Të reja të rëndësishme te Real Madridi. Sipas FootMercato, sulmuesi brazilian, Rodrygo, me sa duket ka vendosur të largohet nga klubi spanjoll.
Sulmuesi ka refuzuar gjithashtu ofertën e bërë nga Tottenham, pasi kërkon të kalojë në një klub më të madh dhe më ambicioz se Spurs.
Arsyeja e vendimit të lojtarit për t’u larguar nga Madridi thuhet të jetë mungesa e respektit që i është treguar atij nga trajneri i ri Xabi Alonso, i cili e ka përjashtuar atë në mënyrë të përsëritur nga skuadra.
E ardhmja e Rodrygos te Real Madridi është në dyshim dhe një pikë kthese mund të vijë së shpejti.
Gazetari i njohur, Fabrizio Romano shpjegon se një takim midis palëve në lidhje me brazilianin do të mbahet javën e ardhshme, duke qenë se Los Blancos janë të hapur për ta lënë të largohet.
Gjithsesi, në Madrid janë të sigurtë për një gjë, Rodrygo nuk do të bashkohet me Al Nassr.
Klubi mbetet plotësisht i përqendruar në Evropë, me Arsenalin që po punon për t’i sjellë Artetës një përforcim yll në sulm.
Real Madridi pësoi një humbje të thellë ndaj PSG në mbrëmjen e djeshme, 4-0, duke u dorëzuar pa kushte dhe duke e përfunduar rrugën në Botërorin e klubeve. Ndërkohë më i kritikuari i momentit nga tifozët e Realit është trajneri Xabi Alonso.
I sapoardhur në skuadër, por kjo humbje ka mjaftuar për të shkarkuar gjithë emocionin negativ te ky trajner. Mediat spanjolle bëjnë të ditura se pas kësaj humbje, Real Madridi i ka thënë Xabi Alonso se do ta mbështesë atë, pavarësisht vendimeve që ai merr.
Madje në merkaton e verës, gjithcka do t’i lihet në dorë trajnerit dhe klubi do t’i përgjigjet për gjithë pjesën tjetër. Ndërkohë sipas drejtuesëve të Realit, problemi kryesor qëndron në egon e lojtarëve në skuadër. /Elio Hajdari-Sport Ekspres/
PSG-ja ka treguar supremacinë e vetë përballë Realit të Madridit. Parisienët kanë kaluar në avantazh 2-0 që në minutën e 9 të takimit, duke befasuar kështu spanjollët. Reagimi i Luka Modriçit është ai i të gjithë tifozëve të Realit të Madridit.
Kroati gjendej në stolin e rezervave, nga ku nuk po i besonte syve për atë çfarë po shihte në fushën e lojës. Modriçi ka vendosur duart në kokë pas pësimit të golit të dytë, ndërsa fytyra i tregonte hapur trishtimin që ndjente. Loja është ende duke u zhvilluar dhe është e vlefshme për gjysmëfinalen e Kupës së Botës për klube./Sport Ekspres/
Juventusi është eleminuar nga Botërori i Klubeve që po zhvillohet në SHBA. Humbja mininale 1+0 kundër Realit të Madridit e ka nxjerrë skuadrën italiane jashtë këtij kompeticioni. Trajneri i bardhezinjve ka thënë pas përfundimit të takimit se ekipi i tij ka marrë mësime nga Reali dhe Mançester Siti. Tudori është shprehur gjithashtu se lojtarë ishin tejet të lodhur, teksa 10 prej tyre kërkuan të zëvendësoheshin.
“Është një ndjesi e vështirë, sepse humbëm. Ka gjithashtu pak keqardhje. Ne dhamë gjithçka. Në fund, 10 lojtarë po kërkonin të zëvendësoheshin. Siti dhe Reali i Madridit? Ne shkuam në shkollë kundër dy ekipeve të nivelit më të lartë”, ka thënë Igor Tudori./Sport Ekspres/
24 Qershor 2025
20:13
Telesport
Xabi Alonso mesa duket i ka bërë dalje përfundimisht Raul Asencio-s. Mbrojtësi spanjoll ka treguar një dobësi në dy ndeshjet e fundit që nuk është e përshtatshme për standardet konkurruese të kërkuara nga klubi madrilen. Gabimet e tij në pozicionim dhe mungesa e qetësisë në momente kyçe kanë ndezur kambanat e alarmit.. Xabi Alonso ka qenë i drejtpërdrejtë me drejtuesit e klubit: ai ka nevojë për një mbrojtës që mund të marrë përgjegjësi që nga dita e parë.
Drejtuesit e Realit po ndjekin tre emra. Emri i parë është ai i Piero Hincapie, me të cilin Alonso ka punuar te Leverkusen. Ekuadoriani 23 vjeç, luan si në qendër të mbrojtjes ashtu edhe në krahun e majtë. Emri i dytë është ai i Ibrahima Konate, francezi është tashmë një qendërmbrojtës i sprovuar dhe është në vitin e fundit të kontratës me Liverpool-in. Deri tani nuk ka shenja për rinovim mes palëve dhe 26-vjeçari mund të largohet si lojtar i lirë verën e ardhshme, por Alonso nuk pret dot aq gjatë…
Emri i tretë është ai i Cristian Romero, mbrojtësi argjentinas i Tottenham, i cili ka kërkuar të largohet nga klubi londinez këtë verë dhe mund të jetë një alternativë e mirë për Xabi Alonso-n.
Pas transferimit të Dean Hujisen, Alexander-Arnold dhe Franco Mastantuono, Xabi Alonso ka kërkuar një tjetër përforcim nga drejtuesit e Realit, për repartin e mesfushës. Emri i sugjeruar nga Xabi Alonso është ai i mesfushorit të Stuttgart, Angelo Stiller.
Por, sipas raportimeve të mediave spanjolle, Florentino Perez ka dalë kundër dëshirës së Xabi Alonso-s dhe ia ka bërë të ditur që Real Madrid nuk do e transferojë këtë verë Angelo Stiller.
Shkak për këtë vendim është bërë shifra prej 70 milionë eurosh që Stuttgart kërkon për mesfushorin 24-vjeçar, një shifër që drejtuesve të Realit iu duket shumë e ekzagjeruar. Po ashtu Perez është i bindur që organika aktuale që ka Real Madrdi në mesfushë me emra si Jude Bellingham, Fede Valverde, Aurelien Tchouameni, Eduardo Camavinga, Dani Ceballo-s, si dhe prurja e re Franco Mastantuono, është e majftueshme për Alonso-n për sezonin e ri.
Përveç Stiller, për mesfushën e Realit për sezonin e ri janë përmendur edhe emra të tjerë si Mac Allister, Rodri apo Enzo Fernandez, por problem i përbashkët është kostoja e madhe e secilit prej tyre. E vetmja mënyrë që Reali të transferojë njërin prej emrave të përmendur është të shesë njërin nga yjet që ka në skuadër si Tchouameni apo Camavinga, por të dy francezët kanë besimin e plotë të Perez dhe shitja e tyre duket si një opsion tepër i vështirë për t’u realizuar këtë verë.
Adriatik BALLA
Merkato po tregohet agresive në këto dy javë të para të saj në Europë. Reali i Madridit përjetoi ndryshime thelbësore në fund të sezonit dhe në prag të sezonit të ri dëshiron të bëjë goditje në treg me elementë të rinj të talentuar, sikurse ishte Huijsen, por edhe duke biseduar edhe me një talent argjentinas. Ndërkohë, dy ditë më parë Liverpuli arriti marrëveshje me Florian Virtz. Lojtari i Bajer Leverkusen hapi një boshllëk te klubi gjerman dhe ekipi është hedhur në sulm për të gjetur pasuesin e tij. dhe sipas mediave gjermane është piketuar një lojtar i njohur i Realit të Madridit për të zëvendësuar Virtzin e larguar. Gjithçka duket bukur, por edhe befasuese. Kështu, Brahim Diaz, lojtari i Realit të Madridit, ka tërhequr vëmendjen e Bajer Leverkusen si një përforcim i mundshëm për të mbuluar largimin e Florian Virtz drejt Liverpulit.
Skuadra gjermane, e detyruar të gjejë një lider të ri ofensiv pas largimit të yllit të saj, e ka përqendruar vëmendjen te përfaqësuesi i Marokut, i cili ka lënë përshtypje shumë pozitive në fazën përfundimtare të sezonit me ekipin e drejtuar nga Karlo Ançeloti. Në “Santiago Bernabeu” vlerësohet shumë rritja e Brahimit dhe aftësia e tij për t’u përshtatur në role të ndryshme në vijën e sulmit. Shpejtësia, teknika dhe përkushtimi i tij e kanë kthyer në një aset të rëndësishëm, sidomos në momentet kur mungesat në skuadër kërkonin zgjidhje nga stoli. Megjithatë, vendi i tij në formacionin titullar mbetet i kufizuar për shkak të konkurrencës së ashpër në radhët e Real Madridit. Oferta e mundshme nga klubi gjerman, e cila mund të arrijë në shifra që vështirë të refuzohen, ka ndezur diskutime të brendshme në radhët e “Los Blancos”.
Edhe pse nuk ka një qëllim të qartë për ta shitur lojtarin, konteksti i tregut dhe kushtet ekonomike të propozuara nga Leverkusen mund ta ndryshojnë planin fillestar. Për më tepër, projekti ambicioz i Leverkusen dhe roli qendror që i ofrohet Brahimit mund të jenë faktorë që e tundojnë, nëse ai ndjen se nuk do të jetë pjesë kyçe në planet e Ançelotit. Me largimin e Virtz tashmë në proces, klubi i drejtuar nga Erik ten Hag ka intensifikuar përpjekjet për të mbyllur sa më shpejt transferimin e sulmuesit nga Malaga. Operacioni nuk është i lehtë, por në Valdebebas janë të vetëdijshëm se një ofertë e mjaftueshëm e lartë mund të hapë rrugën për negociata. Ndërkohë, Brahim vazhdon përgatitjet për sezonin e ardhshëm, duke pritur të shohë se si do të zhvillohet një e ardhme që duket më e hapur se kurrë më parë.
Mediat spanjolle kane raportuar kohët e fundt për pakënaqësinë e Rodrygos në Real Madrid, duke sugjeruar se ai po mendon largimin nga klubi për shkak të rolit të kufizuar në skuadër. Megjithatë, duket se situata ka marrë një kthesë pozitive pas ndërhyrjes së trajnerit të ri, Xabi Alonso.
Rodrygo ka qenë një nga lojtarët kyç të Realit në vitet e fundit, duke dhënë kontribut të rëndësishëm në trofetë e fituar, përfshirë gola vendimtarë në ndeshje të mëdha. Por me mbërritjen e Kylian Mbappé në Madrid, minutat e brazilianit kanë filluar të reduktohen ndjeshëm. Kjo ka ngjallur spekulime për një largim të mundshem, pasi ai ndihej i nënvlerësuar dhe me status të pasigurt në skuadër.
Pak ditë më parë, Rodrygo publikoi në rrjetet sociale një foto nga stërvitja me mbishkrimin “Feliz” (i lumtur) dhe disa emoji pozitive, duke dhënë një mesazh të qartë se ai ndihet mirë te Reali, ndonëse zërat për largim nuk kishin pushuar.
Sipas të përditshmes AS, pika vendimtare për të ardhmen e tij ishte një bisedë personale me Xabi Alonson.
Trajneri i ri i Real Madridit e ka siguruar Rodrygon se ai është pjesë e planeve të tij, edhe pse nuk i ka premtuar një vend fiks në formacion. Alonso i ka kërkuar brazilianit të luftojë për vendin e tij si çdo lojtar tjetër, duke i ofruar një mundësi të ndershme për të treguar veten. Rodrygo ka vendosur të qëndrojë dhe të vazhdojë të luftojë për fanellën e bardhë.
Real Madridi po kalon një fazë transformimi të thellë pas një sezoni pa trofe. Me mbërritjen e Xabi Alonsos në vend të Carlo Ancelottit, tani trajner i Brazilit, klubi ka zyrtarizuar edhe transferimet e Trent Alexander-Arnold dhe Dean Huijsen. Por nuk ka mungesë thashethemesh për largime të mundshme, veçanërisht atë të Rodrygos.
Talenti brazilian, i cili mbërriti në Madrid në vitin 2019, ka tërhequr vëmendjen e disa klubeve të Premier League, përfshirë Arsenalin, Chelsean dhe Manchester Cityn. Ndërsa shtypi spanjoll po raporton një takim të afërt midis Rodrygos dhe Alonsos për të diskutuar të ardhmen e tij, The Athletic në Angli shkruan se lojtari mund të jetë një nga prioritetet për Mikel Arteta-n, trajnerin e “Topçinjve”.
Pavarësisht një sezoni zhgënjyes me 14 gola dhe 10 asiste në 51 ndeshje, Rodrygo vazhdon të vlerësohet shumë, me një çmim tregu prej 90 milionë eurosh. Me Vinicius dhe Kylian Mbappé që udhëheqin sulmin e Realit, e ardhmja e Rodrygos gjithesesi mund te jete Realit por merkaton e dime si funksionon…