektashi ka fatin e akademisë së barinjve. /tesheshi.com/         

  • VIDEO – “Realitet i prekshëm për banorët e kësaj zone”, kryebashkiaku Beci publikon pamjet nga Serreqi…

    VIDEO – “Realitet i prekshëm për banorët e kësaj zone”, kryebashkiaku Beci publikon pamjet nga Serreqi…

    Shkruan në Facebook kryetari i Bashkisë Shkodër, Benet Beci: Mirëmëngjes! Rruga “Marin Biçikemi” (degëzim) tashmë është një realitet i prekshëm për banorët e kësaj zone.
    Me përfundimin e punimeve, ky investim i Bashkisë Shkodër i shërben komunitetit përmes transformimit të infrastrukturës dhe krijimit të një imazhi të ri për këtë pjesë të qytetit.
    

    Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
    Ju mirëpresim!

  • Hapja rrugë e një lidershipi të ri? Berisha: Dhashë dorëheqjen, erdhi Basha por…

    Hapja rrugë e një lidershipi të ri? Berisha: Dhashë dorëheqjen, erdhi Basha por…

    Kryedemokrati Berisha në konferencën për mediat ditën e sotme, është shprehur për çështjen e drejtimit të PD, duke theksuar se ai vetë e ka bërë një hap të tillë në të kaluarën, pas humbjes së zgjedhjeve parlamentare të vitit 2013.
    Duke iu përgjigjur pyetjes nëse partia duhet t’i hapë rrugë një gjenerate të re përballë regjimit aktual, siç ai e cilëson, Berisha kujtoi: “Unë kam menduar dhe e kam bërë realitet atë. Unë e kam bërë realitet.”
    Ai shtoi se pas dorëheqjes së tij, në krye të PD-së erdhi një drejtues i ri – Lulzim Basha, i cili, sipas Berishës, u zgjodh nga anëtarësia dhe jo nga ai vetë.
    “Kjo pyetje nuk më shtrohet mua dot, se unë kur humba një palë zgjedhje që nuk ishin farsë, unë dhashë dorëheqjen. Dhe një i ri erdhi pas meje. Nuk e zgjodha unë atë, atë e zgjodhi anëtarësia e PD,” – u shpreh ish-kryeministri.
    Ai theksoi se pas zgjedhjes, e mbështeti Bashën, duke nënvizuar se përgjegjësia për atë që e pasoi nuk i takon atij. “Është tjetër problem se çfarë përfaqësimi bëri ai për gjeneratën e vet. Nuk ishte përgjegjësia ime ajo,” deklaroi Berisha.
    Pjesë nga deklarata e Berishës
    Unë kam menduar dhe e kam bërë realitet atë. Unë e kam bërë realitet. Kjo pyetje nuk më shtrohet mua dot, se unë kur humba një palë zgjedhje që nuk ishin farsë, unë dhashë dorëheqjen. Dhe një i ri erdhi pas meje. Nuk e zgjodha unë atë, atë e zgjodhi anëtarësia e PD. Pasi u zgjodh, unë e mbështeta sepse unë isha thjesht një anëtar partie luajal i forcës time politike.
    Por nuk mund të mos thuash se nuk ishte i ri. Ishte i ri. Është tjetër problem se çfarë përfaqësimi bëri ai për gjeneratën e vet. Nuk ishte përgjegjësia ime ajo. Të tjerë ka me mijëra sepse unë kurrë nuk besoj në të pazëvendësueshëm. Por pyetja që më bëtë, unë jam njeriu që e kam provuar dhe e kam faktuar.
    Dhe kam vepruar shumë drejt. Unë nuk udhëhiqem nga paragjykimi. Mendova se një gjeneratë e re do ishte një shans i madh për forcën politike.

  • A do t’i hapte rrugën një lidershipi të ri? Përgjigjet Berisha: S’është përgjegjësia ime që…

    A do t’i hapte rrugën një lidershipi të ri? Përgjigjet Berisha: S’është përgjegjësia ime që…

    Kreu i PD-së, Sali Berisha, i pyetur nëse PD-në duhet ta marrë një lidership i ri, ka komentuar dhënien e dorëheqjes pas humbjes së zgjedhjeve në 2013 dhe vendosjen në krye të partisë të Lulzim Bashës.
    “Unë kam menduar dhe e kam bërë realitet atë”, u shpreh Berisha, duke shtuar se Basha u zgjodh nga anëtarësia si kryetar i kësaj force politike, ndërsa theksoi se “vetëm e mbështeta”.
    Sali Berisha deklaroi se Basha ishte një i riu në drejtim të PD-së, por shtoi se “është tjetër problem se çfarë përfaqësimi bëri ai për gjeneratën e vet”.
    “Nuk ishte përgjegjësia ime ajo”, deklaroi ish-kryeministri Berisha.
    Pyetje: A nuk e keni menduar ndonjëherë se lënia e kësaj force politike një lidershipi të ri do t’i jepte një tjetër frymëmarrje për tu përballur me këtë regjim që ju e cilësoni?
    Sali Berisha: Unë kam menduar dhe e kam bërë realitet atë. Unë e kam bërë realitet.
    Kjo pyetje nuk më shtrohet mua dot, se unë kur humba një palë zgjedhje që nuk ishin farsë, unë dhashë dorëheqjen. Dhe një i ri erdhi pas meje. Nuk e zgjodha unë atë, atë e zgjodhi anëtarësia e PD.
    Pasi u zgjodh, unë e mbështeta sepse unë isha thjesht një anëtar partie luajal i forcës time politike.
    Por nuk mund të mos thuash se nuk ishte i ri.
    Ishte i ri. Është tjetër problem se çfarë përfaqësimi bëri ai për gjeneratën e vet. Nuk ishte përgjegjësia ime ajo.
    Të tjerë ka me mijëra sepse unë kurrë nuk besoj në të pazëvendësueshëm. Por pyetja që më bëtë, unë jam njeriu që e kam provuar dhe e kam faktuar.
    Dhe kam vepruar shumë drejt. Unë nuk udhëhiqem nga paragjykimi. Mendova se një gjeneratë e re do ishte një shans i madh për forcën politike.